09.02.11 annex7.SDF 2002 Guidelines

Bergrivier Spatial Development Framework,2008
bestaan om beskutte buitelugruimtes te skep.
Groot kampeerterreine of woonwaparke moet op geskikte, gelyk en nie-sensitiewe
terreine ontwikkel word.
Kleinskaalse sakegebruike soos ‘n oordwinkel, ontspanningsfasiliteite enindien wenslik,
konferensiegeriewe is toelaatbaar.
Die roetes van dienste soos telefoon- en kraglyne, waterpype en nuwe paaie moet
aangedui word, veral waar dit deur die natuurlike omgewing sal gaan. ‘n Aanduiding
moet gegee word van die mate waarin die omgewing geraak word en voorgestelde
rehabilitasiemaatreëls.
Indien ‘n opsie vir vervreemding van eenhede oorweeg word behoort eenhede in ‘n
verhuringspoel verhuur te word aan vakansiegangers vir dié dele van die jaar wanneer
die eienaars nie self daar vakansie hou nie, spesifiek in die geval waar natuurlike
hulpbronne bestaan waartoe die algemene publiek toegang behoort te hê.
6.2.8.2 Toelaatbare gebruike
Residensiële gebruike: Groepsbehuising en trosbehuising is toelaatbaar. Indien
vervreemding oorweeg word behoort private huiseienaars ‘n poel huise vir
korttermynverhuring beskikbaar stel, in die geval waar hulpbronne aanwesig ia waartoe die
algemene publiek toegang behoort te hê.
Vakansie-akkommodasie geriewe: Lodges/hotel. Chalets, bungalows en vakansiewoonstelle
vir korttermyn verhuring of vervreemding. Indien vervreemding oorweeg word behoort ‘n
verhuringspoel geskep te word, in die geval waar hulpbronne aanwesig is waartoe die
algemene publiek toegang behoort te hê. Kampering, woonwastaanplekke.
Sakegebruike: ‘n Oordwinkel, restaurant en konferensiegerief is toelaatbaar indien die
dra-kapasiteit van die omgewing en skaal van die ontwikkeling dit toelaat.
Ontspanningsgeriewe: Dag-oord-geriewe vir dagbesoekers, piekniekterreine,
wandelpaaidjies, ablusiegeriewe, swembaddens, getypoele, sportgeriewe soos tennisbane,
miniatuur golfbane, ens.
Infrastruktuur: Alle verwante infrastruktuur wat verband hou met oorde.
Elke ontwikkelingsaansoek behoort egter op eie meriete oorweeg te word.
6.2.9 Publieke Oopruimte
Die voorsiening van funksionele publieke oop ruimte is belangrik om in die behoeftes van
ontspanning van die gemeenskappe. Beleidsriglyne in dié verband is as volg.
6.2.9.1 Beleidsriglyne
Benutbare publieke oop ruimte behoort voorsien te word wat toeganklikheid en
sentraliteit vir alle inwoners van ‘n spesifieke woongebied verseker.
Publieke oop ruimte behoort as meerdoelige oop ruimte voorsien te word bv. vir
passiewe (bv. stap en sit), sowel as aktiewe (bv. informele balspel), doeleindes.
Vereiste vir die voorsiening van kleiner beskermde speelparke vir kinders binne ‘n
woonbuurt, sluit in:
- Die terreine moet veilig wees vir kinders om in te speel.
- Dit moet nie aan hoofvervoerroetes geleë wees nie.
- Dit moet ontwikkelbare terreine wees.
- Speelapparaat moet bestand wees teen vandalisme en die elemente van die natuur.
- Dit moet as ‘n sosialiseringsruimte binne ‘n woonsel funksioneer.
Die skakeling van publieke oop ruimte met ander fasiliteite soos skole, sakenodusse,
kerke en ouetehuise behoort bevorder te word ten einde veilige beweging van
voetgangers te verseker.
Publieke oop ruimte behoort beplan en ontwerp te word as ‘n integrale deel van die dorp,
deur gebruik te maak van die elemente van diversiteit, uniformiteit, teksture en
natuurkleure om dit te laat konsentreer of te harmonieer met die stedelike -en
argitektoniese vorms en strukture.
Standaarde vir minimum grootte van grond vir oopruimtes uitgedruk as ‘n oppervlakte of
digtheidsformule behoort veranderbaar te wees en nie rigied toegepas word nie.
Rode & Associates CC × Africon (Pty) Ltd× Anneke de Kock Environmental Consultants× Prof. Wolfgang Thomas
40