Die Bedieningsgawes van Jesus Christus pdf - Ecclesia

Teksverse uit 1953 Vertaling
Deur: F.W.C. Neser, M.Sc.
Die Bedieninggawes
van
Jesus Christus
1

Die Bedieninggawes van Jesus Christus
Outeur F.W.C. Neser
Kopiereg F.W.C. Neser
Uitgewer F.W.C. Neser
Posbus 31571
Wonderboompoort
0033
Tel / Faks: (012) 379-8954
e-pos: ekklesia@telkomsa.net
Kantoorure: Maandag, Dinsdag)
Donderdag, Vrydag
09:00 -12:00
Drukker Jotha Drukkers,
CK95/28940/23
Tel: (012) 46-5964
(083) 453-0969
Nuwe Druk 2006
ISBN 0-620-27048-9
2

Inhoud:
Voorwoord................................................................................................................4
Inleiding....................................................................................................................5
Die Apostel.............................................................................................................28
Die Profeet.............................................................................................................48
Die Evangelis.........................................................................................................66
Die Herder..............................................................................................................87
Die Leraar............................................................................................................107
Sommige ander Gawes.......................................................................................126
3

Voorwoord.
Voorwoord tot die Bedieningsgawes van Christus en die Gawes en Vrug van die
Heilige Gees.
Voordat ons Here Jesus vir ons aan die kruis gesterf het, het Hy sy dissipels
beloof dat Hy na sy terugkeer na die Vader vir hulle die Trooster, die Heilige Gees
sou stuur. Hy sou hulle in die hele waarheid lei, en van Hom (Jesus) getuig, en
Hom verheerlik. Hy sou hulle dus nie as weeskinders en ook nie herderloos
agterlaat nie.
Hy sou manne opwek wat hierdie herderskap van Hom (Jesus) sou voortsit. Die
Apostel Paulus noem hierdie herders “bedieninge” wat Hy (Jesus) as ‘n gawe aan
die heiliges sou gee om hulle op te pas, te beskerm en toe te rus vir hulle
dienswerk en hulle te lei tot volwassenheid in Christus om nie meer heen en weer
geslinger te word deur elke wind van lering nie.
Saam met die Gawe van die Heilige Gees sou daar ook die Vrug van die Heilige
Gees wees. Dit sou na ‘n grondige bekering en die doop kom. Dit is die
grondslag van dissipelskap. Hierdie dissipels moes dan geleer en toegerus word,
soos hierbo genoem.
Ek het die groot behoefte aan lering baie dringend gevoel. In die middel
sewentiger jare het ek toe begin met ‘n paar reekse Bybel Studies oor: Bekering,
die Doop, die Doping in die Heilige Gees, die Gawes van die Heilige Gees, die
Vrug van die Heilige Gees en die Bedieningsgawes van Christus.
Hierdie Studies is almal op kasset opgeneem.
Suster Rieta Schilling en haar man Jörg het transkripsies daarvan gemaak (met
die hulp van ‘n groot aantal susters uit die gemeente) en het dit verwerk en op
Rekenaar geplaas sodat ons dit kon laat druk. Ons is almal innig dankbaar
teenoor hulle, vir so ‘n groot taak wat met die grootste liefde gedoen is. Ons dank
ook aan suster Johanna van Heerden wat vir ons geproeflees het.
Ons glo vas dat soos dit hierdie Bedieninge, Gawes en Vrug was, wat die
Christelike Geloof gegrondves het en met groot tekens en wonders en dade van
die Heilige Gees die eerste Gemeentes tot stand laat kom het, dit weer so gaan
wees.
Voor die Wederkoms van ons Here Jesus, in hierdie dae van verskriklike verval,
is dit alleenlik so ‘n Bediening wat ons uit hierdie toestand gaan uitruk en
voorberei om ons Koning te ontmoet.
Dit is dan ook ons innige bede dat dit in die hartsbehoefte van menige gelowiges
in Israel sal voorsien.
F. W. C. Neser,
Namens Ekklesia Evangeliegroep,
30 November 2000.
4

Die Bedieninggawes van Jesus Christus
(Kasset nr. L020)
Inleiding
Ons begin met die reeks Studies (wat ek glo van die uiterste belang is) naamlik
die bedieninge van Christus. In Engels “the offices of Christ”, of ook “the ministry
gifts of Christ”. Ons gaan drie kort gedeeltes met mekaar lees, ter aanvang.
Efésiërs 4:11-12;
11 En Hy het gegee sommige as apostels, ander as profete, ander as
evangeliste, ander as herders en leraars,
12 om die heiliges toe te rus vir hulle dienswerk, tot opbouing van die
liggaam van Christus.
Dit is ‘n geweldige stelling daardie en van die uiterste belang.
Hy het gegee sommige as apostels, ander as profete, ander as evangeliste,
ander as herders en leraars, daar is vyf van hulle, om die heiliges toe te rus vir
hulle dienswerk tot opbouing van die liggaam van Christus. Met ander woorde,
as die heiliges toegerus sal word vir hulle dienswerk en die liggaam van Christus
opgebou word, dan moet ons daardie vyf bedieninge in die gemeente hê. Dit is
die bedieninge wat verval het, nie baie lank na die dae van die apostels nie. Dit is
wat die Here moet en gaan herstel in hierdie dae waarin ons lewe, voor die
wederkoms van die Here Jesus, nie net vir sy eer nie, nie net vir die opbouing en
die voltooiing van die liggaam van Christus nie, maar ook die hoof te bied vir die
sataniese uitbarsting wat gaan kom om die koms van die Here Jesus uit te daag.
Ons sien vandag die hele wêreld oor, ek is daar seker van, selfs toe u nog jonger
was, ek weet ons lewe miskien in ‘n afgesonderde wêreld, maar ons het nie
gehoor van satans kerke en baie van hierdie okkulte bedrywe nie. Vandag skiet
dit op soos paddastoele. Wat gaan dit die hoof bied? Daar is geen liggaam,
geen organisasie in God se plan in die ganse wêreld behalwe die kerk, die ware
liggaam van die Here Jesus nie. Ons moenie skrik soos die kinders van Israel
toe hulle gekom het op die grense van die Beloofde Land nie. Hierdie dinge is
ook ons beloofde land in daardie opsig. Ons moenie skrik wanneer ons hulle
“versterkte stede” sien nie.
Baie van die Here se kinders skrik net soos die kinders van Israel van ouds en sê:
“Hoor hierso, moenie te diep in dinge ingaan nie, moet niks daarmee te doen hê
nie, jy sal jou vingers verbrand” en dit en dat. Net soos die tien verspieders ook
maar vir Israel gesê het en die hart van die hele volk week gemaak het. Dank
God, daar was twee, ‘n Josua en ‘n Kaleb wat gesê het: “Ons kán die land in besit
neem!”
Ons volgende Skrif is:
1 Korinthiërs 12:28; (‘n Skrif wat al baie in ons vorige studies voorgekom het).
5

28 En God het sommige in die gemeente gestel: in die eerste plek apostels,
ten tweede profete, ten derde leraars, daarna kragte, daarna
genadegawes van gesondmaking, helpers, regeringe, allerhande tale.
Let mooi op; “in die gemeente”, dit is belangrik.
Romeine 12:6-8;
6 En ons besit genadegawes wat verskil volgens die genade wat aan ons
gegee is:
7 is dit profesie, na die maat van die geloof; of bediening, in die werk van
die bediening; of wie leer, in die lering;
8 of wie vermaan, in die vermaning; wie uitdeel, in opregtheid; wie ‘n
voorganger is, met ywer; wie barmhartigheid bewys, met blymoedigheid.
Nou net soos ek vir u herhaaldelik beklemtoon het toe ons die gawes van die
Heilige Gees met u behandel het en ook daarna die vrugte. U moet onthou dit is
bonatuurlik. Daarom is dit die Bedieningsgawes van Christus en die Vrug en die
Gawes van die Heilige Gees.
Dit is bonatuurlik, dit is nie van menslike hoedanighede of talente of kragte nie, dit
is bonatuurlik. Net so is hierdie vyf bedieninge bonatuurlik. Dit is die bedieninge
van Christus. Dit is Christus wat deur mense werk en daardie bedieninge in hulle
uitvoer en tot stand bring. Dit is daarvoor, waarvoor ons moet bid dat die Here
ook daar, sy plan sal voltooi in hierdie laaste dae.
Die skriftuurlike raamwerk van die oorspronklike kerk gedurende die eerste
100jaar na onse Here Jesus was volgens hierdie patroon. Geen wonder dat Hy
so kragtig was nie, geen wonder dat Hy die magte van die hel kon weerstaan nie,
geen wonder dat ten spyte van al die vervolging, van al die martelary, dat hulle
kragtig was en dat deur daardie stukrag, die magtige Romeinse Ryk die eerste
drie eeue omvêr gegooi was.
Die Here Jesus het na sy hemelvaart, hierdie vyf bedieninge aan die gemeente
gegee, en Hy het dit nog nooit teruggetrek nie. Dit staan vandag nog. Maar kyk
deur die eeue hoe ons God se planne, God se patroon verander het. Dit is
pouse, dit is moderators; met alle respek vir die werk wat hulle doen, en
allerhande ordes en range wat glad nie volgens die Here se patroon is nie.
Soveel het ons afgedwaal, dat as jy vandag in baie opsigte die bedieninge noem;
apostel, profeet en so aan, dan sê hulle: “o ja, sektaries en van die spoor af”, en
so aan. Die Satan was so slim dat hy selfs met sy namaaksels gekom het, soos
ons weet in die leer van die 12 apostels, dat hulle selfs met hierdie dinge kom en
dat hulle baie mense vang. Een van die eerste Skrifte wat hulle vir die mense
lees is Efésiërs 4. Ek kan dit werklikwaar sê, met hulle satansbediening, dit is
altyd so, as die kerk nie op sy regte plek is nie, dan sal Satan sorg dat hy ‘n
namaaksel daarvan sal hê.
Ten eerste apostels, profete, herders, leraars, evangeliste en so aan. Die Here
Jesus self is die Hoof Apostel van die gemeente. Het ons dit geweet?
Kom ons kyk na:
Hebreërs 3:1; (Daar word Hy duidelik dit genoem).
6

Daarom, heilige broeders, deelgenote van die hemelse roeping, let op die
Apostel en Hoëpriester, van ons belydenis, Christus Jesus.
Die Apostel en Hoëpriester van ons belydenis, Jesus Christus. Net soos Hy
die Opperherder is, so is Hy ook die Opperapostel van die gemeente.
Elk van die bedieninge is geesvervulde bedieninge. Dit is ‘n geesvervulde gawe
aan die gemeente. Die vyf bedieningsgawes dus, die nege gawes van die Heilige
Gees, en die nege Vrugte van die Heilige Gees, openbaar die Here Jesus in sy
verskillende hoedanighede. Dit was altyd die bedoeling van die Here Jesus dat
Hy, soos Hy vir die mense gesê het, toe hulle gesê het: “ons wil die Vader sien,
toon ons die Vader”, toe sê Hy vir hulle: “Het julle nie vir My gesien nie? Hy wat
vir My gesien het, het die Vader gesien”. Dit was altyd sy bedoeling gewees,
terwyl Hy wag vir sy wederkoms, dat as die wêreld sê: “maar ons wil graag die
Here Jesus sien”, dat hulle die Here Jesus in sy liggaam sal sien, in sy krag, in
sy werking, in sy liefde, in sy bonatuurlike bediening. Mag die Here genade
gee dat u hierdie samevatting in u gedagte sal hê.
Dat u nou die gawes, (het ons met u klaar behandel), en nou die bedieninge, dat
wanneer u dit klaar sien, u sal sien dit is die volmaakte verteenwoordiging van
onse Here Jesus op aarde. Sodat ons kan sien wat Hy bedoel, as Hy sê ons is:
“been van sy been en vlees van sy vlees”, ook wat Hy bedoel as Hy sê: “soos Hy
is, is ons ook in hierdie wêreld”.
Daardie Skrif is in: 1 Johannes 4:17;
Hierin het die liefde in ons volmaak geword, dat ons vrymoedigheid kan
hê in die oordeelsdag; want soos Hy is, is ons ook in hierdie wêreld.
Soos Hy is, is ons ook in hierdie wêreld.
Prys die Here!
Die meeste mense aanvaar dat Petrus en Paulus apostels was, as hulle tog maar
net ook Petrus en Paulus se lering aanvaar in sy volheid, dan sal hulle al die baie
dinge hê wat hulle nie vandag het nie. As ons praat van die Apostel Petrus, van
die Apostel Paulus, of sommige van die ander apostels in die Bybel, heeltemal in
orde, heeltemal reg genoeg. Maar as ons vir hulle sê dat die bediening van die
apostels het nog nooit opgehou nie; nêrens in die Bybel staan dit dat daar vandag
nie meer apostels moet wees nie. Dit is reeds die een groot fout wat mense
maak: “o ja, Petrus, die Here kan daardie groot dinge deur hom doen want Petrus
was ‘n apostel”. Die Here kon daardie groot ding doen deur Paulus want Paulus
was ‘n apostel. Maar hulle is vir 2000jaar al nie meer hier nie.
Die duiwel is baie tevrede daarmee. Maar net soos Petrus ‘n apostel was, en
soos Paulus ‘n apostel was, en Johannes, so het die Here dit verordineer dat in
sy gemeente daar altyd die apostel sal wees. Soos ons vir u sal wys wat die
bediening van die apostel was. Dit sal u hart bekoor en mag die Here genade
gee.
Sy woord sê in:
7

Romeine 10:17;
Die geloof is dus uit die gehoor, en die gehoor is deur die woord van God.
Sal u nie met my saamstem dat dit juis een van die tragedies is van die
Christelike Kerk, daar is so baie dinge wat ons nie meer hoor nie en dit is daarom
dat ons dit nie meer glo nie. As ons dit weer hoor, as dit weer gepredik gaan
word in die krag van die Heilige Gees, sal dit geloof opwek in ons harte en as ons
daarvoor begin glo, en die Here sê: “Laat dit vir julle wees volgens julle geloof”.
Dit sal dan terugkom, dit is besig om uit te gaan, die hele Christen wêreld oor, ek
dank die Here.
U moenie dink dat hierdie ou Bybel Studietjie in isolasie is. Daar is sulke Bybel
Studiekringe, ek dank die Here, die Christen wêreld oor. Maar in die tussentyd
moes baie van die kringetjies maar eers ‘n bietjie uitstap uit die kerk uit, want dit
was, of is nie, vir hulle toegelaat nie. Maar ons dank die Here, volgens Sy belofte
gaan die lig deurbreek. Prys die Here!
Ja, Paulus was ‘n apostel, Petrus was ‘n apostel, maar hulle kon ook die
bediening van ‘n apostel uitvoer. Maar u weet, dit was mos nou Paulus, dit was
Petrus. Moenie dat iemand vandag kom en homself aanmatig om ‘n apostel te
wees nie. Ek wil vir u sê, die ware apostel, die ware profeet of enige van die
bedieninge, sal homself in elk geval dit nooit noem nie. Sy bediening sal dit
bewys. Daarom het ons dit ook so in ons konstitusie geskrywe. As u ons boekie
lees, dan sal u sien daarin sê ons: “ons erken die bedieninge, maar hulle
bediening sal dit in hulle lewens bewys, dat hulle dit is”. Nie rondloop en homself
aanmatig: “ek is apostel so en so, en ek is profeet so en so nie”. Nee, jou
bediening sal dit wys en jyself sal dit nooit eers noem nie.
Die Apostel Paulus leer dat die eerste gawe aan die gemeente, juis die apostel is
soos ons nou gelees het in Efésiërs 4:11-12. Dit is wat Paulus leer. Nou ja, as
die Here dit dan gegee het, hoekom sal Hy dit dan ontken. As ek dit raaksien wat
die bediening, wat die funksie daarvan is, dan sal ek sê: “Here bring dit terug”, en
dit is aan die terugkom. Loof die Here!
Nou die woord en die naam apostel is nie so ‘n vreeslike ding nie. Dit het in ons
tyd amper ‘n soort van ‘n skeldnaam geword, maar is eintlik ‘n wonderlike naam.
Dit beteken maar net, “boodskapper” of “iemand wat gestuur is”. In hierdie laaste
herstel van die gemeente, o, wat my so bekoor, ek is so bly, u moet my maar
verskoon as ek partykeer baie opgewonde raak oor die gemeente. Die liggaam
van Christus, vir my is dit die skoonste skepping wat God nog ooit geskep het,
want dit is die liggaam van Christus op aarde, o, ek kan sy glorie en sy
heerlikheid sien in hierdie laaste dae. In hierdie laaste herstel van die gemeente
behoort ons ‘n herstel van hierdie bedieninge te sien. U moet daarvoor begin glo
en u moet uself daarvoor begin beywer, en u moet daarvoor begin bid.
Ek bid vir jare al, in my lewe, nadat ek hierdie dinge gesien het. Ek sê altyd, en
daar gaan baie min dae in my lewe verby wat ek nie bid nie, en sê: “Here, herstel
8

aan die gemeente, die gawes, die vrugte en die bedieninge in al hulle krag en in
al hulle glorie”. Sit dit op u gebedslys, bid daarvoor, dank die Here daarvoor want
Hy het dit belowe. Hierdie herstel is deel van God se belofte vir hierdie dae
waarin ons lewe.
Matthéüs 16:18; (die baie lieflike ou teksie wat ons seker al uit ons hoof uit kan
opsê.)
En Ek sê ook vir jou: Jy is Petrus, en op hierdie rots sal Ek My gemeente
bou, en die poorte van die doderyk sal dit nie oorweldig nie.
Die draak sal sekerlik sy uiterste doen om die gemeente in te sluk in hierdie dae,
maar hy sal dit nie oorweldig nie.
Efésiërs 5:25-27;
25 Manne, julle moet jul eie vroue liefhê, soos Christus ook die gemeente
liefgehad het en Homself daarvoor oorgegee het
26 om dit te heilig, nadat Hy dit gereinig het met die waterbad deur die
woord,
27 sodat Hy die gemeente voor Hom kon stel, verheerlik, sonder vlek of
rimpel of iets dergeliks; maar dat dit heilig en sonder gebrek sou wees.
Kan u sien?
Dit is die roeping en dit is die plan van God. Gaan enige mag uit die hel dit nie
laat gebeur nie? Nooit! Prys die Here! Daarom, moenie vrees nie, moenie kyk
na die magte wat daarteen opgestel sal word nie. Dit is God se orde vir hierdie
dae dwarsdeur die Christelike Dispensasie. Maar in hierdie laaste dae is dit God
se orde en as ek dit amper vir u so kan stel, as ek mag, dit is die redding van die
wêreld. Ek glo die Here is besig om hierdie gemeente vir Hom op te bou. Die
Gawes, die Vrug en die Bedieninge te herstel om aan hierdie wêreld ‘n laaste
geleentheid te gee, om die krag en die heerlikheid van God te sien voor die groot
en deurlugtige dag van die Here.
Die boek Openbaring sê dat die wat skoon is sal skoner word, die wat vuil is,
vuiler word. Dit beteken maar net weer die skeiding van die skape en die bokke.
Dit is nie daardie finale skeiding met die koms van die Here nie. Dit sal nie
sommer net eensklaps wees nie, dit is besig om te gebeur en die Here gaan sy
gemeente herstel in sy volheid sodat die skape, die Here se skape, sy stem kan
hoor. Dat die gemeente sy stem hoorbaar gaan maak op aarde vir ‘n laaste keer
in hierdie laaste geslag. Ek is baie opgewonde hieroor in my hart.
Loof die Here!
Ons kan dit alreeds sien gebeur en die Here het alreeds baie van hierdie
bedieninge al in werking. In ons dae het jy dit nog net nie mooi agtergekom nie
want ons het net nog nie die oog daarvoor gehad nie. U moet mooi kyk, hierdie
bedieninge is besig om te ontwikkel voor ons oë. Die Here is besig om sy
diensknegte en diensmaagde uit te stuur en hierdie bedieninge uit te voer. Dit sal
net al meer en meer in die oog kom en na vore kom. Daar is weer ‘n terugkeer
van die bonatuurlike in die gemeente. Dank die Here vir die mate wat ons dit
selfs in ons eie gemeente het. Ons weet dat ons kan sê: “nie omdat ons dit
9

ereik het of omdat ons volmaak is nie, maar ons jaag daarna asof ons dit kan
gryp”.
As jy die kerk neem oor die algemeen, 50-, 60-, 70jaar gelede by die jaar 1905;
waar het jy in die kerk oor die algemeen gehoor van die gawes, dat daar
wonderwerke van genesing plaasvind, dat daar vir siekes gebid word, dat daar
weer duiwels uitgedrywe word? Daar was nie van gehoor nie. Dit is van daardie
tyd af al begin ontwikkel, dat in baie kringe vandag, is dit al amper algemeen. Dit
is vir ons nie meer snaaks as ons van ‘n genesings diens hoor nie, of as ons hoor
van die uitdrywing van demone nie. Kyk hoe ver het die Here alreeds met ons
gekom en ons is op pad na daardie volmaakte patroon. Loof die Here!
As ons in besonderheid wil ingaan en u wil ‘n nota maak daarvan kan u gerus
Handelinge 8 neem en as u weer ‘n stilte tydjie het of u soek na ‘n gedeelte om te
lees of te bepeins, bestudeer bietjie vir Handelinge 8; Filippus se bediening in
Samaría. Kyk ‘n bietjie wat het daar plaasgevind, hoedat demone daar uitgedryf
is en met groot geskreeu uitgekom het, hoedat groot tekens en wonders daar
plaasgevind het. Daar was groot blydskap in daardie stad en hoedat die mense
volgens die Bybel se patroon daar gedoop is en hoedat die mense later daar
vervul is met die Heilige Gees onder die bediening van Petrus en Johannes.
Daardie patroon is besig om terug te kom in die gemeentes.
Markus 16:17-20; (besig is om homself al meer en meer te herhaal in ons dae).
17 En vir die wat geglo het, sal hierdie tekens volg: in My naam sal hulle
duiwels uitdryf, met nuwe tale sal hulle spreek,
18 slange sal hulle opneem; en as hulle iets dodeliks drink, sal dit hulle geen
kwaad doen nie; op siekes sal hulle die hande oplê, en hulle sal gesond
word.
19 Nadat die Here dan met hulle gespreek het is Hy opgeneem in die hemel
en het gaan sit aan die regterhand van God.
20 Maar hulle het uitgegaan en oral gepreek, en die Here het saamgewerk
en die woord bevestig deur die tekens wat daarop gevolg het. Amen.
Die Here begin dit al meer en meer te doen en dan, as u teruggaan na die dae
van die Nuwe Testament, waar ‘n Filippus gegaan het of waar ‘n Petrus gegaan
het of waar ‘n Paulus gegaan het, waar die Here se woord in krag bedien was,
daar het die mense tot bekering gekom en daar is die gemeentes gestig.
Vandag begin dit weer gebeur. Die Here se woord word met krag verkondig, dit
word bevestig deur die tekens wat daarop volg. Meer en meer mense sê: “Dit is
wat ons harte begeer, dit is die weg wat ons wil volg” Ons kom bymekaar en daar
word gemeentes gestig en groepies mense vorm bymekaar en hulle sê: “Ons
staan daarvoor, ons lewe die Bybelse patroon uit”.
Al meer en meer begin dit gebeur. Dit is besig om herstel te word, dit is in die tyd
van die groot herstel. Moenie dat mense vir u sê: “Ons is in ‘n vreeslike tyd van
10

afval, o, ons sal nog al meer en meer afvallig word”. Dit is reg, sekere mense,
sekere groepe, die wat vuil is sal vuiler word, maar die wat skoon is, is besig om
al skoner te word. Loof die Here! Die wat soek na die waarheid, die wat ‘n
verlange na God in hulle harte het, hulle begin al meer en meer vra na die
waarheid en na die krag en heerlikheid van God. As hulle Hom geproe het, dan
sê hulle: “Dit is soet in ons harte en dit is wat ons wil hê en ons wil nooit weer
daarvan afwyk nie”.
Nou hierdie vyf bedieninge is baie, baie nodig in ons dae, daarmee sal u sekerlik
met my saamstem. Elke herlewing het ook sy sataniese nagemaakte herlewing
en u kan mooi kyk ook in hierdie tyd wanneer die Here besig is om te begin werk,
is Satan ook besig om te werk. Net soos daar ‘n herlewing is van die Heilige
Gees, so is daar ‘n herlewing van die duiwel se werke. Dit is ‘n aangrypende
studie deur die Bybel, jy kan oral kyk deur die Bybel, net wanneer God begin
werk, dan probeer Satan hom altyd voorspring. Oral, op elke gebied kan jy dit
sien. Dit sal my te lank neem om daarop in te gaan maar u kan maar mooi
daarna kyk en daarom, omdat die Satan so bedrywig is, ook vir die rede dat hy
weet sy tyd word kort.
Het ons nie hierdie bedieninge nodig nie? Gaan ons op die gewone manier van
kerk hou, mense se lewens vir hulle oopmaak en vir hulle verlos van die duiwels
waarmee hulle besig is? Baie mense weet nie eers dat hulle met verkeerde dinge
besig is nie en in baie van ons groot kerke, (mense woon séance by, mense laat
hulle fortuin vir hulle vertel, mense laat hulle koppies vir hulle lees, mense laat
hulle handpalms vir hulle lees) word hulle nie eers daarteen gewaarsku nie. Hulle
word nie eers daarteen geleer nie, in ons kerke sit daardie mense.
Ek weet nie of dit in u ondervinding is nie, maar ek weet van sekere gemeentes
wat selfs op hulle basaars sekere van hierdie dinge het, en dan moet jy soveel
betaal dat iemand jou koppie vir jou lees, wat die teeblare vir jou doen en daardie
soort van ding, waar die leraars nie eers weet dit is verkeerd nie. Het ons nie die
bedieninge van Christus baie, baie nodig in hierdie tyd van Satan, met al sy
herlewing en sy nagemaakte tekens en wonders nie? Want u moet onthou, die
duiwel is ook ‘n bonatuurlike wese en hy het ook sy bonatuurlike werkinge.
Ek noem vir u byvoorbeeld Simon die towenaar daar in Handelinge 8. Toe
Filippus daar was, hier is die groot meneer wat homself as ‘n god laat reken het
deur al die wonderlike dinge wat hy gedoen het. Dit word vir ons vertel in die ou
geskrifte dat Simon die towenaar selfs deur die lug kon vlieg; sulke magtige
duiwelskunste het hy oor beskik. Dink net ‘n bietjie, ‘n mens is maar bygelowig,
hy is maar vreesagtig van geaardheid vir die onbekende. Net voor Filippus daar
gekom het, het daardie duiwelsman die hele stad in sy hand gehad.
Wat gaan vir Simon die towenaar onttroon? Net die krag van God, net ‘n Filippus,
die evangelis wat in die krag van die Heilige Gees gegaan het en die superieure
11

krag gedemonstreer het. Ons gaan nie die wêreld oorwin en die mensdom verlos
op enige ander manier nie. Ons moenie vir ons laat mislei deur allerhande dinge
nie. Ons moet hierdie dinge in ons lewens terugkry.
U moet ook nooit u self daarmee tevrede stel, dat dit nou maar net baie
interessant en goed is om hierdie dinge te leer nie. Onthou dit is nie die doel nie.
Die doel is dat u hierdie dinge moet belewe en dat hierdie dinge in ons midde in
werking moet kom. Satan met al sy namaaksels en met al sy verset teen God,
ons het die mag en die opdrag om dit te verbreek.
Efésiërs 4:12-13; (Ons kyk na die sewevoudige program van ‘n herstel van God
vir die gemeente. Ek voel dit is noodsaaklik dat ek hierdie lesing vir u gee as ter
inleiding voordat ons werklik nou elkeen van die verskillende bedieninge op
sigself behandel).
12 Om die heiliges toe te rus vir hulle dienswerk, tot opbouing van die
liggaam van Christus.
13 totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus.
Nou ja, dit is pragtig, maar as ‘n mens dit sommer net lees dan ontgaan miskien
90% van die betekenis daarvan. Onthou hy sê in vers 11, “en Hy het gegee
sommige as apostels, ander as profete, ander as evangeliste, ander as herders
en leraars”, en toe noem hy daar sewe redes waarom hierdie vyf bedieninge
gegee is, en as ons dus die bedieninge wil verstaan moet ons ook sien waarom
dit gegee is.
Punt 1
Nou in die eerste instansie sê hy:
“Om die heiliges toe te rus vir hulle dienswerk”. Daarvoor het jy die vyf
bedieninge nodig. Nou wat was hierdie “toerusting” vir hulle dienswerk? Die
betekenis in Engels van hierdie “toerusting” is “to mature”, of om ryp te maak, om
hulle volwasse te maak vir hulle dienswerk. Nou u sal met my saamstem - u het
seker die band geluister van John Ortiz, u het ook geluister toe ek vir u in ons
dienste verslag gedoen het. Hoedat hy die klem daarop gelê het hoe ons gewone
volwasse lidmate is. Dat ons nog maar babatjies is in die dinge van die Here.
Die een rede waarom ons nog babatjies is, is omdat ons hierdie bedieninge nie in
die volle krag in die gemeente het of verstaan nie. U sal dit sien wanneer ek
elkeen van hulle met u behandel, dat nie net die krag van God nie, maar die
outoriteit van God moet terugkom in die gemeente. Daar moet outoriteit wees,
die mense moet weer leer om die Here te vrees. Nie ‘n sieklike vrees nie, ‘n regte
vrees. Dan sal ons nie meer babatjies bly nie, dan sal dit nie vir ons nodig wees
om allerhande programme in ons kerke, allerhande sosiale bedrywe te hê net om
die mense te vermaak, te trek, en om dit vir hulle interessant te maak nie, anders
kom hulle nie kerk toe nie.
12

Laat ons tog nooit onsselwers daarop instel dat dit al is, wat daar vir ons is nie.
Wanneer ons die vyf bedieninge terug het in die gemeente en die krag van God
daar werk, dan sal die krag van die Here die mense trek. Ek dank die Here, as ek
terugdink, toe hierdie groepie van ons ontstaan het, daar was niks, van enigiets,
selfs wat ons vandag doen nie. Die bonatuurlike, die afwagting, die wonderlike
avontuur van elke diens het die mense laat toestroom. Die Here het seker Sy
plan gehad, as ons net daarmee kon volhou en as ons mense net hierdie dinge
kon verstaan.
Vandag toe ek nou voorberei vir u, en ek kyk terug na my notas, toe ek in daardie
tyd ook hierdie dinge met ons mense behandel het, toe lyk dit vir my, was dit vir
hulle ook so wonderlik. Hulle kon nie stilsit in ‘n studie soos hierdie rondom die
woord nie, nee, die vonke moes net spat die hele tyd. Die tekens en die wonders
en die bonatuurlike moes net aangaan.
Ek het vir hulle gesê: “Mense, ‘n vuur kan nie brand sonder brandhout nie, daar
moet hout wees om op die vuur te sit om hom gedurig aan die gang te hou, kom
Bybel Studies toe. Dan kom ek, dan sit daar net drie of partykeer net twee in
daardie wonderlike tyd van herlewing. Hulle wou dit net nie gehad het nie. Ons
het daardie dinge verloor. Ek dank die Here, ek glo die Here is besig met ‘n
grondiger werk en miskien moes ons daardie ondervinding deurmaak.
Daar het een ou broer, ons het hom genoem ou Oupa Brits, hy het so ‘n lang
baard gehad, en wat hy baie keer gesê het: “Broers en susters, julle weet nie wat
God vir julle gegee het nie”. Ons het baiekeer mense op ‘n streep gesien lê,
onder die krag van die Heilige Gees. Soos daardie ou kindertjies nou lê en slaap,
so het hulle gelê onder die krag van die Heilige Gees. Dan, so nou-en-dan loop
die ou traantjies so oor die wange. Kyk jy na die gesiggies, so ‘n hemelse
uitdrukking. As hulle daar wakker word dan sê hulle, hulle was in die hemel. So
het die Here gewerk in daardie tyd, maar nou ja, stil sit in ‘n Bybel Studie, dit kon
hulle nie staan nie.
Dit is noodsaaklik dat ons God se woord moet ken, goed, “om die heiliges toe te
rus vir hulle dienswerk”, om ons volwasse te maak, “to mature”, dat ons nie meer
babatjies moet bly nie. Dat ons nie besig gehou moet word met vermaaklikhede,
met speletjies en sosiale geleenthede ensovoorts in plaas van die woord van God
nie. Dat die heiliges God se woord sal liefkry, dat God se woord vir hulle
lewendig sal word, dat hulle volwasse sal word in die Here Jesus soos Paulus
hier verderaan skrywe.
Efésiërs 6:10-12;
10 Eindelik, my broeders, word kragtig in die Here en in die krag van sy
sterkte.
11 Trek die volle wapenrusting van God aan, sodat julle staande kan bly teen
die liste van die duiwel.
13

12 Want ons worstelstryd is nie teen vlees en bloed nie, maar teen die
owerhede, teen die magte, teen die wêreldheersers van die duisternis van
hierdie eeu, teen die bose geeste in die lug.
U sien, dit is nie net ons wat van hierdie goed praat nie, die Bybel praat daarvan
en hy wys vir ons waarom dit nodig is om kragtig te word in die Here en in die
krag van sy sterkte, dat ons staande kan bly in die dag van onheil en teen die liste
van die duiwel. Daarom, neem die volle wapenrusting van God aan. Nou ja, dan
gaan hy voort met die beskrywing van die wapenrusting. Die helm van verlossing
tot by die voete van bereidheid van die verkondiging van die evangelie. Dit moet
ons hê dat ons kan wees en maak soos die Here Jesus gesê het in Johannes
14:12. Moenie dat dit een van die uitdagings wees wat vir u laat terugdeins en sê
dit is onmoontlik nie, ek kan nooit so ‘n persoon wees nie, ons kan nooit so ‘n
kerk wees nie. Dan maak ons die Here Jesus tot leuenaar.
Johannes 14:12; (‘n baie bekende Skrif).
Voorwaar, voorwaar Ek sê vir julle, wie in My glo - die werke wat ek doen,
sal hy ook doen; en hy sal groter werke doen as dit, omdat Ek na my
Vader gaan.
Dit is wat die Here Jesus gesê het, dit moet plaasvind in die gemeente, dit het
plaasgevind in die eerste gemeente, ons moet daardie gemeente wees. Dit sê;
hierdie bedieninge is gegee vir die toerusting om die heiliges toe te rus vir hulle
dienswerk. Dit is ons dienswerk, net volwasse Christene kan dit doen. Nou
luister, “die heiliges toe te rus vir hulle dienswerk”, met ander woorde, ek sê dit
baie ernstig en ek het dit al vir u in ons vorige studies gesê, hier lê die ander
swakheid van die verlede in ons, ook in ons groepie.
Die Here het ons magtig geseën en ek sê altyd vir die mense laat ons leer uit die
verlede wat ons kan. Die Here het ons magtig geseën, die Here het my magtig
geseën, selfs mense wat na hierdie band luister kan sê dit is geweldig en miskien
praat ek groot, maar dit is die waarheid. Daar is baie wat dit kan bevestig, dat in
daardie tyd toe die krag van die Here op ons was, as ek by mense verbygeloop
het, dan het hulle neergeval onder die krag van die Gees van God, al was ek nie
eers naby hulle nie.
Ek onthou daardie eerste aand toe dit met my gebeur het, dit was vir my te
wonderlik, die mense het almal op hulle voete gestaan, ry agter ry, almal in
afwagting, toe ek so by hulle verbyloop, as ek by mense is, en die ander mense
wat daar gestaan het, so aankom, dan is dit net asof iemand hulle op hulle knieë
geslaan het. Ek onthou nog een suster, hulle behoort hier aan ‘n ander Pinkster
Gemeente, toe sy nog wou val, en sy so vashou aan haar suster, toe knak haar
knieë en toe vou hulle almal saam, net asof jy so met ‘n sekel in ‘n koringland
ingegaan het. Net so, soos ek so afbeweeg het, het hulle net so geval, soos ‘n
masjien sou gaan, vinnig.
“Wonderlike dinge, (en ek dink ons mense se oë was, te veel op my alleen) en dit
is wonderlik wat die Here deur pastoor doen en laat ons na die diens toe kom en
14

dit sien gebeur, en dit het gebeur”, en so aan. Maar te min van ons eie mense
het besef, wat dit was vir hulle; om die gemeente, om die heiliges toe te rus vir
hulle dienswerk. Dit is daarom dat ek dit so beklemtoon, dat dit nie terwille van
die bedieninge as sulks was nie. Die bedieninge is daar om die heiliges toe te rus
en hulle sterk te maak, want uit hulle uit, gaan die Here weer ander bedieninge
oprig.
Nie almal is apostels nie, nie almal is profete nie, ander het weer ander werk
maar elkeen is kragtig in die Here. Nêrens sê die Bybel dat jy, wanneer daar ‘n
sieke is, jy nou die apostel moet laat haal of die profeet nie. Die Here sê dat vir
die wat glo sal hierdie tekens volg: “In My naam sal hulle duiwels uitdryf, met
nuwe tale sal hulle spreek”, ensovoorts. Dink net bietjie as die liggaam van
Christus elkeen kragtig is en in sy regte posisie, wat nie gaan gebeur nie!
Daarom moet u ook nie hierdie geleentheid by u laat verbygaan nie. Neem dit in
en kyk wat God vir u voorberei.
Hy sê om die heiliges toe te rus vir hulle dienswerk. Dit is nommer een, dit het
ons nou met u behandel, “die toerusting”.
Punt 2
Tweedens nou vir hulle dienswerk:
Wat is hierdie dienswerk? Die vyf bedieninge is integraal in die liggaam van
Christus. Dit is ‘n kwessie van spanwerk, die hele gemeente, daarom is die
bedieninge daar om hulle toe te rus vir hulle dienswerk: “Soos die Vader My
gestuur het, so stuur Ek julle. Voorwaar, voorwaar Ek sê vir julle, hy wat in My
glo, die werke wat Ek doen sal hy ook doen”. Daarom het jy jou apostel, jou
profeet, jou herder, jou evangelis, daardie drie algemene bedieninge; ons sal dit
nog vir u in die besonderheid behandel. Dan het jy jou leraar, jou herder om die
kudde op te pas, hulle te leer, te lei, te rig ensovoorts.
Hulle dienswerk; almal gedoop in die Heilige Gees en elkeen op sy plek. Wat vir
my so wonderlik is in Handelinge 8, u moet dit ‘n bietjie mooi bestudeer. Hierdie
Filippus was een van die sewe diakens. Hy was ‘n diaken, maar hy het geëindig
as ‘n evangelis. Hy was bereid om sy plek vol te staan waar die Here hom aan
die begin geplaas het. So baie, (dit is een van die ander misleidende dinge van
die Satan), as ons dan die roeping van die Here in ons lewens voel: “O, ek wil ‘n
predikant, ‘n pastoor gaan word”, as die Here vir jou daardie plek kies, jy sal dit
word, maar wees bereid om te begin by die begin. Bereid om te doen wat vir jou
gesê word. Wees bereid om jou plek in die gemeente vol te staan. Sorg dat jy
vervul word met die Heilige Gees en sorg dat jy doen wat God vir jou gesê het.
Dat jy Hom gehoorsaam is en dat jy wandel in die lig wat jy het. Die Here sal vir
jouself verder lei.
Filippus, toe die Here daardie magtige werk in Samaría gedoen het, het begin as
diaken in die gemeente en hy het geëindig as een van die magtigste evangeliste
wat die wêreld nog ooit gesien het. Alle valse evangelisme sal weggeveeg word
15

en Jesus sal deur sy liggaam openbaar word as die Apostel, die Profeet, die
Leraar, die Herder en die Evangelis want dit is sy heerlikheid wat geopenbaar
moet word. Dit is sy Naam wat moet groot gemaak word.
Punt 3
In die derde instansie:
Waarom is hierdie vyf bedieninge gegee? Om die heiliges toe te rus vir hulle
dienswerk tot opbouing van die liggaam van Christus. Wat beteken hierdie
opbouing van die liggaam van Christus?
Kom ons kyk na: 1 Petrus 2:5;
En laat julle ook soos lewende stene opbou, tot ‘n geestelike huis, ‘n
heilige priesterdom, om geestelike offers te bring wat aan God welgevallig
is deur Jesus Christus.
Die sluitsteen, die Here Jesus self, die Apostel van ons belydenis: lewende stene,
die opbouing van die liggaam van Jesus Christus. Nie een van ons is ‘n dooie
saamdrawwer nie. Nee, elkeen ‘n lewende steen. Jy het jou plek, is lewendig,
staan jou plek vol in die gemeente en jy word opgebou.
Kan u sien hoe noodsaaklik dit is dat ons hierdie vyf bedieninge terugkry? Dat
ons hulle kan raaksien en dat ons die bedieninge kan benut, geniet en dat dit vir
ons daardie betekenis het. Ons dank die Here, vir hierdie wonderlikhede en
hierdie heerlike waarhede wat die Here weer besig is om vir ons oop te maak.
Hierdie lewende stene, ‘n volmaakte afdruk van die Steen naamlik onse Here
Jesus self.
Nadat die Apostel Paulus dit voor ons gestel het en vir ons 1 Korinthiërs 12, (wat
ons nou al met mekaar in die verlede behandel het) waar hy nou die liggaam
neem en hy sê: “elke lid is nodig”. Die oog kan nie vir die oor sê: “ek het jou nie
nodig nie”, en die voet kan nie vir die hand sê:” ek het jou nie nodig nie”
ensovoorts. U ken daardie hele uiteensetting van dit in 1 Korinthiërs 12. So is
die liggaam.
Nou, as jy hierdie vyf bedieninge in hulle volmaaktheid het, saam met die gawes
van die Heilige Gees, sal daardie leiers vir jou kan sê: “broer, suster, hier, daar”.
Soos jy ontwikkel, nader kom, voel jy die Here se Gees dryf jou na iets verder toe.
Dat Hy miskien vir jou sal sê: “my broer Filippus die diaken, die Heilige Gees
stuur vir jou om in Samaría te gaan evangeliseer. Jou werk as diaken is nou
klaar. Nou is dit jou volgende stap”.
Ons moet daarvoor bid.
U sal met my saamstem, kinders van die Here, God se kinders, een van die
eerste dinge wat Hy met jou doen, Hy maak jou geesdriftig, Hy maak jou gretig
om vir die Here te werk. Maar die Here se kinders weet nie altyd hoe moet hulle
vir Hom werk nie. Hierdie een met hierdie metode en daardie een, met daardie
metode. Baie keer maak ons foute, daar is frustrasies, mislukkinge, daar is
verkeerde organisasies en dan is dit partykeer ‘n groot knak in ons lewens. Dit is
omdat ons nie hierdie bedieninge volmaak en volkome het nie. As ons hulle het
16

en hulle is reg, dan sal die Here aan ons die gawes gee vir diegene onder ons,
wat die Here sê: “broer dit is jou bediening, suster, dit is jou bediening”. U kan
dus sien, hoe ons moet bid dat die Here hierdie dinge herstel.
Punt 4
In die vierde instansie:
Wat hy hier sê waarom ons hierdie vyf bedieninge nodig het; [(1) om die heiliges
toe te rus (2) hulle dienswerk, (3) opbouing van die liggaam van Christus] het ons
gehad. Nou kom ons (dit gaan werklik van heerlikheid tot heerlikheid) by punt
nommer vier: “Totdat ons almal kom tot by die eenheid van die geloof”. U sal
met my saamstem, kyk die verdeeldheid vandag. Die verdeeldheid tussen kerke
en selfs binne die gemeente. Ons moet gedurig daarteen waak dat daar nie
misverstande is nie, dat ons mekaar nie verkeerdelik opvryf of figuurlik gesproke
op mekaar se tone trap nie.
Ons het dus hierdie bedieninge nodig om ons te bring tot die eenheid van die
geloof. Nou kyk na die resultaat. O, u weet, as ek daaraan dink, dan kom daar
koue rillings deur my liggaam. Op die dag van Pinkster was daar 120 in een
gees, in een plek. Kyk wat het gebeur? Die Heilige Gees het op hulle geval en
kyk wat het daar uitgekom.
As daardie klompie mense onder daardie omstandighede, nie die krag van
omhoog en die toerusting van die Heilige Gees ontvang het nie, sou ons nie eers
vandag van die naam van die Here Jesus geweet het nie. Werklikwaar, hulle was
een van sin en die Heilige Gees het op hulle geval. Ons het die eenheid van die
geloof nodig en dit is een van die redes waarom die Heilige Gees nie werk soos
Hy graag wil werk nie, omdat daar nie genoeg eenheid onder die kinders van God
is nie.
Die Heilige Gees kan nie werk waar daar nie eenheid is nie. Wat sê hy hier?
Hoekom het ons die vyf bedieninge nodig? Die drie redes wat ek vir u genoem
het, maar ook totdat ons kom tot die eenheid van die geloof. U kan vir uself sien,
en u sal sien wanneer ek nou verder hierdie bedieninge met u in die
besonderheid behandel, hoedat hierdie bedieninge van ons gelowiges, een
maak. Een van sin, een van hart, een van siel in die krag van die Heilige Gees
tot die eenheid van die geloof.
Op Pinkster was hulle ‘n eenheid, in een plek. Wat sal nie gebeur wanneer die
ware kinders van God in hierdie eenheid kom nie? Sal ons nie die Here bid, en
onsself gee en sê: “Here, enigiets wat in my na verdeeldheid lei, Here ek kruisig
dit, ek lê dit op die altaar, Here ek bid vir hierdie eenheid. Here, wek op die
bedieninge van die Heilige Gees dat dit sal kom”; verbly u hierin, dit sal kom.
Die Here het gesê:
“Ek sal My gemeente bou en die poorte van die doderyk sal dit nie
oorweldig nie”.
Daardie gemeente, sonder vlek en sonder rimpel, wat aan Hom voorgestel gaan
word met Sy wederkoms. Halleluja! Gaan dit nie pragtig wees nie? Sonder vlek
17

en sonder rimpel. Loof die Here! Waar geen satansmag kan standhou nie. Dit
kom, die fondamente van die hel sal geskud word. Prys die Here!
Kom ons kyk net na: Psalm 133. (‘n kort Psalmpie, maar so groot van betekenis.
Maar niemand sal dit verstaan as hulle nie weet wat dit beteken nie.) Die opskrif
in ons Afrikaanse Bybel: Die broederlike liefde.
Psalm 133.
Die broederlike liefde..
‘n BEDEVAARTSLIED van Dawid,
1 Kyk, hoe goed en hoe lieflik is dit dat broers ook saamwoon!
2 Dit is soos die kosbare olie op die hoof, wat afloop op die baard, die
baard van Aäron, wat afloop op die soom van sy klere.
3 Dit is soos die dou van Hermon wat neerdaal op die berge van Sion;
want daar gebied die Here die seën, die lewe tot in ewigheid!
Daar waar die eenheid is, daar waar die broers saamwoon, daar gebied die Here
Sy seën. Dit is soos die olie, dit is die simbool van die Heilige Gees. Dit is die
Heilige Gees wat ons in die eenheid bring. Die bedieninge van die Heilige Gees,
dit is soos die olie wat op Aäron se hoof uitgegiet word, dit loop af met sy baard,
dit loop af tot op die soom van sy klere wat op die grond gesleep het, sy
hoëpriesterlike gewaad. Met ander woorde van bo die liggaam, van die hoof tot
onder by die voete. Is dit nie wonderlik nie?
Dit is ‘n tipe van daardie dag wanneer die Here so sy gemeente in eenheid
inbring. Net soos die olie van bo af ondertoe geloop het, so word hierdie
gemeente, en dit is wat so pragtig is. U weet, ‘n gewone gebou, hy word van
onder af gebou maar die gemeente, die ware gemeente word van bo af gebou.
Dit begin by die hoof, die Here Jesus, en dit werk af na onder toe. Dat die Here
Sy bedieninge herstel in Sy hand en hulle voer weer hulle bedieninge uit. Hulle
staan oor die gemeente, en hulle krag, deur die Heilige Gees, werk weer deur die
gemeente en die gemeente word opgerig, die ware liggaam van Christus op
aarde.
Punt 5
Nou die vyfde punt wat hy hier noem: (en daar is sewe).
Dit is nogal wonderlik dat dit so moet wees. Ons weet sewe is die volmaakte
getal, die rede waarom hierdie vyf bedieninge daar moet wees:
1) om die heiliges toe te rus,
2) vir hulle dienswerk,
3) tot opbouing van die liggaam van Christus,
4) tot ons almal kom tot die eenheid van die geloof,
(Pragtig! Maar kyk nou, altyd in die oortreffende trap, die volgende):
5) die kennis van die Seun van God.
Maar nou moet u mooi kyk hoe is hierdie gedeelte geskrywe.
18

“Totdat ons almal kom tot die eenheid van die geloof en tot die
kennis van die Seun van God”.
Die enigste twee sinne, die enigste twee punte wat met mekaar verbind is met ‘n
“en”, m.a.w. hierdie twee gaan saam:
Die eenheid van die geloof en;
Die kennis van die Seun van God.
Dit is alleen wanneer ons sal kom in die eenheid van die geloof dat ons ook sal
kom tot die kennis van die Seun van God.
Ons kyk net weer na:
Hebreërs 6:1-3; (Die basiese leerstellinge van die Christelike geloof en waar hy
sê ons moenie daarby bly nie, ons moet voortgaan na die volmaaktheid).
1 Daarom moet ons nie bly by die begin van die prediking aangaande
Christus nie, maar na die volmaaktheid voortgaan sonder om weer die
fondament te lê van die bekering uit die dooie werke en van die geloof in
God,
2 van die leer van die doop en van die handoplegging en van die
opstanding van die dode en van die ewige oordeel.
3 En dit sal ons doen as God dit toelaat.
Daarom moet ons nie bly by die begin van die prediking van Christus nie. Ons
moet voortgaan na die kennis van die Seun van God. Hierdie vyf bedieninge
gaan ons daartoe lei. Hierdie vyf bedieninge gaan vir ons bring om werklik die
Here Jesus te leer ken. Met ander woorde ons kan nie werklik die Here Jesus
leer ken nie as hierdie vyf bedieninge nie in hulle volle glorie herstel is nie.
Wanneer ons die ware apostel, profeet en so aan het, gaan Hy, die Heilige Gees,
deur die bedieninge, die Here Jesus so aan ons sal openbaar, dat ons weer in
aanbidding op ons gesigte voor Hom sal neerval. O, dat die sondaar weer sal
uitroep: Wat moet ek doen om gered te word? Ek het vir soveel jare al gebid:
“Here, stuur vir ons weer die ware evangelis wat God se woord so sal predik, dat
die vrees van die Here tot die mense sal kom”. Dat hulle weer die Here Jesus sal
sien asof hulle voor Hom staan aan daardie kruishout en Hom met hulle eie ore
hoor roep: “My God My God, waarom het u My verlaat!” wat hom sal laat besef,
dit is my sondes wat Hom daar vasgepen het. Dat hy sal besef dat as dit nie dit
was nie, dan het ek geval tot in die middel van die hel.
Toe ‘n Whitfield en ‘n Wesley gepreek het, veral Wesley, het mense partykeer
waar hulle gestaan het, as hulle naby ‘n pilaar van ‘n gebou gekom het, het hulle
daardie pilaar vasgegryp want hulle het gevoel as ek nie daardie pilaar vasgryp
nie, val ek nou in die middel van die hel. So het hulle tot die oortuiging van sonde
gekom. ‘n Waaragtige evangelis van God in hierdie harde wêreld, my broers en
susters, laat ons bid dat die Here weer vir ons daardie bedieninge sal gee.
Dit is u voorreg, dit is my voorreg om hierdie dinge te kan weet. Kyk hoe ons dan
bid, en kyk hoe gaan die Naam van die Here verheerlik word. Wanneer die Here
19

daardie bedieninge gaan oprig, of dit uit ons eie midde is, of waar dit ook al is,
wat maak dit saak? Dit is nie die mens wat geëer word nie, dit is die Here wat
geëer word, dit is die siele wat gered word. U weet in u eie hart, deur die Here se
genade, het u, u aandeel daarin gehad deur u gebede.
Prys die Here!
“Tot die kennis van die Seun van God”.
Die ware, ware Bybelkennis is krag. Geen wonder dat die Apostel Paulus uitroep:
Filippense 3:4;
alhoewel ek ook rede het om ook te vertrou op die vlees. As iemand
anders meen dat hy op die vlees kan vertrou, ek nog meer.
Dit roep Paulus self uit.
2 Korinthiërs 10:3-5;
(dat u net kan sien wat ons kan doen as ons die ware kennis het van die Seun
van God. Dat ons kyk wat die outoriteit is van die gelowige.)
3 Want hoewel ons in die vlees wandel, voer ons die stryd nie volgens die
vlees nie;
4 want die wapens van ons stryd is nie vleeslik nie, maar kragtig deur God
om vestings neer te werp,
5 terwyl ons planne verbreek en elke skans wat opgewerp word teen die
kennis van God, en elke gedagte gevange neem tot die gehoorsaamheid
aan Christus.
Dit is mos maklik, maar jy sal dit nie regkry as jy nie die kennis daarvan het nie.
Jy sal dit nie kry as iemand dit nie vir jou geleer het nie. As die Here dit nie
alreeds opgewek het vir diegene wat dit alreeds aan jou gebring het nie, maar kyk
wat het die gelowige. Jy kan dit doen!
Daarom ook baie van hierdie dinge wat ons vroeër van gepraat het, waar die
vraag gevra word; “moet jy daardie persoon se samewerking hê, moet jy sy
toestemming hê?” Nee! Jy kan dit selfs buitekant sy teenwoordigheid doen, glo
ek. Jy kan planne verbreek. Jy kan daardie skanse neerwerp. Die Here het aan
jou daardie outoriteit gegee, maar ons moet Hom leer ken in die krag van sy
opstanding.
Ons ken die welbekende vers:
Handelinge 1:8;
Maar julle sal krag ontvang wanneer die Heilige Gees oor julle kom, en
julle sal my getuies wees in Jerusalem sowel as in die hele Judéa en
Samaría en tot aan die uiterste van die aarde.
Hoeveel te meer sal die betekenis van hierdie teks nie werklik by ons ingeskerp
word wanneer die vyf bedieninge in hulle volle krag en in hulle volle heerlikheid in
ons midde is nie?
20

Johannes 14:20; (kyk wat sê die Here Jesus daar).
In dié dag sal julle weet dat Ek in My Vader is, en julle in My, en Ek in
julle.
Daardie dag wat Hy van gepraat het, is daardie dag wat ons vervul is met die
Heilige Gees. Loof die Here! Watter outoriteit het ons nie? Ons sal gebring
word tot die kennis van die eenheid van die geloof en van die kennis van die
Seun van God deur die bedieninge van hierdie vyf gawes.
Punt 6
Die sesde rede waarom hulle gegee is (in vers 13), “tot ‘n volwasse man”.
Nog ‘n heerlike stap. Vergelyk byvoorbeeld die Here Jesus na sy doop en die
doping in die Heilige Gees. Hy is vir ons die volmaakte voorbeeld, Hy is vir ons
die volmaakte mens. Hierdie heerlike diepte, laat die Here dit aan u openbaar dat
dit God se plan was deur die eeue, om te herstel in die volle posisie wat ons
moes gewees het as Adam nooit gesondig het nie. Daarom het die Here Jesus,
die Tweede Adam, gekom. Hy het sy heerlikheid in die hemel laat bly en Hy het
gekom as ware mens, alhoewel Hy ook waaragtig God was.
Hy het hier op aarde kom lewe as ‘n gewone mens met net een verskil tussen
Hom en ons; en dit is Hy het nie gesondig nie, verder was daar geen verskil nie.
Dus is dit ook nie nodig gewees om Hom te bekeer nie want Hy het nie gesondig
nie. Maar Hy het Hom laat doop, daarom moet ons, ons ook laat doop. Hy was
gedoop met die Heilige Gees, daarom moet ons ook gedoop word met die Heilige
Gees.
Nadat Hy uit die water opgekom het en Hy gedoop is in die Heilige Gees, lees
ons dat Hy die wildernis ingelei is om versoek te word deur die duiwel. Hy het in
die krag van die Heilige Gees teruggekeer en sy faam het oral versprei. Die
tekens en die wonders wat Hy gedoen het, en die demone, nog voordat Hy by
hulle uitgekom het, het uitgeroep: “Moet ons nie pynig nie, ons weet wie jy is, die
Heilige van God!”
Net soos met Hom, ook met ons, ‘n volwasse man, volwasse vrou in Christus
Jesus. Dit is u erfenis, u posisie in die Here Jesus. Ons het ‘n gebrek aan
kennis en ook ‘n soort van ‘n onkundige en valse nederigheid: ek kan myself mos
nie gelykstel met die Here nie. Nee, my broers en susters, dit is sy bedoeling,
dan noem Hy ons sy broers:
“Gaan sê vir My broers, gaan voor My uit na Galilea”.
Ons is been van sy been en vlees van sy vlees. Hy het ons geleer en dit vir ons
moontlik gemaak deur sy dood en sy opstanding en sy verheerliking aan die
regterhand van God om die Vader wat sy Vader was, ook ons Vader te noem. Hy
en ons het dieselfde Vader, ‘n volwasse man, en dat die Here die vyf gawes gaan
herstel. U gaan sien dat die kinders van God gaan gebring word en hulle gaan
sien wat hulle erfenis is, wat hulle posisie is in die Here; ‘n volwasse man. Laat
21

ons dan uitkom uit ons onvolwassenheid en laat ons, ons plek volwaardig
inneem. Die liggaam wat ons is moet ‘n openbaring van Jesus in die wêreld
wees, net soos Hy die Vader openbaar het aan die wêreld toe Hy op aarde was.
Punt 7
Die sewende doel en rede waarom hierdie vyf bedieninge gegee is:
“Tot ‘n volwasse man en die mate tot die volle grootte van Christus”. Dit
verbyster ‘n mens amper, dit oorweldig jou. Dat die heiliges wat toegerus moet
word vir hulle dienswerk dat hulle tot ‘n volwasse man sal kom tot die mate van
die volle grootte van Christus. Die mate van die volle grootte van Christus.
Kan u dink die heerlikheid wat daar wag. Kan u dink die uitdaging wat voor ons
gehou word. Nou begin u staan op die grense van die beloofde land. U begin
sien die land wat vloei van melk en heuning. U begin sy granate, en sy vye en sy
druiwe te proe.
U sien ook die reuse, die versterkte stede. Broers en susters, moenie omdraai
nie, moenie bang word nie. Hy wat belowe het, is getrou. Dit is u roeping, dit is
wat God vir ons wil hê in hierdie dae. Ek dank die Here, die uitdaging is ook
myne terwyl ek besig is om u te leer. Waarmee is jy besig? Is jy besig om maar
net mense op te sweep? Is jy besig om vir mense ‘n valse ideaal voor te hou? Is
jy besig om iets vir hulle te skilder wat onbereikbaar is? Nee my broers en
susters, hoe wonderlik en menslik gesproke onmoontlik, dit ook al moet lyk, hier
staan dit geskrywe.
Dit is God se woord en dat die hemel en die aarde sal verbygaan, maar Sy woord
sal nooit verbygaan nie. Dit is u roeping, dit is die plek, moenie nou omdraai,
moenie nou ongelowig word nie, moenie sê: “Hierdie reuse gaan my oorweldig
nie”. Moenie luister na mense wat sê: “Hoor hierso, moenie te diep in die Bybel
ingaan nie. Baie mense het al van hulle verstand af geraak. Moenie te veel met
hierdie dinge aangaan nie, jy gaan jou vingers verbrand, laat sulke dinge met
rus”. Nee, Hy wat roep is getrou en Hy sal dit doen.
Die heilige vrees van die massas, wanneer die volle liggaam van Christus in hom
geopenbaar gaan word, gaan heerlik wees. Dit gaan lei tot die redding van
menigtes. Laat die liggaam van Christus dan opstaan en kom tot sy
volwassenheid en kom tot die volle mate van die gestalte van Christus. Die
gesalfde liggaam verskyn net voor die gesalfde hoof, net voordat Hy kom in sy
glorie en in sy heerlikheid. Gaan ‘n volmaakte hoof met ‘n onvolmaakte liggaam
met sy wederkoms verenig word?
Gaan dit ‘n “gebreklike Christus” wees? Wie is Christus? Wie is Christus in die
ware plan van God, in die herstel van die mens wat tot ‘n val gekom het? Broers
en susters, die Here Jesus soos Hy gekom het ja, maar in die volle plan van God
is Christus die Hoof en die gemeente is sy liggaam, ‘n volmaakte arm, met sy
hand en sy vingers, ‘n volmaakte been, volmaak, watter ledemaat jy ook al mag
noem, ‘n Volmaakte Christus.
22

Dink ‘n bietjie, wat se uitdaging lê daar voor vir die liggaam van Christus. As ons
kyk na die liggaam van Christus en die Here Jesus moet vandag kom om met die
gemeente herenig te word, dan sal dit ‘n gebreklike liggaam wees. Sal dit nie iets
baie snaaks wees nie, so ‘n volmaakte Hoof met so gebreklike liggaam? Is dit
wat ons vir die Here Jesus wil gee met sy koms?
Nee, daarvan is ek seker, dat die mate van die liefde en dankbaarheid wat die
Here in u hart gelê het vir God se liefde, dat Hy die wêreld so liefgehad het dat Hy
sy eniggebore Seun gegee het, sodat elkeen wat in Hom glo, nie verlore sal gaan
nie, maar die ewig lewe kan hê. Here, ek wil vir U ‘n volmaakte liggaam aanbied.
Hy kom, om met sy liggaam herenig te word. Dit is hoe Hy eers in die millennium
en dan deur die eeue gaan funksioneer.
Voor sy koms, hierdie liggaam, sonder vlek en sonder rimpel, wie gaan dit doen?
Daardie vyf bedieninge, daarvoor die apostels, profete, herders, leraars, die
evangeliste, elkeen in sy geesgevulde posisie. Kom ons bid daarvoor, kom ons
ywer daarvoor, kom ons gee onsself daarvoor, die liggaam in sy glorie voordat die
Here Jesus kom, in al die glorie van die Vader en die heilige engele. Elke knie
sal buig, elke tong sal bely. Dit is hier waar ek glo, waarin al my boodskappe,
Psalm 91, vir u noem waar dit sê:
“Al val daar duisend aan jou sy en tienduisend aan jou regterhand, na jou
sal dit nie aankom nie”.
Ek glo dat hierdie liggaam gaan ‘n bonatuurlike liggaam wees en dit is daarom, dit
is een rede waarom dit vir my inpas, dat die liggaam van Christus op die aarde
gaan wees. Ook in die finale fase van die groot verdrukking. Maar hy gaan ‘n
liggaam wees met bonatuurlike krag en dat Hy deur die vuur sal loop soos die
drie Hebreeuse jong manne deur die vuur geloop het. Soos ‘n Daniël in die
leeukuil was.
Nou moet uself dink, in daardie tyd van vrees en angs en chaos, en dat die
wêreld hier ‘n sekere tipe, ‘n sekere groep mense sien wat as mense en tog
bonatuurlik beweeg. Dink u nie baie van hulle gaan nog in daardie uur magtig tot
bekering kom nie? Ek glo dit gaan die grootste gemeente wat Hy nog ooit gehad
het, wees, ‘n bonatuurlike woord, ‘n verheerlikte Christus verenig met ‘n
verheerlikte liggaam, sonder vlek, sonder rimpel.
Hoe groot is die mate van sy grootte nie! En dit geopenbaar deur u en my. “Die
reuse is te groot, die versterkte stede is oninneembaar”. Gaan u sterf in die
woestyn broers en susters, of gaan u sê soos ‘n Josua en ‘n Kaleb: “dit is God se
belofte, ek weet nie hoe nie, maar Hy het dit belowe, ek gaan die land in besit
neem”. Prys die Here! Ek glo dat dit op die punt staan om geopenbaar te word
deur u en deur my. Kan ons vlees dit staan? Nee, nie in ons huidige toestand
nie. Maar soos die Gees oor ons kom, so sal dit staan en so sal ons dit verdra.
Weer noem ek vir u:
23

1 Johannes 4:17;
Hierin het die liefde by ons volmaak geword, dat ons vrymoedigheid kan
hê in die oordeelsdag; want soos Hy is, is ons ook in hierdie wêreld.
Daar is baie verskille van mening en ek wil nou nie hierdie ding dwars in die pad
gooi nie. Maar in Maleági word daar gepraat van dat die Here Elía sal stuur voor
die groot en deurlugtige dag van die Here, en dat Hy die harte van die vaders sal
bring na die kinders en die harte van die kinders na die vaders. Daar is baie
verklaringe en baie sieninge omtrent Elía. Nou, ek is nie dogmaties hieromtrent
nie, maar my siening is dat hierdie Elía, onthou, in die krag en gees van Elía,
hulle het ook gesê, byvoorbeeld die mense wat glo in reïnkarnasie, hulle sê;
Johannes die Doper was Elía gere-inkarneer, maar dit was nie so nie. Johannes
die Doper het gekom in die krag van Elía. Dit was nie Elía wat opgestaan het in
Johannes nie. Johannes het opgetree in die gees, die krag en bediening van
Elía.
So glo ek, dat in hierdie tyd, is dit die liggaam van Christus wat die Elía Bediening
gaan hê. Dit is alleen die gemeente wat die harte van die vaders gaan terugbring
na die kinders. Dit is die gemeente wat die volk gaan terugbring tot geloof in
God. Dit is weereens waarom ek dit so sterk beklemtoon het en ten minste voel,
dit is juis wat God wil verhoed, dat daar weer ‘n soort van een man opstaan. Dat
die mense weer “een man” sal aanbid, die groot Gees maar dat die Here Sy
liggaam sal opwek sodat geen vlees voor Hom sal roem nie, dat dit nie sal sê:
“hierdie groot profeet of apostel nie”, maar dat dit die krag van die liggaam van
Christus is.
Dat die Here die grootste en die magtigste dinge gaan doen deur die nederigste
lid van die gemeente wat hierdie dinge sien omdat daardie lid so gelei, geleer,
geïnspireer is deur daardie bedieninge van Christus. Dat daar sulke bedieninge
in die gemeente is wat God se gemeente daarheen gelei het en dat dit juis
partykeer miskien die broer of die suster is wat jy dit die minste van verwag wat
sê: “ek neem God op Sy woord en ek stap Kanaän in” dat die Here miskien die
grootste wonderwerke gaan doen deur die nederigste broer of suster sodat die
naam van die Here verheerlik kan word. Nou goed, dit is net ‘n gedagte.
Nou ons opsomming ter afsluiting:
Efésiërs 4:14;
(Die finale rede waarom hierdie bedieninge gegee is, en hierdie 7 punte).
Sodat ons nie meer kinders sou wees nie wat soos golwe geslinger en
heen en weer gedryf word deur elke wind van lering, deur die bedrieëry
van die mense, deur sluheid om listiglik tot dwaling te bring;
Ek dink u sal met my saamstem, as daar ooit ‘n mengelmoes en ‘n warboel van
stemme is wat tot mense uitroep “ek is reg, volg my! nee, ek is reg, volg my!” dan
is dit vandag. Het u nie al jammer in u hart gekry vir so ‘n soekende siel nie? As
u moet dink, as u nog op daardie stadium was, wat u gesoek het na redding,
watter kerk sou u kies? By watter kerk sou u aansluit? Na wie se stem moet ek
24

luister? Hierdie een leer so, daardie ene leer so. Dit is nou maar nog onder die
Christelike Bediening, maar wat nog van die valse kultusse wat na jou toe kom,
na baie mense toe kom?
Hoekom verval hulle daarin?
Is dit omdat hulle sleg is, of is dit omdat hulle honger is en omdat hulle soek.
Nou kom ‘n spiritus by mense wat ‘n dierbare verloor het, hulle harte is seer.
“Ons is jammer, maar die Here is lief vir jou, kom saam met ons, dan kan jy met
jou geliefde praat. Ons reël vir ‘n seance, die medium, daar is die stem ook”. Ag,
ek wil nie eers daarop ingaan nie, die werke van die duiwel verheerlik nie, maar
ek wil net vir u laat sien wat ek bedoel. Hierdie een kom met dit en die ander een
kom met dat.
Die mense se harte smag na die bonatuurlike, Satan kom met sy baie dinge, sy
okkultisme en al hierdie dinge, elke wind van lering. Die arme mense is nie
geleer nie, daar is nie outoriteit nie. Daar is nie die outoriteit van die bonatuurlike,
die Heilige Gees nie. Elkeen word meegevoer. Hierdie een hier en daardie een
daar. Nou sê hy juis hierdie bediening moet kom. Want dit is Satan se metode.
Dit is die tipe wêreld waarin ons lewe, ‘n wêreld van verwarring.
Ons het daardie bedieninge nodig in die krag van die Heilige Gees, sodat ons nie
meer kinders mag wees nie wat soos golwe geslinger en heen en weer gedrywe
word nie. Is dit nie verskriklik om geslinger en gedrywe te word nie? Hoeveel
mense word nie geslinger en word nie gedrywe nie? Laat ons die Here dank vir
die rus waartoe ons gekom het.
Miskien was dit nie lank gelede in ons eie lewens, toe ons nog geslinger en
gedrywe was nie deur elke wind van lering, hoe moet ek nou weet wat is reg? Dit
is altyd vir my die groot tragedie, in die tyd wanneer jy jou grootste besluit moet
neem, is dit die tyd wat jy die minste kennis het. Hierdie een kom met ‘n teks, ‘n
Skrif of ‘n lering. Wat weet jy van die Bybel? Hy kom en hy wys dit vir jou uit die
Bybel uit; daar staan dit. Nou ja, jy wil nie ongelowig wees nie, jy wil ook nie
teenstribbel nie. Jy aanvaar dit, jy word meegesleur, jy is naderhand diep in die
ding in.
Hoe kom jy weer daar uit? Net deur die Here se genade. Maar as ons die vyf
bedieninge in die krag van die Heilige Gees het, dan gaan selfs dié, wat al in die
diepste dinge verval het, die suiwer stem van die Here hoor selfs die
hedendaagse sataniese praktyke wat deur kerkmense funksioneer.
1 Timótheüs 4:1;
Maar die Gees sê uitdruklik dat in die laaste tye sommige van die geloof
afvallig sal word en verleidende geeste en leringe van duiwels sal
aanhang.
Ek is daar seker van, die een rede daarvoor is, omdat die bedieninge nie in hulle
volle krag is nie, maar dank die Here, U belofte van herstel is daar.
25

1 Johannes 4:1-4;
(praat van die antichriste en hoedat daar alreeds baie antichriste is).
1 Geliefdes, glo nie elke gees nie, maar stel die geeste op die proef, of
hulle uit God is, want baie valse profete het in die wêreld uitgegaan.
2 Hieraan ken julle die Gees van God: elke gees wat bely dat Jesus
Christus in die vlees gekom het, is uit God;
3 en elke gees wat nie bely dat Jesus Christus in die vlees gekom het nie,
is nie uit God nie; en dit is die gees van die Antichris waarvan julle gehoor
het dat hy kom, en hy is nou al in die wêreld.
4 Julle is uit God, my kinders, en het hulle oorwin, omdat Hy wat in julle is,
groter is as hy wat in die wêreld is.
Hulle is hierdie geeste en hierdie antichriste en hierdie leringe. Daarom praat
hulle uit die wêreld en die wêreld luister na hulle. Hy wat God ken, luister na ons.
Hy wat nie uit God is nie, luister nie na ons nie. Hieruit ken ons die gees van die
waarheid en die gees van die dwaling.
Nou ja, ‘n antichris, as jy die Griekse betekenis daarvan neem, ‘n antichris
beteken nie net trompop, lynreg teen Christus nie, beteken ook een wat homself
stel in die plek van Christus, en daar lê die gevaar. Dit is die grootste antichris.
Dan sê Johannes daar is baie antichriste wat sy sendbrief lees. Hy stel homself
in die plek van Christus.
2 Korinthiërs 11:13-15;
13 Want sulke mense is valse apostels, bedrieglike arbeiders wat hulleself
verander in apostels van Christus.
14 En geen wonder nie! Want die Satan self verander hom in ‘n engel van
die lig.
15 Dit is dus niks besonders wanneer sy dienaars hulle ook voordoen as
dienaars van geregtigheid nie. Maar hulle einde sal wees volgens hulle
werke.
Valse apostels, selfs die Satan kom as ‘n engel van die lig voor.
Maar nou ja, sodat ons nie heen en weer geslinger word deur elke lering en so
aan, daarom het ons die egte bedieninge van Christus so nodig. Onthou u toe
Moses gestuur is na Farao, toe het Farao sy towenaars gebring en baie van die
wonders en tekens wat Moses gedoen het, het hulle nageboots. Soveel te meer,
waarom ons die bedieninge van Christus nodig het. Dank die Here, die ware
bonatuurlike sal ons kry by die diensknegte van God en dit sal die diensknegte
van Satan oortref.
2 Timótheüs1:7;
Want God het ons nie ‘n gees van vreesagtigheid gegee nie, maar van
krag en liefde en selfbeheersing.
Wanneer ons hoor van die werke van die duiwel soos dit al meer en meer aan die
toeneem is en soos ons ook met mekaar in hierdie studie gesels het. Moenie dat
vrees in jou hart inkom nie, die Here het ons nie ‘n gees van vreesagtigheid
gegee nie, maar van krag en van liefde en selfbeheersing. Prys die Here!
26

Simon die towenaar, groot gees net totdat Filippus gekom het, die evangelis in
die krag van die Heilige Gees. Baie groot geeste vandag met al hulle baie dinge,
maar as die Here se gemeente ontwaak, die liggaam van Christus opstaan in sy
volmaaktheid en die bedieninge terugkry, sal Satan se werke verbreek word, dit is
wat vir ons voorlê, die Here het dit belowe. Die Here is besig om in ons eie harte
te werk. Daarom het die Here ook toegelaat dat hierdie studie na julle toe kom,
dat deur hierdie band ook na ander mense sal gaan en die Here is besig om sy
liggaam te herstel en om die bedieninge terug te bring op die plek waar die Here
hulle bedoel het.
Dit is aan die kom en dit is alreeds besig om te gebeur.
Markus 16:20; (daardie welbekende vers om mee af te sluit).
Maar hulle het uitgegaan en oral gepreek, en die Here het saamgewerk
en die woord bevestig deur die tekens wat daarop gevolg het. Amen.
Dit is dieselfde Here Jesus en dit is sy belofte.
Die liggaam van die Here gaan weer volmaak herstel word en die Here gaan
weer die Woord bevestig.
Mag die Here sy woord seën oral waar dit sal gaan.
27

Die Apostel
(Kasset nr. L021)
Ons is hier om die Here se Woord te ondersoek en ons is besig met die reeks wat
ons verlede keer begin het; naamlik die Bedieningsgawes van Christus. Ons het
die inleidende studie vir u daaroor gebring en ek het vir u gewys hoedat hierdie
vyf bedieninge; naamlik die apostels, profete, evangeliste, herders en leraars,
besig is om terug te kom na die gemeente. (Gemeente in Grieks – Ekklesia).
Dit is die innige, vurige, verblydende geloof in my hart dat ek glo, dat voor die
wederkoms van onse Here Jesus gaan daar een kanaal, orgaan of mondstuk
wees, wat weer aan die wêreld en nie net aan die kerk of gemeente nie, maar
aan owerhede en aan magte, die heerlikheid van ‘n opgestane Christus gaan
demonstreer of dit aardse magte, of onsienlike magte is, maar die gemeente
gaan die heerlikheid van die Here openbaar, in Hom en deur Hom, en dat die
Here daardie gemeente in sy volheid weer gaan saamstel.
Dat ons nie net ‘n perfekte Hoof sal hê, wat ons Here Jesus self sal wees nie,
maar dat Hy ‘n perfekte liggaam sal hê, as ek die beeldspraak dan mag voltooi,
tot op die punte van sy tone. Loof die Here dat die wêreld ‘n volle Here Jesus sal
sien. Die duiwel, owerhede en magte ken die Here Jesus. Toe die Here Jesus
op aarde was, het die duiwels uitgeroep; ons ken Jou, ons weet wie Jy is, U is die
Heilige van God.
Die dag wanneer die Here Jesus kom in al sy glorie en al sy heerlikheid en al die
engele saam met Hom, dan gaan vriend en vyand Hom sien, dit sal dan vir hulle
te laat wees, vir die wat Hom verwerp het, maar hulle sal dan die Here Jesus sien
in al sy krag en sy heerlikheid. Dit is nie die hoofsaak wat op die spel is nie. Die
hoofsaak wat op die spel is, --- is, kan God die gevalle mens in sy beeld herstel;
in sy plek terugplaas wat Hy bedoel het waar hy moet wees?.
Daarvoor het die Here Jesus gesterwe, sy bloed gestort, opgestaan en terug
gegaan na die Vader en sit aan die regterhand van die Majesteit in die hoogte.
Daarvoor het Hy die Heilige Gees gestuur, sodat ons deur die geloof, voordat ons
die Here Jesus fisies aanskou, in die geloof God se woord sal neem, en Hom sy
volle loop in ons lewens laat gee, sodat die wêreld in ons, die Here Jesus sal
sien, in al sy beloftes en in al sy heerlikheid.
As u hierdie saak gaan deurdink, dit is oorstelpend, oorweldiging, maar ek voel,
net soos daar geweldige dinge gaan wees wat in die natuur gaan plaasvind, en al
die dinge waaroor ons nou al oor gepraat het, en glo dat in ons harte en ook in
ons gemeente moet ons, ons ook klaarmaak vir daardie heerlike dinge.
28

Ons moet nog dooies opwek soos dit was in die dae van die Nuwe Testament.
Ons moet nog die oë van blindes open voor Jesus kom. Ons moet nog die
kreupeles laat wandel in die volheid. Ons dank die Here vir dit wat alreeds besig
is om te gebeur maar dit is nog nie naby die skaal wat dit behoort te wees nie.
Daarvoor moet ons onsself klaarmaak en daarvoor glo ek, het die Here ook vir
ons hierdie Bybel Studies gegee.
U moet tog nooit God in sy werk, in u eie gedagte en visioen beperk nie. U moet
tog nooit byvoorbeeld die duiwel vir u laat sê; “wie is ek?” miskien ‘n ander groep
mense, of ‘n ander persoon, maar wie is ek? U is dalk net daardie persoon wat
die Here uitgekies het, met wie die Here hierdie groot en wonderlike dinge sal
doen.
Die tyd is vér tekort en God is vér te alwys en almagtig, om sover dit Hom betref,
as ek daardie term mag gebruik en ek doen dit in alle eerbied en respek, om Sy
tyd te mors. God is nie besig om sy tyd op u en my te mors nie, sover dit Hom
betref nie. Daarom moet ook nie, sover dit u betref, die vyand toelaat om miskien
u eie tyd te mors om ongelowig te wees nie. Glo God tot by die volle grense van
sy beloftes.
Ons het alles mooi deurgegaan wat die doel is van hierdie bedieninge en ons
gaan nou begin met die eerste bediening op die lys, nl. die apostel.
Die bediening van die apostel.
Wat leer God se woord ons daaruit:
1 Korinthiërs 12:27-31;
27 Maar julle is die liggaam van Christus en lede afsonderlik.
28 En God het sommige in die gemeente gestel: in die eerste plek apostels,
ten tweede profete, ten derde leraars, daarna kragte, daarna
genadegawes van gesondmaking, helpers, regeringe, allerhande tale.
29 Almal is tog nie apostels nie, almal is tog nie profete nie, almal is tog nie
leraars nie, almal is tog nie kragte nie?
30 Het almal genadegawes van gesondmaking, spreek almal in tale, kan
almal dit uitlê?
31 Maar beywer julle met die oog op die beste gawes; en ek wys julle nog ‘n
uitnemender weg.
Net weer vers 28,
“En God het sommige in die gemeente gestel: in die eerste plek apostels”
Efésiërs 4:11-16;
11 En Hy het gegee sommige as apostels, ander as profete, ander as
evangeliste, ander as herders en leraars,
12 om die heiliges toe te rus vir hulle dienswerk, tot opbouing van die
liggaam van Christus,
13 totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus;
29

14 sodat ons nie meer kinders sou wees nie wat soos golwe geslinger en
heen en weer gedryf word deur elke wind van lering, deur die bedrieëry
van die mense, deur sluheid om listiglik tot dwaling te bring;
15 maar, terwyl ons in die liefde die waarheid betrag, in alles sou opgroei in
Hom wat die Hoof is, naamlik Christus,
16 uit wie die hele liggaam - goed saamgevoeg en saamverbind deur die
ondersteuning wat elke lid gee volgens die werking van elke afsonderlike
deel in sy mate - die groei van die liggaam bevorder vir sy eie opbouing in
liefde.
Is dit nie magtige woorde hierdie nie? Hoe lê die klem op elke lid en op elke deel
dus ook vir u en vir my. Elkeen van ons het ook ons plek in daardie liggaam. Oor
hierdie aspek het ons verlede keer volledig uitgewei, waarom hierdie bedieninge
gegee is en hier is die opsomming daarvan in hierdie gedeelte.
Hebreërs 3:1;
(Daar sal ons sien dat die Here Jesus self ‘n Apostel was en nog is.)
Daarom, heilige broeders, deelgenote van die hemelse roeping, let op die
Apostel en Hoëpriester van ons belydenis, Christus Jesus.
Ons Here Jesus is die Apostel en Hoëpriester van ons belydenis.
Die Grieks vir apostel is “Apostolis” wat beteken boodskapper, ‘n gestuurde. Dus
is eintlik elkeen in daardie sin, ‘n apostel as hy die Here se bevel nakom en
uitvoer. Waar die Here Jesus gesê het:
“Soos die Vader My gestuur het, so stuur Ek julle ook”.
In daardie opsig is elkeen wat waarlik die Here liefhet en daardie opdrag uitvoer,
‘n apostel, ‘n gestuurde.
Johannes 20:21;
Jesus sê toe weer vir hulle: Vrede vir julle! Soos die Vader My gestuur
het, stuur Ek julle ook.
Dus, as ons gaan op sy bevel, is ons almal gestuurdes as ons daardie opdrag
uitvoer; in daardie sin is ons apostels.
Kyk weer na 1 Korinthiërs 12:28;
“En God het sommige in die gemeente gestel: in die eerste plek
apostels”,
Dit is nogal belangrik om dit te beklemtoon; “in die eerste plek apostels”.
Nou weer in Efésiërs 4:11;
“En Hy het gegee sommige as apostels”,
Daar word dit ook weer eerste genoem, (is dit nie eienaardig nie, hoedat die
Satan in baie opsigte altyd die Here sal wil voorspring, in dit wat die Here se
volmaakte plan en patroon is?). U moet dit maar oplet, daar is baie sulke
voorbeelde in die Skrif, en so ook met hierdie saak waaroor ons netnou gepraat
het; in die eerste plek apostels. Dit is dus ‘n waardige posisie en ‘n posisie van
krag in die samestelling van die gemeente van die Here Jesus Christus, wat ook
sy liggaam is. Die apostel word deur Christus gestuur net soos Hyself deur die
Vader gestuur is, met ten minste ‘n deel van dieselfde gesag en dieselfde krag
en dieselfde gawes.
30

Die apostel, as die eerste gesant van God, moet daardie krag en daardie gesag
van die Heilige Gees in hom hê en hy moet, alhoewel streng en outoritêr ook
daardie “karisma” hê, wat ek seker van is, as u met my sal saamstem, wat die
Here Jesus gehad het. Dat hy streng is, maar dat hy terselfdertyd die liefde van
God uit hom sal uitstraal. Daar is ‘n paar dinge waarop ons moet let, wat jou
sommer so sal verbygaan as jou aandag nie daarop gevestig word nie. Ons het
gesien hy is in die gemeente gestel.
Kyk weer na 1 Korinthiërs 12:28; “En God het sommige in die gemeente gestel”.
[die Engels sê: “God hath set some in the church”, “settings in the church”].
Die verskillende gesteldes in die kerk. Dit is ‘n plek wat God daar gestel het, ek
sal netnou weer verder daarop terugkom.
Een van die baie dinge wat die kerk verloor het gedurende sy terugval, wat sy
klimaks bereik het in die Donker Middeleeue, is hierdie hele orde; die gemeente
het hierdie hele orde verloor en daarom neem dit so lank om dit weer terug te kry.
Hy is in die gemeente gestel soos ook in Efésiërs 4:11; “En Hy het gegee
sommige as apostels,” so dit is ook een van die gawes van God aan die
gemeente. Soos ook die Gawes van die Heilige Gees, dit was gawes aan die
individu en deur die individu maar tot nut van die gemeente. Hier is dit nou
persone, persone wat gawes van God is, aan die gemeente, en een van daardie
gawes is die apostel. Hy beklee dus die eerste plek in die gemeente. Wat nogal
baie wonderlik is en iets is wat ‘n mens ernstig oor moet nadink, is dat hierdie
“gegee en gestel” juis gekom het na die hemelvaart van ons Here Jesus.
Ons lees dit baie duidelik in Efésiërs 4 wat daarheen wys - - - - - -.
Lees saam: Efésiërs 4:8-11;
8 Daarom sê Hy: Toe Hy opgevaar het in die hoogte, het Hy die
gevangenes gevange geneem en gawes aan die mense gegee.
9 Maar dít: Hy het opgevaar - wat beteken dit anders as dat Hy ook eers
neergedaal het in die onderste dele van die aarde?
10 Hy wat neergedaal het, is dieselfde as Hy wat opgevaar het bokant al die
hemele, sodat Hy alles tot volheid kan bring.
11 En Hy het gegee sommige as apostels, ander as profete, ander as
evangeliste, ander as herders en leraars,
- - - - nadat Hy opgevaar het!
Dit gee vir ons die eerste aanduiding dat daar meer as net die oorspronklike
twaalf apostels wat van die Here Jesus was, in God se orde van die gemeente
gaan wees.
Dat die apostel dus ‘n blywende plek het in die gemeente van die Here Jesus en
dat dit nie die bedoeling het dat dít net daardie oorspronklike twaalf gaan wees
wat die Here Jesus gehad het nie. Een het in elk geval uitgeval, dit was Judas,
en in sy plek het Matthías gekom, soos ons lees in Handelinge 1, en in daardie
opsig was dit al klaar dertien.
31

Ons gaan vir u wys dat daar nog baie meer was as dit. Soos ons hier sien, dit
moes gedurig voortgaan en ook die prominente plek in die kerk en gemeente
vandag moet hê. Ons gaan sy funksie bestudeer en ons sal met mekaar
saamstem, ek is seker daarvan, hoe noodsaaklik dit is dat die Here dit sal
terugbring in Sy gemeente. Wat meer is, ek glo as ek vir u ‘n paar name noem
van godsmanne deur die eeue, sal u saamstem dat hulle werklik apostels van die
Here was. Maar omdat die kerk, sy visie en sy lering verloor het, het hy hulle nie
as sulks erken nie, en het daardie manne self nie hulle roeping in hulle plek
ingesien nie, en as hulle dit sou ingesien het, hoe groot en magtiger sou hulle
bediening nie gewees het nie.
Byvoorbeeld Dr. Andrew Murray wat in die N.G. Kerk was, ek glo dat daardie man
‘n apostel van God was, maar hy het dit net nie geweet nie, en die kerk het dit nie
geweet nie. Maar as die lig in sy tyd al deurgebreek het, en daardie man die volle
lig besef het, hoeveel meer sou hy nie vir God kon beteken het nie? Maar as ons
vandag die lig het, en die Here wek sulke manne op, daardie manne sal self
daarvan bewus wees en die gemeente sal daarvan bewus wees.
Ek dank die Here, Hy gaan groot en magtige dinge doen. As ons nou ‘n studie
maak, gaan ek nou vir u ‘n paar tekse wys. As ons hulle neem en ons tel hulle by
die oorspronklike twaalf, gaan ek vir u ten minste sewentien apostels net in die
Nuwe Testament wys. Derick Prince, een van die bekende leraars van hierdie
dae in die Christelike gemeenskap, sê daar is ten minste 28 apostels wat jy in die
Nuwe Testament al klaar kan uitwys.
Kom ons kyk na:
Handelinge 14:14;
Maar toe die apostels, Bárnabas en Paulus, dit hoor, het hulle hul klere
geskeur en onder die skare ingespring en geroep
In hierdie stuk is daar nou al klaar twee bykomstige apostels, buiten en
behalwe die twaalf apostels van die Here Jesus.
Handelinge 1:26; (Matthías wat in die plek van Judas gekom het).
Toe werp hulle die lot, en die lot het op Matthías geval; en hy is gekies
om saam met die elf apostels te wees.
So, daar het Matthías nou ook bygekom, dit maak dit drie wat bygekom het.
1 Thessalonicense 1:1;
Paulus en Silvánus en Timóthéüs aan die gemeente van die
Thessalonicense wat in God die Vader en die Here Jesus Christus is:
Genade vir julle en vrede van God onse Vader en die Here Jesus
Christus!
Nog twee apostels by, Silvánus en Timótheüs.
Ons het gesien en almal erken dit, dat Paulus was ‘n apostel en soos ons gesien
het in Handelinge 14:14; is hy saam met Bárnabas baie direk en spesifiek ‘n
apostel genoem. Maar nou is hier Silvánus en Timótheüs, wat in die aanhef
genoem is.
32

1 Thessalonicense 2:6;
Ook het ons nie eer van mense, óf van julle óf van ander gesoek nie, al
kon ons as apostels van Christus met gesag optree.
Al kon ons as apostels van Christus met gesag optree, hierdie ons, hierdie
drie, Paulus, Silvánus en Timótheüs. Silvánus was ‘n apostel, Timótheüs was ‘n
apostel. Daar wys dit vir ons al daardie paar wat bykomstig is. Dit maak dit nou
al vyf. Die groot punt is net om weg te kom van hierdie idee – “daar was net
twaalf apostels” en dit bly net twaalf apostels en daardie hele verkeerde idee.
Die apostels se funksie is heeltemal iets anders as om net by ‘n sekere groep of
orde te bly. Ons sal verder sien wat sy roeping en funksie is. Die apostelskap
sou dus bly dwarsdeur die Christen Dispensasie.
Dit het ons gesien in Efésiërs 4:11; “En Hy het gegee sommiges as apostels,”
En tot wanneer?
Efésiërs 4:13;
totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus;
---- “totdat”,----
(ons het nog nie gekom tot die eenheid van die geloof nie, daar is nog die baie
verskillende gelowe)
----- “en van die kennis van die Seun van God” ---
(ons het nog nie tot die volmaakte kennis van die Seun van God gekom nie)
----- “tot ‘n volwasse man en die mate van die volle grootte van Christus”.
Tot daardie dag moet daar die bediening van die apostel wees.
Hoe belangrik is dit nie, en hoe het die kerk en die gemeente nie skade gely
omdat die apostel nie daar is en raakgesien is en die geleentheid gegee word om
sy plek te vervul en sy bediening uit te voer nie. Hoe moet ons dan nie die Here
bid en sê; herstel hierdie gawe in die gemeente sodat ons kan kom tot al hierdie
volheid, wat vir ons hier belowe word; --- “En hier is die mate van die volle grootte
van Christus totdat ons almal”, -- u sien, weereens is die Christen heeltemal
bereid (die ware Christen) om die Here Jesus se volle heerlikheid en Sy majesteit
te erken.
As die Satan jou nie daarvan kan weghou nie, dan gee hy dit toe: dit is nog
Christus, maar dit is nie God se groot doel nie. Die saak dat die Here Jesus se
Naam bokant elke naam is, is lankal uitgemaak tussen Hom en Satan. Die groot
ding wat op die spel is, is ons, die vernederde mens, dat hy teruggebring moet
word in die gestalte waar hy moet wees.
Die ware seun en dogter van God, (dit is waarom die stryd gaan), hier staan dit;
“totdat ons kom tot die volwasse man en die mate van die volle grootte van
Christus.”
33

Moenie dat dit u oorweldig nie, dit is God se roeping vir u en my, dat ons sal kom
tot daardie volwasse man, tot daardie “mate van die volle grootte van Christus”.
Die Engels sê; “to the full stature of Christ”.
Ons moet optree soos die Here Jesus opgetree het toe Hy op aarde was. Die
magte van die hel moet aan ons onderworpe wees, soos dit was aan die Here
Jesus, sodat ons waarlik kan sê, soos dit daar sê in Johannes se sendbrief; “soos
Hy is, so is ons in die wêreld.”
Moenie uself meer langer as ‘n armsalige, ellendeling, sondaar of dit noem nie.
Die duiwel kry lekker wanneer jy dit noem. Jy is dit nie meer nie, jy is
weergebore, jy is kind van God, jy is ‘n erfgenaam, jy is saam met Hom gesete
aan die regterhand van God. Ons woon in die hemelse geweste. Ons het
outoriteit, ons het seggenskap in die Here Jesus. Die Here het hierdie vyf gawes,
Hy het dit juis daar gestel dat Hy kragtig deur hulle sal werk om die gemeente, die
liggaam van Christus te bring en te voed en op te lei, hulle te wys wat hulle plek
is. Daarvoor het die Here hierdie bedieninge gestel en die Here is besig om dit te
doen.
Té lank is dit weggehou van die gelowige. Té lank was dit gesê: “nou pleeg jy
godslastering om te sê ek kan doen wat Jesus gedoen het”. Ek wil meer sê as
dit, u móet doen, ons móet doen, wat Jesus gedoen het. Dit is ons roeping. Dit is
die heerlikheid van God sodat ons waarlik sy broers en susters kan wees. Dat
ons waarlik been van sy been en vlees van sy vlees kan wees.
“totdat” (v. 13) hierdie bedieninge en gawes is aan die gemeente gegee totdat,
tot daardie dag en ons het dit nog nie bereik in die praktyk nie, daarom het ons
hierdie gawes vandag nog nodig. Hierdie gawes het verlore geraak gedurende
die Donker Middeleeue en die tye wat daartoe gelei het, net soos baie ander
waarhede. Die waarheid van die doop van die gelowige deur onderdompeling,
het verlore geraak. Die waarheid van goddelike genesing het ook verlore geraak,
so het die waarheid van die gawes van die Heilige Gees verlore geraak, so ook
het die waarheid van die bedieninge van die Heilige Gees, net so verlore geraak.
Maar, dankie Here, dit is weer besig om terug te keer!
Matthéüs 16:18; (sê die Here Jesus; “Ek sal My gemeente bou”)
En Ek sê vir jou: Jy is Petrus, en op hierdie rots sal Ek my gemeente bou,
en die poorte van die doderyk sal dit nie oorweldig nie.
Bou, in hierdie gebou met al die lewende stene, gaan ons netnou sien, hy is
gebou op die fondament van die apostels en die profete en die Here Jesus
self is die hoeksteen daarvan. En ons is ingebou as ‘n lewende steen in
hierdie gebou.
Daarom sê hy ook in:
Efésiërs 5:25-27;
25 Manne, julle moet jul eie vroue liefhê, soos Christus ook die gemeente
liefgehad en Homself daarvoor oorgegee het
26 om dit te heilig, nadat Hy dit gereinig het met die waterbad deur die
woord,
34

27 sodat Hy die gemeente voor Hom kon stel, verheerlik, sonder vlek of
rimpel of iets dergeliks; maar dat dit heilig en sonder gebrek sou wees.
Dit is die gemeente, die gemeente heilig en sonder gebrek.
Al vyf bedieninge, dat jy hom kan sien, daar is jou apostoliese bediening, jou
profetiese bediening, jou herder, leraar, daar is jou evangeliese bediening, daar
is jou nege gawes en daar is jou nege “vrugte” duidelik en helder, en die
gemeente in die eenheid van die geloof. Ons harte wat as 't ware saam klop,
soos die hart van een. Dit is fantasties om te dink wat God gaan doen. Die
heerlikheid wat daardeur geopenbaar gaan word, dit is God se roeping en Hy
gaan dit vervul. Dit is die ware Ekklesia, dit is die ware gemeente.
Watter tekens onderskei ‘n apostel?
Waaraan sal jy ‘n apostel ken, hoe sal jy weet dat iemand ‘n apostel is?
Ek gaan vir u ‘n paar daarvan gee sodat u dit self kan toets en ook in die dae wat
voorlê daarvoor kan uitkyk.
2 Korinthiërs 12:11-12;
11 Al roemende het ek dwaas geword. Julle het my daartoe genoodsaak.
Want ek moes deur julle aanbeveel geword het; want ek het niks by dié
uitnemende apostels agter gestaan nie, al is ek niks nie.
12 Die kentekens tog van ‘n apostel is onder julle verwerklik met alle
volharding deur tekens en wonders en kragtige dade.
Die Korinthiërs was een van Paulus se moeilike gemeentes. Alhoewel hulle die
gawes gehad het, het daar ook van die liederlikste dinge onder hulle plaasgevind.
Daar was twis en partyskappe en al hierdie dinge en nou kan ons hieruit sien, as
u verder lees, dat party van hulle het selfs Paulus se apostelskap betwis. Hulle
het opgetrek teen Paulus sodat hy hier moes sê; ek het die kentekens van die
apostels en ek staan niks terug by enige van die ander apostels nie.
Een van die dinge wat hulle teen Paulus gehad het en wat nogal snaaks is, dat dit
nog dwarsdeur werk, want hulle sê, hy is nie ‘n apostel nie want hy het nie die
Here Jesus gesien nie en die oorspronklike apostels het almal die Here Jesus
gesien en ook na sy opstanding en dat dit een van die vereistes van ‘n apostel
was, en Paulus is nie ene nie want hy beantwoord nie daaraan nie. Nou sê hy vir
hulle hierdie kentekens van ‘n apostel is onder julle verwerklik met alle volharding.
As gevolg van sy bediening en plek in die liggaam van Christus sal so ‘n man skyf
nommer een wees vir Satan se aanslae. So ‘n man het uitsonderlike gawes en ‘n
uitsonderlike, sommer net ‘n algemene persoonlikheid nodig. Sulke manne sal
nie volop wees nie, daar sal nie baie van hulle wees nie, hulle sal vervolmaak
moet word soos ons Apostel en Hoëpriester van ons belydenis vervolmaak is,
naamlik die Here Jesus self.
35

So ‘n persoon sal gewoonlik deur baie lyding gaan, deur baie verdrukking, want
alles wat daar nog is van die ou mens, van die ou self, sal uit hom moet uitgaan
soos ons sal sien as ons na die volgende kyk. As gevolg van die kragtige
werkinge van God deur so ‘n persoon, sal die Satan met sy oeroue metode kom
van om byvoorbeeld hoogmoedig te wil word, om aan homself groot magte en
groot eer en die groot ek, te laat toeskrywe as gevolg van die magtige dinge wat
deur hom gebeur. Hy is nog in die vlees, nog mens tot die dag van verheerliking.
Niemand word ‘n “engel” terwyl hy nog op hierdie aarde is nie. Daar is nog altyd
die vatplek aan hom, daarom sal daar ook groot lyding en groot teleurstellinge,
verdrukking en vervolginge in so ‘n persoon se lewe wees, om juis as gevolg van
die uitnemendheid van die werking van God deur hom, hom altyd maar nog laag
aan die voete van die Here Jesus te hou, en hom sy afhanklikheid van die Here
te laat besef, miskien meer as enige ander lid van die liggaam van Christus.
Daarom, so ‘n apostel sal absolute volharding in hom moet hê. Daarom noem hy
dit ook, met alle volharding; en as jy die lewe van Paulus bestudeer, watter
volharding moes hy nie aan die dag lê nie, watter vervolginge moes hy nie
deurmaak nie. Elkeen wat so ‘n geroepene van God is, as hy nie volhard nie, sal
hy “die paal nooit haal nie”. Terloops, kyk net ‘n bietjie wat het die Here met hom
gedoen.
2 Korinthiërs 12:6-8; (het Paulus baie gehad het om in te roem).
6 Want as ek wil roem, sou ek nie ‘n dwaas wees nie, want ek sou die
waarheid praat; maar ek laat dit ná, sodat niemand my hoër mag skat as
wat hy van my sien of wat hy van my hoor nie.
7 En dat ek my oor die voortreflikheid van die openbaringe nie sou verhef
nie, is my ‘n doring in die vlees gegee, ‘n engel van die Satan, om my met
die vuis te slaan, dat ek my nie sou verhef nie.
8 Hieroor het ek die Here drie maal gebid, dat hy van my sou wyk.
1) Die teken van volharding; Daar moet volharding in sy lewe wees.
2) Deur tekens en wonders;
As daar iemand is onder hierdie bedieninge, wie se bediening gekenmerk word
deur tekens en wonders, dan is dit die bediening van die apostel.
Dus, ‘n apostel moet volharding hê, hy moet tekens en wonders en kragtige dade
in sy bediening hê. U sal met my daaroor saamstem, as hy dan die hoof is van
die gemeente, dat ons sal sien wat sy werk is, dat dit hy is, wat die stigter is van
die gemeentes, dat ‘n apostel, eintlik ‘n rondreisende bediening het.
Dat die apostel ‘n plek sal vat, mense daar tot bekering kom, of waar mense wat
tot bekering gekom het, hy daar sal gaan, die gemeente daar sal stig en in orde
sal bring. Elkeen in sy eie posisie, die herder van daardie gemeente, die
ouderlinge, die diakens, die volle funksionering in ‘n Nuwe Testamentiese
patroon. Die mense sal leer hoe om die gawes te hanteer, hoe om vir die siekes
te bid ensovoorts, en as die gemeente nou in volle werking is, dan gaan hy weer
36

verder na ‘n ander plek, en ek glo dat die Here dit so sou gefundeer het dat daar
uit daardie gemeente weer apostels sal kom, en dat dié apostels weer na ‘n ander
plek sal gaan.
Dat jou gemeente, sal wees waar jou bedieninge “geproduseer sal word” uit die
hart van die gemeente. Soos hulle, bo uitgaan, so kom jou nuwe bekeerlinge
onder in, die gemeente is in volle funksionering en hy is so goed saamgestel dat
hulle daar, opgevoed word, daar leer hulle die Here ken, hulle leer Hom liefkry.
Hulle leer die werkinge van die Heilige Gees. Sien die Here Jesus is daar in hulle
midde en van hulle af, gaan ander weer uit, na ander plekke toe. So groei die
gemeente van die Here Jesus.
Dus die apostel se tekens:
Volharding, tekens en wonders en kragtige dade. So ‘n man moet uitstaande
vrug en uitstaande gawes hê. Ek sou sê al die gawes van die Heilige Gees en
die volle vrug van die Heilige Gees behoort in volkome manifestasie te wees in sy
persoon en in sy bediening. Die ware apostel sal baie moet ly ter wille van die
Naam en die saak van die Here Jesus, om ook sy persoon, en sy siel, reg te hou
voor God; die nege gawes en die vrug van nege in volle werking, omdat hy maklik
hoogmoedig kan word en in die strikke van die Satan kan val.
1 Korinthiërs 12:8-11; (wat ons al behandel het)
8 Want aan die een word deur die Gees ‘n woord van wysheid gegee, en
aan ‘n ander ‘n woord van kennis vanweë dieselfde Gees;
9 aan ‘n ander weer geloof deur dieselfde Gees, en aan ‘n ander
genadegawes van gesondmaking deur dieselfde Gees:
10 aan ‘n ander werkinge van kragte, aan ‘n ander profesie, aan ‘n ander
onderskeiding van die geeste, aan ‘n ander allerhande tale, aan ‘n ander
uitleg van tale.
11 Maar al hierdie dinge werk een en dieselfde Gees wat aan elkeen
afsonderlik uitdeel soos Hy wil.
So, in die apostel se bediening behoort hierdie gawes in volle werking te wees en
so ook die nege “vrugte”: - Liefde, Blydskap, Vrede, Lankmoedigheid,
Vriendelikheid, Goedheid, Getrouheid, Sagmoedigheid, Selfbeheersing. As ons
hulle nou moet toets soos byvoorbeeld by ‘n man soos Paulus en Petrus, as u
mooi daarop let, terwyl u nou daarop ingestel is, sal u sien dat hierdie gawes en
vrug was volkome teenwoordig in die bediening van ‘n man soos Paulus en
Petrus en heel moontlik ook in ‘n man soos Johannes, daar word nou nie veel van
hom in al hierdie opsigte vir ons gegee in die Bybel nie.
Die tweede afdeling van die tekens van die apostel.
Die persoonlike ondervinding van ‘n apostel moet ook baie diep en eg wees en
nie hoorsê nie.
1 Korinthiërs 9:1; (Paulus praat met Korinthiërs )
Is ek nie ‘n apostel nie? Is ek nie vry nie? Het ek nie Jesus Christus, onse
Here, gesien nie? Is julle nie my werk in die Here nie?
37

Vergelyk nou:
Handelinge 1:21-22;
21 Van die manne dan wat saam met ons rondgegaan het al die tyd waarin
die Here Jesus by ons in - en uitgegaan het,
22 van die doop van Johannes af tot op die dag dat Hy van ons opgeneem is
- van hulle moet daar een saam met ons getuie word van sy
opstanding.
Toe hulle nou besluit het om iemand te kies in die plek van Judas, was dit een
van die voorwaardes dat so een gekies moes word wat saam met hulle getuie
kon wees van die opstanding van Jesus. Dit was een van die dinge wat die
Korinthiërs teen Paulus se kop gegooi het, en dit is dié dat hy dit nou ook vir hulle
sê in:
Handelinge 13:2;
En terwyl hulle besig was om die Here te dien en te vas, het die Heilige
Gees gesê: Sonder nou Bárnabas en Saulus vir My af vir die werk
waarvoor Ek hulle geroep het.
Daar kan ons sien, en baie ander plekke, dat Paulus byvoorbeeld baie definitief ‘n
apostel was, die Here gedien het met vas en met gebede. Dit is baie nodig,
hierdie diep en egte ondervinding met die Here, vir die leierskap en gesag (die
outoriteit) wat van ‘n apostel geverg word.
1 Korinthiërs 11:23;
Want ek van die Here ontvang wat ek ook aan julle oorgelewer het, dat
die Here Jesus in die nag waarin Hy verraai is, brood geneem het;
Dit is waar Paulus self gepraat het oor die instelling van die Heilige Avondmaal.
Dit is nie iets wat hy gehoor het van Johannes en Petrus die nag toe hulle vir hom
kon gesê het, ons was daar en ons het saam met Hom om die tafel gesit nie.
Paulus sê ek het dit self van die Here ontvang. Met gesag kan hyself daaroor
praat. Hy het ‘n persoonlike ondervinding en sekerheid van sy kontak met die
Here gehad.
Net ‘n persoonlike sekerheid en ondervinding aangaande jou opdrag sal help om
die verskriklike teenstand en stryd wat hierdie roeping meebring te weerstaan. Ek
kan u die versekering gee, in my eie lewe, dat daar baie oomblikke in my lewe
was, dat ek my alleen moes beroep op die feit dat God my geroep het, anders
was ek nie vandag hier nie. Die versoeking was altyd daar om terug te gaan na
my werk waarvoor ek die Here dank, waarvoor ek baie goed opgelei was.
Daardie versoeking was altyd daar, maar ek moes my beroep op die roeping van
die Here. As iemand in hierdie bedieninge wil staan en veral in die bediening van
die apostel, dan moet hy sy roeping en sy opdrag baie duidelik van God ontvang
het.
Galásiërs 1:6-7;
6 Ek verwonder my dat julle so gou afvallig word van hom wat julle deur die
genade van Christus geroep het, na ‘n ander evangelie toe,
38

7 terwyl daar geen ander is nie; behalwe dat daar sommige mense is wat
julle in die war bring en die evangelie van Christus wil verdraai.
Let op dat Paulus deur baie diep waters gegaan het, maar hy het ook ‘n
wonderlike roeping gehad waarop hy homself altyd kon beroep. Paulus was
seker van sy roeping.
Nou kom ons by die werk van ‘n apostel.
Wat is die werk van die apostel? Baie daarvan het ek alreeds vir u genoem. Kom
ons gaan nou meer in besonderheid daarop in. Ek gee vir u die tekse.
In die eerste plek:
Die werk van ‘n apostel is om bo alles die fondament te lê. Die fondament van
die gemeente, die fondament van ‘n Christen se lewe.
1 Korinthiërs 3:10-11;.
10 Volgens die genade van God wat aan my gegee is, het ek soos ‘n
bekwame boumeester die fondament gelê, en ‘n ander bou daarop; maar
elkeen moet oppas hoe hy daarop bou.
11 Want niemand kan ‘n ander fondament lê as wat daar gelê is nie, dit is
Jesus Christus.
Die apostel is soos ‘n bekwame boumeester. Party leraars in Engels noem ‘n
apostel “the master builder”, meesterbouer. Die apostel is die meesterbouer om
daardie gemeente gebalanseerd en goed gefundeerd te bou, natuurlik op die
Here Jesus.
Efésiërs 2:19-20;
19 So is julle dan nie meer vreemdelinge en bywoners nie, maar
medeburgers van die heiliges en huisgenote van God,
20 gebou op die fondament van die apostels en profete, terwyl Jesus
Christus self die hoeksteen is,
Hier is die apostels die fondament, soos Paulus op ‘n hele paar plekke gesê het,
“ek het julle verwek in Christus”, sodat hy, die apostel, self die fondament geword
het. Dit is tog waar, dat baie mense, in hulle bekering, en in daardie eerste
daeraad van hulle groei in die Here Jesus, hang dit tog af van wie daardie
fondament gelê het, en hoe daardie mense se gebou opgerig is. As daardie
fondament goed en heg gelê is, dan kan die storms maar kom, die vreemde
leringe kan maar kom, maar daardie gebou van daardie gemeente en dus van
elke individu sal bly staan.
Openbaring 21:14; (Waar dit praat van die Nuwe Jerusalem wat ook gebou is op
die fondament van die apostels)
En die muur van die stad het twaalf fondamente gehad, en daarop was
die name van die twaalf apostels van die Lam.
Hier wys dit ook vir jou dat daardie eerste klompie, omdat hulle die Here Jesus se
eerste apostels was, dat Hy ook vir hulle ‘n spesiale plek het in sy finale plan.
39

Matthéüs 19:27-28;
[Dit is miskien nie nou iets direk te doen met ons studie nie, maar ek glo dat in die
groter, algehele plan van God, dit ‘n wonderlike betekenis het.]
27 Daarop antwoord Petrus en sê vir Hom: Kyk, ons het alles verlaat en U
gevolg. Wat sal daar dan vir ons wees?
28 En Jesus sê vir hulle: Voorwaar Ek sê vir julle dat julle wat My gevolg het,
in die wedergeboorte wanneer die Seun van die mens op sy heerlike
troon gaan sit, julle ook op twaalf trone sal sit en die twaalf stamme van
Israel sal oordeel.
Dit is die belofte van die Here aan daardie apostels en dit is ook sy belofte aan
elkeen van ons, dat ons ook in daardie dag wanneer alles weer opgerig is, die
belangrike plek van die wat Hom gevolg het in daardie volmaakte koninkryk sal
inneem.
Hierdie bediening vereis feitlik dat in die apostel al die ander bedieninge ook
saamgevat sal wees, naamlik die bediening van profeet, evangelis, herder en
leraar. Alhoewel hy by uitstek die bediening van die apostel sal hê, sal hy, die
apostel, ook die bediening van die profeet hê. Maar dat die apostel in homself sal
behels die bediening van profeet, evangelis, herder en van leraar en ja, selfs tot
by die onderste bediening, ja, selfs die bediening van ‘n diaken.
Kom ons kyk na twee geskrifte wat vir my baie kosbaar is.
Naamlik:
Handelinge 11:29-30;
29 En die dissipels het besluit dat iedereen van hulle na sy vermoë iets sou
stuur tot versorging van die broeders wat in Judéa woon.
30 En dit het hulle ook gedoen en dit deur Bárnabas en Saulus aan die
ouderlinge gestuur.
Met ander woorde, hier het Bárnabas en Saulus selfs die offerande, die werk wat
die diaken doen, gevat en dit op die regte plek besorg.
Johannes 13:5; [dan sal u my bedoeling sien, nou op hierdie punt wat dit vir u sal
afrond en sal duidelik maak en waarom dit vir my so kosbaar is.]
Daarna het Hy water in ‘n bak gegooi en die voete van die dissipels begin
was en afdroog met die doek wat Hy omgehad het.
Hier was die Here Jesus, en hier het Hy vir sy dissipels as een van sy laaste dade
vir hulle gewys dat Hy bereid was om die werk te doen en die plek in te neem van
die nederigste slaaf. Want in daardie tyd was dit die werk van die nederigste
slaaf om die voetwassing te doen. Alhoewel Hy die Apostel en die Hoëpriester
van ons belydenis is, is Hy ook bereid om die laagste werk te doen.
So ook die apostel, die ware leier, sal so ‘n man van God wees. Dat alhoewel
daar magtige tekens en wonders deur hom plaasvind, dat hy die kerke
organiseer, dat almal sal opkyk na sy gesag, dat hy so ‘n persoon sal wees, dat
hy ook bereid sal wees en dit ook partykeer sal doen om die laagste diens in die
gemeente, net so maklik te verrig as die hoogste diens. Waar het ons ‘n beter
voorbeeld daarvan as in ons Here Jesus self.
40

So, dit is gladnie ‘n kwessie van die groot meneer, die groot koppe, die hoë
broers, soos daar baie keer in ons kerke van gepraat word nie. Nee, dat in
hierdie bedieninge van die Heilige Gees, dat juis dié wat miskien die hoogste
werk vir God doen, net so maklik en net so bereid sal wees om ook die laagste
werk te doen. Laat daardie gesindheid tog altyd ook in ons wees. Moet tog nooit
dat die duiwel ons, met mekaar sal laat wedywer oor wie nou ‘n hoër posisie het
as die ander een nie. Laat ons met blydskap en met dankbaarheid en met trots in
ons harte, vir die Here, die nederigste werk verrig en dankbaar wees, ons doen
dit nie vir mense nie, ons doen dit vir Hom. So, die werk van die apostel is om die
fondament te lê om gemeentes te stig.
Markus 3:14-15;
14 En Hy het twaalf aangestel sodat hulle saam met Hom kon wees en Hy
hulle kon uitstuur om te preek
15 en mag te hê om siektes te genees en die duiwels uit te dryf.
Dat Hy kan uitstuur om te preek, en om mag te hê om siektes te genees, en om
duiwels uit te dryf.
Lees ook Handelinge 8 self.
Dit is waar Filippus na Samaría gegaan het. En daar het die Here groot tekens
en wonders gedoen, en duiwels het uitgekom met groot geroep, selfs Simon die
Towenaar het daar die magtige werkinge van God gesien, en die mense is
gedoop en hulle was vol van blydskap. Maar Filippus was ‘n evangelis, en toe hy
klaar vir hulle die woord bedien het, toe die mense nou klaar tot bekering gekom
het en almal vol van blydskap was, toe kom Petrus en Johannes van Jerusalem
af om vir die mense die hande op te lê sodat hulle die Heilige Gees kon ontvang.
Dit is nie nodig vir die apostel om sy hande op jou te lê om die Heilige Gees te
ontvang nie, (alreeds behandel in vorige studies) die Here Jesus is die Doper in
die Heilige Gees en jy ontvang die Heilige Gees deur geloof. Die Here doop jou
met die Heilige Gees in jou binnekamer, op straat, langs die pad.
In die tweede plek:
Om gemeentes te vestig.
Daar is wonderlike getuienisse hoedat die Here, doop met die Heilige Gees, op
wonderlike maniere en hoedat ons vir mekaar die hande kan oplê en vir mekaar
kan bid, want dit is tog nie een van ons wat doop met die Heilige Gees nie, dit is
die Here Jesus wat doop met die Heilige Gees. Maar hier in Samaría het die
evangelis gepreek en die Here het magtige tekens en wonders gedoen. Maar
Petrus en Johannes moes van Jerusalem af kom om daardie gemeente te
vestig en in orde te stel en in volle werking te kon kry, want toe Filippus daar
klaar was , toe neem die Heilige Gees hom daar weg, weer na ‘n ander plek toe
en later het hy op die wa geklim. Dit is vir ons ‘n baie duidelike illustrasie van die
verskil tussen die bediening van die evangelis en die apostel.
Paulus en Bárnabas het ten volle saamgestelde gemeentes agtergelaat, hulle kon
dit doen want hulle was apostels.
41

Handelinge 14:21-23;
21 En nadat hulle aan daardie stad die evangelie verkondig en ‘n aantal
dissipels gemaak het, het hulle teruggegaan na Listre en Ikónium en
Antiochíë,
22 en die siele van die dissipels versterk en hulle vermaan om in die geloof
te bly deur te sê: Ons moet deur baie verdrukkinge in die koninkryk van
God ingaan.
23 En hulle het in elke gemeente vir hulle ouderlinge gekies, en hulle, ná
gebed en vas, opgedra aan die Here in wie hulle geglo het.
In elke gemeente; so daardie gemeentes was ten volle aan die sorg toevertrou
van behoorlik verkose en dan ook geordende ouderlinge.
Handelinge 15:40-41 tot Handelinge 16:1-5;
40 Maar Paulus het Silas gekies en afgereis nadat hy deur die broeders aan
die genade van God opgedra was.
41 En hy het Sírië en Cilícië deurgegaan en die gemeentes versterk.
1 EN hy het in Derbe en Listre aangekom; en daar was ‘n dissipel met die
naam van Timótheüs, seun van ‘n gelowige Joodse vrou, maar van ‘n
Griekse vader.
2 Hy het goeie getuienis gehad van die broeders in Listre en Ikónium.
3 Paulus wou hê dat hy saam met hom op reis sou gaan, en hy het hom
geneem en besny ter wille van die Jode wat in daardie streke was; want
hulle het almal geweet dat sy vader ‘n Griek was.
4 En op hulle reis deur die stede het hulle die verordeninge wat deur die
apostels en die ouderlinge in Jerusalem vasgestel was, aan hulle
oorgegee om te onderhou.
5 En die gemeentes is versterk in die geloof en het elke dag vermeerder in
getal.
Die gemeentes is versterk in die geloof en het elke dag vermeerder in getalle. Dit
was hulle werk wat daardie gemeentes gestig het en op ‘n hegte grondslag
geplaas het.
Filippense 1:1-2;
1 Paulus en Timótheüs, diensknegte van Jesus Christus, aan al die heiliges
in Christus Jesus wat in Filíppi is, saam met die opsieners en diakens:
2 Genade vir julle en vrede van God onse Vader en die Here Jesus
Christus!
Nog ‘n gemeente wat deur die apostel Paulus begin is en wat ten volle
saamgestel is saam met die opsieners en die diakens. Daardie gemeente was
goed en reg versorg, hulle kon aangaan.
Hulle het weer op hulle beurt middelpunte van krag en lewe geword, lank nadat
die apostels weer verder gegaan het. So, uit daardie gemeentes, as hy reg
saamgestel is, moet daar nou weer diegene gaan wat sal kon uitgaan en weer na
ander plekke en daar ook weer die gemeentes kon laat groei. (soos alreeds
42

vroeër verduidelik is) Anders, hoe gaan die gemeente van die Here ooit groei of
hoe gaan hulle ooit vermeerder?
1 Thessalonicense 1:8;
8 Want van julle uit het die woord van die Here weerklink nie alleen in
Macedónië en Acháje nie, maar ook op elke plek het julle geloof in God
uitgegaan, sodat ons nie nodig het om daar iets van te sê nie.
So, dit behoort ‘n goed saamgestelde gemeente te wees, sodat van hom uit, weer
die woord sal weerklink oor ‘n wye gebied.
Een van die aller belangrikste gawes van ‘n apostel moet sekerlik wees regeringe
wat Weymouth vertaal as “powers of organization”. Vergelyk hierdie volgende
skrifte. As so ‘n apostel nou so ‘n gemeente begin en hom goed saamstel, moet
hy ook die gawe hê van regeringe, hy moet daardie gemeente kan leer hoe om
homself te regeer, anders sal so ‘n klompie mense gou in wanorde
uitmekaarspat. Maar as so ‘n gemeente geleer is hoe om homself te regeer en
homself bymekaar te hou, het daardie apostel sy werk goed gedoen.
Vergelyk:
1 Korinthiërs 12:28;
28 En God het sommige in die gemeente gestel: in die eerste plek apostels,
ten tweede profete, ten derde leraars, daarna kragte, daarna
genadegawes van gesondmaking, helpers, regeringe, allerhande tale.
1 Korinthiërs 9:2;
2 As ek vir ander geen apostel is nie, is ek dit tog seker vir julle, want julle is
die seël op my apostelskap in die Here.
Alhoewel daardie gemeente van die Korinthiërs ‘n moeilike gemeente was, het
hulle tog bymekaar gebly. Hulle het tog as ‘n gemeente aan die gang gebly, hulle
is die werk en die seël van sy apostelskap.
In die derde plek:
Om gemeentes te versterk.
Terwyl ons nog besig is met die werk van ‘n apostel; die apostel het ‘n natuurlike
en spontane gesag oor al hierdie gemeentes gehad. Al het hy verskillende
gemeentes gestig omdat hy die vader is van daardie gelowiges en van daardie
gemeente, al het hy nou weggegaan en daar is nou die herder of die pastoor of
die ouderlinge wat ook maar herders is, oor daardie gemeentes aangestel en
hulle is verantwoordelik vir daardie gemeente, sal hy tog altyd wanneer hy weer
terugkom na daardie gemeente, daardie mate van gesag en respekte oor daardie
gemeente hê. Soos Paulus dan ook rondgegaan het in sy sendingreise en die
gemeentes op die verskillende plekke versterk het. Hulle was die erkende leiers
en die geestelike vaders van daardie gemeentes.
1 Korinthiërs 4:15;
Want al sou julle tienduisend tugmeesters in Christus hê, dan het julle tog
nie baie vaders nie; want in Christus Jesus het ek julle vader geword deur
die evangelie.
43

As ons dit in sy verband lees, kan ons sien dat dit weer een van Paulus se
strydpunte met hierdie klomp opstandige Korinthiërs was, wat hom naderhand
begin weerstaan het en verag het en selfs opstandig geword het teen hom en
gesê het sy persoon is minderwaardig en sy spraak is nie goed nie en
verskillende sulke dinge. As julle dit lees sal julle sien sê hy vir hulle: al het julle
dan nou ander leermeesters, amper asof hulle gesê het, ons het tog ander gekry
wat vir ons baie dieper dinge kan leer as wat Paulus ons geleer het. Dit gebeur
so maklik
Daarom is dit hierdie “elke wind van lering” waarteen gewaarsku word en ‘n mens
sê so maklik, o, ons het nou een wat ons beter goed leer, dieper inlei; o, ons het
sulke diep dinge geleer; ‘n mens kry dit so maklik in Christene. Die mense
vergeet so gou, die ou leraar het vir jou wonderlike dinge geleer maar jy onthou
dit nie alles nie en baie ander dinge ook nie eintlik ingeneem nie, nou kom daar ‘n
nuwe een, hy is die groot gees en so aan.
Paulus sê dit is nou goed, heel moontlik was daar sulkes, maar ek is nog julle
vader in die evangelie. Julle het die Here gevind deur my.
Eendag wanneer die Here julle gaan gebruik terwyl die Here vertoef om te kom,
sal julle ook nog baie sulke ondervindinge hê, moet dan nie moedeloos word nie,
onthou, volharding is een van die kentekens van ‘n apostel.
Galásiërs 4:19;
my kinders, vir wie ek weer in barensnood is totdat Christus in julle
gestalte verkry.
Paulus noem hulle sy kinders vir wie hy in barensnood is. Volharding is een van
die tekens van ‘n apostel.
In verband met hierdie selfde gedagte; gaan terug na:
1 Korinthiërs 9:1;
Is ek nie ‘n apostel nie? Is ek nie vry nie? Het ek nie Jesus Christus, onse
Here, gesien nie? Is julle nie my werk in die Here nie?
‘n Mens kry amper vir Paulus jammer as jy dink die magtige werk wat die Here
deur hom gedoen het en hoe baie hy moes ly en dat die Korinthiërs so teen hom
moes optrek dat hy dit vir hulle moes sê.
Handelinge 15:12;
En die hele menigte het geswyg en na Bárnabas en Paulus geluister,
terwyl hulle van al die tekens en wonders vertel wat God deur hulle onder
die heidene gedoen het.
Handelinge 21:18;
En op die volgende dag het Paulus saam met ons na Jakobus se huis
gegaan, en al die ouderlinge was daar teenwoordig.
Romeine 15:20;
maar só, dat ek my eer daarin gestel het om die evangelie te verkondig,
nie waar Christus alreeds bekend was nie - om nie op die fondament van
‘n ander te bou nie -
Paulus was baie gesteld daarop dat hy nie op ‘n ander se fondament sou bou nie
en dat hy sy eie werk sou doen, sy eie gemeente sou gaan stig en nie sou gaan
44

inklim op die arbeid van iemand anders nie, sodat hulle hom nie kon beskuldig nie
en dat hy vir hulle elke keer kon gaan sê: ek het julle vader geword. Julle is deur
my gebore in die Here se koninkryk.
2 Korinthiërs 10:16;
om die evangelie te verkondig in plekke anderkant julle, nie om in die
werkkring van ‘n ander oor wat tot stand gekom het, te roem nie.
Paulus was daarop baie gesteld gewees sodat in die gemeentes wat hy dan tot
stand gebring het, dat hy dan ook daar die mate van gesag sou hê. Ons vra dan
nou die vraag: is daar vandag apostels? Ons het gesien dat daar is en waarom
hulle daar moet wees, maar dat ons ook net ‘n bietjie na die anderkant kyk sodat
ons baie versigtig ook kan wees aangaande die apostels.
2 Korinthiërs 11:13-15;
13 Want sulke mense is valse apostels, bedrieglike arbeiders wat hulleself
verander in apostels van Christus.
14 En geen wonder nie! Want die Satan self verander hom in ‘n engel van
die lig.
15 Dit is dus niks besonders wanneer sy dienaars hulle ook voordoen as
dienaars van geregtigheid nie. Maar hulle einde sal wees volgens hulle
werke.
Ons het nou reeds gesien wat die teken van ‘n apostel moet wees. So, hierdie
mense sal jy maklik kan uitken.
Openbaring 2:2;
Ek ken jou werke en jou arbeid en jou lydsaamheid, en dat jy slegte
mense nie kan verdra nie; en dat jy dié op die proef gestel het wat sê dat
hulle apostels is en dit nie is nie, en hulle leuenaars bevind het;
So, daar is die vals apostels en daar is diegene wat sê dat hulle apostels is, maar
jy sal hulle ken aan hulle werke.
Ons het vir u die kenmerke van ‘n apostel gegee. Diegene wat hulleself apostels
noem en dit nie is nie, beantwoord nie een aan enige van hierdie tekens nie. Die
oorspronklike apostels moes die grondslag lê en die Goddelike openbaring vir
hierdie bediening.
Daar is in sekere opsigte die apostels van vandag, in die sin (soos ek dit met u
behandel het). Daar moet apostels wees vir die doel soos reeds genoem. Hulle
kan natuurlik nie presies wees soos die apostels van die Here Jesus nie. Enige
een wat later gekom het, kan byvoorbeeld nie ‘n getuie wees van die opstanding
van die Here Jesus nie, want dit is lank na die opstanding en dit is daarom dat
Paulus sy ondervinding op die Damaskus pad gehad het.
U kan gerus maar net hierna kyk, anders sal u dalk wonder oor hierdie gedagte in
Handelinge 9:5; Paulus noem homself ‘n ontydig geborene, net asof die Here
Jesus spesiaal van die hemel afgekom het vir hom. Ek sien dit so, ek is nie
dogmaties nie, u kan maar self dink wat u wil dink, ek voel vir Paulus het die Here
Jesus nog eenkeer persoonlik uit die hemel teruggekom om aan hom te verskyn.
45

Handelinge 9:5;
En hy sê: Wie is U, Here? En die Here antwoord: Ek is Jesus wat jy
vervolg. Dit is hard vir jou om teen die prikkels te skop.
1 Korinthiërs 15:7-9; (verwys hy daarna waar hy ook praat van die opstanding.)
7 Daarna het Hy verskyn aan Jakobus; daarna aan al die apostels;
8 en laaste van almal het Hy verskyn ook aan my as die ontydig geborene.
9 Want ek is die geringste van die apostels, wat nie werd is om ‘n apostel
genoem te word nie, omdat ek die gemeente van God vervolg het.
Dwarsdeur Paulus se bediening kan jy sien was hy baie, baie hartseer, oor
daardie vorige deel van sy lewe, toe hy die gemeente vervolg het. Maar hier wys
hy duidelik dat die Here Jesus verskyn het aan Jakobus, aan die apostels en so
aan, en laaste het Hy ook aan my verskyn, as die ontydig geborene, met ander
woorde, asof die Here Jesus spesiaal gekom het om Hom aan my te openbaar.
So in daardie sin kan daar nie weer apostels wees wat die Here Jesus gesien het
nie want die Here Jesus het nog nooit weer aan enige persoon so persoonlik
verskyn nie.
Maar sover dit die roeping betref en al die ander punte en die doel waarvoor daar
apostels moet wees, sekerlik. Die oorspronklikes moes die grondslag lê en die
Goddelike openbaring vir hierdie bediening.
2 Timótheüs 1:13; (In hierdie sin is die apostels nie meer nodig nie.)
Hou as voorbeeld van gesonde woorde dié wat jy van my gehoor het, in
die geloof en liefde wat in Christus Jesus is.
Daardie woorde het die Here aan Paulus gegee en is nie nodig om dit weer te
herhaal nie, dit staan in die Skrif.
2 Timótheüs 2:2;
en wat jy van my gehoor het onder baie getuienis, vertrou dit toe aan
getroue manne wat bekwaam sal wees om ook ander te leer.
Om dit aan ander te leer, ons kry dit, wat die Here aan Paulus gegee het, wat vir
ons neergeskrywe is, dit is nie meer nodig vir vandag nie.
So, dit is hier. Ons het nie meer spesiale openbaringe nodig nie, ons kan leer en
ondersoek wat vir ons neergeskrywe is en die grondslag wat daar vir ons gelê is.
2 Petrus 1:15;
En ek sal my beywer, dat julle ook gedurig ná my heengaan hierdie dinge
in gedagtenis kan hou.
Openbaring 22:18-19;
18 Want ek betuig aan elkeen wat die woorde van die profesie van hierdie
boek hoor: As iemand by hierdie dinge byvoeg, dan sal God oor hom die
plae byvoeg waarvan in hierdie boek geskrywe is.
46

19 En as iemand iets van die woorde van die boek van hierdie profesie
wegneem, dan sal God sy deel wegneem uit die boek van die lewe en uit
die heilige stad en uit die dinge waarvan in hierdie boek geskrywe is.
So, die dinge wat die Here deur die profete en apostels ensovoorts, in die boek
geskrywe het, in daardie opsig kan daar nie weer apostels wees nie want dit is vir
eens en vir altyd vir ons hier vasgelê.
Terloops, as u daardie boekie gelees het van Pastoor Werner, “Die Apostel
Sekte”, (is ‘n goeie boekie) daarop gaan hy in op hulle katkisasie en die
verskriklike dwaalleringe. Hierdie apostelsekte is gebore uit ‘n beweging wat
genoem word; “The Irvingites”, dit was ‘n Skotse predikant Edwin Irving, ‘n baie
ernstige man. Die Heilige Gees het in sy kerk begin val in hierdie Presberitaanse
kerk in Skotland.
Die mense het in tale begin praat en geprofeteer oor die wederkoms van die Here
Jesus, toe begin Irving hom as die groot apostel van die Here te beskou, daar het
sy dwaling gekom. Uit dit, het hierdie Twaalf Apostel Sekte ontstaan. Dit is
skrikwekkend, interessante geskiedenis, en dit is ‘n verskriklike les vir ons hoedat
daar dwalinge kan kom as ‘n mens jou nie hou by die woord van God nie.
Maar die bediening van die apostel bestaan baie beslis vandag soos ons gesien
het in: 1 Korinthiërs 12:28 en Efésiërs 4:11-13, en dat dit nou van die uiterste
belang is in die gemeente om God se Woord en God se orde vir hierdie laaste
dae van hierdie dispensasie te glo.
Ons het die Bediening van die Apostel meer nodig as ooit te vore. Ek glo dat dit
deel van die Elía Bediening, voor die Wederkoms van ons Here Jesus gaan wees
om die volk van God voor te berei vir die koms van haar Koning.
Dit sal ‘n Bediening van Gesag wees.
47

Die Profeet
(Kasset nr. L021)
Met ons reeks oor die bedieninge van Jesus Christus het ons maar nou eintlik so
pas begin met een van hulle. Ons het die inleiding gehad en die noodsaaklikheid
met mekaar behandel en gesien hoe wonderlik dit is en hoe baie nodig dit is vir
hierdie tyd. Vir hierdie magtige tyd waarin ons lewe, waar die Here Jesus se
koms voor die deur is. Hoe noodsaaklik dit is dat ons die bedieninge van die
Here Jesus weer in hierdie tyd moet hê, en dat ons dit gaan kry.
Ons het gepraat dat tye van benoudhede oor ons gaan kom, maar dat die Here in
daardie tyd van benoudhede Sy uitredding gaan gee. Dit is een van die
wonderlike dinge wat die Here gaan doen, en u moet dit betrag, u moet daaroor
peins wat ons daarmee gaan doen, u moet in die gees vir uself hierdie leringe
voorstel en uself daarin inleef.
Ons het byvoorbeeld met mekaar behandel, die apostel, die tekens van ‘n
apostel, wat die apostel sal doen en hoedat sy bediening baie definitief gepaard
gaan met die bonatuurlike, met wonderwerke, wonders en tekens en al die dinge.
U moet vir uself sê; Here, bring terug daardie bediening na die kerk toe, na die
gemeente toe. Dink ‘n bietjie daaraan, ons eie gemeente, wel die hele Christelike
saak, wat gaan dit vir ons beteken as die Here weer ‘n Petrus of ‘n Paulus of
enige van daardie manne opwek in ons midde. Loof die Here!
Ons kom nou by die tweede bediening, die van profeet. Ek moet u eerlik sê, dié
bediening is wonderlik, aangrypend en heerlik. Ons moenie die Heilige van Israel
beperk nie en sê: “Here dit is sekerlik net moontlik tot sover”. Nee, laat die Here
sy volle kapasiteit bereik met dit wat Hy vir ons belowe het.
Ons lees eers weer ons twee gedeeltes want al vyf die bedieninge kom daarin
voor. (Ons behandel dit een vir een)
Ons lees weer:
Efésiërs 4:11-16;
11 En Hy het gegee sommige as apostels, ander as profete, ander as
evangeliste, ander as herders en leraars,
12 om die heiliges toe te rus vir hulle dienswerk, tot opbouing van die
liggaam van Christus,
13 totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus;
14 sodat ons nie meer kinders sou wees nie wat soos golwe geslinger en
heen en weer gedryf word deur elke wind van lering, deur die bedrieëry
van die mense, deur sluheid om listiglik tot dwaling te bring;
48

15 maar, terwyl ons in die liefde die waarheid betrag, in alles sou opgroei in
Hom wat die Hoof is, naamlik Christus,
16 uit wie die hele liggaam - goed saamgevoeg en saamverbind deur die
ondersteuning wat elke lid gee volgens die werking van elke afsonderlike
deel in sy mate -- die groei van die liggaam bevorder vir sy eie opbouing
in liefde.
Is dit nie ‘n wonderlike gedeelte nie?
Dit wys net weer vir ons hoedat elkeen van ons mekaar se groei moet bevorder in
die opbouing en bevordering van sy eie opbouing in liefde.
Net ons ander gedeelte:
1 Korinthiërs 12:27-31;
27 Maar julle is die liggaam van Christus en lede afsonderlik.
28 En God het sommige in die gemeente gestel: in die eerste plek apostels,
ten tweede profete, ten derde leraars, daarna kragte, daarna
genadegawes van gesondmaking, helpers, regeringe, allerhande tale.
29 Almal is tog nie apostels nie, almal is tog nie profete nie, almal is tog nie
leraars nie, almal is tog nie kragte nie?
30 Het almal genadegawes van gesondmaking, spreek almal in tale, kan
almal dit uitlê?
31 Maar beywer julle met die oog op die beste gawes; en ek wys julle ‘n nog
uitnemender weg.
Nou u sal met my saamstem dat daar vandag groot vaagheid omtrent die
bedieninge van Jesus Christus bestaan en miskien tot ‘n mate die grootste
vaagheid van almal, oor die profeet.
Miskien het die mense darem ‘n idee. Ons lees van die apostel Paulus en Petrus,
en ons weet hoe Petrus se skaduwee op die siekes geval en hulle gesond
geword het. Ons is darem bekend met die baie wonderwerke van Paulus en sy
magtige bediening en so ook as evangelis. Ons hoor darem die naam profeet,
selfs sover die “hoor” daarvan betref, en daarom bestaan daar ook groot
vaagheid en netso ook oor die bedieninge en gawes en wonderlike kragte van
God, wat verlore geraak het toe die afval begin kom het na die krag van die
eerste primitiewe kerk, en hoe die kerk naderhand beland het in die Donker
Middeleeue, waarvan ek u al baie vertel het en waar die ou vlammetjie baie laag
gebrand het: feitlik heeltemal verlore geraak het, behalwe sover dit die plan van
God betref, maar sover dit die uitwerking daarvan betref, of selfs die hoor daarvan
in die geskiedenis, het dit vir alle praktiese doeleindes verdwyn.
U kan dus sien waarom, wel tenminste vir my, ek hét baie tyd daaraan gegee. Ek
moes baie die Here se woord ondersoek; soek wat andere ook daaromtrent gesê
het, en bid omtrent die saak dat ek vir u hierdie bediening kan bring soos dit
uitstaan in God se woord. Dat u kan sien wat ‘n wonderlike bediening dié van ‘n
profeet is en dat u met my sal saamstem, ek hoop so, wanneer ek klaar is dat u
sal sê: “Here, hoe kan die kerk, die gemeente, klaarkom sonder die bediening van
die profeet? Here, daarom gaan ek dit ‘n deel maak van my gebed en van my
49

lewe en my strewe, sodat U ook daardie bediening gaan terugbring in die
gemeente, die bediening van die profeet”.
Die eerste waarvan ons baie seker moet maak, vir u is dit miskien nie ‘n probleem
nie want u het heel moontlik nog nooit só oor die saak gedink nie, maar daar is
tog baie kringe, pinksterkringe, selfs in ander kringe, die gewone gevestigde
kerke, as jy vir hulle gaan vra wat is ‘n profeet, sal baie predikers sê; “O, die
profeet? Die moderne weergawe daarvan is maar net jou prediker. ‘n Profeet is
‘n prediker. In die dae van die Bybel was die profete predikers”.
Ek wil vir u sê, dat dit baie vér daarvandaan is. U sal sien soos ons verder gaan,
u moet mooi daarop let, as u hierdie dinge mooi leer gaan die Christelike weg, u
eie weg van aanbidding, baie interessant word. U gaan in die dienste, waar u dit
ook al mag bywoon, in die dae wat voorlê, baie dinge raaksien wat voor u oë
gaan gebeur maar wat u nooit sou raakgesien het as u dit nie geweet het nie.
Byvoorbeeld in baie prediking, terwyl predikers besig is om te preek, sal jy die
salwing van die Here op ‘n spesiale manier op hom sien kom; partykeer sal sy
gesig begin blink. Jy sal dit voel en jy sal dit sien, jy sal hoor in sy prediking dat
daar ‘n “mantel” op hom begin val. Dan moet jy mooi luister, party dele van sy
prediking sal ook profeties wees. Daar sal sekere dinge wees waaroor hy sal sê
as jy hom agterna vra en hy sy hart vir jou oopmaak, “Ek was net so verbaas om
myself dit te hoor sê as wat jy was”.
Dit is ‘n openbaring, die Gees van God kom op jou. In daardie sin kan ‘n prediker
ook partykeer profeteer, maar hy is nog nie ‘n profeet nie, dit is maar net so ‘n
glansie daarvan. Ons sal sien wat werklik ‘n profeet is. Maar dit wat ek nou net
gesê het sal vir u baie geseënd wees en vir u dit nog soveel heerliker maak, ook
onder die bediening van God se woord, as u dit agterkom.
Nou, ‘n profeet, ons praat van ‘n “weerprofeet” en ons sê, “man, moenie vir my
profeteer nie”. Ons het al gehoor van Siener van Rensburg wat gesigte gehad
het. In daardie opsig weet ons taamlik wat ‘n profeet beteken; in die sin dat
iemand oor die toekoms profeteer. Daar is ‘n deeltjie daarvan in die bediening
van ‘n profeet, maar dit is nie naby dit nie en ook nie hoofsaaklik dit nie. Ek praat
nie teen kerke en bewegings nie, ek dank die Here vir elke Christelike kerk waar
die Here Jesus se naam nog genoem word, en ek dank die Here vir nog elke plek
waar jy met jou Bybel kan gaan en nog kan luister na die woord van God en laat
ons bid vir elke kerk wat die Here se woord nog in ere hou.
In elk geval, daar is party bewegings, veral een beweging, wat vandag baie
prominent is in pinksterkringe, waar hulle sê dat die profeet die hoof persoon is.
Om die waarheid te sê, as jy die saak mooi ondersoek, is die profeet alles, en
alles draai om hom. Daardie profeet is ook (ek huiwer om dit te sê) hulle diktator,
wat daardie profeet sê, sidder en bewe hulle daarvoor. Hulle het Skrif daarvoor;
50

hulle sê Saul het gesidder en gebeef voor Samuel, die profeet. Hulle sê as die
profeet jou in die oë begin kyk en hy kyk diep binne in jou hart, en jy het daar ‘n
verkeerde ding in, netnou haal hy dit daaruit.
Ons dank die Here daarvoor, mag die Here vir ons daardie gawes gee in hulle
werklikheid en egtheid. Dit is ook in daardie beweging wat die profeet vir jou
persoonlike profesieë sal gee en ek wil u waarsku, pasop vir persoonlike
profesieë, pasop as iemand jou selfs op jou naam noem en vir jou “dit” en “dat”
sê. Moenie dat dít u laat struikel nie, en selfs partykeer dinge wat u by ons
gehoor het nie. Party van ons mense gaan ook na ander plekke toe, dan hoor
hulle ook dinge en is hulle nie versigtig genoeg nie. U moet nie daardie ding
aanvaar nie.
Daar is baie mense wie se lewens al verwoes is en gemeentes wat verwoes is
deur persoonlike profesieë. Dit kan amper gesê word, ons land lê in baie opsigte
gestrooi met die geestelike geraamtes van mense wie se Christelike lewe
verwoes is deur persoonlike profesieë wat oor hulle uitgespreek is.
In party plekke was daar vir mense geprofeteer, as jy ‘n plaas het, moet jy dit
verkoop, jy moet jou huis verkoop en jy moet “dit” en “dat” doen. Ek het dit nie so
in die Here se woord gesien nie, maar as iemand na jou toe kom en vir jou werklik
sê; die Here sê vir my so en so omtrent jou, goed, dit kan gebeur, maar dan sal
die Here dit vir jou baie beslis, ook persoonlik wys.
So ‘n “profeet”, van so ‘n beweging, het my eendag na sy huis laat roep en gesê
hy wil met my praat. Daar het hy nou al klaar die Christelike reël van die liefde
oortree en selfs net die reël van ordentlikheid. As ek met jou wil praat, kom ek na
jou huis toe, ek ontbied jou nie na my huis toe nie.
In elk geval, ek het gegaan, toe sê hy vir my, terwyl hy net so sit en wys na die
mat, “My broer, ek het heelnag op hierdie mat geworstel omtrent jou. Dit was die
eerste keer dat ek hom ontmoet, het baie van hom gehoor en hy het ook van my
gehoor. Dit was hier in die begin van ons groepie, ons het net so ‘n rukkie
“uitgestaan”, en baie bewegings wou ons gehad het dat ons by hulle moes
inskakel.
Ek het gehoor; miskien het die Here my gewaarsku daarteen, ek het ‘n berig
gehoor dat iemand my gaan nader, maar ek het nie geweet wie nie. Toe ontbied
die man my en hy sê; “Ek het heelnag geworstel omtrent jou op hierdie mat en die
Here het vir my gewys, jy moet Kanada toe gaan om daar vir ons te gaan werk”.
Ek sê vir hom, “wel broer, baie dankie, ek waardeer dit dat jy so aan my gedink
het, maar as die Here van my dit wil hê, sal Hy dit vir my ook wys, en die Here het
nog niks vir my gewys nie.
In elk geval, ek voel nie ek kan daarmee saamstem nie. Waarom moet ek na ‘n
land gaan, duisende myle ver van hier, terwyl my volk, hier rondom my, besig is
om te vergaan en nou moet ek gaan na vreemde mense terwyl ek my eie nasie
ken. Ek ken ons gewoontes, ek ken ons harte, ek is een van hulle, ek praat
dieselfde taal”. Ek sê, “ek kan nie die leiding van die Here daarin sien nie”. Hy
51

sê; “Nou maar goed, die Here sal dit vir jou wys”. Hy het nog ‘n paar ander dinge
ook oor my geprofeteer, dit het nie waar gekom nie. Baie mense, as hulle hierna
luister oor die band, mense wat miskien van dié beweging is of simpatiek gesind
is, sal my dalk kwalik neem, maar ek praat tog daaroor, luister mooi daarna en
gaan vra die leiding van die Here.
Ek glo dat die gawe van die profeet vandag nog in werking is, maar omdat ons
nog so min daarvan weet en so min op die uitkyk is daarvoor, word dit nie
raakgesien en erken nie. U sal sien wanneer ek verder gaan om vir u die
kenmerke van die profeet te wys, dat u miskien al in baie se lewens hierdie
eienskappe raakgesien of agtergekom het.
Ons is nou besig om die dinge van God te behandel, ons het die Gawes
behandel, die Vrug en ons is nou besig met die Bedieninge. Nou in wie gaan die
Here dit bewerk, in sy mense, in sy kinders?. U moet uself ook nie uitsluit dat die
Here die gawes nie in u sal laat werk nie, (u is deel van die gemeente) of dat Hy
ook nie van u ‘n apostel, profeet, of enige van die ander drie kan maak nie. Wag
op die Here en sê: “Here, hier is ek”. Ondersoek sy woord; soek sy aangesig; stel
jou hart oop; kyk dat die Here jou reinig; alles wat die Heilige Gees vir jou wys wat
nog verkeerd is, bely dit, maak dit skoon, maak dit reg, kry jou lewe in orde, kry
jouself diensbaar vir God. Prys die Here!
So ook vir die profeet. Kom ons kyk byvoorbeeld na die volgende benaminge.
Ons hoor baie van pastoor so en so, dit is ‘n taamlike algemene woord, maar
hoor ons ooit van profeet so en so, of apostel so en so? Hoekom nie, (nie dat
ons nou met titels moet rondloop nie), as ons die bediening erken nie? In die
begin het ek vir u gesê dit is nie die naam apostel of profeet, of wat ook al, wat
van jou een gaan maak nie, dit is die bediening wat van jou een sal maak. Jy
moet dit bewys, en as jy dit kan bewys, is jy eintlik daardie benaming werd.
Die een wat kan bewys in sy lewe en in sy bediening dat hy ‘n profeet is en hy
word so genoem, sal vir die wêreld snaaks lyk. Daar is baie dinge van God wat
vir die wêreld snaaks lyk; dit het verlore gegaan, maar dit is hier, dan sal dit vir die
Here en Sy Rangorde nie snaaks wees nie. Dieselfde met enige van die ander
benaminge. Ons praat baie maklik van evangelis so en so, nou hoekom nie van
profeet so en so nie? Dit is een van die vyf bedieningsgawes.
‘n Ware profeet het baie voorbereiding nodig, u sal sien waarom. Hy het ‘n
noue omwandeling met die Here nodig sodat hy waarlik die sin van God kan
ontvang om aan die mense mee te deel. Dit is deel van sy bediening. Die
profeet moet so naby aan God lewe dat hy die sin, soos in Engels gestel, “that he
can get the mind of Christ”, dat hy God se gedagte kan kry en dat hy daardie
gedagtes kan deelagtig word en dat hy dit aan die mense kan meedeel. Dat hy
as 't ware die stem van God hoor.
52

U sal dit sien wanneer ek vir u voorbeelde gee, Elía, Elísa en ook in die Nuwe
Testament en so aan. Wanneer ons die tekse lees, dan sal u dit sien. Nou kan u
al klaar die heerlikheid van God begin agterkom. Dit moet wonderlik wees om die
stem van God te hoor. Dit moet wonderlik wees om God se gedagte te kry.
Dieselfde byvoorbeeld; u kan my gedagtes lees, en ek kan presies u gedagtes
lees. Wat ‘n wonderwerk sal dit nie wees nie. Wat van God se gedagtes, Hy sê;
“My weë is hoër as julle weë en My gedagtes is hoër as julle gedagtes, soveel as
wat die hemel hoër is as die aarde”, maar die profeet, hy ontvang daardie
gedagte van God om dit aan die mens te gee. Daarom sal die profeet ook
onder inspirasie optree, daarom sal jou profeet ‘n besonderse persoon wees.
‘n Profeet sal ‘n opgewonde persoon wees. Daar sal ‘n opgewondenheid, jy
kan amper sê, ‘n soort van emosie by hom wees. Die profeet sal nie in baie
opsigte wees soos die leraar nie, soos ek vir u sal wys wanneer ons daarby kom.
Die leraar wat die Skrif leer is ook geïnspireerd, onthou, dit is ook die bediening
van die Here Jesus net soos ek vir u gesê het met die 'Gawes” en die “Vrug” dat
dit van die Heilige Gees is, dit is bonatuurlik. Alles wat bonatuurlik is, moet ‘n
vonk in hom hê, jy kan nie net sommer hier staan en ‘n referaat lewer en aflees
nie. Niks van God kan jy so doen nie. God se inspirasie moet in alles wees.
Die profeet is ‘n besonderse persoon. Jy sal dit ook sien in sy geaardheid, jy
kan sommer nou al kyk na Johannes die Doper, hy was ‘n profeet. Kyk na Elía,
Elísa, Jeremia, Samuel, Jesaja ensovoorts. Samuel was die laaste rigter en die
eerste profeet, hulle was emosionele mense, daar was ‘n vonk en ‘n vuur in hulle.
Ek kan amper sê, geen wonder dat die meeste van hulle doodgemaak was nie,
want die gedagte van God, sover dit die mens betref was baie dikwels gedagtes
van oordeel en gedagtes van ontevredenheid oor die sonde van die mens, en die
profeet moes dit ontvang, dit in sy siel inkry en hy moes dit gee aan die mens
soos God dit sou gegee het, as God op daardie oomblik as mens aan hulle kon
verskyn. Dan kan u dink hoe die profeet moet wees, wanneer daardie profeet
weer in sy volle funksie, sy volle bediening onder ons begin beweeg.
Dan gaan dinge begin beweeg in jou kerk, jou gemeente, dinge gaan begin
beweeg in jou volk, want dit was niks vir daardie profeet om voor die koning te
gaan staan en vir die koning te sê: “So sê die Here”, nie.
Ek glo in hierdie tyd, geweldig soos dit mag klink, gaan dit niks wees vir die
profeet om so voor die eerste minister te gaan staan nie, veral in hierdie tye
waarin ons lewe, “Edelagbare, so en so sê die Here!”
Dink maar aan Elía met Agab en so aan. U kan miskien nou begin om ‘n gedagte
te kry, maar ons het maar nou net begin. Omdat die profeet die gedagte van God
gekry het, sal jy soms baie van die profeet in God se diensknegte sien, miskien in
alledaagse, gewone diensknegte waar baie van hierdie dinge gekombineerd is,
net soos baie van die gawes in een persoon gekombineerd kan wees. Ek is
seker daarvan, as ons die Apostel Paulus se lewe ontleed (ek het nie tyd gehad
53

om dit te doen nie, dit is so ‘n bietjie buite die veld van ons studie) sal ons vind
dat in hom al nege die gawes was en alhoewel hy ‘n apostel was het Paulus baie
van die profeet in homself gehad. So ook in God se diensknegte van vandag. Ek
glo dat daar baie van hierdie is wat jy alreeds kan begin sien en wat die Here
besig is om te ontwikkel en na vore te bring.
Net so met die gawe van profesie. Die profeet is nie dieselfde as die gawe van
profesie nie, (een van die nege gawes van die Heilige Gees), alhoewel baie van
hulle soms met mekaar sal kombineer. Net so die gawe van profesie, waarvan ek
u gesê het, dit is ‘n inspirasie van God, dit is op die oomblik, ‘n flits, ‘n boodskap
van die Here.
Enigiemand kan profeteer en hy kan daardie profetiese boodskap gee, maar dit
maak nog nie van hom ‘n profeet nie. Die gawe van profesie werk deur daardie
persoon, maar dit kan ook gekombineerd wees met die bediening van die profeet.
Kom ons kyk na ‘n paar verse, ons sal weer na hulle toe terugkom. U het hulle
baie in ons vorige studies gehad.
1 Korinthiërs 14:24-25;
24 Maar as almal profeteer en daar ‘n ongelowige of ‘n onkundige binnekom,
dan word hy deur almal oortuig, deur almal beoordeel;
25 en so kom die geheime van sy hart aan die lig. En so sal hy op sy
aangesig val, God aanbid, en verkondig dat God werklik onder julle is.
So, hier, deur die gawe van profesie, waar jy profeteer, word ‘n persoon in
daardie diens, se hart vir hom geopenbaar. Dit is een van die maniere waarop
die Here dit doen, waar die Here sy werklikheid binne die gemeente manifesteer
en bewys, veral baiekeer, wanneer ‘n ongelowige op daardie manier oortuig word
van die werklikheid van die Here.
1 Korinthiërs 14:29-30;
29 Laat twee of drie profete spreek en die ander dit beoordeel.
30 Maar as daar iets geopenbaar is aan ‘n ander wat daar sit, laat die eerste
swyg.
Hier kry u weer die idee van openbaring, alhoewel ek glo, ek mag hier verkeerd
wees, daar is verskillende vertolkings. Ek voel as ons dit in sy verband hier lees,
glo ek dit dui hier meer op die gawe van profesie, hy is daarmee besig, alhoewel
hy praat van die profete, “waar twee of drie is”, dat hulle, “twee of drie”, moet
spreek by beurte, as die een besig is om iets te sê en die Here openbaar iets aan
‘n ander een dan moet die eerste swyg.
Dit word vir my vertel, en ek dink dit is nogal wonderlik as dit so sal werk, en dit
het al baie gebeur, waar hierdie gawe baie goed funksioneer, dat terwyl ek
byvoorbeeld in ‘n diens besig is om te praat en onder die inspirasie profeteer, die
Here skielik iets aan ‘n ander sou openbaar, en hy is natuurlik baie oortuig
daarvan, hy my aandag sal trek en sê: “Wag broer, die Here het nou vir my iets
gewys”, dat ek niks daarvan sal dink nie en net sal gaan sit dat hy dan kan
aangaan. Dit sal nie ‘n weerspreking wees nie, net ‘n aanvulling en voortsetting
54

van dit wat die Here my gewys het. Dit kan gebeur dat nog een vir hierdie broer
kan sê wag, die Here het dít nou weer vir my gewys. Maar hulle mag by beurte
praat, ordelik en tot stigting die openbaringe van God aan die gemeente meedeel.
My rede waarom ek hierdie deel hier ingebring het is omdat dit belangrik is om te
beklemtoon, dat die profeet onder inspirasie moet praat. Dit is ‘n inspirasie, ‘n
boodskap wat hy van God ontvang vir daardie oomblik, alhoewel dit nie die
volledige prentjie is nie.
Die profeet, as gevolg van sy bediening en sy funksie sal natuurlik ook kan
voorspellings maak omtrent die toekoms as die Here vir hom ‘n openbaring gee
deur die Heilige Gees.
Kom ons kyk wat die kwalifikasies van ‘n profeet moet wees om dit te kan doen
en netnou verder aan sal ek weer met u daarop terugkom.
Deuteronómium 18:22; (hoedat u die profeet moet leer ken in u midde en
versigtig moet wees vir vals profete).
22 as die profeet in die Naam van die Here spreek, en wat hy gesê het,
gebeur nie en kom nie uit nie, dan is dit die woord wat die Here nie
gespreek het nie; deur vermetelheid het die profeet dit gespreek; jy mag
vir hom nie bang wees nie.
Dit is jou toets!
As die persoon profeteer en daardie persoon sê hy is ‘n profeet of die mense sê
daar is ‘n profeet, daardie persoon profeteer iets aangaande die toekoms, en dit
kom nie uit nie, dan moet jy weet, dit is nie van die Here nie. Die profeet van die
Here, as hy vir jou sê: In die naam van die Here, “dit en dat” gaan gebeur, dan sal
dit uitkom, want God kan nie lieg nie, maar as dit nie uitkom nie, dan was dit nie
van die Here nie, dan het hy, soos dit hier sê, deur vermetelheid dit gespreek, jy
mag nie vir hom bang wees nie.
Ek kan vir u die versekering gee en daar is baie voorbeelde in die Skrif daarvan,
baie vals profete kan indrukwekkend wees, sy toon van stem, sy manier van
optree, sy persoonlikheid selfs kan jou baie imponeer en veral onder die vaandel,
naamlik; “in die naam van die Here”, kan dit jou baie laat skrik, maar moenie vir
hom bang wees nie. In elk geval moet geen mens vir ‘n ander mens bang wees
nie, jy kan net die Here vrees, soos iemand eenkeer gesê het, en ek stem
daarmee saam, my hart sê Amen!
As jy die knie voor God buig, hoef jy vir niemand anders te buig nie. So, moenie
bang wees vir ‘n ander mens nie. Vrees die Here, ja! As die profeet kom en
daardie profeet het homself bewys; ek is seker daarvan u sal met my saamstem,
‘n Elía het homself bewys, geen wonder dus dat Agab vir hom bang was nie.
Samuel het homself bewys, geen wonder Saul was vir hom bang nie want hy het
Saul se hart sommer so uitgelê soos jy ‘n boek sal lees en Saul het geweet hy
kan nie by Samuel verbykom nie, hy was vir Samuel bang gewees. Goed so sal
jy die profete leer ken maar laat die profeet hom dan self in jou midde en jou lewe
bewys.
55

Deuteronómium 13:1-5;
1 As ‘n profeet of een wat as dromer optree, by jou opstaan en jou ‘n teken
of wonder aankondig,
2 en die teken of wonder kom uit wat hy jou beloof het met die woorde:
Laat ons agter ander gode aanloop - wat jy nie geken het nie - en hulle
dien,
3 dan moet jy nie luister na die woorde van dié profeet of na dié man wat as
dromer optree nie; want die HERE julle God beproef julle om te weet of
julle werklik die HERE julle God liefhet met julle hele hart en met julle hele
siel.
4 Julle moet die HERE julle God navolg en Hom vrees en sy gebooie hou
en na sy stem luister en Hom dien en Hom aanhang.
5 Maar dié profeet of dié man wat as dromer optree, moet gedood word,
want hy het afval verkondig van die HERE julle God wat julle uit
Egipteland uitgelei en jou uit die slawehuis verlos het, deur jou af te drywe
van die weg wat die HERE jou God jou beveel het om daarop te wandel.
So moet jy dan die kwaad uit jou midde uitroei.
So die Here het voorsiening gemaak, en die Here het vooruit daarteen gewaarsku
dat daar valse profete kan kom en u kan uself uit die aard van die saak dit maklik
voorstel. Die profeet, soos ek vir u gesê het, hy hoor die stem van God, die ware
profeet, ek weet nie of ek dit oordryf nie, u moet dit maar self beoordeel. Dit is
hoe ek dit voel en hoop, en hoe ek dit sien, wanneer ons na ‘n paar voorbeelde
gaan kyk.
‘n Ware profeet hoor en voel as 't ware die hartklop van God. Dus, dit is ‘n baie
magtige bediening, maar u kan ook sien dat die duiwel in mense kan werk om dit
na te boots en baie maklik, baie imponerend en indrukwekkend daaromtrent te
wees, en daarom waarsku die Here ons ook ernstig. Ek sal u nog ‘n paar ander
Skrifte ook gee.
Génesis 20:7;
Gee dan nou die man se vrou terug, want hy is ‘n profeet; en hy sal vir jou
bid, dat jy kan lewe. Maar as jy haar nie teruggee nie, weet dan dat jy
sekerlik sal sterwe, jy en almal wat aan jou behoort.
Dit is hier waar God met Abiméleg praat omdat hy Sara geneem het wat eintlik
Abram se vrou was. Abram was self ook nie reg nie want hy het gesê dit is sy
suster. Maar toe het die Here met Abiméleg gepraat en so noem die Here
teenoor Abiméleg al klaar vir Abram ‘n profeet. So, Abram was in daardie opsigte
ook ‘n profeet van die Here, miskien die voorloper van die profete.
Kom ons gaan nou na die ander deel van die Bybel.
Judas verse 14-15;
14 En Henog, die sewende van Adam af, het ook teen hulle geprofeteer en
gesê: Kyk, die Here het gekom met sy heilige tienduisendtalle,
15 om gerig te hou oor almal en al die goddelose mense onder hulle te straf
oor al hulle goddelose werke wat hulle goddelooslik gedoen het, en oor al
die harde woorde wat die goddelose sondaars teen Hom gespreek het.
56

So, Abram was ‘n profeet maar voor hom was ook Henog ‘n profeet en het hy
hierdie voorspelling gemaak soos hy werklik vooruit gesê het, ook dit wat waar
gekom het en uitgekom het. Soos ek alreeds vir u gesê het, profete is manne wat
God se stem gehoor het en dit aan sy volk bekend gemaak het. Ek wil dit weer
herhaal, die profeet hoor die stem van God, maar daardie profeet moet dit ook
bekend maak aan God se volk.
Nou kan u met my saamstem, ek het dit ook gesê, en wil dit net herhaal, dat u
kan besef, hoe naby so ‘n profeet aan God moet leef om werklik God se stem te
kan hoor en dit aan sy volk bekend te maak.
U kan dan ook besef hoe ons as die liggaam van Christus funksioneer. Dit is tog
nie ‘n mens wat vereer word nie, as ‘n persoon ‘n profeet is en hy is werklik ‘n
profeet, sal hy die laaste een wees om eer daaruit te haal. Hy is ‘n dienskneg van
God, hy is deel van God se plan, so ook ons as God se kinders. As die Here vir
ons, vir sy volk ‘n profeet opwek dan gaan elke ware kind van God daaroor juig.
Hy gaan saam vir die Here dankie sê, saam ook die verantwoordelikheid aanvaar
vir daardie land se bediening. Onthou, soos ons nou net gesê het, deur dit wat
elke lid van die liggaam voorsien, word almal opgebou tot die gestalte van die
Here Jesus.
Daarom sal ons ook, wanneer die Here so ‘n persoon opwek, vir hom baie moet
bid dat die Here vir hom die genade sal gee dat hy altyd naby aan die Here sal
bly sodat hy God se stem sal hoor.
Exodus 7:1; (‘n voorbeeld van die werk van ‘n profeet).
En die HERE het aan Moses gesê: Kyk, Ek stel jou as ‘n god vir Farao, en
jou broer Aäron sal jou profeet wees.
Dit is weer dié een, wat God se stem sal hoor en dit dan aan die mense sal
meedeel. Dit is dan ook die betekenis van ‘n profeet, dit is die openbaarder of
vertolker van God se woord.
‘n Profeet, om werklik sy funksie te vervul, sal u met my saamstem, kan nie
daardie werk doen as die Heilige Gees nie op hom kom nie. Dit alleen is heerlik
en wonderlik.
Númeri 11:29;
Maar Moses sê vir hom: Ywer jy vir my? Ag, as die hele volk van die
HERE maar profete was, dat die HERE sy Gees oor hulle mag gee!
Die Gees van die Here moet waarlik op die profeet rus.
Kom ons kyk hoedat onse Here Jesus self sy werk gedoen het. Dit is ‘n
welbekende gedeelte hierdie, maar hoedat Hy dit gedoen het nadat die Heilige
Gees op Hom gekom het.
Lukas 4:14-18;
14 En Jesus het in die krag van die Gees na Galiléa teruggekeer, en daar
het ‘n gerug aangaande Hom deur die hele omtrek uitgegaan;
15 en Hy het in hulle sinagoges geleer en is deur almal geprys.
16 Toe kom Hy in Násaret waar Hy opgevoed was; en soos Hy gewoond
was, gaan Hy op die sabbatdag in die sinagoge en staan op om te lees.
57

17 En die boek van die profeet Jesaja is aan Hom oorhandig; en toe hy die
boek oopmaak, kry Hy die plek waar geskrywe is:
18 Die Gees van die Here is op My, omdat Hy My gesalf het om die
evangelie aan die armes te bring. Hy het My gestuur om die wat
verbryseld van hart is te genees;
Die Gees van die Here is op My. Die Gees van die Here sal op die profeet rus
om die werk van God te doen.
2 Konings 2:9,15; (Dit was in die dae van Elía en Elísa)
9 En nadat hulle deur was, sê Elía vir Elísa: Begeer wat ek vir jou moet
doen, voordat ek van jou af weggeneem word. En Elísa antwoord: Laat
dan tog ‘n dubbele deel van u gees op my kom.
15 En die profete-seuns wat in Jérigo was, het dit op ‘n afstand gesien en
gesê: Die gees van Elía rus op Elísa! En hulle het hom tegemoetgekom
en voor hom na die aarde gebuig
Die gees van Elía het op Elísa gekom.
Die Gees van die Here was op hierdie profete, sonder dit, sou hulle geen profete
vir God kon gewees het nie. Dit wys vir ons die belangrike plek van die Heilige
Gees in ‘n mens se lewe.
2 Petrus 1:21;
want geen profesie is ooit deur die wil van ‘n mens voortgebring nie,
maar, deur die Heilige Gees gedrywe, het die heilige mense van God
gespreek.
Deur die Gees gedrywe. Hulle het hier gespreek, die heilige mense van God
waaronder die profete ook was. ‘n Profeet is nie net ‘n kontak met God nie, maar
‘n profeet is iemand wat deur die Heilige Gees gedrywe word. ‘n Mens kan dit
aan so ‘n persoon sien. Ek glo ‘n profeet is in daardie opsig nie ‘n gewone
persoon nie, jy sal aan hom sien dat hy deur die Gees van God gedryf is.
2 Petrus 3:15-16;
(u sal sien waarom ek dit vir u nou lees, dit sal op die oomblik van koers af klink)
15 En ag die lankmoedigheid van onse Here as saligheid, soos ons geliefde
broeder Paulus ook met die wysheid wat aan hom gegee is, aan julle
geskryf het,
16 net soos in al die briewe. Hy spreek daarin oor hierdie dinge, waarvan
sommige swaar is om te verstaan, wat die ongeleerde en onvaste mense
verdraai, net soos die ander Skrifte, tot hul eie verderf.
Waarom ek dit hier ingebring het, is omdat ek vir u gesê het ek glo dat Paulus
selfs met sy apostoliese bediening nog ‘n profetiese bediening gehad het en dit
wat hy beskrywe het, die Here selfs laat opneem het in sy woord, as die
onfeilbare woord van God. Nadat die Bybel geskryf is, ander sal dalk met my
hieroor verskil en u kan maar daaromtrent dink soos u wil. Maar ek glo en ek
weet, daar is baie deur die eeue wat saam met my glo, ek dink die meeste glo
basies so, dat hierdie Bybel, soos hy hier staan kompleet is. Ons het nie verdere
Skrif nodig sover dit die optekening in die boek is nie. Dit wat in hierdie Bybel
geskrywe staan is onfeilbaar en kan ons, ons vinger op sit, op elke deel daarvan
58

en God het dit ook geskrywe deur die inspirasie van die Heilige Gees, waaronder
ook baie profete was. Maar die profeet daarna, selfs die profeet wat die stem van
God hoor, die Here sê nog vir ons, dat daardie profeet se uitsprake moet getoets
word, so ook wanneer die Here ‘n profeet opwek moet nou nie slaafs agter hom
aangaan nie. Alles wat hy doen en sê, toets dit nog by God se woord.
Ons lewe in ‘n geweldige tyd, onthou u wat die Here Jesus gesê het, Hy het gesê,
daar sal vals profete kom en daar sal vals christusse wees wat groot tekens en
wonders sal doen, en as dit moontlik is, selfs die uitverkorenes sal mislei. Die
Engelse Bybel sê; “willl if possible, deceive even the very elect”. Die
uitverkorenes mislei, vals profete en vals christusse, daardie vals profete sal so
naby aan die egte voorkom dat jy nie die verskil sal sien nie. Daarom, selfs die
egte profeet, moet jy nog toets by God se woord.
Efésiërs 4:11; (wat ons met die aanvang gelees het, ek wil vir u iets daar wys)
En Hy het gegee sommige as apostels, ander as profete, ander as
evangeliste, ander as herders en leraars,
“En Hy het gegee”, wie is hierdie Hy?
Dit is die Here Jesus self. So, hier is ‘n baie belangrike punt wat ek verder weer
na sal terugkom. Hierdie bedieninge is die gawes van die Here Jesus aan die
gemeente. Hierdie ander gawes, tale, uitleg van tale, profesie ensovoorts, al
nege, dit is die Gawes van die Heilige Gees, dit is die Heilige Gees wat dit aan
die gemeente gee.
Hierdie bedieninge is nie die gawes van die Heilige Gees nie, dit is die gawes van
die Here Jesus aan die gemeente, en daar is ‘n groot verskil. Ons glo aan die
Drie-Eenheid, Die Vader, Die Seun en Die Heilige Gees. Die Vader het sy Seun
gegee om vir ons te sterwe aan die kruis, die Seun is die Doper in die Heilige
Gees, Hy het gesê: “EK sal vir julle ‘n ander Trooster stuur om by julle te bly”, die
Heilige Gees.
Nou hierdie bedieninge is dus die gawe van die Here Jesus en “Hy het gegee”.
Dit is ‘n wonderlike aspek, hierdie vyf bedieninge: apostel, profeet ensovoorts, dit
is gawes van die Here Jesus aan die gemeente, met ander woorde, hierdie vyf
bedieninge is eintlik die voortsetting van die bediening van die Here Jesus self.
Onthou u, toe ek met u die bediening van die apostel behandel het, toe het ons
gesê, die eerste apostel was die Here Jesus self.
Hebreërs 3:1;
Daarom, heilige broeders, deelgenote van die hemelse roeping, let op die
Apostel en Hoëpriester van ons belydenis, Christus Jesus,
Jesus word genoem; Apostel en Hoëpriester van ons belydenis.
Maar net so was Jesus ook Profeet, Herder (“Ek is die goeie herder”) Leraar,
(“niemand het ooit gespreek soos hierdie man nie”). Kort-kort sê dit hoe Hy
gegaan en geleer het. Hy was ook ‘n Evangelis, Hy het die mense uitgenooi en
die sondaars gesoek en tot redding gebring. Hierdie vyf bedieninge wat die
59

gawes is van die Here Jesus, is eintlik die voortsetting van Homself, in die
gemeente, onder die krag van die Heilige Gees.
Efésiërs 2:19-20;
19 So is julle dan nie meer vreemdelinge en bywoners nie, maar
medeburgers van die heiliges en huisgenote van God,
20 gebou op die fondament van die apostels en profete, terwyl Jesus
Christus self die hoeksteen is,
Kan u sien hoe ‘n belangrike plek die profeet het, die gemeente gebou op die
apostels en profete en Jesus self is die hoeksteen. Dit is so belangrik, ek herhaal
weer; die profeet hoor die stem van God en die profeet moet dit bekend maak
aan die volk, ook bekend maak aan die gemeente. Een van die redes waarom
die kerk deur die eeue so gedwaal het, waarom die kerk deur die eeue
doodgegaan het; is omdat die stem van die profeet doodgegaan het. Daar het
nie nuwe openbaringe gekom nie, daar het nie nuwe inspirasie gekom nie. Die
kerk is gebou, maar net soos jy die apostel nodig het, so het jy ook die profeet
nodig en die Hoeksteen of Sluitsteen is die Here Jesus self.
Efésiërs 3:5-6;
5 wat in ander tye aan die mensekinders nie bekend gemaak is nie soos dit
nou aan sy heilige apostels en profete geopenbaar is deur die Gees,
naamlik
6 dat die heidene mede-erfgename is en medelede van die liggaam en
mededeelgenote aan sy belofte in Christus deur die evangelie
Weereens, hierdie openbaring moet kom deur die apostels en profete.
Een van die redes waarom die kerk so in duisternis is, so baie waarhede verloor
het, is omdat hierdie bedieninge nie meer hul regmatige funksie en plek in die
gemeente het nie. Kan u dit sien as gelowige, as diegene wat die visie het van
die liggaam van Christus, hoe ons moet bid en watter aandeel ons daarin moet hê
om te sê: “Here, hierdie bediening moet terugkom na die gemeente toe?” Dit is
daarom nie genoeg om net die gawe van profesie in ons midde te hê nie, maar
ons moet weer die bediening van die profeet herstel. Wanneer so ‘n bediening in
werking is, sal almal daardie bediening raaksien. Ons kan maar net sê: “Laat dit
kom, o Heer!”
1 Samuel 3:20;
(die boek van Samuel is wonderlik, daar is so baie openbaringe wat hier uitkom.)
En die hele Israel van Dan tot Berséba het erken dat Samuel betroubaar
was as ‘n profeet van die HERE.
(Toe die klein Samuel God se stem gehoor het en God hom opgewek het.) Die
stem van die profete het stil geword,
1 Samuel 3:1;
En die seun Samuel het die HERE gedien voor Eli, en die woord van die
HERE was skaars in die dae: gesigte was daar nie baie nie.
Die Engelse Bybel sê, “there was no open vision “.
60

Dinge het doodgegaan, Eli het sy plig verwaarloos teenoor sy seuns. God se
woord het nie meer uitgegaan nie, niks het meer oopgegaan nie. Die Gees van
God, die stem van God, het nie meer deur die profeet gepraat nie. Alles was
dood, daar was geen gesigte meer nie, tot Samuel gekom het en soos die Here
vir Samuel opgewek het, het almal weer geweet dat Samuel betroubaar was as
profeet van die Here.
Daarom, by enige bediening van die Here, is dit nie nodig vir ‘n persoon om te
gaan sê, weet jy, ek is ‘n apostel, ek is ‘n profeet, ek is ‘n pastoor, nie. Sy
bediening moet dit wys. Net ‘n paar dinge om weer te herhaal en te beklemtoon.
‘n Profeet is dus ‘n man met ‘n spesiale boodskap wat hy direk van God
ontvang het, dit is baie belangrik. Wat die profeet onderskei, is sy boodskap, ‘n
spesiale boodskap vir ‘n spesiale plek en vir ‘n spesiale tyd wat hy van God
ontvang het. Dit is een van die ander onderskeidingstekens van ‘n profeet.
Byvoorbeeld; Jona. Hy het na Ninevé toe gegaan en vir hulle gesê: “As julle, julle
nie bekeer nie, dan word Ninevé binne veertig dae verwoes”.
‘n Bekeringboodskap, is ‘n algemene boodskap, wat elke kind van die Here, en
elke evangelis, in elk geval behoort te verkondig. Maar wat het van Jona ‘n
profeet gemaak, omdat Jona ‘n spesiale boodskap, (hy het God se stem gehoor
en God het vir hom gesê, sy ore het dit gehoor: “Ek gaan Ninevé verwoes binne
veertig dae, as hulle, hul nie bekeer nie”) gehad het. Dit is ‘n magtige boodskap.
Jona wou dit nie bring nie. God het hom verplig soos ons uit sy verhaal sien. Dit
was ‘n spesiale boodskap wat hy gehad het.
Johannes die Doper het ‘n spesiale boodskap van bekering gehad. Dit is een van
die dinge wat hom onderskei het, hy het dit ontvang van God. ‘n Profeet is een
wat in die raadsbesluit van God staan, “who stands in the council of God”, en
staan as 't ware in die raadskamer van God, en die profeet hoor Sy stem.
U onthou Elísa het gehoor hoedat die koning van Aram vir een van sy manne sê,
een van julle is ‘n verraaier, toe sê hulle, nee, o, koning, hier is geen verraaier nie
maar daar is ‘n profeet in Israel wat hoor wat die koning in sy binnekamer praat.
‘n Profeet, dit is die manne, die bediening wat ons weer nodig het in hierdie tyd.
Hoe het Elísa dit in die binnekamer gehoor? Ek glo God, wat alles weet en alles
sien, Elísa het dit van God gehoor en hy kon dit weer vir die koning van Israel sê.
‘n Profeet is een wat in die raadsaal van God staan!
Kom ons kyk na: Amos 3:7. (‘n baie belangrike Skrif.)
Want die Here HERE doen niks tensy Hy sy raadsbesluit aan sy
knegte, die profete, geopenbaar het nie.
Nie net van algemene toepassing nie, die Here het deur Amos, Jeremia, Daniël,
Eségiël ensovoorts, magtige profesieë uitgespreek, andere wat nou besig is om
vervul te word, andere wat in die nabye toekoms gaan vervul word.
61

As ons Eségiël 38 en 39 neem, (lees die boekie “Rusland in Profesie”) hoe
haarfyn die Here deur Eségiël selfs Moskou en Tobolsk, Ros, Meseg en Tubal,
ensovoorts, se name genoem het, 3000jaar gelede.
Is Eségiël nie ‘n profeet nie? Die Here het sy raadsbesluit aan hom bekend
gemaak, ‘n persoon wat binne die raad van God staan. Vir elke geslag is daar ‘n
spesifieke doel van God, en om sy seën te ontvang moet jy binne daardie plan
beweeg, dit is die profeet se roeping om daardie plan te ontvou.
Vir elke geslag is daar iets wat God spesiaals doen. Toe die Here Jesus gebore
moes word, toe was daar alreeds voorsiening gemaak. ‘n Johannes die Doper
was voorsien, wat voor Hom sou uitgaan om sy koms en bediening bekend te
maak. Vir elke geslag kan jy dit so naspoor.
As jy die tyd neem waarin ons nou lewe, is daar magtige dinge wat voor die deur
staan. Daar is magtige openbaringe en dinge wat bekend gemaak moet word, en
dit is juis hierdie openbaring aangaande die liggaam van Christus, hierdie
herontdekking van die bedieninge van Christus. Die gawes van die Heilige Gees
moet terugkom in die kerk, ek glo God moet profete opwek, en Hy is besig om dit
te doen, die visie te openbaar, dat ons God se volk is, dat die Here ‘n spesiale
doel met sy volk het en dat die tyd aangebreek het vir die openbaring van wie die
ware Israel is, dat dit nou aan die lig gebring moes word.
Ek glo die Here het sy boodskappers, wat Hy daarvoor opwek en omdat daardie
boodskappers in die plan van God staan en die stem van God gehoor het, moet
hulle daardie stem bekend maak, want dit is ook die werk van ‘n profeet, net soos
dit was van die profete in daardie tyd.
Elke geslag het iets spesifieks wat in daardie geslag gaan gebeur en God sal niks
doen tensy hy dit eers bekend maak aan sy diensknegte, die profete nie.
Daarom, wees ook op die uitkyk daarvoor en bid daarvoor, dat die Here dit sal
vermenigvuldig en versterk.
1 Konings 17:1;
En Elía, die Tisbiet, uit Tisbe in Gílead, het vir Agab gesê: So waar as die
HERE, die God van Israel, leef, voor wie se aangesig ek staan, daar sal
geen dou of reën in hierdie jare wees nie, behalwe op my woord!
Wat sê Elía hier vir Agab, hy sê, “Sowaar as die God van Israel leef, voor wie se
aangesig ek staan,” is dit nie tipies soos die profeet behoort te wees nie? Hy sê,
“ek staan voor God se aangesig, daarom hoor ek sy stem”. Kan u ook sien die
outoriteit van die profeet, die krag van die profeet.
Dit is hoog tyd dat ons daarvoor moet begin bid, dat God se profete vir hulle tyd,
ook vir hierdie tyd, voor God sal staan en dan ook voor die volk en voor die
koning sal staan en sê, “so en so, spreek die Here!”. Elía het dit gedoen; “sowaar
as die God leef, voor wie ek staan!”
Jeremia 23:16,18,21-22;
16 So sê die HERE van die leërskare: Luister nie na die woorde van die
profete wat vir julle profeteer nie; hulle vervul julle met ydele verwagtinge;
gesigte uit hul eie hart verkondig hulle, nie uit die mond van die HERE nie.
62

18 Want wie het in die raad van die HERE gestaan, dat hy sy woord sou sien
en hoor? Wie het sy woord beluister en gehoor?
21 Ek het die profete nie gestuur nie, tog het hulle geloop; Ek het nie met
hulle gespreek nie, tog het hulle geprofeteer.
22 Maar as hulle in my raad gestaan het, moet hulle my volk my woorde laat
hoor en hulle terugbring van hul verkeerde weg en van die boosheid van
hul handelinge.
Terloops, daar is vandag baie predikinge waarna u luister en as u nie die
onderskeiding het en die kennis van God se woord nie, dan sal u sê, daardie
predikers preek onder die salwing van die Heilige Gees. Maar u wat die woord
ken, sal agterkom dat baie van daardie dinge wat hulle preek, vals prediking is.
Ek weet, die mense wat dalk hierdie band in die hande kry, sal my dalk daarvoor
wil kruisig maar baie van jou prediking waarvan mense sal sê: “Was dit nie van
die Here nie?” Wat preek van die Jood wat God se volk is en terugkeer na
Palestina soos hy nou daar is, dat dit van die Here is, hy preek dat die gloed
amper op hom staan oor die bees, en die 666, en die antichris. Mense word bang
en mense stroom selfs vorentoe.
Ek het al gekyk oor die jare heen, na mense wat uitgestroom het, soos hulle
gedink het, vir bekering onder so ‘n boodskap. Waar is daardie mense vandag?
Feitlik nie een van hulle staan meer vir die Here nie, want hy het uitgekom onder
‘n vals boodskap, dit was nie volgens die Skrif nie. Dit was vals profete, vals
profete wat vandag in baie opsigte in die kansel van die Here staan. Ek weet ek
sê baie groot dinge en ek sê nie ek is ‘n profeet nie, ek weet ander wat na my
luister sal sê ek is ‘n vals profeet, maar ek weet ook dat God se ware profete, ook
nie bang sou wees om die waarheid te praat nie, al het dit miskien vir hulle baie
gekos.
Maar ek waarsku u, ek probeer om u te leer dat, u moet self oordeel maar ek sê
vir u, pasop vir vals profete, al sal dit lyk of hy die salwing van die Here op hom
het. As hy nie praat volgens die Woord nie, is hy nie onder die salwing van die
Heilige Gees nie, want die Heilige Gees sal nie ‘n boodskap salf wat onskriftuurlik
is nie, want die Heilige Gees self het God se Woord geïnspireer.
Jeremia 23:18;
Want wie het in die raad van die HERE gestaan, dat hy sy woord sou
sien en hoor? Wie het sy woord beluister en gehoor?
Sien daar het ons dit weer, die profeet moet in die raad van God staan. “Wie het
sy woord beluister en gehoor”. Dit beteken iets om God se woord te beluister en
te hoor. Dit beteken iets om God se woord te sien en te hoor.
Jeremia 23:21-22;
21 Ek het die profete nie gestuur nie, tog het hulle geloop; Ek het nie met
hulle gespreek nie, tog het hulle geprofeteer.
22 Maar as hulle in my raad gestaan het, moet hulle my volk my woorde laat
hoor en hulle terugbring van hul verkeerde weg en van die boosheid van
hul handelinge.
63

Die profeet wat in God se raad gestaan het, moet God se volk God se woord laat
hoor! Dit is wat eg is. Let weereens op die verskil van die bediening van die
profeet en gawes van profesie, net weer terug op die lering;
die bediening in Efésiërs 4:11, dit is die gawe van die Here Jesus en;
die bediening in 1 Korinthiërs 12, dit is die gawe van die Heilige Gees;
daar is die verskil dan tussen hierdie twee.
Nou in die Nuwe Testament moet die profeet se bediening aan beoordeling
onderwerp word, dit het ons nou alreeds gesien. Daar is geen diktators in God se
plan nie. Jy moet dus nie ‘n profesie van iemand ontvang sonder dat die Here dit
nie ook aan jou ook geopenbaar het nie, as jyself daarin betrokke is nie.
Sagaría 4:1-6;
1 En die engel wat met my gespreek het, het teruggekom en my gewek
soos ‘n man wat uit die slaap opgewek word.
2 En hy het vir my gesê: Wat sien jy? Toe antwoord ek: Ek sien daar ‘n
kandelaar, heeltemal van goud, en sy oliekan bo-oor hom en sy sewe
lampe op hom; telkens sewe aanvoerpype loop na die lampe wat bo-oor
hom is.
3 Ook twee olyfbome langs hom, een aan die regterkant van die oliekan en
een aan die linkerkant daarvan.
4 Daarop het ek begin spreek en aan die engel wat met my gespreek het,
gesê: Wat beteken dit, my heer?
5 En die engel wat met my gespreek het, antwoord en sê vir my: Weet jy
dan nie wat dit beteken nie? En ek het gesê: Nee, my heer.
6 Toe antwoord hy en sê vir my: Dit is die Woord van die HERE aan
Serubbábel, naamlik: Nie deur krag of geweld nie, maar deur my Gees,
sê die HERE van die leërskare.
Nou, hy sien hierso, ‘n kandelaar en hy sien twee olyfbome langs hom. Die
olyfolie is altyd die simbool van die Heilige Gees.
Openbaring 11:4,10;
4 Hulle is die twee olyfbome en die twee kandelaars wat voor die God van
die aarde staan.
10 Die bewoners van die aarde sal bly en verheug wees oor hulle en sal vir
mekaar geskenke stuur, omdat dié twee profete die bewoners van die
aarde gepynig het.
Wat ek nou maar net vir u wil opsom voordat ons sluit en waarom ek dit gelees
het, die kandelaar, soos in Openbaring 1, is altyd ‘n simbool van die gemeente en
die olyfolie is ‘n simbool van die Heilige Gees en die olyfbome onder andere wat
nou die olyfolie verskaf, waar hy dit ook in verband bring met die twee profete.
Met ander woorde, jou profeet moet onder die salwing en leiding van die Heilige
Gees, net soos daardie olyfolie, die kandelare moet voed, dat die lig helder moet
brand sodat almal dit kan sien. So is jou gemeente die kandelaar, jou gemeente
is die ligpunt, soos in die wêreld vandag.
64

Waar sal die wêreld die kennis van God kry? Jy gaan nie kennis van God kry uit
‘n wiskunde of geskiedenisboek nie, jy gaan nie kennis van God kry op
universiteit nie, ek bedoel buiten die teologiese fakulteit, of uit algemene kennis
nie. Jou voorsiening van God, vir die lig in die wêreld is God se gemeente wat
gebou is op die apostels en profete waarvan Jesus self die hoeksteen is.
Jou kerk is die enigste instrument, middel wat God op aarde gestel het om vir die
mens die LIG te bring van die ewige lewende God. Maar daardie kerk moet
gevoed word met die olyfolie; die Heilige Gees, net soos ‘n lamp nie kan brand
sonder sy olie nie.
Hierdie twee kandelare wat hier langsaan staan, die een se simbool (daar is
ander simboliek ook daarvoor) is jou profete, met ander woorde, jou profetiese
bediening moet gedurig in die raad van God staan en hy moet God se openbaring
kry en hy moet dit gedurig aan die gemeente voed en een van die redes waarom
die wêreld, die Christen wêreld, so in duisternis verval het, is omdat dit die
profetiese bediening verloor het. Omdat die gemeente die bediening van die
profeet nie meer raaksien nie.
Ons moet bid dat die Here weer die waaragtige profetiese bediening teruggee
aan die gemeente waar die profeet weer sal staan en sê: “So sê die Here”. Dat jy
hom sal hoor; jy hom sien in jou gemeente en jy sal sê: “Daardie persoon is ‘n
profeet. Daar kom nou openbaring van God uit en daardie persoon kon dit nie uit
homself gekry het nie, hy moes dit alleen van God ontvang het” en daardie
persoon self sal dit erken. So moet jou gemeente gedurig gevoed word met die
vars olie van die Heilige Gees. Waar dit sover as dit die openbaringe van God
betref, deur jou profetiese bediening moet vloei om jou gemeente die lig van die
wêreld te maak, sodat uit jou gemeente die broers en susters wat aan daardie
gemeente behoort, gedurig hulle vars inspirasie sal kry; hulle vars openbaring.
Dat hulle self sal uitgaan en iets hê, om aan ‘n hongerige gestorwe wêreld te leer
en aan te bied van die Here Jesus, van die Godsplan en Godswil, en so sal jou
gemeente lewe. Prys die Here!. So sal die Here weer bekend word. So sal
mense tot bekering kom en ek glo, so sal die volk teruggebring word tot God.
Mag die Here vir ons genade gee dat ook in hierdie behandeling, ons die
heerlikheid gesien het van die plek van die profeet en dat ons daarvoor sal begin
bid en sê: “Here, herstel ook hierdie bediening aan die gemeente, die bediening
van die profeet”.
65

Die Evangelis.
(Kasset nr. L023)
Efésiërs 4:11-16;
11 En Hy het gegee sommige as apostels, ander as profete, ander as
evangeliste, ander as herders en leraars,
12 om die heiliges toe te rus vir hulle dienswerk, tot opbouing van die
liggaam van Christus,
13 totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus;
14 sodat ons nie meer kinders sou wees nie wat soos golwe geslinger en
heen en weer gedryf word deur elke wind van lering, deur die bedrieëry
van die mense, deur sluheid om listiglik tot dwaling te bring;
15 maar, terwyl ons in die liefde die waarheid betrag, in alles sou opgroei in
Hom wat die Hoof is, naamlik Christus,
16 uit wie die hele liggaam --- goed saamgevoeg en saamverbind deur die
ondersteuning wat elke lid gee volgens die werking van elke afsonderlike
deel in sy mate --- die groei van die liggaam bevorder vir sy eie opbouing
in liefde.
Loof die Here ons het dit al baie keer beklemtoon dit is magtige woorde hierdie.
Jy voel sommer die dreuning van die Krag van God daarin. Om te dink dit is God
se bedoeling, dit is ons roeping, dat ons sal kom tot die volle gestalte van onse
Here Jesus self. As die Here se Woord dan vir ons sê, dat Hy ons ouer broer is,
dat ons been van sy been en vlees van y vlees is, dan moet ons dit glo.
U sien, die sonde het die mens so verneder dat ons geen denkbeeld en idee het,
van wat ons werklik bedoel was om te wees, in God se familie nie. Maar daarvoor
het die Here Jesus gesterwe en weer opgestaan, en daarvoor het Hy die Heilige
Gees gegee, en ek glo, dat nog in hierdie bedeling, gaan ons die Heerlikheid van
God sien en daarom moet u uself nie daarby uitsluit nie. U moet nie ‘n valse
minderwaardigheidsgevoel omtrent uself hê nie. U is duur gekoop, met die
kosbare bloed van die Here Jesus en ons moet begin leer, ons moet God vra om
groot te begin dink en verwag in die gees. Ons moet aan onsself begin dink,
soos God se Woord vir ons die voorsiening gemaak het in Onse Here Jesus.
Moet tog nooit dink; “Wel dit is waar, en ek stem saam met die Bybel Studie, en al
hierdie dinge is waar. Maar nou ja, dit sal seker maar daardie broer of suster
wees. Hy of sy lyk asof hy of sy dit kan wees, maar nie ek nie”.
Die Here het vir elkeen van ons, ons roeping. Vir elkeen van ons het die Here ‘n
groot en magtige roeping. Loof die Here. Ek is daar seker van ook vir u klompie
wat nou al amper ‘n jaar so saamkom, dat die Here op ‘n unieke wyse ook vir u
uitgeroep het. Dat ons hierdie dinge met mekaar kan ondersoek en kan
66

estudeer. Daarom het die Here ook ‘n unieke plan met u. U weet die apostel
Paulus skrywe aan die Romeine: - - - - -
Romeine 8:18-21;
18 WANT ek reken dat die lyding van die teenwoordige tyd nie opweeg teen
die heerlikheid wat aan ons geopenbaar sal word nie.
19 Want die skepping wag met reikhalsende verlange op die
openbaarmaking van die kinders van God.
20 Want die skepping is aan die nietigheid onderworpe -- nie gewillig nie,
maar ter wille van hom wat dit onderwerp het --
21 in die hoop dat ook die skepping self vrygemaak sal word van die
slawerny van die verganklikheid tot die vryheid van die heerlikheid van die
kinders van God.
-----dan gaan hy so aan waar hy byvoorbeeld sê, dat die skepping wag met
reikhalsende verlange na die openbaarmaking van die seuns van God. Ek glo
dat voor en ten tye van die wederkoms van die Here Jesus gaan daardie manne
en vroue geopenbaar word.
Dit is die dispensasie van die gemeente. Almal sal met my saamstem. Elke
Kerkgenootskap sal met my daaroor saamstem. Hulle kan miskien op ander
punte met my verskil, ook oor dit wat ek behandel, maar ek is daar seker van as u
enige dominee of enige pastoor sal vra, sal hulle vir u sê: Ja natuurlik dit is die
dispensasie van die gemeente.
Dus, in die dag van Pinkster en tot op die wederkoms van die Here Jesus is dit
die dispensasie van die gemeente. Nou, as die gemeente dan nie tot sy volle
grootte, “Its full stature” sal kom voor die wederkoms van die Here Jesus nie,
wanneer gaan die gemeente dan sy volle gestalte aanneem? Wanneer gaan
ons, soos ons hier gelees het, kom tot -----
Efésiërs 4:13;
totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus;
----- “The measure of the full stature of Christ”. Het u al gedink aan wat daardie
volle grootte van Christus is? Ek glo dit is net soos die Here Jesus was. Prys die
Here. Hy wat roep is getrou, Hy sal dit ook doen.
God is besig om die patroon van die oorspronklike gemeente, ( Ekklesia in die
Grieks), te herstel. Al die gawes, die volle vrug en al die bedieninge. Ons het
lank tyd deurgebring met die bestudering van die “Gawes”; ons het lank tyd
deurgebring met die bestudering van die “Vrug” en nou is ons besig met die
bestudering van die “Bedieninge”.
Ons begin om die derde bedieningsgawe, naamlik die evangelis te bestudeer.
Ons moenie kyk en dink aan ‘n soort van ‘n tegniese orde nie. Dit is opwindend
as ‘n mens daaroor dink en ook skrikwekkend en eintlik hartbrekend om te sien
hoedat die mens, omdat hy nie die moeite wil doen en die toewyding gee om nou
ingeskakel te wees met God nie. Hier lê ‘n groot geheim, dit is heerlik en tog is
67

dit een van die swaarste dinge om gedurig in diepe, volle, gemeenskap met God
te lewe. Die mens sal altyd ‘n ander uitweg soek.
Hy sal selfs sy knieë stukkend kruip solank hy sy eie werke kan doen en voel
daarmee speel hy nou ‘n baie vername rol. Die gevolg is dat die mens afgewyk
het van God se orde, en hy het vir hom sy eie orde uitgewerk van Pous, Biskop,
Aartsbiskop, Kardinaal, wat is dit vandag? Moderator, Assessore en Skriba en ek
weet nie eens wat ek alles kan noem nie. Menslike ordes, tegniese ordes, ‘n
tegniese benaming en ‘n posisie sonder die krag van die Gees van God.
Ek hoop u het dit nog onthou met ons bestudering van die apostel en die profeet
en u sal ook so sien met die evangelis. In wese kan nie een van ons onsself ‘n
apostel maak, of ‘n profeet maak of ‘n evangelis maak nie. Dit is ‘n gawe van die
Here Jesus. Kyk, dit sê Hy,- - - -
Ons het dit gelees in: Efésiërs 4:11;
En Hy het gegee sommige as apostels, ander as profete, ander as
evangeliste, ander as herders en leraars,
- - - - Hy het gegee! Dus, dit is nie ‘n tegniese, outokratiese aanstelling van
mense in hoë posisies nie, dat ek nou byvoorbeeld kan rondloop en sê, nou ja, ek
is apostel so en so of ek is profeet so en so of ek is ‘n evangelis so en so nie.
Wanneer jy werklik daardie posisie het wat die Here vir jou gegee het, sal jy een
van die nederigste en die laagste wees. Die van u wat in ons dienste was hierdie
afgelope twee Sondae, die vorige Sondag waar ek met u gepraat het, waar die
Here Jesus gesê het: “Kom neem My juk op julle en leer van My dat Ek
sagmoedig van gees en nederig van hart is”, en so aan, en “julle sal rus vind vir
julle siele.”
Verlede Sondagoggend waar ons met u gepraat het oor die was van mekaar se
voete, wat dit werklik beteken.
Nou goed, dit is geen tegniese orde nie. Nou hoe begin dit dan. Net om vir u
kortliks in te lei en u gedagtes weer te verfris en aan te vul sodat u dit beter kan
verstaan.
Ons pad begin by ‘n waaragtige bekering. Dit is een van die probleme van die
Christelike Kerk, omdat ons mense nie genoeg besef wat is ‘n waaragtige
bekering nie, - - - -
2 Korinthiërs 5:17;
Daarom, as iemand in Christus is, is hy ‘n nuwe skepsel; die ou dinge het
verbygegaan, kyk, dit het alles nuut geword.
Die apostel Paulus sê die wedergeboorte is ‘n waaragtige gebeurtenis in ‘n
mens se lewe. Daar moet dit begin. Wanneer ons, ons studie van die evangelis
voltooi het, dan sal u ook sien wat ‘n magtige aandeel die evangelis hierin het; dat
die evangelis in die volkome opset, “In the perfect settting” van God se gemeente
is, hoe noodsaaklik die evangelistiese bediening is; dat die mens kan besef hoe
doemwaardig hy voor God is, en dat hy die genade en redding van God in sy
lewe nodig het, en as die Here sy siel nie red nie, is hy verlore.
68

Wat beteken dit om verlore te wees. Ons is half bang vir ‘n krisis in ons lewe.
Die mens het ‘n krisis nodig en dit is jou evangelis se bediening of ‘n
evangelistiese bediening dan. In ‘n sekere mate moet ons almal evangelisties
wees, u sal dit sien.
Die mens, die sondaar, moet op daardie punt gebring word waar hy in ‘n krisis
staan, waar hy voel hy staan tussen die hemel en die hel en dit is sy besluit nou,
en as hy nie besluit vir God nie dan gaan hy hel toe met al die implikasies
daarvan. Goed, dus die bekering, die nuwe skepsel in Christus.
Dan gehoorsaamheid aan God. Ons moet weer besef, God het gepraat en as
God beveel het dan moet ons dit doen.
Matthéüs 28:18-20; (die groot bevel)
18 En Jesus het nader gekom en met hulle gespreek en gesê: Aan My is
gegee alle mag in die hemel en op aarde.
19 Gaan dan heen, maak dissipels van al die nasies, en doop hulle in die
Naam van die Vader en die Seun en die Heilige Gees; en leer hulle om
alles te onderhou wat Ek julle beveel het.
20 En kyk, Ek is met julle al die dae tot aan die voleinding van die wêreld.
Amen.
Ek weet ons almal kan dit uit ons hoof opsê, maar net om my punt vir u duidelik te
maak. Selfs ons, as u, u eie hart ondersoek, so in u eie hart voor die Here,
hoeveel van ons bewe voor daardie bevel? Gaan, doop, leer, is ‘n bevel.
Hoeveel daarvan voer ons uit met vrees en bewing voor God? Goed, gaan dan
heen, maak dissipels van al die nasies. Ek dink die Kerk het heeltemal die
gedagte van dissipelskap verloor.
In my stiltetyd vanoggend voor die Here, lees ek weer op verskillende plekke van
wat die Here Jesus vir die mense gesê het, vir wie Hy geroep het om Hom te volg
en om sy dissipels te wees; wat van hulle verwag was om te doen. Hulle moes
afstand doen van alles. Dit was nie ‘n kwessie van paai of mooipraat nie. As jy
nie bereid is, soos Hy sê, om selfs jou eie lewe te haat nie, vader, moeder, vrou,
kinders, besittings en as jy nie bereid is om af te sien van al jou besittings nie, kán
jy My dissipel nie wees nie. Hier is dit waar die swakheid van die Kerk al klaar
ingekom het.
Ons het nie dissipline in ons lewe nie. Ons het nie daardie besluit en daardie
oorgawe aan die Here Jesus nie. Hy gaan nie maak dat jy nou miskien ‘n
liefdevolle vader en ‘n goeie man vir jou vrou en vader vir jou kinders word nie.
Dank die Here in die onbekeerde wêreld en in hierdie land van ons, en seker in
ander dele, is daar nog sulke huisgesinne. ‘n Goeie man vir sy vrou en vader vir
sy kinders. Maar as daardie man nou die dissipel gaan word, gaan die Here nie
daardie man wegneem van daardie vrou en kinders wat hy juis liefhet nie. Maar
as hy bereid is om hulle prys te gee, ter wille van die Here Jesus, gaan die Here
hulle dubbeld vir hom teruggee. Maar net in ‘n ander posisie. Nog ‘n baie beter
een.
69

Maar u sal met my saamstem, hoeveel klem lê ons op die dissipelskap? Uit
hierdie basiese posisies van ons sal ons bedieningsgawes gebore word. So sal
ons Gawes van die Heilige Gees en die Vrug van die Heilige Gees ook groei.
Lukas 9:23-26; Lukas 14:25-35; Matthéüs 10:32-42.
(Ons kyk net na eersgenoemde, dan sal u die idee sien, die ander is almal in
dieselfde trant).
Lukas 9:23-26;
23 En Hy sê vir almal: As iemand agter My aan wil kom, moet hy homself
verloën en sy kruis elke dag opneem en My volg.
24 Want elkeen wat sy lewe wil red, sal dit verloor; maar elkeen wat sy lewe
om My ontwil verloor, hy sal dit red.
25 Wat baat dit ‘n mens tog as hy die hele wêreld win, maar homself verloor
of skade aandoen?
26 Want elkeen wat hom skaam vir My en my woorde, vir hom sal die Seun
van die mens Hom skaam wanneer Hy kom in sy heerlikheid en dié van
die Vader en van die heilige engele.
Dit is nuwe mense, want God het ‘n nuwe orde op aarde tot stand gebring toe die
Here Jesus kom sterwe het aan die kruis en opgestaan het en die Heilige Gees
vir ons gegee het.
Daardie was net by wyse van inleiding vir ons studie.
Die woord evangelis kom net drie keer in die Nuwe Testament voor.
Ons kyk eers na:
1) Handelinge 21:8;
En die volgende dag het ons, die geselskap van Paulus, vertrek en in
Cesaréa aangekom; en ons het ons intrek geneem in die huis van
Filippus, die evangelis, wat een van die sewe diakens was, en by hom
gebly.
2) Efésiërs 4:11;
En Hy het gegee sommige as apostels, ander as profete, ander as
evangeliste, ander as herders en leraars,
3) 2 Timótheüs 4:5;
Maar wees jy in alles nugter; ly verdrukking; doen die werk van ‘n
evangelis; vervul jou bediening.
Alhoewel die woord evangelis, die naamwoord, net drie keer as sulks in die hele
Nuwe Testament voorkom, kom die werkwoord, om te evangeliseer en al die
verwante woorde daaraan vyftig keer voor. Dit bewys vir jou hoe belangrik die
werk daarvan is wat gedoen moet word.
‘n Evangelis is iemand wat die goeie nuus vertel, want dit is wat die woord
evangelie beteken. Die “Gospel”, dit beteken goeie nuus. Die goeie nuus, dat so
lief het God die wêreld gehad, dat Hy sy eniggebore Seun gegee het, sodat
elkeen wat in Hom glo, nie verlore mag gaan nie, maar die ewige lewe kan hê.
Enigiets wat nie goeie nuus is nie, is nie evangelie nie.
70

Omdat ons God se Woord nie ken en verstaan nie en omdat hierdie basiese
dinge nie reg is in die Christendom nie, is baie van die prediking glad nie eers
goeie nuus nie. Wanneer die mens daarna luister is die eindresultaat glad nie
eers om hom te laat besef dat hy ‘n sondaar is nie, maar dat daar ‘n Saligmaker
en ‘n Redder is, daar is iemand wat gekom het om die mensdom uit te haal uit sy
ellende en hom skoon en rein voor God te stel.
Baie van ons prediking is baiekeer net afbrekend; net verdoemend, en as jy klaar
daarmee is, het jy geen goeie nuus daaruit gehaal nie. Ek bedoel natuurlik glad
nie dat mense net altyd heuning om die mond gesmeer moet word nie.
Geensins, die mens moet bewus gemaak word van sy toestand, maar dan moet
hy altyd bewus gemaak word van die antwoord. Die antwoord is die redding, die
voorsiening wat God vir hom gemaak het.
Die evangelie is goeie nuus: Redding, genesing, liefde, vrede, blydskap.
Kom ons kyk na twee lieflike gedeeltes uit die Here se Woord.
1) OT. - Jesaja 52:7;
HOE lieflik is op die berge die voete van hom wat die goeie boodskap
bring, wat vrede laat hoor, wat goeie tyding bring, wat verlossing uitroep,
wat aan Sion sê: Jou God is Koning!
Is dit nie goeie nuus nie? Dit is die evangelie.
2) NT. - Romeine 10:14-15;
14 Hoe kan hulle Hom dan aanroep in wie hulle nie geglo het nie? En hoe
kan hulle in Hom glo van wie hulle nie gehoor het nie? En hoe kan hulle
hoor sonder een wat preek?
15 En hoe kan hulle preek as hulle nie gestuur word nie? Soos geskrywe is:
Hoe lieflik is die voete van die wat die evangelie van vrede verkondig, van
die wat die evangelie van die goeie verkondig!
Jou evangelie, of dit nou jou evangelis is, of elkeen van ons, wat ons getuienis
uitdra, daardie element moet in ons prediking wees, want prys die Here, dit is
goeie nuus wat ons het om aan die wêreld te bring.
Volgens: Efésiërs 4:11;
En Hy het gegee sommige as apostels, ander as profete, ander as
evangeliste, ander as herders en leraars,
Die bediening van die evangelis aan die primitiewe kerk was ‘n uitstaande
erkende en gevestigde bediening. Heeltemal afsonderlik van die ander vier.
Daarom noem Hy hulle: apostel, profeet, evangelis, herder en leraar.
Elkeen afsonderlik, uitkenbaar, en daarom in jou gemeente, in jou kerk in sy
herstelde toestand. Waarvan ek seker is, waarna die hele wêreld verlang, is dat
dit weer herstel sal word soos dit was in die dae net na die uitstorting van die
Heilige Gees. Dat een van jou bedieninge die evangelis was.
Die evangelis was ‘n man wat altyd aan die beweeg was. ‘n Evangelis was nie
iemand wat staties gebly het nie, op een plek gebly sit het nie. Hy het beweeg.
Dit was dus ‘n bediening, sou jy kon sê, vir die hele kerk en nie net vir een
spesifieke gemeente nie. Daarom sou ek sê, lyk dit vir my asof dit dan nie
noodsaaklik sou wees [wanneer die kerk van die Here Jesus in sy regte posisie
71

is] dat daar in elke gemeente ‘n evangelis behoort te wees nie. Die evangelis
beweeg rond en soos ons verder sal sien, as daardie evangelis selfs met jou
gemeente klaar is, het hy daardie gemeente aan die brand gesteek, dan het jy
self ‘n klomp evangeliste, weer vir ‘n lang tyd, en jy brand sommer weer, want hy
het nie net die sondaar geroer nie, hy het ook ons wat gesit en slaap het en nie
ons werk gedoen het nie, wakker gemaak en dan is ons sommer almal weer
wakker. So behoort die evangelis te wees.
Kyk weer na Handelinge 21:8;
[hy praat van waar Filippus die evangelis gewoon het]
En die volgende dag het ons, die geselskap van Paulus, vertrek en in
Cesaréa aangekom; en ons het ons intrek geneem in die huis van
Filippus, die evangelis, wat een van die sewe diakens was, en by hom
gebly.
So, Filippus het natuurlik sy huis gehad, hy het sy familie gehad, hy is ook net ‘n
mens, hy moet iewers kon bly, al is hy aan die beweeg. Nou dit is Filippus die
evangelis. Dus omdat die Bybel hom nou vir ons noem, is daar vir ons in
Filippus, ‘n patroon. Daar is baie dinge wat ons nou in Filippus kan sien, wat ons
nou moet ondersoek, en wat ons dus moet sê: “Here so moet die evangelis lyk”.
Ons moet bid of dit dan een van ons is wat die Here daartoe wil roep. Here, hier
is ek, maar ten minste ek gaan my hart en my siel daaraan gee om te sê: “Here
ek gaan bid en ek gaan glo dat ook hierdie bediening herstel word in die kerk”.
Ons patroon is natuurlik in Handelinge 8, die hele hoofstuk, lees asseblief self.
Ons sal verskillende grepe en gedeeltes daaruit neem. Dit sal ons te lank neem
om nou die hele hoofstuk met mekaar saam deur te lees maar u kan dit in
gedagte hou as u nou werklik die patroon van die evangelis wil verstaan.
Die evangelis is iemand wat aan die beweeg is, as jy dan so kyk na hierdie
patroon dan sien jy ook dat die evangelis is in hierdie opsig ‘n individualis. Hy
beweeg alleen.
Die apostels soos Paulus en Bárnabas en Silas; dit lyk asof hulle altyd saam
beweeg het. Ons sal byvoorbeeld selfs hierso sien, nadat die evangelis Filippus
in Samaría gepreek het, en die mense tot bekering gekom het en gedoop was,
toe stuur hulle vir Petrus en Johannes van Jerusalem af, om vir die mense te bid
dat hulle die Heilige Gees moet ontvang.
Handelinge 8:13-15;
13 En Simon het ook self gelowig geword, en nadat hy gedoop was gedurig
by Filippus gebly; en hy was verbaas toe hy die tekens en groot kragte
sien gebeur.
14 En toe die apostels in Jerusalem hoor dat Samaría die woord van God
aangeneem het, het hulle Petrus en Johannes na hulle gestuur.
15 Húlle het afgekom en vir hulle gebid, dat hulle die Heilige Gees mag
ontvang,
Ons sal netnou weer daarop terug kom. Hulle het Petrus en Johannes gestuur.
Dit lyk asof die apostels en selfs die profete altyd ten minste in pare beweeg het,
72

maar die evangelis nooit in pare nie, altyd alleen. Daar is ook ‘n baie spesiale
bedoeling daarvoor.
Die evangelis, jou ware evangelis, soos die Here hom aangestel het, het nie
nodig dat iemand met ‘n klomp trompette voor hom uit moet loop om sy koms aan
te kondig nie.
In die band van Derek Prince, wat die bedieningsgawes behandel, noem hy ‘n
geval in Kenia, nadat Tommy Osborne Kenia besoek het. Tommy was ‘n
uitstaande evangelis, met al die tekens van ‘n Filippus en so aan. Al wat hy
gedoen het, was om van stad tot stad te gaan en as hy by die stad kom, dan vra
hy vir die mense; is daar siek mense onder julle? Nou ja, daar is altyd siek
mense in ‘n stad, veral onder die swartmense.
Dan bring hulle ‘n paar siekes en dan bid hy vir hulle, dan maak die Here hulle
gesond. Hulle hardloop dan in daardie stad in, en môreaand wemel dit van die
mense. Daar het hy sy gehoor, sy vergadering, en dit is klaar.
So het hy van plek tot plek deur Kenia gegaan en natuurlik omdat hy sy
evangelistiese bediening in sy volheid uitgelewe het, het dit nie net daarby gebly
nie. Dit het die mense aan die brand gesteek. Hulle het begin bid en daar het
herlewings uitgebreek.
Geen advertensie of advertensieborde of enige iets nie. Nie dat ek sê ‘n mens
moet dit nie bekend maak nie maar party van ons, soos ons hulle nou noem
evangeliste, het in ons dae partykeer snaakse “stunts” aangevang, net om gehore
te kry en dit is nie nodig nie. Die ware evangelis het dit nie nodig nie. Hy kan
maar net ‘n paar groot wonderwerke in ‘n dorp doen en hy sal oorstroom word
van mense wat na sy boodskap kom luister.
‘n Evangelis, dit is baie belangrik en wonderlik wanneer jy dit in werking sien. ‘n
Evangelis se boodskap is die eenvoud self. Kom ons kyk byvoorbeeld na Filippus
se boodskap;
Handelinge 8:5;
En Filippus het afgekom in ‘n stad van Samaría en Christus aan hulle
verkondig.
Al wat hy gedoen het; hy het Christus vir hulle gepreek en toe het die dinge begin
gebeur.
Handelinge 8:35; (toe hy besig was met die kamerling van Ethiopië)
En Filippus het sy mond geopen en van hierdie Skrif af begin en die
evangelie van Jesus aan hom verkondig.
‘n Eenvoudige evangelie. Die evangelis se boodskap en sy prediking is altyd die
eenvoud self. Almal het geluister omdat God sy boodskap met tekens en
wonders bevestig het.
Handelinge 8:6-8;
6 En die skare het eendragtig ag gegee op die woorde van Filippus toe
hulle dit hoor en die tekens sien wat hy doen.
7 Want uit baie van die wat onreine geeste gehad het, het die geeste
uitgegaan terwyl hulle met ‘n groot stem skreeu; en baie wat lam en
kreupel was, het gesond geword.
73

8 En daar was groot blydskap in daardie stad.
Sy boodskap is die eenvoud self en God bevestig daardie boodskap deur die
tekens wat daarop gevolg het. Dus jou evangelis bring ‘n goeie boodskap, jou
evangelis bring ‘n eenvoudige boodskap. Jou evangelis se boodskap moet altyd
bevestig word deur tekens en wonders. Dit is van die uiterste belang.
Die volgende punte wat u baie mooi aan moet dink, en wat baie van ons ‘n groot
fout mee maak, wonderwerke bekeer nie mense nie. As wonderwerke mense
moes bekeer, dan moes al die mense in die tyd van die Here Jesus bekeerd
gewees het. Maar baie van hulle was nie bekeerd nie. Wonderwerke bekeer nie
mense nie, maar wonderwerke trek mense om te kom luister na die woord
van God.
Alleen die Woord van God, in die krag van die Heilige Gees, wat ‘n
omskeppingswerk in ‘n mens doen.
Net die Woord en die Gees, dit bekeer, maar wonderwerke trek die mens.
Wonderwerke is jou getuigskrifte en dit is baie noodsaaklik.
Die Here Jesus het self gesê: “As julle dan nie vir My wil glo nie, glo My dan ter
wille van die werke”. En die mense het kom kyk na die werke wat die Here Jesus
gedoen het. Wonderwerke bekeer nie, maar trek mense om na die Woord van
God te luister. Dan kan jy vir hulle die Woord bring en dit is presies ook wat
Filippus vir hulle gedoen en vir hulle gesê het; hulle moet hulle tot die Here
bekeer en hulle moet hulle laat doop.
Markus 16:15-16;
15 En Hy het vir hulle gesê: Gaan die hele wêreld in en verkondig die
evangelie aan die ganse mensdom.
16 Hy wat glo en hom laat doop, sal gered word; maar hy wat nie glo nie, sal
veroordeel word.
Die mense word dus gered op die verkondiging van die evangelie van die Woord
van die Here.
Dieselfde met Matthéüs 28:19-20;
19 Gaan dan heen, maak dissipels van al die nasies, en doop hulle in die
Naam van die Vader en die Seun en die Heilige Gees; en leer hulle om
alles te onderhou wat Ek julle beveel het.
20 En kyk, Ek is met julle al die dae tot aan die voleinding van die wêreld.
Amen.
Ook Handelinge 8:8;
En daar was groot blydskap in daardie stad.
Nadat die mense die tekens gesien het was daar groot blydskap in die stad.
Handelinge 8:12;
Maar toe hulle Filippus geglo het, wat die evangelie aangaande die
koninkryk van God en die Naam van Jesus Christus verkondig het, is
hulle gedoop, manne sowel as vroue.
74

Die tekens en die wonders het die mense getrek en daar was groot blydskap,
maar toe het Filippus vir hulle die evangelie gebring, hulle het geglo en is gedoop,
manne sowel as vroue.
Iemand het eenkeer gesê dat die evangelis, hy sê dit ten minste van Filippus, dat
hy God se valskermsoldaat was, want dit lyk asof Filippus op verskeie kere, op
bonatuurlike wyse deur die lug getransporteer was.
Die rede waarom ek dit sê en dit is baie belangrik. Die evangelis reis lig; “he
travels light”. Hy moet homself altyd gereed hou om God se stem te hoor
wanneer Hy vir hom sê: “My dienskneg, gaan daar of gaan daar.” Hy moet nie
baie bande hê wat hom bind nie, “many entanglements” en allerhande ysters in
die vuur en dit en dat nie, sodat wanneer God hom stuur, hy dadelik kan gaan.
Ons sien dit ook weer so tipies in die bediening van Filippus.
Handeling 8:26-30;
26 EN ‘n engel van die Here het met Filippus gespreek en gesê: Staan op en
gaan na die suide op die pad wat afloop van Jerusalem na Gasa. Dit is ‘n
eensame pad.
27 Toe het hy opgestaan en gegaan. En daar was ‘n man van Ethiópië, ‘n
hofdienaar, ‘n staatsamptenaar van Kandacé, die koningin van die
Ethiópiërs, wat oor al haar skatte was en na Jerusalem gekom het om te
aanbid.
28 En hy was op die terugreis en het op sy wa gesit en die profeet Jesaja
gelees.
29 Toe sê die Gees vir Filippus: Gaan daarheen en bly by daardie wa.
30 En Filippus het daarheen gehardloop en hom die profeet Jesaja hoor
lees; en hy sê: Verstaan u wel wat u lees?
Hy was reg om te gaan.
Toe het Filippus vir hom die Skrif oopgemaak.
Handelinge 8:36-40;
36 En terwyl hulle voortreis op die pad, kom hulle by water; en die hofdienaar
sê vir hom: Daar is water; wat verhinder my om gedoop te word?
37 Toe sê Filippus: As u glo met u hele hart, is dit geoorloof. En hy antwoord
en sê: Ek glo dat Jesus Christus die Seun van God is.
38 En hy het beveel dat die wa moes stilhou; en hulle het altwee in die water
afgeklim, Filippus en die hofdienaar; en hy het hom gedoop.
39 En toe hulle uit die water opklim, het die Gees van die Here Filippus
skielik weggevoer, en die hofdienaar het hom nie meer gesien nie, want
hy het sy weg met blydskap gereis.
40 Maar Filippus is in Asdod gevind. En hy het die land deurgegaan en die
evangelie verkondig in al die stede, totdat hy in Cesaréa gekom het.
Filippus het lig beweeg en hy kon maklik deur die Gees beweeg word net waar
die Gees hom nodig gehad het. Die evangelis reis lig, hy is tot beskikking van
God, om die sondaar by Jesus te bring.
Of dit nou die massas van Samaría was en of dit die eensame reisiger was terug
op pad na Ethiopië, hy was tot beskikking van God. Loof die Here! Ons moet tog
75

nooit huiwer as die Here ons wegroep van die skares, waar ons dink ons kan so
lekker werk vir die Here, daar is so baie mense, so ‘n groot veld, en die Here roep
jou ewe skielik weg om een siel te gaan bearbei, moet nooit daaroor kla nie. God
het sy bedoeling en ons sal seker eendag nog verstaan, wat daardie man van
Ethiopië gaan doen het, toe hy in sy eie land gekom het.
Die getuigskrif van die evangelis is die bonatuurlike, en dit word gevolg deur die
redding van siele en deur hulle doop en hulle vervulling met die Heilige Gees,
hulle verdere dissipelskap en dan weer, is húlle op die weg en wie weet wat ‘n
oes van evangeliste sal weer daaruit voortkom.
My volgende punt is dus redding in die eenvoudigste sin, maar wat sondaars laat
uitroep vir genade. Hierdie boodskap is ‘n pragtige en ‘n wonderlike kenmerk van
‘n evangelis.
Jy sal aan ‘n evangelis sien, almal van ons het die Here lief, Sy Gees, en Sy
boodskap. Sy plan brand in ons siele, maar as jy ‘n evangelis raakloop dan sal jy
dit in sy hele wese sien dat die boodskap van “redding van siele” brand in sy hart.
Dit is sy las; “that's his burden”, waarmee hy rondgaan, die redding van ‘n siel.
As jy in sy teenwoordigheid kom, selfs jy as geredde, sal dit sommer jou eie siel
ook weer laat vlam vat om andere vir Jesus te wen. Dit is ‘n bediening wat God
op so ‘n persoon gelê het; die bediening van die Here Jesus. Dit brand in sy
siel.
Dit lyk asof die hele Bybel vir hulle net hierdie een boodskap het. Hulle vind dit ‘n
tipe in die verhale van die Ou Testament; dit sing tot hulle in die Psalms en
inspireer hulle deur die profete. As jy luister na ‘n evangelis, dan sal hy miskien ‘n
deel uit die Ou Testament lees dan sal jy sê: “Nou wat gaan hy nou hier uithaal?”
Maar wag net totdat hy begin preek. Dit sal jou siel bekoor; jou hart roer; jy sal
sê: “Jou waarlik waar, dit is waar, dit is wonderlik, maar ek het dit nog nooit so
gesien nie”. Dit is pragtig, dit is heerlik vir die kind van God, en die sondaar, jy sal
sommer aan hom sien, hy word opgelig, uit sy sitplek. Hy kan nie help om
homself tot God te bekeer nie.
Hulle verbly hulle in die Nuwe Testament, want hier lyk hulle nog die meeste tuis.
Hulle kry soms ‘n boodskap uit ‘n deel van die Bybel, wat ons skoon verbaas.
Soos Filippus, kan hulle by enige plek in die Bybel begin en Jesus verkondig. Ons
het dit gesien met Filippus en die kamerling.
Handeling 8:32-35;
32 En die gedeelte van die Skrif wat hy besig was om te lees, was dít: Soos
‘n skaap is Hy gelei om geslag te word, en soos ‘n lam wat stom is voor
die een wat hom skeer, so maak Hy sy mond nie oop nie.
33 In sy vernedering is sy oordeel weggeneem, en wie sal sy geslag
beskrywe? Want sy lewe word van die aarde weggeneem.
34 En die hofdienaar antwoord en sê vir Filippus: Ek bid u, van wie sê die
profeet dit, van homself of van iemand anders?
76

35 En Filippus het sy mond geopen en van hierdie Skrif af begin en die
evangelie van Jesus aan hom verkondig.
Maar die ware evangelis sal by enige Skrif kon begin en die evangelie van Jesus
kon verkondig. U sal met my saamstem, dit is ‘n heerlike gawe maar dit is net ‘n
gawe wat die Here Jesus sal kan gee. Laat ons bid vir daardie gawes om terug
te kom na die kerk toe.
Kyk net wat ‘n wonderlike aandeel ons daaraan kan hê. Ons sien nou hierdie
dinge, die lering word nou vir ons gebring, nou kan ons mos daarvoor bid. Loof
die Here, die arbeider is sy loon waardig. Ek is daar seker van, as ons begin om
te sien dat die Here die evangeliste begin opwek, ons al klaar kan sê: “Here
dankie, die beloning is al klaar daar. My gebede begin beantwoord word”.
Die volgende gedagte, dit is ‘n bediening wat direk van die Here ontvang word.
Filippus die diaken van Handelinge 6, word die evangelis van Handelinge 8. Een
Bybel kommentator wat ek geraadpleeg het sê, heel moontlik het die kerk van
Jerusalem dalk nog die demper op Filippus gehou, dat die Here die gawe aan
hom gegee het, maar hulle het gesê, “ons wou nie ‘n goeie diaken verloor nie”.
Hulle het vasgehou aan die diaken maar die Here het hom uitgestoot en hy het
die evangelis van Handelinge 8 geword.
Ons weet natuurlik hoe die uitstoting van die Heilige Gees plaasgevind het. Daar
het ‘n verskriklike vervolging plaasgevind na die steniging van Stefanus, en dit sê
vir ons daar in die begin van Handelinge 8, hulle was almal verstrooid behalwe
die apostels.
Dit lyk partykeer asof ons so traag is om te luister na die stem van God, asof die
Here, ek bedoel dit in alle erns, asof die Here partykeer ‘n bom ook onder ons
moet sit, om ons in die plekke te kry waar God ons wil hê.
Ek kan in baie opsigte dink aan my eie getuienis in my lewe. Die Here moes ook
‘n bom onder my sit, anders het ek dalk nog vandag gesit waar ek was, voor die
bediening. Miskien lekker gerieflik maar buitekant die wil van God.
Ons hoef nie by jong mense te pleit om evangeliste te word nie. As die Goddelike
gawe in hulle is, sal hulle nie anders kan as om die evangelie te verkondig nie.
Dit sal spontaan kom. Dit is die tipe evangelisme wat ons nodig het.
Kom ons kyk net na een vers wat tot ons baie boekdele sal spreek en hierdie punt
vir ons sal duidelik maak.
1 Korinthiërs 9:16;
16 Want as ek die evangelie verkondig, is dit vir my geen roem nie; want die
dwang is my opgelê, en wee my as ek die evangelie nie verkondig nie!
Paulus het gesê ek kan geen roem neem vir dit wat ek doen nie. Ek kon nie
anders nie. Ek was gedwing, die dwang is my opgelê. Daardie roeping van God
binne in jou siel sal jou dryf. Daarom moet u ook begin luister na die stem van
77

God. U moet uself voorberei. Ek praat nou nie net met u wat in hierdie kringetjie
is nie, ek praat ook met die wat na die band luister. Dit is hoe God werk.
Kyk na: Romeine 10:17;
Die geloof is dus uit die gehoor, en die gehoor is deur die woord van God.
In die vorige gedeelte het ons gelees, “hoe sal hulle dan hoor as daar nie iemand
is wat vir hulle preek nie. Hoe sal iemand vir hulle preek as daar nie iemand is
wat hom stuur nie?” Dit is hoe die Woord uitgaan. Wanneer die Woord dan
uitgaan, dan kom die geloof.
Neem nou byvoorbeeld hierdie studie, u wat in hierdie kring is en ook u wat na
hierdie band luister. Die Woord is nou besig om uit te gaan. Ek is besig om met
u die bediening van die evangelis te behandel. Nou hoor u die woord, ons lees
die verskillende tekste en ons beskou dit. Daardie Woord kan nou by u die geloof
wek. Die geloof, deur die Woord, kan dit nou in u wakker maak wat God vir u het.
Maar u moet nou nie slordig wees daaromtrent nie. U moet dit voor oë hou, en u
moet daaroor bid. Die geloof, die Woord en die Gees van God, sal self in u
verwek, wat God in u wil opwek. Ek hoop u verstaan dit.
As u nooit byvoorbeeld gehoor het van die bediening van die evangelis nie, sal u
dit heel moontlik dalk nie eens begeer het nie. U sal miskien dalk nie eens
daaraan gedink het nie. Maar dit wat u nou sover al gehoor het, ek dink, ek hoop
ten minste so, dat die Here my gehelp het, dat verskeie van die gedagtes wat ek
al sover met u gedeel het, u hart bekoor het en u laat bly voel het om te sien wat
‘n evangelis is, en hoe wonderlik dit is. Mag dit wat u nog verder sal hoor, u ook
nog verder stig.
‘n Ware bedieningsgawe van Christus sal altyd sy eie geleentheid vind. Ek wil dit
weer vir u herhaal. ‘n Ware bedieningsgawe, (onthou die evangelis is een van die
vyf bedieningsgawes wat ek met u behandel), ‘n ware bedieningsgawe van
Christus sal altyd sy eie geleentheid vind. Wanneer die Here vir u die bediening
van die evangelis gee en u bly gehoorsaam aan die Here en u bly in die Gees, en
naby aan die Here, sal die Here daardie pad vir u oopmaak. Die Here sal u
uitstoot en u sal nie anders kan nie. U moet net mooi luister na die stem van God
en u oë oophou vir die wink van Sy hand.
Ons volgende gedagte:-
Die kentekens van die ware evangelis.
(1) Wonderwerke van genesing:
Daar sal so bietjie herhaling hierin voorkom, maar u moet maar net daarmee
geduldig wees. Dit sal vir u net help en nie hinder nie. Ons het gesê sy
advertensie is bonatuurlik. Hy het nie advertensie fratse nodig nie.
Die wonderwerke van genesing is ‘n prominente, ‘n uitstaande kenmerk van sy
bediening. Daarom word dit so verstaan.
Kom ons kyk na waar Jesus self sy dissipels uitgestuur het. Hy het vir hulle gesê:
78

Lukas 10:9;
En maak die siekes gesond wat daarin is, en sê vir hulle: Die koninkryk
van God het naby julle gekom.
Handelinge 8:6;
En die skare het eendragtig ag gegee op die woorde van Filippus toe
hulle dit hoor en die tekens sien wat hy doen.
So, dit is die een uitstaande kenmerk van die evangelis.
Die mense het ag gegee op wat Filippus gesê het. Hoekom het hulle ag gegee?
Omdat hulle die tekens gesien het. Geen spesiale advertensie fratse was nodig
nie, die Goddelike krag en openbaring sal gou die skares trek.
Ek het hier ‘n nota gemaak van ‘n wonderlike getuienis wat ek jare gelede gehoor
het. Ek weet nie of u dit in u geslag al gehoor het nie maar daar was jare gelede
in Pinkster, ‘n broer Van Eyk. ‘n Man met ‘n magtige bediening van God, ‘n ware
evangelis. Ek het hom nooit ontmoet nie maar almal het van hom gepraat, van
die ou garde van Pinkster mense.
Eendag het die broer Van Eyk ‘n veldtog gehad in ‘n sekere plek, en die mense
het ook op dieselfde aand wat hy sy diens sou hou, ‘n groot boksgeveg
geadverteer. Die dorp was nie baie groot nie, so die mense sou of in daardie saal
van die boksgeveg gewees het, of in sy tent. Waar gaan hulle wees? Broer Van
Eyk het die middag vroeg ‘n groot optog gereël, hy en die gelowiges het deur die
dorpie gemarsjeer en die Here geloof en die Here geprys.
So in sy optog deur die dorpie, was daar ‘n paar mense, (ek weet nie hoe hulle sy
pad langs gekom het nie) wat baie siek was. In hierdie optog het die Here hulle
net so gesond gemaak. Daardie aand toe kanselleer hulle die boksgeveg. Daar
was niemand wat nie gekom het nie, almal was in sy tent. Loof die Here! Hulle sê
hy was ‘n merkwaardige persoon. Die Here Jesus was so ‘n werklikheid vir hom.
Sy lieflingskoortjie, sy kenwysie was altyd, (voordat hulle begin het, dan loop hy
op die platform en sing ) “ I walk with the King, Hallelujah”. Dan kan jy aan sy
houding en alles sien, die Here Jesus was hier by hom ingehaak. So werklik was
die Here by hom. As hy dan begin preek, dan volg die tekens en die wonders en
die mense stroom net uit om die Here aan te neem.
Nou ja, dank die Here, die krag van God in openbaring is sy advertensie.
(2) Die Woord:
Hy moet die Woord verkondig, in sy eenvoud maar in sy krag.
Weer sien ons dit in:
Handelinge 8:6, 5, 12.
6 En die skare het eendragtig ag gegee op die woorde van Filippus toe
hulle dit hoor en die tekens sien wat hy doen.
5 En Filippus het afgekom in ‘n stad van Samaría en Christus aan hulle
verkondig.
Toe gee hulle ag op die woorde. In die vorige vers, (vers 5), sê dit, hy het
Christus vir hulle gepreek.
79

Ook in: vers 12.
Maar toe hulle Filippus geglo het, wat die evangelie aangaande die
koninkryk van God en die Naam van Jesus Christus verkondig het, is
hulle gedoop, manne sowel as vroue.
Wonderwerke dwing aandag af, maar dit is die prediking van die Woord wat
bekeer en red. Is daar nie miskien ‘n tekort aan een of ander, of beide in ons
siening van die Kerk nie? As ons byvoorbeeld nou so terugkyk oor die
geskiedenis van die kerk, dan sal ons gewone kerke met groot lof praat van, ‘n
Spurgeon, ‘n Moody, ‘n Torrey en met alle eerbied van ons eie geliefde Dr
Andrew Murray. Maar waar is die tekens en wonders in hulle bediening? Maar
as jy hulle geskrifte lees, die Woord, pragtig!
Dr Andrew Murray se boeke sal solank as die Christen Wêreld staan, nooit
doodgaan nie, vir die prag van die Woord wat daar uitgaan. Maar waar is die
tekens en die wonders in sy bediening?
Dieselfde met Spurgeon. Sy preke sal nooit doodgaan nie. Dit bekoor my elke
keer wanneer ek dit nog lees. Ek het dik bundels van sy preke daar in my
biblioteek en ek verbaas my elke dag nog meer oor die gawe van die prediking
wat God aan Spurgeon gegee het. Geen wonder dat hy vandag nog beskou
word as die prins van predikers nie. As daar ooit ‘n man was wat iets uit ‘n versie
kon uithaal, dan was dit Spurgeon. Pragtig, wonderlik, maar jy lees nooit van ‘n
wonderwerk wat in sy bediening plaasgevind het nie.
Die werk van genade was eg.
Soos bewys in: Handeling 8:17;
Hulle het hul toe die hande opgelê, en hulle het die Heilige Gees ontvang.
Die Here sou daardie mense nie gedoop het met die Heilige Gees as die werk
van genade in hulle lewens nie eg was nie.
Egte evangelisme moet die Woord verkondig as sy essensiële bediening, selfs
voor persoonlike getuienis, genesing of ander toelaatbare aspekte. Ek voel dat
selfs sommige van ons eie evangeliste wat ons miskien het, hulle vertel te veel
van hulle persoonlike getuienis en wat met hulle gebeur het. Hulle moet meer
direk op die Woord af kom, dan sal die Here dit baie meer bevestig.
Ek onthou toe ek 24 jaar gelede in Pinkster ingekom het, in 1951; ou broer
Bosworth, daardie ou man kon darem die Woord van God verkondig. Hy sal
sommer vir ‘n uur en ‘n half daar staan sonder om amper ‘n oog te knip, en dit is
net die een teks na die ander, maar nie ‘n aframmeling nie. ‘n Diep, heerlike
lering. As hy daar klaar is, is daar tekens en wonders wat op ‘n magtige wyse
volg. Prys die Here!
80

U sien, jou evangelis kan maklik jou emosies roer, maar jou emosies red jou nie.
Dit is jou wil en jou gees, dit is dieper as jou emosies waar die Woord en die
Gees moet indring vir die redding van jou siel.
Baie mense kom maar net uit nuuskierigheid, maar Paulus sê vir die Korinthiërs;
1 Korinthiërs 2:1-5;
1 EN toe ek by julle gekom het, broeders, het ek nie aan julle die getuienis
van God kom verkondig met voortreflikheid van woorde of van wysheid
nie,
2 want ek het my voorgeneem om niks anders onder julle te weet nie as
Jesus Christus, en Hom as gekruisigde.
3 Ek was ook by julle in swakheid en in vrees en in veel bewing;
4 en my rede en my prediking was nie in oorredende woorde van menslike
wysheid nie, maar in die betoning van gees en krag,
5 sodat julle geloof nie in wysheid van mense sou bestaan nie, maar in die
krag van God.
“Ek het nie gekom na julle toe in wysheid van woorde nie maar in die krag en in
die demonstrasie van die Heilige Gees”.
Nou die persoonlike besluit; en hier is waar die gawe van ‘n evangelis weer
wonderlik na vore kom. Bekering is ‘n persoonlike saak.
Elke wedergeboorte is ‘n persoonlike saak tussen ‘n mens se siel en God.
Vergelyk die menigtes van Samaría met die kamerling van Ethiópië, net een siel.
Hierin lê ongetwyfeld die uitstaande gawe van die egte evangelis. Die vermoë om
individuele siele in die massa of nie in massa, tot ‘n persoonlike besluit te bring.
Jy sal baie keer in die gewone prediking, of dit die pastoor is of ‘n predikant, of
enigiemand anders, hoor sê: “Dit was pragtig, dit was wonderlik, dit was
geïnspireerd”. Nou kom die evangelis en daardie persoon het miskien week in en
week uit onder daardie prediking gesit. Die evangelis kom en net so haal hy hom
uit en dwing hom tot oorgawe. Dit is ‘n gawe wat God aan daardie evangelis
gegee het.
(3) Die gawe van die evangelistiese bediening.
Die volgende wat baie belangrik is, iemand het dit genoem, is die krag om ‘n
besluit af te dwing; “the gift to precipitate a decision”.
Die profeet kan die harte van ‘n hele skare beweeg, ‘n leraar kan hulle onderrig,
maar dit is in ‘n besondere sin die werk van ‘n evangelis om deur die Genade van
God, die siel van die enkeling tot ‘n persoonlike oorgawe aan Christus te dwing.
Kom laat ons saamstem en sê; “Here laat ons bid vir meer sulke bedieninge”.
Wie sal nie so ‘n gawe begeer nie? Wie is nie al geroer by die aanskoue van so
‘n bediening in werking nie? Wanneer u ‘n evangelis se bediening in werking sien
en u sien hoedat die een na die ander sy besluit neem, het dit nie jou hart geroer
in blydskap voor God nie? Kan jy die Here nie dank vir so ‘n bediening om te dink
daar vind nou ewigheidswerk plaas nie? Dit is net die Here Jesus wat so ‘n
81

ediening kan gee aan ‘n mens. Laat ons die Here daarvoor bid en laat ons die
Here daarvoor prys, wanneer ons dit in werking sien.
Maar, die evangelis, alhoewel hy ‘n individualis is en op sy eie beweeg, moet u
nou glad nie dink hy is onafhanklik van ander nie. Moet nou glad nie dink, wel al
wat ons nou nodig het is net ‘n evangelis nie. Nee, daarom gee die Here die vyf
bedieninge, die een vul die ander aan.
Kyk na: Handelinge 8:14;
En toe die apostels in Jerusalem hoor dat Samaría die woord van God
aangeneem het, het hulle Petrus en Johannes na hulle gestuur.
Filippus het tekens en wonders laat plaasvind, hy het mense se harte geroer tot
oorgawe maar hulle het nie die Heilige Gees ontvang nie. Dit was Petrus en
Johannes wat nodig was om vir hulle te bid om die Heilige Gees te ontvang. Ek
glo die Here het dit spesiaal toegelaat, dat dit vir ons so geboekstaaf moes word.
Dit is vir my vol van groot betekenis.
Die verskillende bedieninge is onderling afhanklik van mekaar. Nadat Filippus
daardie mense tot oorgawe gebring het, toe neem die Heilige Gees hom weg
want, na dit, as die bekeerling tot bekering gekom het, wat het hy nou nodig?.
Nou het hy ‘n leraar nodig, om te leer. Dit kon Filippus nie doen nie en jy moet
mooi kyk, geen evangelis kan dit doen nie. ‘n Evangelis het nie daardie diep
kennis van die Woord nie.
Vir hom hou die evangelie die redding van ‘n siel in, en die reddings aspek hou so
‘n bekoring in sy siel, dat hy ‘n siel sal lei om uit te roep om genade -- maar laat
daardie evangelis net die fout maak om te sê: “Hier het ek nou ‘n klomp siele tot
bekering gebring” en ‘n siel word baie lief vir so ‘n evangelis, hy bewonder so ‘n
evangelis want daar is tekens en wonders en kragte.
Ek praat van ondervinding. Dit het baie gebeur. Daardie evangelis sê: “Nee,
maar hier is nou baie siele wat onder my bediening tot bekering gekom het. Hulle
het my baie lief. Ek gaan net hier “settle”, ek gaan net hier vir my ‘n gemeente
stig!” Hy maak die grootste mislukking daarvan.
Jy kan vir daardie siel daardie boodskap vanaand preek en dit sal sy siel bekoor
en dit sal hom uit sy bank uitlig en jy kan dit môreaand vir hom preek en miskien
oormôre aand, maar as jy dit vir hom ‘n week aanmekaar gepreek het, is hy moeg
vir daardie boodskap. Dit is al wat die evangelis het, met alle respek teenoor die
evangelis; dit is sy bediening. Hy het nie die diepte van die Woord nie. Dit is nie
sy bediening nie. Hy moet nou aanskuiwe, weer na nuwe velde toe.
Nou moet die leraar kom, nou moet die herder kom, die pastoor om daardie
kudde nou op te pas en groot te maak en dieper in te lei in God se Woord.
(Nou moet ons mense dit ook verstaan en u moet dit verstaan, beide in u eie
lewe, en ook in u beweging as gelowige.) U moet onthou, die Here Jesus het
gesê: “Julle is die sout van die aarde; die lig van die wêreld”.
82

U as gelowige, u beweeg onder die gelowiges, u moet smaak gee. U moet nou
vir mense hierdie dinge op wys, u moet met hulle daaroor praat.
Alle mense weet nie hierdie dinge nie, maar nou is u daar, om die smaak te gee,
om te sê: “Kyk broers en susters, moet nou nie net altyd wag vir die “fireworks”
nie. Jy het dit nou gesien, jy het nou ook ‘n dieper lewe nodig. Daar is baie meer
aan God se Woord, as net om jou te bekeer. Jy moet nie nou net sê, nou
wanneer kom die volgende evangelis nie? “You've got to settle down now,
brother”, en moet nou ook ‘n bietjie soliede studie aan God se Woord gee.
Dit is nou tyd dat jy begin leer om te bid. Dit is nou tyd dat jy begin leer om ook
jou deel in die lewe te doen van dissipelskap. Daarvoor is daardie man daar wat
nou met jou besig is, wat jy miskien selfs dalk as droog wil beskou, jy moet mooi
luister. Jy moet nou leer, en daardie herder van wie jy sê: aag man, daar is niks
“flashy” omtrent ou Pastoor so of so nie, kyk maar mooi na hom. Kyk hoe
geduldig is hy met jou, hoe mooi pas hy jou op, en kyk na al daardie dinge. Dit is
sy bediening. Dit is nodig en jy moet jou herder liefhê en hom baie waardeer.
Daardie evangelis, jy moet ook mooi na hom kyk, hy sal sommer dalk net so
ongeduldig raak, ook met jou, of nie tyd hê om nou mooi te sit en luister na jou
dinge nie. Hy is ‘n ;”man on the move”; ‘n haastige persoon, hy het ‘n boodskap
om uit te dra. Ek sê vir u hierdie dinge, dat u hierdie dinge kan verstaan.
Na Filippus weg is, toe moes Petrus en Johannes kom om te bid vir die doping in
die Heilige Gees, en na dit, het daardie mense van Samaría ‘n leraar nodig gehad
en hulle het ook ‘n herder nodig gehad.
Filippus met al sy geestelike gawes het blykbaar geen onderskeiding van geeste
gehad nie. Laat ek dit vir u wys sodat u darem nou nie die evangelis so
heeltemal as ‘n onfeilbare persoon behandel nie. ‘n Groot fout wat Filippus
gemaak het en wat Petrus moes regstel.
Vergelyk: Handelinge 8:13; met Handelinge 8:23.
13 En Simon het ook self gelowig geword, en nadat hy gedoop was, gedurig
by Filippus gebly; en hy was verbaas toe hy die tekens en groot kragte
sien gebeur.
23 Want ek sien dat jy in ‘n gal van bitterheid en bande van ongeregtigheid
is.
Dit is wat mense met ‘n evangelis maak. Dit is so ‘n wonderlike ding en dank
God, dit moet so wees, maar hulle moet ook daarna geleer word. Jy moet hom
bewonder. Dank die Here, maar jy moet sy gawe bewonder, nie die persoon nie.
Hierdie selfde Simon wat Filippus gedoop het; Filippus het dit nie in hom
raakgesien nie want hy was ‘n evangelis. Petrus het dit raakgesien, en Petrus is
die apostel en die leraar en so aan.
Eerstens: Volgens my, en baie andere stem met my saam, het Filippus hier ‘n
baie groot fout gemaak om Simon te doop. Simon was nie eg nie. ‘n Wyse
83

evangelis sal besef dat hy nie al die gawes het nie, maar ook sy eie beperkinge
ken ten spyte van al die bewondering van die skare.
Ek het so ‘n geval gesien in my tydjie wat ek in Pinkster is, hierdie selfde ou broer
Bosworth wat ek u van vertel het, daar was drie van hulle wat na Suid-Afrika toe
gekom het, broer Branham, (baie van julle het seker al van hom gehoor) en
Bosworth en Baxter.
Die Branham het ‘n magtige bediening gehad. Hy was ‘n magtige profeet. Die
Here het ook magtige tekens en wonders deur hom gedoen maar later jare, (toe
wou Branham ook leraar wees) omdat hy sulke wonderlike dinge van God gehad
het, en hier is ons gevaar, hierdie dinge moet u ook leer. Ons het niks, wat ons
nie ontvang het nie. Al is jy ook hoe ‘n magtige evangelis of ‘n apostel of ‘n
leraar, jy het dit van God ontvang. Jy moenie toelaat dat die duiwel dit na jou kop
toe vat en daarmee weghardloop nie.
Die broer Branham, nou mense wat hierdie band hoor en miskien aan hom
verbonde was sal sê, ek praat nou vreeslike dinge, maar alles wat ek voor u lê en
voor u gees, is vir ‘n rede, sodat u self kan beoordeel.
Broer Branham glo ek, het toe ook probeer om die bediening van ‘n leraar uit te
voer, en hy het myns insiens in die grootste dwaling verval, want hy het toe
hierdie leer van, “Jesus only” begin aanhang. Hierdie man met ‘n magtige
bediening wat die hele Suid-Afrika in rep en roer gehad het in 1951, het later
sover gedwaal, dat hy selfs begin sê het hy is die Elía wat moes kom en het baie
vals leringe geleer. Hy moes gebly het by sy bediening van profeet. Hy het nie
die bediening van ‘n leraar gehad nie en hy het die probeer doen.
Tweedens: Filippus het vir Petrus en Johannes nodig gehad om te kom bid vir
die Heilige Gees. Derdens, hy het nie in Samaría agtergebly om die herder van
daardie werk te word nie. God het hom aanbeweeg. Die Here het hom as 't ware
aangestoot.
Handelinge 8:26;
EN ‘n engel van die Here het met Filippus gespreek en gesê: Staan op en
gaan na die suide op die pad wat afloop van Jerusalem na Gasa. Dit is ‘n
eensame pad.
Filippus het nie kans gehad om daar te bly nie. Die Here het hom weggeneem en
vir ‘n baie goeie rede. Hy het nie iets verder gehad om vir die mense van
Samaría te bring nie. Andere moes kom, baie noodsaaklik. Die evangelis wat die
skares trek, kan baie selde aan hulle behoeftes om geleer te word, voldoen, sodat
hulle as ‘n gemeente gevestig kan word. Hy het gewoonlik nie die geduld of die
volharding nie. ‘n Apostel wel, maar nie ‘n evangelis nie.
Paulus wat ‘n apostel was en ook ‘n evangelis en baie van die ander gawes
ontvang het, hy kon gemeentes stig en hy kon vir ‘n lang tyd by ‘n gemeente bly
want hy het ook daardie bediening gehad; maar die suiwere evangelis nie. Dit is
‘n rondreisende bediening. Hy is altyd aan die beweeg soos ek vir u gesê het en
u het dit nou al gesien. Kom ons kyk nou net na verse 39 en 40. Dit het ek nou
nog nie beklemtoon nie.
84

Handelinge 8:39-40;
39 En toe hulle uit die water opklim, het die Gees van die Here Filippus
skielik weggevoer, en die hofdienaar het hom nie meer gesien nie, want
hy het sy weg met blydskap gereis.
40 Maar Filippus is in Asdod gevind. En hy het die land deurgegaan en die
evangelie verkondig in al die stede, totdat hy in Cesaréa gekom het.
Kyk net sy reisplan, kyk net hoe het hy beweeg en dit moet jy altyd in ‘n evangelis
sien.
Kyk weer na:
2 Timótheüs 4:5;
Maar wees jy in alles nugter; ly verdrukking; doen die werk van ‘n
evangelis; vervul jou bediening.
Dit lyk hierso asof tydelike omstandighede vir Timótheüs verplig het om die
herderskap van die gemeente te Efése te aanvaar. Maar as ons dit nou mooi
ontleed dan sal ons sien dit Iyk asof dit nie sy ware bediening was nie en dat
Paulus hom moes vermaan en hom moes aanspoor en vir hom moes sê; “jy moet
gewillig wees om verdrukking te Iy Timótheüs, en wees nugter in alles en doen
die werk van ‘n evangelis, vervul jou bediening”.
Dit Iyk asof Timótheüs se bediening die van ‘n evangelis was, en of hy dit nie
altyd uitgevoer het nie. Die evangelis hoef nie van ‘n huislike Iewe beroof te wees
nie. Soos ons gesien het, Filippus het sy huis gehad met sy dogters en sy vrou
en so aan. Hy moet sy huis hê, maar hy moet nie staties bly nie. Hy moet
beweeg.
Dit is een van die subtielste versoekinge om jouself te vestig. Dit is nie maklik om
so rond te gaan nie. ‘n Man kan byvoorbeeld nie altyd sy vrou en kinders met
hom saamneem nie, veral as hulle klein is en so aan, die kinders moet skoolgaan
en aI die dinge. Seker nie lekker nie. Miskien vir een of twee weke dalk weg van
die huis af. Die vrou moet ook maar die las saam help dra. Dit is die bediening
van die evangelis. Hy sal moet bereid wees om miskien vir lang tye weg te wees
van sy huis af. Dit is sy prys en dit is sy offer wat hy sal moet bring. Dit is een
van die mees selfopofferendste bedieninge wat jy kan kry, as jy dit getrou wil
vervul.
‘n Evangelistiese ywer en vuur behoort die hele liggaam van Christus te kenmerk.
Wee ons almal, as ons, ons medelye met verlore gaande siele verloor. In die
evangelis bereik hierdie drang sy klimaks deurdat hy sy lewe daaraan wy. Maar
nie een kind van God behoort heeltemal sonder daardie vuur te wees nie. Elke
kind van God behoort daardie evangelistiese drang in hom te hê, om siele te red.
85

Maar ons is nie evangeliste nie. Soos ek vroeër gesê het, wanneer so ‘n
evangelis jou pad langs gekom het, dan het hy jou sommer weer opnuut aan die
brand gesteek en daardie evangelistiese vuur weer wakker gemaak. Dit is een
van die wonderlike bedieninge van die evangelis, dat nie net siele gered word nie
maar dat hy die gelowige ook weer opnuut aanspoor en aandagtig maak aan die
Here se opdrag, dat ons die evangelie moet verkondig en dat ons getuies moet
wees vir Hom.
Dit is heel moontlik nie die Goddelike roeping van elkeen van ons nie, maar die
ware evangelis sal ook hierdie diens aan die hele liggaam van Christus verrig,
deurdat hy met sy brandende ywer ook elke lid sal aanvuur om die evangelie aan
die ganse rnensdom te verkondig.
Mag die Here ook hierdie lering en boodskap aan onse harte seën, en dit is die
gebed van my hart en ek sê dit as ‘n bede, dat die Here vir ons genade sal gee,
dat ons nie nou maar net sal sê; wel dank die Here, dit is nog ‘n Bybel Studie
agter die rug nie, maar dat dit nou sal vrugte dra in ons lewens, ons dit sal
oordink en ook deel daaraan sal hê deur daarvoor te bid, ons eie harte oop te stel
as die Here miskien so ‘n roeping vir ons het, dat ons nie daaromtrent ongevoelig
sal wees nie en dat die Here vir Sy ganse gemeente, vir Sy Kerk hierdie
bediening sal herstel.
Ek is daar seker van, u sal besef hoe nodig ons dit het!
86

Die Herder
(Kasset nr. L024)
Ons begin nou met die bedienings gawe van die herder, in Engels: “pastor”. Laat
elke woord en gedagte ‘n inslag vind in u gees.
Efésiërs 4:11-16;
11 En Hy het gegee sommige as apostels, ander as profete, ander as
evangeliste, ander as herders en leraars,
12 om die heiliges toe te rus vir hulle dienswerk, tot opbouing van die
liggaam van Christus,
13 totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus;
14 sodat ons nie meer kinders sou wees nie wat soos golwe geslinger en
heen en weer gedryf word deur elke wind van lering, deur die bedrieëry
van die mense, deur sluheid om listiglik tot dwaling te bring;
15 maar, terwyl ons in liefde die waarheid betrag, in alles sou opgroei in Hom
wat die Hoof is, naamlik Christus,
16 uit wie die hele liggaam - goed saamgevoeg en saamverbind deur die
ondersteuning wat elke lid gee volgens die werking van elke afsonderlike
deel in sy mate -- die groei van die liggaam bevorder vir sy eie opbouing
in liefde.
Is dit nie magtige woorde nie? Voel ons nie al klaar dat dít ons roer in ons siele
nie? Kyk net die hoë en heilige roeping, dat ons mag groei tot die gestalte van
die Here Jesus.
Kan ons genoeg besef, (ek weet dit oorstelp die gedagte as jy in menslike terme
daaraan dink), ons moet in die gees dink en in die Lig van God se woord, wat is
die wedergeboorte, waarom het die Here Jesus gekom? As ons dan weergebore
is, dan is ons werklik gebore uit God, dan is ons God se kinders, nie net as ‘n
godsdienstige, teologiese term nie, ons is God se kinders en dan het ons inherent
God se geaardheid.
Netso as ‘n kind gebore is, is daardie kind ‘n mens, hy het ‘n mens se geaardheid,
‘n mens se moontlikhede en so aan. Maar nou is dit die werk van die ouers en
die wat later daarby betrokke sal wees, onderwysers, ooms, tannies, vriende
ensovoorts, om daardie kind groot te maak om ‘n volwaardige mens te wees in
elke opsig met al sy potensiaal.
Dit is ons potensiaal wanneer ons weergebore is, ons is in Christus se beeld, Hy
is ons ouer broer, dit sê so in die Skrif, Hy praat van sy “broer”, Hy praat van
“been van sy been en vlees van sy vlees”. Die mens is geskape in die beeld van
God en die sonde het hom verneder maar die Here Jesus het kom sterwe aan die
kruis en het weer opgestaan en is nou nog besig met sy bediening aan die
Regterhand van die Vader en ook die uitstorting van die Heilige Gees om vir ons
in sy Beeld te herskep.
87

Toe ons wedergebore is het ons die kiem ontvang maar vir groei, is al hierdie
dinge nodig. As jy dan so dink, (terwyl ek so praat) en ook in die lig van die
gedeelte wat ons gelees het, dan kan u sien, hoe vér agter ons nog is en die
uitdaging vir ons, dit is hier waar ons hierdie bedieningsgawes so geweldig nodig
het. As u miskien kan onthou, in ons inleiding het ons vir u gesê hoekom word dit
genoem die bedieningsgawes van Christus omdat die Here Jesus self sy
bedienings in hierdie gawes voortsit. Dit is die Here Jesus self wat in die apostel,
profeet, evangelis, leraar en herder werk. Want in die Here Jesus self, (ek het vir
u daarop gewys) was al vyf hierdie bedieninge prominent in aksie en Hy het gesê:
“Ek gaan weg maar Ek stel julle aan in My plek, om vrug te dra en ek sal vir julle
die Heilige Gees stuur”.
Dieselfde Heilige Gees wat deur die Here Jesus gewerk het. Dit is een van die
wonderlikste studies om op in te gaan in die Evangelies en veral in die boek van
Johannes. Wanneer u kyk na die Here Jesus, het Hy niks gedoen in sy inherente
hoedanigheid as God nie; terwyl Hy hier op aarde was het Hy as mens opgetree
in die krag van die Heilige Gees, of Hy op water geloop het, of Hy Lasarus
uitgeroep het uit die graf. Hy het dit nie gedoen in sy Goddelike hoedanigheid
nie, Hy het dit gedoen as mens in die krag van die Heilige Gees, inherent kan u
en ek dit ook doen. Dit is ons roeping. Hy het juis gekom, dit sê daar in Jesaja
53, “Kyk die kinders wat U aan My gegee het”.
As ons tog die versoeningswerk van die Here (daarom is ons hier) en hierdie
dinge kan begryp en nie as ‘n stuk teorie bestudeer nie, maar dat ons, ons erfenis
sal beërwe en dat ons nie soos die kinders van Israel na die reuse sal kyk, wat dit
ook al mag wees, en dan maar sê: “Dit is hopeloos”. Nee, loof die Here, kom dat
ons die Here ‘n kans gee dat sy woord ons uitdaag en ons sal sê: “Here, ek neem
U op U woord”.
Een van die woorde in die Nuwe Testament wat die minste voorkom, is hierdie
woord “herder”. Tog is dit die bediening wat die bekendste in die Christendom is.
U sal baiekeer ‘n persoon vind, hy het werklik ‘n apostoliese bediening maar hy
sal maar nog bekend staan as pastoor, hy het ‘n bediening van ‘n profeet, maar
oor die algemeen is hy bekend as pastoor en so aan. Dit is ‘n baie belangrike
bediening.
Kom ons kyk net eers na ‘n paar Skrifte.
Johannes 10:11; (Hoofstuk oor die goeie herder)
Ek is die goeie herder. Die goeie herder lê sy lewe af vir die skape.
Hebreërs 13:20;
MAG die God van vrede, wat die groot Herder van die skape, naamlik
onse Here Jesus Christus, deur die bloed van die ewige testament uit die
dode teruggebring het,
Die groot Herder van die skape, die Opperherder, die Here Jesus self.
1 Petrus 2:25;
Want julle was soos dwalende skape, maar nou het julle teruggekeer na
die Herder en Opsiener van julle siele.
88

1 Petrus 5:1-4;
1 Ek vermaan die ouderlinge onder julle, ek wat van ‘n mede-ouderling en
getuie van die lyde van Christus is, wat ook ‘n deelgenoot is van die
heerlikheid wat geopenbaar sal word:
2 Hou as herders toesig oor die kudde van God wat onder julle is, nie uit
dwang nie, maar gewilliglik; nie om vuil gewin nie, maar uit
bereidwilligheid;
3 ook nie as heersers oor die erfdeel nie, maar as voorbeelde vir die kudde.
4 En wanneer die Opperherder verskyn, sal julle die onverwelklike kroon
van heerlikheid ontvang.
Ons Here Jesus was die grootste voorbeeld van ‘n ware herder en elke herder ná
dit, wat waarlik van God geroepe is. Luister na dit, dit is heerlik, is wonderlik, u
sal lank voor God moet staan, dat die heilige Gees u deurdrenk om dit ten volle te
kan begryp: Elke ware herder wat deur God geroepe is, is ‘n voortsetting van die
Here Jesus self, is ‘n voortsetting van die Here Jesus se herderskap, daarom
word dit genoem een van die bedieningsgawes van Christus.
‘n Herder is dus essensieel ‘n oppasser van God se skape.
Ons kyk net na daardie lieflike Psalm:
Psalm 23.
Die HERE is my herder
‘N PSALM van Dawid.
1 Die HERE is my herder; niks sal my ontbreek nie.
2 Hy laat my neerlê in groen weivelde; na waters waar rus is, lei Hy my
heen.
3 Hy verkwik my siel; Hy lei my in die spore van geregtigheid, om sy Naam
ontwil.
4 Al gaan ek ook in ‘n dal van doodskaduwee, ek sal geen onheil vrees nie;
want U is met my; u stok en u staf dié vertroos my.
5 U berei die tafel voor my aangesig teenoor my teëstanders; U maak my
hoof vet met olie; my beker loop oor.
6 Net goedheid en guns sal my volg al die dae van my lewe; en ek sal in die
huis van die HERE bly in lengte van dae.
Hy is die Opperherder, maar hy wat werk deur sy onderherder te wees, die
voortsetting van sy bediening, (die herder wat deur God geroep is), moet dít vir
die kudde van God doen.
Dink daaraan, byvoorbeeld: elke dag, wanneer die herder van die Here op die
kansel verskyn, of wanneer hy staan om die volk van God te bedien en natuurlik
nie net daar nie, of dit met huisbesoek is of wat ook al, is een van sy grootste
werke, roepinge, om aan die kudde hierdie groen weivelde te gee, dat hy moet
sorg dat daar “kos” is, dat daar “water” is, dat daar “verkwikking van die siel” is,
en so aan. Ook beskerming, soos in vers 4 van Psalm 23. Net soos die skape
nie bang is nie, hulle wat hul herder ken, soos in verse 5 en 6.
89

Die goeie herder behoort die kudde so te voed en so op te pas dat die Here
Jesus vir hulle hierdie werklikheid sal wees, al sal hulle ook in die dal van
doodskaduwee gaan, dat hulle geen onheil sal vrees nie.
U sal met my saamstem, dit is geen menslike roeping hierdie nie, geen mens wat
maar kan sê: “Ek wil predikant word, pastoor, noem hom wat jy wil, ‘n mens kan
dit nie sê nie. God alleen kan so ‘n persoon roep en daarom moet ons bid, dat
die Here sulke bedieninge aan sy gemeente sal gee.
‘n Baie belangrike punt, wat deur baie mense misgekyk word en tog so eenvoudig
is; dit is baie noodsaaklik, daar is die herder, die skaapwagter met sy skape, (sien
dit in u gedagte). Kan ‘n herder geboorte gee aan ‘n skaap?. Nee, skape gee
geboorte aan skape, daardie lammetjie word uit die ooi gebore, nie uit die herder
nie, en dit is die groot fout wat mense maak. Neem nou die gemeente, die
dominee of pastoor, hy moet al die bekeerlinge aanbring, hy moet as 't ware die
bekeerlinge produseer, nee, daardie kudde moet so geleer word dat hulle sal
besef, dit is hulle wat geboorte moet gee, die herder sal hulle oppas. Die herder
sal hulle na groen weivelde lei. Ons weet self, hoe beter so ‘n dier gevoed word
hoe beter is dit vir sy vrugbaarheid, nie waar nie?, makliker is dit as die skape vet
en gelukkig is, rondspring in die groen weivelde om dan geboorte te gee aan
lammertjies.
Dit is ook so, as die gemeente reg gelei en gevoed is, sal hulle getuig en werk vir
die Here as ‘n gemeente. Hulle sal kom met hul lammers, dominee / pastoor,
hierdie een is vir die Here gewen. Dit is ‘n lammetjie, bring hom in die kudde in,
laat ons vir hom sorg en dat hy sy kos kry en so aan. Daar in die begin drink
daardie lammetjie nog, hy eet nog nie gras nie, hy drink nog aan daardie ooi,
daardie ooi gee vir hom kos, netso, die persoon wat daardie bekeerling vir die
Here gewen het, dit is sy bekeerling, hy moet vir hom sorg, hy moet hom groot
maak in die Here, hy moet hom die weg van die saligheid kan wys, hy moet die
essensiële dinge van die Christelike geloof, duidelik kan maak. Ook daardie
eerste spore op die weg na die ewigheid, moet hy vir hom kan wys.
Hy moet nie sê: “Ag nee, wag nou, ek sien jy stel belang, ek sal gou my predikant
/ pastoor gaan roep, hy sal vir jou wys hoe om gered te word. Dit is wat ons
gedoen het al die jare.
Dit is een van die redes waarom die kerk van die Here Jesus nie kan groei nie en
waarom hy in so ‘n toestand is. Dit is hierdie dinge wat moet regkom en ons het
nie meer baie tyd oor nie. Vir ‘n groot deel is dit ook die herder se skuld want die
herder het self nie geweet nie. Die herder het self nie sy kudde reg grootgemaak
nie. Die herder het self nie sy kudde na hierdie groen weivelde toe gelei nie en
die waters waar rus is en al hierdie dinge vir hulle gedoen nie. Baie van die
herders was nooit eers “herders” gewees nie. Wat ‘n agterstand het ons nie om
in te haal nie?. Hoe moet ons die Here nie vra om hierdie bediening in sy volheid
te herstel nie!
90

Die noodsaaklikheid vir ‘n herder.
Wanneer groepe gelowiges ontstaan en ontwikkel in erkende plaaslike
gemeentes, ontstaan die behoefte dat daar sekeres moet wees om die
opsienerswerk en sorg te verrig. Wanneer die Here se kinders hul plig doen en
hulle begin getuig en vir die Here leef, sal daar in hulle omgewing mense
ontstaan wat tot die geloof kom. Sê nou, hulle is ‘n goeie klompie en vra, waar
gaan ons nou heen? Wat maak ons? Na wie kyk ons? So sal jy in die groepie
die noodsaaklikheid kry dat iemand oor hulle nou die opsigterswerk, die
herderskap sal moet doen. Daarom sal die Here dan, vir sulke groepe, herders
moet verwek.
Ons kan dit vandag sien en ek kan sien in die toekoms, met sy donker dae wat
voorlê, dat daar baie sulke groepe kan kom, dat ons in seker opsigte hierdie idee
van ons, dat daar is die kerk, daar is die sentrale plek, dit ‘n bietjie sal moet
hersien in ons gedagtes. Dat ons sulke groepe mense sal sien wat in hierdie huis
in hulle omgewing bymekaar sal kom, dat daar tye gaan kom wat ons nie die
geleenthede sal hê, om na ons gewone aanbiddingsplek toe te gaan nie en dat
die Here sulke groepe, sulke “selle” bymekaar sal voeg met diegene wat oor hulle
opsieners sal wees.
Ek voorsien ‘n heerlike oomblik waar sulke groepe, al is dit op ‘n Sondag oggend,
aand of die hele Sondag, weer bymekaar kan kom, jy kan amper sê, ‘n
konferensie hou, maar ook deur die week. Dat hulle nie kan sê, die dominee /
pastoor is nou nie hier nie, ons sal moet wag en wat maak ons vanaand?
Waarom kan hulle nie bymekaar kom met hul eie herder oor hulle nie?. Ons sal
nog sien hoe die herder ontstaan. Onthou dit is ‘n gawe van die Here. God sal
een gee, ons moet net basies regkom.
1 Thessalonicense 2:14;
Want julle, broeders, het navolgers geword van die gemeentes van God
wat in Christus Jesus is in Judéa, omdat julle ook dieselfde dinge gely het
van julle eie stamgenote net soos hulle van die Jode,
So, net soos daar in Judéa, in daardie tyd, gemeentes ontstaan het, elkeen met
hul opsiener, hulle herder, ouderlinge en diakens. So het daar nou ook in hierdie
gedeelte in Thessalonicense sulke gemeentes ontstaan en hulle was sekerlik nie
ongeorganiseerd nie en hulle was sekerlik nie sonder sorg nie. Sulke groepe wat
tot die geloof en tot die wedergeboorte gekom het moes sulke manne oor hulle hê
wat in daardie omgewing gevestig is en onderskeie is van die apostel en ander
bedieninge wat gedurig aan die beweeg was.
Ons het gesien van die apostel, profeet en evangelis, dat hierdie drie bedieninge,
rondreisende bedieninge is. Dat die Here aan hulle spesiale gawes gegee het,
magtige gawes van tekens en wonders, wat groot groepe mense bewus kan
maak van die verlore toestand van hulle siele en van die werklikheid van die Here
deur die bedieninge van God en Sy woord.
Die apostel het byvoorbeeld in ‘n dorp die woord van God gebring en baie mense
het tot bekering gekom en die kinders van die Here was self werksaam, die
91

skape het geboorte gegee aan skape, nou is die apostel / evangelis weg. Wat
word nou van die wat agterbly? Is hulle dan maar weer soos ‘n klomp skape
sonder ‘n herder? Wat maak ons nou? Nee, in daardie omgewing moet die Here
nou iemand opwek wat nie rondtrek nie, ons sal verder sien, hulle moet hom ken,
selfs die mense daarbuite moet hom respekteer, maar hy is in daardie omgewing
en hy is daar om daardie kudde wat in daardie omgewing is op te pas.(elkeen het
sy werk in sy omgewing waar hulle bly en daar moet hulle opgepas word, daar
kom jou plaaslike gemeentes vandaan.) Dit is duidelik dat die oorspronklike
gemeente onder die toesig van plaaslike ouderlinge geplaas is.
Ons kyk na Skrifte soos: (Ons sal sien in die Bybel het ons die volle patroon en dit
is nie maklik om dit te sien as ons nie daarvoor uitkyk nie.)
Handelinge 11:30;
En dit het hulle ook gedoen en dit deur Bárnabas en Saulus aan die
ouderlinge gestuur.
As ons nou vooraf kyk sal ons sien, die ouderlinge wat oor daardie gemeente
geplaas was, het hulle hierdie bydraes gestuur, wat die mense gegee het volgens
hul vermoë.
Handelinge 14:23;
En hulle het in elke gemeente vir hulle ouderlinge gekies, en hulle, ná
gebed en vas, opgedra aan die Here in wie hulle geglo het.
Hulle het in elke gemeente, deur opsteking van hande, ouderlinge gekies.
Handelinge 20:17;
EN van Miléte het hy gestuur na Éfese en die ouderlinge van die
gemeente laat roep.
Dit is hierdie beskrywing van daardie hartroerende afskeid van Paulus, van die
ouderlinge van Éfese, hy het hulle laat roep, die ouderlinge van die gemeente.
Handelinge 20:28-31;
28 Gee dan ag op julle self en op die hele kudde waaroor die Heilige Gees
julle as opsieners aangestel het om as herders die gemeente van God te
versorg, wat Hy deur sy eie bloed verkry het.
29 Want ek weet dit, dat ná my vertrek wrede wolwe onder julle sal inkom en
die kudde nie sal spaar nie.
(Hierdie herder, moet nou die kudde beskerm teen daardie wrede wolwe, dit is sy
werk, sy werk is nie om geboorte te gee aan lammertjies nie. )
30 Ja, uit julle self sal daar manne opstaan wat verkeerde dinge praat om die
dissipels weg te trek agter hulle aan.
31 Daarom moet julle waak en onthou dat ek drie jaar lank nag en dag nie
opgehou het om elkeen met trane te vermaan nie.
Hy het hulle geleer, hulle opgevoed en nou is die saak in hulle hande.
U kan al klaar sien, die implikasies, die geweldige taak, roeping en
verantwoordelikheid van die herder. Dat dit alleen geroepe manne van God kan
en moet wees. Dit het eenvoudig ouer manne beteken, wat weens hulle
geestelike stand en ondervinding geskik was om so ‘n verantwoordelikheid te
aanvaar maar bo en behalwe dit, was daar die amptelike titel van opsiener, in
92

Engels: “bishop”, Afrikaans biskop. Die opsienersamp wat meer die posisie van
definitiewe leierskap aangedui het, dat bo en behalwe die ouderlinge wat ook as
herders optree is daar nog die bediening wat uit hulle ontstaan, van een persoon
in so ‘n gemeente wat die spesiale opsienersamp het.
Kom ons kyk na ‘n paar Skrifte:
Handelinge 20:28;
Gee dan ag op julle self en op die hele kudde waaroor die Heilige Gees
julle as opsieners aangestel het om as herders die gemeente van God te
versorg, wat Hy deur sy eie bloed verkry het.
Filippense 1:1;
PAULUS en Timótheüs, diensknegte van Jesus Christus, aan al die
heiliges in Christus Jesus wat in Filíppi is, saam met die opsieners en
diakens:
Die opsieners en die diakens moet hierdie kwalifikasies hê:
1 Timótheüs 3:1-7;
1 Dit is ‘n betroubare woord: as iemand na ‘n opsienersamp verlang,
begeer hy ‘n voortreflike werk.
2 ‘n Opsiener dan moet onberispelik wees, die man van een vrou, nugter,
ingetoë, fatsoenlik, gasvry, bekwaam om te onderrig;
3 geen drinker, geen vegter, geen vuilgewinsoeker nie, maar vriendelik;
geen strydlustige, geen geldgierige nie;
4 een wat sy eie huis goed regeer en sy kinders met alle waardigheid in
onderdanigheid hou.
5 Maar as iemand nie weet om sy eie huis te regeer nie, hoe sal hy vir die
gemeente van God kan sorg dra?
6 Hy moet nie ‘n nuweling wees nie, sodat hy nie verwaand word en in
dieselfde oordeel as die duiwel val nie.
7 Maar hy moet ook goeie getuienis hê van die buitestanders, sodat hy nie
in veragting en in die strik van die duiwel val nie.
So, selfs die wêreld daar buitekant wat nie aan daardie gemeente behoort nie,
moet hom respekteer.
Titus 1:7-9;
7 Want ‘n opsiener moet as rentmeester van God onberispelik wees, nie
eiesinnig, nie oplopend, geen drinker, geen vegter, geen vuilgewinsoeker
nie;
8 maar gasvry, een wat die goeie liefhet, ingetoë, regverdig, heilig, een wat
homself beheers;
9 een wat vashou aan die betroubare woord wat volgens die leer is, sodat
hy in staat kan wees om met die gesonde leer te vermaan sowel as om
die teësprekers te weerlê.
As u dit mooi bedink sal u sien daar is sommer baie daarin om die teësprekers te
weerlê. Jy het genade van God nodig om God se woord te ken. Dit is die wolwe.
93

Die herder moet die kudde kan beskerm teen die wolwe. Dit is nie ‘n geringe taak
en opdrag nie.
Om te regeer. (Engels “Goverment”)
Om te regeer was baie beslis ‘n deel van die werk van sulke ouderlinge en
sommige van hulle het ‘n erkende bediening van die woord gehad en dit is hier,
waar hierdie een uitgesonder sal word, as hoof ook oor hulle, maar die ander
saam met hom, wat wag hou oor die gemeente.
1Timótheüs 5:17-18;
17 LAAT die ouderlinge wat goed regeer, dubbele eer waardig geag word,
veral die wat arbei in woord en leer.
(So, uit daardie ouderlinge of herders is daar dié wat arbei in woord en leer).
18 Want die Skrif sê: Jy mag ‘n os wat graan dors, nie muilband nie; en: Die
arbeider is sy loon werd.
Die lokale groep wat tot bekering gekom het, en wat nou opsieners nodig het en
waar ons gesien het daardie opsieners lokale mense moet wees, nie rondtrek
soos die apostel, profeet en evangelis nie. Dat hy in die midde van sy kudde kan
wees om vir hulle te sorg en vir hulle op te pas. Die een uit hulle , wat nou sal
begin om te leer in die woord en so aan, hy sal natuurlik so besig wees dat hy nie
meer met sy daaglikse werk kan voortgaan nie. Dat so een dan sy gewone
arbeid sal moet laat staan en dit is dan hier, dat daardie gemeente vir hom sal
moet sorg.
Netsoos die kudde, daardie herder pas die skape op maar daardie skape voed
hom ook van hulle wol maak hy sy klere en hy sal van tyd tot tyd ook een neem
om te slag en so aan. Hy sal ook lewe uit die kudde, terwyl hy hulle ook oppas.
So, sal ook die een wat uit die groep sal ontstaan, so besig wees met lering en
versorging en soos ons verder sal sien, dat hy sy tydelike arbeid moet sal laat
staan en dat hy deur daardie kudde onderhou sal moet word.
1 Petrus 5:1-3;
1 EK vermaan die ouderlinge onder julle, ek wat ‘n mede-ouderling en
getuie van die lyde van Christus is, wat ook ‘n deelgenoot is van die
heerlikheid wat geopenbaar sal word:
2 Hou as herders toesig oor die kudde van God wat onder julle is, nie uit
dwang nie, maar gewilliglik: nie om vuil gewin nie, maar met
bereidwilligheid;
3 ook nie as heersers oor die erfdeel nie, maar as voorbeelde vir die kudde.
Nou, daar by die tweede vers, “nie om vuil gewin nie, maar uit bereidwilligheid”.
Met ander woorde, hier is ‘n groot vermaning want daar is ook ‘n groot vangnet en
‘n strik in dit. Dat so een, wat uiteindelik die kudde begin lei, en dus sy tydelike
arbeid sal laat staan, deur die kudde gevoed moet word, dat hy moet onthou, hy
word alleen deur die kudde gevoed (hoe anders sal hy lewe) en dat hulle vir hom
moet sorg, maar dit moet nie terwille van dít wees, wat hy sy roeping het nie,
daarom moet hy nie vir vuil gewin hierdie bediening begeer nie en daarin lê daar
94

aie groot gevare soos ons deur die eeue ook kon sien, dat so ‘n bediening
naderhand net ‘n professie word en ‘n nering in plaas van ‘n roeping van God.
Voltydse ouderlinge.
Sommige het in hulle gewone werk aangehou maar andere was deur die
gemeente geondersteun omdat hulle, hulle hele tyd gewy het aan die versorging
van die kudde soos ons gesien het daar by implikasie van bogenoemde 1 Petrus
5:1-3.
1 Timótheüs 5:18,17;
18 Want die Skrif sê: Jy mag ‘n os wat graan dors, nie muilband nie; en: Die
arbeider is sy loon werd.
Van wie praat hy hier?
17 LAAT die ouderlinge wat goed regeer, dubbele eer waardig geag word,
veral die wat arbei in woord en leer.
Dit is hulle wat arbei in woord en leer om daardie arbeid en bediening te verrig.
Kan jy sien die Skrif sê hier: Jy mag ‘n os wat dors, nie muilband nie, en die
arbeider is sy loon werd. Met ander woorde hoe moet jy hulle eer? Laat die
ouderlinge wat regeer, dubbele eer waardig wees. Jy moet hom eer deur vir hom
te sorg.
Die volgende punt. Hier kan ons nou die betekenis van die woord herder in
Efésiërs 4:11, beter verstaan. Hulle was die erkende herders van die kudde.
Geen groep van gelowiges sal vir lank (luister mooi) kan byeenkom sonder om
die behoefte van so ‘n bediening te voel nie.
So ‘n klompie mense wat bymekaar kom, jy kry dit, baie keer sê mense: “Ag nou
ja, in die kerk is nie meer dit nie of dat nie, ons is in ‘n tyd van gissings en
woelinge en daar is geen twyfel daaromtrent nie.
Nou kom so ‘n klompie mense en sê, ons sal sommer bymekaar kom. Wie gaan
hulle lei? Hulle het definitief ‘n leier en herder nodig. So ‘n groep mense sal nie
lank bymekaar bly nie en los beweeg nie, sonder dat daar een onder hulle is wat
hulle bymekaar kan hou nie en daardie een wat dit gaan doen, sal ‘n geroepene
van God moet wees en in hul harte sal die groep, daardie een moet erken.
Dit is een van die dinge wat ek vir u duidelik gemaak het in my behandeling van
die apostel en al die ander bedieninge. Jy kan nie sommer kom en sê: “Ek is nou
‘n apostel, profeet, evangelis, herder of leraar nie”, jou bediening sal dit moet
bewys.
Diegene wat jy lei en bedien met daardie bediening, sal dit moet erken en alleen
jou bediening sal dit kan bewys. Dit is alleen deur die roeping van God wat dit
gedoen kan word.
Daar is altyd die behoefte aan wyse en bekwame leiding en opsienersamp van
dienste van die gemeente sodat alles welvoeglik en ordelik kan toegaan, soos
ons in 1 Korinthiërs 14:40 sien, en dat die woord betroubaar en volgens die leer
kan wees soos in Titus 1:9, en ook dat die kudde beskerm kan word teen wolwe
en vals leraars in skaapsklere waarvan ons sal lees in Titus 1:11 en 2 Petrus 2:1.
95

So ‘n persoon moet bekwaam wees en ons sal daardie bekwaamheid verder
omskrywe in hierdie studie, hy moet bekwaam wees om so ‘n diens te kan lei,
onthou, soos ons vir u in vorige studies al geleer het, in die Gawes van die Heilige
Gees en die Vrug van die Heilige Gees.
So ‘n groep mense wat werklik tot bekering gekom het en vervul is met die Heilige
Gees, is nie ‘n klomp dooie poppe en marionette nie, dit is nooit die bedoeling van
die liggaam van Christus nie. Die liggaam van Christus, elke lidmaat is lewendig
en moet vry wees om te reageer op die Heilige Gees, maar tog in hulle vryheid as
groep moet daar ook orde wees, ook eenvormigheid. Die een wat so ‘n groep lei,
het die genade van God nodig. Hy het die leiding en wysheid van die Here nodig.
Dit is hoekom daar baie sulke groepe in hul erns, tog uitmekaar uitgaan, want
dinge loop verkeerd want daar was nie bekwame leierskap vir hulle nie.
Hoe moet ons dan, as die kudde van die Here, wat dit tog almal begeer, bid dat
die Here Jesus verheerlik moet word, dat hierdie dinge, die patroon van die Nuwe
Testament tog herstel moet word. Hoe moet ons nie bid vir sulke bedieninge nie.
Daarom moenie dat ons net luister na hierdie Bybel Studie nie, maar laat ons dit
ons eie verantwoordelikheid maak, in ons eie hart: “Here ek vra vir hierdie
bedieninge”, en die Here sal dit gee. Prys die Here!, dit is sy begeerte. Laat sulke
dinge nou welvoeglik kan plaasvind.
1 Korinthiërs 14:39-40; (daardie ou bekende Skrif)
39 Daarom, broeders, beywer julle om te profeteer en moenie verhinder dat
daar in tale gespreek word nie.
40 Laat alles welvoeglik en ordelik toegaan.
Onthou, ons het vir u geleer, dit is nie nou die welvoeglikheid en ordelikheid van
die kerkhof nie, dat elkeen doodstil sit. Die predikant of pastoor doen die
openings gebed, gee die koortjies op, lees die Bybel, hy sê eindelik weer Amen,
so gaan die gemeente weer uit en nie een van hulle het sy of haar mond
oopgemaak nie behalwe daar waar hulle saam gesing het. Dit is nie
welvoeglikheid nie. Nee, dit is in die lewe maar in die orde van die kerkhof.
Kwalifikasie van opsieners.
Dat die woord betroubaar en volgens die leer kan wees.
Titus 1:9-11;
9 een wat vashou aan die betroubare woord wat volgens die leer is, sodat
hy in staat kan wees om met die gesonde leer te vermaan sowel as om
die teësprekers te weerlê.
Ek weet nie of dit al u ondervinding was nie maar ek het dit al gesien, in so ‘n
groep mense wat nou ywerig geword het. Hulle het waarlik ‘n wedergeboorte
ondergaan, hulle is gedoop in die Heilige Gees, nou kom hulle bymekaar; ons wil
nou die lewe van die Here hê, ons wil die dieper dinge van die Here hê. Maar ai,
in so ‘n groep mense kan daar baie valse leringe ontstaan, die een dit en daardie
een kom met dat. Naderhand is dit ‘n hele verwarring. Jy het ‘n leier nodig wat
96

daardie leisels kan vashou en kan sê: “Nee broer, daardie ding wat jy nou mee
kom, al sê jy miskien dat jy dit deur ‘n openbaring ontvang het, broer laat dit nou
so wees, daar is miskien ‘n ander verklaring, maar kyk, die woord sê so”. Laat jy
dit met geduld, wysheid en bekwame leierskap en met gesonde leer daardie
dinge bymekaar kan vat. Sonder om weg te drywe en tog daardie liggaam te
vorm en te bring in die eenheid van die Here.
Titus 9:10-11;
10 Want daar is baie wat tugteloos is, wat onsin praat en verleiers is, veral
die wat uit die besnydenis is;
11 hulle mond moet gestop word. Hulle keer hele huise onderstebo deur te
leer wat nie betaam nie, ter wille van vuil wins.
Dit is nou maar so, Paulus het daarteen gewaarsku in Handelinge 20:30 en gesê:
“nadat ek weg is sal daar wrede wolwe kom en sal uit julle eie geledere kom”. Dit
is die ondervinding deur die eeue in so ‘n groep, dit is amper soos daardie net wat
in die see gegooi is, as jy hom so bymekaartrek, is daar groot visse, klein visse,
krappe, babers, ensovoorts onder hulle, almal deurmekaar. So is dit ook hierso,
Satan sorg ook dat daar van sy gesante binne in die “net” is, onthou jy kan hom
nie uitken nie, onthou die onkruid en die koring, jy kan dit nie sien nie maar dit sal
naderhand uitkom. Maar ‘n ware herder sal hulle uitken.
2 Petrus 2:1;
MAAR daar was ook valse profete onder die volk, net soos daar onder
julle valse leraars sal wees wat verderflike ketterye heimlik sal invoer, en
ook die Here wat hulle gekoop het, verloën en ‘n vinnige verderf oor
hulleself bring;
En so gaan hy voort. Kan u sien die taak van die herder, genade van God alleen
kan hom dit laat vervul, daar sal ook die behoefte aan persoonlike bediening
wees, om in tye van besonderse persoonlike behoeftes soos siektes, dood en
probleme by te staan.
Jy het ‘n herder nodig wat na opgesien kan word, wat ingeroep kan word om in
sulke gevalle, deur die roeping van God, die wysheid en leiding, wat die Here
hom gegee het, daardie behoeftes te kan behartig en in kan voorsien en
liefdevolle versorging van die siele in die Here se huishouding kan waarneem
waarvoor hulle eendag rekenskap sal moet gee.
Hoe meer ons op hierdie onderwerp ingaan en na die Skrifte kyk, in my hart
sidder ek voor die Here, en sê: “Here, alleen hierdie herderskap, in die ware Lig
van God se woord” met ander woorde, wat ‘n uitvloeisel is van die Here Jesus.
Dat die Here Jesus wat die Opperherder is, daardie bediening van herderskap, dit
voortgesit het in die persoon wat Hy geroep het, alleen só ‘n persoon kan dit
uitvoer.
Jakobus 5:13-15;
13 Is daar iemand onder julle wat ly? Laat hom bid. Is iemand opgeruimd?
Laat hom psalmsing.
97

14 Is daar iemand siek onder julle? Laat hom die ouderlinge van die
gemeente inroep, en laat hulle oor hom bid nadat hulle hom in die Naam
van die Here met olie gesalf het.
15 En die gebed van die geloof sal die kranke red, en die Here sal hom
oprig. Selfs as hy sonde gedoen het, sal dit hom vergewe word.
Die Here het diegene aangestel om die voedingswerk te doen en ook die
waarskuwing verder aan as hy dit nie doen nie.
Hebreërs 13:17;
Wees gehoorsaam aan julle voorgangers en onderdanig, want hulle waak
vir julle siele as diegene wat moet rekenskap moet gee, sodat hulle dit
met blydskap kan doen en nie al sugtende nie; want dit is vir julle nie
nuttig nie.
Hierdie herders, hierdie voorgangers, moet rekenskap gee vir die siele van die
kudde. Wat ‘n geweldige taak, daarop vermaan hy ook die kudde dat hulle
onderdanig en gehoorsaam moet wees aan die voorganger. Ons sal nog meer
daarvan sien. Bo en behalwe dit alles, is daar die aller belangrikste werk van om
die kudde te voed, soos in Handelinge 20:28. Hy sê; “ voed die kudde” wat die
Heilige Gees aan julle gegee het as opsieners.
Ook in 1 Petrus 5:2, (alreeds gelees). Die herders moet die kudde voed, want ‘n
kudde, (luister mooi) wat goed gevoed is sal nie maklik geestelik siektes opdoen
of enige moeilikheid gee nie. Dit is ‘n natuurlike feit. Ook so as ‘n mens gesonde
kos eet en jy ‘n gesonde lewe lei, is jy meer bestand teen siektes as wanneer jy
sommer enige soort kos eet en dalk nog ondervoed is ook. Dit is so ook met ‘n
kudde in ‘n gemeente, as daardie herder vir hulle goed sorg, hulle goeie kos gee,
goeie woord bedien, hulle goed leer in die Here se woord, sal hulle nie maklik
verlei word nie. Hulle sal nie maklik vreemde leringe aangryp nie want hy sal
hulle geleer het as daar iemand kom met ‘n vreemde ding sal hy vir hom sê:
“Nee, wag. Dit is my al lankal daarvan vertel”, hier is die Skrif, en so aan. So
moet die herder wees. Vra die Here vir sulke herders.
Die bedieninge van manne wat geroepe is om hierdie werk te doen, sal altyd
hoofsaaklik binne die gemeente wees, dit is weer dieselfde van die persoon, hy
sal weer onder sy gemeente woon.
Die volgende punt is:
Die Goddelike gawe van ‘n herder.
Die Skrif is hieroor baie duidelik, dat ‘n ware herder, ‘n egte gawe van Christus is.
Efésiërs 4:11;
En Hy het gegee sommige as apostels, ander as profete, ander as
evangeliste, ander as herders en leraars,
Hy het gegee, met ander woorde ‘n ware herder is ‘n gawe van Christus, is ‘n
egte gawe van Christus. Hiervan moet veral kennis van geneem word in ‘n tyd
wanneer dit gedink word dat hulle gefabriseer kan word deur hulle in spesiale
98

inrigtings daarvoor op te lei. Stuur hom na ‘n kweekskool, Bybel skool, laat hom
gaan leer vir ‘n predikant, vir ‘n pastoor, nee, dit werk nie so nie. ‘n Herder is ‘n
gawe van Christus, hy is geroep deur God. As die gawe daar is, dan kan en
behoort dit ontwikkel te word, soos ons sien in Romeine 12:6-7, geen mate van
persoonlike ambisie of goeie voorneme kan dit voortbring nie, jy kan maak wat jy
wil, jy kan nie sê: “Ek wil herder word, jy kan 3,4,5, doktors grade in Teologie
agter jou naam hê, maar as die Here jou nie geroep het nie, het jy daardie gawe
nie, en dit sien ons ongelukkig al teveel vandag, in die Christendom.
Romeine 12:6-7;
6 En ons besit genadegawes wat verskil volgens die genade wat aan ons
gegee is:
7 is dit profesie, na die maat van die geloof; of bediening, in die werk van
bediening; of wie leer, in die lering;
Dit is ‘n genade gawe, dit is ‘n gawe van Christus.
Dit is die Heilige Gees wat manne opsieners maak.
Handelinge 20:28;
Gee dan ag op julleself en op die hele kudde waaroor die Heilige Gees
julle as opsieners aangestel het om as herders die gemeente van God te
versorg, wat Hy deur sy eie bloed verkry het.
Dit is God wat dit in die gemeente gestel het. Dit is baie belangrik. Die Goddelike
beginsel geld hier, dat die geestelike gawes aan ‘n persoon toebedeel, sy
bediening sal bepaal. Ek kan nie sê: “Ek is nou ‘n herder of dit nie”, nee, dit is vir
my baie belangrik en in al die jare het ek dit met my hele hart geglo en ek glo dit
nog elke dag meer. As die Here vir jou die genadegawe van die herder gegee
het, om ‘n herder te wees, sal jou bediening dit bewys, jy sal nie nodig hê om vir
mense te gaan sê: “ek is ‘n profeet, herder ensovoorts”, jou bediening sal dit
bewys en dit is vir my die grondslag van alles.
Daar moet vir baie duidelike kwalifikasies gesoek en ook geëis word soos ons
gesien het in 1 Timótheüs 3:1-7 en Titus 1:5-9, want dit sal deel wees van die
aanduiding van die Goddelike roeping en bediening. God roep nooit ‘n man vir ‘n
taak waarvoor hy nie die gepaste gawe of nodige kwalifikasies het nie. Ons doen
dit nie in die wêreld nie, jy gaan nie iemand aanstel as ingenieur wat nie opgelei
is as ingenieur nie, hoekom verwag ons dit dan van die Here in Sy werk dat dit so
moet wees. God sal mos diegene aanstel en roep vir wie Hy die Gawes gegee
het.
Dit beteken geensins dat so ‘n man volmaak moet wees voordat hy op die
bediening van herder aanspraak kan maak nie. Selfs die apostels het baie
swakhede gehad en het die onvolmaaktheid van hul bediening diep gevoel.
Regdeur die eeue heen moes die gemeente altyd gebruik maak van die beste
materiaal wat vir God beskikbaar was, hoe ver dit ookal aan die ideale vereistes
kortgekom het. Kinders van die Here wat gedurig oor hulle herders murmureer
kan dit gerus in gedagtes hou. Laat ons hulle in ere hou, wat op so ‘n
99

wonderbaarlike wyse getrou die kudde van God opgepas het met die volle besef
van hulle baie tekortkominge.
U kan na enige ware herder gaan, en as daar een is wat sy tekortkominge besef,
sal hy dit weet en erken. As jy hom in sy binnekamer sou kan sien, sal jy hom
baiekeer voor die Here sien ween en vir die Here sê: “Here, ek het gefaal, ek het
tekort geskied, Here, ek is die werk nie waardig nie”. Laat ons die Here vra dat
Hy al die tekortkominge sal aanvul, en laat ons nogtans die roeping sien, en
daarvoor bid. Niemand van ons is nog volmaak nie, niemand is absoluut perfek
in alles nie. Jy sal partykeer in jou herder, selfs in die apostel, ‘n ding sien wat jou
diep teleur sal stel, bid daarvoor, kyk oor die algemeen, kyk of daardie roeping,
daardie bediening tog die stempel van God dra. Dit is die belangrike saak maar
laat ons dit nogtans duidelik besef, dat om ‘n suksesvolle herder te wees, is ‘n
gawe van God.
Dit vereis in ‘n sekere mate ook die gawe om ‘n diens te kan lei veral om dit in die
Gees te hou. Die beweging van die Heilige Gees te onderskei, die verkeerde en
fanatiese te bespeur en te beheer. Die regte en die goeie en die nodige vryheid
van beweging te gee sodat alles kan saamvloei en tot een kan wees. Ek kan u
die versekering gee, dit is een van die redes as jy die geskiedenis, veral van
Pinkster navolg, is dit een van die redes waarom in baie groot Pinkster
Bewegings die Heilige Gees al so doodgemaak is.
Vir ‘n herder, om ‘n diens in die vryheid te laat gaan, tog in orde, dit is die genade
van God. Baie keer in so ‘n diens, is daar so ‘n persing in jou siel, jy sweet as 't
ware bloed as ek dit so mag stel om dit meer duidelik te maak, want jy wil aan die
eenkant nie die “gees” doodmaak nie, aan die anderkant wil jy ook hê daar moet
nie losbandigheid plaasvind nie. Dit is net die genade van God wat dit kan doen
en dit is maklik om dit of dat te verbied. Kyk in hierdie diens sal daar nie in tale
gepraat word nie, of hande geklap word nie, of geprofeteer word nie, of noem dit
wat jy wil, om reëls neer te lê, dit sal baie makliker wees vir die leiers van so ‘n
diens, maar is dit wat die Heilige Gees wou gehad het, dit is die genade van die
Here om dit te kan doen.
Dit vereis in ‘n mate die gawe van om te kan organiseer of regeringe, soos ons in
1 Korinthiërs 12:28 gesien het. ‘n Herder, as ek kyk na al die vereistes, dan is dit
net die genade van die Here, jy moet goed kan organiseer, dit vereis ‘n groot
mate van takt en geduld om die probleme en moeilikheid van die verskillende
karakters waaruit ‘n gemeente saamgestel is, te hanteer, en hoeveel karakters is
daar nie?
‘n Baie belangrike deel van elke ware herder se bediening is sy huisbesoek.
Handelinge 20:20;
hoe ek niks agtergehou het van wat nuttig is nie, om dit aan julle te
verkondig en julle te onderrig in die openbaar en in jul huise,
Hoe dikwels het die herder nodig om na ‘n sekere familie te gaan wat probleme
het en partykeer ure met hulle deur te bring met die woord om dit vir hulle
persoonlik te leer want dit is net hulle persoonlike probleem. As jy miskien
100

daardie probleem dalk in ‘n groep sal neem, sal jy dalk die ander verwar want dit
is nie die ander se probleem nie.
Om eers daardie probleem uit te pluis, partykeer met net een persoon, dit vereis
‘n ware gawe om met allerhande soorte mense omgang te maak soos die Engels
sê; “You must be a good mixer”, en hulle vertroue te wen. Dan is daar altyd die
moontlikheid dat daar soms dissipline toegepas moet word en dit verg besondere
groot genade om ‘n broer of suster in die liefde tereg te wys, sonder om hom weg
te jaag, onnodig seer te maak, dit is net deur die genade van die Here, geen
mens kan dit in sy eie krag doen nie. Vir al hierdie dinge is die een
allesoortreffende vereiste ‘n diep brandende liefde vir die kudde van God.
‘n Herder het ‘n herder se hart nodig. Kom ons lees van die Opperherder.
Johannes 10:11-15;
11 Ek is die goeie herder. Die goeie herder lê sy lewe af vir die skape.
12 Maar die huurling en hy wat nie ‘n herder is nie, van wie die skape nie die
eiendom is nie, sien die wolf kom en laat die skape staan en vlug, en die
wolf vang hulle en jaag die skape uitmekaar.
13 En die huurling vlug, omdat hy ‘n huurling is en niks vir die skape omgee
nie.
14 Ek is die goeie herder, en Ek ken my eie en word deur my eie geken.
15 Net soos die Vader My ken, ken Ek ook die Vader; en Ek lê my lewe af vir
die skape.
Hoe baie huurling herders is daar nie vandag nie. Hulle gee nie om wat van die
kudde word nie. Enige een kan maar onder daardie kudde inkom. As daar van
die kudde weg is, breek dit nie eers sy hart nie. ‘n Ware herder, as daar van die
kudde verongeluk of gevang word deur ‘n wolf en die wolwe is gedurig daar, dan
breek dit daardie herder se hart want hy is nie ‘n huurling nie, hy is ‘n herder van
die skape en hy het ‘n herder se hart van die Opperherder in sy eie hart ontvang.
Daarom het die Opperherder hom aan die gemeente gegee. As hy daardie
“herdershart” het, sal hy slaag, daarsonder sal hy misluk. Dit is ‘n gawe van God
en dit is die sekerste teken van almal, van ‘n man wat deur Christus as herder
aan die gemeente gegee is.
Met ander woorde, as ‘n herder ‘n herder se hart het en jy sal dit kan sien, sal jy
weet dit is ‘n gawe van Christus aan die gemeente. Nie elke briljante prediker of
leraar is ‘n goeie herder nie, ook nie elke suksesvolle evangelis nie, (reeds
verduidelik in die studie oor die evangelis)
So baie mense (‘n evangelis, as hy ‘n ware evangelis is, dan het hy ‘n magtige
bediening) sê dan: “o, jy moet ons pastoor kom word” en partykeer laat so ‘n
evangelis hom ompraat want ‘n evangelis se lewe is ook nie maklik nie. Die
versoeking is groot om soos die Engels sê; “to settle”, miskien voor sy tyd. Hy het
‘n suksesvolle veldtog en ‘n aanbod word aan hom gemaak en hy word pastoor
van so ‘n groep en hy is nie geroep as herder nie en dit is ‘n hopelose mislukking
want hy is ‘n evangelis.
Daar is ‘n verskeidenheid van genadegawes soos in 1 Korinthiërs 12:4.
101

Dit beteken glad nie dat ons die een bediening verkleineer teenoor die ander nie
maar liewer dat elke bediening sy eie besondere gawe van God vereis. Gelukkig
is daardie gemeente wat getroue herders het wat oor hulle siele waak al skiet
hulle dan ook te kort in, sê maar welsprekendheid. Miskien is daardie pastoor,
leraar, of dominee nie ‘n baie goeie spreker nie maar hy het ‘n lieflike
herdersbediening. Die Here kan dit deur sy ander diensknegte aanvul. Die Here
kan sorg as daardie herder sy tekortkominge besef en hy is ‘n goeie
organiseerder, kan hy sorg dat daar kort-kort besoekende predikers kom of so
aan, wat dan vir sy gemeente daardie goeie prediking sal kan gee wat hy nie kan
gee nie maar in die tussentyd wat sy sorg betref, ‘n geroepene van God.
Maar van die kosbaarste vrug van die evangelisasie raak dikwels verlore as daar
nie herders van God is wat bekwaam is om vir hierdie nuut gebore siele te sorg
nie. Is dit nie waar nie? Jy kry ‘n pragtige oes na ‘n evangelisasie veldtog en dan
is daar nie ‘n herder om daardie siele op te volg en daardie lammertjies groot te
maak nie.
‘n Paar Skriftuurlike riglyne vir ‘n herder.
Eerste voorbeeld in die Nuwe Testament is Jakobus wat blykbaar van die begin
af ‘n posisie van leierskap en opsienersamp oor die gemeente in Jerusalem
beklee het.
Handelinge 15:13;
En nadat hulle geswyg het, antwoord Jakobus en sê: Broeders, luister na
my!
As jy dit in sy verband sien, dan sal u sien wat dit is, “Broeders luister na my”!
Jakobus was die leier.
Handelinge 21:18;
En op die volgende dag het Paulus saam met ons na Jakobus se huis
gegaan, en al die ouderlinge was daar teenwoordig.
Terloops, dit word vir ons gesê, dat Jakobus was ook na Stéfanus, die eerste
martelaar van die apostels en hulle het hom doodgemaak deur hom van die
tempel af te gooi.
Volgens oorlewering het hy selde die stad verlaat. Sy opregtheid van karakter
was van so ‘n aard dat vriend en vyand hom baie hoog geag het, ‘n uitstaande
vereiste vir ‘n herder. Selfs jou vyande moet jou respekteer. Hy het so baie
gebid dat hy die bynaam van kameelknieë gekry het. ‘n Voortreflike herder,
voorwaar!
Nog iemand wat ook so ‘n herdersgawe besit het, was Bárnabas. Hy het baie
beslis so ‘n bediening in Antiochíë gehad, met uitstaande sukses.
Handelinge 11:22-26;
22 En die berig hiervan het die gemeente wat in Jerusalem was, ter ore
gekom en hulle het Bárnabas afgestuur om die land deur te gaan tot by
Antiochíë.
102

23 Toe hy daar kom en die genade van God sien, was hy bly en het almal
vermaan om met hartlike voorneme aan die Here getrou te bly;
24 want hy was ‘n goeie man en vol van die Heilige Gees en geloof; en ‘n
aansienlike skare is aan die Here toegebring.
25 Toe vertrek Bárnabas na Tarsus om Saulus te soek, en toe hy hom kry,
het hy hom na Antiochíë gebring.
26 En hulle het ‘n hele jaar lank in die gemeente saam vergader en aan ‘n
aansienlike skare onderwys gegee; en die dissipels is in Antiochíë vir die
eerste keer Christene genoem.
Sy vermaninge aan die bekeerlinge om by die Here te bly soos ons gesien het in
vers 23, beskryf vir ons die hart en siel van die pastorale bediening. As die
sleutelwoord van ‘n evangelis “kom” is, dan is die van die herder “bly”. Hy het
hulle vermaan om in die Here te bly. Dit is betreklik maklik om iemand op te wek,
maar dit is nie so maklik om hom staande te hou nie. Beide is baie nodig, dit
word net nie altyd genoeg besef nie. Hierdie mooi karaktertrekke het vir hom
(Bárnabas) die naam “seun van vertroosting” verdien. Ons sien dit in Handelinge
4:36. Ook hoe mooi dit na vore gekom het in Handelinge 9:27, toe al die ander
vir Paulus met groot agterdog bejeën het. Dit het uitstekend by die
herdersbediening gepas.
Handelinge 9:27;
27 Maar Bárnabas het hom geneem en na die apostels gebring en hulle
vertel hoe hy op die pad die Here gesien het en dat Hy met hom gespreek
het, en hoe hy in Damaskus vrymoediglik in die Naam van Jesus
gespreek het.
Paulus het so pas op die Damaskus pad tot bekering gekom. Hy was die een wat
die gemeente probeer verwoes en uitroei het, almal het hom nog verdink en jy
kan hulle nie kwalik neem nie. Bárnabas was die ene wat hom aan die apostels
gaan voorstel het, hom onder sy vleuels geneem het en hom laat tuis voel het en
hom ingelyf en ingebring het. Presies soos ‘n getroue en liefdevolle herder sou
doen.
Paulus het ook by uitnemendheid geweet wat dit beteken om God se skape op te
pas. Maar by hom was hierdie bediening opgeneem in die nog groter bediening
van sy apostelskap en dit was nie net die las van een gemeente nie maar van
baie gemeentes wat op sy hart gerus het.
Timótheüs het sy geestelike vaderskap gedeel, en alhoewel pastorale bediening
heel moontlik nie sy besonderse roeping was nie moes hy tog soms soos menige
ander dienskneg van die Here aan so ‘n behoefte voldoen.
1 Timótheüs 1:3;
Soos ek jou versoek het toe ek na Macedónië op reis was, moet jy in
Éfese wag om sekere persone te beveel dat hulle geen ander leer moet
leer nie,
103

1Timótheüs 4:11-16;
11 Beveel en leer hierdie dinge.
12 Laat niemand jou jonkheid verag nie, maar wees ‘n voorbeeld vir die
gelowiges in woord, in wandel, in liefde, in gees, in die geloof, in reinheid.
13 Totdat ek kom, moet jy aanhou met voorlesing, vermaning en lering.
14 Verwaarloos nie die genade gawe wat in jou is nie, wat jou gegee is deur
die profesie met die handoplegging van die ouderlinge.
15 Wees vlytig in hierdie dinge, leef daarin, sodat jou vooruitgang vir almal
duidelik kan wees.
16 Let op jouself en op die leer; volhard daarin; want deur dit te doen, sal jy
jouself red sowel as die wat jou hoor.
Blykbaar was daar oomblikke wat selfs Timótheüs pastorale werk moes doen en
hier was ook die voorskrifte aan hom gewees.
Dan was daar ook die leraars van die verskillende gemeentes in Openbaring
twee en drie. As ons daardie briewe lees, die boodskap aan sewe gemeentes en
aan die leraar in Éfese geskryf, aan Smirna, Pérgamus, Thiatíre, Sardis, Filadelfía
en Laodicéa, aan leraars van daardie verskillende gemeentes.
Maar bokant hulle almal styg die een uit wat genoem word die groot Herder van
die skape.
Kyk weer na Hebreërs 13:20;
Mag die God van die vrede, wat die groot Herder van die skape , naamlik
onse Here Jesus Christus, deur die bloed van die ewige testament uit die
dode teruggebring het.
Hy is by uitnemendheid, die herder se model vir sy bediening in geduld, lering, in
die voorbeeld wat Hy gestel het om na te volg, is onse Here Jesus voorwaar die
goeie Herder. Tog het Hyself nie die titel vir Homself toe geëien op grond van
enige besondere bediening wat Hy afgelê het nie, hoe getrou ookal maar alleenlik
op die een besondere feit naamlik: “die goeie Herder lê sy lewe af vir sy skape”.
Johannes 10:11;
Ek is die goeie herder. Die goeie herder lê sy lewe af vir die skape.
In hierdie stelling het Hy die grootste kenmerk van alles aangaande ‘n herder se
bediening uitgebring. Dit is die kern van die herder se bediening. Die goeie
herder gee homself gedurig tot die dood toe, vanself vir die lewe van die skape.
Die waarheid hiervan word uitgebring in die teenstelling;
Eségiël 34:2.
Mensekind, profeteer teen die herders van Israel; profeteer en sê vir
hulle: So spreek die Here HERE: Wee die herders van Israel wat aan
hulleself weiding verskaf! Moet die herders nie die skape laat wei nie?
104

Hier lê een van die groot probleme en groot tragedies dat baie herders gee aan
hulleself weiding en hulle pas nie die skape op nie. Die man wat in die
herdersbediening vir homself is, of dit is vir geld of vir aansien of posisie of watter
voordeel ookal, is ‘n weerspreking van die diep betekenis van hierdie groot
bediening. Onder die mees geseënde gawes wat Christus nog ooit aan Sy
gemeente ten alle tye gegee het en waar ook al is manne waarvan die Here self
kan sê dat hulle is herders na My hart wat julle sal oppas met kennis en verstand.
Jeremia 3:15;
En Ek sal aan julle gee herders na my hart, wat julle sal oppas met kennis
en verstand.
Dit is wat die Here beloof het. Ek kan dit nooit genoeg beklemtoon nie, ‘n goeie
herder, al die ander gawes van God, ons moet hulle almal hê, ek gaan nie die
een bo die ander stel nie, maar in hierdie groep, wat gemeente genoem word en
die een wat hulle moet oppas as herder, is net die Here wat hom kan gee, kyk
wat moet hy alles wees.
Die gawe van God, ek het baiekeer so deur die jare gesê, veral in dié besondere
opsig, miskien ook van ons eie groep waar ons taamlik afgeskei is van die andere
ten opsigte van ons besonderse posisie waarvoor ons staan en so aan, dat die
herder, hy moet apostel, profeet, evangelis, hy moet ‘n goeie evangelistiese
bediening kan hê, anders sal die mense vir hom moeg word en daar sal nie
genoeg tot bekering kom of wat ook al nie. Wat moet hy nie wees nie? Net die
Here kan dit voorsien. Daarom, as ons die Here daarvoor vra, sal die Here dit
gee. Is dit nie waar nie?
Romeine 10:17;
Die geloof is dus uit die gehoor, en die gehoor is deur die woord van God.
Neem uself, van dat ons begin het met die Bybel Studies en vir u ook die Here se
woord begin leer het, ek is daar seker van, deur die hoor van die woord het die
Here u geloof gegee vir baie dinge, het die Here vir u ‘n visie gegee vir baie
dinge. Hoe sal die gewone Christen wat ook ernstig is in sy siel, hoe sal hy nou
weet om byvoorbeeld vir die ware herder te bid, as hy nie eers weet wat ‘n herder
is nie.
Hoeveel mense weet wat ‘n herder werklik is, wat sy kwalifikasies, sy roeping is.
Hoe sal mense dit weet as hulle nie so ‘n lering gehad het soos hierdie nie? Hoe
belangrik is dit dan nie om God se woord vir God se kinders te leer nie, en mag
die Here ook genade vir u gee wat nou hierdie lering ontvang het om daarvoor te
bid en ook u eie hart en u eie lewe te ondersoek.
Wie weet, wie van u die Here wil roep as herder, as evangelis, as apostel, as
profeet, waarom nie? Waarvoor sou die Here U gebring het om self hierdie
leringe, glo ek, te ontvang as die Here nie ‘n plan met u het nie? Ek glo die Here
is besig om sulke groepies mense die wêreld oor uit te soek, nie net hier waar dit
105

gebeur nie, die Here is besig om hulle te leer, want ek glo daar kom dae en dit is
naby, daar kom ‘n groot herlewing, daar kom ‘n groot soeke na God, jy kan dit
alreeds begin sien. Wie gaan al daardie mense oppas, as daar nie alreeds sulke
klompies mense is, wat die Here alreeds in die tussentyd begin leer het nie? Wat
dan sulke mense kan neem en vir hulle kan sorg.
Kom ons vra die Here, dat die Here vir ons daardie genade sal skenk, om, nadat
ons Sy woord ontvang het, die uitvloeisel en die resultaat daarvan, volgens Sy wil
en roeping in ons eie lewens te belewe.
106

Die Leraar
(Kasset nr. L025)
Ons het gekom by die laaste een wat ons behandel van die vyf bedieningsgawes
naamlik: die leraar. Ons lees weer daardie stukkie wat ons elke keer met mekaar
saamlees en mag die Here gee dat daar miskien weer iets ekstra ook vir u daarin
sal wees.
Ons begin dan met:
Efésiërs 4:11-16;
11 En Hy het gegee sommige as apostels, ander as profete, ander as
evangeliste, ander as herders en leraars,
12 om die heiliges toe te rus vir hulle dienswerk, tot opbouing van die
liggaam van Christus,
13 totdat ons almal kom tot die eenheid van die geloof en van die kennis van
die Seun van God, tot ‘n volwasse man, tot die mate van die volle grootte
van Christus;
14 sodat ons nie meer kinders sou wees nie wat soos golwe geslinger en
heen en weer gedryf word deur elke wind van lering, deur die bedrieëry
van die mense, deur sluheid om listiglik tot dwaling te bring;
15 maar, terwyl ons in liefde die waarheid betrag, in alles sou opgroei in Hom
wat die Hoof is, naamlik Christus,
16 uit wie die hele liggaam - goed saamgevoeg en saamverbind deur die
ondersteuning wat elke lid gee volgens die werking van elke afsonderlike
deel in sy mate - die groei van die liggaam bevorder vir sy eie opbouing in
liefde.
Ons het hier in die 11de vers gesien dat Hy gesê het dat Hy gegee het;
sommiges as apostels, sommiges as profete, ander as evangeliste, ander as
herders en leraars.
Nou herders en leraars:
Ons het verlede keer die herder behandel. Dit lyk, as die vertaling reg is en die
groepering van die woorde, asof die herder en die leraar met mekaar saamgaan.
Hy het gegee apostels, ander as profete, ander as evangeliste. Daardie drie
word so afsonderlik genoem. Maar Hy sê herders en leraars. So, dit lyk amper
asof die herder en die leraar met mekaar saamgaan.
Nou, ek dink ons het verlede keer vir u gesê dat die herder behoort ook die kudde
te kan leer. Hy behoort ook die kudde te kan lei. Maar nie noodwendig nie. ‘n
Herder hoef nie noodwendig ‘n leraar te wees nie. Daarom sal ons sien in die
behandeling van ook hierdie bediening van die leraar, dat hy ook ‘n rondreisende
bediening kan hê, net soos die apostel en die profeet en die evangelis.
Dat daar manne is wat God opgewek het, wat ‘n spesiale gawe het om God se
woord te kan leer. Dit is asof die Here vir so ‘n persoon ‘n insig gee, deur die
Heilige Gees. Dat hy ‘n Skrif sal neem en dat hy daar vir jou dinge sal uithaal wat
107

niemand anders daarin gesien het nie. Ook op ‘n manier wat die Here se woord
in jou hart sal laat ontplof van openbaring en van blydskap. Dit is ‘n gawe van
Christus. Dit is nie natuurlike kennis nie.
Daar is baie mense wat op Universiteite studeer en wonderlike lesings kan gee
oor die Bybel. Maar ons sal weer daarby kom, ek sê dit maar net by wyse van
inleiding dat u net die trant kan sien wat is ‘n leraar en waarom gaan dit. Dat ‘n
persoon wat die Bybel leer, en party mense is lief om ander mense te leer, maar
as hy dit nie doen onder die salwing van die Heilige Gees nie, en as hy nie ‘n
gawe van God het as leraar nie, dan sal daardie leringe van hom mense gou
verveel, of dit sal mense verwar en dit sal mense in allerhande groepe drywe. Ja,
jy kry sulke mense. Jy kry so ‘n persoon, hy kan byvoorbeeld in ‘n gemeente
gekom het, hy kan onder huisgesinne gekom het, en as hy daar weg is, het hy net
‘n spoor van verwarring agtergelaat.
Dit is ‘n persoon wat nie die gawe het van God, as leraar nie. Onthou, dit sê “Hy
het gegee”. Met ander woorde, hierdie bedieninge is gawes van die Here Jesus.
Dit is Hy wat gegee het; die Here Jesus. Hy gee hier die bedieninge soos ons reg
aan die begin gesien het. As u nog kan onthou, het ek vir u gesê, hierdie
bedieningsgawes is eintlik ‘n voortsetting van die Here Jesus self. Die Here
Jesus sê; “Ek gaan weg, maar Ek stuur vir julle die Trooster, die Heilige Gees”,
en die Here Jesus het dié agtergelaat en aangestel, wat sy werk moet voortsit.
So, dit is die Here Jesus self, as Hy hulle gegee het, wat daardie werk in hulle en
deur hulle voort sit
Soos ek gesê het van mense wat verwarring bring; een van die bedieningsgawes
van Christus wat dus baie nodig is, is hierdie gawe van leraar, want ons word
gewaarsku dat in die laaste dae daar ook valse leraars gaan kom.
2 Timótheüs 4:3-4;
3 want daar sal ‘n tyd wees wanneer hulle die gesonde leer nie sal verdra
nie, maar, omdat hulle in hul gehoor gestreel wil wees, vir hulle ‘n menigte
leraars sal versamel volgens hulle eie begeerlikhede,
4 en die oor sal afkeer van die waarheid en hulle sal wend tot die fabels.
As daar ooit ‘n tyd was, en u sal met my daaroor saamstem, waar ons die ware
leraar nodig het, is dit vandag as u die verskillende leringe sien, die verskillende
kultusse, die verskillende skeuringe. U kan amper sê binne die Christelike
gemeenskap. Die een glo dit en daardie een glo dat, dit is omtrent dieselfde ding.
U kan net byvoorbeeld vandag die verskillende skeuringe omtrent die Godheid
self en omtrent die Heilige Gees neem, en so baie ander dinge. Die arme mense
is soos skape sonder iemand om vir hulle te sê, dít is die weg.
Jou gewone mens vandag is uitgelewer aan die Jehova se getuies wat van huis
tot huis gaan, of die Mormone of Spiritualiste, of nou ja, so baie van hierdie ander
goed. Hoeveel van ons mense gaan weet wat is reg en wat is verkeerd, en wat
meer is, hoeveel van ons mense het iemand om vir hulle te sê wat reg en wat
108

verkeerd is. Tog is ons land vol kerke. Ons is vol leraars of ten minste
predikante of pastore of noem hulle wat jy wil, mense wat ons mense behoort te
leer.
Soos hy hier sê: die Here het hierdie gawes gegee sodat hulle ook nie
rondgeslinger word deur elke wind van lering, deur bedrieëry van die mense, deur
sluheid en om listiglik tot dwaling te bring nie.
Sal u nie met my saamstem nie dat, as daar ooit ‘n tyd was dat u leraars nodig
het, is dit vandag, om God se woord aan God se volk te leer. Daarom, laat u ook
mooi luister dat die Here u ook genade sal gee, dat u ook sal sien hoedat die
roeping van ons elkeen is, ook om andere te kan leer. Dat die Here u nie verniet
in hierdie Bybel kringetjie ingebring het nie, en dat die Here u nou ietsie meer as
‘n jaar in hierdie opsig in Sy skool het nie. Dit is ‘n groot verantwoordelikheid wat
op elkeen van ons rus, sodat ons ook andere sal kan leer. Waar daar ‘n honger
is en nie die regte lering nie, kom vals kultusse in. Ek wou net genoem het
Spiritualiste en Jehova se Getuies, “Christian Science”, Mormone en wat meer.
Ons lewe in ‘n tyd waar baie mense honger is. Mense begin benoud voel en dit is
in so ‘n tyd. Ek het ook al baie keer gewaarsku dat julle sal sien hoedat hierdie
dinge al meer en meer gaan toeneem. Hierdie stem gaan sê “volg my”, en die
ander een “volg my”. Hier lees ons soos die Here alreeds gesê het; “hier is die
Christus daar is die Christus”. Vals profete wat selfs tekens en wonders sal doen
en as dit moontlik is, sal hulle selfs die uitverkorenes mislei. Want mense is
benoud, hulle wil weet, en dan gryp hulle enige ding aan wat hulle moontlik kan.
Hoeveel te meer het ons nie vandag die ware leraars nodig nie.
Hebreërs 5:12; (hoedat, in die tyd van die skrywe aan die Hebreërs, hy al hierdie
probleem gehad het wat ek netnou van gepraat het, dat God se volk, God se
kinders nie wil leer nie.) Hy sê hier:
12 Want hoewel julle vanweë die tyd leraars behoort te wees, het julle weer
nodig dat ‘n mens julle die eerste beginsels van die woorde van God moet
leer, en julle het weer behoefte aan melk en nie vaste spys nie.
Dit was die klagstaat in die dae van die Bybel. Hierdie mense moes al leraars
gewees het, en hulle het nog behoefte aan melk.
1 Timótheüs 3:2;
‘n Opsiener dan moet onberispelik wees, die man van een vrou, nugter,
ingetoë, fatsoenlik, gasvry bekwaam om te onderrig.
‘n Opsiener moet bekwaam wees om te onderrig.
2 Timótheüs 2:2,24;
2 en wat jy van my gehoor het onder baie getuies, vertrou dit toe aan
getroue manne wat bekwaam sal wees om ook ander te leer.
Daarom, as ek nou byvoorbeeld ook na u weer kyk, en die tydjie wat ons met
mekaar besig is, dat deur die Here se genade probeer ek om die dinge wat ek
109

ook geleer het aan u toe te vertrou, sodat u dit ook weer aan andere kan leer. U
sal met my saamstem hoe noodsaaklik dit is.
24 en ‘n dienskneg van die Here moet nie twis nie, maar vriendelik wees
teenoor almal, bekwaam om te onderrig en een wat kwaad kan verdra.
U sien wanneer ‘n mens kom en jy kry te doen met aanvalle teen jou of jy n met
lyding te doen kry, (u hoor miskien van ‘n wolf onder die skape) sal die natuurlike
neiging maklik wees om te gaan twis en te kere te gaan.
Maar dit sal nie die saak bevorder nie. Jy moet so onderrig wees in die Here se
werk dat jy in so ‘n geval, deur die Gees van die Here wat in jou is en die kennis
wat jy het, daardie persoon sal oortuig of ten minste sal dwing om jou te
respekteer. Dit sal nie help om daar te gaan skree en te kere te gaan, soos die
Engelse sê “to create a scene” nie. Daardeur sal jy niks verrig nie. Jy moet in
staat wees om te kan onderrig. Jy moet in staat wees om die kwaad skriftuurlik
en redelik te kan weerlê. Daarom moet ‘n mens die Here se woord ondersoek,
maar jy moet bo alles die Heilige Gees in jou hê, om God se woord aan jou oop te
maak, dat jy dit ook aan andere kan oopmaak.
Nou, leraars het ‘n baie belangrike plek in die eerste kerk beklee. Dit is vir my ‘n
wonderlike studie. Ek het my Bybel in verskillende kleure gemerk en ek het vir
lering, vir jare al, as ek ‘n plekkie teëkom wat van lering praat, soos byvoorbeeld
hierdie tekste wat ons gelees het, as u saam met my in my Bybel kon kyk, dan sal
u sien dat ek dit in ‘n sekere kleur gemerk het. Oral waar ek dit teëkom, as ek
dan weer so deur die Bybel gaan, dan vang my oog dit sommer so op. U sal
verbaas wees as u sulke tekste gaan begin merk hoe baie daar in die eerste kerk
gepraat is van lering om ander te leer, as jy dit ondersoek in die bediening van die
Here Jesus. ‘n Groot gedeelte van die Here Jesus se bediening het bestaan uit
lering. Ek sal vir u ‘n paar tekse laat sien wat welbekend is, dat u daarop sal let.
Dit het ‘n baie belangrike plek ingeneem.
Ons gaan na drie gedeeltes kyk om dit net vir u te illustreer.
Romeine 12:6-8;
6 En ons besit genadegawes wat verskil volgens die genade wat aan ons
gegee is:
7 is dit profesie, na die maat van die geloof; of bediening, in die werk van
bediening; of wie leer, in die lering;
8 of wie vermaan, in die vermaning; wie uitdeel, in opregtheid; wie ‘n
voorganger is, met ywer; wie barmhartigheid bewys, met blymoedigheid.
Of wie leer, in die lering.
1 Korinthiërs 12:28;
En God het sommige in die gemeente gestel: in die eerste plek apostels,
ten tweede profete, ten derde leraars, daarna kragte, daarna
genadegawes van gesondmaking, helpers, regeringe, allerhande tale.
110

So, in die gemeente volgens 1 Korinthiërs 12:28, beklee die leraar die derde plek,
in die eerste plek apostels en tweede profete. Nou het ons hulle bedieninge met
mekaar behandel. Ten derde leraars wat ‘n belangrike plek dus in die eerste kerk
ingeneem het. Hoeveel plek gee ons, in ons moderne tyd in die kerk, aan die
leraar. Goed, ons praat van die dominee of pastoor as die leraar, dit het sommer
nou net ‘n benaming geword.
Hoeveel mense besef wat ‘n leraar beteken?
En hoe noodsaaklik ‘n leraar in die gemeente is; nie een wat daar voor sal staan
en net een teks na die ander inryg nie, maar iemand wat die wese en betekenis
van die bedoeling van die Heilige Gees, deur die woord, aan die mense sal
openbaar, sodat ons, soos Hy op ‘n ander plek praat van ‘n redelike godsdiens,
kan verstaan waarom dié dinge is. Dan sal u met my saamstem, net soos met al
die ander bedieninge, ag die mense weet nie eers daarvan nie, net so ook van
die leraar. Wat ‘n tragiese toestand is die kerk dan nie in nie, veral in hierdie tyd
waar daar so baie bedreigings is en waar daar so ‘n groot behoefte is.
Maar gaan ons nou ons hande in die lug gooi? Nee, geliefdes, ek hoop ek het dit
al genoeg vir u in die afgelope tyd gesê. Nee, loof die Here, dit wat die Here
beplan het, dit sal God uitvoer. Die Here is besig om Sy eerste kerk te herstel.
Die Here is besig om Sy oorspronklike gemeente weer op te rig en in daardie
gemeente sal daar die ware apostel wees. Sal daar die ware profeet wees. Sal
daar die ware leraar wees. Die herder, die evangelis. Prys die Here!
Nou ja, ons derde gedeelte is die een wat ons nou al so baie saamgelees het; En
hy het gegee, ten eerste apostels.
Efésiërs 4:11;
En Hy het gegee sommige as apostels, ander as profete, ander as
evangeliste, ander as herders en leraars,
1 Petrus 5:2;
Hou as herders toesig oor die kudde van God wat onder julle is, nie uit
dwang nie, maar gewilliglik; nie om vuil gewin nie, maar uit
bereidwilligheid;
Die Engelse Bybel sê “feed the flock of God” maar die Afrikaanse een sê “hou as
herders toesig”. Daarom het ons byvoorbeeld in ons besoek waar ons ook al
gaan, die broeders wat op die kerkraad is, susters of waar ookal, gedurig met
hierdie dinge te doen. Wat ‘n wonderlike werk kan jy nie doen aan ‘n siel
wanneer jy so ‘n persoon die regte Skrif kan wys nie. Die regte Skrif, wat daardie
persoon kan oopmaak, wat ‘n ewigheidswerk kan hy verrig vir die Here?
Kom ons kyk weer na:
1 Timótheüs 3:2;( in hierdie verband.)
‘n Opsiener dan moet onberispelik wees, die man van een vrou, nugter,
ingetoë, fatsoenlik, gasvry, bekwaam om te onderrig;
111

Kan u sien die belangrike plek wat die leraar inneem in die oorspronklike kerk?
Dit is nie noodwendig, soos ek alreeds gesê het, dat leraars herders moet wees
nie, maar dit gebeur dikwels so, maar die leraar kan ook ‘n rondreisende
bediening hê soos die apostels of die evangelis.
Handelinge 18:27;
(Kyk na ‘n man soos Apollos, hy was ‘n leraar magtig in die skrifte, het baie
definitief ‘n rondreisende bediening gehad.)
En toe hy wou deurgaan na Acháje, het die broeders hom aangemoedig
en aan die dissipels geskrywe om hom te ontvang. En daar aangekom,
was hy deur die genade die gelowiges tot veel nut;
Ons sal netnou ook die ander versies lees in ‘n ander verband. So kan u eintlik
ook maar net onthou. Die leraar, hy is juis vir die broeders, vir die gemeente tot
groot nut, omdat hy hulle kan leer en die Here se woord vir hulle kan oopmaak.
1 Korinthiërs 16:12;
Met betrekking tot die broeder Apollos, by hom het ek sterk aangedring
om saam met die broeders na julle te gaan; maar hy was heeltemal
onwillig om nou te gaan; hy sal egter gaan wanneer die tyd vir hom geleë
is.
Ek het dit maar net ingebring om vir u te wys dat hy definitief ‘n rondreisende
bediening gehad het.
Titus 3:13;
Jy moet Senas, die wetsgeleerde, en Apollos ywerig voorthelp, sodat dit
hulle aan niks ontbreek nie.
So op hierdie geleentheid was Apollos daar met besoek.
En Apollos was ‘n magtige leraar.
Lering vereis ‘n Goddelike gawe.
Dit is duidelik uit eersgenoemde Skrifte naamlik; Romeine 12:6-7, wat ons alreeds
gelees het, en 1 Korinthiërs 12:28 en Efésiërs 4:11. Nie in die eerste instansie ‘n
natuurlike bekwaamheid of ‘n aanleg nie, maar dit moet wees van die Heilige
Gees. Nie verstandskennis nie, daar is baie mense wat die een Skrif na die
ander kan opsê en ook aan mekaar kan skakel. Maar dan sal ‘n persoon kom en
in sy eenvoudigheid sal hy vir jou ‘n Skrif noem en dit sal sommer net so vir jou
oopgaan. Dit is die Gees en die krag van God wat dit vir jou doen. Ons sal nog
meer daaromtrent te sê hê. In baie kerke het dit ‘n professie geword sonder die
doping in die Heilige Gees of die salwing van God, op so ‘n persoon se lewe. Die
gevolg is dat dit ‘n droë bediening is of dit veroorsaak skeuring.
In baie gevalle is so ‘n bediening uiters gevaarlik. Jy het baie keer, en jy sien dit
baie keer, en julle sal dit seker nog sien, dat die Here julle sal herinner en onthou
ook dan julle roeping. Jy sal byvoorbeeld vind dat wanneer die Here magtig
geseën het, is daar groot herlewings. (Paulus praat van die wrede wolwe wat die
kudde nie sal spaar nie). Dan kry jy ook hierdie leraars wat eintlik vals leraars is.
Dit is mos vir hom ‘n wonderlike veld om in te klim. Almal is nou opgewonde,
112

hulle het hulle ontmoeting met God gehad. Maar nou is hulle nog dom, hulle is
aan die brand, hulle is vol vuur, hulle is soos klein voëltjies wat met die bekkies
oopsit om die kossies te ontvang. Dan kom hierdie vals leraars en hulle klim
daarin en hulle druk hulle leringe af en veroorsaak ‘n verskriklike verwarring en
bring skeuring onder die kinders van die Here in. Let maar daarop, u sal my
woorde onthou, want u gaan dit nog nodig kry in die dae wat voorlê.
Johannes 7:38; (lieflike woorde van die Here Jesus.)
Hy wat in My glo, soos die Skrif sê: strome van lewende water sal uit sy
binneste vloei.
So ook met jou leraar, as hy waarlik van God geroepe is, as hy ‘n gawe is van
die Here Jesus, sal daar strome van lewende water uit sy binneste vloei. Daar
kan selfs in die geval van so ‘n leraar mense wees wat nie met hom oor sekere
dinge saamstem nie, maar dit sal nie skeuring bring nie. Dit sal nie ‘n slegte
gevoel bring nie. Hulle sal die gesag daarvan ten minste erken. Net soos met die
Here Jesus, het die Fariseërs en almal van hulle ook nie met die Here Jesus
saamgestem nie. Maar hulle het Sy outoriteit erken. Maar ek sal tog vir u wys
waar die ware leraar ook skeuring bring onder sommige omstandighede en
daarvoor moet u ook oplet.
1 Korinthiërs 3:6;
Ek het geplant, Apollos het nat gemaak, maar God het laat groei.
Hier is ‘n pragtige beskrywing van die bediening van ‘n leraar. Die apostel het
gegaan of die profeet selfs, maar veral die evangelis en die mense het onder
hulle bediening tot oortuiging gekom. Hulle het wakker geword uit hulle slaap,
hulle het lewendig geword uit hulle dood deur die verkondiging van die Here se
woord deur sulke Godgegewe kanale. Nou kom die leraar agterna en hy kom
leer hulle. Met ander woorde, die plantjie is nou geplant, hy kom om dit nat te
maak.
Ons weet self uit die natuur hoe noodsaaklik dit is dat die plantjie geplant word,
hoe noodsaaklik dit is om dit nat te maak, anders sal hy doodgaan. Dit is wat
baie kere gebeur. ‘n Siel kom tot ontwaking en daar is niemand om die plantjie
nat te maak nie. ‘n Pragtige illustrasie van Apollos. “Ek het geplant, sê Paulus,
maar Apollos het nat gemaak.” Maar natuurlik, net God kan laat groei. Maar
almal hierdie is deel van die span.
Nou kyk ons weer na: Handelinge 18:27;
En toe hy wou deurgaan na Acháje, het die broeders hom aangemoedig
en aan die dissipels geskrywe om hom te ontvang. En daar aangekom
was hy deur die genade die gelowiges tot veel nut.
Met ander woorde, as ons 1 Korinthiërs 3 lees, staan daar hoe hy vir hulle tot nut
was. Hy het nat gemaak, hy het geleer, hy het die dou en die reën van die
geopenbaarde woord op hulle siele laat val. O, geliefdes, vir my is daar niks
pragtiger as die bediening van die leraar nie.
113

Toe ek pas in Pinkster gekom het, ek was ses maande in Pinkster, was daar die
drie persone, in ‘n span, dit was in Oktober 1951. Dit is darem nou al ‘n hele
klompie jare gelede, maar dit was merkwaardig, dat hierdie drie bedieninge saam,
was wonderlik. Geen wonder dat hulle aand na aand, vyftien tot twintigduisend
mense in Johannesburg getrek het vir ‘n hele veertien dae. Oral waar hulle deur
die land gegaan het, het die mense sommer voetbalvelde vol gestaan om na hulle
te luister en te sien wat die Here doen.
Broer Branham, die profeet, ‘n man met ‘n magtige bediening, wat ek u al van
vertel het; broer Baxter, die evangelis. O daardie man kon pragtig preek! O, hy
kon jou hart roer; maar dan ook ou broer Bosworth, die ou man, die ou leraar. Hy
kon sommer daar vir ‘n uur en ‘n half staan, amper sonder om ‘n oog te knip en
die Skrifte so uit sy kop opsê, en die Here se woord vir jou so oopmaak.
Nou vir my, ek was tussen die hemel en die aarde van blydskap. Ek het almal
gekontak en gesê dat die handelinge van die apostels het nog nie opgehou nie,
en word voor ons oë herhaal, enige soort van wonderwerk, die magtige broer
Branham, die pragtige prediking van broer Baxter en dan staan ou broer
Bosworth, die ou leraar, dan leer hy die Here se woord. En wonderlik soos ek
broer Branham se bediening gevind het, en die wonderwerke wat ek gesien het,
die lieflike prediking van broer Baxter (en ek is lief vir ‘n mooi preek, ‘n mooi
bediening van God se woord en ek dink dit is ‘n gawe van God) maar ou broer
Bosworth maak vir jou die woord oop en dit het ek die meeste geniet van almal.
Dit is nie te sê dat daar nie siele gered kan word nie, daar was baie siele gered
onder ou broer Bosworth se bediening.
Moet tog nie dat mense vir jou sê dat siele nie gered kan word onder die
bediening van ‘n leraar nie. As die Here se woord oopgemaak word, dan word
baie siele gered. Moet ook nie sê dat daar nie wonderwerke kan plaasvind onder
‘n leraar se bediening nie. As die leraar die Woord vir jou oopmaak; hy wil ook vir
jou wys die wonde van Jesus, hoe dit jou gesond kan maak, as die leraar vir jou
wys wat dit beteken as die Here Jesus genoem word die Hoë Priester van ons
belydenis. Dat as ek God se woord bely met my mond in die geloof, en die Here
Jesus neem daardie woord, wanneer Hy die Hoëpriester is van my belydenis en
Hy staan voor God en Hy sê: “Vader, dit is waar. Ek herhaal dit, Ek bevestig dit
voor U.” Dan werk God en Hy bevestig daardie woord. Dit is hoe jou belydenis
jou byvoorbeeld gesond maak.
Ek wil nou nie daarop ingaan nie, maar dit is wat ou broer Bosworth so pragtig vir
ons geleer het en wat vandag nog vir my ‘n basis is in my geloof. Ek het u vertel
van een vroutjie wat deur ‘n operasie die een oordrom verwyder gehad het. Party
van julle het al gehoor hoe ek dit vertel het. En hoedat, onder ou broer Bosworth,
nadat hy daardie lering gegee het en vir haar gebid het, toe hoor sy met daardie
oor wat geen oordrom in gehad het nie. Nou hoe het sy gehoor? Die Here moes
114

vir haar ‘n nuwe oordrom gegee het. Wonderwerke. Nou ja, so dank ek die Here,
so werk dit dan saam.
Net om terug te kom by die skeuring wat ek vir u ook moet duidelik maak. As
daar dan nog skeurings na so ‘n bediening kom, dit wil sê ‘n God gegewe
bediening, sal dit die gevolg wees van ongeloof of van hardheid van hart. Soos in
die bediening van ons Here Jesus en Paulus en die ander apostels.
Lukas 12:51; (Die Here Jesus het gesê: “Ek het nie gekom om vrede op die aarde
te bring nie, maar ‘n swaard om verdeeldheid te bring”. Dit is dan wanneer
mense nie wil luister nie. )
51 Dink julle dat Ek gekom het om vrede op die aarde te gee? Nee, sê Ek vir
julle, maar eerder verdeeldheid.
Daar sal verdeeldheid kom onder die bediening van die leraar, maar dan alleen
by die wat nie wil glo nie, en die wat moedswillig hulle harte verhard. Maar as
daar honger siele is, en ‘n leraar bring verdeeldheid onder honger siele, dan moet
ons oppas vir so ‘n leraar.
Ons kyk weer na:
Johannes 7:43; (Daardie selfde geleentheid waar Jesus gepraat het van strome
van lewende waters. )
43 Daar het toe verdeeldheid onder die skare gekom oor Hom.
Deur Jesus self.
Die ware leraar sal die liggaam van Christus opbou en verdeeldheid probeer
vermy waar moontlik. Die ware leraar is nie daar om rond te gaan en om vir
ander te wys hoe wonderlik sy leerstelling is nie en hoe verkeerd die ander sin is
nie. Dit is nie die ware leraar nie. Hy sal probeer, waar moontlik, dat daar nie
verdeeldheid kom nie; dat hy die eenheid van die liggaam van Christus sal
bewaar. Want dit is een van die hoof doeleindes van die Heilige Gees en van die
bediening van die Here Jesus. Hiervoor het hy die ware gawe van die Heilige
Gees nodig, net soos in enige van die bedieninge, alhoewel dit ook moet spreek
tot die rede en die verstand.
‘n Leraar het hierdie besonderse gawe van God nodig en ek sê selfs bokant die
apostels of die profeet of die evangelis of die herder. Dat hy ‘n Goddelike
openbaring uit God se woord kan bring, onder die salwing van die Heilige Gees,
maar wat tog ook sal spreek tot jou rede, dat jy ook die redelikheid daarvan sal
verstaan. Dit is heerlik en ek dank die Here, vir my is dit wonderlik. Dit is heerlik
om te luister na die Goddelike oopbreking van ‘n Skrif. Wanneer ‘n Skrif vir jou
oopgemaak word en jy weet dit is alleen die Heilige Gees wat dit kan doen.
Die Here Jesus was so opgewonde hieroor, dat ek vir u hierdie Skrif sal lees.
Lukas 10:19-21;
19 Kyk, Ek gee aan julle die mag om op slange en skerpioene te trap, en oor
al die krag van die vyand; en niks sal julle ooit skade doen nie.
20 Maar julle moenie daaroor bly wees dat die geeste aan julle onderworpe
is nie, maar wees liewer bly dat julle name in die hemele opgeskrywe is.
115

21 In dieselfde uur het Jesus Hom in die gees verheug en gesê: Ek loof U,
Vader, Here van die hemel en die aarde, dat U hierdie dinge verberg het
vir wyse en verstandige mense en dit aan kindertjies geopenbaar het. Ja,
Vader, want so was dit U welbehae.
Wanneer jy na die oorspronklike taal toe gaan, daar “in dieselfde uur het Jesus
Hom in die gees verheug” - daardie woord verheug beteken die Here Jesus het
rondgespring van blydskap. So bly was die Here Jesus. Waaroor? Hieroor
dat die Here hierdie dinge verberg het vir wyse en ver-standiges. Jy sal partykeer
‘n doktor in godsgeleerdheid kry en hy sal praat oor ‘n teks. Hy sal heel moontlik
goeie gedagtes daaroor bring, want hy is goed geleerd, en hy kan miskien vir jou
die geskiedkundige agtergrond in daardie teks gee. Hy kan vir jou die betekenis
gee van die oorspronklike Grieks of die Hebreeus, wat baie goed is.
Maar dan kom hier die eenvoudige broer of suster, wat jy nou weet wat nie baie
geleerdheid het nie, en hy sal opstaan in ‘n diens, (so behoort dit in ‘n
Pinksterdiens te wees) hy sal opstaan in die diens, hy sal sê: “Broers en susters,
die Here het aan my ‘n Skrif geopenbaar. Ek het gisteraand, (of wanneer ookal)
die Bybel gelees en die Here het vir my hierdie vers oopgemaak”.
En jy sal die salwing van God op hom sien, en hy sal vir jou daardie vers begin
oopmaak. En jy weet dit is nie daardie man se verstand nie; jy weet dit en jy sal
dit voel in jou gees, en daar kom vir jou ‘n openbaring uit daardie Skrif wat uit die
hemel is. Dit is ‘n Goddelike openbaring.
Die Here Jesus het rondgespring van blydskap. Die Vader het hierdie dinge
verberg vir die wyse en verstandige en dit aan klein kindertjies geopenbaar. Dit is
die gawe wat ‘n leraar ook het, om vir jou ‘n Skrif so te kan oopmaak dat dit jou
amper laat rondspring van blydskap wanneer daardie openbaring uit daardie Skrif
na jou toe kom. Prys die Here!
Die waarde en noodsaaklikheid van leraars.
Lering word baie afgeskeep in die Christelike kerk. Groot veldtogte se resultate
gaan verlore as gevolg daarvan. Die leraar se bediening kan ook bekering,
genesing ensovoorts bring, want God eer Sy woord, soos byvoorbeeld met die
broers Bosworth, Baxter en Branham, soos ek reeds vir u vertel het. Maar oor die
algemeen is die leraar se bediening nie so skouspelagtig nie, maar meer om te
help soos ons gesien het in Handelinge 18:27.
Ons lees weer:
Handelinge 18:25-28; ( Dit praat van Apollos)
25 Hy het onderrig ontvang in die weg van die Here; en vurig van gees, het
hy gespreek en die dinge aangaande die Here noukeurig geleer, alhoewel
hy net van die doop van Johannes af geweet het.
26 En hy het vrymoediglik in die sinagoge begin spreek; maar nadat Aquila
en Priscílla hom gehoor het, het hulle hom by hulle geneem en hom
noukeuriger die weg van God uitgelê.
116

27 En toe hy wou deurgaan na Acháje, het die broeders hom aangemoedig
en aan die dissipels geskrywe om hom te ontvang. En daar aangekom,
was hy deur die genade die gelowiges tot veel nut;
28 want hy het die Jode kragtig in die openbaar weerlê en deur die Skrifte
bewys dat Jesus die Christus is.
Apollos, die ideale leraar, hy moet die natmaak werk doen waar ander geplant het
soos ons in 1 Korinthiërs 3:6 gesien het. Kom ons kyk net weer daarna.
1 Korinthiërs 3:6-10;
6 Ek het geplant, Apollos het natgemaak, maar God het laat groei.
7 So is dan hy wat plant of hy wat natmaak, niks nie, maar God wat laat
groei.
8 Maar hy wat plant en hy wat natmaak, is een, maar elkeen sal sy eie loon
volgens sy eie arbeid ontvang.
9 WANT ons is medewerkers van God; die akker van God, die gebou van
God is julle.
10 Volgens die genade van God wat aan my gegee is, het ek soos ‘n
bekwame boumeester die fondament gelê, en ‘n ander bou daarop; maar
elkeen moet oppas hoe hy daarop bou.
Kyk hoe gesteld was die apostels daarop dat hulle werk en die van die evangelis
deur die leraar opgevolg moes word, soos ons gesien het in 1 Korinthiërs 3.
Ons kyk ook na die volgende:
Handelinge 8:14;
14 En toe die apostels in Jerusalem hoor dat Samaría die woord van God
aangeneem het, het hulle Petrus en Johannes na hulle gestuur.
So, daar was die opvolgwerk.
Handelinge 11:22-26;
22 En die berig hiervan het die gemeente wat in Jerusalem was, ter ore
gekom en hulle het Bárnabas afgestuur om die land deur te gaan tot by
Antiochíë.
23 Toe hy daar kom en die genade van God sien, was hy bly en het almal
vermaan om met hartlike voorneme aan die Here getrou te bly;
24 want hy was ‘n goeie man en vol van die Heilige Gees en geloof; en ‘n
aansienlike skare is aan die Here toegebring.
25 Toe vertrek Bárnabas na Tarsus om Saulus te soek, en toe hy hom kry,
het hy hom na Antiochíë gebring.
26 En hulle het ‘n hele jaar lank in die gemeente saam vergader en aan ‘n
aansienlike skare onderwys gegee; en die dissipels is in Antiochíë vir die
eerste keer Christene genoem.
Hulle het aan hulle onderwys gegee.
Handelinge 14:21-23;
21 En nadat hulle aan daardie stad die evangelie verkondig en ‘n aantal
dissipels gemaak het, het hulle teruggegaan na Listre en Ikónium en
Antiochíë,
117

22 en die siele van die dissipels versterk en hulle vermaan om in die geloof
te bly deur te sê: Ons moet deur baie verdrukkinge in die koninkryk van
God ingaan.
23 En hulle het in elke gemeente vir hulle ouderlinge gekies, en hulle, ná
gebed en vas, opgedra aan die Here in wie hulle geglo het.
Handelinge 15:35-36;
35 En Paulus en Bárnabas het in Antiochíë gebly en, saam met nog baie
ander, onderrig gegee en die blye boodskap van die woord van die Here
verkondig.
36 En ‘n paar dae daarna het Paulus vir Bárnabas gesê: Laat ons terug gaan
en ons broeders besoek in al die stede waarin ons die woord van die
Here verkondig het, om te sien hoe dit met hulle gaan.
Handelinge 20:20;
20 hoe ek niks agtergehou het van wat nuttig is nie, om dit aan julle te
verkondig en julle te onderrig in die openbaar en in julle huise,
Paulus het hulle onderrig in die openbaar en in hulle huise.
Kolossense 2:7;
7 gewortel en opgebou in Hom en bevestig in die geloof, soos julle geleer
is, terwyl julle daarin oorvloedig is in danksegging.
Dit behoort van elke gemeente gesê te word, dat hulle daarin geleer is. Elke kind
van God behoort geleer te word. Daarvoor het jy jou leraar nodig.
2 Thessalonicense 2:15;
15 So dan, broeders, staan vas en hou julle aan die voorskrifte wat julle
geleer is óf deur ‘n woord óf deur ‘n brief van ons.
Die voorskrifte wat julle geleer is.
Titus 1:9;
9 een wat vashou aan die betroubare woord wat volgens die leer is, sodat
hy in staat kan wees om met die gesonde leer te vermaan sowel as om
die teësprekers te weerlê.
1 Timótheüs 6:2;
2 En die wat gelowige here het, moet hulle nie verag omdat hulle broeders
is nie, maar moet hulle des te meer dien, omdat hulle wat die weldade
ontvang, gelowiges en geliefdes is. Leer hierdie dinge en wek daartoe
op.
Kan u sien hoe gesteld hulle in die eerste kerk was omtrent die lering?
Kom ons kyk na ‘n paar tekse in die bediening van ons Here Jesus, om net te kyk
hoe gesteld Hy was op die lering.
Matthéüs 7:29;
29 want Hy het hulle geleer soos een wat gesag het, en nie soos die
skrifgeleerdes nie.
Markus 10:1;
1 EN Hy het opgestaan en daarvandaan deur die oorkant van die Jordaan
na die gebied van Judéa gegaan; en weer het ‘n skare by Hom vergader;
en soos Hy gewoond was, het Hy hulle weer geleer.
118

Soos Hy gewoond was, het Hy hulle weer geleer.
Ek voel ‘n mens behoort jou nuwe bekeerling, daar by jou eerste instruksie, ek
sou sê byvoorbeeld, jou persoonlike werkers. As jy saam met ‘n persoon gaan
bid, (en vir hom gewys het die weg wat hy moet volg) dan moet jy die eerste
geleentheid soek, om hom daarop aandagtig te maak hoe noodsaaklik dit is dat
hy geleer moet word in die weg van die Here.
Ons is baie presies daarop dat ons kinders geleer moet word. Daar is ‘n wet wat
sê dat jou kind skooltoe moet gaan. Maar wanneer ons kom by die belangrikste
lering van alles, die lering van my siel, dan praat ons baie keer nie eers daaroor
nie.
Maar kyk hoeveel klem het die Here Jesus daarop gelê, hoeveel klem het sy
dissipels daarop gelê:
Lukas 13:26;
26 Dan sal julle begin sê: Ons het in u teenwoordigheid geëet en gedrink, en
U het op ons strate geleer.
Dit was een van die kenmerke van die Here Jesus. Hulle sê nie U het op ons
strate gesond gemaak nie. Hulle sê U het op ons strate geleer.
Johannes 7:14;
14 En toe dit al in die middel van die fees was, het Jesus opgegaan na die
tempel en geleer.
Johannes 8:2;
2 En vroeg in die môre het Hy weer in die tempel gegaan, en al die mense
het na Hom gekom, en Hy het gaan sit en hulle geleer.
Nog een versie in hierdie verband:
Handelinge 1:1;
Die eerste verhaal, Theófilus, het ek opgestel oor alles wat Jesus begin
doen en geleer het
Kan u sien hoe noodsaaklik dit is dat ons leraars moet hê? Kom ons kyk na die
apostels en die dissipels.
Matthéüs 28:18-20;
Die groot bevel, dit is Jesus se bevel. Ons lê so klem op die feit dat Jesus beveel
het om te doop, maar hoeveel klem lê ons op die feit dat Jesus ons beveel het om
te leer.
18 En Jesus het nader gekom en met hulle gespreek en gesê: Aan My is
gegee alle mag in die hemel en op die aarde,
19 Gaan dan heen, maak dissipels van al die nasies en doop hulle in die
naam van die Vader en die Seun en die Heilige Gees; en leer hulle om
alles te onderhou wat Ek julle beveel het.
20 En kyk, Ek is met julle al die dae tot aan die voleinding van die wêreld.
Amen.
Ek glo as die kerk meer klem gelê het op die lering, sou daar minder afdwaling
gewees het van God en van die waarheid. Kom dat ons weer die gevalle hut van
Dawid herstel. Dit is nou in ‘n ander verband, maar ek noem dit maar net.
119

Handelinge 4:1-2;
(‘n Pragtige voorval uit die lering van die apostels van daardie eerste dae).
1 En terwyl hulle besig was om met die volk te spreek, het die priesters en
die hoofman van die tempel en die Sadduseërs op hulle afgekom,
2 baie ontevrede dat hulle die volk leer en in Jesus die opstanding uit die
dode verkondig.
Handelinge 5:21,42;
21 En hulle het geluister en vroeg in die môre in die tempel gegaan en begin
leer. Maar die hoëpriester en die wat saam met hom was, het gekom en
die Raad en al die oudstes van die kinders van Israel bymekaargeroep;
en hulle het na die gevangenis gestuur om hulle te laat haal.
42 En hulle het nie opgehou om elke dag in die tempel en van huis tot huis te
leer nie, en die evangelie te verkondig dat Jesus die Christus is.
Is dit nie wonderlik nie?
Hoe maklik het ons hierdie dinge gemis en dit staan voor ons oë.
Handelinge 11:26;
En hulle het ‘n hele jaar lank in die gemeente saam vergader en aan ‘n
aansienlike skare onderwys gegee; en die dissipels is in Antiochíë vir die
eerste keer Christene genoem.
Handelinge 20:20 het ons alreeds met mekaar gelees.
1 Korinthiërs 4:17;
Daarom het ek Timótheüs, wat my geliefde en getroue seun in die Here
is, na julle gestuur. Hy sal julle herinner aan my handelwyse in Christus,
soos ek oral in elke gemeente leer.
Gemeentes wat vurig was kan in ‘n toestand van stagnasie en boosheid verval as
gevolg van gebrek aan lering. Baie mense wil hulle nie laat leer nie. Baie mense
sê ek het nie nodig om geleer te word nie --- want ek het die salwing ----
1 Johannes 2:27;
En die salwing wat julle van Hom ontvang het, bly in julle, en julle het nie
nodig dat iemand julle leer nie; maar soos dieselfde salwing julle
aangaande alles leer, so is dit ook waar en geen leuen nie; en soos dié
julle geleer het, so moet julle in Hom bly.
Nou sal baie mense sê ek het die salwing van die Here. Die Heilige Gees leer
my. Die Here het ook gesê Hy sal die Heilige Gees stuur en Hy sal julle leer, en
lei in alle waarheid. Jy sal sulke mense ook teëkom. Mense wat nie geleer wil
word nie.
Maar wat ‘n wonderlike voorbeeld, was Apollos! Onthou u, daar het ons gelees in
Handelinge 18:24-28; toe hy vir Aquila en Priscílla gesê het; hy het geleer maar
hy het net nooit sover geweet as die doop van Johannes, toe neem Aquila en
Priscílla hom, en hulle onderrig hom meer volledig in die weg.
Alhoewel hy so ‘n magtige spreker was en so ‘n magtige leraar, het hy hom laat
leer deur twee eenvoudige tentmakers, ‘n man en sy vrou. En dit is een van die
kenmerke van ‘n leraar. ‘n Leraar sal nooit te hoogmoedig wees om lering van
120

enigiemand anders te ontvang nie. Dit is ‘n kenmerk van ‘n leraar, omdat hy
besef hoe groot en wonderlik God se woord is. En dat daar so baie is wat ons
kan leer. Dat God se plan juis so is. Dit is wat so pragtig is: dat die Here sy
gemeente gemaak het soos ‘n liggaam. Soos ons gesien het in die gawes waar
die hand vir die voet gesê het, ek het jou nie nodig nie, of die oog vir die oor. Juis
sodat daar nie opgeblasenheid of hoogmoedigheid kan kom in die liggaam van
Christus nie.
Maar as die grootste leraar partykeer die wonderlikste les sal ontvang van die
eenvoudigste lid in die gemeente, (dit is natuurlik wanneer almal in die Heilige
Gees beweeg, dit is natuurlik die voorwaarde) sal die Here so werk. Die Here sal
nooit alles aan een persoon openbaar maak nie. Daarom is dit so noodsaaklik
dat ons ‘n liggaam is. Daarom is dit so noodsaaklik dat ons nie afskei van
mekaar nie.
U sal sien in ons grondwet, as u kan onthou, dat ons daarin skrywe dat ons maar
te gewillig is om met enige iemand saam te werk, om met enigiemand wat die
evangelie verkondig, mee saam te werk. Daarom sal ons ook nooit ons mense
probeer afhok en afkamp in net een ou kampie nie. O, moenie daar gaan of daar
gaan nie. Ons vertrou die Here dat Hy ons genade gegee het om ons mense
genoeg te leer sodat hy nie agter elke wind van lering aan hardloop nie.
Maar as daar ‘n goeie bediening is, ‘n evangelis in die dorp, en ons mense gaan
daarheen en hulle kan iets daar leer, dan sê ons “prys die Here!” Geen mens het
in homself alles nie. Die Here het dit ook nooit so bedoel nie. Sodat ons almal
kan leer van enige kerk wat staan op die Here se woord. Al is die openbaring van
die Here se woord dan ook nie presies in alle opsigte dieselfde soos ons dit het
nie. Ek dank die Here vir baie dinge wat ek van baie kerke al geleer het.
Efésiërs 4:16; (Ons deeltjie wat ons nou al so baie gelees het, maar dat ons net
die strekking daarvan sien. )
uit die hele liggaam - goed saamgevoeg en saamverbind deur die
ondersteuning wat elke lid gee volgens die werking van elke afsonderlike
deel in sy mate -- die groei van die liggaam bevorder vir sy eie opbouing
in liefde.
U kan dus sien, dat dit so bedoel is, dat elke deel, elke lid, sy afsonderlike
aandeel sal hê in die groei en in die bevordering van die liggaam, vir opbouing in
liefde.
Dit is altyd vir my so mooi om te dink aan die gesindheid van die mense van
Berea, wat ook aanbeveel word deur die Heilige Gees, daarom word dit ook so vir
ons so beskrywe in:
Handelinge 17:11;
En hierdie mense was edelmoediger as dié in Thessaloníka; hulle het die
woord met alle welwillendheid ontvang en elke dag die Skrifte ondersoek
of hierdie dinge so was.
Moenie dat ons altyd net bevooroordeeld wees nie. Laat ons die Here se woord
met welwillendheid ontvang wanneer ons enige redelike versekering het dat die
persoon wat na ons toe kom in sy lering eg is, en redelik volgens die Skrif, maar
121

laat ons dan daarna luister met ‘n oop gemoed maar laat ons dan self die Skrif
ondersoek om te kyk of hierdie dinge so is.
‘n Volgende afdeling in hierdie lering oor die leraar.
Ons kyk na die besonderse versoeking wat leraars in kan verval. Hoekom
bring leraars so dikwels verdeeldheid in plaas van herlewing en seën? Een van
die redes is hoogmoed sonder dat ons dit besef.
1 Korinthiërs 8:1;
En met betrekking tot die offervleis aan die afgode weet ons dat ons almal
kennis het. Die kennis maak opgeblase, maar die liefde stig.
Ons het baie keer leraars wat baie groot kennis en insae in God se woord het,
maar dan skiet hulle baie kort op die vrugte van die Heilige Gees, naamlik liefde.
Hier is maar weer die band wat alles aanmekaar bind, die liefde. Daarom sê die
apostel Paulus in:
1 Korinthiërs 13:4;
Die liefde is lankmoedig en vriendelik, die liefde is nie jaloers nie, die
liefde praat nie groot nie, is nie opgeblase nie.
As ons die kennis het sonder die liefde, dan kan ons baie, baie maklik opgeblase
word en hoe seer maak dit ‘n mens nie, wanneer ‘n mens baiekeer iemand
aantref wat werklik ‘n groot bediening het, wat werklik ‘n groot insig het in God se
woord, maar as gevolg daarvan kan jy ook opgeblasenheid by hom bespeur. Die
neiging om op andere wat nie dink soos hy dink nie, neer te sien. Om groot
waarhede van God te ontvang en ‘n diep insig in die Skrif te hê en nog nederig te
bly, is een van die mees uitstaande kenmerke van ‘n groot leraar.
Kom ons kyk na die voorbeeld van Apollos wat vir ons ‘n uitstaande voorbeeld is
van die ideale leraar volgens die Skrif:
Handelinge 18:24-26;
24 En ‘n sekere Jood met die naam van Apollos, wat in Alexandrië gebore
was, ‘n welsprekende man, het in Efése aangekom; en hy was magtig in
die Skrifte.
25 Hy het onderrig ontvang in die weg van die Here; en vurig van gees, het
hy gespreek en die dinge aangaande die Here noukeurig geleer, alhoewel
hy net van die doop van Johannes geweet het.
26 En hy het vrymoediglik in die sinagoge begin spreek; maar nadat Aquila
en Priscílla hom gehoor het, het hulle hom by hulle geneem en hom
noukeuriger die weg van God uitgelê.
Is dit nie pragtig nie? Hierdie man was welsprekend, hy was vurig van gees, hy
was magtig in die Skrifte, hy het alreeds die mense noukeurig geleer. Maar hy
het nog nie al die waarheid van God ontvang nie. Toe neem Aquila en Priscílla,
twee eenvoudige tentmakers hom, en hulle wys hom die weg van God. En hulle
lê dit vir hom nog meer noukeurig uit.
Hy was nie te hoogmoedig en te trots om na hulle te luister nie. Hy het aan hulle
voete gaan sit. Dit is die kenmerk van ‘n groot leraar. Dit is die kenmerk van
122

grootheid in God. Waar sal ons dit nog beter en mooier geïllustreerd sien, as in
die lewe van onse Here Jesus self.
‘n Leraar wat nie self geleer kan word en nie gewillig is om sy lering aan die hele
liggaam van Christus vir ondersoek te onderwerp nie, is beslis baie gevaarlik.
Laat ek net vir u ook hierdie woorde van die apostel Paulus lees.
1 Korinthiërs 13:9-13;
9 Want ons ken ten dele en ons profeteer ten dele.
10 Maar as die volmaakte gekom het, dan sal wat ten dele is, tot niet gaan.
11 Toe ek ‘n kind was, het ek gepraat soos ‘n kind, gedink soos ‘n kind,
geredeneer soos ‘n kind; maar nou dat ek ‘n man is, het ek die dinge van
‘n kind afgelê.
12 Want nou sien ons deur die spieël in ‘n raaisel, maar eendag van
aangesig tot aangesig. Nou ken ek ten dele, maar eendag sal ek ten
volle ken, net soos ek ten volle geken is.
13 En nou bly geloof, hoop, liefde -- hierdie drie; maar die grootste hiervan is
die liefde.
Ons ken ten dele, ons sien nog deur die spieël in ‘n raaisel, daarom het ons nog
nie al die kennis en insig nie en daarom kan ons van mekaar leer en behoort ons
van mekaar te leer.
Ek voel oortuig daarvan dat baie van die verdeeldheid onder God se kinders is
die skuld van die leraar. Dat daar trots in die saak betrokke is. Dat daar ook
jaloesie in die saak betrokke is. Dat daar ook ongeloof en vrees terselfdertyd
bykom. Die leraars hou die kuddes uitmekaar. Die leraars is te bang om hulleself
aan die lering van hul medeleraars te onderwerp.
Ons is te bang om aan die voete van mekaar te kom sit en sê; “Kom my broer, ek
wil van jou leer, vandag! Ek kom met ‘n oop hart en ‘n oop gemoed om dit te
doen. Ons kan van mekaar baie leer”. Ek dank die Here dat die een kry lig hier
en die ander een kry lig daar, sodat ons wedersydse agting vir mekaar kan hê.
Ek dank die Here vir baie dinge wat ek in my lewe geleer het. Van baie ander
organisasies met wie ek nie in alle opsigte kan saamgaan nie. Miskien kan ek op
die oomblik, met my eerlikste voorneme, nie alles aanvaar nie. Maar ek sal eerlik
nadink oor wat ek gehoor het in die lig van Handelinge 17:11. Ek dink
byvoorbeeld aan die beweging, morele herbewapening, of soos dit in die ou dae
genoem is die “Oxford groep” en hoedat hulle een groot leuse was: dat ons nooit
moet vra wie is reg nie, maar dat ons altyd moet vra wat is reg. As ek dink aan
al die skade wat ek al gelei het in my lewe toe ek nog die groot fout gemaak het
dat ek nie van almal wou leer en mooi na hulle wou luister nie!
Ek dink byvoorbeeld aan my vroeë Christen jare, voordat ek met Pinkster in
aanraking gekom het. Hoe lief ek was vir die werke van Dr. Murray, wat ‘n
geweldige plek dit ingeneem het in my geestelike lewe. Wat daardie dierbare
dienskneg van die Here se boeke vir my beteken het en toe kom ek in Pinkster.
Ek maak hierdie verskriklike fout en sê toe Dr. Murray was nie gedoop in die
123

Heilige Gees nie want hy het nie in tale gespreek nie. Ek weet nie, miskien het
hy. Dit lyk vir my amper so, as ek nou so daaroor terugdink aan sy werke.
Maar ten minste is dit nie vir ons so neergeskryf nie en ek sê toe: “Wel, hy was
nie gedoop in die Heilige Gees nie en daarom kan hy my nie leer nie. Ek sal sy
boeke opsy sit”. Is dit nie ‘n verskriklike fout nie? U kan miskien glimlag daaroor
en ek sal u nie kwalik neem nie. As dit vir u tot hulp is, die fout wat ek gemaak
het, dan sal ek die Here dank, dat u ook uit my fout kan leer.
Dit het so aangegaan vir ‘n hele klompie jare en toe begin ek uitvind ek begin ly
aan geestelike ondervoeding. U weet dat hoe ons dieetkundiges vir ons sê, jy
kan die beste kos eet, jy kan aan die rykste tafel sit, maar as daar sekere
bestanddele in jou daaglikse dieet is wat jy nie inneem nie, dan gaan jy aan
ondervoeding ly. Daar is sekere spoorelemente wat ‘n mens nodig het in jou
liggaam vir verskillende dinge. As jy dit nie inkry nie, sal dit hulleself begin
openbaar in jou gesondheid of in jou liggaam.
Nou is dit ook so op geestelike gebied en ek glo dit. Ek glo daar is baie van ons
wat aan geestelike ondervoeding lei. Selfs ek het daaraan begin ly, ek dank die
Here, toe ek dit begin ondersoek sien ek dit is omdat ek nie meer van ou Dr.
Murray se boeke lees nie. Daar is sekere dinge in sy boeke wat die Here aan
hom geopenbaar het wat van die uiterste belang is in die geestelike lewe van die
kind van God.
Toe my oë oopgaan, het ek weer met honger sy boeke begin lees. Hoe dank ek
die Heer hoedat my siel sommer in daardie opsig weer begin herlewe het. Ek het
ook by morele herbewapening geleer. (Hulle het vier absolute reëls of
standaarde wat hulle vir hulself gestel het), dit is vir my kosbaar en ek probeer dit
vandag nog met my saamdra en uitlewe.
Die vier standaarde is:
* Absolute liefde,
* Absolute onselfsugtigheid,
* Absolute eerlikheid
* Absolute reinheid.
Dink daaroor na en dit sal vir u tot baie, baie groot seën wees. Ek het net nog so
‘n paar gedagtes om met u te deel, dan is ons klaar met hierdie studie oor die
leraar.
Die besliste en duidelike verkondiging van dit wat waar en volgens die Skrif is,
tesame met ‘n nederigheid en die openhartigheid wat altyd gereed is om vars
flitse van die waarheid te ontvang, is altyd die kenmerk van dié leraar wat sy
bediening van die Here Jesus ontvang het. U moet onthou, ek het reg aan die
begin van hierdie reeks se studies oor die bedieningsgawes van die Here Jesus
vir u gesê, dat hierdie bedieninge, die apostel, die profeet, die evangelis, die
124

herder en die leraar, dat dit eintlik die bedieninge van die Here Jesus self is, wat
in sy verkose kanale deur die eeue heen voortgesit sal word. Dat dit die Here
Jesus self is wat sy gemeente bou, en sy gemeente leer deur diegene wat Hy
daarvoor aangestel het in die Gees. Laat ons die Here dank dat dit in Sy woord
staan en wat in God se woord is, dit sal nooit vergaan nie.
Laat ons dan tot ‘n ontwaking kom en laat ons tot die besef kom dat ons moet
terugkeer tot die Skrif en dat ons vir die Here moet bid dat die Here hierdie
bedieninge in al hulle krag en al hulle heerlikheid sal herstel. Net so die gawes
van die Heilige Gees en die vrugte van die Heilige Gees.
Hiermee is ons dan nou klaar met die vyf bedieningsgawes van die Here Jesus.
Ons sal nog een studie wy aan ook nog ander bedieninge wat daar is en sodat
ons ook dit kan sien uit die Here se woord.
Ons het gelees in:
1 Korinthiërs 12:28;
En God het sommige in die gemeentes gestel: in die eerste plek apostels,
ten tweede profete, ten derde leraars, daarna kragte, daarna
genadegawes van gesondmaking, helpers, regeringe, allerhande tale.
Ons sal na hulle ‘n bietjie kyk; na hierdie helpers en regeringe en ‘n paar van die
ander bedieninge wat daar nog in die Here se woord is.
125

Sommige ander Gawes
(Kasset nr. L026)
Om ons reeks wat ons sover behandel het: die bedieningsgawes van die Here
Jesus, af te sluit.
Ons het die bedieninge behandel van die apostel, profeet, herder, leraar en die
evangelis - die vyf, wat ons veral opgesom kry in Efésiërs 4:11; wat ons nou al
baie keer met mekaar saamgelees het. Maar ons kom nou by ‘n ander geseënde
en ‘n wonderlike aspek van die bedieningsgawes van die Here Jesus, om vir ons
te laat sien, dat dit nie al wat daar is, aangaande die voortsetting van die Here
Jesus in die vyf bedieninge nie. Ons gaan ook nog na ‘n paar ander kyk, sodat
ons ook begin sien wat is ons plek, dat ons begin sien, elkeen in die gemeente
het ‘n bediening. Die Here het ‘n plek vir elkeen. Loof die Here, sodat ons nie
nou hoef te dink ek is nie ‘n apostel, profeet, herder, leraar of ‘n evangelis nie,
hierdie vyf uitstaande bedieninge, soos ons dink.
Dus, wat is daar nou vir my oor? Ek wil vir u wys, vir elkeen van ons is daar ‘n
plek en ‘n bediening. Daarom gaan ons daarmee voort. Ons gaan kyk na
sommige van hierdie ander bedieninge. Mag die Here, soos ons alreeds Sy seën
gevra het, Sy woord vir ons oopmaak en dat ons ná hierdie studie, op nog hoër
grond sal wees as wat ons nou is, terwyl ons dit begin betree.
Ek wil hê ons moet weer hierdie drie gedeeltes met mekaar saamlees.
Efésiërs 4:11;
En Hy het gegee sommige as apostels, ander as profete, ander as
evangeliste, ander as herders en leraars,
Romeine 12:6-8;
6 En ons besit genadegawes wat verskil volgens die genade wat aan ons
gegee is:
7 is dit profesie, na die maat van die geloof; of bediening, in die werk van
bediening; of wie leer, in die lering;
8 of wie vermaan, in die vermaning; wie uitdeel, in opregtheid; wie ‘n
voorganger is, met ywer; wie barmhartigheid bewys, met blymoedigheid.
1 Korinthiërs 12:28;
En God het sommige in die gemeente gestel: in die eerste plek apostels,
ten tweede profete, ten derde leraars, daarna kragte, daarna
genadegawes van gesondmaking, helpers, regeringe, allerhande tale.
Ons gaan bietjie kyk na hierdie ander bedieninge wat hier genoem word,
byvoorbeeld in hierdie vers wat ons nou net gelees het. “God het gestel in die
gemeente”. Dit is dus baie belangrik!
God self het hulle gestel:
1) Apostels in die eerste plek,
2) Ten tweede “profete” en
126

3) Ten derde “leraars.” Ons het dit behandel.
4) Daarna “kragte” - ons het dit redelik goed gedek in ons reeks studies oor die
bedieningsgawes van Christus –
5) Daarna “genadegawes van gesondmaking”,
6) “Helpers”, - wat is helpers?
7) “Regeringe”,
8) “allerhande tale” –
Dit het ons ook reeds behandel, so daar het ons twee by; helpers en regeringe.
Maar hier het ons gesien in:
Romeine 12:7;
is dit profesie, en na die maat van die geloof; of bediening, in die werk
van bediening; of wie leer, in die lering;
Daar kan ons miskien sê profete en herders en leraars.
Maar nou die 8ste vers. Daar is dus ook volgens die 8ste vers “vermaners,
uitdelers en voorgangers”. Heel moontlik die herder, maar daar is ook die wat
barmhartigheid moet bewys. Wie is hulle?, en wat is hulle werk? Dit is dus baie
belangrik vir die gemeente, soos ek gesê het, wat die lewende liggaam van ‘n
lewende Here Jesus is, van die liggaam wat in werking is. Dat ons hierdie dinge
moet besef.
Ons is tog so ‘n praktiese geslag. Ons sê kyk, as ‘n ding nie werk nie, dan
beteken hy vir my niks. As die motorkar nie wil loop nie en niemand kan hom
regkry nie, laat staan hom, as my naaimasjien nie wil werk nie, nou goed, dan
beteken hy vir my niks nie; my wasmasjien, my stoof of wat ook al.
Maar wanneer ons by die liggaam van Christus kom, dan is ons amper vir eeue
en geslagte voorberei om maar kerk toe te gaan, tot ‘n groot mate, maar ons is
tevrede met ‘n liggaam van Christus wat nie werk, soos ons sien, volgens God se
woord nie.
Broers en susters, ons as ernstige mense, moet onsself daarvoor instel. Ek glo
die Here sal vir ons gee dat dit werk, en die Here het nog nooit gevra vir getalle
nie. Die Here het nog altyd gevra vir kwaliteit. Prys die Here! As die Here dit kan
kry, gaan daar groot en wonderlike dinge plaasvind. Maar u sal met my
saamstem; as ons nie eers van hierdie dinge weet nie; as ons nie eens daartoe
aangespoor is nie; as ons nie aangevuur word nie; hoe sal ons ooit daarna
strewe? Daarom moet die oopmaak van die Here se woord vir ons hierdie ideale
en hierdie visie en hierdie lig voor oë stel, sodat ons daarvoor kan begin bid en dit
kan begin toe-eien.
My eerste opmerking, mag die gemeente weer hierdie standaard bereik soos ons
hier gelees het. Dank die Here, ons sál hierdie standaard bereik wanneer die
Heilige Gees weer Sy regmatige plek in die gemeente inneem, en ons dank die
Here ons het alreeds lank gelede daarmee begin. Ons het begin om weer te kyk
wie die Heilige Gees is en wat Hy doen. Ons het gekyk na Sy gawes. Ons het
gekyk na Sy vrugte, ons het gekyk na die doping in die Heilige Gees, die
aandoening met krag ensovoorts. Daarom is ons basies eintlik ver op pad, Prys
127

die Here! om hierdie heerlike dinge te bekom. Ons moet nou net nie gaan
stilstaan nie. Ons moet net nie weens ongeloof, soos die kinders van Israel, nie
daarin slaag om die grens oor te steek en ons erfenis te beërwe nie.
Kom ons neem nou byvoorbeeld, Romeine 12:6-8; Hy sê; “en ons besit
genadegawes wat verskil volgens die genade wat aan ons gegee is”. Met ander
woorde, ons besit dit alreeds. Dit is dus in sy kiem. Is dit nie wonderlik nie? Prys
die Here! Dit moet net oopgemaak word en dit moet net uitkom. “En ons besit
genadegawes wat verskil volgens die genade wat aan ons gegee is. Is dit
profesie na die maat van die geloof of bediening in die werk van bediening, of wie
leer, in die lering, of wie vermaan, in die vermaning, wie uitdeel in opregtheid, wie
‘n voorganger is met ywer, wie barmhartigheid bewys met blymoedigheid.”
Ons sien, soos ek nou al opgemerk het, profete en leraars, ‘n voorganger wat ons
hier van gelees het en miskien ‘n herder volgens Efésiërs 4:11. Die bediening is
dieselfde in vers 7, of bediening heel moontlik ook ‘n leraar, ‘n voorganger soos
dit in Engels sê “minister”, dit is soos dit in die Engelse Bybel is. “He who
ministers in his ministry”. Die Griekse woord daarvoor is, en dit is interessant;
“deakonos” - waar ons, ons woord diaken vandaan kry, hierdie voorganger. So,
dit is al klaar baie interessant en dit het sy implikasies dus.
1) Dan is daar vermaners, daar is uitdelers, en die wat
barmhartigheid bewys.
Soos ons gesien het in 1 Korinthiërs 12:28. Daar vind ons weer die apostels en
ons vind die profete en ons vind die leraars.
2) Maar nou die regeringe.
Nou hierdie regeringe is heel moontlik ekwivalent aan herders. ‘n Herder kan nie
‘n herder van ‘n gemeente wees nie, as hy ook nie tot ‘n groot mate die gawe van
‘n regering, of soos dit ook in Engels sê op party plekke “steering” het nie, om ‘n
gemeente te stuur en te rig. So dit is heel moontlik daarin begrepe, maar ek glo
daar is nog baie meer, soos ons sal sien.
3) Dieselfde met voorgangers.
Ook in ander skriftuur klasse, dit kan ook heel moontlik die herder wees, maar
daar is ook ‘n verdere en diepere betekenis daaraan.
4) Die kragte.
wat ons gesien het in 1 Korinthiërs 12, die “miracle”, soos dit in Engels sê.
5) Die genadegawes van gesondmaking,
word hier as afsonderlike bedieninge beskou. Maar ons het alreeds gesien dat
hierdie gawes ‘n besondere plek in die bediening van evangelis het, alhoewel nie
128

net tot hom beperk is nie. Dus, dit is alles belangrik, dat hierdie werking van
kragte en die genadegawes van gesondmaking, alhoewel dit in die bediening van
die evangelis voorkom, word dit hier genoem as bedieninge saam met die
apostel, saam met die profete en saam met die leraars. Dus is dit ‘n bediening
ook in die gemeente en in die liggaam van Christus waarna ons moet strewe en
wat ‘n besonderse plek dus inneem.
6) Dieselfde met allerhande tale.
Dit word ook hier as ‘n definitiewe bediening beskou, wat God in die gemeente
gestel het. Ons behoort dus meer daarna te strewe en daarna te kyk. Ek het al
baie keer gewonder, hierdie allerhande tale, as jy byvoorbeeld nou neem op die
dag van Pinkster. Ons het hierdie saak nou al baie mooi uitgepluis.
Ons het baie duidelik gesien dat op die dag van Pinkster, was dit nie noodsaaklik
dat daardie mense in allerhande tale praat nie. Die tale praat van die 17 nasies.
Daar was 17 nasies verteenwoordig, dat hulle, hulle nie kon verstaan nie, want
toe Petrus opstaan om te sê dat hierdie mense is nie dronk nie, want dit is maar
nog nege uur in die môre, toe het hy net in een taal gepraat, en almal het hom
verstaan en almal het daarna uitgeroep wat moet ons doen?
So dit was nie nodig gewees nie. Ons kan ook aanneem dat daardie mense van
die verskillende nasies en tale gekom het om te kom aanbid in Jerusalem. Dit
was die tyd van die Paasfees dat hulle almal die een gemeenskaplike taal
verstaan het. Maar toe die Heilige Gees daar uitgestort was, toe was daar ook ‘n
besonderse, glo ek, bediening van allerhande tale op daardie dag van Pinkster.
Daar is sulke voorbeelde dwarsdeur die geskiedenis, en ek het party van hulle vir
u genoem destyds toe ons gepraat het oor die doping in die Heilige Gees, as u
miskien nog kan onthou, hoedat die Here op sommige tye, toe die persone in
vreemde tale gepraat het, toe was dit in die taal van die groep Bantoes, deur die
een broer wat hulle daar in die myn toegespreek het, toe die Heilige Gees op hom
kom, toe praat hy in Sesotho, ‘n taal wat hy nog nooit geleer het nie, maar dit was
‘n taal wat hulle kon verstaan maar dit was suiwer van die Heilige Gees.
Ek glo veral in hierdie dae dat daar ‘n groot verwarring gaan kom en ‘n groot
samedromming van mense en wanneer die duiwel gaan werk met misleiding en
met bedrog. Ek wil nie vir u bangmaak nie, maar dit is soos ek die ding sien wat
die Here Jesus sê daar in Matthéüs 24. Ek dink daardie woord kom drie of vier
keer voor in daardie hoofstuk. “Pasop dat julle nie mislei word nie. Daar sal
vals profete kom wat selfs groot tekens en wonders sal doen as dit moontlik
is, wat selfs die uitverkorenes sal mislei”. Nou, in daardie tyd glo ek, en dit is
hierdie tyd waarin ons lewe, wat hierdie bediening van allerhande tale weer in die
gemeente sy plek moet neem.
Is dit nie waar, as ons nou na ons eie lewens kyk, ek weet dit is waar van myself
waaraan ek skuldig is, dat dit ‘n kwessie is van dat ons onsself baie keer probeer
beskerm; ons nie in ‘n toestand van benoudheid wil raak terwille van die
evangelie nie; In ‘n toestand van verleentheid; In ‘n toestand waar alleen die
bonatuurlike ingryping van God jou daaruit kan help. Ons wil onsself so graag
129

spaar op so baie maniere. Ons sorg dat ons nie koud kry in die winter nie. Ons
sorg dat ons nie warm kry in die somer nie. Ons het allerhande geriewe. Ons het
waaiers en ons het selfs lugreëling. Dieselfde met ons behuising en al die dinge.
Maar wat van so ook in die gees? Soos ek die Bybel sien, is dit in ‘n tyd van
benoudheid en verleentheid waar die Heilige Gees op jou kom. Ek glo dat ons
ook hierdie bediening van allerhande tale, baie nodig gaan kry in die onmiddellike
toekoms en dat ons die Here daarvoor moet aangryp. Dit is ook ‘n bediening. Ek
het miskien te veel tyd gespandeer aan daardie klein aspek, want daar is nog so
baie om te behandel.
Maar kom ons vergelyk dit nou met:
1 Korinthiërs 14:5,13,28;
(gedeeltes wat ons nou baie goed gedek het in ons vorige studie).
5 Ek wens dat julle almal in tale spreek, maar nog liewer dat julle profeteer.
Want hy wat profeteer, is nog groter as hy wat in tale spreek, of hy moet
dit uitlê, sodat die gemeente stigting kan ontvang.
13 Daarom moet hy wat in ‘n taal spreek, bid dat hy dit kan uitlê.
28 Maar as daar geen uitlêer is nie, laat hy in die gemeente swyg, en laat hy
met homself en met God spreek.
My bedoeling waarom ek dit genoem het is net weer dat as jy in allerhande tale
spreek, en daar is natuurlik ‘n uitlêer, dan is daardie bediening van allerhande tale
ook weer ekwivalent aan die bediening natuurlik van die profeet wat vir jou direk
onder inspirasie die gedagte en die woord van God sal bring. Dit is geïnspireerde
uitspraak, maar meer verhewe en ekstaties.
‘n Persoon kan byvoorbeeld in sy gewone taal ‘n Skrif vir jou oopmaak. Hy kan ‘n
wonderlike getuienis lewer onder die krag van die Heilige Gees. Ek dink ons het
nou al baie ondervinding daarvan. Daar is party mense in ‘n gemeente wat kan
opstaan en sommer nou maar net iets sê, om iets te sê. Maar jy kan voel dit is
stomp. Daar is nie lewe in nie.
Dan is daar ‘n ander persoon wat ‘n ondervinding gehad het of ‘n openbaring van
God. Jy kan dit in die spraak hoor, jy kan dit in die gesig sien, jy kan dit in die
woorde sien, dit is ‘n boodskap van die Here. Jy dank die Here daarvoor ook.
Maar daar is hierdie oomblikke, van hierdie tale, en as dit natuurlik uitgaan saam
met die uitleg, wat iets hoër en iets sterker is.
Ons moet in ons eie gemeente ook meer daarna strewe. Ek glo die bediening
van allerhande tale het ‘n magtige plek in die gemeente van die Here Jesus. Ons
behoort meer die Here te vra om dit sy regmatige plek te laat kry. Ons gaan maar
net voort.
7) Helpers.
Daar bly nog die helpers wat ons gesien het wat ons na moet kyk.
Daar is altyd die stryd tussen die natuurlike en die bonatuurlike, in die rigting wat
die kerk ingeneem het die afgelope 100jaar of meer, wat u seker almal van
130

gehoor het, die modernisme, wat byvoorbeeld vir jou sal sê: “kyk hierdie gawe
van goddelike genesing:- wat dit beteken is, dat die Here vir ons slim dokters
gegee het”. Ons kan die Here bid dat die Here daardie medisyne sal seën, dat
die Here daardie hande sal seën wanneer hy ‘n operasie uitvoer.
Die tale; ons kan die Here bid dat Hy ons meer mense sal gee wat ‘n gawe het
om tale te bestudeer en vir ons die Bybel te vertaal, dat die Here dus daardie
gawes sal heilig. Ek dank die Here vir die slim mense dat hulle ons Bybels vir
ons kan vertaal. Ek dank die Here, ek glo dat Hy het hulle daarin geseën. Ek
dank die Here vir slim dokters. Maar, geliefdes, dit is nie die bonatuurlike gawes
nie. Dit is nie die bonatuurlike gawe van gesondmaking nie. Dit is nie die
bonatuurlike gawe van allerhande tale nie.
Nou, net so met helpers wat ek nou na toe wil kom. Daar is mense met
wonderlike talente. Jy het baie wonderlike mense in ‘n gemeente, wat jy die Here
voor moet dank. Ons behoort ons talente meer aan die Here te wy, dit is reg
genoeg. Ons moet die Here vra om vir ons meer na vore te laat kom, wat dit
betref. Maar dit is nie bonatuurlik nie. Dit is natuurlike gawes wat ek aan die
Here toewy wat baie goed is.
Maar daar is die kwessie van:-
‘n Bonatuurlike gawe van ‘n helper.
‘n Bonatuurlike gawe van uitdelers.
‘n Bonatuurlike gawe van vermaners en vertroosters.
Ek wil hê dat ons dieper moet sien, sodat u ook u plek in die gemeente sal sien,
dat u sal sien watter plek die Heilige Gees daarin het. Onthou dit is nog alles in
die Heilige Gees, die bedieningsgawes van die Here Jesus. (Ek hoop nou net nie
ek verloor u êrens nie, want ek loop nou dinge vooruit). Neem nou byvoorbeeld
‘n vermaner, daar is mense met wonderlike wysheid en wonderlike takt, en sê
nou ‘n sekere broer of suster moet nou vermaan word. Daar is party mense wat
van nature meer wys is as andere.
Maar nou kom die Heilige Gees, en Hy gee vir jou ‘n openbaring, Hy gee vir jou
die woorde, dat as jy met daardie broer of suster praat, dat jy hulle moet vermaan
in liefde. Onthou, met die idee nie om af te druk nie, maar om op te rig, om op te
tel. Dat, nadat jy met daardie persoon klaar is, dat dit miskien jy was wat dit vir
daardie oomblik en vir daardie moment beter gedoen het as die pastoor. So werk
die Here.
Dat die liggaam nie onaktief is nie, en dat die liggaam nie voel, “ag nou wat, ek is
niks werd nie”. Sodat elkeen in die liggaam ingestel sal wees op die Here, en dat
u sulke wonderlike ondervindinge van God sal hê, wat jouself sal bou. Dat jy sal
weet, dat toe ek met daardie persoon gepraat en klaar gebid het, dat die woorde
wat ek gesê het, nie uit my verstand gekom het nie. Dit het van God gekom. Die
gemeente was gestig en die gemeente was gebou. Dieselfde met helpers. Ons
131

gaan nog dieper daarop in. Ek wil net dat u my beter kan verstaan wanneer ek
daar kom.
Ek het byvoorbeeld ‘n klompie jare gelede my een suster, sy het destyds in die
staatsdiens (departement van justisie) gewerk. Jare gelede het sy elke jaar met
die sessies, soos die departement nou ook in sessie is, moes sy afgaan saam
met die parlement omdat sy daar vir hulle getik het. As sy dan so afgegaan het,
het sy daar aanbid by ‘n A.G.S. gemeente, ek dink dit is in Goodwood of in
Parow, waar daar ook familie van ons is. Sy het by die familie van ons gebly en
saam met hulle in die gemeente aanbid. Dan het sy gepraat van hoedat die een
kleinniggie van my en haar man, en nog so twee of drie ander, hoe hulle as 't
ware 'die ruggraat van daardie gemeente was. Dat hulle vir hulleself amper die
verantwoordelikheid op hulle geneem het. As daar nou miskien ‘n misverstand is
of dalk tweedrag kom of ‘n stryery oor iets, dat hulle gladnie die pastoor eers sal
pla nie, en dat hulle net ‘n gawe het hoe om hierdie ding reg te maak.
Dan dink ek “ja, werklike helpers vir daardie leraar, werklik die sout wat smaak
gee in daardie gemeente.” Ek het hulle ontmoet, en hulle is soos die Engelsman
sal sê “completely unassuming”, hulle sal niks vir hulself aanmatig nie. Hulle is
lief vir die gemeente, hulle is lief vir die werk van die Here. Net daardie paartjies
van hulle het die element om sommer die hele gemeente reg te hou. Werklike
helpers. Maar die inspirasie en die leiding, en die dinge wat hulle partykeer
gedoen het soos sy my vertel het, kan geen mens uitdink nie. Dit kon alleen net
van God gekom het.
Dit is wonderlik, en nou kan u klaar sien hoe noodsaaklik sulke helpers in ‘n
gemeente is. Daar is sekere situasies wat vanweë die posisie en die aard van die
ding, selfs nie eers die pastoor kan hanteer nie. Daar is sekere gevalle, waar as
die pastoor moes gaan, die mense hom sal verdink: Ja-nee, die ander
gemeentelede het seker met hom gepraat en hy het seker net hulle kant van die
saak gehoor. Dan sal hier ‘n broer en ‘n suster kom wat nou heeltemal gladnie
vooraanstaande persone in die gemeente is nie, ek bedoel nou soos ouderlinge
of pastoor of so nie, miskien ‘n eenvoudige broer of suster, wat gaan en daardie
ding reg hanteer, in die leiding van die Heilige Gees. ‘n Helper, heerlik,
wonderlik, noodsaaklik!
Nou kyk ons nog ‘n bietjie meer van naderby byvoorbeeld die helper.
Ons kyk weer na:
1 Korinthiërs 12:28.
En God het sommiges in die gemeente gestel, - - - -
(so dit is die Here wat dit daar gestel het)
- - - - in die eerste plek apostels, ten tweede profete, ten derde leraars,
daarna kragte, daarna genadegawes van gesondmaking, helpers,
regeringe, allerhande tale.
Helpers, is dit nie wonderlik om net daaraan te dink nie?
132

Die Here het daardie persoon daar gestel. Dit is ‘n roeping van God. Wonderlik!
Loof die Here! ‘n Helper. Ag, as die Here vir ons meer helpers kan gee en baie
keer minder hinderaars, as ‘n mens dit so mag noem.
Die Griekse woord vir hierdie helper het eintlik ‘n besonderse betekenis. Die
Griekse woord is “Antilepses” wat as ‘n helper vertaal word, maar ook as ‘n
aflosser. Toe ek dit nou so sien, toe dink ek aan die aflosresies wat baie keer
gehardloop word, veral met die sport in ons skole. As die vier pare hier gestaan
het, soos dit nog in my tyd was, en jy het nou gehardloop vir al wat jy werd is, en
jy weet dat net wanneer jou asem amper uit is, is dit tyd om die stokkie aan te gee
vir die ander een, so gaan dit aan, ‘n aflosser, ‘n helper.
Dit kan baie behels. Die helper se bediening kan ook invloei met diegene wat
barmhartigheid bewys, soos ons daar gesien het in Romeine 12. Baie keer is dit
nodig dat ‘n helper barmhartigheid moet gaan bewys. Die Here wys partykeer
byvoorbeeld: ek dink nou net daaraan, ek kan nie aan die teks dink nie, maar
daar is so ‘n teks wat in hierdie verband staan, dat daar sekere gevalle is waar ‘n
persoon byvoorbeeld deur die duiwel uitgevang is dat hy miskien, sê, sy humeur
verloor het of dalk iets gesê het wat hy nie moes gesê het nie. Dat daardie
persoon nou verskriklik sleg voel daaroor en dat dit baie maklik is in die gemeente
dat ‘n ander een daardie persoon nog verder daaroor afbreek. Hy voel nou
alreeds sleg. Dat ‘n ander een nog meer daarop kan inboor. Maar dat so ‘n
“helper” dan, so ‘n persoon eintlik gaan help deur aan hom liefde te betoon en
barmhartigheid te gaan bewys in sy posisie waar hy miskien al baie skaam voel.
Wonderlike leiding en genade van die Heilige Gees. Nou goed, so gaan die twee
dan saam.
Ek wil net vir u twee vertalings gee. U kan miskien in die lewende briewe, ek het
dit nou nie by my gehad nie, maar u kan miskien in hierdie een kyk in 1
Korinthiërs 12:28. Dit is partykeer nogal mooi.
Moffat sê, dit is ook vir die een wat barmhartigheid bewys, en dus ook ‘n helper is
wat saamval. Hy sê: “the sick visitor must be cheerful”.
En ‘n ander Bybelvertaler A.S.Way sê: “if you come with sympathy to sorrow,
bring God's sunlight in your face”.
Is dit nie mooi nie? Nou waarom ek dit vir u beklemtoon, hierdie bediening is
binne die bereik van ons almal. Elkeen van ons kan die Here vra om vir ons
hierdie bediening in die gemeente te gee. Wat ‘n geseënde bediening kan ons
nie uitvoer nie? Dan kan ons klaar begin voel, ek is nie so ‘n ou niksbeduidende,
“useless” soos die ou duiwel dit vir my wil wysmaak dat ek is nie.
Daar is so baie keer wat die susters sê; “ag ek wens ek was ‘n man”. Dan kon ek
dit of dat in die gemeente doen, maar nou word die susters nie toegelaat om dit te
doen nie, dit is net altyd die broers en so aan. Maar kyk nou net hierdie helpers,
wat barmhartigheid bewys en dus in ‘n groot bediening is. In hierdie helper en
hierdie barmhartigheid is daar partykeer groot lering wat jy moet bring. Daardie
persoon wat miskien ‘n fout gemaak het, of wat siek is, of wat terneergedruk is,
133

het baiekeer ‘n wonderlike lering uit die Here se woord nodig; oor Goddelike
genesing of oor geloof om God te vertrou. Jy sit daar by die persoon. Dit is ‘n
wonderlike bediening onder baie ander, wat jy daarin ook kan uitbring.
Daarom is dit so wonderlik, en ek is so bly vir die broers en susters wat hierdie
Bybel Studies bywoon. Ek voel net baie jammer dat ons hele gemeente deur al
die jare, nog nooit hierdie Bybel Studies ondersteun het nie, soos hulle dit behoort
te doen nie, want in ‘n gemeente, wat ‘n lewendige gemeente wil wees, behoort
elke lid van die gemeente hierdie dinge te leer. Dan kan jy ‘n lewendige en ‘n
wonderlike gemeente wees vir die Here.
Maar nou goed, dit is nou maar so, ons sal dit nie bekla nie, ons sal maar netso
voortgaan. Dit is binne die bereik van ons almal en dit is ‘n geleentheid vir
daardie strome van lewende waters wat die Here Jesus gesê het. Die Skrif sê:
“Hy wat in My glo, strome van lewende water sal uit sy binneste uitvloei.”
Elkeen van ons kan dit hê en dit beoefen.
Kom ons kyk na ‘n paar voorbeelde, en dit is wonderlik, hier kom susters baie
wonderlik in voor.
Ons kyk na Fébé in:
Romeine 16:1-2; (Sy was dus baie definitief ‘n diakones ).
1 Ek beveel by julle aan suster Fébé, wat ‘n dienares is van die gemeente
in Kenchréë,
2 dat julle haar ontvang in die Here, soos dit die heiliges betaam, en haar
bystaan in elke saak waarin sy julle nodig mag hê. Want sy was vir baie
‘n beskermster en ook vir my.
Wat ‘n magtige bediening het hierdie vrou nie uitgeoefen nie!
Dat sy ‘n dienares was van die gemeente in Kenchréë en dat julle haar moet
ontvang en so aan, dat sy ook vir baie en ook vir my ‘n beskermster was. Wat ‘n
wonderlike bediening waaroor ons ook ‘n ietsie meer, nou-nou te sê sal hê.
Priscílla en Aquila in:
Romeine 16:3-4;
3 Groet Priscílla en Aquila, my medewerkers in Christus Jesus,
4 wat vir my hulle lewe gewaag het; nie ek alleen dank hulle nie, maar ook
al die gemeentes van die heidene.
Hierdie man en vrou was die groot apostel Paulus se medewerkers.
Handelinge 18:26-27;
(Dit is nou oor Apollos, wat hierdie man en vrou gedoen het wat as gewone lede
in die gemeente was; hulle was nie pastore of so iets nie, maar kyk wat ‘n
magtige plek het hulle ingeneem).
26 En hy het vrymoediglik in die sinagoge begin spreek; maar nadat Aquila
en Priscílla hom gehoor het, het hulle hom by hulle geneem en hom
noukeurig die weg van God uitgelê.
(so dit is die man en die vrou saam, nie net die man nie, maar ook sy vrou).
134

Dus, hierdie Apollos wat eintlik ‘n magtige leraar was, ‘n geweldige welsprekende
man, (die kerk van hierdie tyd en deur die eeue heen kan vir Aquila en Priscílla
daarvoor dank) wat Apollos geneem het en hom meer breedvoerig die weg
uitgelê het. Ons sien op ander plekke dat hy maar nog net so ver soos die doop
van Johannes geken het. Dit is al wat hy geken het, hy was magtig in die Skrifte,
maar toe neem hulle hom. So ook, broers en susters, u ook, die man en die vrou.
Watter magtige bediening kan julle ook nie hier saam uitvoer nie? Dit sien ons
nou in die 27ste vers:
27 En toe hy wou deurgaan na Acháje, het die broeders hom aangemoedig
en aan die dissipels geskrywe om hom te ontvang. En daar aangekom,
was hy deur genade die gelowiges tot veel nut;
Maar hy sou nie vir hulle tot veel nut kon wees nie, as Aquila en Priscílla nie eers
sy pad langs gekom het nie. Is dit nie wonderlik nie? Die man en die vrou, saam.
Ek weet, en baie ander weet hoe wonderlik geseënd dit is waar die man en die
vrou baie keer, so saam, ‘n wonderlike werk vir die Here kan uitvoer. Hoe die
man en die vrou mekaar kan aanvul en vir die Here ‘n groot en ‘n magtige
bediening kan uitvoer. Prys die Here!
Helpers, vermaners, barmhartigheidsbewysers en so aan.
1 Korinthiërs 16:19;
(Dit het nog met Aquila en Priscílla te doen, en ek wil nog ‘n hele paar ander
broers en susters uit die woord uitneem om vir u te wys wat hulle gedoen het).
Die gemeentes van Asië groet julle. Aquila en Priscílla saam met die
gemeente wat in hulle huis is, laat vir julle baie groete weet in die Here.
Nou kan jy jouself goed voorstel: hier is ‘n man en ‘n vrou. Hulle het die magtige
Apollos geneem en hom meer breedvoerig die weg van die Here gewys. Hier is
die gemeente in hulle huis. Soos ons, ons kan voorstel, in daardie dae waar die
gemeente maar nog vervolg was, mense was arm, dit is seker maar hoe hulle die
gemeentes gehad het, in die huise. Hulle was versprei, hulle het nie motorkarre
of vliegtuie en sulke goed gehad nie. So, hulle het seker maar die klompies so in
die omgewing bymekaar gehad, en daar was die gemeente.
Van watter onskatbare waarde was hierdie man en sy vrou, vir Paulus en al die
bedienaars van die Here met die groot bedieninge van apostel, profeet en soos
Apollos toe geword het, leraar, wat toe rondgereis het en van tyd tot tyd natuurlik
net by hulle aangedoen het. Maar in die tussentyd het hierdie man en vrou die
gemeente wat in hulle huis was, aan die gang gehou.
Die man en die vrou, (die vrou was ook in staat om God se woord te leer) was in
staat om Apollos, en dus natuurlik elkeen wat in daardie huis gekom het, om hulle
te neem en vir hulle te leer, maar so op die bank, miskien in die kombuis, by die
tafel, of in die eetkamer by die tafel, by ‘n ou lampliggie of waar ook al. Jy kan
sien met die vinger op die woord. “Sien jy broer dit is wat God beloof het, dit is
wat God berei het. Sien jy, so moet die liggaam van Christus wees”. Dink net
135

yvoorbeeld aan selfs die susters hier, wat kan julle nie al alles vir mense leer
nie!
Daar is nou juis ‘n kwessie van: ek moet nou daar op die platform staan en in die
kalklig wees om vir God iets te beteken. Nee, dit is juis hierdie , ek kan amper sê,
van mond tot oor bediening wat van die grootste krag is. Ek onthou ek het
eenkeer gelees van die magtige Spurgeon, die prediker wat ‘n illustrasie maak,
en hy kon baie goed sulke dinge doen, wat wil wys van die verskil tussen die
massa bediening en die persoonlike bediening.
Hy sê toe, as jy ‘n klomp bottels het en jy wil hulle vinnig vol maak met water, hoe
gaan jy hulle vol kry? Hy sê; sit hulle daar neer en vat nou ‘n skottel met water en
skiet dit so oor hulle. Hoe lank sal jy dit doen voordat daardie bottels vol is? Hy
sê, maar as jy elke bottel by sy nek vat en met die beker ingooi, dan gooi jy hulle
almal gou-gou vol. Prys die Here!
As die susters en die broeders almal dan - - - -
(daar is die apostel met sy openbare bediening en die profeet ensovoorts, maar
hierdie, soos hulle in die boksterme baie keer gebruik, die “in fighting”),
- - - - die persoonlike volmaak kan doen. Loof die Here!
Daarom moet ons nie sê “ag nou wel, dit is die ouderling, hy is daar, die pastoor
is daar”. Nee, sien u hoe u hierdie studies moet inneem, en hoe u tot die Here
moet bid, en op die regte tyd, sal die Heilige Gees die persoon wat ook na u huis
toe kom, of na wie se huis u toe gaan, wat ‘n helper kan u nie wees nie! ‘n Fébé
of ‘n Priscílla en ‘n Aquila.
Kom ons kyk na Nimfas in:
Kolossense 4:15;
(Sommer maar net name wat genoem is, maar ek het baie groot respek vir
sommer net hierdie een ding wat partykeer genoem is, een naam en dan nooit
weer daarna nie.)
Groet die broeders in Laodicéa en Nimfas en die gemeente wat in sy huis
is.
Hier is weer ‘n ander broeder, hy het weer ‘n gemeente in sy huis gehad. Ek sou
my voorstel ‘n klompie weer in sy omgewing. Dit was hulle bymekaarkomplek, en
soos een Bybel leraar dit gestel het, en ek dink ek sal met hom saamstem, lyk dit
asof hierdie mense, wat hier genoem is, miskien bietjie meer van die gegoede
broeders was; van die wat tot bekering gekom het; miskien ‘n bietjie groter huis,
miskien ‘n bietjie groter voorvertrek en so aan.
Miskien ook ‘n broeder wat darem soos hulle in daardie dae vervolg was en soos
hy sê, ons naak was en ons goed is gekonfiskeer, wat miskien ook sulke mense
in sy huis kon neem en hom ook kon versorg, ook met voedsel en kleding en hom
sommer dan ook kan leer en dan die werklike lewende voedsel van die Here kon
gee. Maar ons sal nou-nou so ietsie meer daaromtrent sien.
136

Kyk na Filémon self in:
Filémon 1:2;
En aan Appia, die geliefde suster, en aan Archíppus, ons medestryder, en
aan die gemeente wat in jou huis is:
Dit is in Filémon se huis.
Nou, vir my ‘n baie wonderlike ou versie omdat ek een keer ‘n wonderlike preek
daaroor gehoor het.
Dit is “die broeder Quartus” in:
Romeine 16:23;
(Ek dank die Here vir daardie preek wat ek gehoor het oor hom. Ek het gedag
toe die pastoor dit lees, wat gaan hy nou hieroor te sê hê. )
Gajus, my gasheer en ook van die hele gemeente, groet julle. Erástus,
die penningmeester van die stad, en die broeder Quartus groet julle.
Weet u wat was sy teks?
Sy teks was “die broeder Quartus”, en ek dag nou wat gaan hy daaroor sê, toe
wy hy uit oor ‘n broeder -- die broeder Quartus. Hoekom noem hy die broeder
Quartus? Daar was baie broers. Maar hoekom die broeder Quartus? Nou moet
u self ‘n bietjie dink. Ek gaan nie daardie preek herhaal nie, dit sal te lank neem.
Wat ‘n broeder, ‘n werklike broeder in ‘n gemeente kan beteken, wat ‘n broeder
vir ‘n leraar kan beteken. Hy vertel hoedat hy hartseer was en sy neerlae gely
het. Onthou net dit, ons is nog besig met die bedieninge. God het hulle in die
gemeente gestel, ook die helpers.
Dus, ook ‘n ware broeder is ‘n gawe van God in ‘n gemeente. Hoedat die
broeder hom partykeer geneem het en gesê het, ou pastoor, ek sien jy het ‘n
neerlaag gely. Kom laat ons saambid. Kom laat ek jou troos. Kom laat ek jou
bietjie êrens heen uitneem en laat staan ‘n bietjie waarmee jy nou besig is. Al
bring hy vir hom ook net ‘n klein botteltjie konfyt. Daar is niks waarde daarin nie,
maar net die liefde waarmee dit gegee word. Hy het dit nou maar net so genoem,
en bedagsaamheid... Hy sê, die broer was so bedagsaam in die fynste dingetjies,
dinge wat hy gemerk het, wat sy verstand en sy waarnemingsvermoë nie vir hom
sou kon gewys het nie. Net die Heilige Gees en die liefde natuurlik waarin alles
gewerk moet word.
Net om ‘n broeder te wees, net om ‘n suster te wees, in ‘n gemeente in die Here,
is ‘n gawe van God. Nou, ons kan almal broeders wees, ons kan almal susters
wees. Die Here kan vir ons daar stel, en u siel sal gevul word met vettigheid
wanneer u die bediening van die suster en van broeder uitvoer. Die hemel sal bly
wees, die gemeente sal gevoed word. Die broeder Quartus - - - -
Goed, ons gaan aan. Nou soos ek gesê het, soos hierdie leraar dit ook sê,
waarvan ek in sy boek gelees het en wat dit vir my lyk, waar kan wees: Hy sê
hulle was heel moontlik, en dit was hierdie mense wat die gemeentes in hulle huis
gehad het, hulle was heel moontlik onder die meer gegoede lidmate.
Dit bring ons dan nou by die volgende bediening.
137

8) Die uitdelers.
Romeine 12:8;
of wie vermaan, in die vermaning; wie uitdeel, in opregtheid; wie ‘n
voorganger is, met ywer; wie barmhartigheid bewys, met blymoedigheid.
Nou wil ek by ‘n baie wonderlike bediening kom, u sal nou sê, wat kom nou hier
uit:- die uitdelers. Ons beskou die bediening van om te gee, nie genoeg na
waarde as ‘n gawe van die Here nie. Laat ek net eers weer vir u die vertaling
lees van sekere A.S. Way: “He who has wealth to distribute, must do it without
affectation.”
1 Korinthiërs 13:3; (Die wonderlike hoofstuk oor die liefde)
En al sou ek al my goed uitdeel, en al sou ek my liggaam oorgee om
verbrand te word, en ek het die liefde nie, dan sou dit my niks baat nie.
Nou, die Here Jesus sê dit is makliker vir ‘n kameel om deur ‘n naald se oog te
gaan, as vir ‘n ryk man om in die koninkryk van God in te gaan. Dit het die Here
Jesus gesê na aanleiding van daardie ryk jongman, toe hy gevra het, “Here wat
moet ek doen”, toe sê die Here vir hom uiteindelik “dan moet jy al jou goed gaan
verkoop en jy moet dit aan die armes gee en jy moet kom en My volg.” Toe gaan
daardie ryk jongman bedroef weg omdat hy baie besittings gehad het, toe sê die
Here Jesus dit.
Nou kry jy ook in die gemeente die gegoede mense, geld is nou maar so; die
persoon wat gegoed is en wat geld het, en die Here nog werklik dien in liefde en
in nederigheid, is een van die grootste gawes wat jy in ‘n gemeente kan kry. ‘n
Persoon wat ryk is, en God nog werklik dien met sy goed en nederig bly, is ‘n
persoon, as ek dit so mag noem, wat ons bewondering werd is, want dit is ‘n
gawe van God.
Wat jy gewoonlik kry in ‘n gemeente is die persoon wat baie ryk is en wat alles wil
regeer. Hy is die ene; hy gee die grootste tiende, hy het heel moontlik ‘n groot
deel van die kerk se gebou betaal; heel moontlik die orrel geskenk, dalk die matte
in die kerk. Nou wil hy en sy vrou die aansien daarvoor hê. Maar, dié man en dié
vrou, wat daardie dinge doen, maar dit in nederigheid doen, en nie omgee om die
deurwagter te wees nie, is in baie opsigte ‘n groter gawe as die gawe van die
herder, of die apostel of die leraar of die evangelis.
Maar nou wil ek verder gaan as dit, afgesien daarvan of jy baie geld of goed het
of nie. Onthou die wat uitdeel in opregtheid; om ‘n behoefte te sien by iemand,
dalk geld, of ‘n pak klere of ‘n rok of ‘n paar skoene. Om te kan sien wie dit nodig
het en hoe en wanneer dit gegee moet word, het jy ‘n fyn oor nodig om die stem
van God te hoor. Dit is ‘n wonderlike gawe, dit is ‘n gawe van God, om te hoor,
dat die Here vir jou sê; gaan help daardie een. Dit is ‘n wonderlike bediening.
Ek is seker daarvan, dat as ons meer van hierdie bediening gehad het en elkeen
van ons dank die Here, ons hét iets om te gee. Al sal dit dan ook net ‘n handdruk
138

wees. Ons het iets om te gee, om dit te gee, onder die leiding van die Heilige
Gees. Onthou, ons is besig met die bedieningsgawes wat daar gestel is deur
God, ook hierdie gedeelte het ons gesien in:
Romeine 12:6;
En ons besit genadegawes wat verskil volgens die genade wat aan ons
gegee is:
Dit is genadegawes wat gegee is, so ook selfs dit wat jy het om te gee, om uit te
deel, dit is ‘n genadegawe van God. Dit is maklik, daar is goedhartige mense wat
onbekeerd is, wat baie goed doen, maar sy goed doen is nie onder die leiding van
die Heilige Gees nie. Die Heilige Gees is nommer een in hierdie saak. Ek hoop u
kan my punt insien, wanneer dit gedoen word onder die leiding van die Heilige
Gees, het dit ‘n magtige betekenis. Dit is nie net die ontmoeting van ‘n tydelike
behoefte nie, maar dit is ‘n boodskap van God.
As ‘n persoon nou ‘n groot behoefte het en daardie persoon het gebid en
uitgeroep tot God, maar niemand het daarvan geweet nie en hier is jy in jou
binnekamer en die Here sê vir jou, gaan na daardie adres, daar is ‘n behoefte;
omdat jy in kontak met God was, omdat jy die Heilige Gees op jou gehad het. Dit
is miskien net op daardie oomblik wat daardie persoon nie meer verder kon nie
en jy draai die deur oop. Hier stap jy in met miskien kruideniersware, dit is dalk
wat nodig is. Dink net wat dit vir daardie persoon se siel beteken, en watter
geleentheid jy dan in daardie persoon sal hê om saam te bid, om nou eintlik, die
werklike kos uit te deel, naamlik: die voedsel van die woord.
Is dit nie pragtig nie! Is dit nie wonderlik nie! Dink u nie ons behoort vir die
blydskap en voedsel vir ons eie siele, vir die Here te vra en te sê; “Here, gee my
meer van hierdie gawe, gee my ‘n meer besnede oor”. Watter heerlike waarde
sal, byvoorbeeld ‘n Rand, partykeer in jou hand hê wat gegee word op die regte
manier op die regte tyd; ‘n antwoord op die stem van God. Ek hoop u het dit
begryp. Vir my is dit wonderlik, want wanneer dit by sulke dinge kom, sal die
Satan jou nog meer probeer doof maak of mislei, as enigiets anders.
9) Die gawe van bediening.
Ons gaan nou bietjie verder voort.
Die ander gawe in Romeine 12:7; (wat ons nader wil bekyk).
is dit profesie, na die maat van die geloof; of bediening, in die werk van
die bediening; of wie leer, in die lering;
Wat is dit?
Nou, soos ek vir u gesê het, die Griekse woord daarvoor is “deakonos”, waar ons
woord “diaken” vandaan kom. Dit het dié betekenis, in die sin van die diakens
soos Stéfanus, die sewe wat gekies was in die tyd van die apostels, in die
bediening van die heilige dinge van die Here. Ons het almal eintlik deel daarin op
een of ander manier. Die apostels het in ‘n besondere wyse ook daarin deel
gehad, ook wat dit betref.
139

Ek wil vir u net twee verse wys om my punt te illustreer:
1 Korinthiërs 3:5;
Wie is Paulus dan, en wie Apollos anders as dienaars deur wie julle
gelowig geword het? En dit soos die Here aan elkeen gegee het.
So, Paulus noem homself en Apollos ook maar net dienaars.
Efésiërs 3:7;
waarvan ek ‘n dienaar geword het, volgens die gawe van die genade van
God wat aan my gegee is ooreenkomstig die werking van sy krag.
Kan u die magtigheid van die woorde alreeds hierin sien?
‘n Dienaar volgens die gawe van die genade van God wat aan my gegee is
ooreenkomstig die werking van sy krag.
Wanneer die krag van die Here op ons werk, wat ‘n magtige diaken kan ek wees.
Ek bedoel nou nie in die sin van ons, soos ons dit in ons kerke vandag het, dat
die diakens gekies en deel van die kerkraad is nie. Ek bedoel in die sin van
bediening. Waar elkeen van ons soos Fébé, sy was ook ‘n dienares, sy was ‘n
“deakonos”, maar in die krag van die Heilige Gees.
Hierdie punt moet ons tog nooit uit die oog verloor nie. U moet meer daaroor
dink. U moet bid, as ek nie daarin geslaag het om dit vir u mooi uit te bring nie.
Dit is alles in die Heilige Gees. Daarin werk dit. Daarin het dit sy krag. As jy ‘n
helper is en hier ook nou weer ‘n bediening in die Heilige Gees is, wat ‘n heerlike
waarde en ‘n krag het dit nie. Dit is wat die Here nodig het in sy gemeente.
Dus sê ek hier, so is ons almal dienaars. Hier wil ek dit nou baie beklemtoon. In
die gemeente van die Here, is daar geen groot broers nie. U hoor baie keer
wanneer hulle praat van die Uitvoerende Raad. U wat miskien nog nie baie lank
in Pinkster is nie, dalk het u dit nog nie gehoor nie. Maar dit is nou ‘n ding wat jy
baie in Pinkster hoor. Die groot broers, dit is nou die Uitvoerende Raad van die
beweging. Die groot broers het so besluit. In die liggaam van Christus is daar
geen groot broers nie. Ons is almal dienaars.
Kyk na die voorbeeld van Hom wat vir ons voorbeeld nommer een is.
Matthéüs 20:27-28; (laat ons dit baie goed onthou, daar is geen groot boers nie,
ons is almal dienaars).
27 En elkeen wat onder julle die eerste wil word, moet julle dienskneg wees;
28 net soos die Seun van die mens nie gekom het om gedien te word nie,
maar om te dien en sy lewe te gee as ‘n losprys vir baie.
So moet ons dan die gesindheid van Christus in ons eie lewens hê.
Soos Hy ook vir ons sê; wat u seker baie goed ken, want dit is sekerlik een van
die wonderlikste in die Bybel.
Filippense 2:5-8;
5 Want hierdie gesindheid moet in julle wees wat ook in Christus Jesus
was.
6 Hy, wat in die gestalte van God was, het dit geen roof geag om aan God
gelyk te wees nie,
140

7 maar het Homself ontledig deur die gestalte van ‘n dienskneg aan te
neem en aan die mense gelyk geword;
8 en in gedaante gevind as ‘n mens, het Hy Homself verneder deur
gehoorsaam te word tot die dood toe, ja, die dood van die kruis.
Dit is wonderlik wanneer die Here sy gemeente in die plek het waar Hy hom wil
hê. Nie een is ‘n groot broer of suster nie. Ons is almal dienaars. Ons is
dienaars in die eerste plek van die Here Jesus, in die tweede plek dienaars van
mekaar. Daardie gesindheid moet altyd in die gemeente wees, dan sal die Here
dit seën en die gemeente sal sy doel bereik.
Filippense 1:1;
Paulus en Timótheüs, diensknegte van Jesus Christus, aan al die heiliges
in Christus Jesus wat in Filíppi is, saam met die opsieners en diakens:
Die dienaars dan, nou meer in die besondere sin van die woord waarby ons ook
wil kom.
1 Timótheüs 3:8-9; (waar hy spesifiek van die diakens praat).
8 Net so moet die diakens waardig wees, nie uit twee monde spreek nie,
nie verslaaf aan wyn nie, geen vuil gewinsoekers nie,
9 manne wat die verborgenheid van die geloof in ‘n rein gewete hou.
Romeine 16:1;
Ek beveel by julle aan om suster Fébé, wat ‘n dienares is van die
gemeente in Kenchréë,
(dieselfde wat die diakens uit vertaal is).
Hierdie bediening, meer spesifiek belas soos dit nou met die Bybel was, met die
geld, die aalmoese van die gemeentes en die sorg van die armes en die siekes;
wanneer ons dit nou meer in sy spesifieke sin gebruik, maar ook in die breër sin,
soos ek vir u gewys het, ons is almal mekaar se dienaars.
10) Die Vermaners.
Romeine 12:8;
of wie vermaan, in die vermaning; wie uitdeel, in opregtheid; wie ‘n
voorganger is, met ywer; wie barmhartigheid bewys, met blymoedigheid.
Ek wil nou nie die oortreffende trap gebruik nie. Ek het dit al so baie gebruik om
te sê ek dink hierdie is die wonderlikste teks en daardie is die moeilikste ding om
te doen. Ek het nou al ‘n paar sulkes genoem. So, u moet my maar verstaan wat
ek daarby bedoel.
Maar een van die moeilikste bedieninge is om te vermaan. Dit is nie maklik nie.
Jy het waarlik die Gees van die Here nodig om te kan vermaan. Veral as jyself in
‘n ding betrokke is. Jou menslike natuur is maar te geneig tot “wag ‘n bietjie, ek
sal hom kry” en “ek sal hom wys hoe onchristelike hy was, ek sal hom ‘n bietjie
wys waar hy die wette van die Here oortree het”, “ek sal hom wys dat hy nou ‘n
verkeerde ding gedoen het”.
141

Jy het ‘n baie ernstige kontak met God nodig voordat jy gaan om te vermaan,
want jy moet baie nederig wees. Jy moet absoluut, amper nog meer wil ween as
die ene wat jy gaan om te vermaan want jy moet in die nederigheid van die Here
Jesus gaan.
Want volgende keer is dit weer jy. Wie van ons is volmaak? Wie van ons oortree
nie? Wie van ons sal sê “ek sal vir die res van my lewe nooit weer vermaning
nodig hê nie?” Nie een van ons nie. Vandag is dit ek wat jou vermaan, môre is
dit jy wat vir my moet vermaan. Ons het die Gees van die Here nodig.
Weer beklemtoon ek dit, ek hoop u is nie verveeld nie, onthou dit is een van die
bedienings van die Here, ook vermaning, dit is nie sommer ‘n gewone ding nie.
Vermaning, dit word net hier as ‘n spesifieke bediening genoem. Dit is gewoonlik
onontbeerlik in elke en enige ander bediening, soos ek gesê het, ons het dit
gedurig nodig want ons het almal vermaning nodig. Meer spesifiek is hierdie
bediening van die vermaning ook nodig veral met die oog op aanmoediging,
bemoediging, vertroosting of aansporing. Ons het baiekeer nodig om mekaar aan
te spoor en daarvoor het ons die genade van die Here nodig.
Ons is almal partykeer geneig om ‘n bietjie te verslap. Ek weet nie of u met my
saamstem nie, maar ek voel die evangelie stel hoë eise aan ons. Die liggaam
van die Here Jesus stel ‘n hoë eis en dit is nie maklik om daardie pas vol te hou
nie. Ons het maar almal partykeer die neiging om te verslap. Dan het ons nodig
om mekaar te vermaan; mekaar aan te spoor. Maar om dit op so ‘n manier te
doen, dat ons nie meer kwaad as goed sal doen nie. As ek klaar is met die
vermaning, dat my broer of my suster wat ek vermaan het, sommer weer
bemoedig voel. Sommer weer sterk sal voel, om aan te gaan met die dinge van
die Here, dan het ek in my doel geslaag. Dan was daardie bediening van my
suksesvol.
Maar as ek hom meer afgebreek het deur my vermaning soos ek gedink het wat
ek hom gaan bring, dan sou dit beter gewees het, dat ek nie naby daardie
persoon was nie. Die element van aanmoediging, bemoediging, vertroosting en
aansporing moet in hom voortgesit word. Baie keer het ‘n persoon verslap omdat
hy hartseer voel oor ‘n ding, teleurgesteld, miskien verslae, vernederd, voel hy het
‘n mislukking gemaak.
Al die dinge gebruik die duiwel om jou te laat verslap. Nou moet die een wat
vermaan, dit is ‘n genade van God, daardie ding so regmaak dat daardie persoon
heel uitkom aan die ander kant. Hoë eise, maar dit is wonderlik. Hy wat roep, is
getrou. Hy sal dit ook doen. Sommige besit hierdie gawe beter as ander en
alhoewel ons dit almal met mekaar moet doen, is daar sekeres wat ek glo wat ‘n
spesiale gawe ook in hierdie opsig besit.
Ek dink so ‘n man was Bárnabas.
Handelinge 4:36; (As ons hierdie dinge begin insien en daarna begin strewe en
daarvoor bid, hoeveel “Bárnabasse” sal die Here uit ons midde kan opwek).
142

En Joses wie sy bynaam onder die apostels Bárnabas was -- wat as dit
vertaal word, beteken seun van vertroosting -- ‘n Leviet, van geboorte uit
Ciprus,
Ek sien hierdie Joses. Die Here het vir hom so ‘n wonderlike gawe gegee van
vermaning, dat hy so ‘n heilsame uitwerking gehad het op sy mede-broers en
susters dat hulle hom toe verdoop het na Bárnabas. So, hierdie Joses, as hy by
my kom, wanneer hy met my klaar is, is ek sommer vertroos. Ek voel sommer
weer lekker. Sy naam is nou Bárnabas. Sy naam is nou seun van vertroosting
Dink u nie dit sal goed wees as ons so ‘n naam kry nie?.
Ek is so bly, u weet, kyk God se woord, as hy vir ons so oopgemaak word, dank
ek die Here vir ‘n Bybel Studie; daarom dank ek die Here vir ‘n lering uit sy woord.
Kyk, lering uit sy woord maak tog God se woord oop. Die Bybel sê; “geloof kom
deur die gehoor, en gehoor deur die woord van God”.
Nou, as ek hierdie dinge hoor, dit is God se woord, dan wek dit by my ‘n begeerte
op. Ek wil sommer graag nou Bárnabas wees. Die Here het nou ‘n begeerte by
my opgewek. Ek het sommer ‘n lekker gevoel hier in my hart toe ek dit nou so sê.
As ek by iemand was en ek weet, as ek van hom weggaan, het ek hom sommer
vertroos. Daar is sommer weer ‘n lig in die oë. Daar is sommer weer nuwe moed
om op te staan en deur die genade van die Here kon ek dit vir daardie een doen.
Ek is sommer lus daarvoor, noudat ek dit weer gehoor het. Net so met baie van
die ander dinge. Nadat ons dit gehoor het, kan ons nou daarna strewe.
As u hierdie Bybel Studie sou neem, ek weet nou nie of ek ‘n fout maak nie, maar
ek dink daar is baie van hierdie dinge wat u nooit aan gedink het soos ek dit nou
vir u gestel het nie. Baie van die dinge wat u nooit só van gehoor het nie, dan
sou u ook nooit daarvoor gestreef het nie, want u weet nie daarvan nie. Maar nou
weet u daarvan, nou is daar geloof by u opgewek, nou is daar ‘n begeerte by u
opgewek om dit te hê. Daarom glo ek dat die Here vir u dan nou bevoordeel het
deur hierdie Bybel Studie. So word die liggaam van Christus dan gebou.
Daar is geen vaste reëls of kompartemente in hierdie dinge nie. Hulle is dikwels
met mekaar vermeng -- die vermaner, die bediening en die uitdeler. Soos ek
netnou gesê het; die gemeente in jou huis. Die persoon wat jy na toe gaan, die
Here het nou van jou ‘n uitdeler gemaak, vir daardie oomblik. Die Here het vir jou
iemand se behoefte geopenbaar en omdat jy in die gebed en in die Gees was,
het die Here dit vir jou gewys. Nou kom jy by daardie persoon, maar nou het die
Here sommer vir jou ‘n ander wonderlike deur oopgemaak dat jy sommer lering
kan bring.
Is dit Salomo wat sê, êrens in die Spreuke: hy sê; “‘n geskenk maak die hart oop”
of iets van die aard. Dit is waar, jy kry ‘n wonderlike geleentheid. So is die dinge
baiekeer met mekaar gemeng en smelt die een in die ander. Soos byvoorbeeld
nou Bárnabas is nie al wat hy was nie, hy was nie net ‘n seun van vertroosting
nie, hy het baie ander wonderlike dinge ook gehad.
143

Die gemeente is dus nou voorsien van ‘n verskeidenheid van bedieninge, genoeg
om in elke behoefte te voorsien. Dit berus dus by elke individu om sy of haar
besondere gawe van die Here te ontvang en te bedien tot die maksimum in liefde
vir die gemeente, maar om dit uiters prakties te hou sodat dit resultate kan lewer,
anders wat help dit?
Mag die Here vir elkeen van ons aanspoor dat ons sommer nou bemoedig en op
en wakker sal wees, en sal sê; “ag Here, ek is so bly dat ek nou gehoor het, daar
is ook ‘n plek vir my, ‘n bediening vir my. Daar is meer as genoeg wonderlike
veld vir my, meer as wat ek ooit kan hanteer.”
Maar nou, hoe word hierdie bedieningsgawes in die gemeente gestel en
aangewys? Hoe sal ek nou weet: - wie is ‘n apostel, wie is nou profeet, wie is nou
herder, wie is leraar en wie is evangelis? - - - -
Ek dink u sal met my saamstem, as ons dan die visie gekry het van die liggaam
van Christus, dan sal ek nie net graag hierdie dinge wil weet nie, maar ek sal ook
wil weet, hoe weet ek presies wie ek is. Hoe sal die gemeente weet, wie wat is.
Hoe word dit nou saamgestel? Ons sal dit graag wil weet, en ek dink ons behoort
dit te weet. Die kerk het so vér agtergeraak, vanaf die patroon van hierdie vroeë
primitiewe kerk, soos ons van hom lees in die Bybel. U sal met my saamstem dat
die Bybel praat sonder aandoenery; sonder stremming praat hy van apostels,
profete, leraars. Dit is die mees doodnatuurlike ding in die handelinge en in die
sendelinge se briewe, hulle praat daarvan.
Vandag in die kerk, wat het jy? Gaan praat jy vandag van die apostel, die
profeet. “O nee, hoor hierso, ek wil met daardie goed niks te doen hê nie”.
Soveel te veel dat die duiwel selfs ingekom het, byvoorbeeld; “die twaalf apostels
beweging”, met hulle apostels en profete. Dat hulle vir hulle die dinge
aangematig het en dit so verdraai het dat die gewone mens nog minder daarmee
iets te doen wil hê. So maak die Satan, hy probeer inkom dan met dit wat eintlik
aan God behoort, om dit so te vertroebel en dit so te korrup dat dié wat na die
egte soek, niks daarmee te doen wil hê nie.
Dit behoort vir ons in die gemeente, want die patroon is tog in die Bybel, die mees
doodnatuurlike dinge te wees om apostels, profete, herders, leraars, evangeliste,
bedieninge, vermaners, helpers en al hierdie ander wat ons genoem het, te hê.
Dit behoort baie duidelik uitkenbaar te wees, en hoe maak ons? Nou ja, ek sal vir
u probeer die bietjie hulp gee wat ek kan. Ons moet nog meer daaromtrent bid,
dat die Here dit vir ons sal vermeerder, want dit is iets wat doodgegaan het en
wat werklikwaar moet terugkom.
Baie mense sê dit is natuurlike gawes wat geheilig word. ‘n Persoon het
besondere talente en dan kon die Here dit mos gebruik tot Sy eer. Ek wil nie veel
daarop ingaan nie, want ek dink u sal met my saamstem, dit is nie wat tér sprake
144

is nie. Dit is nie ‘n kwessie van ‘n persoon wat nou voel hy wil predikant word,
laat ek maar praat in terme van wat ons kan verstaan, nou sal hy gaan leer en hy
het baie eerlike bedoelings met God. Hy sal nou sy geleerdheid en alles wy en
opdra aan die Here. Maar dit werk nie so nie, onthou dit sê: “God het dit gestel
in die gemeente”.
Dit is nie ek wat kan besluit nie, dit is die Here wat dit stel in die gemeente. Jy
moet op die Here wag, elkeen, of dit helpers is of wat ook al. Soos u gesien het,
daar is party dinge wat elkeen van ons kan doen. Maar ek moet nogtans op die
Here wag, soos byvoorbeeld met die uitdeel. Ek kan nie nou sommer net, ek sien
hierdie broer of suster is behoeftig, ek sal sommer vir hom R10 in die hand druk
nie. Ons kan partykeer ‘n baie groot fout so maak. Dit moet onder die leiding van
die Heilige Gees wees. Ek gaan nou nie daarop in nie.
Ons moet kyk na die bonatuurlike sy van die saak. Hoe kan ons die bonatuurlike
element onderskei? ‘n Persoon kan nie nou sommer gaan sê ek is ‘n apostel, of
‘n leraar ,’n herder ensovoorts nie. Dit is die Here wat dit daar moet stel. Nou
hoe gebeur dit?
In die grondwet van ons groepie, as u dit nie kan onthou nie, dan kan u dit weer
lees. Toe ons die groepie dertien jaar gelede begin het, toe het ek dit so gestel:
Ek sê ons erken die bedienings van die apostel, die herder, die leraar, die
evangelis ensovoorts. Maar daardie bediening in daardie persoon moet homself
so uitwys, dit moet homself so openbaar dat dit nie vir daardie persoon nodig is
om te sê ek is ‘n apostel en hier is ‘n profeet of dit of dat nie. Dat jou bediening
dit sal bewys en almal sal sê; hy is dit, of hy is dat, ensovoorts. Dit is tog prakties,
soos die Engelse sal sê “the proof of the pudding is in the eating”. Ek glo dit is
hoe die Here ook werk.
Apostels en profete se bedieninge is maklik om uit te ken wanneer hy dit het,
maar dit is nie altyd so maklik met die evangelis of die herder, of die leraar nie.
Dit is maklik met die genadegawes van gesondmaking en allerhande tale. Jy sien
hom of jy sien hom nie. Maar dit is nie so maklik om te sien wie het die gawe van
regeringe en helpers en bedieninge en vertroosting en vermaning en so aan, nie.
Maar die punt wat belangrik is, die bonatuurlike element moet altyd daar wees.
Dit is vereiste nommer een.
Nou, die fout wat die Korinthiërs gemaak het is dat hulle net gesoek het na die
uiterlike. Daar moes die tale gewees het, daar moes die demonstratiewe gewees
het. Met die gawes van die Here werk dit nie altyd so nie. Dit is nie net die dinge
wat uiterlik is nie. Dit is ook daardie dinge wat in stilte werk. Daar is die dinge
wat die Here aan jou openbaar. As iemand vir jou vra nou hoe, dan sal hy sê ek
weet nie. Die Here het dit net vir my gewys, maar jy sal sien dit het gewerk of dit
het nie gewerk nie. So sal dit in die gemeente deurwerk.
Maar miskien is dit nie vir u baie duidelik nie, maar ons gaan maar voort en dit sal
ontplooi. Die bonatuurlike is onafskeidbaar van die bedienaar se doping in die
145

Heilige Gees, in die openbaar en in sy privaat lewe. Ek glo dat om hierdie
bedienings in jou lewe te hê, moet jy die doping in die Heilige Gees hê, want
dit is die Heilige Gees wat dit in jou bewerk.
Nou kom die Heilige Gees, en wanneer jy gedoop is in die Heilige Gees, ek weet
almal stem nou nie presies met my hieroor saam nie, u moet ook maar kyk wat u
daarvan dink. Maar ek glo nog altyd, wanneer jy gedoop word in die Heilige
Gees, dan gee die Here vir jou die gawes in embrio. As die Heilige Gees op jou
kom, kan ek nie sien hoedat die Heilige Gees kom sonder sy gawes nie. Maar
nou moet jy die Here bid dat Hy dit in jou sal ontwikkel en dit sal laat uitkom,
dus ook jou geloof. Wanneer die gawes in jou begin werk, dan glo ek, openbaar
daardie gawes jou bediening.
Byvoorbeeld die bediening van die apostel. Die tekens en wonders moet daar
wees in ‘n apostel se bediening. Daar moet die bedieningsgawe van regeringe
wees. ‘n Apostel moet weet hoe om ‘n gemeente te vorm, te konstitueer, in
werkende orde te kry en soos hulle in Engels sê “as a working unit” dan te
oorhandig aan die pastoor of wat ook al en daardie gemeente is gevorm met sy
ouderlinge en sy diakens en sy herders, hy funksioneer op homself. Dan gaan hy
en hy stig dit weer op ‘n volgende plek. Hy moet sekere gawes hê. Dit sal van
hom ‘n apostel maak.
Dit sal nie vir ons help om te sê, ons stel nou broer so en so aan as apostel in die
beweging nie. Jou aanstelling en noem van hom as ‘n apostel gaan nie van hom
‘n apostel maak nie. Die gawe wat hy ontvang, dit maak hom ‘n apostel. Dit is
ook hoe ons dit in ons konstitusie gesê het. Wanneer daardie persoon homself
bewys as dit of dat, dan sal ons so ‘n persoon erken.
Dieselfde met jou herder, hy het sekere gawes nodig. Ons het dit behandel,
daardie gawes sal van hom ‘n herder maak. n leraar, ‘n evangelis ensovoorts.
Jou evangelis, soos ons gesien het, hoe hy definitief die tekens en die wonders
moet hê. Hy moet definitief die gawe hê om mense deur die prediking van die
Here se woord te laat uitroep: “Manne, broeders, wat moet ek doen om gered te
word?!” Is daar so ‘n broer in ons gemeente?, dit moet ons visie wees, ‘n land lê
nog voor, moet ons die geleentheid skep vir broers in die gemeente om sy
evangelistiese bediening in die gemeente te bewys.
Dat hy sal bid vir die siekes en dat die Here op ‘n kragdadige wyse die siekes sal
gesond maak. Dat hy die geleentheid sal kry om die Here se woord te preek, op
so ‘n manier, dat dit mense se harte sal neig om te sê “wat moet ek doen om
gered te word?” Dat die gemeente natuurlik, omdat hulle almal ingelig is en op en
wakker is omtrent die geaardheid van die liggaam van Christus en al hierdie
dinge, waaroor gepraat is in die gemeente, op die uitkyk sal wees om te
bemoedig en op te bou, en op daardie manier die liggaam van Christus te
bevorder en die koninkryk van God uit te brei, dat ons die Here sal vra vir so ‘n
oog.
Elke ding begin maar klein, dat ons sal sien daardie broer het ‘n gawe van die
Here en as dit so is, dat ons hom sal aanmoedig. As so ‘n gemeente begin sê;
ons moet hom uitstuur en sê: “Broer, ons sal by jou staan, sal die persoonlike
146

werk doen, gaan uit, ons bid vir jou. Wat onkoste betref, ons voel die gemeente
moet voorsien. Gaan preek op Heilbron of Heidelberg” ensovoorts. Ek glo dat as
ons, ons visie dan nog kry en ons verstaan hierdie dinge, sal die Heilige Gees
saamwerk en die Here sal dit begin bevestig, en so sal die dinge begin uitbrei.
Ek het gesê die bonatuurlike is onafskeidbaar van die bedienaar se doping in die
Heilige Gees, in die openbaar en sy privaat lewe. Sê nou byvoorbeeld die Woord
van Kennis, die leraar het dit nodig, die herder het dit tot ‘n mate nodig. Nou is
daar regeringe en onderskeiding van geeste en wysheid en die genade om
taktvol op te tree. Alles is ook nodig vir ‘n leraar, ‘n herder ensovoorts. Daar sal
altyd iets wees, en ek het die “iets” in aanhalingstekens gesit wat heeltemal
onderskeie is van dit wat jy in die wêreld kry, dit is ‘n gawe van die Here.
Hoe word die bediening daar gestel? Daar is sekere bewegings wat hulle
bedieninge uitroep deur profesie. Jy het sekere mense in die gemeente wat
profeteer, ek het daar baie ondervinding van. Ek voel dit is baie onskriftuurlik en
dit lei na groot verwarring, u sal partykeer ‘n gemeente kry, daar sal geprofeteer
word: My dienskneg so en so word geroep, sy naam sal genoem word as
evangelis, as leraar; dan word dit nou in die hele beweging aanvaar, want die
Here het nou gespreek; “o, broer so en so is nou evangelis. Broer so en so is
nou apostel”, dit het al tot baie groot verwarring gelei.
Ons hoofpunt is altyd: ondersoek dit in die lig van die Skrif.
Ek sal vir u die paar tekse noem wat die mense gebruik wat hierdie soort van ding
beoefen, sodat u dit dan self kan toets, of dit werklik aan daardie Skrif
beantwoord. Daarom het ek gesê, ons kom nou by die ander uiterste. Alles moet
aangewys word deur die profeet. Die profeet sal profeteer. Die profete sal sê;
hierdie een is dit en daardie een is dat en so aan.
Dit is ongebalanseerd, onskriftuurlik en lei tot misbruik. Jy kry in daardie
bewegings wat dit doen, dat die mense bewe net so voor daardie profeet -- wat
daardie profeet sê is wet; hy kan ook nie ‘n fout maak nie. Jy mag dit ook nie in
twyfel trek nie, dan verongeluk jy die struktuur van die hele beweging. Want hy is
daarop gebou en op die outoriteit daarvan. Mense word deur profete aangewys
in sekere bedienings wat hulle baie seker dikwels nie het nie. Wat is die rede
daarvoor?
Eségiël 13:2-4; (hiervan het ek baie, persoonlike ondervinding, het ook al ‘n
sekere paadjie geloop in my lewe).
2 Mensekind, profeteer teen die profete van Israel wat profeteer, en sê aan
die wat profete uit hulle eie hart is: Hoor die woord van die HERE!
3 So spreek die Here HERE: Wee die dwase profete wat agter hulle eie
gees aan wandel en agter dinge wat hulle nie gesien het nie.
4 Jou profete, o Israel, is soos jakkalse in puinhope.
Jy kry definitief die gevaar dat so ‘n profeet profeteer nie in die gees van die Here
nie, hy profeteer uit sy eie gees. Maar hy dink dit is in die Gees van die Here.
147

Maar hy profeteer in sy eie gees omdat hy dit graag so wil hê. Omdat dit miskien
deur hom beskou word en deur ‘n paar andere, wat aan die hoof is van so ‘n
beweging. Dat daardie broer nou geskik sal wees vir dit, en daardie broer sal nou
geskik wees vir dat, dan word dit so uit geprofeteer, en dan word dit as absoluut
onfeilbaar so beskou. Daardeur het al die grootste foute gekom.
Die Gees van waarheid, die Heilige Gees van waarheid sal nie so ‘n gebruik eer
nie. Die Skrif wat daarvoor aangehaal word is: Handelinge 13:2. Ek weet daar
gaan mense na hierdie band luister wat hierdie ding glo, soos ek dit nou probeer
sê het, dat dit nie so is nie, wat my miskien sal kwalik neem. Ek vra vir hulle wat
ook dan so na hierdie band sal luister dat u baie mooi daarna moet luister.
Handelinge 13:1-2;
1 En daar was in die plaaslike gemeente in Antiochíë sekere profete en
leraars, naamlik Bárnabas en Simeon wat Niger genoem word, en Lúcius,
die Cerenéër en Manáen wat saam met Herodes, die viervors
grootgeword het, en Saulus.
2 En terwyl hulle besig was om die Here te dien en te vas, het die Heilige
Gees gesê: Sonder nou Bárnabas en Saulus vir My af vir die werk
waarvoor Ek hulle geroep het.
Die Heilige Gees het gesê; hulle sê, hoe praat die Heilige Gees. Ons sê die
Heilige Gees praat deur profesie, dus is dit hulle teks wat hulle gebruik om
daardie gebruik dan te regverdig.
Maar hierdie manne, as ons mooi kyk, hierdie manne het alreeds die roeping van
God in hulle lewe gehad. Hulle was nie hier geroep nie. Hulle is alreeds geroep
vir God.
Handelinge 14:26;
En daarvandaan het hulle weggevaar na Antiochíë, waar hulle aan die
genade van God opgedra was vir die werk wat hulle volbring het.
Ons sien uit hierdie teks dat hulle alreeds hierdie bediening gehad het.
Om dus op te som:
Ook in die ander bedieninge, soos vermaning, vertroosting, uitdeel, ‘n broeder
Quartus ensovoorts, net soos met die vyf genoemde gawes, moet dit deur die
Here Jesus daar gestel word (soos in Efésiërs 4), en deur die Heilige Gees
geïnspireer word. Dit sal vir almal duidelik wees dat dit nie van ‘n mens af kom
nie, maar van God.
Amen!
148

lets oor die Skrywer
DIE BOODSKAP VAN F.W.C. NESER—
“ISRAEL MOET HOOR!”
F.W.C. Neser is as wetenskaplike opgelei maar is ‘n toegewyde Christen vanaf sy
kinderjare. Vir hom is die Bybel die Woord van God vanaf Génesis tot
Openbaring.
Reeds vroeg in sy lewe was hy daarvan oortuig dat die mens self daarvoor
verantwoordelik is dat daar oorloë, depressies, hongersnood, droogtes. siektes
en ellende op aarde is.
Hy het gesien dat God sy volmaakte Wet aan sy volk Israel gegee het, en aan
hulle gesê het dat as hulle daarvolgens sou lewe, daar nie een van hierdie rampe
sou wees nie; en ook dat Israel as God se demonstrasievolk op aarde is. Dit was
egter vir hom duidelik dat hierdie volk nie die Jood of die Kerk is of kan wees nie.
Mettertyd het hy tot sy groot blydskap ontdek dat die Angel-Saksies, Keltiese en
Germaanse nasies inderdaad die nakomelinge van die Huis van Israel is.
By die Wederkoms van Christus (nou op hande) sal hierdie nasies tot ‘n ware
wedergeboorte kom, met die Heilige Gees vervul word en met Jesus die Christus
as hul Heer en Koning hierdie wêreld teruglei na volkome harmonie met God.
Met die oog daarop dat die Bybelse boodskap aangaande Israel uitgedra moet
word aan al die nakomelinge van die Huis van Israel, het F.W.C. Neser die
onderstaande werke tot stand gebring sodat ISRAEL KAN HOOR!
Bylae:
Boeke beskikbaar van Ekklesia.
No Titel
1 Afrikaner -- ‘n Unieke Volk Die
2 Apartheid -- Wat sê die Skrif?
3 Bedienings Gawes van Jesus Christus Die
4 Berou en Bekering
5 Bybel is Waar Die
6 Christendom en Kommunisme
7 Daniël Die Boek van
8 Daniël se 70ste Week
9 Derde dag Opstanding van Christus Die
10 Deur Lyding na Volmaaktheid
11 Die Brief van die Apostel Paulus aan die Efésiërs
149

No Titel
12 Die Bybel Voorspel Atoomoorlog
13 Doop Die
14 Doop, in watter Naam (pamflet) Die
15 Doping in die Heilige Gees Die
16 Duiwel Die
17 Engele
18 Fondament van die Christelike Lewe Die
19 Gawes van die Heilige Gees Die
20 God se Groot Week
21 Goddelike Genesing
22 Hoséa Die Profeet
23 Israel in die Nuwe Testament
24 Israelwaarheid - TV Onderhoud Die
25 Jesaja Die Boek van
26 Jesus van Nasaret
27 Joël Die Boek van
28 Kerk van Rome en die Mens van Sonde Die
29 Kruis Die
30 Insig in die Verlede en die Hede bring Uitsig op die Toekoms
31 Moses en sy Kusitiese Vrou
32 Na die Dood – Wat Dan?
33 Name van God Die
34 Nuwe Hemel en die Nuwe Aarde Die
35 Openbaring Die Boek van
36 Openbaringe van die Apostel Paulus Die
37 Opraping Die
38 Romeine Die Brief aan die
39 Rusland in Profesie
40 Sabbat Die
41 Slang van Génesis 3 Die
42 Sommige Aspekte van die Werk van die Heilige Gees
43 Terwille van die Engele
44 Twee Sade op Aarde. Die
45 Tyd van die Heiden Die
46 Verdrukking Die Groot
47 Verlore Tien Stamme van Israel Deel 1 Die
48 Verlore Tien Stamme van Israel Die
49 Vrug van die Heilige Gees Die
150

No Titel
50 Waar het Kain sy Vrou Gekry?
51 Waarom die Bybel die Eet van Varkvleis Verbied
52 Wat die Bybel ons Leer Aangaande die Heilige Gees
53 Wat die Bybel ons Leer Aangaande die Mens
54 Wat die Bybel ons Leer Aangaande God
55 Wederkoms van Christus Die
56 Wet van die Here Die
57 Wie is my Naaste?
58 Wie was Hulle?
59 Wêreldgebeure
No Titel
1 After Death What Then?
2 Apartheid – What saith the Scripture?
3 Bible Predicts "Atomic War" The
4 Book of Joel The
5 Book of Revelation The
6 Christianity and Communism
7 Daniel’s 70 th week
8 Great Tribulation The
9 Israel Truth T.V. Interview The
10 Lost Ten Tribes Of Israel Part 1 The
11 Lost Ten Tribes of Israel The
12 New Heavens and the New Earth The
13 Origin, History and Destiny of the White Race The
14 Past the Present and the Future in the Light of Scripture The
15 Rapture The
16 Russia in Prophecy
17 Serpent of Genesis 3 The
18 Why the Bible Prohibits Pork
19 World Affairs
151

Ander boeke beskikbaar (ander Skrywers).
Die Vrou in Onderdanigheid / Pta. Ekklesia Susters
Wat is Regtig sy naam / J.A.Dreyer
The Bible Distinction between the House of Israel / House of Juda /
F.F.Bosworth
F.W.C. Neser, 'n Lewensbeskrywing / R. Searle
Pilate's Report to Caesar of the Arrest, Trail and Crucifixion of Jesus
The Master Plan / Revd. Albion S. Gaunt
Pastor F.W.C.Neser, A Biography (abridged) / R. Searle
Wêreldgebeure
Sedert 1986 publiseer F.WC. Neser ‘n kwartaallikse oorsig in Afrikaans onder die
titel “Wêreldgebeure” en in Engels onder die titel “World Affairs”.
‘n Biografie van F.W.C. Neser
Vir diegene wat meer oor F.W.C. Neser te wete wil kom is daar ‘n biografie
beskikbaar wat deur Richard Searle geskryf is.
Oudiokassette / CD’s en Videobande
Daar is sowat 2000 oudiokassette / CD’s en ‘n videobande beskikbaar waarin
pastoor F.W.C. Neser se boodskappe vasgelê is.
3
152