Volledige Jaarverslag (Afrikaans) - Shoprite Holdings Ltd

Bedryfsoorsig Checkers en Checkers Hyper
HENNIE VAN ROOYEN
AFDELINGSBESTUURDER:
CHECKERS/CHECKERS HYPER
GAUTENG
Verkopegroei in RSA 23,1%
Groei in aantal klantetransaksies in RSA 10,3%
Groei in waarde per transaksie in RSA 11,8%
Aantal winkels in RSA 24 Hypers (2008: 24)
130 supermarkte (2008: 121)
Aantal personeellede in RSA 19 646 (2008: 16 787)
Checkers, wat nou sy plek gevind het as ’n
handelsmerk wat waarde aan die bopunt van
die mark bied, was in die 12 maande tot einde
Junie 2009 Suid-Afrika se snelgroeiendste
kleinhandelvoedselketting. Sy omset het oor al
154 afsetpunte in Suid-Afrika (nege meer as in
die vorige finansiële jaar) met 23,1% toegeneem.
Dit het ook ’n beduidende toename in
markaandeel tot gevolg gehad. Sy bedrywighede
is in Suid-Afrika gekonsentreer, met
Namibië die enigste ander land waar die
handelsmerk, met vier supermarkte, ’n teenwoordigheid
het. Checkers omvat sowel die
MAURITZ ALBERTS
AFDELINGSBESTUURDER:
WES-KAAP
18 SHOPRITE HOLDINGS BEPERK JAARVERSLAG 2009
JOHANN FOURIE
AFDELINGSBESTUURDER:
OOS-KAAP
hiper- as die supermarkformaat. Laasge noem de
sluit ook ’n aantal kleiner geriefswinkels in.
Die ketting het die afgelope vier jaar stewig
gegroei, gerugsteun deur ’n bemarkingsveldtog
gerig op meer vermoënde verbruikers
waarin die klem op lewenstyl en gerief gelê is.
Sedert Checkers se herposisionering in ’n hoër
marksegment is die fokus op varsheid en gerief
versnel en daardeur is sy beeld geskoei op ’n
aantal spesialis produkkategorieë soos kaas,
vleis en wyn wat tot gesprekspunte gelei en
verbruikers se aandag gelok het. Kase is
ingevoer vanuit die werêld se beste kaasproduserende
lande, spesialis vleisprodukte
soos Steakhouse Classic en Certified Natural
Lamb is bekendgestel en ’n wynroete geskep
waar wyne vanaf talle landgoede teen
dieselfde pryse as by die kelderdeur bekom
kan word.
Die ekonomiese afswaai, wat ook hoërinkomste-verbruikers
na beter waarde laat
soek het, het die ketting aansienlik gebaat,
want hy kon nuwe verbruikers lok en daarna
behou, omdat ’n besoek aan ’n Checkerswinkel
hul verwagtinge bevredig het.
Die bestuur het veral daarop klem gelê om
die gehalte van die inkopie-ervaring te
verbeter. Daarom is met ’n deurlopende
program van winkelopknappings begin en is
veral besondere aandag aan personeeloplei-
ding en klantediens gegee. Die reeks waardetoegevoegde
produkte word gedurig opgegradeer
en uitgebrei, soos ook die winkels se
verskeidenheid van bederfbare produkte.
Benewens ’n meer uitgebreide keuse van
groente en vrugte, is die reekse organiese en
eetgereedprodukte ook vergroot.
Weens die doelwit dat Checkers beter
gerief moet bied, is sommige groot winkels in
die Gauteng-gebied nou 24 uur per dag in
bedryf. Snags ontvang personeel aflewerings
van die Groep se verspreidingsentrums en vul
die rakke aan terwyl spesialisdepartemente
soos die vleismark, bakkery en delikatesseafdeling
hul voorbereidings doen vir die
volgende dag. Dit maak dit vir dagpersoneel
moontlik om gedurende handelsure meer tyd
aan klante te bestee. Van Checkers se 154
winkels is 24 Hypers wat ’n veel groter
verskeidenheid van algemene handelsware
en spesialisreekse bied.
Kooppatrone het verander van maandelikse
inkope na meer dikwelse besoeke aan die
supermark namate verbruikers se voorkeur vir
toegevoegdewaarde-produkte en varsheid
toeneem. Hierdie tendens bied geleenthede vir
die handelsmerk in sy huidige markposisionering
vir volhoubare toekomstige groei.