Volledige Jaarverslag (Afrikaans) - Shoprite Holdings Ltd

Groepsdienste Inligtingstegnologie
FRANZ MULLER
HOOFBESTUURDER:
INLIGTINGSTEGNOLOGIE
Die tegnologie-inisiatiewe van hierdie
sleutelbemagtiger van die Groep se totale
bedrywighede dek die hele spektrum van die
waardeketting. In besonder word ’n aantal
beduidende beleggings in tegnologie deurlopend
gemaak om die uitnemendheid van die
kernprosesse, naamlik beplanning, verkryging,
voorsiening en verkope, te verbeter.
’n Omvattende hersiening van alle beskikbare
stelsels vir die bestuur van handelsware
en voorraad is afgehandel. SAP Retail is as die
verkose bevoorrading-, meesterdata- en
sen trale voorraadregisterstelsel gekies. Die
doel is om bevoorrading- en aankope-produktiwiteit
te verhoog en bedryfskoste deur middel
van bestepraktyk-sakeprosesse te verbeter.
Die voorsiening van ’n enkele stel data sal na
verwagting meer doeltreffendhede skep en
tesame met gespesialiseerde sake-intelligensie
vermoëns behoort dit die gehalte van
besluitneming te verbeter en ’n groter
potensiaal vir beter marges te skep.
Die huidige inligtingstegnologie-infrastruktuur
word met die konsolidering van
verskeie stelsels vereenvoudig. Die afdeling
se volgehoue poging om die proses vir die
verkryging van produkte van oor die wêreld
heen te vereenvoudig, het ’n punt bereik waar
nuwe buitelandse verskaffers en produkte nou
in die Globale Verkrygingstelsel geregistreer
kan word. Dit word selfs verder verbeter deur
30 SHOPRITE HOLDINGS BEPERK JAARVERSLAG 2009
die bestelling- en logistiese prosesse in die
nuwe stelsel te integreer. Sulke noue samewerking
met verskaffers behoort produkkeuses
en prysbepaling te optimaliseer en ook
leweringstye te verkort. Die deursigtige aard
van die stelsel bied sterk opsporings- en
naspeuringsvermoëns, wat sigbaarheid en
verslagdoening oor sleutelgebeure in die
Groep se globale verspreidingsketting
verseker.
Die bestuur en opspoorbaarheid van
pallette wat van een verspreidingsentrum na
’n ander gestuur word, is vereenvoudig om
doeltreffendhede in die voorsieningsketting
selfs verder te verbeter. Dit het buigsaamheid
ten opsigte van die skedulering van pallette
vir winkels van een sentrum na ’n ander
mee gebring en het die benutting van ruimte
in die verspreidingsentrums verbeter.
Stemkiesing word ook ondersoek as nog ’n
inisiatief om diens aan winkels te verbeter
deur die doeltreffendheid en akkuraatheid te
verhoog waarmee handelsware in die
verspreidingsentrums uitgekies word.
Die nuwe agterkantoorstelsel vir takke is
in die oorblywende winkels geïnstalleer.
Daarmee is die uitbrei van die stelsel na alle
supermark-handelsmerke in Suid-Afrika
afgehandel. Verskeie sakeverbeterings is tot
dusver verkry. Meer akkurate voorraadregisterinligting
verseker dat gepaste hoeveelhede
van die regte handelsware op die regte tyd op
die rakke staan. Die prestasie van bakkerye in
winkels is met die instelling van standaardresepte
vir alle items verbeter. Namate
verskaffers na elektroniese fakturering
oorskakel, word die ontvangsproses vinniger
en meer akkuraat.
Daar is goeie vordering gemaak met die
toepassing van die GS1 DataBar-staafkodesimbole
– ’n nuwe staafkode simbologie wat
veel meer inligting bevat, maar die helfte
kleiner as die huidige simbole is. Dit sal ’n groot
invloed op die voorraadbestuur van vars
voedsel hê en veral die beheer van vervaldatums
vereenvoudig. Danksy deurlopende
samewerking met verskaffers om die
gehaltevoldoening ten opsigte van staafkodes
te verbeter, kon die Groep skanderingskoerse
vir bederfbare en droë kruideniersware tot ’n
wêreldgehalte van 99,5% verbeter.
Die Groep werk aan die verbetering van die
netwerk wat alle dele van die onderneming in
die binne- en buiteland verbind. Telkom is as
voorkeur netwerkvoorsiener vir winkels in
Suid-Afrika gekies weens sy belegging in sy
Nuwegenerasie-netwerk (NGN) infrastruktuur
vir die 2010-Wêreldbeker. Beter kostedoeltreffendheid,
betroubaarheid en prestasie is
sommige van die voordele wat dit inhou.
Hierdie vennootskap sal die Groep se vermoë
om die onderneming te laat groei, verhoog.