Nuus_T2-Mei 2018

BOODSKAP UIT DIE KANTOOR
Die betrokkenheid
van ons leerders
by ons skool
asook aan buitemuurse
aktiwiteite wat aangebied
word, is iets wat ek
koester en waarvoor ek
geweldige waardering het.
Die wonderlike prestasies
wat ons leerders behaal,
is nie net getuienis van
ons leerders se harde
werk nie, maar ook van
dié van ons opvoeders en
afrigters. Ons het in ons
hokkie- en rugbyspanne,
spelers wat tans deelneem
in die finale ronde van die
provinsiale proewe. Baie
sterkte en hou aan om
ons trots te maak. Ons
mini-sokker het vir die
eerste keer in ons skool
se geskiedenis, met volle
vaart afgeskop en bykans
55 spelers neem tans op
Vrydagmiddae aan die
mini-sokker deel.
‘n Woord van dank aan
al ons ouers wat ons
familiedag-feesvieringe
bygewoon het. Hierdie
was ‘n onvergeetlike
geleentheid en het van ‘n
nederige begin in 2016,
gegroei tot ‘n geleentheid
bygewoon deur 1200
mense. Ons skool sal
altyd groot klem op die
belangrikheid van die
familie as fondasie en
plek van veiligheid vir
die jeug plaas en ons sal
alles in ons vermoë doen
om dieselfde omgewing
gedurende die skooldag
vir ons kinders te skep.
Met die eksamen reeds
om die draai, wil ek
graag al die leerders
versoek om nou reeds hul
studierooster te beplan
en om hulself voortydig
voor te berei. Al ons
ouers en leerders het ‘n
eksamenboekie ontvang
met al die nodige inligting
rakende die eksamen
daarin saamgevat. Hierdie
is ‘n baie nuttige dokument
wat byderhand gehou
moet word gedurende
die Junie-eksamen. Ons
het ook die dienste van
‘n persoon wat ‘n kursus
in studiemetodes vir ons
leerders kom aanbied,
bekom. Daar het verlede
Saterdag reeds 63
leerders hierdie kursus
bygewoon.
Ek wens graag al ons
leerders baie sterkte
toe met die komende
eksamen.
Vriendelike groete
Ferdi Niemand
* Nokugcina Elsie Mhlophe is
a well-known South African
anti-apartheid activist, actress,
storyteller, poet, playwright,
director and author.
MEI 2018
PROUDLY DESIGNED BY SALES-SQUAD.COM 3