Folkeskolen i Grønland 2010/2011 - Inerisaavik
Folkeskolen i Grønland 2010/2011 - Inerisaavik
Folkeskolen i Grønland 2010/2011 - Inerisaavik
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Nukarlerni l. klassimi atuartup inuttut, inooqatigiinnikkut, oqaatsitigut, paasinnittaatsikkut timikkullu<br />
inerikkiartornera nalunaarusiorfigineqassapput. 2. aamma 3. klassimi atuartitsissutini<br />
ataasiakkaani atuartitsissutinilu qanitariissuni tamani atuartup atuartitsinermit pissarsiaqarnera<br />
nalunaarusiorfigineqassaaq. 3. klassimi maajimi juunimiluunniit nalunaarusiap suliarineqarneranut<br />
atugassamik atuartut kalaallisut, qallunaatut matematikkimilu allattariarsorlutik<br />
misilitsissapput aammalu namminneq suliaminnik saqqummiussissapput atuartitsissutini atuartitsissutinilu<br />
qanitariissuni, allattariarsorluni misilitsiffiunngitsuni sumiiffinnilu ataasiakkaani<br />
toqqagassani sammisami ataatsimi, atuartup nammineq aalajangigaani, nammineerluni<br />
suliani saqqummiutissavai.<br />
Akullerni atuartitsinermi atuartoq atuartitsissutini ataasiakkaani atuartitsissutinilu qanitariissuni<br />
makkunani tamaginni ataatsimik nalunaarusiorfigineqassaaq: kalaallisut, danskisut, tuluttut,<br />
inuiaqatigiilerineq, upperisalerineq isumalioqqissaarnerlu, matematikki, pinngortitalerineq<br />
aamma inuttut inerikkiartorneq. Sumiiffinni ataasiakkaani atuartitsissutitut toqqagassani atuartitsissutini<br />
qanitariissuni tamaginni nalunaarusiaq ataaseq tunniunneqartassaaq: assassorneq<br />
ilusilersuinerlu, eqqumiitsuliorneq illussanillu titartaaneq, timersorneq silamilu inuuneq, nipilersorneq,<br />
erinarsorneq, aalaatsit isiginnaartitsinerlu. Atuartoq sumiiffinni ataasiakkaani atuartitsissutitut<br />
toqqagassani atuartitsissutit ilaanni atuartitaasimanngippat tamanna nalunaarneqassaaq.<br />
7. klassimi maajimi juunimiluunniit nalunaarusiap suliarineqarneranut atugassamik<br />
atuartut allattariarsorlutik kalaallisut, qallunaatut, tuluttut matematikkimilu misilitsissapput,<br />
aammalu aalajangersimasumik sammisaqarlutik suliaqassapput atuartitsissutinik atuartitsissutiniluunniit<br />
qanitariissunik arlalinnik imaqartussaq saqqummiutissallugu.<br />
Angajullerni atuartitsinermi angusat tunngavigalugit 7-skala malillugu karakteriliisoqartassaaq.<br />
Atuartoq atuartitsissutini ukunani tamaginni ataatsimik nalunaarusiorfigineqassaaq kiisalu<br />
angusat tunngavigalugit oqaluttariarsornermi ataatsimik allattariarsornermilu ataatsimik<br />
karakterilerneqassalluni: kalaallisut, danskisut, tuluttut matematikkimilu. Aammattaaq atuartitsissutini<br />
ukunani tamaginni ataatsimik nalunaarusiorfigineqassaaq kiisalu angusat tunngavigalugit<br />
karakterilerneqassalluni: allamiut oqaasiisa pingajuanni, inuiaqatigiilerinermi, upperisalerinermi<br />
isumalioqqissaarnermilu kiisalu inuttut inerikkiartornermi. Pinngortitalerinermi<br />
nalunaarusiaq ataaseq immikkullu angusat tunngavigalugit karakteri ataaseq tunniunneqartassapput,<br />
atuartitsissutip immikkoortuini ukunani tamani: fysik/kemii, uumassusilerineq aamma<br />
pinngortitaleriffiusumik nunalerutit. Sumiiffinni ataasiakkaani atuartitsissutitut toqqagassani<br />
makkunani tamaginni atuartoq nalunaarusiamik ataatsimik angusallu tunngavigalugit karakterimik<br />
ataatsimik tunineqartassaaq: assassorneq ilusilersuinerlu, eqqumiitsuliorneq illussanillu<br />
titartaaneq, timersorneq silamilu inuuneq kiisalu nipilersorneq, erinarsorneq, aalaatsit isiginnaartitsinerlu.<br />
Atuartoq sumiiffinni ataasiakkaani atuartitsissutitut toqqagassani atuartitsissutit<br />
arlaanni atuartitaasimanngippat tamanna nalunaarneqassaaq.<br />
Atuarfiup angerlarsimaffiullu attaveqaqatigiinnerat, atuarfiup angerlarsimaffiullu oqaloqatigiittarnerisigut<br />
minnerpaamik ukiumut marloriarluni, ukiup atuarfiusup ingerlanerani angajoqqaat<br />
minnerpaamik ataasiarluni ataatsimiisinnerisigut, ukiumut minnerpaamik marloriarluni<br />
allaganngorlugit nalunaarusiatigut, angusat tunngavigalugit karakteriliinikkut, ilassutaasunik<br />
oqaaseqaasiornikkut aammalu atuartitsinerup ingerlanneqarnera pillugit nalunaaruteqarnikkut<br />
kiisalu angajoqqaat kissaateqarnerisigut akuersinerisigulluunniit angerlarsimaffimmut<br />
pulaarnikkut ingerlanneqartarpoq.<br />
Angajullerni atuarnerup naammassineqarnerani atuarfik atuarsimanermut uppernarsaasiussaaq.<br />
Atuarsimanermut uppernarsaat atuartup atuartitsinermi sorlermi peqataasimaneranik,<br />
aammalu atuartup atuartitsinermit pissarsiarisimasaanik ataatsimut naliliinerup inernerinik<br />
paasissutissanik imaqassaaq, tassani ilaassallutik angajullernik atuartitsinerup ingerlanerani<br />
ingerlaavartumik naliliinerit inerneri, atuartup atuartitsissutini tamani angusaanik naliliineq<br />
kiisalu misilitsinnermit angusat.<br />
21
Change language