Kulturarv som varer, boka om pilotprosjektene

Perler i Nordsjøløypa
80
Kunstakademiet ved Universitetet i Edinburgh, og to masterstudentar
i skulptur planla samarbeidsprosjektet saman med skulen og Kaisess.
Ved hjelp av blogg og skype vart det utveksla historier, der temaet var å
formidle sin stad og sin kvardag for å auke medvit om eigen identitet og
eigne ressursar. Resultatet frå samarbeidet vart presentert gjennom film og
andre kunst- og handverksarbeid som barna hadde jobba med. Eit halvt år
seinare er det nye prosjekt på gang mellom skulen og kunstnarane.
– Å sjå etterverknaden og vidareføringa er utruleg inspirerande. Vi har
jobba hardt med å introdusere kunstnarar som ressursar for samskaping
og med å auke aktiviteten rundt kulturminna, og då er det godt å sjå slike
positive ringverknader, seier prosjektleiar Tone Boska.
Gode sirklar og fleire ringverknader
Dei tre kommunane har ikkje næringsavdelingar i tradisjonell forstand.
I staden er det selskapet «Gode sirklar», drifta av forskingskonsernet
SINTEF, som tek seg av det kommunale næringslivet, og som også har
prosjektansvaret for Perler i Nordsjøløypa. Sirklane spreier seg som ringar
i vatn også utanfor dei konkrete satsingane. Kultursjef Lennart Fjell i Fjell
kommune er nabo til Gjerdet kulturminnegard. I sommar vart han så
inspirert av alt som skjedde på nabogarden, at han hesja ei noko uvanleg
hesje, meir som eit hus utan tak, men med døropning og glugge.
– Eg sakna hesjene som alltid var her før, seier han. Så tok han kontakt
med biletkunstnaren Rune J. Svendsen, alias Jedychan, som har spraya
på mange vegger, men aldri før på ei hesje. No står han midt i hesja og
studerer eit gamalt fotografi og vert særleg fascinert av andletet til ein
gamal, alvorleg mann.
– Vi er ikkje i krig med samfunnet, vi kjem med innspel, understrekar
Jedychan. I løpet av ein knapp time har den gamle mannen fått portrettet
sitt på hesja.
Perler i Nordsjøløypa
Hesje-art: Kreativiteten spreier seg
i gode sirklar rundt Gjerdet gard.
Portrettet av ein nabo vert spraya på
ei hesje av Jedychan.
81