Kulturarv som varer, boka om pilotprosjektene

Sogne orden
Nærøyorden
VOSS
VIK
HORDALAND
Finansiering:
Sogndal
AURLAND
LÆRDAL
Aurlandsorden
SOGN OG
FJORDANE
Riksantikvaren* 5 395 000
Sogn og Fjordane
fylkeskommune*
Verdsarvrådet/Sekr. for
Vestnorsk fjordlandskap
BU- midlar/
Innovasjon NorgeN/SiVA
Norsk kulturminnefond har i tillegg gitt eigarar av
kulturminne 2 240 000 kroner til istandsetting.
* Beløpet femner om fleire tilskotsordningar
1 210 000
1 772 400
1 200 000
Kommunane 717 000
Eigeninnsats frå partnarane 218 000
Aurland Næringshage/
SAKTE
1 193 000
Regionalt Næringsfond 50 000
KRD - Småsamfunnssatsinga 600 000
180
Nærøyfjorden
Verdsarvpark
Prosessen fram til etablering av Nærøyfjorden
Verdsarvpark som regionalpark har gått
føre seg sidan midten av 1990-åra. Med
utgangspunkt i blant anna kraftutbygginga
i Aurlandsdalen, verneprosessane i
Nærøyfjorden, utviklinga innan reiselivet
og verdsarvstatusen ønskte Aurland
kommune å ta eit eige grep om forvaltninga
av landskapsressursane i kommunen.
Med verdsarvstatusen i 2005 vart denne
problemstillinga aktuell for fleire kommunar
enn Aurland, og ideen om etablering av
Nærøyfjorden Verdsarvpark oppstod.
Ferjekaia i Undredal
Mål
Både som organisasjon og som arbeidsform
har Nærøyfjorden Verdsarvpark som
sitt fremste mål å vere pådrivar for ei natur- og
kulturbasert utvikling med forankring i
verdsarvstatusen til Nærøyfjordområdet.
Gjennom utvikling og bruk ønskjer ein vidare
å ta vare på og verne om verdsarvverdiane
og å arbeide for å utvikle vertskapsrolla slik at
ein fremjar ein god kommunikasjon mellom
lokalsamfunnet og omverda.
Resultat
Regionale naturparkar andre stader i Europa
mellom anna i Frankrike, har vore modell for
utviklinga og etableringa av Nærøyfjorden
Verdsarvpark. Desse parkane er interessante
døme på sameining av vern og aktiv
næringsutvikling. Dette er område som har
slite med svakt lokalt næringsliv, fråflytting,
forfall av landskap og bygningsarv og
dessutan arealpress frå utbyggingsinteresser
og reiseliv. Dei franske regionale naturparkane
er tunge forvaltningsaktørar med omfattande
styringsstrukturar og har ei sterk, styrande
rolle i regionen. I Noreg har vi sterke
lokale og regionale forvaltningsorgan
gjennom kommunane og fylka. Gjennom
verdiskapingsprogrammet er difor
Nærøyfjorden Verdsarvpark utvikla som
ei norsk utgåve av ein regionalpark – ein
heilskapeleg reiskap for natur- og kulturbasert
samfunnsutvikling i Nærøyfjordområdet.
Visjonen til verdsarvparken er at verdiskapinga
skjer i møtet. Parken skal utvikle lokalt
eigarskap til landskaps- og kulturverdiane og
fremje internasjonale verneverdiar gjennom
lokal økonomisk, kulturell og identitetsmessig
utvikling. I dette landskapet har innsatsen og
arbeidet med verdiskaping kring kulturminne
og kulturmiljø vore ei sentral og viktig
drivkraft.
Parken har ein administrasjon med fem
tilsette, deriblant to parkforvaltarar som
arbeider for å ta vare på kulturlandskapet
og å formidle kulturminna. Restaurering og
skjøtsel av kulturminne og kulturlandskap
har høg prioritet. Døme på slike prosjekt
er istandsetjing av krigsminneanlegget
på Ramsøy i Gudvangen, restaurering av
strandsitjarnaust og stølsvegen Rimstigen på
Bakka og restaurering av sjøbu i Undredal.
Parkforvaltarane har også medverka til
skjøtselsprosjekt på stader som Dorganes,
Fronnes, Stalheim, Aurlandsdalen, Dyrdal
og Rimstigen i Aurland og Storehaugen i
Lærdal. I tillegg kjem gjerde- og beiteprosjekt
i Nærøydalen, Dyrdal og Fresvik. Utover dette
er det lagt ned ein monaleg innsats når det
gjeld rydding, istandsetjing og merking av
turvegar/-stigar.
Vegen vidare
Deltaking i Verdsarvparken byggjer på
partnarskap. Bedrifter og organisasjonar som
har sitt virke i og rundt Nærøyfjordområdet
kan inngå frivillige, forpliktande
partnarskapsavtaler. Gjennom dette kan dei
dra nytte av parken sin kompetanse, nettverk
og merkevare og kvalifisere til tilgang på
øyremerkte offentlege middel. Avtalen
inneber samstundes ei forplikting om å
arbeide for ivaretaking av verdsarvverdiane
gjennom berekraftig utvikling.
Grunnlaget for partnarskapen og eit
forpliktande samarbeid byggjer på nokre
hovudelement. Det mest sentrale er
parkplanen – ein langsiktig strategi- og
handlingsplan som omtalar verdiplattform/
visjon, utfordringar og målsetjingar, og som
peikar ut overordna tiltak og satsingar. Ei
overordna målsetjing er at planen innan
to år skal reviderast og forankrast sterkare
hjå eigarane/stiftarane av verdsarvparken
som ein felles kommunedelplan for
verdsarvkommunane.
Gjennom verdsarvkonseptet vil ein framover
arbeide for å styrkje primærnæringane, satse
på natur- og kulturbasert næringsutvikling,
stadformidling, vertskapsutvikling og læring
og skjøtsel og dessutan leggje til rette for og
styrkje felles identitet og merkevare.
www.naroyfjorden.no
Prosjekteigar:
Nærøyfjorden Verdsarvpark. Vart skipa som
stifting i 2008. Formelle stiftarar er
Sogn og Fjordane fylkeskommune og
Aurland, Lærdal, Vik og Voss kommunar.
Prosjektorganisering:
Verdsarvparken vert leia av eit styre med i alt
ni medlemmer. Vedtektene fastset at fem av
desse skal peikast ut av stiftarane. Dei andre
fire skal peikast ut av parkmøtet – det årlege
allmøtet for partnarar og stiftarane.
Partnarar
Blant partnarane i verdsarvparken
finn vi grendalag, lokale produsentar,
representantar frå reiselivsnæringa, frivillige
organisasjonar og produsentnettverket
ANKA. Fleire andre vurderer partnarskap,
blant desse er lokale skular og ulike
verksemder.
181