2004-2007 - Sogn og Fjordane fylkeskommune

Appendix – utfyllande tekstar
App. 1 Elev- og lærlingombodet
Elev- og lærlingombodet er fylkestinget sitt ombod for vidaregåande opplæring i Sogn og
Fjordane. Ombodet rapporterer direkte til fylkestinget, medan fylkesrådmannen har det
daglege personalansvaret. Fylkestinget har vedteke reglement for ombodet som vert tilsett i ei
3-årig prosjektstilling. Det er sett av NOK 300.000,- som finansiering for stillinga i 2004, og
NOK 600.000,- for stillinga dei påfølgjande åra.
Elev- og lærlingombodet sitt arbeidsområde gjeld all verksemd som rettar seg mot
vidaregåande opplæring. Dette omfattar alle vidaregåande skular og lærebedrifter/
opplæringskontor i fylket, samt private vidaregåande skular og i dei tilfella fylkeskommunen
kjøper skule-/læreplass utanfor fylket. Ombodet skal arbeide for at elevar og lærlingar i den
vidaregåande opplæringa får oppfylt sine rettar etter opplæringslova, og at dei elles ikkje lir
nokon urett.
Det vil vidare vere sentralt for elev- og lærlingombodet å arbeide for at elevar og lærlingar får
større innverknad på sin eigen opplæringssituasjon. Slik vert ombodet ein brubyggjar mellom
elevar/lærlingar og den einskilde skule/lærebedrift/opplæringskontor. Her vil det vere tenleg
med eit godt samarbeid med fylkeskommunen si opplæringsavdeling. Elev- og
lærlingombodet skal generelt arbeide for tiltak som kan betre elevane/lærlingane si velferd og
deira trivsel i den vidaregåande opplæringa, og vidare motivere og stimulere elevråda til
aktivt arbeid for å styrke elevdemokratiet.
Det vert viktig å sjå samanhengar mellom ombodet si rolle og t.d. rektorane og bedriftsleiing
som tilretteleggarar for elev- og lærlingmedverknad (i eit læringsdemokratisk perspektiv) og
miljøkoordinatorane som tilretteleggarar for elev- og lærlingmedverknad (i eit
velferdsdemokratisk perspektiv). I rekrutteringsarbeidet som er i gang vert det å definere
desse grensegangane sentralt.
App. 2 Entreprenørskap – generell introduksjon
Entreprenørskap er eit raskt veksande satsingsområde. Entreprenørskapssatsinga innanfor
vidaregåande opplæring fokuserer på å skape lokal identitet, stimulere til kreativitet og
nytenking, baserer seg på learning by doing-prinsippet – og det er eit overordna mål å sjå
moglegheiter i lokalsamfunnet. Entreprenørskap dreiar seg m.a. om å utvikle ein
entreprenørskapskultur med vekt på læring av personlege haldningar; det å vere positiv til
endring og utvikling; syne evne og vilje til å prøve ut nye ting; og sjå utfordringar i staden for
problem.
Metoden REAL 4 kan nyttast til opplæring utanfor skulesamfunnet som t.d. i lokalsamfunn,
organisasjonar og bedrifter. Viktige pedagogiske prinsipp er deltakarstyrte aktivitetar med
stor vekt på kreativitet, problemløysingsstrategiar, eige ansvar for planlegging og
gjennomføring samt samarbeid og nettverksbygging.
4 Rural Entrepreneurship through Action Learning.
28