2004-2007 - Sogn og Fjordane fylkeskommune

1. INNLEIING
1.1 Mål og strategiar – bakgrunn
Hovudutval for opplæring vedtok i sak 0015/01 den 20.11.01 mandat for arbeidet med
framtidige strategiar for vidaregåande opplæring i Sogn og Fjordane. Strategiutvalet leverte si
innstilling Framtidige strategiar for vidaregåande opplæring i Sogn og Fjordane 04.12.02.
Utvalet føreslo ei rad mål og strategiar som dei meinte sektoren bør arbeide for å realisere, og
delte sine framlegg mellom hovudtemaa innhald og kvalitet i opplæringa og den vidaregåande
opplæringa si samfunnsrolle.
Den vidaregåande opplæringa i Sogn og Fjordane fokuserer på å:
- utvikle kvaliteten i læringsprosessen
- sikre eit desentralisert og samtidig kvalitativt godt opplæringstilbod
- sikre ei heilskapleg vidaregåande opplæring
- synleggjere vidaregåande opplæring som eit viktig regionalpolitisk verkemiddel i høve
kompetanseheving, næringsutvikling og eit godt liv
Opplæringstilbodet skal både vere tilpassa den einskilde elev og lærling sine behov og
interesser og næringslivet sitt behov for kompetanse. Eit likeverdig og forpliktande samarbeid
mellom skule og arbeidsliv (partnarskapsavtalar) vil her vere eit viktig verkemiddel. For å
ivareta fylkeskommunen si rolle som regional utviklingsaktør, vil eit tettare og meir
formalisert samarbeid med det lokale nivået og næringslivet, både i kommunane og i
regionane, vere prioritert.
1.2 Politiske vedtak
Strategiutvalet si innstilling vart sendt ut på ei brei høyring, og fylkesrådmannen la fram sak
for fylkestinget 03.06.03. Fylkestinget gjorde i sak nr. 0018/03 slikt vedtak:
1. Mål- og strategiformuleringar for vidaregåande opplæring i Sogn og Fjordane, slik dei
går fram av punkta 7.2 og 7.3 i saksutgreiinga, vert vedtekne.
2. Det skal utarbeidast eit handlingsprogram for perioden 2004-2007. Tiltak og prosessar
skal her vere tidfesta, prioriterte og kostnadsrekna. Handlingsplanen skal innarbeidast i
økonomiplanen for perioden. Økonomiplanen med nemnde handlingsprogram skal
handsamast i Fylkestinget i desember 2003.
3. Det vert oppretta eit elev- og lærlingombod. Retningslinene for elev- og lærlingombodet
sitt arbeid vert å legge fram for fylkestinget i oktober.
Gjennom handlingsprogrammet skal mål og strategiar bli konkretiserte i tiltak slik at ein kan
prioritere og lukkast med ei samla satsing for den vidaregåande opplæringa. I prosessen der
eit handlingsprogram har vorte forma, har fylkesrådmannen lagt opp til å nytte den breie
kompetansen rundt vidaregåande opplæring i fylket. I tillegg til at handlingsprogrammet har
vore eit fast tema på rektorsamlingane frå sommaren 2003, er det etablert kontakt med fleire
kompetansemiljø i arbeidet. Det er m.a. starta opp eit arbeid i ei fagleg referansegruppe 1 for å
sikre samordning og medverknad. Det har vore ei målsetjing at miljøa som deltek i
1 Representantar frå dei vidaregåande skulane, Elevorganisasjonen, Opplæringskontora, LO, NHO,
Regionalavdelinga i fylkeskommunen, Utdanningsforbundet, fylkesmannen si utdanningsavdeling og Høgskulen
i Sogn og Fjordane.
2