2004-2007 - Sogn og Fjordane fylkeskommune

Det skal leggast vekt på at systemet skal vere enkelt og opplevast som nyttig, at skuleeigar si
rolle blir synleg og at det gjennom dette systemet skal gjevast tydelege styringssignal og krav
til resultat.
Ulike tiltak som alt er sette i verk, eller som er planlagde og nemnde i handlingsprogrammet,
vil vere deler av eit slikt kvalitetssikringssystem, m.a.:
- skulane sine utviklingsplanar
- elevinspektørane, lærlinginspektørane
- elevsamtalen, lærlingsamtalen
- medarbeidarsamtalen
- skulebasert vurdering, bedriftsbasert vurdering
- oppfølging ved skulebesøk og samtalar mellom skuleleiing og skuleeigar
- rapportering
- nasjonale prøvar
- skoleporten.no 5
- strategisk handlingsprogram (rullering/vidareføring)
- bedriftsbesøk
App. 6 Arbeidslivskontakten
Fylkesrådmannen er i FT-sak 0018/03 oppteken av å involvere rektorane og deira samla
nettverk i utforminga av ein viktig ressurs som arbeidslivskontakten vil vere for skulen si
samfunnsrolle framover. Arbeidslivskontakten er ein premiss for ein del av satsingane som
ligg i strategiplanen. Fylkesrådmannen har difor drøfta problemstillingane knytte til denne
ressursen med rektorane ved fleire høve.
Dei primære målgruppene for vidaregåande opplæring er definerte ut frå gjeldande lovverk.
Som følgje av auka fokus på fylkeskommunen si rolle som samfunnsutviklar i brei tyding, har
forventningane knytte til kva som er vidaregåande opplæring sine målgrupper blitt utvida dei
seinare åra. Det vi kan kalle vidaregåande opplæring sine sekundære målgrupper er såleis
målgrupper knytte til opplæringssektoren si rolle som lokal og regional utviklingsaktør.
Fylkestinget vedtok i sak 18/03 mål og strategiar for framtidig vidaregåande opplæring i Sogn
og Fjordane. Fylkesrådmannen legg i saksframlegget til fylkestinget til grunn at:
… utvalet sitt framlegg om oppretting av arbeidslivskontaktar ved alle dei vidaregåande
skulane vil vere eit viktig og truleg avgjerande grep, for at skulane skal kunne ivareta
behovet for samhandling med omverda. Dette tiltaket må difor ha høg prioritet.
Arbeidslivskontakten er meint å tilføre opplæringssektoren kompetanse og styrkt kapasitet i
høve ei auka samhandling mellom yrkeslivet og vidaregåande opplæring (dette er også lagt
vekt på i NOU 2003:16). Aktuelle arbeidsområde for arbeidslivskontakten kan vere å
koordinere den vidaregåande opplæringa sin aktivitet som rettar seg mot:
- kontakt med arbeidslivet (offentleg og privat næringsverksemd)
- utvikle samarbeid gjennom lokale partnarskap (etablering av partnarskapsavtalar m.m.)
- tilrettelegging for oppdragsundervisning
- medverknad i høve utplassering av elevar/lærlingar
- kursing/kompetanseheving av instruktørar/faglege leiarar og prøvenemnder
- yrkesrettleiing
5 Skoleporten.no er ein offentleg nettstad for kvalitetsvurdering og kvalitetsutvikling i grunnskulen og
vidaregåande opplæring (http://www.skoleporten.no/).
32