Unikum 9 - 2016 (november)
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Kvardagstankar om<br />
Kjærleikens kraft<br />
Kjærleik er utan tvil ein viktig del av oss menneske. Opplevinga av å elske,<br />
og kjensla av å vere elska. Kjærleiken er drivkrafta i liva våre. Dei aller fleste<br />
filmane me ser omhandlar eit kjærleiksforhold, likesom romanane me les.<br />
Også moderne musikk og songtekstar er gjennomsyra av romanse og begjær.<br />
Me sluker kjærleik. Det rører oss. Det bevegar oss. Gjennom menneskas<br />
historie har diktarar, kunstnarar og musikarar prøvd å framstille kjærleikens<br />
essens. Hemmelegheiter og mirakel, som aldri går av moten. Forbode kjærleik.<br />
Kjærleikssorg. Og kjærleik som ei altomfattande kraft i den verda me lever<br />
i. Men kva er denne kjensla, denne krafta? Og korleis fungerer kjærleik som<br />
objekt i eit avisinnlegg?<br />
Kjærleik som fenomen er vanskeleg å definere presist og objektivt, kanskje fordi<br />
kjærleiken ikkje er presis og ei heller objektiv. Likevel har veldig mange flinke<br />
menneske prøvd å beskrive kva kjærleik er. Wikipedia er ambisiøse som alltid<br />
og går fort fram med ei uunnverleg sanning: «Kjærlighet er en menneskelig<br />
følelse, vanligvis rettet mot et annet menneske.» Det pleier ikkje å vere lett å<br />
arrestere Wikipedia på presisjon. Likevel finn eg ordet «menneskelig» nokså<br />
overflødig. For kjærleik til andre, særleg til eigne born og til make, er ikkje berre<br />
tildelt menneska. Eg såg ein gong eit naturprogram om ein paddefar som redda<br />
sine sædcelleliknande småtassar frå ein drukningsulukke. Det er kjærleik! Ja,<br />
kjærleik må da vere noko meir enn ei menneskeleg kjensle? Hjå store diktarar<br />
visar kjærleiken seg ofte som noko meir. Hamsun skreiv at kjærleiken vart<br />
verdas opphav og verdas herskar, E. E. Cummings skreiv at kjærleiken var før<br />
sola og meir evigvarande enn alle stjerner, eit håp utan motstykke i frykt. Og<br />
kanskje den største av alle filosofer, Idol-finalist Gaute Ormåsen, summerer<br />
det heile opp med den djuptgripande aforismen: «Kjærlighet er mer enn<br />
forelskelse.»<br />
Eg har ein gong høyrt at kjærleiken er det eine motiv som styrer alle handlingar.<br />
At det er kjærleiken som får oss til å stå opp om morgonen. At det er kjærleiken<br />
som driv oss inn på dunkande nattklubbar i helgene. Og da er det er vel kjærleik<br />
som får nokre menneske til å tisse i offentlege dusjar, eller drikke av kollektivets<br />
juice rett frå kartongen? Ja, me elskar alle oss sjølv. Og me fortener kanskje ei<br />
lita sjølvløn i dette endelause tilværet av plikter og omtanke. Så er det vel med<br />
kjærleik i sinnet at parkeringsvakta overser alt som heiter skjønn og tvingar<br />
meg til å bøte for min syndige fem minuttars feilberekning? Joda, kanskje han<br />
elskar sin kvardag og sin funksjon i samfunnsmaskineriet. MEN! Kan nokon, i<br />
kjærleikens namn, styre eit fly over eit framandt land, sleppe ned eit nyutvikla<br />
masseøydeleggingsvåpen, drepe titusenvis av sivile menneske og leggje storbyar<br />
i ruinar? Jada, det kan nokon. Kanskje det var for noko større. Kanskje det var<br />
for fred og harmoni. Kanskje det var for å ryste eit system som systematisk trua<br />
pilotens eige fedreland og alt det gode som kunne ha vore. Kanskje det var for<br />
kjærleiken.<br />
Så kanskje er kjærleiken, i overført tyding, verdas herskar. Men herskaren er<br />
ikkje suveren. Likesom vår eigen monark, er kjærleiken ein passiv fyrste. Eit<br />
symbol på alt det som foreinar oss og held oss saman. For skulen har jo lært<br />
oss at det er me, folket, som sit med makta. Åleine som individ, og saman som<br />
gruppe. For uansett om kjærleiken herskar eller ikkje, så er det me som må<br />
utøve denne veldige krafta. Og korleis gjer me det?<br />
Nyheiter. Underhalding. Treningssenter. Asfalt. Pengar. Reklame. Politikk.<br />
Mobiltelefon. Utdanning.<br />
Tekst: Franz Rose Bengtson<br />
Kvar er kjærleiken i det?<br />
Nyheitene pumper jo berre<br />
ut elende. Elende og drit.<br />
Filma, avbilda og drøfta frå<br />
ulike vinklar og perspektiv.<br />
Aldri noko vakkert. Aldri noko<br />
hyggeleg. Aldri kjærleik. Asfalt<br />
er ikkje kjærleik, reklame er<br />
ikkje kjærleik. Heller ikkje<br />
Tinder, treningssenter, bilar<br />
eller fotballsko. Alle desse tinga<br />
som omgjev oss. Dei er berre til,<br />
dei er fornuft og dei er verda me<br />
lev i, men dei er sjeldan fulle<br />
av kjærleik. Kva så med krig,<br />
valdtekter, svindel og drap?<br />
Det må vere noko anna. Me<br />
kallar det vondskap, heslegheit,<br />
eller hat. Hat er sterkt. Sjølve<br />
motpolen til fenomenet som eg<br />
allereie har nemnt 34 gonger i<br />
dette ambisiøse avisinnlegget.<br />
Men kva om hat berre er mangel på kjærleik? Slik som kulde berre er mangel<br />
på varme. Kulde har ikkje nokon kjelde. Kulde er berre er eit utgangspunkt.<br />
Realistane meiner at 273,15 minusgrader må vere det absolutte nullpunkt. Ingen<br />
varme. Finnes det eit slikt nullpunkt for kjærleik også? Eit absolutt hatpunkt?<br />
Om det er tilfelle, så er min single sjel 50 gradar og lunken. Ein mor som held<br />
sitt barn for fyrste gong må vere rykande varm og 90 gradar. Ein one night stand<br />
kan ikkje vere meir enn 37 gradar. Bombinga av Hiroshima gav ein heil verd<br />
frysingar med 30 minusgradar. Og eg tør ikkje eingong tenkje på korleis dette<br />
absolutte hatpunkt hadde vist seg i ei menneskeleg handling. Viktigare er det vel<br />
at ei ungdomsforelsking kunne ha smelta jern med 1500 gradar.<br />
Korleis pratar me om kjærleik? Me pratar vel sjeldan om kjærleik til menneske<br />
me ikkje kjenner. Og kanskje ikkje så altfor ofte med folk me kjenner heller. Eg<br />
spør iallfall sjeldan kameraten min om kjærleiken han føler for sin kjæraste. Og<br />
eg spør ikkje min far om korleis han vil definere kjærleik. Me pratar med venar<br />
om sex og sladder og felles interesser, og me pratar med fedrar om utdanning<br />
og nyheiter, eventuelt pengar. Men me følger også venane våre gjennom bergog-dal-banar<br />
av kjensler. Sjalusi, romantiske sydenturar og konfliktar. Og me<br />
kan diskutere musikk med kvarandre. «Veit du kvifor eg elskar dette albumet?»<br />
Me kan sitje på nachspiel og kanskje nærme oss 80 grader på kjærleikskalaen,<br />
berre for eit musikkalbum! Eg er også sikker på at nokon kan føle eit sterkare<br />
kjærleiksband til ein engelsk fotballklubb, enn til sin eigen kjæraste. Så innhaldet<br />
i nære samtaler grensar nesten utelukkande mot kjærleik. Me brenner for ting.<br />
Enten det er parforhold eller songtekster det går i. Me brukar berre ikkje ordet<br />
kjærleik, det er følsamt lada. Det er klissete og upassande.<br />
Ja, følsamt er det. Og klissete? Kanskje ved 37 grader. Men upassande kan<br />
det da ikkje vere? Kjærleiken omringar oss. Me er vorte til av kjærleiken. Og<br />
kjærleiken driv oss framover. Det er vår alles felles interesse. I større eller<br />
mindre grad. Me er jo kjærleik. Av og til brennheite. Av og til kalde og lukka.<br />
Kjærleiken er mangesidig. Den viser seg i det konkrete, i tinga og i kvardagen.<br />
Den er det universelle og kosmiske. Og sjølv om den er umogeleg å begripe,<br />
så kan den definerast, beskrivast, skildrast, drøftast og dyrkast. Til og med i et<br />
avisinnlegg. Det er vakkert. Det er kjærleik.<br />
12 Kjærlighet