Unikum 9 - 2016 (november)
Create successful ePaper yourself
Turn your PDF publications into a flip-book with our unique Google optimized e-Paper software.
Isar. Eg fekk velje mellom tre ganske like leilegheiter på 20 kvadratmeter<br />
i loftsetasjen (5. etasje). Ei av dei var vendt mot gata med støy frå trikk og<br />
bilar, og dei andre mot den stille bakgarden. Eg valde å slå til med ein av<br />
dei bak. Alle romma i etasjen var under oppussing.<br />
30. september kom eg tilbake til München. Eg greidde å drasse med begge<br />
dei store, tunge koffertane sjølv i lokaltoget (S-Bahn) frå flyplassen til<br />
hotellet, der eg skulle vere for ei natt. På kvelden gjekk eg til Theresienwiese<br />
for å sjå kva Oktoberfest eigentleg var for noko. Det er gratis og ganske lett<br />
å kome inn der. Det overraska meg litt kor mange folk det faktisk var der.<br />
Eg måtte passe på å gå nesten heile tida for at ikkje forbipasserande skulle<br />
kollidere med meg. Det var mykje tivoli og mange salsbodar for brente<br />
nøtter og iskrem. Eg kjøpte litt frå desse bodane, men eg gjekk ikkje inn<br />
i ølteltet, for der såg det fullt ut. Eg drakk ikkje noko øl på festen, men<br />
gjorde det i staden på hotellet som eg sov på, saman med ein god snitsel.<br />
1. oktober møtte eg fadderen min, ein masteroppgåveskrivande kar frå<br />
ein landsby litt sør for München. Han hjelpte meg å bere den eine av<br />
dei to koffertane inn i u-banen. Fadderen min gjekk faktisk i lêr-bukse<br />
(Lederhose), fordi han skulle til fotballkamp rett etterpå, og oktoberfest<br />
seinare.<br />
Akkurat på same tid som eg flytta inn, blei det aller siste montert på badet,<br />
og fjernsyn og bordansette blei sett på plass oppå kommoden. Det er eit<br />
stort trebord, ei seng, to plaststolar og eit klesskåp i stovedelen av rommet.<br />
Kjøkkenkroken ved inngangen har kjøleskåp, vask og to elektriske<br />
kokeplater. Badet på den andre sida av inngangsdøra har do, vask og dusj.<br />
Oppvarming skjer med radiator. Veggane er kvite, så kanskje skaffar eg<br />
meg ein projektor til å sjå film med på ein av dei. Eg kan ikkje klage.<br />
Tilbake til 90-talet<br />
Det var mange praktiske ting å ordne. Eg måtte registrere tilflytting i<br />
München hos Kreisverwaltungsreferat (som tilsvarar omtrent fylkesadministrasjon<br />
i Noreg). Der måtte eg vente i over to timar mens eg las i ei<br />
lærebok, berre fordi at ein tenestemann skulle fylle inn informasjon frå<br />
papirskjemaet mitt og passet mitt inn i ei datamaskin. Kjære Tyskland!<br />
I Noreg kan flyttemelding bli gjort med elektronisk skjema på Internett.<br />
Ingen treng å vente. Korfor kan ikkje dei gjere det same?<br />
Elles måtte eg opprette bankkonto, for å sleppe gebyr ved overføring av<br />
pengar frå Noreg til Tyskland ved kvar betaling av husleige. Det viste seg<br />
at mange bankar no kravde eit månadsgebyr for vanleg girokonto, viss<br />
ein ikkje hadde ei minsteinntekt kvar månad. Dette er nyleg innført for<br />
å dekke tapet som bankane har med låg rente. Slike gebyr har vi ikkje i<br />
Noreg, så vidt eg veit. Eg fann ein bank som ikkje hadde slike gebyr, men<br />
der måtte eg ha tysk telefonnummer for å registrere meg. Eg fekk tysk<br />
SIM-kort frå det internasjonale kontoret hos TUM.<br />
Kontantar lever enno ganske bra i Tyskland. Mange kaféar godtar ikkje<br />
kort i det heile tatt. Enkelte av dei godtar berre EC-kort, som er eit tysk<br />
debetkort. Eg har fått eit slikt frå den tyske banken min no. I daglegvarehandelen<br />
og i elektrobutikkar kan ein betale med kort, også norske, så eg<br />
vil nok betale med kort når eg kan framover, og med kontantar når eg må.<br />
München er ein millionby, men kjennest likevel liten, fordi dei fleste<br />
bygningane ikkje er høgare enn seks etasjar, og mange bur i forstadane.<br />
Byen har eit godt kollektivtrafikksystem med forstadstog (S-Bahn),<br />
undergrunnstog (U-Bahn), trikk (Tram) og buss. Eg kan kome til<br />
universitetet med U-Bahn på eit kvarter viss eg reiser i undergrunnen.<br />
Nær den grøne skogen<br />
Eg bur som nemnt i bydelen Giesing, og rett ved er det fine turområde<br />
langs elva Isar, som i oktober ikkje var så mykje breiare enn ein av dei<br />
store bekkane i heimbygda mi. Vatnet såg ut til å liggje lågt, og eg kunne<br />
gå rundt på dei runde, kvite småsteinane der eg trur det renn vatn når det<br />
regnar om hausten og snøen smeltar om våren.<br />
Viss ein tar U-Bahn eller trikk sørover, kjem ein til skogområda Perlacher<br />
Forst og Grünwalder Forst. Der har eg tatt fleire lange og fine turar. Det<br />
er ein stor, menneskeskapt jordhaug midt i der som heiter Perlacher<br />
Mugl, der ein kan sjå overraskande langt, heilt til Alpane på klare dagar.<br />
I området er det også ein dyrepark og ein filmstudiopark, som ein kan<br />
besøke.<br />
Vorlesungen og lectures<br />
Eg har halvparten av forelesingane mine på tysk, og resten på engelsk. Det<br />
går bra å følgje med på orda som blir sagt på begge språka for meg, men<br />
det er eit par av faga som er ganske matematiske, og eg har ikkje arbeidd<br />
skikkeleg med matematikk sidan eg avslutta min mastergrad i IKT i 2013.<br />
Eg måtte derfor repetere ting, og delvis også lære nokre ting for første<br />
gong i matematisk økonomi, som industriell økonomi i Grimstad ikkje har<br />
fått med i pensum.<br />
Forelesarane som eg har hatt hos TUM er veldig flinke til å gjere oss<br />
studentar engasjerte i faga sine. Dei verkar alltid å vere engasjerte og i<br />
godt humør. Viss vi studentar likevel slit med å følgje med, får vi lyst til å<br />
lese opp til neste gong, slik at vi følgjer betre med då. Det gjer i alle fall eg.<br />
Eg har litt kollisjon på timeplanen, men det er ikkje noko stort problem,<br />
for mange av forelesingane blir tatt opp på video, som vi kan sjå på<br />
ettermiddagen, akkurat som med fleire fag på UiA.<br />
TUM har enno ikkje kome til å prøve ut bruk av datamaskiner på eksamen,<br />
slik som ein gjer i mange fag på UiA. Det verkar ikkje som om dei stolar på<br />
at slike system kan fungere.<br />
Frå <strong>Unikum</strong> til Unikat<br />
Eg har møtt folka hos Unikat, som er studentavisa i München, og er felles<br />
avis for Ludwig-Maximillian-universitetet (LMU) og TUM. Unikat starta på<br />
papir i 2009, men er i dag berre på nett (unikatmuc.de). Dei promoterer<br />
seg sjølve på sosiale medium, og dei skriv alt på tysk. I motsetnad til i<br />
<strong>Unikum</strong>, så er alle leiarstillingane hos Unikat frivillige, og budsjettet ser<br />
ut til å vere ein god del lågare. Dei får ikkje støtte frå studentsamskipnad<br />
eller universitet. Unikat-medlemmane tykte det var moro å ha ein<br />
namnehalvbror, utanom forskjellane eg har nemnt, så er avisene ganske<br />
like kvarandre. Ei tyskspråkleg utgåve av denne teksten kjem til å kome<br />
på nettstaden deira.<br />
Eg er spent på tida framover. Eg prøver å balansere studium og fritid. Eg<br />
håper på å seinare kunne fortelje meir om det som eg opplever her i den<br />
spennande «storlandsbyen» München.<br />
NOVEMBEr <strong>2016</strong> unikum nr 9 17