Bibelgaven 2/2023

More documents

Recommendations

Info

BIBELGAVEN I VATIKANET TEKST: CATHOLIC NEWS SERVICE. OMSETT: BJØRN HÅKON HOVDE I FOTO: ANATOLIY RAYCHENETS/DET UKRAINSKE BIBELSELSKAPET Meir enn 500 menneske hadde møtt fram ved lanseringa av Det nye testamentet på umbangala i Lunda Norte-provinsen, nordaust i Angola, den 12. juni 2022. Biblar til 723 millionar I 2022 blei det ferdigstilt omsetjingar av biblar, nytestamente og bibeldelar på til saman 81 språk som snakkast av 723 millionar. 56 språk, som blir brukte av over 100 millionar menneske, kunne for første gong lese Guds ord på sitt eige språk: 14 språk fekk heile Bibelen, 5 fekk Det nye testamentet og 37 fekk delar av Bibelen. 25 språk (623 millionar) fekk Guds ord i ny omsetjing. 5,9 milliardar menneske har no heile Bibelen tilgjengeleg på hjartespråket, men det betyr at to milliardar av jordas 7,9 milliardar innbyggjarar framleis manglar heile Bibelen på morsmålet sitt. 201 millionar menneske som representerer 3776 språk, har ingen delar av Bibelen omsett. FOTO: SILKE GABRISCH Bibelselselskapet var representert ved assisterande generalsekretær Anatoliy Raychynets då Det ukrainske kyrkjerådet besøkte Vatikanet i januar. Paven møter det ukrainske kyrkjerådet Når krigen herjar i landet, kan ikkje ukrainarane splitte seg mellom ulike kyrkjesamfunn og religiøse grupper, men må stå sameint bak «mor Ukraina», seier pave Frans. – Det katolske Ukraina, det ortodokse Ukraina og det protestantiske Ukraina er kvar for seg ikkje like viktige som eit sameint og samla Ukraina, uttalte han til medlemmer av Det ukrainske kyrkjerådet. Delegasjonen, som er samansett av leiarar frå alle kyrkjesamfunn Ukraina, og også har representantar frå dei jødiske og muslimske minoritetane i landet, besøkte Roma 24.- 26. januar. – Eg takkar dykk for samhaldet de viser. For meg er dette stort – at de liksom barn i ein familie der alle bur spreidd, kjem saman når mora deira er sjuk, fortalde han. – De er eit forbilde i møte med alt det overflatiske som pregar kulturen vår i dag. Representantane frå rådet deltok også ved kveldsmessa i «Paulusbasilikaen utanfor murane» som avslutta bøneveka for kristen eining og blei leia av paven sjølv. – Eg er nær dykk, og eg får regelmessige oppdateringar frå president Zelensky om stoda i landet, sa paven. – Eg er også i dialog med fleire representantar for det ukrainske folket. Eg lyttar til alle saman, og ber for menneska i landet. Paven delte også historia om korleis han allereie som 11-åring lærte seg den bysantinske katolske liturgien frå ein ukrainsk prest i Argentina. – Heilt sidan den gongen har eg hatt eit stort hjarte for Ukraina og det ukrainske folket, sa han. • 18 Bibelgaven I nummer 2 I 2023
BIBELGAVEN I UKRAINA TEKST OG FOTO: BJØRN HÅKON HOVDE Takk for biblane – vi treng fleire Andriy Sidanych er militær - kapellan i Den ukrainske nasjon - algarden og knytt til Kristihimmelfartskyrkja i Lviv. Heilt sidan Afghanistan-krigen har denne gresk-katolske kyrkja vore vigd til personar i militær teneste, men først for 11 år sidan blei ho gjenopna. – Dette er ei heilt spesiell kyrkje. Under sovjettida blei ho brukt til boklager, og truckar køyrde inn og ut av barokkbygninga, fortel pater Andriy. Før gjenopninga måtte det køyrast bort to og eit halvt lastebillass med duemøkk – før restaureringsarbeidet i det heile teke kunne ta til. – Mange av barna som soknar til denne kyrkja har far eller bestefar i krigen, fortel Andriy. – Historia om duemøkka inspirerte dei til å klippe ut pappduer - både til minne om kyrkjas fortid, men òg om dua som fredssymbol, og som symbol for Den heilage ande, seier han under omvisinga i kyrkja. Pater Andriy besøker jamleg fronten, og då har han alltid med seg biblar frå Bibelselskapet. – Før reisene vender eg meg alltid til Bibelselskapet, og dei strekkjer seg til det ytste for at vi skal ha tilstrekkeleg med biblar til dei som kjempar for Ukraina. På den siste turen hadde han med både ukrainske og russiske biblar, og også lydbiblar. Ukrainske soldatar og offiserar med russisk som morsmål, får sjølvsagt også tilbod om ein bibel på sitt språk. – Men eg har erfart at mesteparten av dei som pleidde å snakke russisk no forsøker å gå over til ukrainsk språk, fortel Andriy. Ved fronten er lydbiblane særleg viktige - for soldatane har sjeldan høve til å ta fram Militærkapellan Andriy Sidanych ved Den gresk-katolske Kristi-himmelfartskyrkja i Lviv, Ukraina. ein bibel for å lese. Ofte er det verken lys eller forhold som gjer det mogleg. – Sjølv har eg også ein lydbibel heime - for om kvelden, eller ved straumbrot - er det ikkje alltid lys til å lese, og då kan eg heller lytte til Guds ord, seier Andriy. Bakanfor frontlinene, er det likevel også etterspurnad etter papirbiblar. – Ein del eldre er mest fortrulege med den gamle omsetjinga, men vi har erfart at yngre menneske ønskjer seg den nye Bibelen. Eg har derfor alltid med meg begge utgåver, seier han. Førebels finst ikkje den nye omsetjinga i ei utgåve som får plass i ei uniformslomme. – Vi håpar derfor at Bibelselskapet kan trykke ei militær utgåve av den nye omsetjinga, men vi veit at det kostar pengar – og at vi er avhengige av hjelp frå bibelvener i utlandet. Den militære Kristi-himmelfartskyrkja i Lviv Kyrkja er reist på byrjinga av 1600-talet i barokkstil. Etter verdskrigen blei ho stengt av den sovjetiske regjeringa og brukt som lager og bokdepot i fleire tiår. I 2010 ble bygninga tilbakeført til Den ukrainsk gresk-katolske kyrkja som straks etter starta eit omfattande restaureringsarbeid. Først måtte to lastebillass med duemøkk bli køyrd vekk frå det vakre bygget. Deretter opna kyrkjene dørene for gudsteneste og bøn - for første gong på 65 år, og lenge før restaureringa var ferdig. Kyrkja blei vigd til falne etter Afghanistankrigen, og har sidan vore ei «militær» kyrkje. Renovasjonsarbeidet starta i 2015 og held på framleis. – Eg er takksam for alle internasjonale vener som no støttar oss i tenesta vår. All ulykka og lidinga vi møter, er utfordrande også for oss i kyrkjeleg teneste og for sjelesørgjarar. Vi treng dykkar forbøn, og vi treng fleire biblar, seier pater Andriy. • nummer 2 I 2023I Bibelgaven 19
Page 1 and 2: 2 23 BIBELSELSKAPETS INTERNASJONALE
Page 3 and 4: FOTO: BJØRN HÅKON HOVDE 8 Krigen
Page 5 and 6: innflytelse. For Bibelselskapet er
Page 7 and 8: Golgata, sør i den ukrainske byen
Page 9 and 10: Utenfor vaier det ukrainske, det po
Page 11 and 12: Oksana og Paulina med valpene. I ne
Page 13 and 14: Først noen dager etter fikk han en
Page 15 and 16: Hun er likevel overbevist om at Gud
Page 17: Far og datter Boris og Julia er far
Page 21 and 22: Are Tjihkkom er 20 år, interessert
Page 23 and 24: Jordskjelv i Tyrkia og Syria Den la

Bibelgaven 2/2023

Create successful ePaper yourself

Delete template?

Save as template?