Bibelgaven 2/2023

More documents

Recommendations

Info

BIBELGAVEN I UKRAINA TEKST OG FOTO: BJØRN HÅKON HOVDE Mannen til Katia blei drepen i krigen. Saman med fem barn klarte ho å flykte frå bomberegnet i byen Melitopol. Etter at familien kom fram til Lviv, blei eldstesonen utsett for ei sykkelulykke, og blinda på det eine auget. Framleis er han på sjukehus. – No treng vi hjelp til alt, seier Katia. Dei hadde planlagt å flykte ut av landet, men på grunn av ulykka har ho og barna stranda på eit lite rom i pinsekyrkja Golgata. – Dei få gongene eg har høve til å sjå fjernsyn, ser eg at alt no handlar om krigen. Det skjøner eg at er viktig. Men ikkje gløym dei som blir råka av sjukdom eller ulykker som ikkje er direkte relaterte til krigshandlingane. – Takk for at de kjem til oss med Guds ord midt i alt det vonde. Be for oss, seier Katia. Bohan (12 år) med den handikappa mor si, Yana og bestemor Marharyta i det vesle rommet i pinsekyrkja i Lviv. Eitt år med full krig 24. februar var det eitt år sidan Russland gjekk til fullskala krig mot nabolandet Ukraina. 5,4 millionar menneske er så langt drivne på flukt. For mange av dei har kyrkjene blitt tilfluktsstader der dei har funne ein fellesskap, og næring for både kropp og sjel. I den vest-ukrainske byen Lviv møter vi den eldre kvinna, Marharyta, den handikappa dottera hennar, Yana med sonen Bohdan på 12 år. – Utan naudhjelp hadde vi ikkje overlevd, og utan trua hadde vi mista alt håp, fortel Marharyta. Ho, dottera og sonen hennar, bur på eit 10 kvadratmeter lite rom i pinsekyrkja 6 Bibelgaven I nummer 2 I 2023
Golgata, sør i den ukrainske byen Lviv, ikkje langt frå grensa til Polen. Sjølv om også Lviv har vore utsett for bombeangrep, og elektrisiteten anten er kutta eller rasjonert, opplevast det vesle rommet med køyesenger på kvar langvegg som ei trygg hamn. – Under flukta frå Bakhmud klamra vi oss til Gud, men først her i Lviv fekk vi kvar vår bibel, fortel den eldre kvinna. Naudhjelp og biblar I byen Mukatsjevo driv pastor Tibor eit arbeid for både lekam og sjel i kyrkja «Levande Gud». I kyrkjekjellaren pakkar flyktningen Yuri og frivillig medarbeidar Valeriy klede og rasjonar til menneske på flukt. På kjøkkenet står Olga, Svetlana og Anna ved grytene. – Kvar dag kjem det meir enn 70 menneske til kyrkja for å ete, det er både flyktningar og heimlause, fortel pastor Tibor. Han er ein god venn av Bibelselskapets assisterande generalsekretær, Anatoliy Raychynets, og har fleire gonger vore med han på dei farefulle reisene til Aust-Ukraina. – Ved fronten finst det ingen ateistar, seier Anatoliy. – Dei einaste gongene eg har opplevd at ein soldat har takka nei til ein bibel, er når vedkommande tilhøyrer islam eller ein annan religion. Men også muslimane klamrar seg til trua når døden kjem nær. Bibelbehov Bibelvener i Noreg veit at Bibelselskapet i Ukraina driv med omsetjing, trykking og distribusjon av biblar. Men ikkje alle veit kor omfattande arbeidet er, og at det også omfattar traumelindring og sjelesorg. – I byrjinga av krigen ønskte mange seg russiske biblar, men no spør dei aller fleste etter ukrainske biblar, fortel pastor Tibor. – Dessutan treng vi ulike typar biblar til mottakarane. Biblar med stor skrift til eldre og svaksynte. Og vi treng den nye bibelomsetjinga til ukrainsk, særleg ungdomar og unge vaksne ønskjer seg den, og sjølvsagt treng vi barnebiblar, seier han. – Behovet er umetteleg, og etter eitt år med full krig er etterspurnaden større enn nokon gong. Nokre flyktningar hadde ein bibel, men ofte er han brunnen, øydelagt eller har forsvunne som følgje av krigshandlingane. Svært mange hadde ikkje nokon bibel tidlegare, og heller ikkje noko aktivt forhold til kristen tru. Også dei ønskjer seg no Guds ord. – Desse menneska treng i tillegg hjelp til å ta Bibelen i bruk og vite korleis dei skal bruke han, fortel Tibor. Personlege offer Heile nasjonen vår er ramma, alle er mobil - iserte, og ingen kan halde seg vekk frå krigen. – Ein del menneske i kyrkjeleg teneste, har opplevd hjarte- og hjerneslag, eller andre helseproblem, berre fordi dei ikkje kunne tillate seg å ta ei pause når dei såg dei enorme behova kringom seg, fortel kommunikasjonsansvarleg Rostyslav Stasyuk ved Bibelselskapets Lviv-kontor. Sivilbefolkninga har ikkje hatt høve til å førebu seg til eit slikt kjenslefylt stress. Når det fyller deg dagleg kan det øydeleggje deg. – Etter kvart fekk vi ei forståing av at vi måtte prøve å ta grunnleggjande vare på oss sjølve, slik at vi varte lenger. Vi måtte endre tankesettet frå ideen om at dette var ein sprint, til at det er einmaraton, seier han. På den andre sida opplever mange å finne styrkje ein ikkje visste at ein hadde. – I arbeidet vi står i, er det lite som motiverer meir enn å vite at all innsats tel, kvar bibel som blir gitt bort har kraft i seg til å endre situasjonen og framtida for eit menneske. Tilbake til flyktningfamilien i pinsekyrkja: – Vi trur på Gud, vi ber heile tida og vi veit at Gud til sist vil overvinne det vonde og at krigen vil ta slutt, seier Marharyta. Kvar gong Bibelselskapets medarbeidarar dreg til frontlinja, eller frigjorde område, går dei alltid tomme for biblar. Alltid står det nokre menneske tilbake utan Bibelen. – Kva kan vi i Noreg gjere for å hjelpe? – Be om fred i Ukraina, be for krigsoffera, be for Kyrkja, for Bibelselskapet, prestane og andre frivillige. Som truande veit vi at alt er avhengig av Gud, og at vi ikkje kan gjere anna enn å leggje utfordringane i hendene hans, seier Rostyslav Stasyuk ved Bibelselskapets Lviv-kontor. – Dernest bed vi om støtte til biblar. Behova er mykje større enn forsyningane. Vi er takksame for infrastrukturen av kyrkjer og organisasjonar som jobbar mellom krigsofra. Det vi verkeleg treng pengar til, er derfor å trykkje fleire biblar - og så er vi sikre på at dei vil bli distribuerte på ein god måte. Foto: Det ukrainske bibelselskap – Utan Guds ord hadde vi gått til grunne. • nummer 2 I 2023I Bibelgaven 7
Page 1 and 2: 2 23 BIBELSELSKAPETS INTERNASJONALE
Page 3 and 4: FOTO: BJØRN HÅKON HOVDE 8 Krigen
Page 5: innflytelse. For Bibelselskapet er
Page 9 and 10: Utenfor vaier det ukrainske, det po
Page 11 and 12: Oksana og Paulina med valpene. I ne
Page 13 and 14: Først noen dager etter fikk han en
Page 15 and 16: Hun er likevel overbevist om at Gud
Page 17 and 18: Far og datter Boris og Julia er far
Page 19 and 20: BIBELGAVEN I UKRAINA TEKST OG FOTO:
Page 21 and 22: Are Tjihkkom er 20 år, interessert
Page 23 and 24: Jordskjelv i Tyrkia og Syria Den la

Bibelgaven 2/2023

Create successful ePaper yourself

Delete template?

Save as template?