Fantasías eróticas para paspallás

pullóver morada, e con seriedade e firmeza do suxeitador, sen titubeos, sen disimular que a
indignaba obedecer ordes. Sempre era ela a que dicía:
- ”Ispe, saca o pantalón, amósame iso...”
Levaba saia tubo que lle marcaba os cadrís divinamente e elevados zapatos de tacón
negros. Resultaba tremendamente atractiva espida no torso, cinguida na súa metade inferior. A súa
figura era a dunha muller madurada en xarope, as súas carnes unha mestura entre firmeza e
brandura de cor pan de millo. Coas costas ben erguidas disimulaba que os seus peitos, con bicos do
peito perfectamente areolados, eran tetas con tendencia á baixa. Parece mentira que unha muller con
ese carácter de mil demos poida ser tan bela, que unha amargada rosmona e fungona poida ter os
trazos tan ben deliñados.
Unha vez ela se colocou como lle indicara, o cirurxián achegouse respectuoso, coa boca
chea de auga e os ollos brillantes.
- “Outro baboso máis”, pensou a madrasta.
O home, ignorante destes pensamentos para a súa persoa, achegou a súa man a unha desas
peras maduras e ergueuna, engurrando con dous dedos a parte baixa da pel. A cereixa da punta
púxose erecta coma un vimbio. Xa co peito na súa man, o cirurxián mirouna aos ollos e explicoulle
que habería que cortar por debaixo nunha fina liña, e logo un corte transversal ata o bico do peito,
eliminar a pel sobrante e volver a coser. Como dese xeito quedaría moi baixo, habería que
recolocalo tamén, subíndoo un par de centímetros. Faláballe desde moi preto e case bisbaba as
palabras. O médico explicaba, en evidente excitación, á súa paciente as características da operación
á que se tería que someter. Falaba e auscultaba a un tempo.
- Os seus peitos poderanse erguer uns dous centímetros, seica, depende do seu gusto”
Ela pegou un chimpo, pouco lle faltou para lle dar unha labazada de moito mimo.
- Entón quedarían tres cicatrices, unha bordeando a parte baixa do peito, outra sairía do
centro dese sinal ata o bico do peito, e, por último, unha rodearía a aréola? Ja!
- Así é- confirmou o cirurxián cun certo cinismo, mirándoa fixamente aos beizos.