Fantasías eróticas para paspallás

día de primavera e os tres nos sentíamos ledos mirando os leóns, que tanto asustaban ao meu
moniño, as xirafas, as aves exóticas...todo ía de marabilla ata que nos achegamos á zona dos monos,
bonobos e chimpancés. Era o espazo de maior atracción desde que trouxeran á mona Chita, a
famosa mona de Tarzán. Contaban que seica Jane non se adaptou na selva e forzou a Tarzán a vivir
na civilización e este consentiu con tal de traer á súa compañeira da infancia con el, pero unha vez
aquí, vivindo nun pisiño de protección social a mona non se adaptaba e facía tanto barullo que
tiveron que levala ao zoo. O curioso do asunto é que Tarzán tampouco se acostumou á vida na
cidade e el e Jane volveron á selva pero esqueceran ir recoller á mona. Esta, segundo dicían, estaba
encantada no zoolóxico e era simpática e festexeira cos nenos e cos mozos, amosándose sen
embargo agresiva coas mulleres. A súa gaiola era o centro de atención e estaba a rebentar de nenos
tirándolle manises. Cando nos achegábamos, Amedio comezou a se por nervioso, e brincaba do meu
lombo á miña testa nun estado de excitación non habitual. Quedamos a uns cinco metros da gaiola
por ese motivo e porque moita xente se agrupaba apoiada na varanda separadora. Entonces a Chita
mirounos e comezou a facer monadas, brincaba, brincaba e saltaba cada vez mais alto, revirábase e
daba chimpos amosando o cu vermello que mesmo semellaba que chamaba pola mirada de Amedio.
Ao principio Amedio escondía o corpo detrás da miña caluga e asomaba os ollos, pero de pronto
notei que a miña mascota amosaba unha erección. As ereccións dos monos son escandalosas porque
a súa pirola é longa e vermella, estreita e brillante. Sentinme molesto co mono enriba con aquilo tan
teso. A Chita parecía ser consciente da resposta que os seus movementos facían en Amedio e
entonces comezou a berrar, amosaba os cabeiros todos e chiaba coma posesa. Os nenos do arredor
rían e aplaudían, mais e mais xente se achegaba á gaiola intrigada polo rebumbio. Entón sucedeu o
peor: Amedio dou un chimpo e alcanzou os barrotes da gaiola, a mona parecía gozar moito con todo
e comezou a tocar o seu burato cos cinco pezuños, sentou escarranchada e se masturbaba coas dúas
patas dianteiras á vista de todos nós. Amedio non quedaba atrás, colleu a coliña e facíaa estirar e
encoller coma se dun blandiblu se tratara. Amedio e Chita parecían Adán e Eva tentándose o un ao
outro, o primeiro coa serpe, a segunda coa a mazá prohibida.Eu chamábao.