37 от 22 сентября 2022 (25949)

udmdunne.ru
+7 951 195 37 65
Улон чигвесьёс
Ӵыжы-выжыосын
узырмиз мӧйымыса
Дэри ёросысь Ожмосысь Светлана Турцева (бурысез)
Тамара но Ольга сузэръёсыныз.
Дэри ёросысь Ожмос
гуртын улӥсь Светлана
Турцева (Набокова)
вордскемез дырысен
атайтэк будэмын.
Мӧйымыса гинэ, кышномурт
бубизлэн семьяеныз
кусып тупатыны
быгатӥз.
Светланалэн верамезъя,
анаез, Ижкарын ужакуз,
тодматскем Алнаш ёросысь
Актэмыр гуртысь
Миша Семёновен. Егитъёс
ог-огзэс яратӥллям, нош
1950-тӥ арын пияшез армие
басьтӥллям. Со ик луэм
туганъёслэн люкиськемзы.
Светалэн анаез секытэн кылем
но Дэри ёросысь Куӵос
(Коньки) гуртаз бертоно кариськем.
1951-тӥ арын 25-тӥ
толшоре солэн Света нылыз
вордскиз. Гуртын кӧня ке
улыса, кышномурт выльысь
Ижкаре ужаны кариськиз,
нош нылзэ анай-атаеныз
гуртэ кельтӥз.
Озьы Светлана 12 ар будэмын
песянай-песятаез бордын.
1963-тӥ арын анаез пыраклы
бертӥз гуртаз, солэн 6
аресъем Витя пиез вылэм ни.
Кышномурт городын семья
кылдытъяз, но картэныз люкиськоно
луиз.
Светланалэн пичи дырысьтыз
атаеныз пумиськемез,
тодматскемез потэ вылэм. Но
сыӵе учыр ӧз тупалля. Бадӟым
будыса гинэ, шуд усиз атаеныз
пумиськыны.
— 1975-тӥ арын вал со.
Мон аслам семьяеным Ожмос
(Бабино) черкогуртын
улӥсько ни вал. Корка тодмотэм
воргорон пыриз но
шуэ: мон атайдэ вайи. Соку
нырысьсэ адӟи атайме,
кӧттырмонамы вераськимы,
— тодаз вае Светлана.
Но бӧрысь но та кусыпсэс
возён, азьланяз но юнматон
сярысь ӧз сюлмаське.
46 ар ортчыса, Светланаез
улон сюрес вуттӥз Алнаш
ёросэ: 2021-тӥ арын толсуре
со Лариса нылыныз шутэтскыны
ветлӥз Варзи-Ятчи
санаторие. Отысен музейын
ужасьлы вазиськиз, ӵыжывыжыоссэ
шедьтыны курыса.
Вакчи дыр куспын малпанэз
быдэсмиз: музей Светланалэсь
родняоссэ шедьтӥз.
Зэм, ӝож ивор но вуиз: Светланалэн
атаез, пе, улонысь
кошкемын ни. Нош со понна
мукет ӵыжы-выжыосыз кӧня
вылӥллям!
Атаезлэн Анна сузэрез
та вакытэ улэ Алнаш ёросысь
Кадикгуртын. Атаезлэн
эшшо 4 нылъёсыз вылӥллям.
Кыкез уло Алнаш ёросын: Тамара
— Алнаш черкогуртын,
Ольга — Казакгуртын. Валя
№37 (25949)
УЛОН-ВЫЛОН 2022-тӥ ар 22-тӥ куарусён 17
улэ Можга карын, нош Света
— Можга ёросысь Сюгаилын.
Та сузэръёслэн вынзы но вылэм,
но улонысь вазь кошкем.
Светланалэн но Витя выныз
улонысь кошкемын ни.
Табере тодмое шумпотыса
вера: мон али туж шудо но
узыр, сомында вӧзам ӵыжывыжые
луиз!
Светланалэн аслаз 2 данъяськымон
нылъёсыз. Лариса
экономист луыса ужа Дэри
ёросысь Ожмос черкогуртлэн
администрацияз. Наташа
улэ Дэри ёросысь Изгуртын,
инженер-архитектор
луыса ужа Ижкарысь одӥгаз
предприятиын.
Светланалэн 2 нунокъёсыз.
Соос туж ярато песянайзэс,
весь дораз вуыло.
Ачиз кышномурт, пенсие
потыса но, пол миськись
луыса ужа на. Светлана
юртъер котырзэ но ӝикыт,
чебер возьыны тырше: сяськаен
сыръя азбарез, бакчаез.
Ваньмон дыръяз кышномурт
киужен выре, «Удмурт
дунне» газет лыдӟылэ. Туж
шумпотэ ӵыжы-выжыоссэ
шедьтэмез понна, оске, сузэръёсыныз
кусыпсы уз ни
ышы шуыса.
________
Татьяна АКИЛОВА.
Ижкар
Светлана Турцевалэн архивысьтыз
27-тӥ куарусёнэ — Воспитательлэн нуналыз
Кыкетӥ анай
Улон ӝог воштӥське, соин ик воспитатель но вамышъяны
тырше вакытэн ӵош. Мон шуысал, та уж
туж ик капчи ӧвӧл.
Воспитатель котькытчы вутске, котьмае быгатэ — эктэ,
кырӟа, киужен выре, кылбур вера. Нош туала вакытэ ужаны
быгатоно на мультимедийной но инновационной технологиосын:
соосты кутоно нылпиослэсь тодон-валанъёссэс муромытон,
быгатонлыкъёссэс усьтон но волятон понна. Эшшо ке
исследовательской уж но нуоно на. Аслэсьтыд тодон-валанъёстэ
будэтон сярысь но сюлмаськоно — нылпилэсь психологизэ
но, нылпи литератураез но мед тодод.
Ма, воспитательлы аслыз но психолог луоно — быгатоно
котькуд пиналэз яратыны, солэсь мылкыдзэ валаны. Юнме уг
верало ук: воспитатель — со кыкетӥ анай. Анай сямен ик пиналлэсь
лулпушсэ, тазалыксэ шӧдӥсь-валась. Со сяна, удмурт
воспитательлы сюлмаськоно луэ на анай кылмес утён сярысь
но — удмурт кылын вераськись пиналъёс тросгес мед луозы.
Ачим сярысь ке верано, воспитатель луыса тыршисько
ни 25 ар ӵоже. Ватсаса нуисько на удмурт кылъя занятиосты.
Соос туж тунсыко ортчо — кырӟаса, шудыса. Бигер, ӟуч пиналъёслы
но соос кельшо.
Быръем удысэ пумысен одӥг пол но жаляме ӧвӧл. Тунсыко
луыса кошкиз: мон ачим одӥг нунал но нылпи садэ ветлэмын
ӧвӧл. Нош табере садтэк, нылпиостэк улонме син азям пуктыны
ик уг быгатӥськы. Улонын котькыӵе воштӥськонъёс,
шуг-секытъёс пумисько ке но, нылпиос кужым сёто, соос
шоры учкыса, мылкыд ӝутске, сюлмаськытӥсь малпанъёс
тӧлӟо-быро. Жаляса верано, егитъёслэн нылпи садэ ужаны
лыктэмзы уггес поты. Паймо: кызьы, пе, сомында нылпиез
котырад возёд, котькудӥныз огкыл шедьтод?! Воспитатель
луон мылкыд Инмарен сётэмын луыны кулэ, вылды.
Котьма ке но ужам ужлэн емышез луыны кулэ. Нош педагоглэн
тыршемезлэн емышез — со шудо, шумпотӥсь нылпиос,
со анай-атайёсын огкыл шедьтон. Ӟеч кылъёс вераме потэ
ӵош ужась эшъёсылы. Котьку но тазьы ик капчи мылкыдын,
ог-огмес валаса но ог-огмылы юрттыса мед ужаломы.
________
Гурт школа
Пичи дышетӥсьёс
Надежда АМЕРХАНОВА,
Ижысь 208 номеро
нылпи садысь воспитатель
Алнаш ёросысь Чем-Куюк школаын 9-тӥ классозь гинэ
дышето ке но, выль дышетскон арысен ужаны кутскиз
«Мой педагогический класс» проектсы.
Чем-Куюк школаын 82 пиналъёс дышетско. 2-тӥ арзэ отын
ужа агрокласс, та пумысен Асанысь аграрно-технической
техникумен огкыл гожтэмын. Нош туэ выль классъёс усьтӥзы:
социально-педагогической но юнгвардия.
— Таӵе классъёсты усьтӥмы нылпиослэн но анай-атайёслэн
мылкыд каремзыя, озьы 9-тӥ классмы агрокласс луэмын,
8-тӥ — педкласс, 5-тӥ — юнгвардия, — шуэ школалэн
кивалтӥсез Вера Никонова. — Кылем суббота нуналэ «Мой педагогический
класс» проектлы кутскон сётэмын вал. Пиналъёсын
ӵош Можгаысь педколледже вуылӥмы, отын нылпиослы
значокъёс, дневникъёс (азьланяз со зачётной книжка выллем
луоз) сётӥзы.
Вуоно дышетӥсьёсты, воспитательёсты будэтонъя проектэ,
Алнаш ёросысь школа сяна, Можга ёросысь Пычас школа
пыриське на. Озьы нылпиос, 2 ар ӵоже толэзяз 2 пол педколледже
ветлыса, тодон-валанзэс муромытозы, собере сертификатъёс
басьтозы, педагогической колледжъёсы пырыкузы,
нылпиослы соя ватсаса баллъёс сётӥськозы. Гурт пиналъёсты
городэ школалэн автобусэныз нуллозы. Та ласянь юрттыны
мылкыд каремзэс ивортӥзы ёросысь кивалтӥсьёс но.
Пусйыны кулэ, табере та классысь пиналъёс дышетӥсьёслэн
нырысетӥ юрттӥсьёссы луозы, тэшкылиосын огкыл
шедьтыны дышетскозы.
________
Валентина ЕМЕЛЬЯНОВА