Emigrantët - Tribuna News

More documents

Recommendations

Info

16 Ndërkombëtare Presidenti i sapozgjedhur i Parlamentit Evropian, Jerzy Buzek shprehu angazhimin dhe mbështetjen e tij për zgjerimin e mëtejshëm të Bashkimit Evropian me vendet e Ballkanit. “Mund të deklaroj se tashmë kemi një situatë premtuese dhe interesante në Ballkan. Në këtë rajon nuk ekzistojnë më tensione dhe këto vende po përpiqen që të bëhen pjesë e BE-së dhe ky është një lajm shumë i mirë. Ne kemi ndryshuar qëndrimin e këtyre vendeve dhe kjo tendencë duhet të vazhdojë, pasi është shumë e rë- ndësishme”, vlerësoi Buzek. Parlamenti Evropian zgjodhi presidentin e tij të parë nga një shtet ish-komunist me një shumicë dërrmuese votash në favor të ish-kryeministrit polak Jerzy Buzek. TRIBUNA • E PREMTE 17 KORRIK 2009 Buzek: Ballkani duhet të anëtarësohet në BE Asnjë i mbijetuar nga rrëzimi i avionit Një avion pasagjerësh është rrëzuar të mërkurën pak pas ngritjes nga një aeroport në në veriperëndim të Iranit. Media shtetërore tha se 168 pasagjerët dhe personeli në bordin e avionit kishin vdekur. Një oficer i brigadës së zjarrëfikësve, tha se avioni kishte shpërthyer në momentin kur ishte përplasur në tokë pranë qytetit Kazvin. Avioni i tipit Tupolev ishte i kompanisë së fluturimeve Caspian Airlines dhe fluturonte nga Teherani për në kryeqytetin e Armenisë, Jerevan. Kur kishin kaluar vetëm 16 minuta që nga nisja e fluturimit, ai u zhduk nga radarët. Një dëshmitar tregoi se si kishte rënë si plumb prej qiellit. Një tjetër dëshmitar, tha se ishte sjellë vërdallë për pak kohë në kërkim të një fushe për ulje emergjente, ndoshta pas problemeve me motorin apo prej një zjarri në bord. Media shtetërore tregoi pamje të një krateri të madh të hapur në tokë prej rrëzimit. Irani është famëkeq përsa i takon sigurisë së fluturimeve. Për shkak të sanksioneve të vendosura nga Shtetet e Bashkuara, Irani mbështetet në një flotë ajrore të vjetëruar dhe e ka të vështirë të blejë pjesë këmbimi. Disa pilotë sjellin në Iran fshehurazi pjesë këmbimi nga jashtë. Por teksa sanskionet nuk prekin avionët që vijnë nga Rusia dhe Ukraina, këta avionë që i përkasin flotës ajrore iraniane duket se nuk janë më në formën e tyre më të mirë. Iran - katastrofat më të rënda ajrore në 10 vitet e fundit 14 mars 1997 - Një avion ushtarak iranian me 80 persona në bord rrëzohet në një rajon malor të pjesës verilindore të Iranit, duke shkaktuar vdekjen e të gjithë pasagjerëve dhe ekuipazhit. 2 shkurt 2000 - Një avion iranian e Trupave Ajrore i modelit “C-130” humbet kontrollin ndërkohë që po ngrihej nga aeroporti i Teheranit dhe përplaset me një avion pa pasagjerë të kompanisë “Iran Air”. Të dy avionët shkatërrohen dhe të gjashtë personat në bordin e “C-130” humbin jetën. 17 maj 2001 - Një avion rus “Yak-40” me 29 persona në bord, përfshi ministrin iranian të Transporteve, Rahman Dadman dhe disa zëvendësministra, rrëzohet në veri të Iranit duke shkaktuar vdekjen e të gjithë personave në bord. 12 shkurt 2002 - Një avion i “Iran Air Tours” i modelit “Tupolev-154” rrëzohet pranë qytetit perëndimor Khorramabad. Të 118 personat në bord humbin jetën. 23 dhjetor - Një avion ukrainas i modelit “Antonov An-140” u rrëzua në një mal në pjesën qendrore të Iranit, duke shkaktuar vdekjen e 46 personave. Pjesa më e madhe e pasagjerëve ishin zyrtarë të lartë ukrainas dhe rusë të aeronautikës, të cilët po udhëtonin drejt Iranit për të testuar një kopje të avionit të ndërtuar nga iranianët. Aksidenti u deklarua se ishte si pasojë e një gabimi të pilotit. 19 shkurt 2003 - Një avion iranian “Ilyushin-76” i transportit të trupave ushtarake u rrëzua në juglindje të Iranit duke shkaktuar vdekjen e 276 trupave të Gardës Revolucionare dhe të ekuipazhit që ndodhej në bord. 10 shkurt 2004 - një avion i kompanisë ajrore “Kish”, i llojit “Fokker-50”, rrëzohet gjatë uljes në aeroportin e Sharjah në Emirateet e Bashkuara Arabe, duke shkaktuar vdekjen e 43 prej 45 pasagjerëve që ndodheshin në bord. 6 dhjetor 2005 - Një avion i Forcave Ajrore Iraniane i tipit “C-130”, me 94 persona në bord, rrëzohet mbi një ndërtesë banimi dhjetëkatëshe në rajonin Shahrak-e Towhid në Teheran, duke shkaktuar vdekjen e të gjithë personave në bord dhe të paktën 22 personave në ndërtesë. 9 janar 2006 - Një avion ushtarak rrëzohet në pjesën veriperëndimore të Iranit, duke shkaktuar vdekjen e të paktën 11 persona në bord, përfshi disa trupa të komandove të Gardës Revolucionare. 1 shtator - Një avion pasagjerësh i “Iran Air Tours” i modelit “Tupolev-154” merr flakë gjatë uljes në aeroportit në qytetin veriperëndimor Mashhad, duke shkaktuar vdekjen e 29 personave. 27 nëntor - Një avion ushtarak i prodhimit rus të tipit “Antonov-74” rrëzohet pak pas ngritjes nga aeroporti i Teheranit, duke shkaktuar vdekjen e të paktën 36 personave në bord. 24 gusht 2008 - Një Boeing “737-200”, që i përkiste një kompanie private kirgize “Itek-Air” dhe që përdorej nga një kompani iraniane, rrëzohet në aeroportit Bishkek. Rreth 70 persona, përfshi anëtarë të një ekipi lokal baskebolli për adoleshentë, humbën jetën. 15 korrik 2009 - Një avion i “Caspian Airlines” i tipit “Tupolev”, me 153 pasagjerë dhe 15 anëtarë ekuipazhi që udhëtonte nga Teherani drejt Erevanit në Armeni, rrëzohet pranë qytetit Qazvin duke shkaktuar vdekjen e të gjithë personave në bord. Fitorja e Buzek ishte garantuar më parë pasi grupet parlamentare konservatore, socialiste dhe liberale kishin rënë dakord për emërimin e tij për 30 muajt e parë të sesionit të Parlamentit Evropian. Masa të reja për krizën, në vjeshtë Kryeministri suedez Fredrik Reinfeldt, vendi i të cilit mban presidencën e radhës së Bashkimit Evropian, duke prezantuar para europarlamentarëve programin e presidencës suedeze, deklaroi se kriza ekonomike ende nuk ka përfunduar dhe se situata mund të përkeqësohej. Sipas tij, Evropës i duhen masa të reja për krizën dhe bisedimet për këtë çështje do të fillojnë në vjeshtë. Reinfeldt u përqendrua në çështjen serioze të punësimit dhe situatës së financave publike. Ai shpjegoi se pa një strategji konkrete për konsolidimin e financave publike, Evropa do të përballej me një papunësi në masë, që do të shoqërohej me tensione sociale dhe rritje të barrës fiskale. Misioni në Mars: përfundon fluturimi virtual Gjashtë vullnetarë, të mbyllur që prej 31 marsit në një ambjent të veçuar nga bota e jashtme në Moskë për të simuluar kushtet e një udhëtimi drejt planetit Mars, dolën këtë javë pas eksperimentit 105 ditësh. Gjashtë burrat dolën duke buzëqeshur dhe dukeshin në formë të mirë. Qëllimi i eksperimentit ishte të testoheshin efektet psikologjike dhe fiziologjike të një qëndrimi për një kohë të gjatë i mbyllur, veçanërisht stresi, veprimtaria hormonale, imuniteti, cilësia e gjumit dhe humori brenda ekipit. Etapa e mëtejshme, e parashikuar për në fund të vitit, do të ketë të bëjë me mbylljen e gjashtë personave në një sallë për 520 ditë ose e barabartë me kohëzgjatjen e plotë të një misioni në Mars. Në rastin më të mirë, një udhëtim vajtje-ardhje Tokë-Mars, që Agjencia Hapësinore Evropiane shpreson se mund ta ndërmarrë rreth vitit 2030, do të zgjaste 520 ditë: 250 për vajtje, 30 për qëndrim në vend dhe 240 për kthimin. Francezi Cyrille Fournier, pilot i kompanisë ajrore “Air France” dhe gjermani Oliver Knickel, inxhinier ushtarak, ishin zgjedhur nga Agjencia Hapësinore Evropiane mes 5 650 kandidatëve. Bashkëudhëtarët rusë të ekuipazhit ishin dy kozmonautë, një mjek dhe një specialist i çështjeve fizike dhe sportive. Eksperimenti u zhvillua në Institutin rus për problemet biomjekësore (IBMP) në Moskë. Britania mbron operacionin në Afganistan Ministri i Jashtëm britanik, David Milliband ka mbrojtur rolin që luan Britania e Madhe në Afganistan, në javën kur numri i ushtarëve britanikë të vrarë atje e ka kaluar numrin e atyre të vrarë në Irak. Gjithsej 184 ushtarë britanikë janë vrarë deri tani në Afganistan, 15 prej tyre vetëm gjatë kësaj jave. Tetë prej tyre u vranë gjatë 24 orëve të fundit. Por ndërsa në Britani po kthehen gjithmonë e më shumë arkivole të mbështjellë me flamur, po shtohen pikëpyetjet rreth përfshirjes së vendit në ofensivën e atjeshme dhe ndaj objektivave të saj. Në një përpjekje për të siguruar mbështetje, z. Milliband argumentoi se trupat britanike në Afganistan po luftonin për të ardhmen e vendit të tyre. “Ne e dimë se zonat e thella malore të Afganistanit dhe Pakistanit, zona kufitare mes tyre, janë përdorur për të kryer sulme të tmerrshme mbi SHBA dhe Britaninë. E dimë se deri në momentin kur të sigurohemi se forcat afgane mund të ofrojnë një siguri minimale për popullin e tyre, ne nuk do të jemi të sigurt në tokën tonë”, tha ai.
TRIBUNA • E PREMTE, 17 KORRIK 2009 Komuniteti Çfarë është, si duhet të mbrohemi, si luftohet Ekspertët për infeksionet janë duke u përpjekur për të reaguar ndaj shpërthimit të gripit të derrave në Meksikë dhe rasteve të dyshuara në vende të tjera. Si shpërtheu sëmundja? Specie të ndryshme strehojnë forma të ndryshme të virusit të gripit. Viruset e gripit, pësojnë mutacionie gjatë një periudhe kohë duke shkaktuar ndryshime të vogla të proteinave në sipërfaqen e tyre që quhen antigjene. Nëse sistemi imunitar ka ndeshur një formë të caktuar virusi gripi në të kaluarën, ka gjasa që të ketë një farë imuniteti. Por nëse antigjenet janë diçka e panjohur për sistemin imunitar, atëherë ai do të dobësohet. Çfarë është gripi i derrave? Gripi i derrave është një sëmundje e rrugëve të frymëmarrjes që shkaktohet nga gripi i llojit A që prek derrat. Ka disa lloje dhe infeksioni ndryshon në mënyrë konstante. Deri tani nuk i kishte prekur njerëzit, por forma më e fundit i prek dhe mund të kalojë nga një individ tek tjetri, ndoshta përmes kollitjes apo teshtimës. Cila është e reja për këtë lloj gripi? Organizata Botërore e Shëndetësisë ka konfirmuar se të paktën disa nga rastet tek njerëzit, janë varietete që nuk janë parë më parë të virusit H1N1 të gripit të llojit A. H1N1 është gati i njëjti lloji virusi që shkakton shpërthimin sezonal të gripit tek njerëzit. Por varianti më i fundit i H1N1është i ndryshëm. Ai përmban një material gjenetik që gjendet tek lloji i gripit që prek njerëzit, shpendët dhe derrat. Viruset e gripit kanë aftësinë të këmbejnë komponente gjenetike me njëra-tjetrën dhe duket se versioni i ri i H1N1 rezultoi nga përzierja, brenda të njëjtës specie, e varianteve të ndryshme të virusit që zakonisht prekin specie të ndryshme. Derrat përfaqësojnë një ambjent ideal për përzierjen e këtyre viruseve me njëra-tjetrën. Sa i rrezikshëm është? Simptomat e gripit të derrave duken të ngjashme me ato të gripit standart sezonal. Këtu përfshihen: temperaturë, kollitje, dhembje fyti, dhembje trupi, ethe dhe këputje. Shumica a rasteve në mbarë botën duken të lehta, por në Meksikë kanë humbur jetën dhjetra vetë. Sa duhet të shqetësohemi? Kur del një lloj i ri gripi që ka aftësinë për të kaluar nga një person tek tjetri, ai monitorohet nga afër për të parë nëse ka aftësinë për të t’u kthyer në një epidemi globale. Rreziku i ri quhet “Gripi i Derrave” OBSH ka paralajmëruar se të marra sëbashku, rastet në Meksikë dhe në SHBA mund të çojnë një krizë globale dhe thekson se situata është serioze. Megjithatë ekspertët thonë se është ende herët për të vlerësuar plotësisht situatën. Aktualisht ata thonë se bota është më pranë një epidemije globale, sesa ka qënë ndonjëherë që prej vitit 1968, duke e vlerësuar shkallën e rrezikut në 3 nga 6 që është maksimalja. Askush nu e di potencialin e plotë që kësaj epidemije, por ekspertët paralajmërojnë se mund të shkaktojë humbjen e miliona jetëve në botë. Epidemia e gripit spanjoll që filloi në 1918 dhe u shkaktua nga një formë e H1N1, shkaktoi vdekjen e miliona vetëve. Por fakti që të gjitha rastet në SHBA dhe në vende të tjera kanë treguar simptoma të lehta, është inkurajues. Ajo sugjeron se shkalla e rëndë e këtij gripi në Meksikë mund të ketë lidhje me ndonjë faktor të caktuar gjeografik, ndoshta me ndonjë virus tjetër që qarkullon në këtë komunitet dhe që ndoshta nuk hyn në vende të tjera të botës. Nga ana tjetër, personat e infektuar në Meksikë kanë kërkuar mjekim në kohën kur gripi ndodhej në një fazë të avancuar, ndryshe nga personat e infektuar në vende të tjera. Mund të ketë të bëjë me faktin që gripi në Meksikë është ndryshe nga ai në vende të tjera, por kjo mund të konfirmohet vetëm me analiza laboratorike. Ka shpresë se prej faktit që njerëzit janë zakonisht të ekspozuar ndaj formave të H1N1, sistemi ynë imunitar mund të ketë filluar ta luftojë infeksionin. Megjithatë, fakti që shumë prej viktimave janë të rinj, vë në dukje diçka të pazakontë. Zakonisht gripi sezonal prek më tepër të moshuarit. A mund të frenohet? Virusi duket se ka filluar të përhapet në mbarë botën dhe shumica e ekspertëve besojnë se frenimi i tij në këtë epokë të udhëtimeve të shpeshta me avionë do të jetë shumë e vështirë. A mund të kurohet? Autoritetet amerikane thonë se dy medikamente që përdoren zakonisht për të kuruar gripin janë Tamiflu dhe Relenza, duken efektive për trajtimin e rasteve që ka ndodhur deri tani. Megjithatë medikamentet duhen dhënë në një fazë të hershme për të qënë efektive. Përdorimi i këtyre medikamenteve ka gjasa të bëjë që virusi të mos kalojë nga një individ tek tjetri. Qeveria britanike ka krijuar një depozitë me medikamente Tamiflu si masë paraprake kundër një epidemie. Është e paqartë se sa efektive mund të jenë vaksinat ekzistente për gripin, pasi virusi aktual dallon gjenetikisht nga forma të tjera gripi. Shkencëtarët amerikanë janë duke përgatitur një vaksinë të re, por do të kalojë kohë përpara se ajo të perfeksionohet dhe të prodhohet në masë për të përballuar një kërkesë të madhe për të. Në SHBA në 1976 u përdor një vaksinë për të mbrojtur njerëzit nga një lloj i gripit të derrave. Megjithatë, ajo solli efekte anësore të rënda si sindromi Guillain-Barre. Pati më shumë vdekje nga vaksina, sesa nga gripi. Çfarë duhet bërë për të qënë i mbrojtur? Kushdo që ka simptoma të gripit, apo mund të ketë qënë në kontakt me virusin e derrave, - si për shembull ata që jetojnë apo kanë udhëtuar në Meksikë, - duhet të marrin këshillia mjeksore. Por pacientëve u është kërkuar që mos shkojnë në ambulanca apo klinika të tjera për të zvogëluar rrezikun e përhapjes së sëmundjes. Ata duhet të qëndrojnë në shtëpi dhe të kontaktojnë për ndihmë shërbimin shëndetësor. Cilat masa duhen marrë? Shmagni kontaktetet me njerëz që nuk duken mirë me shëndet apo kanë kollë dhe temperaturë. Kontrolli ndaj infeksioneve dhe higjena mund të ndihmojnë në zvogëlimin e shanseve për transmetimin e të gjithë viruseve, përfshirë edhe gripin e derrave. Kjo përfshin mbulimin me shami të gojës dhe hundës kur kollitemi apo teshtijmë dhe më pas hedhjen e shamisë në koshin e plehrave. Është e rëndësishme që duart të Greqia, 8 milionë vaksina Ministria greke e shëndetësisë konfirmoi këtë javë 33 raste të reja të gripit të shpendëve, dhe numri i përgjithshëm arriti në 323, tre çereku prej të cilëve tashmnë janë shëruar plotësisht. Në të njëjtën kohë është bërë e ditur se u evidentua edhe rasti i parë serioz. Bëhet fjalë për një burrë 25 vjeç, nga Greqia e Veriut, i cili po kurohet me pneumoni në një spital të Selanikut. Pacienti ishte pjesëtar i një grupi muzikor që kishte shkuar në ishullin e Zantes dhe gjatë qëndrimit atje paraqiti temperaturë të lartë e dhimbje muskujsh, prandaj u dërguar urgjentisht në spital. Sipas mjekëve, analizat e para rezultuan negative dhe u desh një test i dytë që pacienti të diagnostikohej se vuante nga gripi i derrit. Gjithsesi, thuhet se gjendja e tij nuk paraqet rrezik për jetën. Ndërkohë, mediat vendase kanë paraqitur raporte kontradiktore lidhur me atë nëse Greqia do të mund të furnizohet me vaksinën antigrip. Por ministri i shëndetësisë, Dsimitris Avramopulos, deklaroi se janë siguruar 8 milionë vaksina, të cilat do të jenë të disponueshme midis tetorit dhe shkurtit 2010. Sipas ministrit të shëndetësisë, të parët që do të vaksinohen do të jenë grupet e popullsisë më të ndjeshme, si nxënës shkollash, persona mbi 60 vjeç, punonjës të shërbimit shëndetësor dhe persona me sëmundje kronike. Rritja galopante brenda një jave e rasteve të gripit të derrit, ka shkaktuar shqetësim për një përhapje të pandemisë në Greqi, ditët e ardhshme. Madje është spekuluar se do të shtyhet çelja e vitit të ri shkollor që në Greqi bëhet dhjetëditësishin e parë të shtatorit. Por ministri i arsimit, Aris Spiliotopulos, rekomandoi gjakftohtësi dhe tha se janë marrë të gjitha masat. “Duhet të jemi të kujdesshëm, të mos krijojmë panikun më të vogël tek nxënësit dhe prindërit dhe të jeni të sigurt se, po të nevojitet, dhe kur të duhet, kemi përgatitur planet e përshtatshme që çdo rast, të përballohet dhe në kohë dhe në mënyrë rezultative”. Ministri shtoi se, si një masë profilaktike, me çeljen e vitit të ri shkollor do të jepen udhëzimet përkatëse për respektimin e rregullave të higjienës nga arsimtarët dhe nxënësit. 17 lahen vazhdimisht me ujë dhe sapun. Personat që kujdesen për të sëmurët me grip duhet të mbajnë një maskë higjenike që mbulon hundën dhe gojën. Ekspertët thonë se nuk prova shkencore që të mbështesin përdorimin në masë të këtyre maskave për t’u mbrojtur nga infeksionet. A është e rrezikshme të hash mish derri? Nuk ka prova që tregojnë se virusi mund të përhapet përmes konsumit të mishit të kafshëve të infektuara. Megjithatë është thelbësore që mishi të gatuhet mirë në një temperaturë 70 gradë për t’u siguruar që virusi asgjesohet. (BBC) Virusi, i ngjashëm me atë të vitit 1918 Virusi i ri i gripit H1N1 ka një ngjashmëri shqetësuese me tipin e virusit që shkaktoi pandeminë e gripit në vitit 1918 dhe ka më shumë aftësi për të infektuar mushkëritë më shumë se viruset e gripit të zakonshëm sezonal, bëhet e ditur sipas një studimi të një grupi shkencëtarësh. Testet tek disa kafshë konfirmojnë studime të tjera që kanë treguar se virusi i gripit të derrave mund të përhapet përtej traktit të sipërm të frymëmarrjes dhe më pas të shkojë thellë në mushkëri, duke u bërë i rrezikshëm për shkaktimin e pneumonisë, deklaroi ekipi ndërkombëtar i kërkimeve shkencore. Përveç kësaj, ata zbuluan se personat që i mbijetuan pandemisë të vitit 1918 duket se kanë patur imunitet ndaj virusit, duke konfirmuar tezat e mëparshme të studiuesve për pandeminë e vitit 1918. “Pasi kryem eksperimentet te majmunët dhe kafshë të tjera, konstatuam se virusi i zakonshëm i gripit nuk u kopjua në mushkëri”, deklaroi Yoshihiro Kawaoka i Universitetit të Wisconsin, i cili drejtoi studimin. “Ndërsa virusi H1N1 futet thellë në mushkëri”, shpjegoi Kawaoka. Gripi i derrave ka shkaktuar pandeminë e parë botërore të shekullit të XXI, duke vrarë 500 persona ndërsa më shumë se një milion të tjerë janë infektuar. Organizata Botërore e Shëndetësisë ka deklaruar se ky virus po shkakton pasoja të lehta, por Kawaoka tha se kjo nuk do të thotë se është i njëjtë me gripin sezonal. “Ka një keqkuptim për këtë virus. Është mjaft e qartë se ky virus është i ndryshëm nga ai sezonal”, thuhet në një deklaratë të Kawaokas. Në një intervistë për revistën “Nature”, Kawaoka dhe kolegët e tij shpjegojnë se aftësia e virusit H1N1 për të infektuar mushkëritë, është karakteristikë e disa viruseve të tjerë pandemikë, veçanërisht ai i vitit 1918, që shkaktoi nga 40 deri në 100 milion viktima.
Page 1 and 2: Gazeta e vetme shqiptare që botohe
Page 3 and 4: Q card në të gjitha peripterot Te
Page 5 and 6: TRIBUNA • E PREMTE, 17 KORRIK 200
Page 15: TRIBUNA • E PREMTE, 17 KORRIK 200
Page 23: TRIBUNA • E PREMTE, 17 KORRIK 200

Emigrantët - Tribuna News

You also want an ePaper? Increase the reach of your titles

Delete template?

Save as template?