Tihlo yon 13

More documents

Recommendations

Info

Tihlo yon 13:Tihlo yon 13 8/15/2011 8:26 AM Page 12 ጥሕሎ ነሓሰ 2003 ሃጠው ቀጠው ሓደ መላኽዒ’ዩ ፀዩኒ። ሬጠጥ ሬጠጥ እናበልኩ እንትኸድ፣ ብድሕሪተይ፤ “አረ ከይትስበር? ንቕድሚት ዲኻ ትኸድ ዘለኻ ንድሕሪት?” በለኒ። ተጋህፂፀ ክድውለልካ እየ ኢለዮ መንገደይ እንትቅፅል፤ “ችላእ!ኣነ ዘይፈትዋ እዚኣ፣ ገለ ገለ ሰባት ሽም ዘንብር እናመሰሎም ኣብ ልዕሊ ሽም ሽም ኣብ ልዕሊ ካባ ካባ እናደራረቡ ኣብ ልዕሊ ምውዓሎም ኣብ መዓልቲ ዓሰርተ ሻዕ እናረኸብካዮም ንደዋወል ይብሉኻ። ንስኻ ኸ እንታይ ዘፃድፍ ሃሊዩካ እዩ? መእሰሪ በጊዕያ ዘይሓዛስ ናብ በጊዕ ይጓየያ ድዩ ዝበሃል? ስፖንሰር ሒዝካ ተቆፀ’ዩ ዝዓርከይ፤ መኣዝ ክተሐትሞ ነይርካ ኢኻ ንዓና’ዶ ግዳ ቢራ ጋብዘና?” በለኒ። ብርከይ ዓፀፍኩ። “ኣይትገልበጠኒ ዝበሃል ከምዚ እዩ!” ኢሉ እንትጅምር ወረ ተዓፃፀፍቲ ዘምፀአለይ መሲሉኒ እዝኒ እንትኸልኦ፣ ከምዚ ኢሉኒ። “ተዋሪዱ፣ ተዋሪዱ! እንታይ ተሪፉዎ ከመይ ኢሉ ደገ ክወፅእ? ከመይ ኢሉ ሓዳሩ ክመርሕ? ኣበይናይ ቢሮ ክሰርሕ?...” መወዳእታ የብሉን። ዝቀረበሉ ዝሑል ቢራ ጓዕ ምስ ኣበለ፣ “ኣዋሪዶሞ! እተን ኣናፁ ሓንቲ ብሓንቲ እናተልዓላ ‘ጡትኪ ኣሪኢኒ ኢሉኒ፣ ማዓንኮረይ ወቂዑኒ፣ ከይሱኒ፣ ዝፀሓፍ እኒሀ ኣምሺዪ ኢሉ ግርም ገይሩ ሰሪሑለይ፣ ኣክሱም ቆፂሩኒ፣ ሚላኖ ሰሪሑለይ፣ ካስትል ደጊሙ እዩ ስራሕ ቆፂሩኒ...”፣ እንታይ’ዩ እዚ ኹላ ሃጠው ቀጠዉ? ኣንታ ርግዕ እንዶ በል፣ “ሹም ንሹም ይኳለሱ፣ ድኻንድኻ ይናኸሱ” ዶ በሉ እንደርታ ዓደይ። መቒሩ። እማነይ እሞ’የ ብ ’ኣነ’የ’ ፀሓፌ ድርሳን፣ ወረኛ ወከመ ነገረኛ¡ ማስተርስ ዲግሪ ብሃጠውቀጠው፣ ሌክቸረር ዩኒቨርስቲ “ወ/ሮ ሃንሳ”¡¡¡ ኣነስያ ጭቃ እንደርታ ዓደይ?! እንደርታ ዓደይ ጨው በዚሑዎ። ኣብ ዓዲ እማትና ዳኣ ኢና “ቀብሪደሃር” ንብል ‘ምበር፣ ንሕና ዝሞተ ኣፃዲፍካ ንምቅባር ዝቅድመና የለን። ነዚ ሰብ እዚ ወይን ገፅ ምስከልአቶ ኩሉ ስለዝተረባረበሉ ካብን ናብን ተባሂሉ ደጋጊመ’የ ሰሚዐዮ። እልፊ ወራውር፣ ገሊኦም ዓማላት ‘ዮም መኣዝስ ፃዕዳ ተኸዲኖም ይፈልጡዋ ነጭ ለባሽ እንትብልዎ፣ ገሊኦም ብደንቆሮኦም ይንበሩ ድኣ ‘ምበር ነበር ኢሃፓ እንትብልዎ . . .ዎ!ሰሚዐ። ኣብዚ እዋን ነይሩ ሓደ ቀጠውጠው ውን ዝበለኒ። ኣብ በረኻ እናሃለና፣ ውይውይ ከም ወዮ ፀሓይ ፀደቅ መሓዛይ ኮይነ። ይቕሬታ ግበሩላተይ? ኣብ በረኻ እናሃለዉታ፣ ባዕሎም እቶም “ፅኑዕ”(ፅንዓት ካብ ዝብል ቃል ዝተወርሰ) እወ’ቶም ሹም ዓጋመ፤ ሓንቲ ፈረንጂ ግርም ገይሮማ።ኢሎም። ወዮ ሽዑ እንዶ ሕጊ ወፂኡ እኒሀይ ዋኢ?ኢኢ..፣ ንሶም ቀሪቦም ተሓተቱ። “ይቕረ በሉኒ ይትረፍ በሉኒ ስሑት መዓልቲ ውዒለ?” ምስበሉ፣ ወዮ እቲ ሕጊ ንላዕለዋይ ሹም ኣይምልከትን ‘ሞ ተዘለለ። ሓቀን’የን ወ/ሮ( ይቕረ በሉኒ፣ ቀዳማዊት ልእልት! እህ) ኣዜብ እንታይ ነውሪ ኣለዎ? ዝበላ። እንታይ ነውሪ ኣለዎ? ወዮ ንሳቶም ኮይኖም ‘ምበር ሕጊ ተፈጥሮ ‘ኮ ኡ። ሕጊ ጥሒስካ ምሹርማጥ ‘ዶ ነውሪ ኣለዎ’ዩ? ነውሪስ ተመራሒ ምኻን ድኣ። ዘለዎ ኩሉ ሻዕ ነውሪ ኣብ ኢዱ የላን፣ ዓሻ ንዘይብሉ ድኣ መን ክሰምዖ? መወራረዲ እናቅረብካ ‘ኮ እዩ? ዘለዎ ኩሉሻዕ ሓሲዩ ኣለቂሐዮ እናበለ እንትዘውር፣ ንዘይብሉ መን ይሰምዖ፣ ነውራም እምበር ይበሃል።በለኒ። Email, yesiam@java.17¡ ካብ በረኻ ምስ ኣተና፣ ኣቱም ራያ ዓደይ ኣያም በል! ዶ በሉኑይ እንታይ ኾኑኡ ከፊቱለ ሎማዓንቲ፣ ካብ በረኻ ምስኣተውታ ‘ዞም ሹም ዓጋመ ሓደ ዘመዶም ካብ ደጀን ወሲዶም ናብ ጉዳያት ወፃኢ ይሽኩዑዎ። ዳሓር ‘ዞም ሙሁር ታሪክ(ሹም እንድርታ)፣ ቋፂሮም ፀኒሖም ኣብ ቤተ መንግስቲ ሃፀይ ዩሃንስ ናብ መጋባእያ የቅርብዎም።(ኣንታ ዝጋዘኛስ ከዓ ‘ኳ ሱቅ ከይብልስ ሃፀይ ዩሃንስ ዘዋሪ ብሽክሌታ ገይሩ ክፅሕፎም ኣትዩ? ኢዲት ኣይገብሩልካን ንሶም ክሳዶም ኣብ ሱዳን ዝተረፈ ኣካሎም ኣብዚ. . .ሓወልቶም ከይስራሕ ‘ካ ዲሕ ትብላ ኣዳመይዋ ኪድ ንቻይና፤ ናቶም ታሪኽ ድርሰት ኣየድልዮን፣ ኣይትወራዘየልና! ክብሎ ፀሊአ¡) ዳኛ ንሶም ‘ዮም። እወ ንሶም መንደኣ? ዋእ! ኣይበሃልን። “እንኳዕ ንመበል 56 ዓመቶም ኣብፀሐና” እንተይኮነስ “ኣብፃሓዮም” ‘ዩ ዝበሃል፣ ንምውሳልት ‘ውን ኣዞ የድልዩ እዩ ‘ሞ፣ ወዮ ድኣ 7 ዓመት ክወስደልካ ‘ዩ ምበር፤ ካብቲ ወርቂ ኢዱ ‘ትምህርተ - ውስልትና’ ተምሃር። ንኣብነት፡ - እዚ ወርቂ ኢዱን ስኑን ዝኾነ ወዲ ዓደይ ፍቃዶ “ከፍ ሃውስ” ‘ዶ በሉ እንደርታ? እናኸደ ሸምጉሉኒ ዝብለላ ሓንቲ ዕዮ ዓዪና ነይርና።(ዓርከየ ዓርከየ ናዓናይ ምሳየ፣ ኢለ ስራሕ ኣስሪሐዮስ “ዓሻየ ዓሻየ ኣይትመሃርንዶ ካብ መሓዛካየ!” ኢሉ ብባዶ ኢደይ ዝሰነየላ!) ቀዲሙ ኣነ ክግልብጣ በለኒ፣ ዝበዝሕ ሕቶታት ዘቕረብኩ ግና ኣነ ዓሻ ኣነ ነይረ... ደሓር “ወዲ ሰብ” መሓዛይ ምስ ዘረባ ኣይተ መለስ እናወሃሃደ ዘይተገበረ ቃለ ምልልስ ፂሒፉ እንትህበን፣ ”ኣየ እኒሀኻ ወርቂ ኢድ!” ኢለናኒ- ኢሉኒ ። መሊሱ ድማ ከምዚ እዮም ዝደልዩታ ኢሉኒ። ኣቱም ደቂ ኣሉላ እዛ ወግዒ ካበይ እያ? ኣደይ ኣረጋሽን ኣቦይ በሪሁንያ ንብፃይ መለስ ኣብ ኣኼባ ከይርከብ ኣጊዶማቶ ኢላቶም። (ትሕሽዎ ደኣ! ትሕሽዎ ) በዚ ዝተጨነቁ ኣቦይ ስብሓት ሜላ ፈጠሩ። ኣቦይ ስብሓት ዘይኣመሎም ዓብዪ ካሻ ተሸኪሞም ዒሕ እናበሉ ይግስግሱ። (ኣደይ ኣረጋሽ መለስ እንትበልዕ ንጉድ እዩ፤ ንሾሞንተ ዝተቀረበ ሓደ ቅጫ ንበይኑ እዩ ዝገብራ ኢለናኒ ስለዝነበራ ዒሕታ ኣቦይ ስብሓት ተ ረ ዲ ኡ ኒ ሎ ። ) 11
Tihlo yon 13:Tihlo yon 13 8/15/2011 8:26 AM Page 13 ጥሕሎ ነሓሰ 2003 እኒሀልካቱምይስማ ተጋደልቲ በዚ ተገሪሞምን ተቆጢዖምን “ብፃይ ስብሓት እንታይ ድኣ ተሸኪምካ?” እንተበልዎም “መልሓስ” ኢላቶም። ኢሎም ዓሪፎም። ደሓር እማይስ እንደርታ ዓደይ ናብቲ ቀጠውጠውና ክምለስ፣ ኣቦይ ኣስራት ይኸሱዎም። “እግዚሀር የርእዮም ጎይታይ! ቀደሙ እውን መቃፅርቲ ‘ትግርኛ’ ሚኒስተራት ‘ዮም ነይሮም ሀዚ ‘ውን ብዘመድ ኣዝማድ ይሰርሑ ኣለዉ፣ ኣብነት ኣቅርብ እንተይልኩምኒ ከዓ ልዕል ኢለ ገሊፀዮ’የ! ሽሕ ዓመት የንግሶምዋ ተለኣኣኺ ገይርና ቻይና ንስደዶ?” ክብሉ ተደመፁ። ክቡር ዳኛ መነፀሮም ኣትሕት ኣቢሎም፣ “ልክዕ ድዩ ኣታ!?” እንትብልዎም፣ “እወ ጎይታይ ይቕረ በሉኒ ይትረፍ በሉኒ ስሑት መዓልቲ ውዒለ!” ምስበሉ፣ ወዮ ክራይ ኣካብነት ንላዕለዋይ ሹም ኣይምልከትን‘ሞ ሀዚ እውን ቀዳማይ ስሕተቶም እዩ ተባሂሉ ተዘለለ።(ውሽጡ ‘ኳ ንሱ ናተይ ደጋፊ’ዩ፣ ነቲ ኣብ ቀረባ እትሓስብዎ ዘለኹም መፈንቅለ ወንበር መን ኣለኒ? ነይሩ”)እንታይ ነውሪ ኣለዎ? ነውሪ ‘ዶ ንንጉስ ይሰርሕ’ዩ ኣክሱማዊያን? ኣብ ቀረባ “ሚድያ ፎረም” ከም ዝተኻየደ እንተሰሚዖም ኣየተጋገዩን። ሓደ ትግራዋይ ሙሁር ኣብዚ “መድረኽ - ፀርፊ” ካብ ዝተፃረፍዎ ቀጠው ክብለልኩም። “ እዘን ሚድያታት ውልቀ ተቃውሞ ጥራሕ ‘የን ዝፅሕፋ!” እንትብሉ ንእዝነይ ተጠራጢረ ብዓይነይ እንትሪኦም ንዓይነይ’ውን ክኣምኖ ኣይከኣለኩን። ቀፀሉ፣ “ኣብ ኣሜሪካ ምስ ሓደ ዓርከይ ተመሊስና ገዝኡ እንትንኣቲ፣ ዘይተፈቀደ ኣየር ዝወነነት ሬድኡ(ሓፃር ድያ ዝበልዋ ነዋሕ ረሲዐዮ!) ሰይሮማ ረኺብናዮም - ፖላዊስ” ኣብ ኣሜሪካ ‘ካ ሙሉእ ነፃነት ኣይነበረይ፣ ኣቱም ጋዜጠኛታት ኣይተፅምምዎም፣ ንምባል። ቀፀሉ፣ “እዘን ናይ ውልቀ ሚድያታት(ብኣምሓርኛ ተዘይኮይኑ ብዘይ ኣቦይ ኣስራት ብዛዕባ ‘ዚ ዝተዛረበት ኣየንበብኩን!) ዓዲ ብተጓሩ ሚኒስተራት ጥራሕ ተመሊኣ እናበሉ ‘ዮም ዝፅሕፉ...” ካብኦም ኣይፅበዮን ነይረ ምናልባሽ እውን ቀሪበ ስለዘይፈልጦም ይኸውን። ኣቱም ሰብ “ኣብ ባዕልኻ ክበፅሕ ዘይትደልዮ ነገር ኣብ ካሊእ ክበፅሕ ኣይትመነ!” ብዝዓይነቱ ‘መርህ’ ሃይማኖታት ብሓባር ክሰርሑ ሰሚዐ። ትግራዋይ ስለዝኾንኩ ዓዲ፣ ሚኒስትራት፣ ክልላትን ኣዲስ ኣበባን ብተጓሩ ጥራሕ ክትምራሕ እንድሕር ዝምነ ኾይነ ካብ ናይ ትማሊ ብምንታይ ሒሸ፣ ሕቶ ምልክት። ብማዕርነት ዝተመስረተ ሓድነት በሉ ኣቦይ ስብሓት እንተኾኑሲ። ዝኾነ ኾይኑ፣ ኾይኑ። ዎ! እንታይ ተሪፉና ወዮ ዘንጋር ኣግነኽዋ ሎማዓንቲ ሰኣንኩዋ ሎማዓንቲ ብምባል ንጫትን ንሲጋራን በቲ ጋዘኛ ተሸፊኑሉ ይመስለኒ “ፅንዓታዊ ፅሑፍ¡” ፂሒፈ ኢሉ “ንጥፍኣት ዝተፈጠራ - ልሳን ተቃወምቲ” ኢሉወን። ሑሩም ዋ! ንኹለን መፅሄታት፣ ግን እዚኣ ‘ውን “ኮፒ” እያ፣ ናቱ ኣይኮነትን። ለባም ሙሁር ኣይጥፋእ እዩ ካብቶም ዓበይቲ እቶም መናእሰይ በሊፆም “ኣደብ” ግበር ኢሎምዋቶ። ከምዚ ምሰ መሓዙተይ እናተሓማመኹ እንትቅፅል ኣያ ዘሩዕሩዕ ንረክብ። ኣያ ዙሩዕሩዕ ስብኣይ መዝረዕርዒት፣ ሓሽከር መዝራዕርዒ እዮም፤ ዙሩዕሩዕ ሪጊፆም እንትፀውኡ መጀመርያኦም ኣይኮነን፣ መንዲሎም ብንብዓት ዘቃበፁሉ እዋን ምዃኑ ‘ምበር። ምስቲኣቶምያ ምኽር ከሪሞም፣ “ኣባ መላ” ግርም ገይሩ ራዕ! ምስ ኣበሎም፣ እናዝረዕርዑ ምትዕፅፃፍ ጀሚሮም። (እወ! እዞም መሓዙተይ እውን ካብዚኦም እዮም ተማሂሮም፣ ፍቃዶ ቢሮ ብናይ ኣባልነትን ወይን መታወቅያን ሓደሻዕ ፕ ሬ ዝ ዳ ን ት ዝ መ ር ሕ ዎ ( ዝ ከ ታ ተ ል ዎ ) ማሕበር’ዩ እንተበሉ፣ ምስኻዕ እንተኣብዮም ድማ ዝሩዕሩዕ እናበሉ ደረቶም ካብ ዘስፍሑ ፀኒሖም ንብለኩም’ሞ ናብ ኣያ ዙሩዕሩዕ ንመልሰኩም) ብዘበነ እግሪ ምትካል፣ ገዛ እንዳቦይ ዙሩዕሩዕን እንዳቦይ ኣምባሳደርን ዝፈልዮ ሓፁር ፈሪሱ (በሪ ተገይርዎ፣ ኣየ ፍቕሪ!) ምስተሓደገ፣ እዛ ቆልዓ ከመይ ገይርና ኢና ንግልብጣ እናተብሃለ ተሓሲቡ “ችርስ” ዝተብሃለሉ ግዘ ነበረ። ተጓዒዞም ተጓዒዞም ሳንባይ ‘ዶ መቂለ ክህበካ ክሳብ ምብሃል በፂሖም፣ ዙሩዕሩዕ ኢሎም ምስወፅኡ፤ ከምቲ ዝሓሰብዎ ኣይኮነን፤ ”ኣቱም መናእሰይ! ትሪኡዎም ኣለኹም መናእሰይ ዓዕራብ ኣብ ሕገ መንግስቶም ዘየለ መሰሎም ተጠቂሞም መሰሎም እንትገብሩ። ዋእ! ንምንታይ ኢኹም ንስኹም ኣብ ሕገ መንግስትኹም ዝተቀመጠ መሰል ምግባር ሰለማዊ ሰልፊ ተጠቂምኩም፤ መንግስቲ ገዛ መስርሒ መሬት ከሊኡና! ዘይቲ ስኢና! ሽኮር ሓሪሙና! መብራህቲ ብፈረቃ ኣቲኹምዎ! ኔትዎርክ ቀቲልኩምዎ! ስጋ ናፊቁና! ጋዜጣን መፅሄትን ከይንዕድግ መሃያና ሰብ ታክሲ ሊሒሶሞ! ስራሕ ሲኢና! ነፃነት! ነፃነት ነፃነት! ዝብል ጭርሖ ሒዝኩም ዘይትወፅኡ ችላእ!...” ኮይኑ ግና ቀዲሞም ዘሕለፍዋ ዙሩዕሩዕ “ትመልሰኒ ዶ ትኾን?” ኢሎም እንትሓሙ፤ “ንስኻ ዝፈጠርካያ ውድብ ንመን ኢኻ ገዲፍካሉ ትወፅእ?” እናተብሃሉ በዝማዶምያ ክለዓሉ ቀኒዮም።(እዚ ባዕሎም “ኣባ - መላ” ዝገበርዎ ምልዓል’ዩ ኢሎምኒ እዞም መህጠውጠዋይ።) ደሓርምይሲ፣ ጎዮም ተሓደጉስ፣ “ይቕረ በሉኒ ይትረፍ በሉኒ ስሑት መዓልቲ ውዒለ?!” ኢሎም ብሪፖርታጅ ተነቢቦም።ውይ ውይ እቲ ዋና ነገር ረሲዐዮ። ዝገርም ‘ኮ እዩ ራያ ዓደይ፣ ታይ ክፀውየሉ፤ ሱቅ ጡዑም ዝተብሃለ ‘ዶ ንኸምዚ ዝበለ ይኸውን? ቅድሚ ናብ ሪፖርታጅ ምዃዶም እንታይ ገይሮም? እታ ኣፍሪሶም በሪ ዝገበሩላ ሓፁር መሊሶም ሓቲሞማ። ዕፅፍ ግዲ! ዓሻ ደማ? ዓቢድካ እንተሞትካ መን ይቀብረካ? ካራምቡላ እናተፃወትካ እንተወዓልካ መን ይኸፍለልካ? ሀዚ እውን ክቃወም’የ እንተበልካ መን ይሓዝነልካ? እናተዓፃፀፍኩ ክነግድ’የ እንተይልካ ጥራሕ፣ ብፍላይ ከዓ ስዋ ክፆምቅ’የ እንተይልካ መሬት ትረክብ። ልቃሕ ትረክብ... እዛ ሃጠውጠው ካበይ ተላዒላ ናበይ ቀጠው ከምትብል ዘላ እንድዒ፣ ኣያ በላይ ግን ብሙስና ን”ከርቸሌ” ወሪዶም። ደሓር እማይሲ መናእሰይ ንበዓልቲ ቤቶም ግርም እንትገብርዋ ዘርኢ ቪድዮ ንድራር ኣትይሎም እንተይሓየኹ ዊሒጦሞ። ኣነ ምኾንኩ እግዚሀር ይሃቦም ፀው ከይብላ ገይራቶም ኣፅኒሖምለይ ምበልኩ፣ ንሶም ግን ዕቡድ ኮይኖም። ሪኢኹም ‘ዶ እንደርታ ዓደይ ፅቡቕ ንዝገበረ ፅቡቕ እንተረኸበ እንታይ ነውሪ ኣለዎ¡? ንዝገበርዎ ግባሮ ምስጋና እምበር ዕብዳን ‘ዶ ምኾነ መልሱ? ንሳ ካዓ “ይሞታል ‘ባ” ዝበለቶ ትመስል። ኢሎም ተቃዋሚ ቦለቲከኛ ሃጠዎም ቀፀሉ፤ እዚ ስልቲ ኣብ ብርቱካን እውን ሰሪሑ’ዩ። እቶም ሓለውታያ “ብርቱካን በልቼ ሎሚ ሎሚ ኣገሳሁ...ብርቱካኔ” እናበሉ ቡና ኣዋቂጦማ። እሞ’ዛ ስልቲ ‘ዶ ኣብ ትግራይ ከምትሰርሕ ክፍትንዋ ደልዮም? ኢለ ተመራመርኩ! ኣየ ርእሲ - ሓምሓም። ኣስራት ኣብርሃም ሳልሳይ መፅሓፉ(መለስ እና ግብፅ) እነሆ ኢሉና። ኣነ “ኣስናንካ ይደርቀም ጥዑይ ገጫም ደዩ?” ክሳብ ዝበሃል ዝሰሃቁላ ነገር’ያ፣ ከካፍለካቱም። ነታ ሀዚ ኣብ ማእኸል ባንዴራና ዘላ ኮኾብ(እወ! ወካሊት ብሄ.ብሄ.ህዝ ኢት. ወይለይ ነዊሑያ! ‘ታ’ኳ ብሓጎስ.ማ ኣብ ኩለን ናይ ክልላት ባንዴራ ‘ውን ተተኣትው ዝተብሃለላ ምንኣስ ኮከበ ዳዊት/ David Star/ መሓዛ ኮከበ ሌኒንወ ስታሊን ንምምራፅ) ኣማኹሩናታ ተባሂላቶም ካብ ዘተፀውዑ ሓደ ዶ/ር ላጲሶ ጌዴቦ ነይሮም። ‘ሞ እንታይ በሉ? ኣብ ማእኸል ባንዴራና ኣድጊ ተዝቅመጥ። ካን? ኮይናታ! እንታይ ማለት? ኣድጊን ህዝቢ ኢ/ያን ፀዋራት’ዮም’ሞ…። ፀዋርስ በዓልቲ ቤት ‘ቲ ጋዘኛ መሓዛኻ ድኣም’ዶ ኢልካትኩም? ደሓርማይሲ ሓደ መሓዛይስኒ(ካብ ሸመልባ) ከምዚ በለኒ። ኣንታ ‘ዚ ኢሳያስሲ ክንደይ ይልብም’ዩ በጃኻ? ህዝቢ ኤርትራ ከምቲ ግመል ማይ ንኽልተ ሰሙን ዝዓቁርስ ህዝቢ ኤርትራ’ውን 24 ዓመት ክሽከመኒ ምእንታን ኢሉባኣኒ’ዩ ግመል ለጢፉላ ነታ ማእተብና። ኣነ’ውን ኢለዮ፡- ኣነስ’ባ ድርቂ ዋላ እንተኣተወስ ከም ኢ/ያዊያንን ሱማሊያዊያንን ዘየፈገር ፀዋር ድርቂ ዝኾነ ህዝቢ ’ዩ ንምባል ደልዩ ከይኸውን? ኣነስ ጠርጢረ እንዳባሻዎል ድርቂ ኣትዩ ከይኸውን ዓንሰባ ዓደይ!? ይኸውን!!! ...4 12
Page 1 and 2: Tihlo yon 13:Tihlo yon 13 8/15/2011
Page 11: Tihlo yon 13:Tihlo yon 13 8/15/2011
Page 37: Tihlo yon 13:Tihlo yon 13 8/15/2011

Tihlo yon 13

Create successful ePaper yourself

Delete template?

Save as template?