Tihlo yon 13

More documents

Recommendations

Info

Tihlo yon 13:Tihlo yon 13 8/15/2011 8:26 AM Page 4 ጥሕሎ ነሓሰ 2003 ስለዚ ፅቡቅ ፊልም ኾይኑ ኣሰራርሕኡ ‘ፕሮፌሽናል’ እንተኾይኑ ዳርጋ ማንም ሰብ ይምልከቶ’ዩ። ስለዚ’ቲ ሓደ ዝጠቀስካዮ ‘ኦዴንስ’ ካብቲ ዝበልካዮ ይበዝሕ ይመስለኒ። ኣብቲ ካልኣይ ነገር ‘ዉን ትርፊ ክህልዎ ‘ዩ ኢለ ‘የ ዝኣምን። ፅቡቕ እንድሕር ተሰሪሑ ሰብ ናብኡ ኢዱ ክሓዉስ ዝደሊ ይመስለኒ። ከምቲ ገለ ሰባት ሓደ ሻዕ ትርፊ እንተረኺቦም “እዚኣ ትኣኽለና!” ኢሎም፤ እንትኸስሩ ኸዓ “ኣይምለሰኒ!” ኢሎም ዓዶም ዝኸዱ፤ ኣነ ከምኡ ኣይኮንኩን። እዚኣ መእተዊት እግሪ‘ያ፤ ረኸብኩስ ሰኣንኩ። ኣነ ካብዚ ዓዲ ሰሊጢን ዕጣንን ጥራሕ ኣይኮንካን Export ክትገብር ትኽእል culture ‘ዉን ክትገብር ትኽእል ኢኻ፤ ሓደ ‘ቲ ናትና ባህሊ It is realy special (ብጣዕሚ ድንቂ’ዩ ) . . . ስለዚ ብቱ ፊልምና ኣቢሉ Export ኣብ ዝግበር ባህልና ትካል መስሪተ ኣስተዋፅኦ ክህልወኒ ይደሊ። ቅድሚ ክልተ ዓመት(ነዚ ፊልም ‘ዚ “ተኣምር” ብዝብል ርእሲ) መፂኢኺ ሓዚንኪ ከምዝኸድኪ እፈልጥ። ኣነ ብወገነይ ናብ ትግራይ ገፅኪ ትመልሲ ኣይመስልንን ነይሩ። ይኹን ‘ምበር ኣይተረታዕኽን ተመሊሲኪ መፂኢኺ ኣለኺ’ሞ እንታይ ለውጢ ረኺብኩሉ’ዩ? ሓቦ! (ስሓቕ) ኢለ እሓስብ ‘ምበር ‘ቱ ንስኻ ዝተገንዘብካዮ ካብ ሓቂ ኣይረሓቀን። Disappointment(እንተይተሓጎስኩ) ዝኸድኩሉ ግልፂ’ዩ ። መበገሲኡ ድማ ‘ቲ ናብዚ ክመፅእ ከለኹ ዝነበረኒ expectation(ትፅቢት) ኮይኑ ስለዘይረኸብኩዎ ‘ዩ። ከምቲ ብርሑቕ ዝመስለካ ነገራት ኣሎ። ካብ እስራኤል ንትግራይ መፂአ ታሪክ ገድሊ ክሰርሕ ክብል እንተለኹ ሰብስ ተደፋፊኡ “ንሕና ኢና ክንሕግዛ፣ ንሕና!” ዝብሉ ‘ዩ መሲሉ ዝተሰመዐኒ። በቲ ሽዑ እዋን፣ “በቃ! ፕሮፌሽናል ኮይና፣ ዓዳ ገዲፉ ናይ ባዕላ ገንዘብ እናጥፈአት፣ ንሳ’ኳ መፂኣትናስ ኢድና ዘርጊሕና ክንቅበላ ኣለና።” ክብሉ ኢዮም ኢለ እየ ተፀብየ። ናትኩም ታሪክ(ናተይ ‘ዉን እንድዩ ግን ብቀጥታ ኣይኮነን)፣ ንተጋደልቲን ዉድብን ብናተይ ድኻም ብፕሮፌሽናል ክሰርሕ ኣነ ‘ካ ተገዲሰስ ከመይ ንሳቶም ዘይግደሱ? ካብ ዝብል ‘ዩ። ሐዚ ነቲ ፊልም ዝኣክል ዝተወሰነ ገንዘብ ሒዘ ‘የ መፂአ። ሐዚ ‘ዉን ግን ሓገዝ ዘየድሊ ኣይኮነን። ንትግራይን ንትግራዋይነትን ዘለኪ ስምዒት፣ ኣብዚ ዝባፃሕኺ፣ ጡዑሙስ ሕማቑስ እናተቃደስኪ ከም ዝመፃእኺ የምስለኪ። ብህፃንነትኪ ዝገደፍክያ ዓዲ ከመይ ፍቕራ ክሓድረኪ ኪኢሉ? ከምቲ ትብሎ ዘለኻ ሐዚ ዕድመይ 33 ‘ዩ። ልዕሊ 30 ዓመት ኣብ እስራኤል ኣለና ማለት ‘ዩ። ወለድና ንትግራይን ህዝቢ ትግራይን ዘለዎም ፍቕሪ . . . በቃ! “ዓድና!” ከይተብሃለ ዝሓልፈሉ መዓልቲ የለን። ስለዚ እቲ ሐዚ ተሸኪመዮ ዝመፃእኹ ሓቦ እቲ ፍቕሪ ዘለዎምስ ክሳብ ናባይ ሓሊፉ ድሕሪ 30 ዓመት ዘይሃስስ ክንደይናይ ‘ዩ? ባዕልኻ ክትግምቶ ትኽእል ማለት ‘ዩ። ናብ ታሪኽ ገድሊ ምእታዉኪ ግና ብዓይኒ ትርፊ ዝረኣኽዮ ይመስለኒ፤ ምስ ትካላት ትእምት ተኣሳሲሩ ኣብ ትግራይ ዝሓሸ ትርፊ ዝርከቦ ታሪክ ገድሊ ሕወሓት ምስራሕ ‘ዩ፤ ብምባል? ናብ ታሪኽ ገድሊ ከመይ ከምዝኣተኹ ኣየኣውጋዕኹኻን። 2006ዓ.ም.ፈ ኣጋጣሚ ንመጀመርያ እዋን ናብ ዝተወለድኩሉ ዓዲ ሽረ እንትኸይድ፤ ፊልም “ወዝቢ” እናሰርሑ ዝፈልጦም ሰባት ይረክብ። “እግረ መንገድኪ በሊ ሓግዝና?” ይብሉኒ። ፊልም ‘ኳ እግረ መንገድካ ዝስራሕ ኣይኮነን፤ እቲ ዝኽእሎ ግና ክሕግዞም ኢለ ጀሚርና። ንሳቶም ‘ቲ ሓሳብ እናነገሩኒ እቲ ቅርፂ ድማ በባይ ተሰሪሑ። ሓሳቡ፣ ብዛዕባ “መርዓን ፀገማቱን” ‘ዩ። እዛ ሕጊ ንሳ ብጣዕሚ፣ ብጣዕሚ‘ያ ተንኪፋትኒ። ከም መንእስይ በል ጓልተንስተይቲ፤ ‘ዞም ሰብ እዚኦም ከመይ ዝበሉ ሰባት እንትኾኑ‘ዮም ተፈጥሮኣዊ ስምዒት ዝዉሕጡ? ኢለ ተገሪመ። ገሪሙኒ ኣይተረፈን ኣብ እስራኤል ከይደ ብዛዕባ ተጋደልቲ ክፈልጥ ምሕታት ጀሚረ፤ ምንባብ ጀሚረ። ድሕሪ’ዛ ፊልም’የ ናብ ታሪኽ ገድሊ ከድህብ ክኢለ። ዝተፈላለየ ማሕበራዊ ሓሳባት ተስኢኖም ኣይኮነን፤ እቲ ናይ ገድሊ ግን ታሪኽ ‘ዩ፤ ስለዚ ንኡኡ ኢኻ እቶም ሰብ ዋና ታሪኽ እናሃለዉ ቀዲምካ ትሕዞ ዝግባእ - ከይሃስስ። ኣብ መወዳእታ? ...ፍቕሪ ገድሊ ስፖንስር ካብ ዝሓተትክዎም ሓደ ዓብይ ትካል ትእምት ’ዩ። ካልኦት ’ውን ሓቲተ ኣለኹ። ፊልም ግን ከም ካሊእ ስራሕ በይንኻ ዝስራሕ ኣይኮነን። ካልኦት’ውን ሓቦ ገይሮም ክሕጉዙኒ እናተላቦኹ፣ ኣነ ብወገነይ ዘኹርዕ ስራሕ ሒዘ ከምዝቀርብ ክገልፅ እፎቱ። ኩሉ ኢ/ያዊ ብፍላይ ትግራዋይ ከዓ ሓቦ ገይሩ ክሪአለይ ይደሊ። ብሂብሩ፣ የቐንየለይ እንታይ ይበሃል ኦርሊ? ‘ቶዳ’ ‘ምበኣር ‘ቶዳ’ እሺ ኣነ’ውን የቐንየልይ። ካብ ገፅ 12… ኣነስያ ጭቃ እንደርታ ዓደይ?! ተሓጂጁለይ በለ ግደይ ዓንጁ! እንደርታ ዓደይ ነቶም ዓው ኢሎም ዝዛረቡ ምዓዱላተይ። ኣብታ ጎጆ ንሶም ጥራሕ ኣይኮኑን ብዘመድ ኣዝማድ እንተይኮነስ “ቡና ኣዋቅጣና!” ኢሎም ዝቆፀሩ ኢልካትኩም። ዘይትዛረብ ድኣ ዓው ኢልካ እንድሕር ትዛረብ? ካብ ዕንበባታት ክሳብ ዜና ኣንባብነት እንዳ ገርሃንስ መሊኦሞ ኢልካ? ዓሳው!!! ዓው ኢልካ ድኣ ዘይትዛረብ ብሒሳብ ዝተመረቀ ኣብ “ተሃድሶ” ቀመር ኣብይዎ ኢልካ? ዓው ኢልካ ተዛረብ እምባ ቡቡ መን ይወርሳ ብምባል ገዝኦም ሰሪሖም ኣትዮሞ ኢልካ! ዓው እንተተብሃለስ ከም ወዮ ቆልዑት ኮይና ንገብሮ፣ “ዓው፣ ዓው፣ ዓው” ቢልካ። ኣየ ኣነ ወዮ ሀዚለ ቆልዓ ድየ፣ ይቕረ በለኒ ይትረፍ ስሑት መዓልቲ ውዒለ?! ኢለ እንተይወዳእኹ፣ “ወይ እኒሀኻ ሃጠው ቀጠው እንታይ እዩ እዚ ኹላ ፀፋዕፋዕ? ትረኽባ ጀሚሮምኻባ ኣለዉ፤ ወዲ ገፊሕ ገረብ!” ኢሎም ዝተረፉ መሓዙተይ’ውን ሪሒቆምኒ... በጊዕያ ፋስጋስ፣ ብበጊዕ ልደት ትስሕቅ! ዶ በሉ? ሓደ ካድረ ደርጊ ድኣምስያ ነቶም ወጅራት ኣኪቡ “ኣለኹምዶ?” ይብሎም መመሊሱ። ሓደ ካብቶም እዝዋት “ዋእ! ኣታዮ ዕዉር ድኡ?” ኢሎም መለስሉ፤ ከም ዝበሃል “ስማዕ! ስምዑ!” እናበሉ ኣፅሚሞናታ። ኣታዮ! ፀማም ድኡ ዶ ኢልካትኩም?! ዩኒቨርስቲ መቐለ ብካድረታት ትገላበጥ ኣላ ኢልካ ዘይትፅሕፍ በሉላተይ፣ መሊስኩም ድማ “ኣልተገራም ወይ ፈረሱ?” ጋቡዙለይ፣ እማነይ ሰብ ከይውዱኡታ። “ውን ይብለኒሎ ኣነ” በለ ደራፋይ! ውን ዶ ኢልኩም? ትእምት ሓደ ግዘ ዕይንይን ኢሉ እንከሎ... ( እወ ቅድሚ “ ስየ! ስብሓት ዓዩንዎ ኣሎ ‘ሞ ኪድ ኣዐርዮ!”¡¡¡ ቅድሚ ምብሃሉ ቂ..ቂ..ቂ) ትካላት ትእምት ብፈረንጂ ክመሓደራ ዝረኣየ ህዝበይ ሓተተ። “ንምንታይ ኢኹም በቲ ሕማቕ ግዘ ኣይንግዛእን ኢልና ዝኣበናዮም ፈረንጂ እናምፃእኹም ደቅና ክይሕዝዎ’ቲ ስልጣን ትዕድልዋቶም ዘለኹም?” ኢሉ። መልሲ ሃቡላቱ። “ክእለት ምምሕዳር ስለዘለዎምስ ፅቡቕ ገይሮም ምእንቲ ክኣልይዎ ኢልና ኢና።” ኢሎም። ሓያል ህዝበይ እንታይ ተዝብል ፅቡቕ እዩ? “እሞ ኹሉ ድኣ ዘይትህብዎም ፅቡቕ ግይሮም ምእንቲ ክዝውርዋ ትግራይ!” ኢሉ ዕርፍ። ሐዚ ለቸስ ሓደ ለባም መሓዛይ ነቲ መራሒ ዩኒቨርስቲ ሓዚኑ “ከመይ ‘ባ ክኾን እዩ እዚ ፃዕዳ?” እንተበለ፤ ቀያዒ መሓዛይ ትቅብል ኣቢሉ “እንታይ ከይኸውን ኢልካ ኢኻ? ኣባል ውድብ ‘ምበር።” ኢሉ መለሰሉ። እቲ ዝኾነ ግና እቶም ሙሁር ትግራዋይ ንስደት፣ ንሱ ድማ መሓዙቱ ‘ያ ፀዊዑ፤ ኢላቶም። ነዚ’ዩ ዓውታ ዘድልዮ በሉላተይ፣ በለ። ድሕሪ ማይ ናብ ባዓቲ ከም ዝበሃል፤ ኣብዝፀናሕኻ ፀኒሕኻ፣ “ጉድ ንሰሙን እዩ!” በለ መለስ ወድያቱ ጉድ ተኣኪቡ ተኣኪቡ ግርም! ከም ዝዓዪ ዘንጊዑ። ህዝበይ ብንብዓት ተሓፂባ፣ ዝተቀጥቀጠ ተቀጥቂጡ፣ ዝሓመመ ሓሚሙ(እቶም ተቃወምቲ ዝሞተ ቆልዓ፣ እወ! በቲ ዝነፍሕዋቶ ጋዝ! ኣሎ ኢሎምናቲ ነይሮም፤ ሳልሳይ ዶ ክንእሰር? ኣበይ ከ ክንዛረቦ ነይርና ኢና? ኢልና ገዲፍናዮ... ቀፀለ መሓዛይ) ዝተኣሰረ ተኣሲሩ ነገር ምስ ሓለፈ ኣፍካ ምውጥዋጥ የተዓዛዝብ’ዩ። ህዝቢ ከም ዓሻ ምቁፃር የተዓዛዝብ። ህዝቢ ኣይዕዘበንን ኢልካ ክልተ መልሓስ ምዝራብ የተዓዛዝብ። ኣቱም ሰባት ይተሓዋወሰኩም ኣሎ። ፖለቲከኛነትን ጋዜጠኛነትን፤ ምጥባቅን ምግዛጥን፤ ምድጋፍን ምቅዋምን፤ንዓዲ ምሕላይን ንዓዲ ምግልጋልን ፍለዩ እናበለ መሓዛይ ኣብ እግሪ ታቦተ ፅዮን መሓዙቱ ኣኪቡ እንተምህር ረኺበዮ። እንታይ ኢኻ ዝበልካ ድገሞ ‘ስቲ ኣንታ ስዲ! ኣንታ ችኩል! ኣንታ ዘየስተውዕል! ኣንታ ብቤተክርስትያን ተኸዊሉ ዓመፅ ዝቅስቅስ! መሳርሒ ተቃወምቲ! እንተበልኩዎ። በቲ ሓምለዋይ ስኑ ስሕቅ ኣቢሉ ኣየ! ንስኻ ኮፍማ በል ኢሉ ዙሑል ቢራ ቀረበለይ።(ልቃሕ ምምላሱ እዩ።) እቲ መሓዛኻ ፍቃዶ እንዳ ሻሂ “ኣቱም መናእሰይ! ትሪኡዎም ኣለኹም መናእሰይ ዓዕራብ ኣብ ሕገ መንግስቶም ዘየለ መሰሎም ተጠቂሞም መሰሎም እንትገብሩ። ዋእ! ንምንታይ ኢኹም ንስኹም ኣብ ሕገ መንግስትኹም ዝተቀመጠ መሰል ምግባር ሰለማዊ ሰልፊ ተጠቂምኩም፤ መንግስቲ ገዛ መስርሒ መሬት ከሊኡና! ዘይቲ ስኢና! ሽኮር ሓሪሙና! መብራህቲ ብፈረቃ ኣቲኹምዎ! ኔትዎርክ ቀቲልኩምዎ! ስጋ ናፊቁና! ጋዜጣን መፅሄትን ከይንዕድግ መሃያና ሰብ ታክሲ ሊሒሶሞ! ስራሕ ሲኢና! ነፃነት! ነፃነት ነፃነት! ዝብል ጭርሖ ሒዝኩም ዘይትወፅኡ ችላእ!...” እናበለ እንትሰብኽ ኣነን ዝሓዝራጥ መሓዛኻን ሸተት ኢልና ወፂኢና በለኒ። ንምንታይ እንተበልኩዎ፤ “ዓሽኡ ይኣልሽ! ንሕና ሰልፊ ክንገብር ኢልና ምስ ተኣሰርና ንሱ መፂኡ፣ “ ኣሸበርቲ ውልቀ ሰባት ምስ ተቃወምቲ ብምምሽጣር መንግስቲ ክግልብጡ...” ኢሉ ዜና ክሰርሐሉ፤ ወለድና ወግሐ ፀብሐ ሸሓነ እንተመላልሱ፤ ንሱ ‘ኣበይ ኣለኺ መዓረይ ህድሞ ‘ዶ ክመፅአኪ ወይስ ቦስተን?!’ ክብል?” በለኒ። እንታይ’ዩ እዚኹሉ በለካ ለኽዐካ? ለኽዑ! እንትብሎ፤ “ኣለኹ!” በለኒ። ኣሸንዳዋይ ንዓሚ ንዓሚየ ንጋነ ድኣ ከምሎሚ’የ! 4
Tihlo yon 13:Tihlo yon 13 8/15/2011 8:26 AM Page 5 በለስ ዳርጋ ካብ ኩለን ከባቢታት ትግራይ ዝፈሪ‘ኳ እንተኾነ ቀንዲ ኣፍረይቲ ዞባታት ግና ምብራቕን ደቡብን’ዮም። 36ሺሕ ሄክታር(11.2%መሬት ትግራይ) ዝሽፍን በለስ፤ ካብዚ ምብራቓዊ ዞባ ዝለዓለ መጠን ይሕዝ። ብገባራት ትግራይ ዝተረኸቡ 47 ዓይነት በለስ ከምዘለዉ ‘ኳ እንተተረጋገፀ እቶም ሰለስተ ጥራሕ’ዮም ብተነፃፃሪ ፅቡቕ ኣተሓሕዛ ዝረኸቡ። (ተስፋይ ኣለምሰገድ 2003/09) ኣይተ ፍሰሃ ያየ፣ “cactus based development in Tigray and experience from Mexico’’ ኣብ ዝብል ፅንዓታዊ ፅሕፎም፣ በለስ ቅድሚ 160ዓመት(ብሓደ ሚሰዮናዊ) ናብ ትግራይ እንተኣተወ ‘ኳ፤ ምስ ዝህቦ ዘርፈ ብዙሕ ኢኮኖሚያዊ ረብሓ(economic importance) እንትነፃፀር፣ ንበለስ ዝተዉሃቦ ቖላሕታ ዱኹም’ዩ። ብምኻኑ’ዉን ኣብ እዋን ክረምቲ ንመሸጋገሪ ህይወት ዝምገብ “ምግቢ ድኻታት” ተገይሩ እናተወሰደ’ዩ መፂኡ። ኣብ ሃገረ ሜክሲኮ ግና፣ በለስ ብዝህቦ ኩለ መዳያዊ ጥቕሚ መበል 6ይ ጥረምረ(ካብ ማንጎን ኣራንሺን ቐፂሉ) እዩ። ሜክሲካዊያን ናብዚ ክበፅሑ ዝወሰደሎም ግዘ ሽዱሽተ ዓሰርተ ዓመታት ከም ዝኾነ ዝገልፁ ኣይተ ፍሰሃ፤ ኣብቲ ዝሓለፈ ዘበኖም ካብ ንሓፅሩነት ዘሊሎም ንኻሊእ ዘይግልገሉሉ ከም ዝነበረ‘ዩ ዘመላኽት። ኣይተ ተስፋይ ኣለምሰገድ፣ በለስ ኣብ ትግራይ ንዓርባዕተ ጥቅምታት’ዩ እናዋዓለ መፂኡ ይብሉ። ፍልፍል እቶት(ካብ ገልዕን ፍረን ዝርከብ መሸጣ)፣ ፍልፍል ምግቢ ሰብ፣ ምግቢ እንስሳን መንደድ(house hold Energy )ን። ይኹን’ምበር ይብሉ ተስፋይ፣ “ይኹን’ምበር በለስ ዝረኸቦ ማይ ብኣግባቡ ዝጥቀምን ንነዊሕ እዋን ድርቂ ዝፃወርን ብምኻኑ ኣብ ለውጢ ከባቢያዊ ኣየር ካብ ዘለዎ ኣስተዋፅኦ ንላዕሊ ንኣልኮል መስተ፣ ፅማቅ፣ ሻሞፖ፣ ሎሽን፣ መድሓኒትን ክሬምን ክውዕል ዝኽእል‘ዩ። ብምዃኑ‘ውን ሙሩፃት ልምድታት ኣብ ዝላ ቴክኖሎጂ ኢንዱስትሪያላዊ ኣመራርታ(Industrial processing ) ምቅሳም ጠቃሚ ስትራቴጂ‘ዩ።” ኣብ 30ሃገራት ዓለምና ከምዝፈሪ ዝዝረበሉ በለስ ቤተሰብ ተኽሊ “ዲኮታይሰዶኖስ’’ እዩ። ሓደ ሰብ ኣብ መዓልቲ ክንደይ ጊዜ ክበልዕ ኣለዎ?(ሰለሰተ ጊዜ፣ ክልተ ጊዜ /Five-Eleven/ወይስ ሓደ ጊዜ) እንተይኮነስ ክንደይ መጠን “ካሎሪ” ይወስድ? ዝብል ክስመረሉ ከም ዝግባእ ተመራመርቲ ይገልፁ። በለስ፣ ኣፕልን ኣራንሽን ካብ 100 በለስ ግራም 50 ኪሎ ካሎሪ ይርከቦም። ብመጠን ሽኮርነቱ (15%) ካብ ኣፕል፣ ኣቮካዶ፣ ካሮትንሎሚንን ዝበለፀ፤ ብትሕዝቶ ቫይታሚን ሲ(C) ማዕረ መጠን ካሮትንባናናን ኣለዎ - በለስ። ካብቶም ኣብ ላዕሊ ዝተጠቀሱ ፍራምረታትን መሰላቶምን ብመጠን ፕሮቲን(6.7%)ን ብመጠን ሰብሒ (2.73%)ን ‘ውን ዝበልፅ ‘ዩ።(ኣቮካዶ ኣብዚ ኣይካተትን)። በዚ መሰረት ኣብ መዓልቲ ልዕሊ ኽልተ በለስ እንተዘይበሊዖም፣ ን5 ግዜ‘ውን ጣፍ(እንጀራ)ምብላዖም ኣብ “ጥምየት” ከምዘለዉ’ዩ ዝቁፅሮም ማለት’ዩ። ዓይነታት በለስ ቀይሕ ዓሻኽ በለስ፡- ዝለዓለ መጠን ሶድዮምንፎስፎረስን፤ ዝነኣስ መጠን ኣሰኮርቢክኣሲድ መፍለይኡ እንትኸውን፣ ብዙሕ ቀረብን ጠላቢን ዘለዎ ኾይኑ ሰፊሕ ሽፋን ሒዙ ዝቦቅል ‘ዩ። ጨጋርበለስ፡- ብኬሚካልን ኑዩቱሬሽን ትሕዝቱኡን መሪሕነቱ ዝሓዘ’ዩ። ለማፅ በለስ፡- ብቐሊሉ ዝጉዳእን ዘንጋሕጠጠ ኣበፃፅሓ ዘይብሉን እንትኸውን ብዝለዓለ ፅሬቱን ትሕዝቶ ፎስፎረስን ይልለ። ማይ ዝበዘሖ በለስ፡ - በዝሒ መጠን ስብሒ መግለፂ‘ዩ። ሄልቬታሰ ኢ/ያ በለስ ሳንራይዝ ፕሮጀክት፣ በለስ ብዘመናዊ መልክዑ ፈርዩ ንዕዳጋን ኢንዱስትሪን ክውዕል ካብ ዝፅዕሩ ትካላት ሓደ ‘ዩ። ኣይተ ብርሃነ ሃይሉ(ራሻ) ላዕለዋይ ኪኢላ ፕሮጆክት በለስ’ዮም፤ ሄልቬታስ ፍረ በለስ ዝሓሸ ዕዳጋ ንኽረክብ ብዝገበሮ ፃዕሪ፣ ንኣብነት ኣብ ኣዲስ ኣበባ ንሓደ ኪሎ 11(ዓስርተ ሓደ ብር) እናተሸጠ ከም ዝርከብ ይዛረቡ። በለስ ኣብ ዘይሕረሱ ገቦታት እናተተኸለ ይርከብ። ብምዃኑ ’ዚ ፅቡቕ ዕንበባ ዝውንን ሃብቲ፣ ንዘመናዊ ምርባሕ ንህቢ ተወሳኺ ጥቕሚ ይህልዎ። ትሕዝቶ በለስ ዘዕቢ፣ ናብ ሃገርና ብሄልቬታስ ዝተኣታተወ ተኽሊ’ዩ “ሶልትቡሽ”። በለስን “ሶልት ቡሽ”ን ብምትሕንፋፅ ንምግብነት እንስሳት ቀዳሚ ምርጫ‘ዩ። ምኽንያቱ ይብሉ ብርሃነ፣ “ሶልት ቡሽ” ፅቡቕ ትሕዝቶ ማኣድንን ጨውን እንትህልዎ ገልዒ በለስ ድማ ትሕዝቶ ቫይታሚንን ማዕድንን ስለ ዘለዎ፣ ክልቲኦም ተቃሚሞም ንእንስሳት “ኢድ የቆርጥም!” ዝዓይነቱ‘ዮም። በለስ መድሓኒት‘ዩ እንተሰሚዖም ኣይጠራጠሩ። ንመድሓኒት ሽኮርን በዝሒ ደምን ካብ ዝውዕሉ ንጥረ ነገራት ሓደ ‘ዩ። ሕማም ጮጓራ ዝነበሮ ግን ድማ ብበለስ ዝተፈወሰ ሰብ ከ ኣጋኒፉዎም ይፈልጥ ‘ዶ? ጥሕሎ ነሓሰ 2003 5
Page 1 and 2: Tihlo yon 13:Tihlo yon 13 8/15/2011
Page 3: Tihlo yon 13:Tihlo yon 13 8/15/2011
Page 37: Tihlo yon 13:Tihlo yon 13 8/15/2011

Tihlo yon 13

Create successful ePaper yourself

Delete template?

Save as template?