Tihlo yon 13

More documents

Recommendations

Info

Tihlo yon 13:Tihlo yon 13 8/15/2011 8:26 AM Page 28 ፍልስፍና ጠቢባን ፍ“ ፍልስፍና ካብ ደገ እንትትሪኣ ብ መ ዓ ር ብ ዝ ተ ለ ወ ሰ ብርዒ ፍልጠት ዝ ተ ፅ ሓ ፈ ት ት መ ስ ል ። ነዚ’ውን እዩ ክተንባ ደሊኻ እንትጅምራ ግልፅን ጥዕምትን ትመስል’ሞ ናብ ውሽጣ ጠሊካ እንትትኣትው ዕረ ዘይምፍላጥካ ተልሕሰካ፡፡” ዝበለና ብ1879 ዓ.ም.ፈ. ናብዚ ዓለም ዝተፀንበረ ኣልበርት ኣይንስታይን፣ ቀዳሞት ፍልስፍና ኣቦታት ፍልስፍና ፈቲሹ ምዃኑ’ዩ፡፡ ሓደ ካብቶም ኣቦታት ፍልስፍና ዓለምና ድማ ኢትዮጵያዊ ፈላስፋ ዘርኣያቆብ ዘርኣያዕቆብ... ’ዩ። ሓቂ መፅሃፈ ዘርኣያዕቆብ ዝተወለድኩሉ ኣብ ሃገረ ካህናት ኣክሱም’ዩ፡፡ ነገር ግና ኣነ ሃፀይ ዘርኣ ያዕቆብ ነጊሱ ሳልሳይ ዓመቱ ኣብ ዘቑፀረሉ ብ1592 ካብ ሓደ ስድራ ገባር ተወለድኩ፡፡ ብጥምቀት ክርስትና ዘርኣያዕቆብ ተባሂለ ተሰየምኩ፡፡ ሰባት ግን ወርቀይ ይብሉኒ፡፡ ምስ ዓበኹ ትምህርቲ ንኽመሃር ኣቦይ ቤት ት/ቲ ለኣኸኒ፡፡ ድሕሪ ምድጋም ዳዊት፤ እዚ ህፃን ወድኻ ልቦንኡ ዝበርሀ፣ ትዕግስቲ ዝገዝአ’ዩ’ሞ ንዝበለፀ ምህሮ እንተትልእኾ ሊቅን መምህርን ክኸውን’ዩ፤ ኢሉ መምህር ዳዊተይ ንወላዲ ኣቦይ በሎ፡፡ ኣቦይ’ውን ዜማ ክመሃር ለኣኸኒ፡፡ ይኹን’ምበር ድምፀይ ጓዕራር ኾይኑ ተሰመዐኒ፡፡ በዚ ምኽንያት ድማ መሓዙተይ መቐለዲኦም ገበሩኒ፡፡ ሰለስተ ወርሒ ፀኒሐ ስለዘይተሳኸዐለይ ካብ ልቢ ሓዚነ፣ ሰዋስውን ቅኔን ንኽመሃር ናብ ካልእ መምህር ኣምራሕኹ፡፡ ካብ መሓዙተይ ቀልጢፈ ንኽመሃር እ/ሄር ጥበቡ ስለዝሃበኒ ፈላማይ ሓዘነይ ክርስዕ ረድአኒ፡፡ ብጣዕሚ ተሓጎስኩ፡፡ ዓርባዕተ ዓመት ድማ ፀናሕኹ፡፡ ኣብ ፃንሒተይ ምስ መሓዙተይ እንትፃወት ናብ ገደል ፀደፍኩ፡፡ እ/ሄር ብተኣምራቱ ኣድሒኑኒ’ምበር ፈፂመ ክድሕን ኣይክእልን ነይረ፡፡ ድሕሪ’ዚ ነይሩ ትርጉም ቅዱሳት መፃሕፍቲ ንክመሃር ናብ ካልእ መምህር ዝኸድኩ፡፡ ኣብ ፃንሒት ዓሰርተ ዓመተይ፣ ፈረንጂ ንመፃሕፍቲ ከመይ ከምዝትርጉምዎም፣ ናትና ምሁራን’ውን ከመይ ከምዝትርጉሙዎም ተምሃርኩ፡፡ ትርጉሞም ግን ምስ ልቦናይ ዝስማዕምዑ ኣይነበሩን፡፡ ኮይኑ ግን እዚ ስምዒተይን ሓሳባይን ንሓደ እንተይገለፅኩ ብልበይ ሒዘዮ ፀናሕኹ፡፡ ድሕሪኡ ናብ ሃገረይ ኣክሱም ብምምላስ መፅሓፍ እናምሃርኩ ኣርባዕተ ዘርኣያዕቆብ (ወርቀይ) ብመኮነን ዓመት ምስ ኣቁፀርኩ ክፉእ ዘበን ኮነ፡፡ እ/ሄር እትፈርሑ ዘበልኩም ንነፍሲ ዝገበረልኩም ምዝራብ ክጅምር’የ’ሞ ንዑ ስምዑኒ፣ ኩሉ ብዝፈጠረ፣ መጀመርያን መጨረሻን ዝኾነ፣ ኩሉ ብዝሓዘን ፍልፍል ህይወትን ጥበብን ኮታስ ኩሉ ብዝኾነ እ/ሄር ብዝሃበኒ ነዊሕ ዕድመ ካብ ዘጋጠመኒ ንእሽተይ ክፅሕፍ’የ፡፡ ሃፀይ ሱስንዮስ፣ ኣልፎንዝን ፀላኢየይ ዮሃንስ ክፉእ ዘመን ኮነ፡፡ ሃፀይ ሱስንዮስ ካብ ዝነግስ 19 ዓመቱ ምስ ኣቁፀረ፣ ተወላዲ ፈረንጂ ዝኾነ ኣቡነ ኣልፎንዝ መፅአ፡፡ ድሕሪ ክልተ ዓመታት ንጉስ ሱስንዮስ ሃይማኖት ፈረንጂ ስለዝተቐበለ፣ ኣብ ኢ/ያ ዓብዪ ስደት ኮነ፡፡ እዚ ሃይማኖት ዘይተቐበለ ብሙሉኡ ግና ዕጫኡ ስደት ኮነ፡፡ ኣነ ኣብ ሃገረይ መፃሕፍቲ እንተምህር ብዙሓት መሓዙተይ ፀልኡኒ፡፡ ኣብዚ ዘበን ፍቕሪ መሓዛ ጠፊኡ ነበረ’ሞ ቅንኢ ሓዞም፡፡ ብትምህርትን መሓዛ ብምፍታውን ካብኣቶም ይበልፅ፡፡ ምስ ፈረንጂን ግብፃዊያንን ኩሉ ይስማዕማዕ’የ፡፡ መፅሓፍ እንተምህርን እንትትርጉምን ካቶሊካዊያን ከምዚ፣ ከምዚ ይብሉ፡፡ ግብፃዊያን (ኦርቶዶክስ)’ውን ከምዚ፣ ከምዚ ይብሉ እብል፡፡ ንሕና’ውን እንተመርሚርናዮ እዚ ኹሉ ንፈልጥ እብል’ምበር እዚ ሰናይ’ዩ፡፡ እዚ ድማ ክፉእ’ዩ ኣይብልን፡፡ ግብፃዊያን ናይ ፈረንጂ፣ እቶም ፈረንጂ ደማ ናይ ግብፃዊያን’የ ዝመስሎም፡፡ ብምዃኑ ድማ ኩሎም ፀልኡኒ፡፡ ብዙሕ ግዘ ድማ ናብ ንጉስ ከሰሱኒ፡፡ ካብ ካህናት ኣክሱም ሓደ ወልደ ዮሃንስ ዝተብሃለ ፀላኢየይ፣ ፈታዊ ንጉስ ስለዝነበረ፣ ፍቕሪ ነገስታት ብሽንግልና መልሓስ ስለዝረክብ ናብቲ ንጉስ ከደ፡፡ ናብ ንጉስ ቀሪቡ ድማ ከምዚ በሎ፡፡ “እዚ ሰብ ህዝቢ የሰሓሕት’ዩ፡፡ ስለሃይማኖትና ንላዓል’ሞ ንንጉስ ንቕተሎ፣ ነቶም ፈረንጂ’ውን ነባርሮም ይብል” እናበለ እዙይን ወዲዙይን ብዝመሰል ሕሶት ከሰሰኒ፡፡ ኣነ’ውን እዚ ፈሊጠ፣ ገና ንገና ክቐትለኒ’ዩ ኢለ ፈሪሐ፣ ዝነበረኒ ሰለስተ ‘ወቂት’(32 ግ ) ወርቅን ዝፅልየሉ መዝሙረ ዳዊትን ሒዘ ብለይቱ ሃደምኩ፡፡ በላይ ናበይ ከምዝኸይድ ኣይተፃወኹን፡፡ በረኻ ተከዘ ኣተኹ፡፡ ብፅባሒቱ ድማ ጠመየኒ፡፡ ካብ ሃፋትም ገባራት እንጀራ ንኽልምን እናፈራሕኹ ወፃእኹ፡፡ ሂቦምኒ ምስ በላዕኹ እናጎየኹ ከድኩ፡፡ ከምዚ እናበልኩ ብዙሕ መዓልቲ ፀናሕኹ፡፡ ደሓር ናብ “ሽዋ” ገፅ እንትኸድ ሰብ ዘይብሉ በረኻ ረኸብኩ፡፡ ኣብ ትሕቲ’ቲ ገደል ፅቡቕ በዓቲ ነበረ’ሞ ሰብ እንተይረኣየኒ ኣብዚ በዓቲ ክነብር’የ ኢለ ወሰንኩ፡፡ ሱስንዮስ ክሳብ ዝመውት ድማ፣ ኣብዚ በዓቲ ንኽልተ ዓመት ፀናሕኹ፡፡ ኣብታ በዓተይ ንብሕተይ ኣብ ዝኾንኩሉ እዋን’ውን ኣብ መንግስተ ሰማያት ዝነብር መሰለኒ፡፡ ቁፅሪ ዘይብሉ ክፍኣቶም ፈሊጠ ምስ ሰባት ምንባር ፀላእኹ፡፡ ብዛዕባ ሃለዋት ኣምላኽን ኣፈላላይ ሃይማኖትን ድሕሪ ፀሎት ስራሕ ስለዘይብለይ፣ ኩልጊዜ ብዛዕባ ክፍኣት ሰባትን፤ ሰባት ብስሙ እንትብድሉ፣ ኣሕዋቶም መሓዙቶም እንተባርሩን እንትቐትሉን ሱቕ ብምባሉ ብዛዕባ ጥበብ ፈጣሪ ይሓስብ ነበርኩ፡፡ እ/ሄር ሓላዊ ሰባት እንተኾይኑ ንምንታይ ተፈጥሮኦም ከምዚ ከፊኡ ኢለ ሓሰብኩ፡፡ አረ! እ/ሄር እዚ ይፈልጥ ’ዶ? ብቅዱስ ስሙ እንትብድሉን ሽሙ እንተርክሱን ዝፈልጥ እንተኾይኑ ከመይ ንኽፍኣት ሰባት ስቕ ይብል በልኩ፡፡ ልቢ ኣይበልኩን’ሞ ብዙሕ ሓሰብኩ፡፡ ኦ! ዝፈጠርካኒ ፈጣሪየይ ፈላጥ ግበረኒ፣ ዝተሓብአ ጥበብካ ንገረኒ ኢለ ፀለይኩ፡፡ ሓደ መዓልቲ፣ ናብ መን’የ ዝፅልይ ዘለኹ? በልኩ፡፡ ብሓቂ ዝሰምዐኒ እ/ሄር ኣሎ ድዩ? በዚ ሓሳበይ’ውን ብጣዕሚ ሓዚነ ከምዚ በልኩ፡፡ ዳዊት ከምዝበሎ ክንደይናይ ልበይ ብከንቱ ኣርሳሕኹዋ፡፡ ደሓር’ውን ሓሰብኩ፣ እዚ ዳዊት ከምዚ ዝብል እዝኒ ዝተኸለ ኣይሰምዕን’ዶ? ብሓቂ ንኽሰምዐሉ እዝኒ ዝሃበኒ መን’ዩ? ፈላጥስ ገይሩ ዝፈጠረኒ መን’ዩ? ናብዚ ዓለምከ ኣነ ከመይ መፃእኹ? ካበይከ መፃእኹ? ቅድሚ ዓለም እንተዝነብር መፈለሚ ህይወተይን ፍልጠተይን ምስ ፈለጥኩ፡፡ ኣነ ብገዛ ኢደይ ድየ ተፈጢረ? ጥሕሎ ነሓሰ 2003 34
Tihlo yon 13:Tihlo yon 13 8/15/2011 8:26 AM Page 29 ጥሕሎ ነሓሰ 2003 ይኹን’ምበር ኣነ፣ ኣብ ዝተፈጠርኩ ግዘ ኣይነበርኩን፡፡ ዘሎን ኣብ ኩሉ ዝነበርን፣ ጎይታ ኩሉ ዝሓዘ፤ መጀመርያን መወዳእታን ዘይብሉ፤ ዓመቱ ዘይቁፀርን ዘይልወጥን ዘይተፈጠረ ፈጣሪ ኣሎ ኢለ፡፡ ፈጣሪስ ኣሎ፡፡ ፈጣሪየይ ናብኡ እንትፅልይ ይሰምዐኒ’ዩ ኢለ እንትሓስብ ዓብዪ ሓጎስ ተሓጎስኩ፡፡ በዓብዪ ተስፋ’ውን እናፀለይኩ ፈጣሪየይ ብሙሉእ ልቢ ፈተኹዎ፡፡ ስለ ምርምር ሃይማኖትን ፀሎትን ደሓር’ውን ኣብ ቁዱሳት መፃሕፍቲ ዝተፅሓፈ ኩሉ ሓቂ’ዶ ይኸውን? ኢለ ሓሰብኩ፡፡ ብጣዕሚ ኣይፈለጥኩን’ሞ ዝተምሃሩን ዝተመራመሩን ሰባት ሓቂ ንኽነግሩኒ ከይደ ክጥይቃቶም ኢለ ብዙሕ ሓሰብኩ፣ ኮይኑ ግና ሰባት ኣብ ልባቶም ዘሎ እንተዘይኮይኑ ካሊእ እንታይ ከይምልሱለይ’ዮም ኢለ ሓሰብኩ፡፡ ሰብ ኩሉ ናተይ ሃይማኖት ሓቃዊት ’ያ ’ዩ ዝብል፡፡ ብኻሊእ ሃይማኖት ዝኣምኑ ሓሰውቲ፣ ፀላእቲ እ/ሄር’ዮም፡፡ ሎሚ’ውን እንተኾነ ፈረንጂ ሃይማኖትና ሰናይ’ያ፣ ሃይማኖትኩም ግን ክፍእቲ’ያ ይብሉና፡፡ ንሕና’ውን መሊስና ከምዚ ኣይኮነን ናትካቱም ሃይማኖት ክፍእቲ ናትና ሃይማኖት ግን ሰናይ’ያ ንብሎም፡፡ ኣመንቲ እስልምና፣ ኣይሁድ እንተሓተትናዮም ከምዚ ይብሉ፡፡ ይኹን’ምበር ፅድቂ ሓንቲ ጥራሕ’ያ፡፡ ሰባት በዚ ዓብዪ ነገር ህይወቶም ንምጥፋእ ስለምንታይ ይሕሽዉ? ኢለ ሓሰብኩ፡፡ ዝሕሽዉ’ውን መሰለኒ፡፡ ዝፈልጡ እናመሰላቶም ገለ ኣይፈልጡን’ሞ ዝፈልጡ ይመስላቶም፡፡ ስለዚ ሓቂ ንምርካብ ኢሎም ኣይምርምሩን፡፡ ዳዊት ከም ዝበሎ ልባቶም ከም ፀባ ረኽዐ፡፡ ካብ ኣቦታቶም ብዝሰምዕዎ ልባቶም ረውዩ’ሎ፡፡ ሓቂ ወይ’ውን ሓሰት ክኾን ይኽእል’ዩ ኢሎም ኣይምርምሩን፡፡ “ትሕቲ ፀሓይ ዝተገብረ ኩሉ ጥበብ ንምእላሽን ንምምርማርን ልበይ ሃብኩ፡፡ እግዚሄር ንደቂ ሰባት ክደኽምሉ ዝሃቦም ክፋእ ስራሕ ረኣኹ” ይብል፡፡ ስለዚ’ውን ሰባት ክምርምሩ ኣይደልዩን፡፡ እንተይመርመሩ ካብ ኣቦታቶም ዝሰምዑዎ ምእማን ይመርፁ፡፡ እስኪ ሕዝብና ብኽንደይ ሓሶት ይኣምን? ብፅኑዕ ሃይማኖት ይኣምን፡፡ ብሃሳበ ከዋኽብቲ፣ ኣስማትን ኣጋንንቲ ብምስሓብን ብምግጫብን፣ ኣስማት ብምስራሕ ብጥንቆላ ኩሉ ይኣምን፡፡ እዚ ኹሉ መርሚሮም ሓቂ ረኺቦም ኣይኣምኑን፡፡ ይኹን እምበር ካብ ኣቦታቶም ሰሚዖም ይኣምኑ፡፡ እቶም ቀዳሞትከ ገንዘብን ክብርን ንምርካብ እንተዘይኮይኑ ስለምንታይ ሓሸዉ? ዓሚቕ ምርምር ስለ ሕግታት ሙሴን መሓመድን ንዝምርምር ግን’ቲ ሓቂ ቀልጢፉ ይግለፀሉ፡፡ ሙሴ ፍቓዱን ሕጉን ክነግረኩም ካብ እግዚሄር ተላኢኸ መፃእኹ ይብል፡፡ ድሕሪኡ ዝመፁ ኣብ ግብፅን ደብረ ሲናን ከምዚ ተገበረ እናበሉ ታሪኽን ተኣምራትን እናሓወሱ ነገረ ሙሴ ሓቂ ኣምሰልዎ፡፡ መፅሓፈ ሙሴ ምስ ሕገ ፍጥረት ኮነ ጥበብ ፈጣሪ ኣይስማዕማዕን፡፡ ኣብ ውሽጡ ዝተሰሓሓተ ጥበብ ይርከብ፡፡ ንዝምርምር ግን ሓቂ ኣይመስሎን፡፡ ብፍቓድ ፈጣሪን ሕጊ ፍጥረትን ወዲ ሰብ ከይጠፍእ ቆልዓ ንኽውለድ፤ ወድን ጓልን ብፍትወተ ስጋ ክራኸቡ ተኣዚዙ’ዩ፡፡ እ/ሄር ስራሕ ኢዱ ኣየርክስን፡፡ ኣብ እ/ሄር ርኽሰት ክርከብ ኣይኽእልን፡፡ ሙሴ’ዚ ምባሉ ትኽክል’ዩ ኣይብልን፡፡ ፈጣሪኡ ሓሳዊ ከምዝገበሮ ልቦናና የረደአና፡፡ ስርዓተ ወሲብ ስርዓተ ተፈጥሮ ምዃኑ፣ ምንኩስና (ብህትውና) ግና፣ ቆልዑ ከይውለዱ ብምኽልካል ፍጥረተ ደቂ ሰባት ኣጥፊኡ፣ ጥበብ ፈጣሪ ዘጥፍእ ከምዝኾነ ልቦናና ይነግረና፣ የረደአና’ውን፡፡ ሕገ ክርስትያን ብህትውና ካብ ወሲብ ይበልፅ’ዩ እንተይላ ሓሶት ትናገርያ’ሞ ካብ እ/ሄር ኣይኮነትን፡፡ ከምኡ’ውን፣ መሓመድ ዝእዝዘኩም ካብ እ/ሄር ዝተቐበልኩዎ’ዩ ይብል፡፡ ንመሓመድ ክንቅበል ዘረዱኡ ፀሓፍቲ ተኣምር ኣይጠፍኡን’ሞ ብኡ’ውን ኣመኑ፡፡ ንሕና ግን ትምህርቲ መሓመድ ካብ እ/ሄር ክኸውን ከምዘይኽእል ንፈልጥ፡፡ ዝውለዱ ሰባት ወድን ጓልን ቁፅሮም ማዕረ ማዕሮ’ዩ፡፡ ኣብ ሓደ ሰፊሕ ቦታ ዝነብሩ ወድን ጓልን እንተቖፂርና ንሕድሕድ ወዲ ተባዕታይ ሓንቲ እንስት ትርከብ’ምበር ንሓደ ወዲ ሸሞንተ ወይ’ውን ዓሰርተ ደቂ ኣንስትዮ ኣይርከባን፡፡ ሕጊ ተፈጥሮ ሓደ ምስ ሓንቲ ክፃመዱ ኣዚዙ’ሎ፡፡ ሓደ ወዲ ዓሰርተ ኣዋልድ እንተኣእቲዉ ግና ትሽዓንተ ኣወዳት ጓል ዘይብሎም ይተርፉ፡፡ እዚ’ውን ስርዓት ፈጣርን ሕጊ ተፈጥሮን ጥቕሚ ሓዳርን የጥፍእ፡፡ ሓደ ወዲ ብዙሓት ኣንሽቲ ከእትው ይግበኦ’ዩ ኢሉ ብስም እ/ሄር ዘምሃረ መሓመድ ግና ትኽክል’ዩ ኣይብልን፡፡ ካብ እግዚሄር ኣይተልኣኸን፡፡ ፈጣሪ ብሰናይ ጥበቡ በቢወርሑ ካብ ማህፀን ተንስተይቲ ደም ክፈስስ ኣዚዙ’ዩ፡፡ ሙሴን ክርስታናዊያንን ግና እዚ ጥበብ ፈጣሪ ርኹስ ገበርዎ፡፡ ደጊሙ ሙሴ ከምዚ ምስ ዝበለት እንስት ናብ መን’የ ዝፅልይ ዘለኹ? በልኩ፡፡ ብሓቂ ዝሰምዐኒ እ/ሄር ኣሎ ድዩ? ደሓር’ውን ኣብ ቁዱሳት መፃሕፍቲ ዝተፅሓፈ ኩሉ ሓቂ’ዶ ይኸውን? ኢለ ሓሰብኩ፡፡ እ/ሄር ነገረ ከንቱ ኣይእዝዝን፡፡ እዚ ብላዕ፣ እዚ ኣይትብላዕ፣ ሎሚ ብላዕ፣ ፅባሕ ኣይትብላዕ ኣይብልን፡፡ ንክርስትያን ከምዝመስላቶምን ሕግጋት ፆም ከምዝብልዎን ሎሚ ስጋ ብላዕ ፅባሕ ኣይትብላዕ ኣይብልን፡፡ ንእስላም ’ውን እ/ሄር ለይቲ ብልዑ ቀትሪ ኣይትብልዑ ኢሉ እዝን ወዲዙይን ኣይብላቶምን፡፡ ዝተራኸበ የርክስ፡፡ እዚ ሕጊ ሙሴ ድማ ናብራ እንስት ብሙሉእን ሓዳራን ከቢድ ይገብሮ፡፡ ስለዚ’ውን እዚ ሕጊ ሙሴ፤ እንስት ካብ ዝፈጠረ ጎይታ ክኸውን ኣይኽእልን፡፡ ሰበይቱ እንተመንዚራ ዝፈትሓ ኩሉ ስርዓተ ፈጣርን ሕጊ ተፈጥሮን ኣፍሪሱ’ዩ፡፡ ስለዚ ድማ ወንጌል በዚ ሸነኽ ዝብሎ ካብ እ/ሄር ክኸውን ኣይኽእልን፡፡ ከምኡ’ውን ብስልምና ሰብ ከም እንስሳ ክሽየጥን ክግዛእን ይግባእ ይብል፡፡ ፈጣሪና ከም ኣሕዋት ማዕረ ማዕሮ እንተፈጢሩና ካብ ፈጣሪ ሰባት ‘ዚ ሕጊ እስልምና ክወፅእ ኣይኽእልን፡፡ ልብና ይፈልጦ’ዩ፡፡ ንሳቶም ግና ድኹማት ንብረት ሓያላት ገይረሙዋቶም፡፡ እ/ሄር ነገረ ከንቱ ኣይእዝዝን፡፡ እዚ ብላዕ፣ እዚ ኣይትብላዕ፣ ሎሚ ብላዕ፣ ፅባሕ ኣይትብላዕ ኣይብልን፡፡ ንክርስትያን ከምዝመስላቶምን ሕግጋት ፆም ከምዝብልዎን ሎሚ ስጋ ብላዕ ፅባሕ ኣይትብላዕ ኣይብልን፡፡ ንእስላም ’ውን እ/ሄር ለይቲ ብልዑ ቀትሪ ኣይትብልዑ ኢሉ እዝን ወዲዙይን ኣይብላቶምን፡፡ ጥዕና ፍጥረትና ዘይህውኽ ነገር ኩሉ ክንበልዕ ከምዝሰልጠና ልቦናና የምህረና፡፡ ሓደ መዓልቲ ብልዒ ሓደ መዓልቲ ፆም እንተኾይኑ ግና ጥዕና ይህውኽ’ዩ፡፡ ሕጊ ፆም፣ ምብላዕ ንደቂ ሰባት ህይወት ካብ ዝፈጠረን ክንበልዖም ካብ ዝፈቐዶን ፈጣሪ ዝወፀ ኣይኮነን፡፡ በሊዕና ክነመስግኖ’ምበር በረከቱ ክንገድፍ ኣይግባእን፡፡ ሕጊ ፆም ፍትወተ ስጋ ንምቕታል ዝተሰርሐ’ዩ ዝብሉ እንተሃለዉ’ኳ፣ ፍትወተ ስጋ ወዲ ናብ እንስት ክሰሓብ እንስት ድማ ናብ ወዲ ክትሰሓብ ጥበብ ፈጣሪ’ዩ’ሞ፣ ንሱ ፈጣሪ ብዝሰርሖ ብዝተፈለጠ ብስርዓት ስጋዊ ተራኽቦ ተዘይኮይኑ ምጥፋእ ኣይከኣልን እብል፡፡ ፈጣሪና እዚ ፍትወት ንሰብን ንእንስሳትን ኩሉ ብኸንቱ ኣይሃበን፡፡ ነገር ግና ነዚ ዓለም ህይወትን ንፍጥረት ዝተሰርሐሉ መንገዲ ኩሉ መሰረቱ ኾይኑ ክፀንሕ’ዚ ፍትወት ንደቂ ሰባት ተውሃበ፡፡ ዘድልየና ኩሉ ክንበልዕ ይግባኣና፡፡ ኣብ ዕለተ ሰንበትን በዓላትን ብኣድላዪ ልክዕ ዝበልዐ ከምዘይበደለ ኩሉ ብዕለተ ዓርብን ቅድሚ ፋሲካ ዘለዉ መዓልታትን ለኪዑ ዝበልዐ ኩሉ ኣይበደለን፡፡ እ/ሄር ንሰብ ኣብ ኩሉ መዓልትን ኣዋርሕን ብዘድሊ መጠን ምግቢ ኣስተኻኺሉ ፈጢሩዎ’ዩ፡፡ ይኹን’ምበር ኣይሁድ፣ ክርስትያንን እስላምን ግና ሕጊ ፆም ብዘውፅኡ እዋን እዚ ስራሕ እ/ሄር ልቢ ኣይበሉን፡፡ እ/ሄር ፆም ሰሪሑልና ከይንበልዕ’ውን ከልኪሉና እናበሉ ይሕስዉ፡፡ እግዚሄር ፈጣሪና’ዩ፡፡ እንበልዖ ምግብና እንምገቦ ሃበና’ምበር ክንገድፎ (ካብኡ ክንእረም) ኣይኮነን - ንዘርያዕቆብ፡፡ 35
Page 1 and 2: Tihlo yon 13:Tihlo yon 13 8/15/2011
Page 27: Tihlo yon 13:Tihlo yon 13 8/15/2011
Page 37: Tihlo yon 13:Tihlo yon 13 8/15/2011

Tihlo yon 13

Create successful ePaper yourself

Delete template?

Save as template?