Tihlo yon 13

More documents

Recommendations

Info

Tihlo yon 13:Tihlo yon 13 8/15/2011 8:26 AM Page 16 ጥሕሎ ነሓሰ 2003 ኣብ ገፊሕ ገረብ ዘሎ ሓዙኒ ስደዱኒ ኣብ ቡቡ እንታይ ኣጉተሞ? እዩ‘ቲ ጉዳይ። ኣብ ገፊሕ ገረብ ዝተስሓለ ቡቡ እንታይ ኾይኑ ጎተመ? ንድኻ እናፈለየ ዝሓንቕ ንሃፍታምን ሰበስልጣንን ከይርኢ ዝሓፍር ሕጊ ሕቖ ሕገ መንግስቲ ዝጎዝዝን ጠንቂ ምንዕዓብን ምጉናፅን ካብ ምኻን ዓዲ ኣይዉዕልን። ሃርበኛታት ቡቡ “ልምዓታዊ” ኾይኖም እንትሽለሙ ኩነታት ቡቡ ዘርዚሮም ሪፖርት ናብ ከንቲባ ዘቕረቡ (ምክልትል ስራሕ መካየዲ ቤት ማዘጋጃ ዝነበሩ ኣይተ በርሀ ገ/ሂወት) ግዳይ ብቀላ ኾይኖም። ካብ ስርሖም ክባረሩ ተገይሩ መወዳእታ ከምቶም ካልኦት ብበዝሒ ናብ ማእኸል ሃገር ዝፈልሱ ዘለዉ ተጋሩ ሰብ ሞያ ምስ ኻልኣይ ዲግሮም ክኸዱ ተገደዱ። ጉዳይ ገፊሕ ገረብ ኣብ ገፊሕ ገረብ ዘዋጥጥ ዘሎን መንግስቲ “ሕገ ወጥ መንበሪ ኣባይቲ”፣ “ውራ መሬት”፣ “ክራይ ኣካቢነት” —-ወዘተ ብምባል ብኣልማሚታ ከፍርስ እንትስድር፤ ገዛና ክፈርስ የብሉን ብምባል ብሰላማዊ መንገዲ ታቦት ከይተረፈ ሒዞም “መንግስቲ ተገፈዐልና!?” ኢሎም ኣደባባይ እንትወፁ ብፁዑቕ ሓይሊ ኮማንዶ(ፈጥኖ ደራሽ) ከምዝተዓገቱን ሰላማዊ ሰልፊ ንምግባር ንመንግስቲ ሕቶ ከምዘቕርቡ ተሰሚዑ’ዩ። ኣብ ገፊሕ ገረብ ዘሎ ፀገም፣ መርኣያ ፀገም ምምሕዳር መሬት ንመቐለ ዝኸበባ ገጠራት እንደርታን መቐለን ‘ዩ። ንመቐለ ዝኸበባ ገጠራት እንደርታ በቢዓመቱ ናብ ከተማ ‘የን ዝኣትዋ። ካብ ሂወት ገጠር ናብ ሂወት ከተማ ምኻኑ’ዩ። እዚ ባዕሉ ገጠረታይ ከተማታይ መሲሉ ናብርኡ ከይተበላሸወ ደቁ ብንዉር ኣዕቢዩን ኣምሂሩን ናብ ቁም ነገር ከብፅሕ ብመንግስቲ ናይ ስልጠናን ኻልኦት ድጋፋትን ተደልዩ። ምክታም ናብ ጎደና ድኽነት ምእታዉ እንተይኾነ ናብ ዝተመሓየሸ ናብራ ምግስጋስ ክኾን ዝኽእል ስራሕ Socialization[ምምጥጣን] ካብ መንግስቲ ተግባራዊ እንትኸውን’ዩ። መንግስቲ ግን በተፃራሪ ‘ዩ ዝኸድ ዘሎ። ካሊእ ተሪፉ ንመተክኢ ትሕዝቶ ሓረስታይ ኾይኑ ዝፀንሐ፤ እናቐነሰ ብዝገርም 140 ካሬ ሂቡ ‘ዩ። ኩሉ መሬቶም ወሲዱ ብሊዝ ንሃፍታም ዝወሃብን ስልጣን መንግስቲ ተጠቒሞም ዉልቀ ሰባት ክህፍትሙሉ ዝገብር ኣካይዳ ይኽተል ኣሎ። መሬቱ ናብ ከተማ ዝኣቱ ሓረስታይ ባዕሉ ‘ዉን ይክትም ስለዘሎን ቐፃሊ ዕድሉ ካብ ማሕረስ ምዉፅኡ ስለ ዝኾነ ተገዲዱ ክንዲ ናይ ‘ታ ቡቡ 500ካሬ ተተዉሃበቶ ፍትሓዊነት፣ እግሪ ምትካል፣ ኣብ ከተማ ናይ ጎጆ ኢንዱስትሪ/ደቀቕትን ኣናእሽተይን ትካል ብምጥያሽ ንልምዓት ተወሳኺ ሓይሊ ይፈጥር እንበር ዘስዕቦ ጉድኣት የብሉን። ኸባቢ መቐለ ዘሎ ሓረስታይ ወረዳ እንደርታ ካሕሳ ኢ-ፍትሓዊነት እንትሓትት ብዘይካ ‘ቲ በቢዓመቱ እናተቖርመመት ትዉዳእ ዘላ ግራቱን ኻሊእ መሬተይ ዝብለሉ ዓዲን ንኣቅመ ኣዳም ዝበፅሑ ደቁ ግቡእ መሬት ክወሃቦም እንትሓትትን ኻልኦት ናይ መሰል ሕቶ እንተልዕልን ከም ፀላኢ ተቖፂሩ እንታይ ይሓስብ? እንታይ ይብል? እናተብሃለ ብደቂቕ እናተፀንዐን፤ ኣተሓባቢሮም ዝበሃሉ እናተሃደኑ መከርኡ ክርኢ ስለዝግበር፤ ተኣኪቡ ተጠርዐ ድማ “ሕገ ወጥ ሰልፊ ተለዓዕሉ ኣለኹም!” እናተብሃለ ዕለታዊ ሂወቱ ኣብ ዓፈና ከምዝኣተወት፤ መሬቱ በቢግዚኡ ብሕሳር ግምት እናተመንጠለ ኣብ ኣፍ ደገ ዋና ከተማ እናነበረ ደቁ ግን ናብ ሕሳር ስራሕ ይወድቑ ምህላዎም ክፈልጥ ንዝደለየ በየኣንጎሉኡ ዝርከብ ሓቂ’ዩ። እዚ ህዝቢ ዘላቶ መማረፂ ዝረኸባ ‘መተኪያ’ መሬተይ ዝበላ ወይ ገሊኦም ተሓራሲ መሬቶም ‘መተኪያ’ እናበሉ ወይ ኣብኡ ገዛ ሰሪሖም እታ ገዛ ‘ዉን ብምሻጥ ነኻሎም ምሕታም፤ ናይ “ፍትሓዊ” ልቓሕ፣ መዳበርያ . . .ወዘተ ዝበሃሉ ዕደኦም ምሽፋን’ዩ። እቲ ሓረስታይ መተካእታ መሬቱ ናብ ምሻጥ ዝደፍኦ ዘሎ ጉዳይ ተኳሕኲሑ ዘይሰምዕ ማዕፆ ምምሕዳር ክልል ትግራይን ቤት ማዛጋጃ ከተማ መቐለን’ዩ። እቶም ዓዲግኹም[መሬት] ተባሂሎም ሕጊ ጥሒስኹም ዝበሃሉ ዘለዉን ንብረቶም ክዓኑ ዝተገበረ ብናይ ፈጥኖ ደራሽ ተጎርማጅ፣ መርዛም ትኪ ወዘተ ተዓፊኖም ንማእሰርትን ስቃይን ዝተዳረጉ ድማ፤ ቦታ ብሊዝ ከይገዝኡ ዓቕሚ ዘይብሎም፣ መሬት ተዓዲሎም ከይረኸቡ በሩ ስለዝተዓፀዎም፤ ተኻርዮም ከይነብሩ ምኽባር ናብራ ከም ድንጎላ ዝኸበዶም ዜጋታት ‘ዮም። ዝተፈላለዩ መረዳእታታት ከምዝሕብርዎ እቶም ገዝኦም ዝፈረሶም(4 ሺሕ ገዛዉቲ) ናይ ምዕዳግ ዉዕሎም ገሊኦም ኣብ ማሕበራዊ ቤት ፍርዲ ገሊኦም ኣብ መሬት ምምሕዳር ጣብያ ኣቕሪቦም ዝፀደቐሎም እዮም። ከምዚ ዓይነት ናይ ቖዋሚ ንብረት ዉዕሊ ኣብ ቤት ፍርዲ ወይ ዉዕሊ ክወዓዓል ስልጣን ኣብ ዝተዉሃቦ ኣካል ክፀድቕ ከምዝግባእ ፍ/ብ/ሕ/ቁ 1723 ደንጊጉ እዩ። ማሕበራዊ ቤት ፍርዲ ‘ውን ብመሰረት መቖሚ ኣዋጅ ኣብያተ ፍርዲ ብሄራዊ ክልላዊ መንግስቲ ትግራይ ታሕተዋይ ብርኪ ቤት ፍርዲ ስለ ዝኾነ ሕጊ ብዝፈቐዶ ተፈፂሙ ኣሎ ማለት’ዩ። ኣብ ማሕበራዊ ቤት ፍርዲ ኾነ ኣብ ጣብያ ምምሕዳር መሬት ጣብያ ምምሕዳር ቐሪቡ ከምዝፀደቐ ተገይሩ ማህተም ዝወደቖም ዉዕላት፤ ብናይ መንግስቲ ኣካላት ዝተፈፀሙ ስለዝኾነን እቶም መፅደቕቲ ሓላፍነቶም ተጠቒሞም ኣብ ናይ መንግስቲ ስርሖም ኮይኖም ብናይ መንግስቲ ማህተም ተጠቒሞም ዝፈፀምዎ ስለዝኾነ በቲ በለ በቲ ዉዕሊ መሸጣ ቦታን ገዛን ዝብል ተፈፂሙ’ዩ። ሕጊ ፈፃሚ ኣካል እዚ ዉዕሊ ሕጋዊ ኣይኮነን እናበሉ ነቲ ናይ ዉዕሊ ሰነድ ደርቢዩ ሕጋዊ ዉዕሊ ኣይኮነን ኢሉ ብመሰረት እቲ ዉዕሊ ዝተሰርሐ ገዛዉቲ ብምፍራሱ ካብ ሕጊ ፈፃሚነት ናብ ሕጊ ተርጓሚነት ብምስግጋር ስልጣን ዳኝነት ምምንጣሉ ስለ ዝኾነ መትከል ክፍፍል ስልጣን ብምቕዳድ ሕገ መንግስታዊ ስርዓት ረጊፁ ህይወት ዜጋታት ኣብ ስግኣት ክወድቕን ኣብ ሕግን ሕጋዊነት ተስፋ ዘቑርፅ ተግባር ከምዝፈፀመ ዘቑፅሮ እዩ። እቲ ዝተፈፀመ፣ ጥፍኣት’ዩ ተተባሂሉ፤ ብፍ/ብ/ሕ/ቑ 2126(2) መንግስቲ ንዝተጎድኡ ዜጋታት ክኽሕስ ሓላፍነት ኣለዎ ‘ዩ። ብምምሕዳራዊ መዳይ እንትረአ ድማ ኣብ 4000 ገዛዉቲ ብዙሕ ስድራ ሰፊሩ ንኡሽተይ ከተማ ተመስሪታ፣ ቤተ ክርስትያን ተሰሪሑ፣ እድራት ተጣይሸን እዚ ኹሉ እንትግበር ከፍ ኢሉ ዝርኢ ምምሕዳር ከተማ መቐለን ክልል ምምሕዳርን ጥፍኣት የብለይን ኢሉ ኣሉ ቐጠነ ክብል መተዓዛዘቢ’ዩ። ከተማ ምምሕዳርን እንደርታ ወረዳን ብዉሑድ ናብ 16,000 ዝፅጋዕ ነበሪ ዘፅለሉ መንደር ክስራሕ እናራኣየ ሱቕ ማለቱ ከምዝፈቐደ ዘቕፁሮ ብምኻኑ። /ኣይተ ብርሃኑ በርሀ ነበር ም/ሓላፊ ቢሮ ፍትሒ ዝነበሩ እንትኾኑ፤ ጠበቃወኣማካሪ ሕጊን ም/ፕሬዝዳንት ዓረና ትግራይን ‘ዮም። ኣብዚ ሀዚ እዋን ድማ ኣብ ሃገረ ኣሜሪካ ይርከቡ/ 15
Tihlo yon 13:Tihlo yon 13 8/15/2011 8:26 AM Page 17 ጥሕሎ ነሓሰ 2003 What is Rock? ኩልጊዘ ንጎሆ በኺቱ ዘሓደረ ነብሰይ ብሮክ ምንቅቃሕ - ውነይ። ሓደ እዋን፣ ዜማ ሮቢ ዊልያምስ ከፊተ ከም ጥጥቖ ፆም-ኣርባዓ ገዛ ዓፅየ እንትድንስ እነ- ምበይተይ ካብ ቤተ ክርስትያን ተመሊሳ ኣርከበትኒ፡፡ ዜማኡ ሰሚዓ ክሽዕንዋ ኣይከኣለ፤ ዳንሰይ ’ውን፣ ምስ ቆሎ ሒዝዋ እትፈራፈር ጎርዞ ስለዝተመሳሰላ ይመስለኒ፣ ውቃበኣ ተፈታተና ‘ሞ “ምሕረት ኣውርድ በዓል ኣምበላይ ፈረስ” እናበለት ካብ ዝሓዘቶ ማይ ድጋም ነፂጋ ካብ’ቲ ዝነበርኩሉ ገነት ጎቲታ ዘውፀአትኒ ኣጋጣሚ ኣይርስዖን። ስለዚ ብዛዕባ ሮክ ሓደ ክልተ እንትብለኩም፣ መዘከርታ ይኹነለይ እናበልኩ’የ፣ ንበዓልቲ ኣምበላይ ፈረስ። ሙዚቃ ሮክ ብኤልሳ ኣብርሃ(ኣዲስ ኣበባ) መቸም ኮሎምበስ ንኣሜሪካ ምስረኸባ፣ ንሳ ባዕላ ዝረኸበቶም ጥበባት ቆፂርካ ካብ ምውዳእ ዕለታት ዕድመኻ ምቑፃር ዝቐለለ ይመስለኒ፡፡ መበቆል ሮክ’ውን ኣብዚ’ዩ ኢላቶም፡፡ ብ1940ታት ’ዩ ቅኒት ሮክ ንፈለማ ዝተሰምዐት፡፡ ኣለን ፍሬድ ዝተብሃለ ፈላማይ ዘያሚ፣ ከማየይ ሓፍቱ በቲ ሽዑ ጊዜ ዝነበሩ ዜማታት ሃገረሰብኛን ክላሲካልን ውቃብኡ ምርዋይ እንትኣብዮ ክርታት ጊታሩ ብሓይሊ ብምድሳቕ በቲ ሽዑ “ሮክ ኤንድ ሮል” ዝተብሃለ ዜማ ናብ ምፍጣር ዝኣተወ - ዝመስለኒ፡፡ ቀዳመይቲ ዜምኡ ግና “ሮክ ኤንድ ሮል” ኢሉ ሰዩምዋ፡፡ ቢል ሄለይስ፣ ኤዲ ፍሸር፣ ፔሪ ኮምን ፓፊ ፔግን ኣሰር ኣለን ፍሬድ እንትረትዖም፤ ንሳቶም ‘ውን ዕዳጋ ኣሜሪካ ካብ ‘ስለው’ ናብ ‘ሮክ’ ገልበጡ። 1955፣ “Rock Island Line” ብእንግሊዛዊ ሎኒ ዶነጋን ተኸሺና፣ ኣብ ሃገር ዓባይ ብሪጣንያ ቃና-ሮክ ዘባፀሐት ፈላመይቲ ዜማ ኾይና፣ ሮክ ካብ ኣሜሪካዊያን ብእንግሊዛዊያን ዝተወረሰትሉ እዋን ነይሩ ይብሉ - ፈላጣት ታሪኽ ሮክ፡፡ “ወራር- እንግሊዝ” ዘመነ ክፍተት’ዶ ዘመነ- ዕብየት? ኣሜሪካዊያን ነዚ ግዘ “ወራር- እንግሊዝ” ኢሎም ብምስያም ክፍተት ዝተፈጠረሉ ዘመን ኢሎም ይጠቅስዎ፡፡ ገለ ፀሓፍቲ ድማ(ምናልባሽ’ውን እንግሊዛዊያን) ኣብ’ዚ እዋን ዝተፈጠሩ ጠቐምቲ ፈጠራታት ተዘይምንጭዉ ነይሮም፤ ሮክ ሐዚ ሒዝዎ ዘሎ ቅርፂ ኣይመሓዘን ብምባል ዘመኑ - “ዘመነ ስጉምቲ” ገይሮም ይገልፅዎ፡፡ ክልቲኡ ዘበን እንትነፃፀር ድማ ክልተ ዓበይቲ ነገራት ንረክብ፡፡ ‘ቲ ሕሉፍ እዋን ንደቂ ተባዕትዮን ፀዓዱን ልዋም ግዘ እንትነብር ‘ዚ “ዘመነ ወራር” ድማ ንደቂኣንስትዮን ፀለምትን ቀዳዊኦም ኮይኑ ንረኽቦ፡፡ ኣብ’ዚ ዘበን ሓደሽቲ ጉጅለታት ወይዘራዝር ዓንበባ፡፡ 16
Page 1 and 2: Tihlo yon 13:Tihlo yon 13 8/15/2011
Page 15: Tihlo yon 13:Tihlo yon 13 8/15/2011
Page 37: Tihlo yon 13:Tihlo yon 13 8/15/2011

Tihlo yon 13

You also want an ePaper? Increase the reach of your titles

Delete template?

Save as template?