Tihlo yon 13

More documents

Recommendations

Info

Tihlo yon 13:Tihlo yon 13 8/15/2011 8:26 AM Page 22 ዝብሎ ኣለኒ ሪሓን . . . ኳሓሊት መሲላ መንቆሪት ሪ ሓን (ቁፅሪ 7 ለካቲት 2003 ዓ/ም) ብመልክዕ መፅሄት ተሓቲማ ሽም መፅሄት ሒዛ ስለዝወፀት መፅሄት ክብላ። ብሓይሊ መልጢ ብሽም ነፃ ፕሬስ ቆሎን ጥጥቆን ዛዕባ ሒዛ፤ ሓደ ግዜ ፖለቲካዊ ትሕዝቶ ዘለዎም ዝመስሉ ፅሑፋት ካሊእ ግዜ ድማ ንስነፅሑፍን ጥበብን ትግርኛ ተቆርቋሪት መሲላ ውልቀ ሰባት “ምድኻም” ከም ዕላማ ሒዛ ኣብ ዉሱናት ትኹረት ብምግባር እትፃሓፍ ብምዃና “መፅሄት” ዝብል ዓብይ ሽም ዝኸበዳ ዘይልክዓ መሲሉ ይስመዐኒ። ተመሓይሹ ኣብ ዝወፀ ሕጊ ፕሬስ ንግልፅነትን ተሓታትነትን ኣካያዲ ስራሕ፣ ኣሰናዳእቲ መፅሄት ኣድራሽኦምን ሽሞምን ብዝግባእ ይፀሓፍ፡፡ መን እንታይ ኢሉ ፅሒፉ መንበባይ ብዝግባእ ክፍለጥ ስለዘለዎ እንኮላይ ቁፅሪ ስልኮም ክፀሓፍ ኣለዎ፤ ይብል፡፡ ኣብዛ ሪሓን እትበሃል መፅሄት ግን ካብ ሕጊ ወፃኢ ኣሰናዳእቲ ሽሞምን ኣድራሽኦምን ሓቢኦም ገና ኣብ ምጥያሽ ኣብ ዝርከባ ክልተ ሚድያታት ትግራይ ኣነፃፂሮም ወረ ሓሶት እናነዝሑ ዝውዕሉ ዕንቅፋት ኾይኖም ስለዝተሰምዑኒ ብርዐይ ኣልዒለ ኣለኹ። ሓደ በሉ ስልቲ ኣፀሓሕፋ ሃውዳድዮስ መቐለ ክኽተል፡፡ ካብ መልእክቲ ዋና ኣሰናዳኢ ክጅምር፡፡ “ህወሓት ኢህወዴግ መፅሄት ሪሓን ክትውለድን ክትጉልብትን ምኽንያት ዝኾነ ውድብ ‘ምበር መፈራሪሒና ኣይኮነን ይብል፤ ብ VOAን ካልኦትን ኣጋጣሚታት እናተጠቀሙ ሪሓን ትበሃል መፅሄት ነይራ ጠፊኣ ‘ባ እንታይ ‘ባ ዝብልዎ ዘይኮነስ...” እናበለ ይቕፅል፡፡ “ፈተዉትና ኣይዞኹም ኣለና ኢና ፀላእትና ሕርር በሉ” ዝዓይነቱ ጭርሖ ተሓንጊጡ ኣሎ፡፡ ርእሰ ዓንቀፅ ምዃኑ እዩ፡፡ አረ! ንምዃኑ ኣይናይ መዘራረቢ ዛዕባ ኣልዒላ’ያ? ንምዃኑ ካብ ዝርግሐኣ ጀሚሩ ክንደይ ሰብ ኣንቢቡዋ? ኣይናይ ወይ እንታይ ዝመስል ሚሽጥር ኣቃሊዓ ‘ያ እቲ ብደቂ ህዝቢ ዝተነደቐን ህዝባውን ዝኾነ ውድብ ኣፈራሪሕዋ ዓፊንዋ ተባሂሉ ብሬድዮ ኣሜሪካ ከይተረፈ ተዘሪቡላ? እዚ እቶም ማነጂንግ ኤዲተርን ዋና ኣሰናዳእን ግርማይ ኣረጋዊ ኣብዘይ ቦታኹም ብሽም ነፃ ፕሬስ ዝነጠብኩም ንባዕልኹም ዘለኩም ግምት ዝተዛብዐ ምዃኑ ካብ ምምልኻት ሓሊፉ ካልእ ረብሓ የብሉን፡፡ ህወሓት/ኢህወዴግ ከምቲ ዝበልኩሞ መናእሰይ ትግራይ ኣብ ዝተዋፈረሉ ኩሉ ውፅኢት ከመዝግብን ፅላልን ከለላን ይኸውን ‘ምበር መፈራርሒ ክኸውን ‘ሞ ድማ ስግኣት ኣብ ዘይኮንኩምሉ ተራ ሓሜትን ሓሶትን ስለዝፀሓፍኩም ህወሓት ትኹረት ጌሩ ተዓፊናያ ተባሂሉ ተኣሲራያ ወዘተ . . . ካብ ጥዑይ ርእሲ ትፅቢት ዝግበር ኣይኮነን ‘ሞ ናብ ልብኹም ተመለሱ። የግዳስ መፅሄትኩም ሚዛናዊ ኮይና ኩሉ ዝመሃረላ፣ ዘምብባ ናይ ኩሉ መፅሄት ክትኸውን ፀዓሩ፡፡ ተዘይኮይኑ በዚ እንተቀፂልኩም ኣብ ህወሓት ኣይትበፅሕ ናብ ሕጊ ኣይትኸይድ ባዕሉ መንበቢ ‘ዩ ዝተፍኣ ‘ሞ ሃየ ድኣ ዝተዛብዐ ግምትኩም ኣስተኻኽሉ ክብል፡፡ ክልተ በሉ ልብና ቶግ ዘበለት ትግ ቲቪ ብዝብል ኣርእስቲ ሰፊሕ ሓተታ ዝሓዘ ፅሑፍ ኣንቢበዮ ኣብ ገሊኡ ሓቂ ዝተኸተለ‘ዩ፡ ምናልባት ከምቲ ፀሓፊ ዝተኸተሎ “ዝወረደ ወራዳ” ብዝብል መልክዑ ኣይኮነን’ምበር፤ ምስ ሃውዳድዮስ ዝሰማመዐሎም ነጥብታት ኣለዉ፡፡ (ብፍላይ ቴማ (theme) ድዩ ዝበሃል እንድዒ በቲ ፀሓፊ ኣረዳድኣ ተሰማሚዐ ክቅፅል፡፡) “መግለፂ ነኒመደቡ ዘይተስኣነ ባምቡላታት ምዃኑ(እሞ ድማ ከባቢ 100 ሽሕ ቅርሺ ወፂኡሉ) ነታ ካብ ሓንቲ እምኒ ጥራሕ ስለዝተፀረበት እንግረመላ ሓወልትና ዘይነበረ መንነት ብምሃብ ካብ ኮረት ተኣራርያ ከምዝተሰርሐት ዘመላኽት...” ዝበልዎ እወ! ሓቂ’ዩ፡፡ ዓብይ ታሪኻዊ ስሕትት ዝተፈፀመ’ውን ይመስለኒ ኣብዚ ፍርቂ መንገዲ መፂአ ምስኦም ክሰማማዕ’የ፡፡ ሃፍቲ ህዝቢ ንምንታይ ብኸንቱ ይጠፍእ ኢሎም ካብ ሰናይ ጉሓቱ ምልዓሎም ይተኣረም ዝብል ዕላማ ሒዞም እንተዝቅፅሉ ክንደይ መጥዓመሎም። ብሓፈሻ ኣብቲ ፅሑፍ ግን ካብቲ ፀሓፊ ይፍለ’የ፡፡ ብስሩ ናይቲ ፀሓፊ ሽም ደጋጊመ ክርኢ ከለኹ ብሃውዳድዮስ መቐለ’ዩ ዝብል፡፡ ቁሩብ ደቓይቕ ወሲደ ኣብ ሽም ፀሓፊ ተመራሚረ እወ ሃውዳድዮሰ ማለት ትርጉሙ “ዉሻይ” ማለት ‘ዩ፡፡ ውሻይ ድማ በረከት ዘይብሉ ሃርጓፍ፣ ስሱዕ ናብ ሓደ ፅንፊ ዝተፀገዐ ስምዒታዊ’ዩ፡፡ ‘ሽም ይመርሆ’ ከምዝበሃል’ ውሻይ ዝኣተዎ ፅሑፍ ኮይኑ ረኺበዮ፡፡ ክልተ ዝተዋቅዐ ሓሳብ’ውን ረኺበሉ “ቻናል ጥርቅም” እያ ትበሃል፡፡ ካብ ቆልዓ ክሳብ ዓብይ ኣብ ስድራቤት ሀ ዝርከቡ ኣባላት ኣብዚ ኣብቲ ቋንቋ ግዲ ኣይግድን ኮይኖም ‘ስብጥር’ እዩ ዝብልዎ፡፡ ኣምሓርኛ ናብ ትግርኛ ሕውስ ኣቢሎም ክገልፁልና ፈቲኖም፡፡ ቋንቋና ዝፀየቐት ትግ ቲቪ እናበሉ ንባዕሎም ብሪሓን ኣቢሎም መፂኦም ነቲ ቋንቋ ይፅይቅዎ፡፡ ‘ስብጥር’፣ ‘ምውንባድ’ን’ወንጀል’ን ወዘተ እናበሉ ጉራማይለ ዝኾነ ቋንቋ የውሕዙ፡፡ ናብቲ ዝጀመርክዎ ክምለስ ንግዚኡ ስብጥር ኢሎም ዝተጠቐምሉ ቃል ሓንፈፅ ብዝብል ቃል ተኺአ ክቕፅል ‘ሞ ኣብ ዝተፈላለየ ዕድመን ደረጃ ፍልጠትን ዝርከብ ስድራ ቤት “ሀ” ተባሂሉ ዝተገለፀ ኩሉ ግዜ መሪፆም ካብ 1 ክሳብ 2 ምሸት ኣብ ዘሎ ሰዓት ዝኸድሉ ኩሉግዜ ሰላም ምስ ሰፈነ’ዩ፤ ይብሉ፡ ምኽንያቱ ትግርኛ ቴሌቭዥን ዝጅምረሉ ብምዃኑ ኣብዚ ግዜ ድማ “ኣነ ክርኢ! ኣነ ኣይደልን!” የለን፡፡ ኩሎም ብሓደ ድምፂ ትተዓፆ ይብሉ፡፡ ዝሪኣ ዘይብላ ቻናል ጥርቅም ትኸውን ‘ሞ ይብል፡፡ ኣብ ጥርቅም ኮይንካ ‘ታይ ከምዝሓልፍ ዘይፈለጥካ እንታይ ክበሃል ይከኣል? (ንሶም ‘ውን ሃውዳድዮስ ኩሉ ግዜ ካብ 1 ክሳብ 2 ሰዓት እናተፀበዩ ኣብቲ ገዛ እዮም፡፡ ምስቲ ስድራ ዘለዎም ርክብ ‘ውን ኣይገለፁን፡፡ ምናልባት ናይ ድራር ሰዓት እናተፀበዩ ቁሩብ ሕምይ ሕምይ ኣቢሎም ዝብላዕ በሊዖም ‘ዶ ይኸዱ ይኾኑ?) ብዝኾነ ሃውዳዮስ ‘ውን ኣይረኣየን በቲ ሰዓት ቻናል ጥርቅም ስለዘይረአ ብመሰረቱ እቶም ዘይተገልፁ፤ ስድራ ቤት “ሀ” ተባሂሎም ዝተገለፁ ንበይኖም ከም መርትዖ ‘ዶ ክኾኑ ብክብሮም ሰለሙን /ክብሮም ሰለሙን ጋዜጠኛ ቴሌቪዥን ትግራይ’ዩ።/ ይኽእሉ? ናብቲ ገዛ ሰድራ ቤት ሀ ዝመላለሱ ቴሌቭዥን ትግራይ ብዓይኒ ተመልካታይ ከመይ ትግለፅ ንምፅናዕ ይኸዱ እንተኾይኖም ‘ውን ብሓደ ስድራ ንኹሉ ትግራዋይ ክውከል ምተኽኣለ ‘ዶ? እቶም ስድራ ምናልባት ቻናላት ዝቀያይሩሉ ዓቕሚ ዘለዎም ይኾኑ MBC 4, MBC 2, fox movie ወዘተ ይሪኡ ይኾኑ፡፡ ምስዞም ቻናላት እናወዳደሩ ድዮም ቻናል ጥርቅም ዝርእይዋ፤ መወዳደሪ ዝኾነ ነገር ‘ውን ኣይፀርሑን ንፀርፊ ይሃፁ ስለዝነበሩ ‘ዚ ኩሉ ሚዛናዊ ኾይኖም ኣየቐመጡን። እቶም ኣብዝተፈላለየ ኩነታት ዕድመን ደረጃ ፍልጠትን ዝርከብሉ ስድራ ቤት ሀ ‘ውን ንትግ ቲቪ ኣይሪኡን፡፡ ንሶም ‘ውን ትግ ቲቪ ኣብ ዝመሓላለፈሉ ካብ ሓደ ክሳብ ክልተ ሰዓት ኣብ ስድራ ቤት “ሀ” እዮም ዘለዉ፡፡ ካበይ ደኣ ረኺቦምዎ ኣብ ፍርጅ ዝወዓለ ገዓት? ኣብ ኣሰር፣ ክብርታትና፣ ተሃድሶ ዝቐርቡ መደባት ሓደ በሉ ክልተ በሉ እናበሉ ዝትንትኑልና፡፡ ኣይርኢን ቻናል ጥርቅም እንተኾይና ከመይ ኢላ ‘ያ ልቦም ቶግ ኣቢላቶም? ዜና ከመይ ከምዝፀሓፍ መዓዝ ተፃሒፉ ብኸመይ መንገዲ ናብ ሰማዒ ተመልካቲ ክበፅሕ ይግባእ ሓበሬታ ከይሀቡ ዜና ናይ ቅድሚትን ድሕሪትን ነገራት ዘተኣሳስርን ዝትንትንን’ዩ፡፡ ኣብ ትግ ቲቪ መፂኡ ግን ገታርን ኣንደበት ሓለፍቲ ጥራሕ ዝደግምን ዋጥነት’ዩ ኾይኑ ዝርከብ። ብምባል ጥቅሉል ዝኾነ ምኽሪ ንወሃቢኡ ቀሊል ከም ዝበሃል ክሕንክሩ ተዓዚበዮም፡፡ ብዝተኽኣለ መጠን ከም ናተይ ትዕዝብቲ ኣብ ትግራይ ዝፍፀሙ ፍፃመታት ብፍላይ ክልላዊ ረብሓ ዘለዎም ንኹሉ ክፋል ሕ/ሰብ ዝትንክፉ ዓበይቲ ዝበሃሉ ፍፃመታት ብእዋኖም ክሓልፉ ይፍተን እዩ፡፡ ገለ ጊዜ ቅድሚ ሰዓት ዝተካየደ ዋዕላ ኣብ ናይ ምሸት ክበፅሕ ዝግበረሉ፤ ምስ ፌደራል ብምዝርራብ ቀጥታ/ላይቭ/ ዝመሓላለፈሉ ግዜ ኣሎ እዩ፡፡ ወዮ ደኣ ቻናል ጥርቅም እያ’ሞ ኣይትሪእዋን ‘ምበር ከመይ ጌርኩም ሓቂ ክትዛረቡ፡፡ ኣብ ኣዲስ አበባ ናብ ዘሎ ጣብያ ቴሌቪዥን ኢትዮጵያ ፍፃመ ሎሚ ብፅባሒቱ ንምሕላፍ ኩሉ ግዜ ላዕልን ታሕትን ይበሃል’ዩ፡፡ ፍፃመ ዜና ዝስራሕ ኣብ መቐለ ዝመሓላለፍ ኣብ ኣዲስ ኣበባ ኣብ ክልተ መዓልቲ ምሕላፉ ከምተን ካልኦት ክልላት ማዕረ ንምስራሕ ፋሕጠርጠር ንዝብሉ ጋዜጠኛታት ሚድያ ምድኻም ከም ሓደ ፅቡቕ ሜላ ስለዝሓዝክምዎ ‘ምበር ብዙሕ ዘዛርብ ኣይኮነን፡፡ የግዳስ ስቲድዮ ቻናል ትግራይ ከም ክልል ኦሮምያ ክህልወና እንታይ ፃዕሪ ይግበር ኣሎ? ክሳብ መዓዝ ኣብ ክራይ? ኢሎም ከም መጠን ትግራዋይ ምሓተቱ ግርም ነይሩ፡፡ ግን ዕላማ እቲ ፅሑፍ ነታ ልብኩም ቶግ ዘበለትኩም ትግ ቲቪ ምድኻም እዩ ‘ሞ ኣብ ዓዲ ሽምድሑን ዝስራሕ ዘሎ ህንፃ ኣብ ምንታይ በፂሑ? መንግስቲ ንሚድያ ትግራይ ከጠናኽር ‘ታይ ይገብር ኣሎ? ኣይንታይኩምን። ነቲ ሰኣን መስርሒ ቦታ ዜንኡ ብእዋኑ ክሓልፍ 24 ሰዓታት ዝተግህ ጋዜጠኛ ምድኻም ብኡ ኣቢልኩም ጋዜጠኛ ማለትስ፣ “ከበሮስያ ብኢድ ሰብ” ከም ዝበሃል ንባዕልኹም ጎሊህኹም ክትረኣዩ ንምግባር ዝተፈተነ ዓገርገር ይመስል፡፡ ናብ ገፅ 24… ጥሕሎ ነሓሰ 2003 25
Tihlo yon 13:Tihlo yon 13 8/15/2011 8:26 AM Page 23 ጥሕሎ ነሓሰ 2003 ንድምቀት በዓል ጉንበት 20(መበል 20 ዓመት) ብቢሮ ርክብ ህዝቢንመንግስቲን ዝተዳለወ “ወያናይ(ልምዓታዊ) ሚድያ ፎረም” ፈላማይ ተገይሩ’ዩ ተወሲዱ። ሰለስተ “ፅንዓታዊ” ፅሑፋት(ኣብ ሕትመት፣ ሬድዮን ቴሌቭዥንን) ብሰለስተ ጋዜጠኛታት መንግስቲ ዝቀረቡ እንትኾኑ፣ ኣትኹሮት‘ዚ ፅሑፍ ግና ኣብቲ ብቐጥታ ዝምልከተና ኣብ ዙርያ ሕትመት ንዝቀረበ “ፅንዓት!?” እዩ ክኸውን። እዚ ፅሑፍ ጉዕዞ 20 ዓመት ሕትመታት(መንግስታዊ፣ ውድባዊን ውልቀ መፅሄታትን) ክፍትሽ ዝፈተነ ብምኻኑ ምንግሕጣጥን ምስኣን ቆላሕታ(focus) ተራእዩዎ’ዩ። “ጋሕታን” ኮይኑ ‘ውን፤ እቲ ዝገርም ህዝቢ(መንበባይ) ብዛዕበአን እንታይ ይብል? ንዝብል ቦታ ኣብ ልዕሊ ዘይምርካቡ ክልልና ብሕታዊት ወናኒት ዝተፈላለያ ውልቀ ፕረሳት ምኻና ኣይረኣየን። እዚ ፅንዓት ኣብ ሰለስተ( መንግስታዊ፣ ውድባዊን ውልቀ ፕረሳትን) ተመቒሉ ብሰለስተ ፅንዓታት ተዝቀርብ ዕምቆትን ብስለትን ምወነነ። ካብ ምድሃል ልዕል ኢሉ፤ ብፍላይ ውልቀ ሚድያ(ንዕብየት ሓደ ማሕበረሰብ፣ ዴሞክራሲን ቋንቋን መሰረት ብሙኻነን) ከመይ ከምዝተፈጠራ፣ እንታይ ዓይነት ባይታ ከም ዝተቀበለንን ብድሆታተንን መሪምርካ፣ ካብ ዘለወን ኩለ መዳያዊ ፀገማት(ውሽጣዊን ግዳማዊን) ክፍውሰን ዝኽእል መፍትሒ ሓሳብ ክቐርብን ትምህርቲ ክውሰዶን ምተኽኣለ። ይኹን እምበር “ሓዙ ‘ዞም ሚድያታት ንኽሞቱ ዝተፈጠሩ ምኻኖም ክነሪአኩም!” እናተብሃለ ሓላፍነት ብዝጎደሎ መልክዑ’ዩ ክቀርብ ተገይሩ። ንምንታይ ኢና ግን ውድቀት “ኣሓትና” ክንርኢ እንምነ? ዝብል ሕቶ ምልዓል ኣድላዪ ‘ኳ እንተነበረ ንግልፂነት(clarity) ‘ዚ ፅሑፍ ንዓኹም ክንገድፎ። ኢዲቶርያል ፖሊሲ(መምርሒ) የብለንን፤ ዕምቆትን ብስለትን የብለንን፤ ግድፈታት ፅፈት ቃላትን ሕትመትን ኣዝዩ ይራአየን፤ እንታይ ከመዝፅሕፋ ኣይፈልጣን!?፤ ብምኻኑ ንኽሞታ ዝተፈጥራ ‘የን፤ ይሞታ ‘ውን ኣለዋ ናብ ዝብል መደምደምታ ተኸይዱ። ክትዕና እዚ ሓቂ ኣይኮነን፣ ኣይኮነን። ኣይኮነን ገፅ ሰብ እናረአኻ ብዝተኣከባ ኣብዚ እተዋ ዘይበሃላ ቅርሺን ብውሑድ ሓይሊ ሰብን ዝካየዳ ሚድያታት ኣብተን ካብ በጀት መንግስቲ ከም ሓመድ ዝንስነስ በጀትን ዕስሎ ካድረታት ዝወነና(መቃልሕ ትግራይን ወይንን) ቴክኒካዊ ፀገማት ምርኣይ ባህሊ ኾይኑ ኣሎ። “ዝቐንአት ሰበይትስ’ያ እንቅዓን ሽንታ፣ ዝሓለፈን መዛርብታ” ዝዓይነቱ ኾይኑ ልሳን ጥሕሎ ሚዛናውነት እንታይ እዩ? “ድምፆም ከይስማዕ” ንዝተገበሩ “ዕድል” ምሃብ “ልሳን ተቃወምቲ” ኣየብልን! ‘ምበር። በዚ ልዕል ኢልና ዝገለፅናዮ ምኽንያት ግና “ልሳናት ተቃወምቲ” ክንኸውን ኣይንኽእልን። እምነትና ግና ነዚ ይመስል። ጋዜጠኝነት እንታይ እዩ? ጋዜጠኝነት መሳርሒ መአለሺ ሓቂ ምዃኑ ሀ ሁ ጋዜጠኝነት ዝፈልጥ ኩሉ ይስማዕመዐሉ። ሓቂ እንታይ እዩ? ዝብል ክንምለሶስ ዕላማ ጋዜጠኝነት ክነቀድም። “ቀንዲ ዕላማ ጋዜጠኝነት፣ ዜጋታት ኣብ ውሽጢ ነፃ ሕ/ሰብ፣ ከምልቦም ከንቀሳቅሶም ዝኽእል ትኽክለኛን ዘተኣማምንን ሓበሬታ ምቅራብ እዩ።” እዚ ተግባር ብዝተፈላለየ መልክዑ ከመዝግለፅ ሙሁራት ጋዜጠኝነት ይኣምኑ። መንነት ሕ/ሰብ ምፍላጥ፣ ሓባራዊ ቋንቋን ምርድዳእን ምፍጣር፣ ድልየትን ትምኒትን ዜጋታት ምንፅብራቅ፣ ንብሄራዊ(ሃገራዊ) ዓላማን ተግባርን ክለዓዓሉ ምርዳእ፣ ምዝንናይ፣ ፍልጠት ምጭባጥ፣ ሓለዋ፣ ድምፂ ንዘይረኸቡ ድምፂ ክረኽቡ ምርዳእን በይዛ ሕዝቢ ምኻንን ዝኣመሰሉ ናይ ትኽክለኛን ዘተኣማምንን ሓበሬታ መግለፂታቱ እዮም። እዚ ቀንዲ ዕላማ ንምስኻዕ፣ ይብሉ ግዛው ዘውዱ “ጋዜጠኝነት ሙያውና መርሆው ስነ ምግባርሩና ተግባሩ” ኣብ ዝብል ፅሑፎም፣ ጋዜጠኝነት ካብ ብዙሕ ብውሕዱ በዞም ትሽዓንተ መሪሓት ክምሰረት ኣለዎ፤ ኢሎም ካብ ዘቅረብዎም መሪሓት እታ ሓንቲ ከምዚ ትብል። ሕትመት፣ ሕቶታት ስፖንሰራቶም ናይ ምትእንጋድ ግዴታ ዘለዎም ‘ኳ እንተኾነ፣ መሰረታዊ ተፃዋዕነቶምን ተኣማንነቶምን ግና ንጥቅሚ ሕ/ሰብ ክኸውን ይግባእ። ዝኾነ ዝቀርብ ፀብፃብ ንፈተውቲ ወይ እውን ንዝተወሰኑ ኣካላት ፖለቲካን ንግዲን ዘየዳሉ ምግባር ምስ ህዝቢ ዝተኣሰረ ቃልኪዳን ምሕላው እዩ።(ኣብ ቀረባ ዝተሰናደአ መድረኽ ግና፣ “እዞም ንሙማት ዝተፈጠሩ ውልቀ ሚድያታት ንስፖንሰራቶም እንተይቀረየ ዝፃረፉ[ዝህይሱ] ‘ዮም።” ተባሂሉ ተባጪውልና እዩ።) እንታይነት ወገናዊነትን ሚዛናውነትን እንታይነት ሚዛናውነት ንምግንዛብ ናቱ ተቃራኒ ዝኾነ ወገናዊነት ብቀዳምነት ምምርማር ብዝበለፀ ግልፂ ይገብሮ። ወገናውነት ብዋናነት ካብ ክልተ ነገር የመንጩ ኢልና ንኣምን። ካብ 28
Page 1 and 2: Tihlo yon 13:Tihlo yon 13 8/15/2011
Page 21: Tihlo yon 13:Tihlo yon 13 8/15/2011
Page 37: Tihlo yon 13:Tihlo yon 13 8/15/2011

Tihlo yon 13

Create successful ePaper yourself

Delete template?

Save as template?