Bogga 13aad - Somali Talk

More documents

Recommendations

Info

18 April , 2009 XOG-MAAL 12 Wargeys-ka Xog-Maal oo ilko rittey Qore: Cabdirisaaq Indhojacayl Wargeyska codka Soomaalida Koonfurta Afrika ee Xog-Maal ayaa waxaa wuxuu u dabaaldagayaa dardar cusub iyo hor u talaabsi uu ka sameeyey xagga tayada qoraalada iyo barnaamijyada uu idiin soo gudbinayo. Bahda Xog-Maal waxay idiinku bishaareynaysaa in wixii hadda ka dambeeya wargeyska qeybo ka mid ah lagu daabacayo qad midab leh, taasoo ahayd arrin aanan horey u jirrin, daabacaadii labbaad ayuu wargeyska kusoo baxayaa isagoo midab ah sida laga yaabo in aan ku baraarugteen. Waxaa kale oo ay bahda idiinku bishaareynaysaa in Xog-Maal wax laga badalay naqshadii hore, loona badalay naqshad xirfad baddan ay ku duugan tahay oo soo jiidasho leh, taasoo aad ka arki kartaan boga hore, waxaa mahadaasi leh bahda naqshadaynta ku xeeldheer ee wargeyska ee uu madaxda ka yahay Hanad Maxamed Xusseen. Xog-Maal oo isu taagay kobcinta heerka wacyiga Soomaalida Koonfurta Afrika waxa uu maalin kasta isku dayayaa in uu sare u qaado tayada qoraalada, soona bandhigo macluumaad hal abuur wanaagsan leh, kana muuqato xirfad saxaafadeed oo heerkeedu sareeyo , isla markaasina lagu soo kordhinayo farsamooyin curis ah oo akhristayaasha xiiso galinaya taasoo kaso maaxatay maskadxa aqoonyahanada saxaafadeed ee ah howlwadeenada wargeyska Iyadoo wargeyska uu maraya cadadkii 10-aad oo uusan maalin hakkan, hakkanna doonin (Insha allaah) inta bahda wargeyska xusuladooda xabaal ka sareeyaan (noolyihiin), wuxuu si joogto ah idiinku soo tabin doonaa wax kasta oo idin quseeya oo dalkani Koonfurta Afrika ka dhaca iyadoo eex la’aan ah, madax banaan iyo cabsi la’aan, waxaan idiin rajaynaynaa safar wanaagsan Wariye Cusmaan Xassan Cali oo damiin lagu siidaayay Qore: Xafiis ka war-qabadka Xog -Maal Mid ka mid wariyeyaasha Soomaaliyeed, kana tirsan ururka saxafiyiinta Soomaaliyeed ee SOJASA Cusmaan Xassan Cali (Fantastic) ayaa damiin lagu siidaayay todobaadkii hore kadib markii uu habeen xabsiga ku hoydey. Cusmaan iyo kaamariiste Cabdulaahi Ibraahim Dasar ayay ciidamada amaanka Bellville xireen 7-dii April kadib markii sida ay Police-ka sheegeen gacantooda laga heley qalab lasoo xaday, sida ay ogaatay Xog-Maal, qalabka waxa uu ahaa kumbuyuutar nooca fudud ah ee loo yaqaano Laptop-ka . Cismaan ayaa sheegey in aalada ay iibsadeen iyagoo aanan ka warheynin in lasoo xaday iyo in kale, isla markaasina loo qariyey. Waxaa labbadaba lagu soo daayay damiin lacageed, w a x a y n a t a h a y i n u u maxkamada ku noqdaan kadib. 2 bil 2 nin oo isku dishey haweeney Koonfur Afrikaan ah Qore: Maxamed Saxafi, P.E Nin Soomaali ah ayaa dhintey, kii dilleyna waa uu baxsaday kadib markii ay ku dagaalameen haweeney la sheegey in uu qabay ninka wax dilley. Ninka la dilley waxaa lagu magacaabi jirrey Cabdiwali Cabdiraxmaan kan wax dilleyna waxaa magaciisa lagu soo koobey Qoslaaye, sida ay sheegeen dad xog-ogaal ah naagta la’isku heystey waxaa qabay Qoslaaye oo sheegtey in uu soo islaamiyey, isla markaasina ay u degeneyd tuulo uu dukaan ku lahaa kaasoo uu ka iibiyey marxuumka, kadibna uu galay sahan dukaan. Kadib murran muddo soo jiitamay oo labbada nin u dhaxeeyey oo naagta ku saabsan, mar sii horeysayna gacan ka hadal gaaray, ayay ugu dambeyntii 2 todobaad ka hor ku dagaalameen magaalada P.E, marxuumka toori ayuu wattay, halka Qoslaaye uu wattay sunta dadka kaga ilmeeysiisa oo uu indhaha kaga buufiyey kolkii toorrida lala soo laacay, kadibna inta ka qaaday ku dilley marxuumka. Qoslaaye waa uu baxsaday, lamana hayo meel uu jaan iyo cirib dhigey, waxaa la galay gar lagu heshiiyey in mag ay kala qaataan sida ay diinta qabto. Ururka saxafiyiinta SOJASA ayaa xariga Cusmaan ku sifeeyey mid FG: xafiiska P.E ee Xog-Maal shil ah oo aanan wax xariir ah la kala xariir cell: 0783000783 lahayn xirfadiisa saxaafadeed. ama 0793222180
18April , 2009 XOG-MAAL 13 Nin aduunyo joogoow maxaa aragti kuu laaban." Arintu markii ay halkaan mareyso ayaa naasir saaxiibkiis nuur oo u dulqaadan waayay dhag xumada waxa ay dhaqanka ka yeelatay najma go’aan saday inuu saaxiibkii ogeysiiyo si uusan hadhow u eedin, wuxuu soo aaday internet cafee dabadeedna u diray aqbaar u qorneyd sidan; Waxaan kuu soo tabinayaa salaan mida ugu wacan oo ay isku diraan saxiibo uu jirkoodu isu danqanayo, salaan kadib saxiibkayga aan jeclahow aad ayaan kuugu caafimaad qabaa, adigana waxaan Eebaha awooda sare leh kaaga baryayaa sidaa iyo si ka sii wacan.Hubaal ayaan u ogahay inaadan ku farxi doonin aqbaartan aan kuu soo diray, ha yeeshee waxaan u arkay inay waajib tahay inaan maantay kuu soo gudbiyo war dhiilo xambaarsan oo aysan niyadu ku diirsan doonin, fadlan daqiiqado I amaahi maqalka iyo araga. najma xaaskaaga ahna dumaashidey, waxa ay ku kacday fal u cunami waayay dhamaan inta samaha jecel ee maqashay, aan abaaro u jeedada iyo biya dhaca warkayga, najma waxaa habeen iyo dharaarba aan cagta ka bixin wiil dhalinyaro ah, markii aan si hoose u xuuraansaday sida wax u jiraan waxaan xaqiiqsaday inuu yahay xiriirkaan mid jira oo ka weyn darisnimo iyo Soomaalinimo, dabcan wixii intaa ka baxsana waad fahmi kartaa, aniga arintaan waan u adkaysan waayay sababtoo ah dhibkaaga waa dhibkayga, mana fiirsan karo xaaskaaga oo xumaan lagu sameynayo wayoo adigaba ma aadan fiirsan laheyn xaaskayga oo xumaan faraha kula jirta. Waan kula qeybsanayaa dhibaatada ay leedahay arintaan, si kastaa eey noqotana waan kula garab taaganahay, wixii aan ka yeeli laheyna adiga ayaan kaa sugayaa.Aqbaartaan markii ay gaartay naasir aad buu uga naxay, waxayna ku noqotay falaar lagu ganay wadnahiisa, wuxuu aamini waayay qoraalada ay indhihiisu qabteen, dhowr jeer ayuu ku celiyay aqriska aqbaarta, waxaa ka soo burqaday dhidid waa weyn, waxay la noqotay in buur lagu daayay, waxaa u bilaabatay wal wal iyo walaahow. "Alla naf wax jecel dhibaatadeedu badanaa." Wuxuu la soo baxay mobilekiisii dabadeedna wacay numberkii nuur, muddo ayuu kala sheekaysanayay arinta najma, nuurna wuxuu ugu sir baxay si daacadnimo ah oo aan aheyn isku diraanimo, markii ay sheekada u dhamaatay ayuu naasir yiri saxiib waad mahadsantahay anigaa mar kale ku soo wacayo, wuxuu xajin waysnaa mobilka, waad dareemi kartaa xanuunka uu mudan karo qof xaaskiisa looga soo sheegay wax aan xil laheyn, wal walka iyo walaacana waxay ahaayeen kuwa durbadiiba laga dhayalsan karo wajigiisa, wuxuu bilaabay inuu kaligii isla hadlo, cunadii iyo cabitaankii ayuu ka go’ay, hurdadii ayaa ka soo dhici waysay, waxaa cariiri ku noqotay dunidii oo idil, maalmo markii uu ku jiray dhibaatadaan ayaa waxaa fahmay walaalkii oo ay isku qol seexan jireen, wuxuu waydiiyay isbedelka ku yimid iyo meesha laga haleelay, asagana wuxuu u sheegay arintan, kadibna walaalkiis waxaa uu siiyay talo wacan, wuxuu u sheegay in dunidan wax kasto la arko, arintaanna looga horeeyay oo ay qabsatay rag badan oo asaga ka horeeyay, wuxuu ku dhiiri galiyay inuu ad adeeg iyo xilkasnimo muujiyo, wuxuu ku adkeeyay walaalkii inuu aado Addis Ababa si uu indhihiisa wax ugu soo arko inta ka horeysana uu muujiyo farxad iyo degenaan.Waxay aheyd xili habeennimo ah, feysal wuxuu ka yimid daawashada cayaar kubada cagta ah, aad ayuu u faraxsanaa waayoo waxaa guulaysatay habeenkaa kooxda uu taageero, markii uu soo galay albaabka guriga ayay inta ka hortagtay ku tiri, gacaliye waan ku sugayaa ee so ii imaan maysid, haa ayuu yiri daqiiqado kadibna wuxuu ugu soo galay qolkeeda, waxaa u furmay sheego, waxay u sheegtay inay caawa oo dhan ay u soo jeeday awgiis, waxay u keentay casho iyo caano heer sare ah, wuxuu isku dhuftay alaabihii loo keenay, habeenkaa wuxuu ahaa habeenkii ayaan darada najma, waxay ka talaabeen xuduudkii, mar dambe ayay soo baraarugtay waxayna bilaawday inay iska ilmayso, ayada oo calaacalaysana waxay tiri, " feysal maxaad ka wadaa saan, aniga waan isku kaa aaminay, waxaan midigtaada galiyay naftayda, ma waxaad dooneysaa inaad aniga I fadeexayso, soo ma ogid inaan nin dhan ooridii ahay, hada maxaan sameynaa hadii aan uur yeesho, iska bax dantii aad laheyd waad gaartay kaama filayn sidaan, kaama filayn sidaan, ma u maleynin inaad sidaan sahlan iigu fududaaneyso. W.Q Maxamed Nuur Warsame (Keyfane)
Page 1 and 2: Madaxa Wargayska : Maxamed Raage AP
Page 3 and 4: 18 April , 2009 XOG-MAAL 3 Barbara
Page 5 and 6: 18 April, 2009 XOG-MAAL 5 Qeybtii 2
Page 7 and 8: 18 April , 2009 XOG-MAAL 7 Dooqii L
Page 9 and 10: 18 April , 2009 XOG-MAAL 9 X a a l
Page 11: 18 April , 2009 XOG-MAAL 11 Dardaar
Page 15 and 16: 18 April, 2009 XOG-MAAL 15 The Towe

Bogga 13aad - Somali Talk

You also want an ePaper? Increase the reach of your titles

Delete template?

Save as template?