Bogga 13aad - Somali Talk

More documents

Recommendations

Info

18 April, 2009 XOG-MAAL 2 Jacob Zuma, Qoob iyo jaan ka ciyaarka Xoriyada Ugu dambeyntii 8 sanno kadib oo uu gala baxayay maxkadaha dalka ayaa dacwadii lagala noqdey Jacob Zuma, madaxweynaha ANC ahna ninka sida weyn loo filayo in uu noqanayo madaxweynaha xiga ee Koonfurta Afrika. Go’aanka kala noqoshada dacwada waxaa gaaray hey’ada garsoorka qaranka ee lagu magacaabo NPA (National Prosecuting Authority), waxayna gaartay go’aanka kadib markii ay gacanta ku dhigeen cajalado maqal ah oo laga duubey taleefoono ay iskula hadleen baarayaal dacwada Zuma iyo rag siyaasiyiin ah, waxaa laga wada hadlayay xiliga ku haboon ee ay tahay in Zuma dacwada lagu soo oogo, waxaana lagu beegey waxyar ka hor intii aan la aadin shirweynihii ANC-da ee Polokwane ee Zuma lagu doortey, si markaasi looga hor istaago in la doorto. Raga taleefoonada laga duubey waa madaxii waaxda howlgala gaarka ah ee Scorpion (Dibqalooc) ee iminka la kala direy, ninka la yiraahdo Leanard McCarthy, Bululani Ngduka oo ahaa madaxii hore ee NPA oo isla markaasina ahaa ninkii 8 sanno ka hor dacwada ku furey Zuma balse xilkaasi ka dagay 2004-tii, iyo nin ganacsade ah oo ay olog yihiin Thabo Mbeki, madaxweynihii hore.Mokotedi Mphashe waa madaxa NPA, isaga iyo darsan hey’ada ka tirsan ayaa shir jaraa’id oo warfidiyeeno tiro baddan ay ku xoonsanaayeen ka jeediyey hadal dheer oo uu ku sharaxayo sababaha ay dacwada ola laabanayaan, wuxuu meesha ka aqriyey hadaladii lasoo duubey oo qoraal ah, wuxuuna sheegey in hey’ada ay go;aan ku gaartay maadaamaa farogalin lagu sameeyey garsoorka laga noqonayo dacwada oo dhan.Ka hor maalinta go’aanka la shaacinayo oo ahayd isniintii (4/4/2009), todobaad idil ayay saxaafada hadal haysay in dacwada laga noqonayo kadib markii lasoo dusiyey warka.Markii go’aanka loo sheegey Zuma ayuu si weyn ugu farxay, halka qaranka oo dhan laga daawanayay shaashadaha TV-yada , lagana dhagaysanayay idaacadaha.Maalin kadib ayaa sida sharcigu yahay NPA dacwada si rasmi ah galkeeda oga laabtay maxkamada sare ee Pettermarisburg ee gobolka Kwa-Zulu Natal, wax yar kadib waxaa shir jaraa’id ku qabtay magaalo xeebeedka Durban Jacob Zuma oo si xeeldheere oga hadlay waxyaalihii uu lasoo kulmey intii ay dacwada socotey.dhamaan qoyska reer Zuma oo dhan ayaa la galiyey xaalad adag oo aan la qayaasi Karin, dhib baddan ayaa naloo geystey, waana wax aad looga xumaado in sanadahani oo dhan maxkamad aan gala baxo iyadoo aanan dambi lahayn” ayuu yiri Zuma oo shucuur qushuuc leh ay ka muuqatay, wuxuu intaasi ku daray “dacwadaha la’ii heystey waxay ahaayeen kuwa lasoo maleegey oo siyaasadeed, ujeedkuna wuxuu ahaa in la’iga hor istaago in aan dalkani madaxweyne ka noqdo”.Wuxuu sheegey in uusan aar guddan doonin, balse marka uu xafiiska fariisto April 22 kadib uu wax baddan ka sixi doono nidaamka garsoorka oo dhan. Laakiin g’aanka NPA wuxuusan ka daadagin asxaabka mucaaradka, gaar ahaan DA iyo ID, haweeneyda hogaamise DA (Democratic Alliance) Helen Zille ayaa dacwad ka furtey NPA taasoo ku saabsan in ay u rukuucdey cadaadis siyasadeed oo ANC kaga yimid halkii ay sharciga dalka fulin lahayd, waxaa kale oo ay DA dacwad ka furtey garyaqaanka (abukaataha) Zuma taasoo ku saabsan sidii ay gacantiisa ku galeen cajaladaha sirta ah ee laga duubey jawaasiista baareysay dacwada Zuma.Laakiin waxaa gool siyaasadeed dhaliyey xisbiga ID oo haweeneyda hogaamisa Patricia De Leal ay dacwad ka furtey baarayaasha cajaladaha sirta ah laga duubey ee lagu eedeeyey in ay maleegeen dacwada Zuma, talaabadani waxay muujisey in DA ay si shakhsiyan ah u bartilmaameedsanayso Zuma, halka ID ay moowduuc macquul ah ka hadlayso. Zuma waxaa lagu heystey dacwado la xariira musuqmaasuq, iyo wax isdaba marin, arrimaha waxay ku saabsanyihiin lacago uu ka qaatay schabir Sheik oo ahaa la taliyihiisa xagga maaliyada markii uu ahaa madaxweyne ku xigeenka dalka, Sheik oo ah nin maalqabeen ah wuxuu heley qandaraas hub ay dowlada kusoo iibsatay, waxaa lagu heley dacwad musuq ah 2005-tii waxaana lagu xukumey 15 sanno oo xarig ah, maalmo kadib ayaa Zuma laga qaaday xilkii madaxweyne ku xigeenimada dalka.Wixii xiligaasi ka dambeeyey ANC waxaa ka dhexjirey garabyo kala taabacsan Zuma iyo Mbeki taasoo horseedey in doorashadii 2007 ee madaxweynenimada ANC uu ku guuleysto Zuma, doorashada kadib waxaa xisbiga ka jabay garabkii Mbeki taabacsanaa.Iminka Zuma wuxuu doorashada galayaa isagoo aanan wax dacwad ah lagu heysan taasoo ahayd walwalka ugu weyn ee dadka heysatay maadaamaa maxkamadiisa lagu beegey bisha August, markaasina uu maxkamad tagi lahaa isagoo madaxweyne ah.
18 April , 2009 XOG-MAAL 3 Barbara Hogan oo raali galin bixisey, shaqadeedana heysanaysa. Haweeneyda ah wasiirada cafaimaadka dalka Barbara Hogan ayaa la sheegey in aanan laga diri doonin golaha wasiirada kadib markii ay raali galin ka bixisey hadal dhaleeceyn ah oo ay dowlada u jeedisey bishii maarso. Hogan ayaa xukuumada ku eedeysay mid inkirsan xuquuqda aadanaha kadib markii fiiso dal ku gal ah loo diidey hogaamiyaha ruuxiga ah ee qoowmiyada Tibet, Dalai Lama. Hadalkaasi ayaa dhaliyey carro weyn oo dhanka xukuumada, iyadoo siyaasiyiin sarsare ay ku baaqeen in Hogan shaqada laga eryo maadaamaa ay dhaleeceysay isla xukuumadii ay iyada ka tirsanaynd, afayeenka xukuumada Temba Maseko ayaa warfidiyeenada u sheegey in Hogan ay shaqadeeda sii heysan doonto, isla markaasina ay bixisey raali galin cid kasta qancisay, wuxuu hadlayay waxyar kadib kullan golaha wasiirada ay Pretoria ku yeesheen Awooda dalka oo meel dhexe la’isugu geeynayo. Golaha wasiirada ayaa khamiistii meelmariyey qodobka 17-aad oo ah qodob cusub oo lagu soo kordhinayo dastuurta dalka kaasoo awoodo baddan siinaya dowlada dhexe kuwaasoo ay ku faragalin karto maamulada dowladaha hoose ee ay dadka soo doortaan. Afayeenka dowlada Themba Maseko ayaa sheegey in qodobkani ay golaha meelmariyeen, isla markaasina looga gol leeyahay in lagu dardargaliyo fidinta adeegyada asaasiga ah sida korontada, biyaha iyo guriyeynta, wuxuu intaasi ku daray in ay jirraan maamulo dowlado hoose oo si cad oga horyimid qorshayaasha dowlada dhexe, kadibna meelmariyey qorshayaal aanan bulshada deegaanadaasi aan waxbo taraynin, mar lagu riixey in uu sheego kuwa ay yihiin maamulada uu ka hadlayo ayuu yiri „ma doonayo in aan ka hadlo arrin dood kicineysa iyada oo la joogo xiligii doorashooyinka”. Xisbiga mucaaradka ah ee DA oo gacanta ku haya maamulka dowlada hoose ee Cape Town ayaa xisbiga talada haya ku eedeynaya in arrintani looga gol leeyahay in lagu wiiqo awooda maamulada lasoo doortey ay u leeyihiin in ay fuliyaan adeegyada loo igmaday, isla markaasina la meelmariyo siyaasadaha ANC . Eedeyntaasi waxaa diiddey ANC iyo dallada maamulada dowladaha dhexe ee lagu magacaabo SALGA (SA Local Governments Association). Nin sheegey in uu shubmi gaaray markii uu heley lacag shixnad ah Nin ganacsade ah oo sare oo dalkani u dhashay ayaa qol hotel ka heley lacag aad u tiro baddan oo rugjad ah, qolka waxaa kaga horeeyey ciyaaryahano kubadda cricket-ka oo ka qeybgalay tartankii Cricket-ka ee u dhexmaray South Africa iyo Australia, kana dhacay P.E. Lacagta uu heley waxay gaaraysay R450,000 (4 boqol iyo konton kun oo Rand) taasi oo dhamaantedd wada ahayd boqol boqol xaanshi ah oo hal meel ku wada guntan, ganacsade Stephen Blewett ayaa sheegey in uu isku shubmi gaaray markii uu lacagta heley. Wuxuu ku wareejiyey maamulaha hotelka, daqiiqado kadibna waxaa yimid raggii lahaa oo raadsanaya, waana la siiyey Kasrils “kama war hayo cajaladaha sirta ah” Wasiirkii hore ee sirdoonka Ronnie Kasrils ayaa beeniyey in uu wax ka ogyahay cajalado sir ah oo la duubey taleefoono ay kuwa hadleen Leonard McCarthy hogaan hore ee hey‟ada baaritaanada ee Scorpion iyo Bulelani Ngduka madaxii hore ee hey‟ada garsoorka oo ka wada hadlaya gooreynta dacwada Zuma. Cajaladaha raggani laga duubey waa kuwa ay hey‟ada garsoorka ee NPA ku sababaysay ka noqoshadii ay ka noqotey dacwadii Zuma oo ay sheegtey in farogalin siyaasadeed lagu sameeyey arrintaasi oo laga ogaaday cajaladaha maqalka ah ee raggani laga duubey iyagoo taleefoon ku wada hadlaya. Hogaanka agaasinka iyo isku dubaridka ololaha doorashada ee ANC Fakile Mbalula ayaa Kasrills ku eedeeyey in uu wax ka ogyahay taleeloonada la dhagaystey ee la duubey, maadaamaa uu xiligaasi ahaa wasiirka sirdoonka. Kasrills ayaa arrintani ku beeniyey wareysi uu siiyey jariidada Business Day ee Johannesburg kasoo baxday. Xog-Maal
Page 1: Madaxa Wargayska : Maxamed Raage AP
Page 5 and 6: 18 April, 2009 XOG-MAAL 5 Qeybtii 2
Page 7 and 8: 18 April , 2009 XOG-MAAL 7 Dooqii L
Page 9 and 10: 18 April , 2009 XOG-MAAL 9 X a a l
Page 11 and 12: 18 April , 2009 XOG-MAAL 11 Dardaar
Page 13 and 14: 18April , 2009 XOG-MAAL 13 Nin aduu
Page 15 and 16: 18 April, 2009 XOG-MAAL 15 The Towe

Bogga 13aad - Somali Talk

You also want an ePaper? Increase the reach of your titles

Delete template?

Save as template?