Bogga 13aad - Somali Talk

More documents

Recommendations

Info

18 April , 2009 XOG-MAAL 6 Wax kasta oo aad u malaysid in ay yihiin wixii ugu dambeeyey ee qof lagu samayn karro, waxaad arkaysaa wax ka daran in ay suuro galyihiin, waxaa taasi la mid ah dhacdo layaab leh oo qabsatay rag Soomaaliyeed oo dukaan ku leh Xaafada Delf ee duleedka Cape Town. Waxaan soo aragnay nooc kasta oo dhibaato ah oo la gaarsiiyo dukaamaleyda Soomaalida, laakiin tani ku dhacday wiilashani ay sheekagadani ku saabsantahay waa mid nooceeda oo kale uu noo dhimanyahay maqalkeeda, si sahlana aysan maskaxda uga fikiri karin suurtogalnimadeeda. Waxay ahaayeen labbo wiil oo naga codsaday in aanan magacooda la shaacin, dukaan ayay ku leeyihiin xaafada Delf, sidii caadada ahayd habeenkii ayay dukaanka dhexdiisa jiifsadeen, laakiin sidii caadada ahayd kuma aysan soo toosin, subixii waxay kasoo tooseen xaafad kale oo 10km u jirta halkii ay degenaayeen, tolow maxaa yaab iyo faraj ah, markii ay illinka fureen indhahooda ayay aamini waayeen waxa ay arkayaan. Dukaanka waa koodii, laakiin xaafada iyo meesha ay joogaan ma ahan halkii ay degenaayeen, kaaga daran waxaa kasoo horjeeda dukaan kale oo ay leeyihiin rag Soomaaliyeed kuwaasi oo dagaal iyo weerar kusoo qaaday raggani lasoo dheelmiyey iyagoo ka cabanaya sababta ay habeenimo dukaan kale uga ag fureen, ragani ambadka ah ma yaqaanaan sida ay halkan ku yimaadeen, ragga kale ee dukaanka lagu ag-qabtayna ma aaminayaan hadalka wiilasha ee ah in aysan ka warheynin. Daqiiqad kasta waxay u maleeyaan in ay riyoonayaan oo ay hurdaan, laakiin arrintu riyyo ka weyn, dhowr jeer ayay indhaha maraanmaranayaan si ay u xaqiijiyaan in aysan hurdeeynin, waa hubaal ma hurdayaan, waxa hortooda yaalana waa wax macquulnimada ka weyn, layaab ma lahan in midkood uu niyada iska yiri “tolow ma xerro jin baad joogtaan?”. Haddaba sidee ayaa ragani lagu dheelmiyey?, marka hore dukaankooda waa mid ka samaysan Konteenar, marka labbaad waxa uu ka ag furnaa dukaan uu leeyahay nin middab ah oo dalka u dhashay, ninkii midabka ahaa ayaa maleegey qorshe dukaanka Soomaalida uu meesha uga raro iskagana fogeeyo, wuxuu la yimid farsamo cajiib ah, wuxuu soo kirreystey gaari weyn oo uu ku rakibanyahay wiishka xambaara konteerada.Wuxuu sugey illaa habeenbarkii intii laga gaarayay saxda dhexe, kadib wiishii ayaa afarta xagal ka qabtay konteenarkii, gaarigana saaray, sidaas ayaana lagu geeyey xaafada 10kn mitir jirta ee ay subixii dambe kasoo toosi doonaan. Markii aan sheekadani maqalnay, waxaan wiilasha wareysanaya sida ay suurogal ku tahay in aysan maqlin shanqarta weyn ee uu gaariga samaynayo, midkood ayaa noo sheegey sida soo socota “meesha aan seexano waa meel aad u yar oo aad dareemi karto, wiilka illa jiifana waa mid dhaqdhaqaaq baddan oo kolba meel u gadooma, aniga waan u bartay dhaqdhaqaaqiisa, danna kama gallo marka dhaqdhaqaaqa waxaan u maleeyey tii wiilka, halka guuxa gaariga aan isagana u maleeyey gaari shaqaale qaado oo subax kasta dukaanka agtiisa dadka ka daabula, maba aanan soo dhiganin in dukaanka la dallacay”. Arrintani waxay Xog-Maal soo gaartay habeen kadib markii ay dhacday, wiilasha waxay noo sheegeen in dukaankii halkiisii ay ku celiyeen, ninkii rarayna ay wadahadal la galeen. Waxa ugu daran ee ay la kulmeen ayaa ahaa ragga Soomaalida ah oo marnaba aamini waayey sida ay wax u dhaceen, kuna sigtey in ay dagaalamaan dhexdooda. Qormada Xuuraan ee Xog-Maal boga 10-aad kusoo baxda cadadkii hore waxaan kusoo qaadanay qormo aan ciwaan oga dhigney „Afar jibaaranaha inkaaraha qaba (nolosha eddega birta ah ka samaysan). Qormada waxaan ku faaqidney dhibaatada ka jirta dukaamada konteenarada ka samaysan, markii dhibaatooyinkiisa laga sheekeynayay marnaba lagama fikirin suurtogalnimada arrintani. Haddii ay dhici karto arrintani, miyeysan suurogal ahayn in badweynta la raaciyo? Xog-Maal
18 April , 2009 XOG-MAAL 7 Dooqii La,isku Dal Dalay (wiil Soomaali ah iyo Gabar South African ah) Waxaa laga yaaba in dadka baddankooda Soomaalida ah ay ka dhaadhacsantahay in dadka dalkani u dhashay ay wada necebyihiin Soomaalida, oo ay dillaan, dhibaatooyin kalana u geystaan, laakiin halkani waxaan ku heeynaa qof jacayl uu Soomaali u qaaday isu dilley dartiis. Botisha Anderlin oo ah gabar u dhalatay dalka K/Afrika ayaa jacayl daran u qaaday wiil Soomaaliyeed. Jacaylku waa indho la’yahay, meel kastana waa uu gala, haddii aad la yaabantahay gabadha dalkani u dhalatay ee wiil Soomaali ah jacaylka u qaadaysa, waxaa kuusoo socda war kaaga yaab baddan, kaasina waa in jacaylkaasi dartiis isu dishey gabadhii. Botisha waa 18 jir, muda 3 bilood ah ayay jacayl daran u qabtay wiil Soomaaliyeed oo ka shaqaynayay dukaan xaafadooda ku yiiley, wiilka waxaa lagu magacaabaa Haashim Axmed Cali. Jacaylku waa xariir bini’aadamka dhexmara, waxaana asaas u ah in labbada qof ay wada hadlaan marka hore inta aysan miraha jacaylka guran, ka waran haddiiba aanan la wada hadli karrin. Botisha ma taqaano Afsoomaaliga, Haashimna ma yaqaano afka English-ka oo ay Botisha ku hadasho, haddii labbada qof aysan is fahmeynin sow ma ahan in turjubaan loo waco- Botisha waxay qeexday jacaylka ay u qabto Haashim, laakiin markii ay ogaatay in uusan fahamsanayn waxa ay sheegeyso ayay u yeertey Cabdinaasi Xassan Xaaji oo luuqada yaqiiney si uu ugu kala tirjumo. Bal qayaas jacaylka turjubaan galay illaa heerka is faham laga gaarayo, oo ay tahay in wax kasta oo aad sheegi lahayd turjubaan lasii mariyo. Cabdinaasir waa uu u sharxay Haashim waxa ay gabadha ka dooneyso, Haashim fajac iyo layaab ayaa kasoo haray waa uuna ka biyo diidey. Cabdinaasir isaga waa uu u beerlaxawsaday gabadha wuxuuna codsaday in ugu yaraan uu la daadihiyo jacaylka, malaha waxa uu fahmay heerka gabadha jacaylka ka gaaray oo xittaa gaarsiin lahayd in ay diinteeda Islaam u badasho, laakiin asxaab kale oo la joogey ayaa Haashim ku qanciyey in uu gabadhani ka fogaado. Cabdinasir Botisha waxa uu ku qanciyey in ay wax lala qabanayo iskana tagto, wuxuu sidaasi u sheegayaa Haashim oo aan arrin ta ku qanacsanayn oo carab laadlaadinaya, asxaabta kalana ay meel adag iska taageen. Gabadhii jacaylka ay wiilka u qabto iyo warka wanaagsan ee ogolaansho ah dadka oo dhan ayay u sheegtey, xaafada oo dhan ayaa odgaatay, dadbaddan oo arrinta jecleystey ayaa bilaabay in ay si fiican dukaanka wax oga iibsadaan, dadka kalana kusoo xiraan Dadka arrinta maqlay waxaa ka mid ah hooyada gabadha iyo wiilka adeerkiis oo si kulu ugula taliyey Haashim in uu faraha ka qaado gabadha. Hashim wuxuu bilaabay in uu gabadha ka dhuumaalaysto, marka ay wadada ka hor timaadana uu u sheego in uu meel ka daahayo, laakiin waa naf naf jacelee meeysan quusan. Bitosha ayaa habeen timid tukaanka, banaankana ugu yeertey Hashim, isagiina waxa uu ka xanaaqay imaashaha gabadha xiliga ay mashquulsanyihii, wuxuuna indhaha ka saaray in uusan dooneynin jacaylkeeda, iyadu meeysan fahmin, waxayna u yeertey Cabdinaasir. Waa u yimid una sheegey waxa uu leeyahay oo ah in uusan jacaylkeeda waxbo kala qaban karin.Maxaa qaraacan ah, maxaa niyad jab ah, maxaa rajjo beel ah, Botisha aduunka oo dhan ayaa kusoo caariyey, wax ay samayso ayay garan weeysey, iyadao oo lugaha jiideyso ayay ka hadaaftey meesha. Markii ay kaligeed meel ku noqotey oo ay maskaxdeeda la tashatay ayay usoo baxday in aysan aduunkani ku noolaan karrin Haashim la’aantiisa, waxayna go’aansatay in ay nolosheeda ku qamaarto, habeenbarkii ayay suuliga xarig ku xiratay oo ay is daldashay. Haashim oo arrinta ay hanfariir ku noqotey ayaa isaga huleeley tuulada isaga oo ka baqaya in loo qabsado dhimashada gabadha. Qisadani waxay ka dhacday tuulo Cape Town u dhow, 29-kii Maarso, 2009. Qore: Cabdilaahi Xaaji (Xuduu)
Page 1 and 2: Madaxa Wargayska : Maxamed Raage AP
Page 3 and 4: 18 April , 2009 XOG-MAAL 3 Barbara
Page 5: 18 April, 2009 XOG-MAAL 5 Qeybtii 2
Page 9 and 10: 18 April , 2009 XOG-MAAL 9 X a a l
Page 11 and 12: 18 April , 2009 XOG-MAAL 11 Dardaar
Page 13 and 14: 18April , 2009 XOG-MAAL 13 Nin aduu
Page 15 and 16: 18 April, 2009 XOG-MAAL 15 The Towe

Bogga 13aad - Somali Talk

You also want an ePaper? Increase the reach of your titles

Delete template?

Save as template?