годишен извештај 2012 - Царинска управа на Република ...

ЦАРИНСКА УПРАВА НА РЕПУБЛИКА МАКЕДОНИЈА
Преку овие проекти ќе се обезбеди целосна компатибилност и интероперабилност на компјутерскиот систем на
Царинската управа со царинските компјутерски системи на ЕУ. Во рамките на проектите предвидена е имплементација
на следните системи: тарифниот систем на ЕУ, задолжителни тарифни информации на ЕУ, распределба на царински
квоти, надзор на стоки, како и на Европскиот царински систем за попис на хемиски супстанци.
ПРОГРАМА ЕУ ЦАРИНА 2013
Во рамки на оваа програма, која има за цел јакнење на административниот капацитет на царинските служби на ниво
на ЕУ, претставници на Царинската управа учествуваа на следниве обуки, работилници, семинари и работни средби:
- Годишен состанок на работната група Electronic Customs Group, правни и ИТ аспекти (март, Белгија),
- ИТ обуки за апликациите: централни сервиси/референтни податоци и централни сервиси/менаџмент на
информации (април, Белгија),
- Работилница на тема транзитна тест апликација (мај, Белгија),
- Работилница на тема „Патот кон пристапување кон Конвенцијата за заедничка транзитна постапка и Конвенцијата
за ЕЦД” (јули, Охрид),
- Состанок на ECG (Electronic Customs Group) (октомври, Белгија),
- Годишен состанок на работната група Electronic Customs Group, правни и ИТ аспекти, на кој беа презентирани тековните
планови за развој на нови царински ИТ системи за заедничко користење во ЕУ (ноември, Белгија),
- Обука за новиот ЈАVА Заеднички системски интерфејс во програмскиот јазик ЈАVА (NJCSI Training Session - JAVA)
и Заеднички системски интерфејс во програмскиот јазик Ц (CSI Training Session - C), наменети за CSI софтверски
архитекти и програмери (Белгија), безбедносната политика и применетите безбедносни стандарди во CCN/CSI
(Заедничката комуникациска мрежа/Заеднички системски интерфејс) (CCN/CSI Security training), наменета за
систем инженерите за ИТ безбедност да се запознаат со CCN/CSI безбедносните концепти и пракси; користење на
безбедносните стандарди: како и ISO27002 заради обезбедување на сигурна и веродостојна размена на податоци
со Заедничкиот домен CCN; проценка на ризик од аспект на ИТ безбедност со примери (Белгија).
Во декември 2012 година, во рамки на Програмата Царина 2013, претставници на Царинската управа присуствуваа
на состаноците на Електронската царинска група (ЕCC) со Трговската контакт група и Комитетот за интеграција на
податоци. Целта на овие состаноци беше разгледување на информациите од пооделните работни групи, разгледување
и усвојување на информацијата за меѓусебно признавање на одобренијата за Овластен економски оператор помеѓу
ЕУ и САД, усвојување на измени во НКТС спецификациите и усвојување на Повеќегодишниот стратешки план за
работа на Царинската електронска група.
TAIEX
Царинската управа, преку TAIEX инструментот за техничка помош, во мај 2012 година, во Охрид организираше
работилница на тема „Распоредување на стоки“. На оваа работилница учествуваа царински службеници од
Македонија, Албанија и Косово. Целта на обуката беше обезбедување на стручни толкувања на Комбинираната
номенклатура, регулативите за распоредување на стоки и надминување на проблемите со кои се соочуваат
царинските службеници при нивното толкување, унапредување на вештините на царинските службеници кои што се
занимаваат со тарифирање, како и градење на капацитетите на службите преку користење на најдобрите практики
на ЕУ.
РАЗВОЈ НА АДМИНИСТРАТИВНИОТ КАПАЦИТЕТ СОГЛАСНО ЕУ
СТАНДАРДИТЕ
Исполнувањето на препораките со кои се воспоставуваат општи критериуми според кои една царинска
администрација може да го мери својот административен капацитет, засновани на најдобрите практики во ЕУ, го
следи Комитет посебно формиран за таа цел. Неговата работа е уредена со Деловник за работа на Комитетот за
усогласување и следење на исполнувањето на препораките од царинските упатства (customs blueprints)
на Европската комисија, донесен во јули 2012 година.
Царинската управа во текот на 2012 година, во процесот на програмата ИПА за 2012 и 2013 година, заради засилување
на своите оперативни и институционални капацитети подготви 3 проекти кои се прифатени од Владата на Република
Македонија и Европската комисија:
- Проект за засилување на оперативните и институционалните капацитети на Царинската управа, што се очекува
да отпочне да се реализира во 2015 година. Со проектот дополнително ќе се засили административниот
10