годишен извештај 2012 - Царинска управа на Република ...

КОНТРОЛА НА ПРИМЕНАТА НА ЗАКОНИТЕ
Поради криумчарење разни видови друга стока, во 2012 година Царинската управа поднесе 11 кривични пријави
против 18 физички и 2 правни лица.
УЧЕСТВО ВО МЕЃУНАРОДНИ АКТИВНОСТИ
Во 2012 година Царинската управа учествуваше, ги координираше и организираше на национално ниво следниве
меѓународни операции и проекти:
- Проект FAIR PLAY II за заштита на правата на интелектуална сопственост на логото на Олимписките и
Параолимписките игри што се одржаа во Лондон;
- Проект GLOBAL SHIELD за размена на информации помеѓу земјите учеснички во проектот за легалните увози,
извози, транзити и трговија со високо ризични хемикалии;
- Операција DEMETER II фокусирана на борбата против нелегалната трговија со опасен отпад;
- Операција SHADOW V за сомнителни пратки на цигари и суров тутун низ земјите од Југоисточна Европа;
- Операција GREEN PANDORA за откривање, контрола и спречување на нелегалнaта трговија, преку контејнерски
транспорт, со стоки кои штетно влијаат врз природата и животната средина;
- Проект CAN, чија цел беше откривање и заплена на нестандардни, расипани или фалсификувани фармацевтски
производи, прехрамбени производи или електрични уреди и нивни делови и опрема;
- Операција ATHENA III фокусирана на нелегалното пренесување на готови пари и други платежни средства;
- Операција HERMET за борба против недозволената трговија со хероин и метамфетамини и
- Операција ORION чија цел беше спречување на нелегалното изнесување на заштитени птици уловени од страна
на италијански ловци.
Во 2012 година Царинската управа внесе во CEN базата 130 заплени од кои најголемиот дел се однесуваат на
повреда на правото од интелектуална сопственост (59), заплена на дрога (22), заплена на девизи (12), заплена на
лекови за човечка употреба (11) итн., а доставени се и 20 информации за заплена на дрога до ЗКА Балкан Инфо, како
и 38 информации за запленета стока до SELEC центарот, каде е учествувано и на состаноците на работните групи.
Редовна соработка со UNDОC, со царинските служби на Србија, Косово, Албанија, Бугарија, Хрватска, Германија,
Франција и Шведска, како и континуирана размена на информации преку EU TWIX (мрежа за размена на информации
поврзани со заштита на загрозени животински и растителни видови).
Во годишниот извештај за напредок за 2012 година, од Европската комисија добиена е највисока оценка во делот
царинска соработка, каде се нотира дека Царинската управа има голем напредок во учество во меѓународни
операции и размена на информации за борба против прекуграничниот криминал.
ЗАШТИТА НА ПРАВА ОД ИНТЕЛЕКТУАЛНА СОПСТВЕНОСТ
И во 2012 година Царинската управа продолжи со активностите за унапредување на своите капацитети за заштита на
правата од интелектуална сопственост. Преземени се активности за унапредување на администрирањето и
зголемувањето на интересот на имателите на трговски марки да регистрираат барања во Царинската управа за
заштита на нивните права од интелектуална сопственост, зголемување на јавната свест за штетните последици од
производство, трговија и употреба на фалсификувани стоки, како и унапредување на капацитетот за анализа на
ризик и идентификување на фалсификувани стоки.
Во контекст на претходното, Царинската управа во 2012
година ја воведе IPM (Interfaced Public Member)
платформата на СЦО, што претставува база на
податоци за заштитени трговски марки и е достапна
за сите царински испостави, како помошна алатка за
подобро препознавање и контрола на фалсификувана
стока, а подготвено е и Упатство за администрирање
и користење на IPM платформата. Одржана е
обука за пристап и користењето на IPM платформата
и доделени се кориснички пристапи за околу 200
царински службеници. Покрај претходното, во јануари
2012 година, Царинската управа започна нов проект за изработка на посебен модул во рамки на Интегрираниот
информативен систем за електронска евиденција и администрирање на активностите поврзани со заштитата на
правата од интелектуална сопственост, како привремено решение до целосна имплементација на нов електронски
систем за обработка на царински декларации кој вклучува и целосна електронска администрација на царинските
мерки за заштита на правата од интелектуална сопственост.
51