годишен извештај 2012 - Царинска управа на Република ...

РЕГУЛАТОРНА РАМКА
- Царинската стапка за мотокултиватори, која изнесуваше 2%, е укината;
- Царинските стапки за повеќе видови на спортски справи, скии и други спортски реквизити, кои изнесуваа 7%, се
укинати.
Со истите измени и дополнувања на Законот за царинската тарифа се укинуваат или намалуваат царинските
давачки и на уште 128 тарифни ознаки, кои се применуваат од 01.01.2013 година:
- Се укинува царинската стапка од 6% на примарни форми на полиетилен терафталат и фолии од полиетилен
терафталат, кои масовно се користат за амбалажа на прехрамбени продукти, во графичката индустрија како и во
електронската индустрија;
- Се укинуваат царинските стапки од 15% на репроматеријали за резервни автомобилски делови (облоги и
плочки за кочници, фрикциони производи и други делови од нетемперирано леано железо);
- Се укинуваат царинските стапки од 5% на алатни машини (105 различни видови алатни машини);
- Се укинуваат царинските стапки од 4% на железнички товарни вагони;
- Царинските стапки за автобуси, кои изнесуваа 10% за нови и 15% за употребувани, се намалуваат на 5%.
Во март 2012 година („Сл. весник на РМ“ бр.32/12) е донесена нова Одлука за укинување на увозните давачки
за одделни необработени благородни метали (пред сè злато и платина), со која се укинува примената на
царинската стапка од 7% до 31.12.2012 година.
Намалувањата и укинувањата на напреднаведените царински стапки пред се насочени кон намалување на трошоците
и зголемување на конкурентноста на земјоделските и преханбените производи, индустриското производство, како
и на транспортниот сектор.
АКЦИЗИ
Во 2012 година министерот за финансии донесе измени и дополнувања на Правилникот за
спроведување на Законот за акцизите („Сл.весник на РМ“ бр.29/12, 97/12 и 106/12) со кои се воспостави
една димензија на контролните марки за обележување на тутунските добра, воведени се нов тип на
контролна марка за обележување на меѓупроизводи и етил алкохол, нови обрасци на контролни марки за
обележување на меѓупроизводи и етил алкохол и за обележување на тутунски добра, како и нови обрасци на
пријава за планирани количини на тутунски добра и барање за преземање контролни марки за обележување
на тутунски добра.
ЗАШТИТА НА ПРАВА ОД ИНТЕЛЕКТУАЛНА СОПСТВЕНОСТ
Во 2012 година Царинската управа подготви предлог за измени и дополнувања на Законот за царински мерки
за заштита на права од интелектуална сопственост, што предвидува можност за бесплатно отстапување на
одземени стоки што повредуваат право од интелектуална сопственост на државни институции за хуманитарни цели,
со обврска за отстранување на ознаките и трговските марки, пропишување на прекршочна одговорност за лицата
(правни и физички) кои ќе внесат или изнесат или се обидат да внесат или изнесат во и од царинското подрачје
стока што повредува иста трговска марка, која од нив веќе еднаш била одземена поради повреда на право од
интелектуална сопственост.
МЕЃУНАРОДНИ ДОГОВОРИ
Од почетокот на 2012 година на територијата на Република Македонија започна да се применува
Регулативата на ЕУ за автономни трговски мерки (No 1336/2011), Службен весник на ЕУ L 347/1, Оваа
Регулатива предвидува исклучителни автономни трговски преференцијали за Западен Балкан сè до крајот
на 2015 година. Регулативата се применува ретроактивно почнувајќи од 1 јануари 2011 година. Автономните
трговски преференцијали треба да им овозможат на земјите од Западен Балкан да имаат поголеми користи
од преференцијалниот трговски режим, онаму каде тој е поповолен одколку што е предвидено во Спогодбата
за стабилизација и асоцијација (ССА).
Во Службен весник на ЕУ, серија Ц 63/8 од 02.03.2012, објавено е дека можностите за дијагонална кумулација
во системот на кумулација помеѓу земјите од Европска унија, Турција и земјите од Процесот за
стабилизација и асоцијација се проширува. Имено, Босна и Херцеговина и Турција започнувајки од
14.11.2012 година започнуваат со примена на нов протокол за правила за потекло кој овозможува примена
на дијагонална кумулација со земјите од ЕУ и земјите вклучени во процесот на стабилизација и асоцијација. Со
ова се зголемува кумулативната зона и можноста за стекнување на потекло на стоките за сите земји вклучени
во дијагоналната кумулација. Проширувањето на кумулацијата покрај другите поволности најголемо значење
5