годишен извештај 2012 - Царинска управа на Република ...

КОНТРОЛА НА ПРИМЕНАТА НА ЗАКОНИТЕ
ЦАРИНСКА ЛАБОРАТОРИЈА
Во 2012 година, во Царинската лабораторија 41 се анализирани 513 мостри (430 во 2011 година). Најголем дел
од мострите се однесуваат на нафта и нафтени производи, прехрабени производи и производи од хемиската
индустрија. Притоа, од вкупно 513 анализирани мостри, во 285 случаи (55%, од кои 152 врз основа на анализа на
техничката документација, 133 врз основа на лабораториска анализа) е констатирано дека стоката била распоредена
во несоодветна тарифна ознака. Несоодветното тарифно распоредување имало за цел распоредување во тарифна
ознака со помала или без царинска стапка или стапка на ДДВ, како и со цел избегнување на забрани и ограничувања
за увоз на стока, утврдени со мерките на трговската политика. Со овие анализи е констатирано дека увозниците
со несоодветното тарифно распоредување се обиделе да избегнат плаќање на вкупно 22 милиони денари на име
увозни давачки, како и избегнување на мерките на трговската политика за увоз на нафта и нафтени производи
(поголема содржина на сулфур, користење екстра лесно масло за греење како погонско гориво, бензин со помалку
октани од дозволеното итн.). Против сторителите се преземени мерки согласно законот.
РЕЗУЛТАТИ ОД ПОСТЦАРИНСКА КОНТРОЛА
Постцаринската контрола опфаќа контрола кај трговските друштва после спроведено царинење, како и надзор на
иматели на одобренија за царински постапки со економски ефект, одобренија за поедноставени царински постапки
за вршење работи на застапување во царински постапки и др.
Во 2012 година извршени се 1.927
контроли на трговиски друштва,
вклучително и иматели на царински
и акцизни одобренија од секаков
вид. При извршените 55 контроли на
трговски друштва откриени се 34
случаи на обиди за избегнување
плаќање на увозни давачки на
вкупен износ од 354 милиони
денари. Обидите за избегнување на
увозни давачки пред сè се однесуваат
на непријавување на трошоци,
(трошоци за меѓународен транспорт,
лежарини и складишнини, тантиеми и лиценци), неправилно тарифно распоредување, непријавен увоз на стоки,
неправилно декларирано преференцијално потекло. За откриените неправилности се поднесени соодветни пријави,
согласно законот.
При извршените 55 контроли на
иматели на акцизни одобренија
откриени се 3 случаи на обиди за
избегнување плаќање на акцизни
давачки на вкупен износ од 119
милиони денари, за што се поднесени
пријави согласно закон. Поради
непридржување кон пропишаните
услови, одземени се 7 акцизни
дозволи.
При извршените 222 контроли на иматели на одобренија за увоз за облагородување откриени се 7 случаи за
избегнување плаќање увозни давачки во вкупен износ од 1,3 милиони денари. Поради непридржување кон
условите, нема одземено ниту едно
одобрение, но се одземени и 18
илјади м2 и над 8 илјади кг текстил и
други материјали. При контролата на
иматели на одобренија за царинско
складирање се откриени 13 случаи за
избегнување плаќање увозни давачки
во вкупен износ од 6 милиони денари.
Вид на контрола
Број на
контроли
2012 2011
Контрола на трговски друштва 55 52
Контрола на иматели на акцизни одобренија 55 43
Контрола на иматели на одробренија за увоз за облагородување 222 227
Контрола на иматели на одобрени за царинско складирање 153 148
Контрола на иматели на други одобренија со економски ефект 36 18
Контрола на поедноставени царински постапки 1.175 972
Контрола на иматели на одобренија за царинско застапување 231 0
Контрола на иматели на други одобренија 0 1
Вкупно 1.927 1.461
Интересен случај
При контрала на увозот, извозот и транзитот на електрична енергија, кај 4
трговски друштва е констатирано дека истите не пријавиле увоз на 576,9
илјади МWh електрична енергија, односно не оцариниле и не платиле 325
милиони денари ДДВ. Истовремено, при контролата на царинските документи
и договорите на една од овие компании, констатирано е дека увезла 42,5
илјади МWh електрична енергија по значително повисоки цени од
декларираните, со што избегнала да плати 7,3 милиони денари ДДВ. Против
истите се преземени мерки во согласност со закон.
Интересен случај
При редовна контрола на имател на одобрение за складирање на царинска
стока, царинските службеници открија недостаток на 200 тона замрзнато
свинско и јунешко месо, со вредност од околу 30 милиони денари. Се претпоставува
дека месото било преработено и како такво бесправно пуштено
во слободен промет. На ваков начин компанијата се обидела да избегне
плаќање на увозни давачки на вкупен износ од околу 6 милиони денари.
41
Царинската лабораторија работи во просториите на Институт за хемија при Природноматематичкиот факултет. Методите за анализи ги заеднички ги подготвува
стручен тим составен од научно истражувачкиот кадар од Институтот за хемија и вработените во Службата за царинска лабораторија при Царинска управа.
49