годишен извештај 2012 - Царинска управа на Република ...

ЧОВЕЧКИТЕ РЕСУРСИ ВО ЦАРИНСКАТА УПРАВА
ИНТЕГРИТЕТ
Покрај веќе воспоставените системи за јакнење на интегритетот и професионалниот однос на вработените во
Царинската управа 5 и спречување на корупцијата и судирот на интереси 6 , во 2012 година се продолжи со реформите
во оваа област.
Во јули 2012 година во рамки на Секторот за професионална одговорност е формирано Одделение за интегритет.
Одделението има за цел следење, утврдување и проценување на нивото на корупција во Царинската управа, надзор
над спроведувањето на одредбите на Законот за спречување на судир на интереси, Законот за спречување на
корупција и меѓународните конвенции за борба против корупција, профилирање на ризици и преземање мерки
за спречување на корупција во организационите единици на Царинската управа, како и водење електронска
евиденција на анкетните листови.
Во февруари 2012 година Царинската управа донесе Корисничко упатство за евидентирање на дисциплински
постапки и тужби од вработени во еДМС 7 . Целта и намената на ова Корисничко упатство е да им овозможи на
корисниците на апликацијата еДМС, независно дали се Lotus Notes или Web клиенти, да ја користат новата функционалност
на системот, а тоа е единствена електронска евиденција на дисциплински постапки и тужби од вработени.
Со цел намалување на ризикот царинскиот службеник да се впушти во несоодветно постапување, коруптивно
однесување или судир на интереси, ефикасно и правилно искористување на човечките ресурси во Царинската
управа, развивање на вештините и стручноста, професионален развој на царинските службеници и развивање на
способностите на царинските службеници за работа во разни тимови, во мај 2012 година е донесено ново Упатство
за ротација на царинските службеници со кое се пропишуваат видовите на ротација и постапката на ротација
на царинските службеници. Истовремено, зајакнати се условите за унапредувањето на царинските службеници со
донесување на Правилник за изменување и дополнување на Правилникот за начинот на унапредување
на царинските службеници во Царинската управа.
Како основа за планирање за личниот и професионалниот развој на царинскиот службеник, неговата мотивација
за остручување, усовршување и обучување, прераспоредување на работното место за кое покажува интерес и има
квалификации и вештини, како и за негово наградување, донесена е Оперативна инструкција за системот на
само-оценување на работата на царинските службеници. Со неа се пропишува целта на само-оценувањето,
периодот, критериумите, начинот и постапката за само-оценување на работата на царинските службеници, како и
содржината на образецот за само-оценување.
Со цел да се истражи социјалната клима на работното место, преку искажано мислење на вработените за
оранизационата структура, раководењето, професионалниот развој, оценката на работната изведба, мотивацијата,
редот и дисциплината, комуникацијата, безбедноста и здравјето при работа, условите за работа и транспарентноста,
во мај 2012 година е донесено Упатство за спроведување анкета за испитување на социјалната клима на
работното место 8 . Со ова упатство се пропишува постапката за спроведување на анкета во рамките на Царинската
управа. Резултатите од ваква анкета ќе се користат како корективни мерки за утврдените политики за управување со
човечките ресурси и нивен развој. Истиот месец е донесен Кодекс на однесување на царинските службеници
од Одделението за прекршочна постапка, со кој се определуваат основните начела на однесување на царинските
службеници од ова одделение, со цел да се обезбеди почитување на законитоста, професионалниот интегритет,
ефикасност и ефективност во вршењето на должностите кај вработените во ова Одделение.
Во мај 2012 година е донесен План за спроведување на активностите од државната програма за превенција
и репресија на корупцијата 2011-2015, со цел преку негово спроведување, со навремено професионално,
законско и етичко постапување да се зајакне интегритетот на царинските службеници, а со тоа да се придонесе и кон
отстранување на можноста за појава на корупција и судир на интереси.
Во текот на декември 2012 година беше донесено Корисничко упатство за пристап до персоналното досие
5
6
7
8
Кодекс на однесување на царинските службеници, Кодекс на однесување на царинските службеници во Одделението за прекршона постапка, Насока за начинот
на постапување на вработените во Царинската управа во случај кога им се дава, ветува или понудува подарок или друга корист со цел да се влијае на работењето
во рамките на службата, Корисничко упатство за работа со софтверот за евиденција на анкетни листови, Наредба за носење на службена облека во Царинската
управа, План за спроведување на активностите од Државната програма за превенција и репресија на корупцијата, Правила за ред и дисциплина во Царинската
управа, Стратегија за интегритет и борба против корупцијата во Царинската управа, Упатство за работа на Секторот за професионална одговорност, Корисничко
упатство за евидентирање дисциплински постапки и тужби од вработени во ЕДМС, Упатство за ротација на царинските службеници, Упатство за спроведување анкета
за испитување на социјалната клима на работното место, Упатство за спроведување дисциплински постапки во Царинската управа,
Во јануари 2012 година е донесен Закон за дополнување на Законот за спречување судир на интереси со кој се уредува начинот на проверка на содржината на изјавите
за судир на интереси
Електронски документ менаџмент систем
Во октомври 2012 година за прв пат беше спроведена анкета од овој вид при што во анкетирањето учествуваа 70,27% од вкупниот број на вработени. Анкетниот
прашалник содржи 50 прашања поделени во девет области и тоа: 1.Организациона структура, 2.Раководење, 3. Професионален развој, 4.Оценка на работна изведба,
5.Мотивација, 6. Ред и дисциплина, 7.Комуникација, 8.Безбедност и здравје при работа и услови за работа и 9.Транспарентност. Резултатите од анализата на
анкетата покажуваат дека посебно отворени прашања постојат во областа Мотивација и Безбедност и здравје при работа и услови за работа. Анкетата има за цел
идентификување на области и мерки за подобрување на состојбата.
15