годишен извештај 2012 - Царинска управа на Република ...

КОНТРОЛА НА ПРИМЕНАТА НА ЗАКОНИТЕ
ЦАРИНСКА КОНТРОЛА И ИСТРАГИ
Во 2012 година Царинската управа продолжи со унапредување на постојните системи за вршење царинска контрола
и истраги, како и со истражување и воведување на нови методи 38 .
Во контекст на претходното, а согласно одредебите предвидени во новиот Закон за кривична постапка (ЗКП), во
декември 2012 година Царинската управа донесе ново Упатство за работа на Одделението за истраги. Со
новото Упатство за работа на Одделението за истраги е предвидено постоење на правосудна полиција, во која
спаѓаат и царинските службеници од Одделението за истраги кои работат по службена должност или по наредба на
Јавното обвинителство во врска со преземање на мерки и активности за откривање на кривични дела, фаќање и
пријавување на нивните сторители и обезбедување на докази. Согласно ЗКП, во Упатството е предвидено работа на
царинските инспектори во истражни центри на определено време по барање на јавен обвинител со објавен внатрешен
оглас, царинските службеници по потреба можат да бидат доделени на работа кај јавниот обвинител, царинските
службеници кои ќе бидат на работа кај Јавното обвинителство се на располагање на Јавното обвинителство и
работат под негова контрола, царинските инспектори можат да преземаат „полициски извиди» (фотографирање на
осомничениот, подигање на отпечатоци од папиларни линии и подигање на траги од биолошки материјал), итн.
Кон крајот на 2012 година, Царинската управа го доработи Упатството за постапување по писмена наредба за
примена на посебни истражни мерки (донесено во јануари 2013 година). Со ова упатство се пропишува начинот
на постапување по добиена писмена наредба за примена на посебни истражни мерки од страна на судијата на
претходната постапка или јавниот обвинител, а која треба да ја спроведат припадниците на правосудната полиција
вработени во Царинската управа.
Во мај 2012 година Царинската управа донесе ново Упатство за верификација на докази за преференцијално
потекло на стоката, со кое се унапредува начинот на контрола и верификација на доказите за потекло согласно
договорите за слободна трговија склучени со ЕУ, ЕФТА, ЦЕФТА, Турција и Украина, со цел поефикасна заштита на
фискалните интереси на Република Македонија, спречување и откривање даночно затајување, перење на пари идр.
Во мај 2012 година Царинската управа донесе Упатство за изменување и дополнување на Упатството за
поднесување на кривична пријава, со цел негово усогласување со новиот Закон за кривична постапка.
Начинот на ажурирање и користење на електронската евиденција на кривични пријави е уредено со Упатство за работа со
електронската евиденција на кривични пријави, донесено во јуни 2012 година. Упатството ги прецизира постапките
од моментот на изработување на кривичните пријави од страна на царинските службеници во Одделението за истраги
– Служба за борба против економски криминал и Служба за борба против криумчарење, нивна оверка и доставување
до Основното јавно обвинителство. Со Упатството се уредени и опциите за внесување и пребарување на податоци во
електронската евиденција за кривични пријави.
Во јуни 2012 година Царинската управа донесе ново Упатство за начинот и постапката на приведување,
лишување од слобода и задржување на осомничено лице, со кое се регулира начинот и постапката на
приведување, лишување од слобода и задржување на осомничено лице според новиот Закон за кривична постапка,
чија примена е одложена за две години. Приведувањето, лишувањето од слобода и задржувањето се спроведуваат
од страна на Правосудната полиција - царински инспектори од Одделението за истраги кои работат на откривање
на кривични дела, преземаат мeрки и активности за фаќање и пријавување на сторителите на кривични дела,
обезбедуваат докази на кривичните дела и други мерки со кои се овозможува непречено водење на кривичната
постапка. Приведувањето се спроведува врз лице кое е обвинето за сторено кривично дело. Лишувањето од слобода
и задржувањето се спроведуваат врз лице за кое постојат основи на сомневање дека сторило кривично дело и кое
се гони по службена должност.
Во декември 2012 година Царинската управа донесе Упатство за транспорт на осомничено лице, со кое се уредува
начинот на транспортирање (превезување) на лице осомничено дека сторило кривично дело, од местото на сторување на
кривичното дело до суд, јавно обвинителство, притворско одделение, односно зависно од видот на постапката.
38
Инструкција за користење на националната база на податоци за вредност на Царинската управа на Република Македонија, Корисничко упатство за работа со мандатни
казни во ЕДМС, Постапка за обезбедување услови за сместување и работна средина во Царинската лкабораторија, Упатство за спроведување на царински надзор
и контрола на пратки на стока со поголем ризик од измама, Упатство за чување, обучување и користење на царински кучиња за откривање дроги, психотропни
супстанци и прекрузори, Упатство за дополнителна проверка на документи за утврдување на царинска вредност, Упатство за фотодокументирање и фотоархивирање,
Упатство за начинот на мерење на колска вага, Упатство за поднесување на кривична пријава, Упатство за постапување при откривање на двојни фактури, Упатство
за примена на Законот за спречување на перење пари и други приноси од казниво дело и финансирање на тероризам, Прирачник за EAR-Customs: Апликација за
девизни средства, Упатство за начинот и постапката на приведување, лишување од слобода и задржување на осомничено лице, Упатство за работа на Одделението
за истраги, Упатство за работа на Служба за мобилен скенер, Упатство за работа со системот за автоматско препознавање на регистарски таблички, Упатство за
работа со електронски детектори за наркотици и експлозив, Упатство за работа со патролни моторни чамци, Прирачник за работа со моторен чамец, Упатство за
прием, употреба и контрола на мерно-техничката опрема што се користи во Царинската лабораторија, Упатство за работните простории на Царинската лабораторија,
одржување и пристап на службени и надворешни лица, Постапка на спроведување на испитувања во царинската лабораторија, Постапка на обезбедување на услови
на сместување и работна средина во царинската алабораторија, Упатство за начинот на земање и постапување со мостри за лабораториско испитување, Упатство за
земање мостри од нафта и нафтени деривати, Упатство за ракување и употреба на огнено оружје и муниција во Царинската управа, Упатство за скенирање на личен
багаж на патници со мобилен скенер, Упатство за примена на Законот за надзор на пазарот, Упатство за верификација на доказите за префернцијално потекло на
стоките.
39