годишен извештај 2012 - Царинска управа на Република ...

ЧОВЕЧКИТЕ РЕСУРСИ ВО ЦАРИНСКАТА УПРАВА
9
10
МЕРЕЊЕ НА УСПЕШНОСТА
Со цел добивање перцепција за успешноста во одредени области од своето работење, како основа за согледување
на можностите за унапредување на ефикасноста од работењето, Царинската управа во изминатиот период воведе
повеќе системски решенија 9 . Како и во другите области, Царинската управа продолжи со реформи и во областа на
мерењето на успешноста од работата.
Во јуни 2012 година, Царинската управа ја измени и дополни Оперативната инструкција за системот на
оценување на работата на царинските службеници во делот на периодот на оценување. Наместо еднаш
годишно, царинските службеници ќе се оценуваат полугодишно во тековната година. Целта на оваа измена е
да се добие реална слика за индивидуалниот придонес кон работата, ефикасноста, квалитетот и стручноста во
извршувањето на службените задачи, односно остварување на поставените цели на организационата единица и
функција на Царинската управа, за секое полугодие од годината. Со иста цел, врз основа резултатите од спроведеното
мерење за 2011 година, во октомври 2012 година е ревидирано Упатството за мерење на успешноста на
управните постапки во Царинската управа.
Имајќи го предвид големиот број на донесени интерни процедури во Царинската управа и потребата од систематски
и перманентен надзор дали и како истите се применуваат, Одделението за внатрешна ревизија во 2012
година изврши 20 ревизии врз чија основа до надлежните организациони единици се предложени 73
препораки за подобрување на работењето. Од предложените 73 препораки, 61 препораки се веќе реализирани,
а 12 се во тек на реализација.
НАГРАДУВАЊЕ И УНАПРЕДУВАЊЕ
Покрај воспоставените системи за наградување и унапредување на царинските службеници 10 , во декември 2012
година донесено е Упатство за доделување награди и признанија со кое се уредува изгледот, критериумите и
постапката за доделување на признанија на вработени во Царинската управа, на службени лица или на органите на
државната управа или други органи, на органите на локалната самоуправа и на Градот Скопје, на носител на јавни
овластувања и на поединци. Признанијата се доделуваат по повод Денот на Царинската управа - 14-ти април.
Со измени и дополнувања на Правилникот за начинот на унапредување на царинските службеници („Сл.
весник на РМ“бр.59/12) зајакнат е системот за унапредување на царинските службеници согласно предвидените
оценки: „се истакнува“, „задоволува“, „делумно задоволува“ и „не задоволува“.
Во рамки на воспоставениот систем и расположивиот буџет, во 2012 година беа доделени следните награди и
признанија:
- ЦИ Богородица, најдобра гранична ЦИ за I и II квартал,
- ЦИ Табановце автопат, најдобра гранична ЦИ за III и IV квартал,
- ЦИ Скопје 3, најдобра внатрешна ЦИ за I, II и III квартал,
- ЦИ Скопје 2, најдобра внатрешна ЦИ за IV квартал.
По повод јубилејниот празник -20 години постоење на Царинската управа „14-ти април“, доделени се:
- пригодни ковани пари – сребреник за 10 години стаж на 19 вработени,
- пригодни ковани пари – златник за 20 години стаж на 6 вработни,
- пригодни ковани пари – златник за 30 години стаж, на 1 вработен,
- пофалници, на 5 царински службеници ,
- царински плакети на 4 царински службеници,
- царински плакети на 7 надворешни организации и 9 физички лица ,
- парични награди за 3 најдобро изработени статии од студенти од високообразовни институции на тема
,,Границите разделуваат, Царината поврзува“ и
- парични награди на 10 најдобри цртежи изработени од ученици од основни училишта на тема „Границите
разделуваат, Царината поврзува“.
Во 2012 година донесени се 59 одлуки за утврдување на зголемен износ во висина од 15% од основната
плата за тековниот месец за царински службеници поради особено ангажирање во извршувањето на работите и
задачите од работното место или други определени работи и извршување на истите со особен квалитет, оствариле
натпросечни резултати во работата односно работата ја извршиле со особен успех и квалитет.
Корисничко упатство за работа со софтверот за мерење на учинокот, Упатство за мерење на успешноста на дисциплинските постапки, Упатство за мерење на
успешноста на кривичните пријави, Упатство за мерење на успешноста на барањата за поведување прекршочна постапка, Упатство за мерење на успешност на
управните постапки, Упатство за мерење на успешноста во застапувањето пред судовите, Оперативна инструкција за системот на оценување на работата на царинските
службеници, Оперативна инструкција за системот на самооценување на работата на царинските службеници
Правилник за начинот на унапредување на царинските службеници, Одлука за одредување на критериуми за избор на најдобра гранична и внатрешна царинска
испостава, Упатство за начинот на доделување и замена на ознаката на чинот на царинските службеници, Упатство за доделување признанија
17