Read - Al-Faqeer

kwenda watoe kiasi kadhaa wa kadhaa na wakifika huko
watatizamwa, watakua wageni wa Jumuiya ya Kimarekani moja
wapo – wazungushwe wonyeshwe maisha ya Kimarekani yaliyo
mema kwa mujibu wa vipimo vyao na mengine kwa vipimo vya
watu wote.
Kwa umri waliokua wakiutaka mimi nilikua nimekwisha kua
mtu mzima lakini walipoona application yangu na kuniona
wakanitia kati. Ilikuwa taabu kupata kipando tena, mwisho nikapata
Greck Line ikanichukua mpaka Quebec, mji baada ya mji mpaka
Batholomeo mpaka New York. Njiani bila shaka nikaona Niagara
Falls. Shalalar Niagara – Mmiminiko wa maji katika mahali
wanapokwenda watu kutizama. Pahala pa ajabu penye Nature –
yaani umbo la ajabu.
Bin Adam hajatia mkono wake, wenyewe tu linakwenda –
lipo. Kutoka hapo ndo nkaenda Batholomeo – Batholomeo New
York nkapokelewa na wenzangu wengine mmoja mmoja. Tena
mmoja kutoka London tukakutana huko huko. Nimekwenda
tukakutanika pamoja na Waislamu wawili watatu mmoja mtu wa
Kimasr, mmoja wa Pakistan lakini sasa imekwisha kua kikatiba –
Bangladesh tena. Na Dini nyinginezo na kabila nyinginezo.
Tukachukuliwa kuzungushwa tukapitishwa States mbali mbali, na
kila pahali tunapata fursa ya kupokewa kwa heshima na
kuonyeshwa na kushughulikiwa, na wasaa wa kutoa fikra.
Na bila shaka mtu Muislam kila akipata fursa jambo la
mwanzo hutizama njia awaonyeshe watu nini Uislamu, nini faida
zake nini ukweli wake, na Al-hamdulillah sikuziwacha fursa hizo.
Hata unaona Naby Yusuf AS alipoulizwa habari za ndoto na wale
watu wawili katika gereza kabla hajawajibu kawaambia.
“Enyi Wafungwa wenzangu wawili Je! waungu wengi
wanaofarikiana ndio bora (kuabudiwa) au Mnyezi
Mungu mmoja mwenye nguvu (juu ya kila kitu)”.
Qur an: 12:39
“Inni Taraktu Millata Qawm Laa Yuuminun Billahi
Wal-yawmil Akhir”
Qur an: 12:39
7.