Read - Al-Faqeer

YALIYOMO
No.
Ukurasa.
1. Yaliyomo-------------------------------------------------- i.
2. Utangulizi------------------------------------------------- ii.
3. Dibaji------------------------------------------------------- iv.
4. Siri ya balaa------------------------------------------------ 1.
5. Nini siri ya hizi balaa?------------------------------------ 4.
6. Nini cha kufanya?------------------------------------------ 9.
7. Sehemu ya pili “Wakati”----------------------------------- 15.
8. Tukio la kiyama---------------------------------------------- 19
9. Nyakati za Mnyezi Mungu---------------------------------- 24.
i.

بسم
هللا الر حمن الر حيم
UTANGULIZI
Al-hamdullilahi wal khayru wash-sharru bima
shiyati Llah. Allahu mma swalli a`laa habibika Seyyidna
Muhammad wa alih waswahbihi ajmaina wat tabi ina lahum
biihsa nin ilaa yawmid dina. Waba`ad:
Inaonyesha kuwa watu wengi wanaishi bila kujua vipi kuishi.
AJABU. Kufa kila mtu anajua, hata mtoto mdogo haitaji
maelezo yoyote kwa suala hilo la kufa. Kutokana na illa hiyo,
tumeonelea iko haja ya kuandika kijitabu kama hiki ambapo
mtu anaweza kustafidi mengi katika suala la kuishi na
kupambana na mitihani ambayo ndiyo hasa lengo lake. Baada
ya kusoma kitabu hiki utashangaa kuona kuwa umefunukiwa
na akili kiupana ambao labda ingekuchukua siku nyingi
kuelewa hakika yake. Balaa, mitihani, fitna na majaribu ni
neno moja ambalo katika kiswahili hatuna sawa yake. Na hata
tukisema misukosuko haitoshelezi kuwa ndiyo balaa, kwa
sababu misukosuko ni neno jingine kabisa. Mnyezi Mungu
ametaja vifwatavyo kama fitna kubwa kwa mtu ; pesa, mke,
watoto, mali, njaa, mauti, upungufu wa mali na kadhalika.
Lakini wengi watashangazwa na listi hiyo pamoja na kuwa
navyo vitu hivyo siku nyingi sana zilizokwisha kupitia
maishani mwetu. Kila kitu kinategemea ilmu na hakuna lolote
ambalo tunalifanza halina ilmu ndani yake.
Qur an Suratul Twaha 20:50.
"(Musa) akasema: “Mola wetu ni yule liyekipa
kila kitu umbo lake kisha akakiongoza (kufuata kinachowafiki
umbo lake hilo).”
Bila ilmu hatuwezi kuongoza njia - Ndo maana Bwana Mtume
SWA. katuambia:
طَلب العلم فريضة على كل مسلم ومسلمة
ii

(Kutafuta ilmu ni lazima kwa kila muislamu
mume na mke).
Na mambo yote yafanywayo bila ilmu ni yenye
kurudishwa hayakubaliwi. Tutapungukiwa na shida nyingi
tukijua jinsi gani Mnyezi Mungu anavyowajaribu waja
wake na kuwa imara zama za mabalaa kwani:
خيزه وشزه من هللا تعالي
(kheri na shari zote zinatoka kwake Mnyezi
Mungu SWT).
(Amin).
Al-Faqeer,
Ahmad Sheikh,
Majaalis
Sinza,
Shaaban 24 – 1415,
25 – 1 – 1995.
iii

DIBAJI
بسم
هللا الر حمن الر حيم
Tunamshukuru Mwenyeenzi Mungu kwa fadhila zake na neema zake nyingi
sana zisizohesabika. Na Swala na Salaam zimfikie Mtume Muhammad (SAW)
pamoja na ali zake na awaridhiye maswahaba wake wote – Amin.
Amma Baad : Amesema Mola katika Quran takatifu surati Al Ankabuut:
Qur an 29 : 1 – 3.
“Watu wanadhani kuwa wataachiwa pindi wakisema kuwa
tumeamini bila ya kupata misukosuko. Hakika tuliwatiya
katika misukosuko wale ambao waliyokuwa kabla yao wao,
kwa yakini mwenyeenzi Mungu atawatambulisha wale walio
wakweli na atawatambulisha wale ambao ni warongo”.
Ni katika moja ya hekima zake Mwenyeenzi Mungu katika kuwapima waumini
kwa viwango vya imani zao kwake yeye kwa kuwaletea aina mbali mbali za
misukosuko na mabalaa. Na ingawa anavijua Kabla ya kuvipima viwango hivyo.
Na Mwenyeenzi Mungu anafanya hivyo kwa kudhihirisha mapenzi yake kwa
anayemleteya misukosuko na mabalaa, kama alivyosema Mtume Muhammad
(SAW):
ان هللا اذااحب عبدا ابتاله فاذاصبر نجاه واذارضا اصطفاه
(Hakika Mwenyenzi Mungu akimpenda mja humpa mabalaa
na kama akisubiri anamuokowa nayo na akiridhika nayo
humchaguwa (kuwa mja wake wa karibu).
Kwa hivyo basi, muumini wa kweli amewajabika kuridhika na hukumu ya
Mwenyenzi Mungu kwake yeye hata ikiwa ina uchungu wa namna gani. Amesema
Mtume Muhammad (SAW) katika Al-Hadithi Al- kudsiyy;
من لم يزض تقضاى فا لىتجذر تا سوا ى
iv

DIBAJI
“Asiyeridhika na hukumu yangu, basi na
awe na mola asiyekuwa mimi”.
Kupendwa na Mwenyenzi Mungu kwa njia ya kuteremshiwa mabalaa na
misukosuko ni moja wapo ya neema zake ambayo inazalisha ndani yake
neema nyinginezo zilizo nzuri na muhimu kwa maisha ya muumini hapa
duniani, ikiwemo neema na sifa ya subira. Na subira kama alivyosema Mtume
Muhammad (SAW):-
ا لصثز نصف ا ال ى مان
Sote tunaelewa kuwa Mtume Muhammad (SAW) ni kipenzi cha
Mwenyeenzi Mungu kuliko watu wote. Na katika historia ya maisha yake
kama Mtume wa Mwenyeenzi Mungu alifiliwa na mke wake wa kwanza bibi
Khadija RA na kufuatiliya kufa ami yake na mlezi wake Bwana Abiy twaalib
katika mwaka mmoja. Na Bwana Mtume aliusiya kwa kuwita mwaka huo ni
mwaka wa huzuni.
Na alipokwenda mjini Twaaif katika mwaka huo huo kuwahubiriya watu
wake ujumbe wa Mwenyeenzi Mungu wa Dini ya Islam walimpiga mawe na
kuukataa. Na kwa kuwa ni kama alivyoamrishwa na Mwenyeenzi Mungu
katika Qurani Takatifu Surat Al Ahkaaf kuwa awe mwenye subira: Qur an
46:35.
“ Subiri (ewe Muhammad) kama walivyosubiri Mitume
Uwlu-Al-Azim. Nao ni: Mitume Nuhu, Ibrahim, Mussa
na Isa (AS)”v
Subira aliyokuwa nayo Mtume Muhammad (SAW) ndiyo iliyokuwa
moja wapo ya silaha aliyotumia Mtume Muhammad (SAW) katika
kuufanikisha kwa kuufikisha ujumbe wa Mwenyeenzi Mungu kwa watu wote
kama Nabii wa mwisho na Mtume kwa watu wote.
Mwenyenzi Mungu amkubaliye Al Marhuum Sheikh Ahmad Sheikh wa
Majaalis – Sinza athari yake hii aliyetuachia na nyinginezo kwa manufaa ya
ndugu zake Waislam, na alijaaliye Kaburi lake (Kibaha ) bustani miungoni
mwa mabustani ya peponi- Amin.
v
Ahmad Haydar Mwinyimvua,
Dar es salaam Tanzania.
14 Ramadhani 1424,
9 November, 2003.

بسم
هللا الر حمن الر حيم
SIRI YA BALAA:
Bin Adam hana pahala ambapo hupata utakaso wa moyo kama
anapofikwa na balaa. Mfano ambao ameuelezea Mnyezi Mungu
mwenyewe ndani ya Qur an hakuna kama ule anapotokea mtu kuwamo
ndani ya chombo baharini na ghafla ikaanza mchafuko wa hali ya hewa.
Dharuba toka kila upande, mawimbi mazito na makubwa kama mlima
hakuna nchi yeyote karibuni bali ni bahari pana tu, ambayo mwisho wa
mandhari yake mtu kila upande ni ile ya maji kukamatana na mawingu
tu. Mandhari hiyo lau tofauti ni ndogo na ile ya siifu (khasf: yaani:
“ Quick sends” ), ambaye anayetumbukia ndani yake hukiona kifo ni
chenye kumvaa bila ubishi wowote, lakini mtu hujiona kabisa anakufa
na kukata tamaa ya kunusurika kama aliyoipitia Edmond Dause.
Alisema:
“The angry waves and the sight of dangerous
rocks told me that death was near. and the
thought of death made me afraid. I used all my
powers as a man and as a sea man to ascape.
But I did so because I was happy, because I
didn`t coated death, and because I didn`t
wish that I, a living thing made by the service
of God, should became food for the birds and
beasts of the sea……..”.
“mawimbi ya ghadhabu na mandhari ya majabali ya
hatari yaliniambia kuwa kifo kilikuwa kimekaribia, na
mawazo ya kifo yalifanza niogope. Nilitumia uwezo
wangu wote kama mwanamme na baharia hasa, ili
kuikwepa ajali hiyo. Lakini nilifanya hivyo kwa sababu
nilikuwa na furaha; kwa sababu sikuwa nimefunikwa na
kifo. Na kwa sababu sikutegemea kuwa mimi kiumbe
chenye uhai uliotengenezwa kwa huduma yake Mnyezi
Mungu, nije kuwa chakula cha ndege na wanyama wa
baharini…“
1

Katika hali kama hiyo mwanaadamu humuomba Mnyezi Mungu kwa
hali ya unyenyekevu na utakaso mkubwa kweli kweli. Qur an Surat
Yunus: 10:22.
“Yeye ndiye anayekuendesheni katika bara na baharini.
Hata mnapokuwa katika majahazi na yanakwenda nao
Kwa upepo mzuri na wakafurahi nao; mara upepo mkali
Unayajia na mawimbi yanawajia kutoka kila upande, na
wanaanza kufikiri ya kwamba wametingwa. ( Hapo ndipo)
wanapomuomba Mwenyezi Mungu kwa kumtakasia
utii, (wakisema): “Ukituokoa katika haya, bila shaka tutakuwa
miongoni mwa wanaoshukuru.”
Lakini anapookolewa na akawasili katika ardhi salama kabisa hapo
hapo humfanzia mola wake chungu ya washirika kama siye yeye
aliyekiomba kwa hali ya Ikhlaas kubwa moyoni mwake. Quran Surat
Hud 11:9 –10.
2

“Na kama tukimuonjesha mwanaadamu rehema
inayotokana nasi; kisha tukaiondoa kwake, mara
moja anakuwa mwenye kukata tamaa kabisa na
asiyekuwa na shukurani. Na kama tukimuonjesha
neema baada ya dhara iliyompata mara husema:
“Taabu zimekwisha ondoka kwangu”. (Wala
hashughuliki kufanya mema wala kumshukuru
Mnyezi Mungu). Basi huwa (sasa) ni mwenye
kufurahi sana (na) mwenye kujivuna kabisa”.
Pengine mtu hupewa balaa katika neema, naye mtu hufurahia
na kukongoea kule kukirimiwa kwake. Na anapobalaiwa (tiwa balaa)
katika upungufu wa neema, mara hupayuka akadai kuwa Mnyezi
Mungu amemsahau. Qur an Surat Fajr 89:15-16.
“Lakini mwanaadam, mola wake anapomfanyia
mtihani akamtukuza na kumneemesha, basi husema :
“Mola wangu amenitukuza;” (wala hashughuliki
kufanya mema ili kutengeneza akhera yake). Na
Anapomfanyia mtihani Akampunguzia rizki yake,
husema: “Mola wangu amenidhalilisha, (nikifanya
mema au mabaya ni sawa sawa, hatayashughulikia,
basi naendelea kufanya mabaya)”
3

Kwa nini yapatikane yote haya? Bila shaka sababu ya msingi si
nyingine illa ni ile iliyoelezewa mwenye surat Mulk na nyingine kadhaa
mwenye Qur an. Qur an Mulk 67:2.
“Ambaye ameumba mauti na uhai ili kukujaribuni
(kukufanyieni mtihani); ni nani miongoni mwenu
mwenye vitendo vizuri zaidi. Naye ni mwenye nguvu
( na) mwenye msamaha”.
Katika katiba zake Mnyezi Mungu hapa duniani ni kuwajaribu
waja wake. Kwa hali hii neema ni mtihani na nakma ni mtihani pia. Yule
anayeneemeshwa, anatarajiwa kushukuru; na yule alonakamishwa
anatarajiwa kusubiri. Asiyeweza hayo, basi Mnyezi Mungu anasema:
“……….Na atafute Mola asiyekuwa Mnyezi Mungu na pa kuishi
pasokua hapa duniani.” Hadithi hiyo ina mafumbo mazito ndani yake.
NINI SIRI YA HIZI BALAA.
Bwana Mtume S.A.W anatuambia:
4

(Hakika Mnyezi Mungu alotukuka anapompenda
mja wake humpa mabalaa. Basi akisubiri humuepusha
na balaa hilo. Na akiridhia basi humchagua
(kuwa mja wake).
Hadithi hii inatupa maarifa mazuri ndani yake, nayo si
mengine bali ni yale yanayotuwezesha kugundua siri ya kupendwa na
Mnyezi Mungu imo ndani ya kujaribiwa. Tofauti na mapenzi ya
binadamu anayekuletea kisababu, balaa basi huyo hakupendi. Na
anayekukunjulia mkono basi huyo ndiyo anayekupenda na
kukuhurumia
Mnyezi Mungu anafahamisha mwenye Qur an 2: 155-156.
“Na tutakutieni katika msukosuko wa (baadhi
ya mambo haya); hofu na njaa na upungufu wa
mali na watu na wa matunda. Na wapashe habari
njema wanaosubiri. Ambao uwapatapo msiba
husema: “hakika sisi ni wa Mwenyezi Mungu, na
kwake yeye tutarejea (atatupa jaza yake).”
Hiyo: “…Wape bishara njema wenye kusubiri…
Wapashe habari njema…” Inagusia pale pale katika kutarajiwa
yule alonakamishwa kuwa atasubiri. Kusubiri ndiyo jawabu la
mtihani, au majaribio, au balaa.
Bwana Mtume S.A.W. amesema:
‏"....وماجزاءالصبر االالجنو
5

(Hatukujua jaza (malipo) ya subra kingine
chochote illa ni pepo tu.)
Amesema pia katika hadithi nyingine kuwa:
(Muumini hana, anachokosa akineemeshwa
hushukuru (na si vingine,mwenye kushukuru
huzidishiwa huzidishiwa),na akitahiniwa
husubiri (na malipo ya subra ni pepo).
Kwa hivyo huku anapata na huku anapata. Mnyezi Mungu anaonyesha
ndani ya Qur an kuwa lau angekuwa anawapa kila mtu kwa ayafanyayo,
basi wale wenye kumkufuru na kumshirikisha ndiyo angewapa nyumba
nzuri nzuri za dhahabu na fedha na kadhalika kila wakitakacho. Kinyume
nyume mambo yake Mnyezi Mungu. Sisi huona tukineemeshwa sana
ndiyo eti tunapendwa mno, kumbe huwa ni hatari.
Seyyidna Daud As alikaa mwaka mzima bila ya mtihani wa aina
yeyote, basi alishtuka akamuuliza Mnyezi Mungu VIPI? Au amekuwa
miongoni mwa waliochukiwa mbele yake Sub hana wa Taala?. Na ambao
huwa na mitihani mikubwa kupita watu wote hakuna kama mitume. Basi
na warithi wa mitume nao wasishtuke na kuanza kubabaika yanapowafika
mabalaa. Qur an 2:214.
“Mnadhani kuwa mtaingia peponi na hali
hamjajiwa na mfano wa (yale yalowajia)
wale waliopita kabla yenu? Yaliwapata
6

mashaka na madhara na wakatetemeshwa
sana hata mitume walioamini pamoja nao
wakasema: “Nusura ya Mwenyezi Mungu itafika
lini?”. Jueni kuwa nusura ya Mwenyezi Mungu
iko karibu”.
Zipo balaa za kujitafutia mtu mwenyewe- mathalan mtu
kutumbukiza kidole mwenye sega la nyuki na wenyewe wamo ndani.
Zipo balaa nyingine Mnyezi Mungu anaelezea mwenye Qur an
2:195
“Na toeni katika njia ya Mwenyezi Mungu, wala
msijitie kwa mikono yenu katika maangamizi –
zo. Na fanyeni wema, hakika Mwenyezi Mungu
huwapenda wafanyao wema”.
Na mifano kama hiyo mingi Mnyezi Mungu kwa rehma zake
atukinge nayo. Mnyezi Mungu anafundisha tena jinsi ambavyo
tutaweza kufaulu katika kukabiliana na mitahani yake. Ni kama
anaetoa jawabu zake mbele kabla ya mitihani kuletwa: Qur an
2:153
7

“Enyi mliomini jisaidieni (katika mambo
yenu) kwa subira na sala, bila shaka
Mwenyezi Mungu yu pamoja na wanaosubiri.”
Mnyezi Mungu ndiyo huba kubwa (The greatest love). Na kila
anayependa hua hapendi kuwa (kukaa) mbali na mpenzi wake. Basi ikiwa
amri ya mambo ndiyo iko hivyo, basi ni budi kuzidisha subra zetu kila
siku. Fakhri iliyoje kwa watu kusikia kuwa Rais au Mfalme wa nchi yuko
kwa fulani. Siyo yeye yuko kwa Rais au Mfalme, Aa! Rais au Mfalme ndo
yuko kwake au yuko pamoja naye.
Hakuna njia ambapo anafikilia mja katika bahri ya mapenzi yake
kwa Mnyezi Mungu ila kwa kupitia mabalaa. Lakini kwa sababu nafsi ya
neno lenyewe Balaa siyo kiswahili, uzito wake umekuwa na sura ya
tofauti na vile lilivyo hasa. Katika lugha ya kiswahili Balaa inatupa
tafhuma ya hatari isiyoweza kusubiria ndani yake. Na pia inapotafsiriwa
kuwa ni Fitna ndiyo kabisa na inapotafsiriwa kuwa ni mitihani hapa
kidogo ule mmeremeto wa ubaya unapungua kasi. Kadhalika Majaribio
yote ikiwa ni neno lile lile lakini uzito unazidi kupungua, pamoja na kuwa
kwake maneno yote hayo –Balaa, Fitna, Mitihani na Majaribio hakuna
hata moja la kiswahili. Sasa ikiwa hatujapata neno la kiswahili kwa –
“Balaa”- vipi tunaelewa tutakavyo tu. Mnyezi Mungu anatwambia: Qur
an 47:31.
“Na tutakufanyieni mitihani mpaka
tuwadhihirishe (wajulikane ) wale
wanaopigania dini miongoni mwenu na
wanaosubiri, nasi tutadhihirisha habari
zenu.”
8

Mnyezi Mungu hataacha kuwajaribu waja ili kuona ni nani wa
kweli mpaka dunia imalizike. Sasa wapi tutakwenda ambako hakuna
Mitihani Fitna na Balaa?
NINI CHA KUFANYA:
Baada ya kwisha kupatapata siri ya Mabalaa sasa na
tujiulize nini la kufanya ndani ya ule muda wa kusubiri?. Lazima
turudi kwenye ile Aya ya 153 ya sura Al Baqrah ambapo
tunashauriwa tujisaidie katika mambo yetu kwa Kusubiri na Kusali.
La muhimu ni huko kusali. Kusali kuna maana si moja tu, ya
kusimama, kurukuu na kusujudu. Lakini swala ina sehemu kubwa ya
Dua, nayo ni maombi kwa Mnyezi Mungu. Swala ni Bridge (daraja)
yenye kumuunganisha Mtu na Mola wake, na Ibada maalumu. Sala
ni rehma, na ndiyo maana katika kumswalia Bwana Mtume SAW
hakuna kusimama, kurukuu wala kusujudu, pia katika sala ya maiti.
Kujisaidia mambo yetu kwa sala, tunapata kauli ya Bwana Mtume
SAW kuwa:
(Mnyezi Mungu amejaalia kila kitu silaha,
na silaha ya muumini ni Dua).
Mnyezi Mungu anafundisha vipi tutamuomba; amma kwa jina lake
Allahu au kwa jina lake Rahman Kwingine anatutaka tumuombe
kwa unyenyekevu na kwa khofu, pengine kwa khofu na kwa kutumai
(confidence) na kwa siri au kwa fakhri au kwa sauti ya juu wala si
kwa sauti ya chini lakini baina yake. Qur an 17:57.
“Hao wanaowaomba (wenyewe) wanatafuta
ukaribiano na mola wao; (hata) walio karibu
miungoni mwao (na Mungu, kama malaika wao
wanafanya yaya haya) wanatumai rehma Zake
na wanaogopa adhabu yake. Hakika adhabu ya
Mola wako ni ya kuogopwa.”
9

Wengine hufanza Tawasssul nyingi nyingi tu, kwa sababu
Mnyezi Mungu ni mwenye kupenda kuombwa na huchukia asipoombwa.
Kinyume na sisi. Tusipoombwa hufurahi, na tunachukia - illa wachache tu
labda, tunapoombwa. Mnyezi Mungu anawataja waja wake wema kwa
kutuambia: Qur an 51:19
“Na katika mali zao ilikuwako haki ya kupewa
maskini aombaye na ajizuiaye kuomba.”
Pia katika Suratul Ma’arij 70:24-25.
“Na ambao katika mali zao iko sehemu maalumu.
Kwa ajili ya aombaye na anayejizuilia kuomba
(japo muhitaji)”.
Sisi tunajitoa katika sifa tukufu kama hizo kwa kuchukia kuombwa.
Kwa hiyo kumuomba Mnyezi Mungu ndiyo jawabu tunapokuwa mwenye
mabalaa. Siku nyingi zilizopita waliteseka baadhi ya watu kwa sababu ya
kumuomba Mnyezi Mungu mpaka ikafikia kuambiwa: Qur an 22:40
10

“Ambao wametolewa majumbani, (mjini) Mwao
pasipo haki ila kwa sababu wanasema: “Mola
wetu ni Mwenyezi Mungu.” Na kama Mwenyezi
Mungu asingaliwakinga watu, baadhi yao kwa
wengine, bila shaka yangalivujwa mahekalu na
makanisa na nyumba nyingine za ibada na
misikiti ambamo Jina la Mwenyezi Mungu
hutajwa kwa wingi. Na bila shaka Mwenyezi
Mungu humsaidia yule anayesaidia Dini Yake.
Hakika Mwenyezi Mungu ni Mwenye nguvu na
Mwenye kushinda.”
Subra ikienda na dua na matendo mema, ndipo Mnyezi
Mungu huepushia watu mabalaa yao. Na miongoni mwa jawabu
hakuna kama ISTIKTHAAR (kufanza wingi ) mambo ya swadaka na
ISTIGHFAAR (kutaka msamaha) kwake yeye Mnyezi Mungu.
Mambo mawili hayo yanapata ( Support ) kutiwa nguvu na aya : Qur
an 71:10-12
"Nikawaambia: Ombeni msamaha kwa
Mola wenu. Hakika yeye ni mwingi wa
Msamaha. Atakuleteeni mawingu yanyeshayo
mvua nyingi. Na atakupeni mali na watoto,
na atakupeni mabustani, na atakufanyieni mito.”
Vile vile Mnyezi Mungu amesema: Qur an Suratul Anfal 8:33
11

“Lakini Mnyezi Mungu hakuwa wa kuadhibu
maadamu wewe ( Nabii MUHAMMAD )
umo pamoja nao ( Hapa Makka ), Wala Mnyezi
Mungu hakuwa wa kuadhibu pia hali ya kuwa
(Baadhi yao wamesilimu ) wanomba msamaha.”
Mtu angetaka aambiwe na nani zaidi ya Mnyezi Mungu hakaik
za namna hiyo ili asikie na kutekeleza. Tazama fadhila za ISTIGHFAAR
zilivo pewa ubora na faida. Mnyezi Mungu anaacha kuwaadhibu
washupavu watenda dhambi katika mji wanapopatikana wenye kuleta
ISTIGHFAAR. Kutokana na wao Mnyezi Mungu anastahi kuwaadhibu –
Ni madogo Hayo ? – Lakini ndiyo kwa vile watu hawataki kutambuwa
wala kuwathamini.
Jambo la pili ni swadaka ambapo Mnyezi Mungu
katika hadithi aliyofahamisha Bwana Mtume SAW kuwa:
الصدقة تدفع غضة الزب
(Swadaka hukinga ghadhabu ya Mnyezi Mungu).
Jee hatuoni fawaida zake ndani ya uhai na maisha
yetu ya kila siku? Inataka mtu achunguze na kufanza
majaribio, hiyo ni ibada tosha na ya uhakika (Creative
worshiping).
Jinsi gani Mnyezi Mungu anavyojaalia mitihani kwa
waja wake. Mwenye mali mitihani yake mingi ni kwenye
mali yake na dhidi ya hali yake, ndiyo kusema masikini.
Wengi wenye mali walizipoteza kwa sababu ya
kuwanyanyasa masikini. A`lim mtihani wake katika ilmu na
dhidi yake kwa wajinga. Bwana Mtume SAW alisema kuwa:
(Ilmu hupata maafa wakifundishwa wasiokuwa watu
wake).
12

Halkadhalika masikini na mahakimu nao wana mitihani yao.
Watu wanne hao tumewaonyesha kwa kuwa wao ndio nguzo
zilokamatia ulimwengu jinsi vile alivyosema Bwana Mtume SAW.
Kwa ujumla Mnyezi Mungu hukinga balaa zetu na
hupunguza ghadhabu zake kwetu kwa ajili ya swadaka. Basi jambo
hilo lingefaa lidumishwe kwa sababu faida zake ni za kuonekanwa
kwa macho hasa, na mambo yetu yamghadhibishayo Mnyezi Mungu
ni mengi. Mambo haya wapo wengi ambao hawana habari nayo
pengine hizo swadaka huchukulia kuwa ndiyo ZAKA.
Lakini tofauti ni kule kuwa swadaka ni ya hiyari, na zaka ni
ya lazima. Swadaka unaweza kumpa mtu yeyote, lakini zaka ni
lazima muislamu anaestahiki kule kupata zaka. Amma sivyo
itakuwa haijaswihi na utakuwa hutahisabiwa kuwa umelipa, na
itabidi kuirudishia tena.
Insha Allah Mnyezi Mungu atuwafikishe katika
kheri tuongokewe kwa yetu, sisi na waislamu wenzetu.
Na tuweke matumaini ya dhati kuwa tutajibiwa kwa
lolote tunaloliomba. Na ndio maana Mnyezi Mungu
akatuambia kuwa: Hadithil Quds:
“Lau wangekusanyika pahala pamoja watu
wote wa mwanzo na wa mwisho, binaadam
na majinni kila mmoja akaomba alitakalo
kwa Mnyezi Mungu katika shida zake, basi
Mnyezi Mungu angempa kila mmoja na
isingekuwa imepungua chochote katika
hazina yake”.
Labda kiasi kile kile cha uzi uliotumbukizwa baharini,
ukanyonya maji na kushirabu barabara.
Huyo ndiye Mnyezi Mungu aliye mkarimu mno na mwenye huruma
isiyomithilika kwa viumbe, Mkwasi mwenye kuneemesha waja wake
atakavyo, wengine anawakunjulia wengine anawakadiria.
Mambo yote tuloyataja na kufahamisha ndani humu ni yake
na kule kuyatekeleza na kuyafuata ndiyo maana ya uislamu.
Qur an 3 : 83
13

“Je! Wanataka dini isiyokuwa ya
Mnyezi Mungu, na hali kila kilichomo
mbinguni na ardhini kinamtii yeye,
kikipenda kisipende? Na kwake
watarejeshwa wote”.
14

Sehemu
ya
Pili
15

WAKATI
Na tarehe yetu yote ni daraja sekunde dakika na saa – SAA!
Wakati umegawika katika mafungu matatu, manne :
i. Uliopita ( Past )
ii. Uliopo ( present )
iii. Ujao ( future )
iv. Milele ( Eternal or Eternity ).
Waliopita huenda waliyajua ya kwetu kama: yajayo; na
wajao hawajui ya kwetu wala waliopita na yajayo. Kwa hivyo
sisi tumekuwa bora kuliko waliopita. Mnyezi Mungu anasema
(ili kuthibitisha ubora wetu kwa kawli fupi kama hii): Qur an
3:110.
“Nyinyi (ndio mmekua ) umma bora (miongoni mwa
nyumma) zilizoletwa kwa watu------“.
Hadithi:
Imetokana na Seyyidna Omar (R.A) alisema:
“Siku moja tulikuwa tumekaa na Bwana Mtume
SAW. Hapo alitokea mtu ambaye nguo zake
zilikuwa nyeupe Pepe na nywele zake zilikuwa
nyeusi sana; hakuwa na alama ya machofu
ya safari na wala hapakuwa na hata mmoja
katika sisi aliyemtambua. Alienda akakaa karibu
na Bwana Mtume SAW. Akiweka magoti yake
karibu na magoti ya Bwana Mtume SAW aliweka
viganja vyake juu ya mapaja yake, akasema
“Ewe Muhammad nambie kuhusu Uislamu.”
Mtume wa ALLAH SWT alisema: “Uislamu ni
Kukiri kuwa hakuna Mungu isipokuwa ALLAH
16

Na Muhammad ni Mjumbe wake, kusali, kutoa
zaka, kufunga Ramadhani, na kwenda Ma
kka ukiweza”. “Umesema kweli”, alisadikisha
yule mgeni. Tulipigwa na mshangao kwa kumuuliza
na kisha yeye muulizaji kusadikisha.
Akauliza tena “Nambie kuhusu Imaan”. Akamjibu
Ni kumwamini Mnyezi Mungu, Malaika
Wake, vitabu Vyake, Mitume wake, Siku ya
kiyama na kuamini kuwa kheri na shari zote
Zinatoka kwake.” “Umesema kweli” akasadi-
Kisha yule mgeni. Akauliza tena: “Hebu
Nieleze juu ya Ihsan”. Alisema SAW: Ni kumuabudu
Mnyezi Mungu kama vile unamuona japokuwa
humuoni yeye anakuona.” Akauliza
tena. “Niambie juu ya kiyama”. Bwana Mtume
SAW alisema: “Anaeulizwa hajui zaidi
Kuliko aneuliza”. Yule mgeni akasema: “Nambie
alama zake”. Alisema SAW “Kijakazi atamz
aa bwana wake na utaona wachunga wenda
miguu chini, wenda uchi, mafukara (wasiokuwa
na hata makazi) wakishindana kujenga majumba
ya fakhri. Muda mfupi baada ya yule mgeni
kuondoka, Bwana mtume SAW akauliza:
“Ewe Omar jee unamjua ni nani yule aliekuwa
akiuliza? “ Nilisema “Mnyezi Mungu na Mjumbe
wake wanajua zaidi.” Alisema ni Jibril
alikuja kuwafundisha Dini yenu (Kwa njia ya
maswali)”.
Imepokewa na Muslim.
17

Wakati seyyidna Jibril AS (The holy ghost ) alipomshukia Bwana
Mtume SAW ( katika karne ya saba) ili amfundishe DINI (ISLAM) kwa
njia ya kumuuliza maswali, akawa anasadikisha kila alipojibiwa, swala
lilikuwa moja zito sana. Lakini aliomba afahamishwe dalili zake tu baada
ya kujibiwa kua “Hakuwa mwenye kuulizwa kwacho ( hicho kiyama)
mwenye kujua kuliko muulizaji”. Bwana Mtume SAW alielezea dalili
zake tu, nazo zilikuwa kama hivi:
i. Mjakazi ( Amati – pia ni jam-u ya umma) yaani: mama.
ii. Utaona wenda miguu chini na uchi, wachunga
mbuzi (cowboys) wakipitana kwa majumba marefu marefu
(Zama ambapo sky scrappers za USA hazikuwepo).
iii. Wanawake wanapokosa haya na kuota mikia.
iv. Qur an itapodharauliwa na kudhalilika.
Bwana Mtume SAW aliendelea mno kuelezea watu juu ya dalili za kiyama baadae
kiasi cha kujenga picha kama hii:
v. Mbali itapokuwa karibu. - ( Ibara hii inadhihirisha umuhimu
wa usafiri kwa vyombo viendavyo mbio kuliko ngamia na
farasi - Kwani wakati farasi anakimbia mfano wa masafa ya
maili sitini kwa saa, roketi itafunika masafa yenye maili
ishirini na tano elfu kwa muda huo huo), na mara mbili ya
roketi, challenger inakwenda maili hamsini elfu katika saa
moja.
vi. Chuma kitapotamka.- ( Mfano wa redio, simu na Telex ambazo
hazikuwepo katika zama zile ).
vii. Mtu mweusi kutawala – ( labda katika zama zile mtawala
mweusi alikuwa ni Mfalme Nagash wa Ethiopia, na katika karne
ya kumi na tisa dunia imejaa watawala weusi, aliyajuaje Bwana
Mtume Muhammad SAW haya?).
18

TUKIO LA KIYAMA:
Tofauti kati ya mwislamu na kafiri ni kuamini mambo ya ghayb ( fact
in exisence) mwislamu ni lazima aamini kiyama kuwa kitakuja bila
shaka yeyote (without any doubt) lau sio lazima kujua kuja kwake.
Qur an Naziat 79:42-44
“Wanakuuliza kiyama kutokea kwake
kutakua lini?. Uko wapi na kuweza
kutaja (wakati wa kuja kiyama ). Mwisho
(wa ujuzi ) wake uko kwa Mola wako.”
Mnyezi Mungu anamweleza Mtume wake Nabii Muhammad
SAW kwa kawli ya wazi wazi kua kipo, hicho kiyama, lakini wale tu
wanaokiogopa ambao watakumbushika, wengine laa !. Na katika dalili
za wazi wazi ambazo ni muhimu kuzijua kwa jicho la mazingatio ya
hali ya juu kabisa ni hizi:
1. Kudhihiri Mahdi
2. Kutokea kwa Dajjaal (Atazaliwa akiwa na jicho moja
kama walivyokuwa kawmu NISA. (Amerika katika noti
yao ya dola 100 ambapo inaonyesha picha ya jicho moja,
utadhani walipata habari zake).
Huyo mlaghai mkubwa jitu moja lenye fitna kubwa kabisa,
ambaye atadai uungu kama alivyodai Firauni wa zama za Nabii Mussa
AS, na tofauti ya muda wa Firauni miaka mia nne, Dajjaal atadumu
duniani kwa muda wa siku arubaini ambazo ni tofauti na siku ya
kawaida. Siku kumi za mwanzo kila siku moja itakuwa kama mwaka
(kwa hiyo ni miaka kumi) siku kumi za pili kila siku moja kama mwezi.
Siku kumi za tatu kila siku yake ni kama wiki moja Na siku kumi za
mwisho kila siku ni kama siku ya kawaida.
Kwa hiyo, siku kumi za mwanzo ni kama miaka kumi. Kumi la pili ni kama
miezi kumi. Kumi la tatu ni siku sabini, ( yaani miezi miwili na siku kumi). Na kumi la
nne ni siku kumi. Jumla ni miaka kumi na mbili na siku ishirini.
19

Dajjaal ataingia kila nchi duniani kudanganya na kufitinisha watu.
Ulaghai atoutumia kama vile kumfufua aliekufa siku nyingi na kuleta
mvua na kuotesha mazao mashambani utavutia watu mno kiasi cha
kumwamini kuwa mungu. Yeye atakuwa na pepo na moto. Wataomkubali
atawatia ndani ya pepo yake, wataomkataa atawatia motoni. Lakini ukweli
wa mambo ni kinyume nyume. Watoingizwa peponi ndiyo watoingia
motoni, na wale watoingia motoni ndiyo watoingia pepo ya Mnyezi
Mungu wa kweli. Nchi pekee ambazo hataingia Dajjaal ni Makka na
Madina.
3. Kuteremka seyyidna Isa AS. (Ambaye
atakuja kumpiga vita na kumuondoa (huyo
Dajjaal). Baadaye ataishi siyo kama Mtume, bali
kama mja mwema aliye mchaji ). – Ataoa ataishi
miaka arubaini atakufa, na Madina katika Rawdha
karibu ya Bwana Mtume SAW ndipo atazikwa.
4. Kutokea Juju wa Majuju. (Ambao Dhyl Qarneyn)
aliyewafungia ndani ya ukuta fulani tangu siku hizo hadi leo
hii bila shaka.
5. Kutokea kwa Dabba. (Mnyama wa ajabu ). Mnyama huyu
atawasemeza watu yale ambayo wanakataa kuyakinisha.
Hakika hii .inafahamishwa kwetu na Qur an ya Mnyezi
Mungu; kwa kila mtu kujipatia mwangaza wa mbele kabla
kuwadia wakati wake ambao kutokea karne hii ya ishirini na
moja sio mbali tena.
Tunaanza kuzoeshwa kumzowea mnyama huyo kabla ya kufika
kwake ili tu, tusifikie mshtuko ambao unaweza kuitoa roho ya mtu mbichi
mbichi. Mfano wa “Mapi show” Unajihusisha vizuri sana.
Mnyama huyo atakuwa na mwendo mkali mno, hatakikosa
atakachokifukuza wala hakitampata kitachomfukuza. Ataandika usoni
mwa muumini: “huyu ni mtu wa peponi”. Na uso wa mtu huyo utang`aa
sana. Na katika uso wa mtu wa motoni ataandika: “huyu ni ka fir” na uso
wake utapiga weusi. Na leo praktizi za kujitia weusi zimeanza hali ya
kuwa huyo Dabba wenyewe hajaja. Dabba atakuwa miungoni mwa dalili
za mwisho tena.
6. Kuchomoza jua magharibi ya ardhi:
Hii ni ishara ya wazi wazi yenye kuogofya ( kuogopesha)
mno – Allahu Akbar. Bila ya shaka ionekanapo hitilafu
katika maumbile bin adam hushangaa,
20

hushtuka na pengine humiliki hali fulani akataka afanze
ambalo uwezo wake ungeruhusu.
Viumbe vyote vimezoea kuona jua likichomoza toka mashariki ya
dunia kwenda magharibi. Lakini siku hiyo litachomoza toka magharibi
na kuja zake hadi katikati ( kama inavyokuwa saa sita, saa za kulingana
kinvuli ), na litarudi huko huko maghribi.
7. Utapodhihiri moshi: Moshi uliokusudiwa hapa ni ambao
utaenea dunia nzima. Moshi huu utakuwepo duniani muda wa
siku arubaini. Moshi utakuwa ukitoka puani, machoni na
kwenye duburi ( tupu ya nyuma ) ya kila kafir mpaka
ataonekana kama mlevi.
Hali hii ya kuonekana watu walevi na hali hawakunywa pombe,
bali ni adhabu ya Mnyezi Mungu ni kali. Imetajwa ndani ya Qur an
ikiashiria juu ya dalili za kiama vile zitavyojionyesha. Taathira ya
moshi kwa muumini itakuwa kama mafua mafua tu hivi. –
Hizi ni miungoni mwa taabira ( prophecies ) alizozielezea Bwana
Mtume SAW. Na kila mtu ni muhimu azijue mapema na kuwafundisha
watoto wake.
8. Kuharibika Al Kaaba: Baada ya kufa nabii Isa AS. Na
kuzikwa Madina, Al kaaba itaharibika juu ya mikono ya
Habash.
Katika karne ya saba wakati wa uzawa wa Bwana Mtume SAW
Al kaaba ilitaka kuharibiwa na Abraha – Ambaye alikuwa mfalme
muhabesh aliyeweka jeshi lake Yemen. Mnyezi Mungu alituma jeshi la
ndege -Ababiil - wakiwa na vijiwe midomoni idadi ya jeshi zima la
Abraha, wakawa kama majani yaliyotafunwa na kisha yakatemwa.
Baada ya tukio hilo hakuna nchi yeyote duniani iliyojasiri kutaka
kuihujumu nyumba ya Mnyezi Mungu mpaka hii leo. Lakini
ipo kawli toka kwa Bwana Mtume SAW kuwa katika akheriz zaman
madola makubwa ya dunia yatapata kishawishi kutaka kuihujumu
lakini Mnyezi Mungu atawateremshia mabalaa mjini mwao washindwe
kujitambua nafsi zao. Hakika ya Al kaaba inabaki kuwa ni nyumba ya
Mnyezi Mungu ambayo iliyojengwa na Seyyidna Ibrahim ASW.
akisaidiana na mwanawe Seyyidna Ismail AS. Na ni pahala pa amani
siku zote, na hilo limetimia tangu wakati wa seyyidna Ibrahim ASW
mpaka leo, si chini ya miaka elfu sita iliyokwishapita.
21

9. Kunyanyuliwa Qur an: Qur an ndiyo kitabu cha mwisho
kwa wanaadam duniani, na kiliteremshwa kwa Bwana
Mtume Muhammad SAW katika karne ya saba, wakati
dunia ilikuwa imezama katika ujaahili. Ikiitwa “Dark age”.
Bwana Mtume ndiyo Mtume wa mwisho aliyeteremkiwa na roho
mtakatifu (The holy ghost ) naye hakuwa msomi wala kuandika hakuwa
anajua. Hakika hiyo ilikuwa hoja kubwa na yenye nguvu kweli. Lakini
haikusaidia kuwafanya wapinzani wa uislamu wajizuie kumtuhumu kuwa
ameiandika yeye. Ajabu ni kwamba wenye ilmu hata wakikusanyika
pamoja kuandika mfano wake wasingeweza na wala hawataweza
Pambano liko wazi kama watapatikana wa kuandika wajitokeze.
Wengine wamemsingizia kuwa Bwana Mtume SAW alijitangazia
utume yeye mwenyewe. Kwa wenye kujua vipi mitume
inavyotayarishwa, madai kama haya hayawapi taabu kwa vile
yaliyodaiwa na majaahili waliorubuniwa na mabwana zao watafanya
nini?. Miungoni mwa kawli zake Bwana Mtume SAW kuhusu mfano
kama huo uliobeba kichwa cha maneno, ni ule wenye kuelezea kuwa:
“Zitakuja zama hautabaki uislamu illa jina
lake tu, na haitabaki Qur an illa maandishi
yake tu ( Rasmuhu )”.
Usemi huo unaonyesha kuwa zama hizo ( na huenda zimeshafika )
watu hawatajishughulisha na kusoma Qur an, kwa hiyo Qur an itafanana
na nyumba iliyohamwa - lakini kunyanyuliwa Qur an ni yenye uzito
tofauti kabisa, kwani hata vifuani haitakuwepo na katika kurudi watu wa
ardhini kuwa makafiri hiyo ndiyo hatari zaidi. Mfano wa kuidharau Qur
an mpaka kufikia wazee kuwashughulikia mno watoto wao kwa masomo
ya kizungu kuliko Qur an ambayo ni rahisi mno, ni moja miungoni mwa
dalili za wazi ambazo zinatuonyesha wapi tunakwenda!.
Pia kupuuza sala kwa nyudhuru za nguo chafu na kila siku
tunazifua kwa masabuni chungu mbovu. Vipi Bwana Mtume SAW
asemee juu ya sala kuwa ndiyo nguzo kuu ya uislamu, kwa hivyo
mwenye kuisimamisha (Iqamu swalat ), basi amesimamisha dini
(Uislamu ), na mwenye kuitupa akaipuuza, basi ameivunja dini. - Halafu
mtu ajifanze hamnazo na kwa makusudi aiche hiyo sala?. Basi kama
imedaiwa kuwa watu wa ardhini watarudi kuwa makafiri, basi, ni wazi
kuwa zoezi lake limeshatwaa nafasi.
22

Amma kwa dalili za kiyama, kila muislamu anajua kwa hiyo siyo
rahisi kuvutiwa na hadithi za dhana dhana na kudanganya watu. Mfano
wa utabiri wa Pop wa 1959 kuwa mwaka 1960 ingekuwa mwisho wa
dunia. Miaka arubaini baadaye utabiri wa Nishel Nostrodamus kwa july
4 na kama hizo. Kiama hakitatokea ila chini ya bendera ya uislam.
Kiama hakitatokea mpaka akosekane katika uso wa ardhi ambaye
anasema: “Allah, Allah"; Lau baadhi ya dalili zimeisha jitokeza,
mfano wa kwenda uchi, wanawake kukosa haya, wanawake kuwa na
mikia, na nundu kama ya ngamia kichwani, mbali kuwa karibu, vyuma
kuzungumza na mtu mweusi kutawala. Lakini hizo tisa bado kuanza
hata moja. Mambo yatakapokuwa tayari, bila shaka yeyote tutaanza
kuzishuhudia moja baada ya moja kama tutakuwepo.
23

NYAKATI ZA MNYEZI MUNGU:
Mnyezi Mungu ndiye aliyeutoa wakati ambao yeye haumuhusu
kitu chochote. Wakati wanasayansi wanaitakidi kuwa ili ufanzike wakati
ni budi kuweko ( vitu vitatu ) Nafasi yaani Volume. Mnyezi mungu
kaenea kila pahala, kwa nafasi haimhusu chochote. Masafa yaani
Distance ( hapa na kule ), Mnyezi Mungu haitaji masafa. Na ili upatikane
wakati vile vile ni lazima kuwepo Kasi yaani Speed, au mwendo, ( bila
ya shaka ni wa kuzunguka). Kwa hoja hii wamehusisha maumbo yaliyoko
mbinguni ambayo yote ni yenye kuzunguka. Mnyezi Mungu haimpasii
jambo hilo hata siku moja. Mnyezi Mungu ameelezea juu ya wakati katika
Qur an: Suratus sajadah 32:5
“Anapitisha mambo yote yaliyo baina ya
mbingu na ardhi, kisha yanapanda kwake
kwa siku moja tu ambayo kipimo chake ni
miaka elfu mnayotumia nyinyi katika
kuhisabu kwenu”.
Katika mfumo huo mwenye akili timamu hatakosa kuona hizi saa
24 zetu ni fupi mno kiasi cha kumaanisha kuwa saa 1 yake ni miaka 41. 16
au miaka 42.4. Tukitizama katika sura ya pili inayoelezea wakati. Tutaona
ndani ya: Quran suratul ma`arij 70:4
“Malaika na roho hupanda kwake katika
siku ambayo muda wake ni miaka elfu
hamsini”.
24

Katika sura hii tunaona kuwa saa moja yake ni sawa na miaka
2083-2088. Mtu mwenye akili timamu hakosi kuona kuwa katika saa
yake hiyo ni kiasi ambacho kinamfikia Nabii Zakari AS, Yunus AS, nk.
Mtu akitafakuri juu ya mtoto wa digi digi aliozaliwa na baada ya saa
moja tu anaenda mbio na mama yake, wakati binadamu labda miaka
miwili na zaidi ndio aje kumudu zoezi hilo, basi ni sawa na kusema:
“Saa moja ya digi digi ni sawa na miaka
miwili ya mwanaadam”.
Ndani ya nyakati mbili hizi mtu yoyote mwenye akili
hatokosa kuona kuwa suala la: “kupitwa na wakati”, kama
ilivyozoeleka mno kwa vijana wa leo, ni kama upumbavu
mtupu. Msemo huu unawaandama masikini wa kutafakari
katika jamii.
Katika wakati wa kwanza na wa pili walioudiriki ni Seyyidna
Adam ASW na Mama Hawwa AS. Katika wanaadamu. Na pia
wamediriki huu wakati wetu wa masaa 24. Wakaishi hadi miaka 1001
(elfu moja na moja ) hapa duniani.
Wanasayansi waliochunguza na wakakubaliana kuwa ndiyo
hakika kwamba mwanga wa jua unatembea miaka 186 elfu kwa sekunde
moja, nyota aina ya GALAXY katika muda huo huo inakwenda kiasi
cha maili 105 ya mwanga, ambapo kila mwaka wake mmoja ni sawa na
miaka Trillion sita (6, 000,000,000,000,000,000 ). Suala la kupitwa na
wakati hapa ni la kipumbavu kabisa.
Mfano wa Betilquise ( Beyt jawzaa ), nyota moja
kubwa mno, imethibitishwa kielimu ( Science ). Mwanga
wa jua kwa spidi yake ya 186,000 maili kwa sekunde,
itakuwa kiasi cha miaka 32 elfu kufikia mara moja na si tena
illa baada ya miaka elfu 32 mingine. Na papo zipo nyakati
ambazo haziwezi kuingia ndani ya akili ya mtu. Dakika
moja ni sawa na miaka mia tano ya anga.
Na upo huo wakati wa milele ambao ndani ya akili
ya mtu haufikirikiki kabisa. Mnyezi Mungu ndiye anayejua
– Wallahu ya`alam bi swa waah.
WABILLAHIT TAWFEEQ.
25

Al habib Al Faqeer Ahmad Sheikh Mohamed Sheikh Msiha,
amezaliwa Singida mkoa wa Dodoma, mwaka 1938. Amepata elimu ya
sekula Unguja na amebahatika kupata elimu ya juu katika chuo maarufu
Afrika ya Mashariki Makerere Uganda.
Elimu yake ya Dini ameipata hapo hapo Unguja toka kwa Masheikh
mbali mbali, baadhi yao ni:
Sheikh Sleiman Alwi (Muhib Rasul) (Al Marhum).
Sheikh Seyyid Mansab.
Maalim Himid (Al marhum).
Maalim Hemed Muhamed El Buhry.
Sheikh Seyyid Qamus.
Sheikh Muawwiya Ibn Abdul Rahman.
Sheikh Ally Muhamed Comorian.
Sheikh Ibrahim Mzee Ahd.
Sheikh Haj Mzee Ahmad Msiha.
Amma Elimu ya Nafsi na Roho Amepata Ijaza yake toka kwa A`limu
mkubwa Duniani Al Habib Sayyid Omar Bin Abdallah (Mwinyi
Baraka).
Sheikh Ahmad amewahi kufanya kazi katika jeshi la Polisi
Tanzania Bara katika mikoa mbali mbali mpaka alipostahafu.
Katika umri wake wote Sheikh Ahmad alijahid katika kuendeleza
Uislamu kwa kusomesha na kuandika vitabu vya mada na maudhui
mbali mbali katika Uislamu. Pia alianzisha Majaalis Sehemu mbali
ambazo ziko mpaka leo, Mtaa wa Pemba, Sinza, Bungoni, kijito nyama,
Sadani (Ilala) na Kibaha (Misugusugu) ambapo ndipo ilipo Dhwarihi
yake (alipozikwa).
Sheikh Ahmad ametwawafu 27. 8. 2001. ( Mwezi 7 jumadda thany
1421 H.R.). Akiwa na umri wa miaka 63, vile vile alivyokuwa akiomba
aishi umri ule ule alioshi kipenzi chake Bwana Mtume Muhammad
SAW.
Insha Allah Mnyezi Mungu amjaze kheri na alitie Nuru kaburi lake
(Amin).
Majaalis El Ulaa El Qadiriyya,
Sinza Dar es Salam.