Read - Al-Faqeer

Lagha-b-masim-ba Law (Ingekuwa hawajafariki vichaka
wasingepata visindika). Wal-ud fi ardhiha Naw-un minal hatwab
(Na udi pahali pake ni namna tu ya mti katika miti na ukiondoka
pale ndo unatiwa ndani ya moto unatoa harufu nzuri). Watu
wakihimizwa sana kusafiri lakini safari haijaachwa kua taabu “Qitatun
minal adhab” yuko mtu mmoja anasema:-
“Balil Adha-b qit-a minals safar”
“Bali adhabu ni sehemu ya safari”
Na zamani ilikua raha yake kubwa ya safari mnafwatana
mnakua ndugu wamoja, kitu kimoja, mnasaidiana mnashirikiana
mnaona raha katika safari, mnokofika mnapokewa kwa wema, sasa
watu wote kila mmoja kashughulika na lake. Hilo ni moja katika
pahala pamoja tulipowekwa.
Sasa tulipokua huko New York tuliwekwa nyumba inaitwa
„International House‟. Siku moja nimekaa nje pale ninamuona
Mmarekani mmoja kaingia na karatasi anadhania “Islam and
Religion” (Islam na Dini) nikasema huyu amedhania Uislamu si
Dini? nitajaribu kiasi nnachoweza kumfahamisha kua Uislam ni
dini; tena ni dini kuliko dini nyingine zozote bali mbele ya Mnyezi
Mungu hapana inayoweza kuitwa dini illa Uislamu.
“Innad-Deena Indallahil Islam”
“Hakika dini kwa Mnyezi Mungu ni Uislamu)”.
Qur an: 3:19.
Si kwa kua tunaambiwa na Qur an tu, lakini mafundisho yake na
namna zake na maisha yake inaonyesha dini ya kweli, na kwa
Mnyezi Mungu ni Uislamu.
Basi nikaanza nnaingia ninamfahamisha tukenda mpaka
njiani akaniambia: “Basi, basi, mimi ni Muislamu mwenzako, hii
khutba nnakwenda kuitoa YMCA, na namna ulivonieleza, wewe,
naona wewe utaeleza vizuri kuliko ntavoelezea mimi kwa hivo
wewe utakwenda ukaitoe khutba hii na ili nisiikose hukai hapa tena
utakuja kukaa nyumbani”.
Nikamwambia si kitu lakini mimi nimewekwa hapa.
Akawapigia simu walioniweka, yeye yule akataka kujua mie
nimekubali, akanipigia simu akataka kujua Adresi, akapigiwa na
21.