Lista e mallrave me përdorim të dyfishtë - Autoriteti Kontrollit ...

"Kontroll fluturimi parësor" (7) do të thotë stabiliteti i një "avioni" apo kontrolli i manovrave të tij duke
përdorur gjeneratorë të forcës/momentit d.m.th., sipërfaqe kontrolli aerodinamike apo fuqi propulsive me
vektorim.
“Element kryesor" (4) me kuptimin që përdoret në Kategorinë 4, është "element kryesor" kur vlera e tij
zëvendësuese është më e madhe se 35% e vlerës totale të sistemit element i të cilit është. Vlera e elementit është
çmimi i paguar për të nga prodhuesi i sistemit ose nga bashkuesi i sistemit. Vlera totale është çmimi normal
ndërkombëtar i shitjes për palët e pa-raportuara në pikën e prodhimit apo konsolidimit të ngarkesës.
"Prodhim" (GTN NTN tek të gjitha) do të thotë të gjitha fazat e prodhimit, siç janë: konstruksioni,
teknika e prodhimit, fabrikimi, integrimi, montimi, inspektimi, testimi, kontrolli i cilësisë.
"Pajisje prodhimi" (1 9) kompletë instrumentesh, shabllone, pajisje montimi, mandrela, forma për
derdhje, filjera, mekanizma nivelimi si dhe makineri dhe pjesë të tjera përbërëse për to, kufizuar tek ato që janë të
projektuara apo të modifikuara posaçërisht për "krijimin" e një ose më shumë fazave të "prodhimit".
"Mjetet e prodhimit" (9) janë pajisje dhe programe kompjuterike posaçërisht të projektuara dhe të
integruara në instalimet që përdoren për "krijimin" e një ose më shumë fazave të "prodhimit".
"Program" (2 6) do të thotë një sekuencë udhëzimesh për të kryer një proçes në formë të ekzekutueshme
nga një kompjuter elektronik apo të konvertueshme në një formë të tillë.
"Shtypje e impulsit" (6) do të thotë kodimi dhe përpunimi i impulsit të sinjalit të radarit nga një
kohëzgjatje e gjatë në një kohëzgjatje të shkurtër, ndërkohë që ruajnë energji të lartë impulsi.
"Kohëzgjatje e impulsit" (6) është kohëzgjatja e një impulsi "lazer" matur në nivele Gjysëm Intensitet me
Gjerësi të Plotë (FWHI).
″Lazer me impulse″ (6) nënkupton një ″lazer″ që ka një “kohëzgjatje të impulsit″ që është më pak se apo
e barabartë me 0,25 sekonda.
”Kriptografi kuanti” (5) nënkupton një familje (grup) teknikash për përcaktimin e një kyçi të ditur për
“Kriptografi” duke matur vlerat mekanike – kuantike të një sistemi fizik (duke përfshirë këtu ato vlera fizike
shprehimisht të rregulluara nga optika e kuantit, nga teoria e fushës së kuantit apo nga elektrodinamika e kuantit).
"Lazer me ndërrim Q" (6) është një "lazer" në të cilin energjia ruhet në invertimin e dendësisë dhe në
rezonatorin optik dhe më pas lëshohet në impuls.
"Shpejtësia e frekuencës së radarit" (6) do të thotë çfarëdolloj teknike e cila ndryshon në sekuenca gjysëm
të çrregullta frekuencën bartëse të transmetimit impulsiv të radarit, ndërmjet impulseve apo grupeve të impulseve
në sasi të njëjtë apo më të madhe se brezi i frekuencës së impulsit.
"Spektrum i shpërhapur radari" (6) do të thotë çfarëdolloj teknike e cila ndryshon në sekuenca gjysëm të
çrregullta frekuencën bartëse të transmetimit impulsiv të radarit, ndërmjet impulsive apo grupeve të impulseve në
sasi të njëjtë apo më të madhe se brezi i frekuencës së impulsit.
"Gjerësi reale e brezit të frekuencave" (3) për "analizues dinamik sinjalesh" është frekuenca më e gjerë që
mund të paraqesë apo mund të ruajë në memorien masive analizuesi pa shkaktuar ndërprerje të analizimit të hyrjes
së të dhënave. Për analizues me më shumë se një kanal duhet përdorur paraqitja e kanalit që jep "gjerësinë reale e
brezit të frekuencave" më të gjerë.
"Përpunimi real i të dhënave" (2 4 6 7) do të thotë përpunimi i të dhënave me anë të sistemit kompjuterik
që siguron një nivel të caktuar shërbimi, në funksion të burimeve të disponueshme, brenda një kohe të garantuar
përgjigjeje, pavarësisht nga ngarkesa e sistemit, kur stimulohet nga një faktor i jashtëm.
″Përsëritshmëria″ (7) nënkupton afërsinë e përputhjes ndërmjet matjeve të përsëritura të të njëjtit variabël
nën të njëjtat kushte operuese veprimi kur ndryshime në kushtet e periudhave jo-operuese ndodhin ndërmjet
matjeve. (Referimi: IEEE STD 528-2001 (një shmangie standarte sigma)).
I “kërkuar" (GTN 1-9), siç përdoret për "teknologjinë”, i referohet vetëm asaj pjese të "teknologjisë" apo
"programit kompjuterik" e cila është veçanërisht përgjegjëse për të arritur apo zgjeruar nivelet e kontrolluara të
punës, karakteristikave apo funksioneve. Një "teknologji" e tillë e "kërkuar" mund të jetë për disa mallra të
ndryshëm.
"Rezolucion (shpërbërje)" (2) do të thotë shtimi më i vogël i një aparati matës, në instrumentat dixhitale,
biti më i vogël (më i parëndësishëm) (ref. ANSI B-89.1.12).
"Robot" (2 8) do të thotë një mekanizëm i manipulueshëm, i cili mund të jetë me kurs (trajektore) të
vazhduar ose i tipit pikë më pikë, mund të përdorë sensorë, dhe ka të gjitha karakteristikat e mëposhtme:
a) Është shumëfunksional;
b) I aftë për të pozicionuar apo orientuar materiale pjesë, vegla apo mekanizma speciale me anë të
lëvizjeve të ndryshme në hapësirë tre përmasore;
c) Përmban tre ose më shumë sevromekanizma me spira të hapura apo të mbyllura të cilët mund të
përfshijnë motorë me shkallëzim (dhëmbëzim); dhe
d) Ka "programueshmëri ku përdoruesi ka akses" me anë të metodës teach/plyback apo me anë të një
kompjuteri elektronik i cili mund të jetë kontrollues logjik i programueshëm d.m.th., pa ndërhyrje mekanike.