Lista e mallrave me përdorim të dyfishtë - Autoriteti Kontrollit ...

“Denduria e transferimit dixhital” (5) do të thotë denduri totale e bitëve të informacionit që transmetohet
drejtpërdrejt në çfarëdolloj mjedisi.
N.B.: Shih gjithashtu “Denduria e transferimit dixhital total”.
“Shtypje hidraulike me veprim të drejtpërdrejtë” (2) është një proçes shformimi ku përdoret një
kamerdare elastike e mbushur me lëng në kontakt të drejtpërdrejtë me produktin në përpunim.
“Shkalla e shmangies” (xhiroskop) (7) nënkupton përbërësin e rezultatit të xhiroskopit i cili është
funksionalisht i pavarur nga rrotullimi i hyrjes. Ajo shprehet si një shkallëzim këndor. (IEEE STD 528-2001).
“Adaptim dinamik i itinerarit” (5) nënkupton ridrejtimin e vetvetishëm të trafikut, bazuar në llogaritjen
dhe analizimin e kushteve aktuale të rrjetit.
N.B.: Kjo nuk përfshin rastet e vendimeve për itinerarin nga informacione të paracaktuara.
“Analizues sinjalesh dinamikë” (3) nënkupton “analizues sinjalesh” të cilët përdorin teknika dixhitale
transformimi dhe modelesh për të formuar një paraqitje spektri të formës së valës së dhënë Fourier, ku përfshihet
informacion amplitude dhe faze.
N.B.: Shih gjithashtu “analizues sinjalesh”.
“Gramatura efektive” (0, 1) e “materialit të posaçëm të zbërthyeshëm” nënkupton:
a) Peshën e izotopit në gramë, për izotopet e plutoniumit dhe uraniumit – 233;
b) Për uraniumin e pasuruar 1 për qind ose më shumë në izotopin e uraniumit – 235, pesha e elementit në
gramë shumëzuar me katrorin e pasurimit të tij të shprehur me numër dhjetor të peshës;
c) Për uraniumin e pasuruar më pak se 1 përqind në izotopin e uraniumit – 235, pesha e elementit në
gramë shumëzuar me 0.0001.
“Montim (grup) elektronik” (3, 4, 5) nënkupton një numër pjesësh elektronike (psh. ‘elemente qarku’,
‘pjesë të veçuara’, qarqe të integruara, etj) të lidhura me njëra – tjetrën për të kryer një apo disa funksione të
veçanta, të zëvendësueshëm si një e tërë dhe normalisht të çmontueshme.
N.B. 1: ‘Element qarku’: një pjesë funksionale teke, aktive ose pasive, e një qarku elektronik, si psh. një
diodë (gjysmëpërçues), një transistor, një rezistencë, një kondensator, etj.
N.B. 2: ‘Pjesë e veçuar’: një ‘element qarku’ i paketuar veçan me lidhjet e veta të jashtme.
“Antenë rrjetë (skare) e fazuar e drejtuar në mënyrë elektronike” (5, 6) është një antenë e cila formon një
rreze me anë të lidhjes së fazës, do të thotë që drejtimi i rrezes kontrollohet nga koeficientet komplekse të
ngacmimit dhe drejtimi i kësaj rrezeje mund të ndryshohet në azimut apo në lartësi, ose në të dyja duke aplikuar
një sinjal elektrik si në transmetim ashtu edhe në marrje.
“Transmetues fundorë” (2) janë pinca, ‘instrumente për përpunim mekanik aktiv’ dhe instrumenta të tjerë
që vendosen në fund të krahut manipulues të “robotit”.
N.B.: ‘Instrument për përpunim mekanik aktiv’ është një aparaturë (mjet) e cila ushtron fuqi lëvizëse,
enemi apo ndjeshmëri tek produkti i përpunueshëm.
“Dendësi ekuivalente” (6) nënkupton masën e një fibre optike për njësi të zonës optike projektuar në
sipërfaqen optike.
“Sisteme eksperte” (4, 7) janë sisteme që japin rezultate duke zbatuar rregulla mbi të dhëna të ruajtura ta
pavarura nga “programi” dhe janë të afta të kryejnë të mëposhtmet:
a) të modifikojnë vetvetiu “kodin e burimit” të paraqitur nga përdoruesi;
b) të japin njohuri në lidhje më një kategori problemesh në gjuhë gati natyrale; ose
c) të përvetësojnë njohurinë që u duhet për zhvillimin e tyre (trainim simbolik).
“FADEC” nënkupton “kontrollin e plotë dixhital të motorit”.
“Tolerancë defekti” (4) është aftësia e një sistemi kompjuterik, që pas një defekti të pjesëve metalike
(hardware) apo të programeve kompjuterike (software), të vazhdojë të punojë pa ndërhyrjen e njeriut në një nivel
të caktuar që siguron: vazhdimësinë e funksionimit, mosprishjen e të dhënave dhe rikuperimin e tyre brenda një
kohe të caktuar.
Në “Materialet fibroze apo penjëzore” (0, 1, 8) përfshihen:
a) “Monofilamentë” të vazhduar;
b) “Fije” dhe “fitila” të vazhduar;
c) “Shirita”, rrjetëza (copa), rrjetëza të çrregullta dhe kordonë;
d) Fibra të copëzuara, fibra fije dhe batanije me fibra koherente;
e) Kristal në formë fijesh, qoftë monokristalin apo polikristalinë, të çfarëdolloj gjatësie;
f) Masë poliamide aromatike.
“Qark i integruar në formë filmi” (3) nënkupton një rrjetë (skare) ‘elementesh qarku’ dhe ndërlidhje
metalike të formuara nga depozitimi i një filmi të trashë apo të hollë mbi një substrat izolues.
N.B.: ‘Element qarku’ është një pjesë funksionale teke aktive ose pasive e një qarku elektronik si psh
një diodë (gjysmëpërçues), një transistor, një rezistencë, një kondensator, etj.
“I fiksuar” (5) nënkupton që algoritmi i kodimit apo ngjeshjes nuk mund të pranojë parametra që vijnë