Lista e mallrave me përdorim të dyfishtë - Autoriteti Kontrollit ...

N.B.: 'Ngurtësim i shpejtë': ngurtësimi i materialit të shkrirë me shpejtësi ftohjeje mbi 1 000K/s.
"Spektrum i shpërhapur" (5) është një teknikë me anë të së cilës energjia në një kanal komunikimi me
brez frekuence relativisht të ngushtë shpërhapet në një spektrum me energji shumë më të gjerë.
Radar me "Spektrum të shpërhapur" (6) - shih "Spektrum i shpërhapur radari"
"Stabilitet" (7) do të thotë shmangie standarte (1 sigma) e variacionit të një parametri të veçantë nga vlera
e tij e kalibruar e matur në kushte të qëndrueshme temperature. Ky mund të shprehet si funksion i kohës.
"Shtetet (jo) Palë e Konventës së Armëve Kimike" (1) janë ato shtete të cilët Konventa mbi Ndalimin e
Krijimit, Prodhimit, Grumbullimit dhe Përdorimit të Armëve Kimike (nuk) ka hyrë në fuqi. Shih
www.opew.org)
"Substrat" (3) është një fletë materiali bazë me ose pa modele ndërlidhjeje mbi ose brenda të cilës mund
të futen "komponentë të veçuar" ose qarqe të integruar apo të dyja bashkë.
N.B. 1: 'Pjesë e veçuar': një 'element qarku' i paketuar veçant me lidhjet e veta të jashtme.
N.B. 2: 'Element qarku': një pjesë funksionale teke aktive ose pasive e një qarku elektronik, si p.sh. një
diodë (gjysmëpërçues), një tranzistor, një rezistencë, një kondensator etj.
"Boshllëqe substrati" (6) janë përbërje monolitë me përmasa të përshtatshme për prodhimin e elementeve
optikë si pasqyra apo dritare optike.
"Nën-njësi toksine" (1) është një përbërës strukturalisht dhe funksionalisht i veçuar i një "toksine" të
plotë.
"Super-aliazhe" (2 9) janë aliazhe me bazë nikeli, kobalti hekuri me qëndrueshmërinë më të lartë nga të
gjitha aliazhet e serisë AISI 300 në temperaturë mbi 922 K (649°C) nën kushte mjedisi dhe pune shumë të ashpra.
"Tejpërçues" (1 3 6 8) janë materiale si, metalet, aliazhet apo përzierjet, të cilat mund ta humbin të gjithë
rezistencën elektrike, d.m.th., mund të thithin përcjellshmëri elektrike të pafundme dhe të mbartin rryma shumë të
mëdha elektrike pa nxehje të tejskajshme.
N.B.: Gjendja "tejpërçuese" e një materiali karakterizohet individualisht nga një "temperaturë kritike",
një fushë magnetike kritike, që është në funksion të temperaturës dhe densitet rryme kritik i cili është gjithsesi
funksion i fushës magnetike dhe temperaturës.
"Lazer me energji super të lartë" ("SHPL") (6) është një "lazer" i aftë për të shpërndarë energji dalëse (të
tërën apo një pjesë) që e tejkalon 1 kJ brenda 50 ms apo që ka një fuqi mesatare apo energji të valës së vazhduar
(CW) mbi 20 kW.
"Formim superplastik" (1 2) është një proçes deformimi që përdor nxehtësinë për metalet që janë
normalisht të karakterizuar nga vlera të ulëta zgjatimi (elasticiteti) (më pak se 20%) në pikën e stakimit
(ndërprerjes) të përcaktuar në temperaturën e dhomës me anë të testimit klasik të forcës tërheqëse, në mënyrë për
të arritur zgjatime gjatë përpunimit që janë të paktën dyfishi i atyre vlerave.
"Algoritëm simetrik" (5) është një algoritëm kriptografik që përdor një kod identik si për inkriptimin edhe
për dekriptimin.
N.B.: "Algoritmet simetrike" përdoren gjerësisht në konfidencialitetin e të dhënave.
"Regjistrimet e sistemit" (6) do të thotë raporti i përpunuar i bashkuar (bashkimi i të dhënave të radarit
për shënjestrën në planin e pozicionit të fluturimit) i përditësuar i pozicionit fluturues të avionit në dispozicion të
kontrolluesve të Qendrës së Kontrollit Ajror.
"Kompjuter me skare sistolike" (4) është një kompjuter ku rrjedha dhe modifikimi i të dhënave është
dinamikisht i kontrollueshëm nga përdoruesi në nivelin e impulseve logjike.
"Shirit" (1) është një material i ndërtuar me "monofilamente", "kabllo", "rondele", "litarë", ose "filla", etj,
të thurura apo një-drejtimëshe zakonisht të regjur paraprakisht me rrëshirë.
N.B.: 'Kabllo' është një tufë "monofilamentësh" (zakonisht mbi 200) të vendosura pothuaj në mënyrë
paralele.
"Teknologjia" (GTN, NTN, të gjitha) është informacion specifik i nevojshëm për "krijimin", "prodhimin"
ose "përdorimin" e mallrave. Ky informacion merr formën e të dhënave teknike apo 'asistencës teknike'.
N.B.: 1: 'Asistenca teknike' mund të jetë në formën e udhëzimeve, aftësive, trajnimeve, njohurisë për
punën dhe shërbimet këshilluese dhe mund të përfshijë transferimin e "të dhënave teknike".
N.B.: 2: 'Të dhëna teknike' mund të jenë në formën e projekteve (cianografive), planeve, diagrameve,
modeleve, formulave, tabelave, projekte dhe specifikime inxhinierike, manuale dhe udhëzime të shkruara apo të
regjistruara në pajisje si disqe, kaseta apo kujtesë vetëm për lexim.
"Bosht i anueshëm" (2) është një bosht për mbajtjen e instrumentave i cili ndryshon pozicionin këndor të
linjës qendrore gjatë proçesit të përpunimit mekanik, në raport me boshtet e tjerë.
"Konstante e kohës" (6) është koha që duhet nga zbatimi i një stimuli drite për shtimin e tanishëm për të
arritur një vlerë prej 1-1/ e shumëzuar e vlerën përfundimtare (d.m.th., 63% e vlerës përfundimtare).
"Kontrolli i plotë i fluturimit” (7) do të thotë kontroll i automatizuar i gjendjes, ndryshoreve dhe
trajektores së fluturimit të "avionit" për të përmbushur objektivat e misionit që i përgjigjen ndryshimeve të të
dhënave në kohë përsa i përket objektivave, rreziqeve dhe "avionëve" të tjerë.