Lista e mallrave me përdorim të dyfishtë - Autoriteti Kontrollit ...

6A004 Optika
a. Pasqyra optike (reflektues), si më poshtë:
N.B.: për pasqyrat optike të projektuara posaçërisht për pajisje litografie, shih 3B001.
1. "Pasqyra të deformueshme" me sipërfaqe të vazhdueshme ose shumë-elementëshe, dhe pjesë përbërëse
të veçanta, të afta për të ripozicionuar dinamikisht pjesë të sipërfaqes së pasqyrës me frekuencë që i kalon 100 Hz;
2. Pasqyra të lehta monolike me një "dendësi ekuivalente" mesatare më pak se 30 kg/m² dhe masë totale
mbi 10 kg;
3. Pasqyra të lehta "të përziera" ose pasqyra me struktura sfungjerore me një "dendësi ekuivalente" më
pak se 30 kg/m² dhe masë totale mbi 2 kg;
4. Pasqyra për drejtimin e rrezeve me diametër ose gjatësi të aksit kryesor më shumë se 100 mm, që ruan
një sheshtësi lambda/² ose më mirë (lambda është baraz me 633 mm) me një gjerësi brezi frekuence të kontrollit
mbi 100 Hz.
b. Përbërës optik të bërë me selenid zinku (znSe) ose sulfit zinku (znS) me transmision në gjatësi vale
mbi 3 000 nm por jo mbi 25 000 nm dhe me një nga të mëposhtmet;
1) Mbi 100 cm³ volum; ose
2) Mbi 80 mm diametër ose gjatësi e aksit kryesor dhe trashësi 20 mm (thellësi).
c) Përbërës të kualifikuar për hapësirë për sisteme optike, si më poshtë:
1. Peshëlehta me "dendësi ekuivalente" më pak se 20% krahasuar me një pjesë boshe të së njëjtës shtrirje
dhe trashësie;
2. Substrate të papërpunuara, substrate të përpunuara me veshje sipërfaqësore (njështresore ose
shumështresore, metalike ose dielektrike, përcjellëse, gjysmëpërcjellëse ose izoluese) ose me shtresa mbrojtëse;
3. Segmente ose montime pasqyrash të ndërtuara për t'u projektuar në hapësirë në një sistem optik me një
shtrirje mbledhëse ekuivalente ose më e madhe se një optikë e vetme 1 m në diametër;
4. Prodhuar nga materiale "të përbëra" me koefiçient të shpërndarjes termale lineare të barabartë me ose
më pak se 5 x 10-6 në çdo drejtim të bashkërenduar.
d) Pajisje të kontrollit optik, si më poshtë:
1. Të prodhuara për të mbajtur formën e sipërfaqes ose orientimin e elementëve "të kualifikuar për
hapësirë" të përcaktuar në 6A004.c.1. ose 6A004.c.3.;
2. Me breza frekuencash për drejtim, gjurmim, stabilizim ose rezonator me gjerësi baraz me ose më
shumë se 100 Hz dhe saktësi 10 μrad (mikroradian) ose më pak;
3. Varëse instrumentash me:
a) Pjerrtësi maksimale mbi 5°;
b) Brez frekuence 100 Hz ose më tepër;
c) Gabime treguese këndore prej 200 μrad (mikroradianës) ose më pak ; dhe
d) Që ka një nga të mëposhtmet:
1. Që i kalon 0,15 m por jo më tepër 1 m në diametër ose major axis lenhth dhe të aftë për shpejtim
këndor që i kalon 2 rad (radians)/s²; ose
2. Me diametër ose bosht kryesor mbi 1 m dhe të afta për përshpejtime këndore mbi 0,5 rad (radians)/s²;
4. Të ndërtuar veçanërisht për të ruajtur radhitjen në sistemet me rrjete të fazuar ose sistemet reflektuese
të segmentuar të fazuar që përbëhen nga pasqyra me diametër sektori ose gjatësi të boshtit kryesor 1 m ose më
shumë.
e. 'Elemente optike josferike' me të gjitha karakteristikat e mëposhtme:
1. Dimensioni më i madh i shtrirjes optike është më i madh se 400 mm;
2. Ashpërsia e sipërfaqes është më pak se 1 nm (rms) për gjatësi miodelesh të barabartë ose më të madhe
se 1 mm; dhe
3. Koefiçienti i madhësisë absolute të shpërndarjes absolute të shpërndarjes termale lineare është më pak
se 3 x 10-6/K në 25°C.
Shënime Teknike:
1. Një 'element optik josferik' është çdo element që përdoret në një sistem optik sipërfaqja ose sipërfaqet e
imazhit janë projektuar që të largohen nga forma e një sfere ideale.
2. Prodhuesit nuk duhet të masin ashpërsinë e sipërfaqes të renditur në 6A004.e.2. në qoftë se elementi
optik nuk është ndërtuar ose prodhuar me qëllimin për të arritur ose kontrolluar parametrat e kontrollit.
Shënim: 6A004.e. nuk kontrollon elemente optike josferike me një nga karakteristikat e mëposhtme:
a) Përmasa më e madhe e shtrirjes optike më pak se 1 m dhe një raport të gjatësisë fokale më shtrirjen të
barabartë ose më të madhe se 4.5 : 1;
b) Përmasa më e madhe e shtrirjes optike e barabartë ose më e madhe se 1 m dhe një raport i gjatësisë
fokale me shtrirjen i barabartë ose më i madh se 7:1;
c) Të prodhuar si Fresnel, ‘Flyeye – syri fluturues (Shënim i përkthyesit)’, kolonë zanore magnetike,
prizëm ose elemente optike zbërthyese;