Lista e mallrave me përdorim të dyfishtë - Autoriteti Kontrollit ...

Kontrollet mbi transferimin e “teknologjisë” nuk zbatohen për informacionin “në sferën publike” apo për
“kërkimet shkencore bazë”.
Shënim për teknologjinë e përgjithshme (GTN)
(Për tu lexuar në lidhje me seksionin E të Kategorive nga 1 deri në 9)
Eksporti i “teknologjisë” e cila “kërkohet” për “Zhvillimin”, “prodhimin” dhe “përdorimin” e mallrave të
kontrolluara në Kategoritë nga 1 deri në 9, kontrollohet në përputhje me dispozitat e Kategorive nga 1 deri në 9.
“Teknologjia” e cila “kërkohet për “zhvillimin”, “prodhimin” apo “përdorimin” e mallrave nën kontroll
mbetet nën kontroll edhe kur zbatohet për mallrat e pakontrolluar.
Kontrollet nuk zbatohen ndaj asaj “teknologjie” që është minimumi i nevojshëm për vendosjen, vënien në
punë, mirëmbajtjen (kontrollin) dhe riparimin e atyre mallrave të cilat nuk janë kontrolluar apo eksporti i të cilave
është autorizuar.
Kontrollet mbi transferimin e “teknologjisë” nuk zbatohen për informacionin “në sferën publike”, për
“kërkimet shkencore bazë” apo ndaj informacionit minimal të nevojshëm për aplikimet për patenta.
Shënim i përgjithshëm për programet kompjuterike (GSN)
(Ky shënim zëvendëson çfarëdo kontrolli brenda seksionit D të Kategorive nga 0 deri në 9)
Kategoritë nga 0 deri në 9 të kësaj liste nuk kontrollojnë “programet kompjuterike” të cilat janë ose:
a. Përgjithësisht të disponueshëm për publikun duke u:
1. Shitur nga stoqet në pikat e shitjes, pa kufizime, me anë të:
a. transaksioneve të pakuotuara në bursë;
b. porosive me postë;
c. transaksioneve elektronike; apo
d. porosive me telefon; dhe
2. Përcaktuar për tu instaluar nga vetë përdoruesi po ndonjë ndihmë të mëtejshme themelore nga furnitori;
ose
N.B.: Pika a. e Shënimit të Përgjithshëm për Programet Kompjuterike nuk çliron nga detyrimi
“programin kompjuterik” të për në Kategorinë 5 – Pjesa 2 (“Siguria e Informacionit”).
b. “Në sferën publike”.
Praktika të botimit
Në përputhje me rregullat e përcaktuara në paragrafin 101 në faqen 86 të Udhërrëfyesit Stilistik
Ndërinstitucional (botimi i vitit 1997), për tekstet në anglisht i publikuar në Fletoren Zyrtare të Komuniteteve
Europiane:
- një presje do të përdoret për të ndarë numrin e plotë nga të dhjetat,
- numrat e plotë paraqiten në shifra treshe, ku secila treshe ndahet nga një hapësirë e hollë.
Përkufizime të termave të përdorura në këtë Shtojcë
Përkufizimet e termave ndërmjet ‘thonjëzave njëshe’ janë dhënë në Shënimin Teknik për artikullin
përkatës.
Përkufizimet e termave ndërmjet “thonjëzave dyshe” janë si më poshtë:
N.B.: Referimet e kategorive jepen në kllapa pas termit të përkufizuar.
“Preçizioni” (2, 6) zakonisht i matur në funksion të pasaktësisë, nënkupton shmangien maksimale,
pozitive apo negative, të një vlere të caktuar nga një standart i pranuar apo nga një vlerë e vërtetë.
“Sisteme aktivë të kontrollit ajror” (7) janë sisteme që funksionojnë për të parandaluar lëvizje apo
ngarkesa strukturore të padëshiruara të “avionëve” dhe predhave duke përpunuar në mënyrë të pavarur
informacionet nga disa detektorë dhe që pastaj japin komandat e nevojshme parandaluese për të vënë në veprim
kontrollin automatik.
“Piksel aktiv” (6, 8) është një element minimal (tek) i një rrjeti në gjendje të ngurtë e cila ka funksion
transferimi fotoelektrik kur ekspozohet ndaj rrezatimit të dritës (elektromagnetik).
“Përshtatur për përdorim në luftë” (1) nënkupton çfarëdolloj modifikimi apo përzgjedhjeje (si ndryshim i
pastërtisë, i afatit të aftësisë për punë gjatë periudhës së ruajtjes, i virulencës, karakteristikat e përhapjes apo
rezistenca ndaj rrezatimit ultravjollcë) të projektuara për të rritur efektivitetin për viktima në njerëz apo kafshë,
shkatërrimin e pajisjeve ose dëmtimin e kulturave dhe mjedisit.
“Performanca kulmore e rregulluar” (4) është një shkallë e rregulluar kulmore në të cilën “kompjuterët
dixhitalë” punojnë me një normë kaluese shtimi apo shumëfishimi 64 bit ose më të madhe dhe shprehet (matet)
me ‘TeraFLOPS të peshuara’ (WT) me njësi prej 1012 operacionesh të pikës kaluese të rregulluar për sekondë.