You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
2<br />
№<br />
49 (<strong>25664</strong>)<br />
2018-тӥ ар 3-тӥ пӧсьтолэзь<br />
КИБАШЛЫОС<br />
Киужъёс<br />
АДӞЫТОН<br />
Зарнилэсь но дуно<br />
Ангелина СНИГИРЁВА<br />
Сьӧлта ёросысь Киужъёсъя<br />
центрын<br />
114 пумо пӧртэм<br />
ӵушконъёс радэн ошылэмын<br />
- отын али соослы<br />
сӥзем нимысьтыз<br />
адӟытон мынэ.<br />
Татын люкамын 9 муниципал<br />
кылдытэтъёсысь<br />
ӵушконъёс: туала вакытэ но<br />
кылем дауре куэм-пужыятэмъёсыз,<br />
18-тӥ даурлэн пумаз<br />
быдэстэмъёсыз.<br />
- Удмуртъёслэн улоназы<br />
ӵушкон бадӟым инты<br />
басьтылӥз, - вера Киужъёсъя<br />
юртысь пужыосъя методист<br />
Татьяна Пчельникова. - Со<br />
вылэ вордӥськем нылпиез<br />
кутылӥзы, ӵушконъёс<br />
утиськылӥзы нылашлэн бызьыны<br />
дасям сандыказ, соосты<br />
кутылӥзы кулэм муртэ<br />
берпуметӥ сюресэ келян<br />
дыръя но. Соин нылкышноос<br />
ӵушконэз чеберъянлы нимысьтыз<br />
саклык висъяллязы.<br />
Учке ай, сьӧлтаос кыӵе<br />
усточиос вылӥллям, ужъёссы<br />
макем чебересь, туж<br />
ӝикыт лэсьтэмын, мыш<br />
ласянь но кыӵе вольытэсь.<br />
Песянайёсмы нокыӵе чеберлыкъя<br />
школаосыз быдтэмын<br />
ӧй вал ук, куд-огез<br />
школаын но рос-прос дышетскымтэ,<br />
но ужъёссы,<br />
вашкала сям-йылолъёсты<br />
утьыса, удмуртъёслэсь<br />
улон шоры учконзэс чакласа,<br />
лэсьтэмын. Кылсярысь,<br />
ваньмыз ӵушконъёс<br />
3 лыдпусэн герӟаськемын:<br />
3 одӥг кадь суред пуктэ-<br />
Туспуктӥз Ангелина СНИГИРЁВА<br />
мын яке пужыос 3 гож кылдыто,<br />
яке гожъёс огъя суредэз<br />
3-лы люко. Со возьматэ<br />
удмуртъёслэн осконысьтызы<br />
вылӥ, шор но улӥ дуннеосты.<br />
Ваньмаз ужъёсын<br />
пужыос улонлэсь пумтэм<br />
луэмзэ возьматӥсь пус<br />
кылдыто. Угось удмуртъёс<br />
оско, кулэм бере но улон<br />
вань шуыса.<br />
Вань ужъёс сярысь туж<br />
трос вераны луэ. Но нимысьтыз<br />
дугдысал 2-ез вылэ.<br />
Одӥгез - бызён ӵушкон. Со<br />
1870-тӥ аръёсы лэсьтэмын.<br />
Отын 3 оградэ пуктэм пужыос<br />
бордысь висъяськись<br />
люкетэз вань - со, малпасько,<br />
возьматэ мукет семьяе<br />
выжись нылмуртэз. Дураз<br />
сьӧд лента но чильпам вуремын<br />
на. Экскурсие лыктэм<br />
нылпиослэсь юасько ке,<br />
Сьӧлта ёросысь Киужъёсъя юртысь<br />
методист Т. Пчельникова<br />
вашкала ӵушконъёсын тодматэ.<br />
малы шулдыръяськонлы<br />
сӥзем ӵушконын сьӧд буёл<br />
вань, соос мар вераны шугъясько.<br />
Удмуртъёс озьы кулэм<br />
ӵыжы-выжыоссэс гажамзэс<br />
возьмато, шуисько.<br />
Нош мукетыз ӵушкон<br />
дунъяны луонтэм, шуысал.<br />
Куке сое татчы<br />
вуттӥзы, мынам сыӵе<br />
мылкыды ӝутӥськиз, машина<br />
кузьмазы кадь. Со<br />
Кыргуртын утиськемын.<br />
Ӵушкон 3 пӧртэм амалъёсын<br />
пӧрмытэмын - куэмын,<br />
чильпамын, пужыятэмын.<br />
Татын сокем векчи но<br />
аспӧртэмлыко пужы пуктэмын<br />
- та дырозь ӧм на валалэ:<br />
оло со пунэмын, оло курикен<br />
чильпамын.<br />
АС КИЫН - КУЗЬЫМ<br />
Пеймытын ӝуась флешка<br />
Татьяна ВЕКШИНА<br />
Туала вакытэ ас киын но мылкыдын лэсьтэм<br />
кузьым зол дунъяське. Дэмласько тӥледлы<br />
пӧрмытыны пулэсь флешка но сое возён шыкыс.<br />
Тазьы тӥ выль «дӥсь» лэсьтыны быгатоды<br />
тӥяськем выло флешкаостылы но.<br />
Кулэ: флешка, беризь пум, 2 пичи ӟиры, 4 пичи магнит,<br />
морилка, лак, пеймытын ӝуась краска.<br />
Мугорыз<br />
Тӥяськем выло флешкае ӧй вал бере, магазинысь басьтӥ<br />
выльзэ. Вылзэ куштӥ, кылиз на флешкалэн пушкыз гинэ.<br />
Солэсь быдӟалазэ ик чакласа, беризь пул мертай но вандӥ<br />
- со мынам кузьдалаезъя 4 но ӝыны сантиметр, пасьталаезъя<br />
2 сантиметр, ӝуждалаезъя 1 но ӝыны сантиметр луиз.<br />
Прямоугольной пулэз валлин (кузьдалаезъя) шори люкыса,<br />
котькуд палаз гопчиськи - ваче карыса, пушказ флешкалэн<br />
пуштӥрлыкез мед тэроз. Табере флешкалэсь мугорзэ ляконо.<br />
Таӵе амалэн ик лэсьтӥ кыр пытсэтсэ но - кузьдалаезъя но<br />
пасьталаезъя 2 сантиметр луиз. Табере шлифовать карись<br />
станокен флешкалэсь мугорзэ волятоно - потоз-а тӥляд сое<br />
сэрего ик кельтэмды, яке дуръёссэ волятэмды, асьтэос тододы<br />
ни. Мон кари овал порма. Пӧрмытэмме нырысь зӧк, собере<br />
векчи шкуркаен волятӥ. Морилкаен буяй, мед чилялоз<br />
шуыса, вылтӥз лакен ортчи на.<br />
Табере вылаз пужы лэсьтомы, мон бырйи пеймытын<br />
ӝуась краска. Со магазинын вузаське. Ачим суредаськыны<br />
чебер уг быгатӥськы бере, шедьтӥ кельшись трафарет, со<br />
пыр ик флешка вылэ пеймытын ӝуась краскаен суред пуктӥ.<br />
Шыкысэз<br />
Таиз понна бадӟымгес беризь пул кутӥ - кузьдалаезъя 9 но<br />
ӝыны сантиметр, пасьталаезъя 4 сантиметр, ӝуждалаезъя<br />
2 сантиметр луиз. Пуэз нош ик валлин шори люки - озьы<br />
шыкыслэн вылыз но улыз пӧрмизы. Котькуд люкетлэсь<br />
шорзэ гопчоно, ворсаса отчы дась флешкады мед тэроз шуыса.<br />
Шыкыслэсь улзэ-вылзэ ваче 2 пичи ӟирыосын кутоно. Со<br />
понна, нырысь кулэ интыоссэ гопчыса, ӟирыослы кар лэсьтоно.<br />
Шыкыс ас понназ медаз усьтӥськылы шуыса, вылаз но,<br />
улаз но магнит интыяно.<br />
Табере шыкыстэс шлифовать кароно, бӧрысь волятоно<br />
шкуркаен, буяно морилкаен но лакен. Вылаз трафарет пыр<br />
ик пуктоно пеймытын ӝуась краскаен суред.<br />
СИНМАСЬКЫМОН<br />
Чильпаськыны дышиз Венгриын<br />
Любовь МИХАЙЛОВА<br />
Марина Федосеева -<br />
киужлы усточи, веньёсыз<br />
котькыӵе шортлэсь<br />
мар ке но чеберзэ,<br />
мусозэ, небытсэ<br />
пӧрмыто.<br />
Марина вордӥськемын<br />
Пичи Пурга ёросысь Шор<br />
Кечол гуртын. Али улэ Ижкарын.<br />
Марина тэк пукыны<br />
уг быгаты. Пичи гинэ ваньмон<br />
дырыз луэ ке, соку ик<br />
киуж борды басьтӥське.<br />
Чильпаськыны со дышем<br />
Венгриын. Удмурт кун университетын<br />
дышетскыкуз,<br />
ӝыны арзэ отын стажировка<br />
ортчем. Общежитиын ӵош<br />
улон эшез ялан киужен, пе,<br />
выре вал. Солэсь гочаса, Марина,<br />
Интернет пыр видеоосты<br />
учкыса, чильпаськыны<br />
дышетскем. Нырысь кироснылызлы<br />
сарафан чильпам.<br />
Ижысь М. Федосеева киужез<br />
гажа.<br />
Бӧрысь Индонезиысь эшезлы<br />
шарф кузьмам. Озьы<br />
огез бере мукет эшшо но секытгес<br />
схемаосъя арбериос<br />
пӧрмытъяны кутскем.<br />
Марина бадӟым семьяын<br />
вордӥськемын. 5-тӥ ныл<br />
бере, воргорон ужез но вала.<br />
Атаезлы гид пуктыны но<br />
юрттэ, мотикез но рос-прос<br />
нуллэ.<br />
Апайёсызлэн нылпиоссы<br />
будо ини бере, кузьымъёс<br />
трос кулэ луо. Мариналэн<br />
небыт шобыръёсыз, изьыосыз,<br />
пӧзьёсыз, дэремъёсыз<br />
огезлэсь мукетыз чебересь.<br />
Тужгес синмаськымонэсь<br />
шудонъёсыз: обезьянъёс,<br />
лудкечъёс, пуныос но мукет.<br />
Соосты нимысьтыз плюшевой<br />
шортэн чильпа, озьы<br />
шудонъёсыз магазинысь<br />
кадь ик небыт-небытэсь, пе,<br />
пӧрмо.<br />
Туспуктӥз Татьяна ВЕКШИНА<br />
Флешка но солэн шыкысэз.
Change language