Create successful ePaper yourself
Turn your PDF publications into a flip-book with our unique Google optimized e-Paper software.
№ 51 (<strong>25666</strong>)<br />
4 2018-тӥ ар 10-тӥ пӧсьтолэзь Ãåðä<br />
Туспуктӥз Владимир КОНДРАТЬЕВ<br />
«ЭРУ»<br />
Сюлэм потыны<br />
дась вал!<br />
Мария ЕМЕЛЬЯНОВА<br />
«Шунды» огазеяськонлэн<br />
быдэ вуонлы<br />
сӥзем «Эру» шулдыръяськонэз<br />
егитъёсты<br />
люказ Шарканэ. Дышем<br />
сямен сое Мувыр-<br />
Вишур гуртысь клуб<br />
радъяз.<br />
Туэ «Эру» выльдӥськиз.<br />
Нырысь ик, со 2 нунал ӵоже<br />
ортчиз. Соин ик, вожвылъяськыны<br />
сяна, егитъёслэн<br />
умойгес тодматскыны, эшъяськыны<br />
луонлыксы кылдӥз.<br />
- Милемлы дэмлазы шулдыръяськонмес<br />
Тол бабайлэн<br />
резиденцияз радъяны,<br />
- шуэ Мувыр-Вишур гуртысь<br />
лулчебертъя юртэн<br />
кивалтӥсь Ольга Широбокова,<br />
- татчыозь гуртамы ортчытъямы,<br />
малпамы, оло,<br />
егитъёслы мӧзмыт ни котькуд<br />
ар одӥг интые ветлыны,<br />
соин соглаш луимы Шарканэ<br />
потыны.<br />
Тол бабай дӥньын удмурт<br />
сямъя калыкез кырӟанъёсын,<br />
шудонъёсын пумитазы.<br />
Тани кузёос Татарстанысь<br />
Варклед-Бӧдьяысь вуэм командаез<br />
котыртӥзы. Ойдолэ,<br />
пе, эскеромы, яратон<br />
яке вормон дуре тӥ туннэ<br />
вуиды. Калык азе пияшез<br />
поттӥзы, синъёссэ кышетэн<br />
думылӥзы. Эшъёсыз сое пумен<br />
котыртӥзы, крезьгуръя<br />
эктыны кутскизы. Нош табере,<br />
пе, пияш, вамышты кин<br />
ке доры, ныл сюриз ке - яратон<br />
шедьтод, пи ке - вормон.<br />
Озьы бергазы но, валамон<br />
луиз: варклед-бӧдьяос вормон<br />
дуре лыктӥллям. Радъясьёс<br />
серекъяло: «Туннэ нокин,<br />
лэся, яратон утчаны ӧвӧл<br />
вуэм, ваньзы вормыны дасяськемынэсь».<br />
Озьыен, туннэ<br />
зол ӵошатскон пӧрмоз.<br />
Инты воштӥськиз ке но,<br />
ӵошатсконъёс азьло аръёслэсь<br />
зол ӧз висъяське. Егитъёс<br />
сцена вылын асэнызы тодматыны<br />
но быдэн одӥг номер<br />
дасяны кулэ вал. Ачим жюриын<br />
пуки. Туж секыт дунъяны<br />
вылэм. Ваньзылы тыршемзы<br />
понна «5» пуктыны дась вал.<br />
Номеръёс паймытӥзы.<br />
Тани Дэбес политехникумысь<br />
студентъёс асьсэ киынызы<br />
лэсьтэм гобеленъёсты<br />
адӟытӥзы, Байгурезь сярысь<br />
легендаез пуктӥзы. Нош Вавож<br />
ёросысь Гурезь-Пудга<br />
гуртысь Мария Садовниковалэн<br />
кырӟамезлэсь мугор<br />
ик юзыр-кезьыр луылӥз. Со,<br />
ачиз гитараен шудыса, Кузебай<br />
Гердлэн кылбурезъя<br />
гожтэм «Удмурт музъемлы»<br />
кырӟанэз быдэстӥз.<br />
Командаослэсь кужымзэс<br />
Обыда эскериз. Тол бабайлэн<br />
резиденцияз со аслэсьтыз<br />
хэштэг тусъем пытьыоссэ<br />
кельтылэм, егитъёс соосты<br />
утчаса бызьылӥзы. Капчиен<br />
ӧз сётӥськы, малы ке<br />
шуоно пыжись шунды улын,<br />
скакалкаен сямен, выж лёгет<br />
вамен тэтчано, пукыӵен<br />
ыбылӥськоно, йырез сынано<br />
вал.<br />
- Татчы лыктыкум, малпасько<br />
вал, тытын творчестволы,<br />
киужъёслы саклык<br />
висъяськоз шуыса, - вера Вавож<br />
ёросысь Выль Бия гуртысь<br />
Елена Тыбанова, - нош<br />
сомында бызьылоно луиз.<br />
Секыт ке но вал, мылкыдмы<br />
ӧз усьы, кӧймес ке но<br />
быдтӥмы шуыса, серекъямы.<br />
Вуоно аре но лыктыны<br />
малпаськомы на.<br />
Котьку сямен туж тунсыко<br />
вал «Кык дыдыкъёс» вожвылъяськонэз<br />
учкыны. Абдрано,<br />
кызьы нылъёс карнанэн<br />
ву нулло, черсо, пиос пу<br />
пильыло, ӟус лэсьто, кожалод,<br />
таос быдэс нуналъёсын<br />
гурт котыразы ужало шуыса.<br />
Шаркан ёросысь Мишкиноысь<br />
Ева Ложкина но Да-<br />
«Кык дыдыкъёс» ӵошатсконын<br />
нылъёс черсӥськизы.<br />
ниил Перевозчиков асьсэдыс<br />
умой возьматӥзы - вормисьёс<br />
луизы.<br />
Нош командаос пӧлын<br />
1-тӥ инты понна зол вожвылъяськон<br />
пуромиз: Шаркан<br />
ёросысь Кыква но Мувыр-Вишур<br />
гуртъёсысь<br />
егитъёс пумозяз одӥг мында<br />
балл люкаса мынӥзы, «Кык<br />
дыдыкъёс» ӵошатскон гинэ<br />
юрттӥз жюриослы вормисез<br />
бырйыны. Озьы 1-тӥ инты<br />
басьтӥзы Кыкваысь егитъёс.<br />
- Кылъёс но уд шедьты<br />
мылкыдмес вераны, - шуэ<br />
Кыква командаысь Светлана<br />
Ерёмина, - мынам сюлэмы<br />
интыысьтыз потыны<br />
дась вал ни! «Эруэ» 2-тӥзэ<br />
лыктӥ. Та шулдыръяськон<br />
бордаз кыске удмурт луэменыз,<br />
шумпотӥсько, кылмы<br />
егитъёс пӧлын улэ шуыса.<br />
Выль адямиосын тодматскыса,<br />
дырмес туж шулдыр<br />
ортчытӥмы.<br />
2-тӥ луиз Шаркан ёросысь<br />
ик Мувыр-Вишур гуртысь<br />
команда. Нош Татарстанысь<br />
Агрыз ёросысь Варклед-<br />
Бӧдьяысь егитъёс 3-тӥ инты<br />
басьтӥзы, ваньзэсты задор<br />
луэменызы синмаськытӥзы.<br />
- Мувыр-вишуръёс туж<br />
узыр программа дасяллям,<br />
- вера «Шунды» огазеяськонлэн<br />
тӧроез Алина Чернова,<br />
- туж бадӟым тау соослы<br />
«Эруэз» котьку но мыло-кыдо<br />
ортчытъямзы понна. Туннэ<br />
но быдэс гуртэн сямен<br />
юрттӥськыны лыктӥллям.<br />
Арысь аре «Эру» паськыта.<br />
Кылсярысь, туэ татчы<br />
пыриськизы Дэбесысь, Эграысь,<br />
Шарканысь, Вавожысь,<br />
Киясаысь, Глазовысь, Татарстанысь<br />
егитъёс. Учкисьёслэн<br />
но лыдзы будӥз. Нош<br />
кӧня меда муртэз пумиталоз<br />
вуоноез «Эру»?<br />
Туспуктӥз Ксения КОНДРАТЬЕВА<br />
«ШУДКАР»<br />
Кылэз волято шудонъёс пыр<br />
Елена РЯБИНА<br />
3-тӥысен 8-тӥ пӧсьтолэзёзь Дэриын удмурт дышетскисьёс<br />
понна «Шудкар» элькун лагерь ортчиз.<br />
Туэ со радъяськиз «Инме укно» калыккуспо фестиваль<br />
улсын.<br />
Таяз арын «Шудкар» 5-тӥзэ радъяськиз ини. Азьвыл сямен<br />
ик, ортчытӥз сое «Шунды» огазеяськонлэн Дэри ёросысь<br />
ёзэз элькунысьтымы Мугорез кыдатон культурая, спортъя<br />
но егитъёсын ужан политикая министерство юрттэмъя<br />
Дэри шор ёзо школаын.<br />
- 2018-тӥ ар кунамы волонтёръёслы сӥземын, соин ми<br />
но малпамы лагерьмылэсь тазэ сменазэ волонтёрствоен<br />
герӟаны, - вера «Шудкар» лагерез радъясь, «Шундысиос»<br />
движениез кылдытӥсь Наталья Казакова. - Нош сменамы<br />
ӵапак «Инме укно» фестивален огвакытэ тупаз бере,<br />
пиналъёсмы отын асьсэды волонтёр чотын эскерыны но<br />
вуттӥзы: юрттӥзы палэнысь лыктэм куноослы кылдэм шугсекытъёссэс<br />
сэрттыны.<br />
Таяз радэ сменаын шутэтскизы Алнаш, Дэри, Дэбес но<br />
Пичи Пурга ёросъёсысь пиналъёс.<br />
- Уноез 8-тӥ-11-тӥ классъёсын дышетскисьёс вал, озьы<br />
ке но самой пичиезлы 9 арес гинэ ай, со лыктӥз Алнаш ёросысь<br />
Ӟатчалась апайёсыныз ӵош, - вера лагерьысь воспитатель<br />
Лариса Светлакова. - «Шудкаре» сюрон вылысь конкурс<br />
ортчытӥське. Туэ лагере шедён понна пиналъёс кулэ<br />
вал асьсэлэн яратоно ужъёссы, творчествозы сярысь ивортыны<br />
но «Дэри эбек» темая суред лэзьыны. Лагере кутӥмы 25-<br />
сэ гинэ.<br />
Смена ӵоже нылпиосын ужазы воспитательёс но вожатойёс.<br />
Соос тыршизы нуналъёссэс тунсыко но пайдаё карыны.<br />
- Мон туэ «Шудкаре» вожатой луыса 3-тӥзэ вуылӥ ни, -<br />
вера Дэри ёросысь Пыӵанка гуртысь Ксения Кондратьева.<br />
- Нырысьсэ ветлыкум ик, туж кельшиз. Ачим школаын дышетскыкум<br />
ай, ваньмаз сямен удмурт ужрадъёсы пыриськисько<br />
вал. Выжыосыя мон удмурт, но анай кылыным уродгес<br />
вераськисько.<br />
Лагерь ӵоже пиналъёс трос тунсыкозэ лэсьтыса вуттӥзы:<br />
волонтёрлэн ужез сярысь трос выльзэ тодӥзы, «Инме укно»<br />
фестивале лыктэмъёслы возьматон вылысь флешмоб но<br />
кӧня ке кырӟанъёс дасязы, Вера Трефилова блогерен пумиськизы,<br />
Дарали Лели дизайнерлэн дэремъёсыныз мода<br />
возьматӥзы, комической футболэн но мукет шудонъёсын<br />
шудӥзы, басмаослэсь Дэрилэсь символзэ - эбекъёсты - но<br />
ӟичыосты вурыны дышетскизы, Дэриысь шор ёзо школалэсь<br />
улӥ люкетсэ удмурт пужыосын чеберъязы. Со сяна, пиналъёс<br />
понна тунсыко экскурсиос радъяськизы. Кылсярысь, тодматскизы<br />
Дэри черкогуртэн, соку ик тубазы черклэн гырлы<br />
шуккон интыяз. Вуылӥзы Дэри школаысь музее, нош бӧрысь<br />
- Иже Г. Красильниковлэн музей-квартираяз. Отын тодӥзы<br />
писательлэсь улон сюрессэ. Туэ 7-тӥ пӧсьтолэзе удмурт писательлы<br />
90 арес тырмысал.<br />
- Мон туэ «Шудкар» лагере 3-тӥзэ вуылӥ ни, - вера Пичи<br />
Пургалась Николай Гурьянов. - Нырысьсэ ветлыкум, трос<br />
выль адямиосын тодматски вал, собере соосын адӟиськон<br />
вылысь но лыктэме потӥз ни. Ми татын выль шудонъёс,<br />
вожвылъяськонъёс тодӥськом, собере соосты школаямы но<br />
ортчытыны быгатӥськом. Со сяна, татын удмурт кылмес<br />
волятӥськом, уго дорын куспамы ӟученгес вераськиськом,<br />
ваньзэ валаськом ке но. Удмурт кылмес поттӥськом удмурт<br />
кылъя урокъёсын гинэ.<br />
Радъясьёс оско, «Шудкар» азьланяз но ортчылоз но паськыталоз<br />
шуыса. Соос доразы возьмало мукет ёросъёсысь но<br />
пиналъёсты.<br />
Дэрие «Шудкар» лагере 4 ёросъёсысь<br />
пиналъёс люкаськизы.
Change language