ud#72 (25687)

№ 72 (25687)
2018-тӥ ар 25-тӥ куарусён 5
МЫЛКЫДЪЁС
ЙЫЛПУМЪЯНЪЁС
Кинъёс ми?
«Шундыкарчиос»!
Лана Боброва,
«Журналистика» отряд:
Ольга Танаева,
«Шундыкаре» ветлэм
нылпилэн анаез:
- Пиналъёсы таяз аре нырысьсэ
«Тулкыме» но «Шундыкаре»
вуылӥзы. Кышкай
вал, соослы уз кельшы шуыса,
ӟучомемынэсь воксё. Нош
соослы туж яраз!
Нылы ялан бӧрдэ на,
«Шундыкарез» тодаз вайыса,
дорын удмурт кырӟанъёсты
кырӟа, гитараен но флейтаен
шудыны дышетскеме,
пе, потэ. Туж пайдаё уж нуо
«шундыос». Кӧня ке пайми
но туж шумпотӥ, пиналъёсылы
удмуртлык 10 нунал
ӵоже сыӵе юн пыӵатыны
- Лагерь туж ӝог ортчиз.
Быдэс гужем ӵоже
«Шундыкар» кадь тунсыкоез
номыр ӧй вал.
Зэм ик верало, «Шундыкар»
- со мукет дунне.
Котькуд адями «Шундыкарын»
кельтэ аслэсьтыз
пытьызэ.
Влад Волков,
«Театр» отряд:
- «Шундыкар». Та кыл
бугыртэ сюлэмез. Мон лагере
3 ар ӵоже ветлӥ.
Ӵошатоно ке, «Шундыкар-2018»
тужгес но яраз,
ми ваньмы одӥг бадӟым семья
кадь луимы.
Котькуд смена бере
эшъёсынымы вотэсын
вераськиськомы. Но
туэ «Шундыкар», кызьы
огъя луыса кутскиз,
озьы ик йылпумъяськиз
но. Мыным туж кельшиз
ӧнерчиослэн «отрядзы».
Никита Соприн,
«Туспуктон» отряд:
- Туэ мон нырысьсэ
вуылӥ «Шундыкар» лагере.
«Мар со сыӵе «Шундыкар»?»
юасалзы ке, мон верасал:
со аспӧртэм инты, кытын
пӧртэм удысъёсъя трос
тодон-валан басьтыны луэ.
Котькуд нунал кутске вожатойёслэн
гитара улсын сайкатэменызы
но мугорез кыдатонэн.
Валтӥсь вожатой
Алина Крестьянинова котькуд
ӵукна ортчем нуналлы
йылпумъянъёс лэсьтэ: тужгес
но усто нылпилы наклейкаос
кузьма, нош тужгес но
усто отрядъёслы 100 шундыкоин
сётэ. Тон сылӥськод тулкымъяськыса,
малы ке шуоно
возьмаськод аслэсьтыд
нимдэ. Малпаськод: «Али
монэ вералозы, пото сыӵе
крутой но басьто наклейка.
Нош лагерь йылпумъяськем
бере мыным кыӵе ке кузьым
сётозы». Ӧз удалты. Но мы-
нам мылкыды ӧз усьы, угось
тужгес бадӟым кузьым -
«Шундыкаре» вуылэме.
Туспуктылыны дышетскон
тужгес но тунсыкоез,
дыр, вал, угось мон отчы
шумпотыса ветлӥ, та удысэз
рос-прос валаны кутски.
Ужрадъёс пӧлысь тужгес
но вунонтэмез вал Вероника
Ваулиналэн «Самой быжтэм
парсь» шудонэз. Отын уг луы
серекъятэк! Со шудонэз кылыса
но адӟыса гинэ валалоды,
кин со сыӵе «быжтэм парсь».
Мынам сюлэмы...
Лэсьтӥз Пелагея КУЛИКОВСКАЯ
ИЗЬЫКУ
КРЕЗЬГУР
КЫЛЗЫКУ
«ШУНДЫКАРЫСЬ»
БЕРТЫКУ
быгатӥллям шуыса. Пиналъёслы
туж кельшиллям удмурт
шудонъёс, сюан но армие
келян сям-йылолъёс.
Али ик кыкназы дась толалтэ
«Вамыше» мыныны!
Тау вань радъясьёслы
лагерьёсты сыӵе быгатыса
ортчытъямзы понна!
Нылпиослэн малпаськонзы
воштӥське, соос мукет синмын
учко вордскем кылзы,
лулчеберетсы шоры. Со туж
дуно.
Люкиськон дыръя мон
бӧрдӥ, матысь адямиосын
люкиськисько шуыса.
Одӥг смена куспын сомында
серемес учыръёс
кылдылӥзы, али но серекъяса
пукисько. Тодэ
ваёнъёс табере быдэс
арлы тырмозы. Тау «Шундыкарлы»
соос понна.
Соос, пиналъёс сямен ик,
пыриськизы вань ужрадъёсы.
Нош ваньмыз та ӧй
пӧрмысал милям яратоно
вожатойёсмытэк. Соос кусыпъёсмес
шуныт каризы,
яратон-гажан пыӵатӥзы.
Мон одно ик татчы вожатой
луыса берытскыны
тыршо, малы ке шуоно
«Шундыкар» - со висён:
одӥг пол лякиськыса, тонэ
ноку уз лэзьы ни.
Но тужгес но вунонтэмез
изьыны выдэм бере кутске.
Тынад иземед уг луы но тон
мынӥськод пастаен зыраськыны.
Шӧдтэк шорысь тонэ сменалэн
кивалтӥсез Алина Чернова
кутэ. Тышкаське, кызьы
сотэк, но ми тодӥськомы, со
милемыз яратыса гинэ озьы.
Берпуметӥ нуналаз отрядъёслэн
йылпумъян концертъёссы
вал. Люкиськон
ӝыт тодам кылёз милям но
вожатойёслэн синвуосынызы.
Ваньзы бӧрдӥзы ук!
Туспуктӥз Григорий СТЕПАНОВ
«Шудком» - «Шундылэн» огез
адӟымон проектэз.
Шудон вылын будон
Алина ЧЕРНОВА,
«Шунды» огазеяськонлэн тӧроез
2016-тӥ арын ми, выль правление, «Шунды» огазеяськонлэн
историяз выль бамез усьтӥмы. 2 ар
куспын ужаммылы йылпумъянъёс лэсьтысал.
Пӧртэм калыкъёсын но огазеяськонъёсын юн кусып возиськомы.
Россиысь немецъёслэн «Югендхайм» огазеяськонэнызы
ӵош «Всё дело в точках» ужрад ортчытӥмы. Ӟуч
кылысь 2 кырӟанэз удмурт но немец кылъёсы берыктӥмы.
Туж ненег гуръёс пӧрмизы.
Егитъёс пӧлын паськыт вӧлмиз «Коми мафия» шудон.
Соин шудӥзы «Вамыш», «Шундыкар» лагерьёсын
но, Удмурт кун университетын но. Нош ЛИФТ штабын,
ваньзэс огазеяса, бадӟым «Коми мафия» вожвылъяськон
ортчытӥмы.
Калыккуспо проектъёсын ӵош азьланьтӥськизы «Шудком»
удмурт визьбур клублэн шудонъёсыз. Данъяськымон,
выль интыын трос но трос шудӥсьёс люкаськыны кутскизы,
выль юрттӥсьёс кылдӥзы. Туж тунсыко вал юанъёсты берыктон
бордын ужаны. Кин ке курлаз, дыр, но тросэз-а тодэ,
кызьы соосты, пӧртэм адямиосын кенешыса, трос егитъёс
вылын эскерыса гинэ, «Шудком» шудонэ поттӥськомы.
Милемыз ёросъёсы ӵем ӧтьылӥзы. Выль правлениен
вуылӥмы Дэри, Грак, Можга, Алнаш, Ува, Дэбес, Кияса
но Сарапул ёросъёсы. Адӟиськиз, пумиськонъёсмы пайдаё
вал шуыса, нылпиос огазеяськонлэн уженыз тросгес тунсыкъяськыны
кутскизы. Шумпотымон, Ижкарысь медициная
академиын «Шунды» огазеяськонлэн ёзэтэз кылдӥз.
Трос ужрадъёс радъяны юрттӥським. Соос пӧлын «Вместе»
проект, удмурт нылпиослы Выль ар. «Шундылэн» ёзчиосыз
нырысетӥ фин-угор экспедицие но мыло-кыдо пыриськизы.
Ми юн герӟет возиськомы вань удмуртъёслэн «Удмурт
Кенеш» огазеяськонэнызы. Со шоры учкыса, ми
будӥськомы но дышетскиськомы. Ӵошен ортчытӥмы
егитъёслы «Удмурт-а мон?!» форум. Татын ёросъёсысь
усто проектъёсты синйылтӥмы.
Та ужрадъёсмы ӧй пӧрмысалзы Йӧскалык политикая
министерстволэн юрттэмезтэк. Татысь экспертъёсын ӵош
кылдӥз «Шудком: шудыса дышетӥськом» проект. Со Президентлэн
грантъёсъя фондысьтыз коньдон утӥз. Проект
удмурт нылпиослы чакламын.
Трос шуг-секытъёс пыр потыса, ми быгатӥмы «Шундыкар»
сменаез гижысь-пиньысь радъяны. Ог-огмес валаса,
валче ужаммес нылпиос но шӧдӥзы, дыр.
Ортчем 2 ар куспын мар гинэ ӧй вал - ваньзэ вераса
уд быдты. Трос лэсьтэмын. Кин ке курлаз, нош кин ке
ушъяз - котькуд адямилэн аслаз учконэз, озьы ик луыны
кулэ. Мон шумпотӥсько, вӧзам оскымон адямиос вань
шуыса. Соосын капчи ужаны, шуг-секытъёсты вормыны.
Ми оскиськомы, «Шунды» огазеяськон будоз по паськыталоз.