Create successful ePaper yourself
Turn your PDF publications into a flip-book with our unique Google optimized e-Paper software.
инГОЖ<br />
№ 87 (<strong>25702</strong>)<br />
7<br />
2018-тӥ ар 20-тӥ шуркынмон<br />
УЛЬФАТ БАДРЕТДИНОВ<br />
Новеллаос<br />
Пунысюл<br />
Музъем вылэ мычиськыса,<br />
пунысюл котырак утчаськиз<br />
но вӧзысьтыз картофка<br />
модосэз синйылтӥз. «Мон огнам<br />
вылӥе ӝутскыны уг быгаты»,<br />
- малпаз со ас понназ.<br />
Та сярысь кытысь тодэ, ачиз<br />
но валэктыны уз быгаты.<br />
Оло, анай-атаез, ӵыжывыжыосыз<br />
вераллязы вал?<br />
- Тон вӧзы кариськыны<br />
яралоз-а? - картофка модослэсь<br />
шыпытак юаз пунысюл.<br />
Соиз кылымтэ улсы кариськиз<br />
яке бускеленыз вераськемез<br />
ӧз поты-а? Зэмзэ<br />
ке, картофка модос кылӥз<br />
пунысюллэсь вазиськемзэ,<br />
но ас понназ тазьы малпаз:<br />
«Тыныд, жаг турынлы, адямиос<br />
бордам биниськыны<br />
эрик уз сётэ».<br />
Улон кинлэн-малэн ке<br />
малпамезъя гинэ уг мыны.<br />
Бакчаын вань будосъёслы<br />
будыны эрик сётэмын вал.<br />
Йӧны но йырзэ ӝутӥз, вожпот<br />
но аляны ӧдъяз. Картофка<br />
модосэ бинялскыса, пунысюл<br />
вылӥе ӝутскиз, бускелезлэсь<br />
но ӝужытгес луиз.<br />
Со гинэ ӧз тырмы на: пунысюл<br />
вань нылпиоссэ, ӵыжывыжыоссэ<br />
ас дораз ӧтиз.<br />
Ваньзы соос гозы выллем<br />
Ульфат БАДРЕТДИНОВ - Россиысь<br />
Писательёслэн огазеяськонзылэн<br />
ёзчиез<br />
Туспуктӥз Максим ЕГОРОВ<br />
пунӥськизы. Картофкалэсь<br />
вазьгес сяськаоссэс усьтӥзы…<br />
Картофка модос кема<br />
возьмаз адямилэсь лыктэмзэ,<br />
пунысюлэз ишкемзэ.<br />
Тани со вуиз школаын дышетскись<br />
пиеныз ӵош.<br />
- Картофка модосэз турнано,<br />
- пиезлы вазиськиз кышномурт.<br />
- Пунысюлэз нимаз кароно,<br />
пудоез сюдыны яралоз.<br />
- Нош картофка модосэз? -<br />
паймыса юаз пияш.<br />
- Куасьтом но сутом…<br />
Выжы<br />
Кызьпу арамаысь писпуослэн<br />
тӧдьы буёлзы синъёсыз<br />
бордаз кыске. Отын пеймыт<br />
куазен но югыт. Писпуослэн<br />
нап но баблес йырсиоссы<br />
пӧсь шунды тылсиослэсь<br />
утё ненег мугоръёссэс.<br />
Кызьпуос пӧлын пичигес<br />
гинэ одӥг кыз будэ. Паймыса<br />
учке со котырысьтыз писпуос<br />
шоры. Кызьпуос, куаръёсынызы<br />
шильыртыса, куспазы<br />
маке но верасько. Кыз соосты<br />
сак кылзэ ке но, номырзэ<br />
уг вала. Шораз учкись но ӧвӧл.<br />
Лысо писпулы мӧзмыт луыны<br />
кутскиз. «Малы мон татын<br />
будӥсько? Кин мынэсьтым веранме<br />
валалоз? Кытын мынам<br />
анае но атае, ӵыжы-выжыосы?<br />
Малы мынам мугоры чебер<br />
ӧвӧл?» - нуналлы быдэ сямен<br />
пичи кызэз олокыӵе но юанъёс<br />
сюлэмшугъяськытылӥзы.<br />
Одӥг пол кыз ас туссэ воштыны<br />
малпаз. Лысъёсыз<br />
вылэ кызьпу куаръёсты<br />
ошылӥз, мугорзэ тӧдьы буёлэн<br />
буяз. Кыдёкысен учкыса,<br />
сое кызьпу ик кожалод. Вӧзаз<br />
будӥсь ӝужыт кызьпуос шораз<br />
мыньпотыса учкизы, номыр ӧз<br />
шуэ. Кыз пумен валаны кутскиз<br />
бускельёсызлэсь вераськемзэс<br />
но. Нюлэсчи Миквор<br />
агай кызьпуос пӧлын<br />
будӥсь кызэз кемаласьгес<br />
синйылтӥз ни вал. Одӥг нуналэ<br />
мӧйы пиосмурт нош ик<br />
со доры лыктӥз. Учке но ас<br />
синъёсызлы уг оскы: азяз -<br />
кызьпулы укшась писпу.<br />
- Мусо кыз, мар-о тон<br />
дауртӥд? - шара юамзэ ик ӧз<br />
шӧды Миквор агай.<br />
- Мон кыз сямен уг валаськы,<br />
- шыпытак шуиз кыз.<br />
- Тон кызьпу-а, мар-а?<br />
Нюлэсчилэн юамезлы кыз<br />
номыр ӧз вера, вайёсыныз<br />
гинэ выретӥз. Миквор агай,<br />
кыз вӧзы матэктыса, лякылэм<br />
куаръёссэ, тӧдьмам модоссэ<br />
эскериз. Одӥг интыяз<br />
кӧня ке сылэмез бере писпу<br />
котыртӥ котырскиз.<br />
- Мон тон доры, кыз доры<br />
шуыса, лыктӥсько вал, -<br />
мӧзмыт куараен вазиськиз<br />
покчи писпулы нюлэсчи. -<br />
Нош тынад кыз луэмед уг<br />
поты, шӧдске. Тодӥськод-а,<br />
уд-а - выжыез уд вошты. Тынад<br />
но выжыед азьвылэз ик.<br />
Мугор пушкытӥд али но кызлэн<br />
сурсвуэз-вирез ветлэ. Тӥни<br />
вайёсад выль лысъёс потыны<br />
кутскиллям ни…<br />
Пересь… мон<br />
Монэ нош ик тулыс сайкатӥз.<br />
Шуныт киосыныз-тылсиосыныз<br />
со быдэс мугортӥм<br />
ортчиз. Небытак маяллямезлэсь<br />
каньылак луоно, улэм<br />
потыны кутске. Нош сӥзьыл<br />
(кӧня пол ни!) кӧлыны выдыкум,<br />
выльысь сайкан сярысь<br />
малпаськеме ик уг поты. Ортчем<br />
аръёс монэ зӥбо но зӥбо.<br />
Соослэн бервылзы - мугорам<br />
суредаса кельтэм кульчоос. Тямыстон<br />
кульчоос пӧлысь огогзылы<br />
тупасьсэ уд шедьтэ,<br />
ява. Аръёс пӧртэмесь луо угось.<br />
Адямиос монэ пинал<br />
дыръям ик сӧсыртӥзы. Вирме<br />
(сурсву шуо, лэся) юон<br />
понна соос мугорме тӥрен коразы.<br />
Ой, кӧня курадӟи соку!<br />
Бурмонэлы осконэ ик быре<br />
ни вал. Котырам эшъёсы ӧй<br />
луысалзы ке, озьы ик куасьмысал-бырысал,<br />
дыр.<br />
Азьланьын уката секыт<br />
адӟон возьма вылэм монэ.<br />
Одӥг гужем нуналэ дуно<br />
но яратоно эшъёсме ваньзэс<br />
ик пыд йылысьтызы<br />
уськытӥзы. Кинъёс, шуоды?<br />
Адямиос ик. Погыртэм эшъёсылэсь<br />
суйёссэс-вайёссэс<br />
тӥязы-коразы но, вал уробоязы<br />
тырыса, азьпала кошкизы.<br />
Нош мугоръёссэс озьы ик<br />
музъем вылэ кельтӥзы. Мон<br />
зар бӧрдӥсько, синкылиосы<br />
шапыр вияло. «Тӥ интые,<br />
монэ мед ӵогысалзы! Малы<br />
монэ улэп кельтӥзы? Мыным,<br />
сӧсыр кызьпулы, мар<br />
улонэз на?!» - кесяськисько<br />
нюлэс тыр. Нош эшъёсы чалмыт<br />
кыллё, ваземзы уг луы.<br />
Аръёс ортчыса, соос мынам<br />
син азям сисьмыса быризы.<br />
Мон кыли огнам. Бен, котырам<br />
мукет писпуос вань.<br />
Тӥни пужымъёс ӵошатскыса<br />
ик будо, асьсэос пиналэсь ке<br />
но, мынэсьтым ӝужытэсь.<br />
Монэ воксё ӝокато ни. Мыным<br />
мӧзмыт. Мылкыдме валасьёс<br />
ӧвӧл.<br />
Кык ар талэсь азьло мыным<br />
олокыӵе висён аляз.<br />
Суйёсы-вайёсы чигылыса<br />
усьылыны ӧдъязы. Ӝоген<br />
воксё гольык кылё, дыр. Ма<br />
каром на? Пересь ни мон. Пересьмон<br />
вуиз. Тӥ шуиськоды:<br />
«Пинал азьланезлы оске,<br />
пересь ортчемзэ тодаз вае».<br />
Мыным но ортчемез гинэ<br />
тодэ лыктэ на… Пулы ке но<br />
яралоз шуыса, монэ но мед<br />
погыртысалзы ни…<br />
ЛЫДӞЕ НЫЛПИОСЫН ӴОШ<br />
Ушъяськись Фонарь<br />
Валентина ВАСИЛЬЕВА<br />
Улэм-вылэм Фонарь. Со,<br />
возьмаськись пуныос музэн,<br />
лумбыт изьылӥз, нош уйин,<br />
вань калык кӧлыку, ужалляз.<br />
Нуналысь нуналэ озьы<br />
ик улӥз.<br />
Одӥг пол кылэм Фонарь<br />
таӵе вераськонэз:<br />
- Кин ке визьмоез ӝуатэм<br />
татчы фонарь. Кыӵе югыт,<br />
кыӵе умой - ваньмыз<br />
адӟиське.<br />
- Бен, таӵе нӧдэн кытчы<br />
ке усьысал ке, парсь музэн<br />
наштаськысал.<br />
Та дырысен кутскем ук,<br />
пе, Фонарь данъяськыны.<br />
Чиданэз ӧвӧл - кин азьын<br />
ушъяськоно. Ульчаын чалчал,<br />
писпуос гинэ каллен<br />
шыпыртыса сыло.<br />
Одӥг пол адӟем Фонарь<br />
инмысь югыт Толэзез.<br />
Ӝутэм йырзэ но кутскем ук,<br />
пе, кесяськыны:<br />
- Эй, Толэзь! Инмысь Толэзь!<br />
Васькы улӥегес, мон<br />
тыныд маке но верало!<br />
Васькем Толэзь дораз но юа:<br />
- Малы сыӵе ӵашетӥськод?<br />
Вань калыкез озьы сайкатод.<br />
- Калык, лумбыт ужаса,<br />
туж жадемын, чысчыс<br />
изе. Ойдо ми тонэныд<br />
ӵошатском: кин кемагес но<br />
югытгес ӝуалоз.<br />
- Кытын тыныд монэ<br />
вормыны? Мон вань дуннеез<br />
котыръясько, ваньзэ<br />
югдытӥсько, нош тон пыд<br />
улдэ гинэ адӟиськод.<br />
- Извините, - шуэм Фонарь.<br />
- Адӟом, кин кинэ вормоз.<br />
Озьы ик, пе, кариллям. Уйбыт,<br />
пе, ужало - дуннеез югыт<br />
каро. Ӵукна пал ӧвӧл чидам<br />
Фонарь, нош ик кутскем ушъяськыны:<br />
- Да-а, кыӵе мон усто ужасько,<br />
ноку уг жадьылӥськы.<br />
- Бен, - вазем пумитаз Толэзь.<br />
- Мон но весь тыршисько.<br />
Калык изе, нош ми ужаськом,<br />
нош куатаським ке, улозы<br />
тём-тём пеймытын.<br />
Оло кин ке вераськемзэс<br />
кылзыны жадем, оло эшшо<br />
маке, но… Фонарез шлач!<br />
кысӥллям, нош югыт Толэзез<br />
Горд Шунды уллям.<br />
Вуэм ӵукна. Пиналъёс, Фонарь<br />
дорын тупен шудыкузы,<br />
лампазэ пилиллям. Куректэ<br />
Фонарь: нокинлы со табере<br />
кулэ ӧвӧл, нокин сое уг ӝуаты.<br />
Уйин дораз Толэзь вуэм:<br />
- Мар-о туннэ чус пукиськод?<br />
Яке толон-а сокем жадид?<br />
- Серекъя, серекъя. Мон<br />
азьло малпалляй, быдэс дуннеез<br />
югыт карисько шуыса,<br />
нош югыт каре вылэм пичи<br />
лампочка. Сое туннэ кыӵе ке<br />
укылтэм пияш сӧриз. Паймоно:<br />
лампочка ноку ӧз ушъяськылы,<br />
аслэсьтыз ужзэ быдэсъяз<br />
но быдэсъяз. Туж курыт<br />
мыным али, бӧрдэме ик<br />
потэ.<br />
Фонарь табере тӧло уйёсы<br />
жон! вазе. Озьы, пе, со татчыозь<br />
курекъяське на.<br />
Куинь эшъёс<br />
Пумиськиллям куинь<br />
эшъёс: Зор Шапык, Лымы<br />
Пыры, Шундыпи но кутскиллям<br />
ук шудыны! Зор<br />
Шапык уллань-выллань<br />
тэтча, Лымы Пыры шуласа<br />
берга, Шундыпи тылын<br />
шудэ. Паймем Инкуазь песянай<br />
но шуэм соослы:<br />
- Ма луиз тӥледын, пичи<br />
юрттӥсьёсы? Радзэ сураллямды<br />
ук тӥ. Кин бӧрсьы<br />
кин музъем вылэ мынэ? Кин<br />
кыӵе ужез быдэстэ?<br />
- Ми ӧм вунэтэ. Милям<br />
ӵош шудэммы потэ. Оген<br />
отын туж мӧзмыт.<br />
- Шулдыръяське инмын.<br />
Нош дырды вуиз ке, бӧрсьысь<br />
бӧрсе ваське адямиос доры:<br />
азьло тон, Зор Шапык, васькы,<br />
собере тон, Лымы Пыры,<br />
собере гинэ тон, Шундыпи,<br />
тон отын кемагес пукод -<br />
музъемез шунтод. Валады-а?<br />
- Валам, Инкуазь песянай!<br />
Пиналъёс, Зор Шапык,<br />
Лымы Пыры, Шундыпи<br />
- кинъёслэн со нылпиоссы?
Change language