Create successful ePaper yourself
Turn your PDF publications into a flip-book with our unique Google optimized e-Paper software.
22<br />
Книги<br />
(Не)задолжителна летна<br />
лектира<br />
За да успее во својата „мисија“ и да го „оправда“ заземеното<br />
место во куферот, книгата треба да биде внимателно одбрана<br />
и сосем, сосем по ваша мерка...<br />
Книгите не треба да се подведуваат под<br />
модни трендови, зашто тие не се „модерна<br />
боја за оваа сезона“, шик модел за на<br />
плажа, ниту нешто што мора да се понесе на<br />
патување. Тие не треба само да се покажат<br />
или да пополнат „време“ од една до друга<br />
испланирана активност, туку, ако веќе<br />
сте решиле да бидат дел од вашиот летен<br />
багаж, дајте им можност да ви ги надополнат<br />
задоволството, впечатокот, чувството, да го<br />
облагородат вашиот престој на определеното<br />
место до тој степен што секогаш кога ќе се<br />
сетите на омилената плажа, планина или<br />
шума, вистинскиот спомен да го оживеете<br />
потпомогнати од конкретниот наслов, од<br />
книгата со која сте го споделиле сето тоа.<br />
А, за да успее во својата „мисија“ и да го<br />
„оправда“ заземеното место во куферот,<br />
книгата треба да биде внимателно одбрана и<br />
сосем, сосем по ваша мерка...<br />
Низ книжарниците (или низ<br />
полиците на пријателите)<br />
Одамна се напуштени праволиниските<br />
сфаќања дека она што е читливо е уметнички<br />
невредно, а „тешкото, нечитливото“ е<br />
препознатлив белег на вистинската вредност.<br />
Идејата за „читливост“ на одредено дело,<br />
разгледувана уште од почетокот на 20 век и<br />
дефинирана како податливост на „текстот кон<br />
читателот“, многумина ја нарекуваат и „моќ за<br />
вртење на страниците“, читателска желба да<br />
се продолжи, дури и ако е време за спиење...<br />
Како и да е, читливоста останува низ времето<br />
како мерка на популарноста. Оценувањето,<br />
пак, на книгите е многу посложен процес од<br />
робувањето на стереотипите и предрасудите,<br />
затоа следете ја критиката, но следете се и<br />
себеси. Ако сакате љубовни романи – понесете<br />
токму таков, ако сакате – криминалистички или<br />
научнофантастични приказни – прошетајте<br />
низ книжарниците (или низ полиците на<br />
пријателите) и одберете наслов од тој жанр.<br />
Следете го својот сопствен вкус, зашто<br />
читањето за време на патување или на годишен<br />
одмор не треба да ве промени, туку да ви<br />
го збогати доживувањето. Заборавете на<br />
препораките од типот на тиражот, годината на<br />
издавање (блиска или далечна до годината<br />
на потенцијалното читање), на популарноста<br />
на насловот по медиумите, дури и на<br />
книжевните награди... Секогаш имате време<br />
да го проверите сопствениот вкус во однос на<br />
официјалните книжевни признанија, не мора<br />
тоа да го правите и на плажа. Попродуктивно<br />
ќе биде да послушате лична препорака<br />
од анонимен читател кому му верувате, со<br />
кого имате сроден (и потврден) книжевен<br />
сензибилитет, на пример.
Change language