You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
Македонска документаристика<br />
Од „Девојчето со хармоника”<br />
кон трите шивачки...<br />
По големиот интернационален успех на првиот документарен филм на<br />
Билјана Гарванлиева, драматург и режисер, нејзиниот нов филмски<br />
проект заслужува многу повеќе од најава...<br />
Македонската документаристика во минатото<br />
ги испиша своите ѕвездени мигови<br />
во домашната кинематографија, неретко<br />
освојувајќи многу награди на светските<br />
фестивали. По долгогодишно затишје, се<br />
појавија неколку интересни млади автори<br />
на документарци, кои ветуваат дека малку<br />
подзаборавениот жанр повторно ќе се<br />
врати на старите патеки. Најсветла точка<br />
меѓу нив е драматургот-режисер Билјана<br />
Гарванлиева, која, соочувајќи се со неможноста<br />
авторски да се реализира во<br />
сопствената држава, замина во Германија.<br />
Таа со прекрасниот документарен филм<br />
„Девојчето со хармоника” покажа и докажа<br />
дека Македонија е плодна почва за одлични<br />
филмски раскажувачи во најспецифичниот<br />
филмски жанр. Престижната германска награда<br />
„Златна Лола” е вистински доказ за тоа.<br />
Навраќање<br />
Клуб 360: Бидејќи Вашиот успех на<br />
филмските фестивали сиромашно одекна<br />
во медиумите во Македонија, би сакал на<br />
почетокот да им се претставите на поширокиот<br />
круг читатели на „Клуб 360” со една мала<br />
лична карта за вас.<br />
Б. Гарванлиева: Среќна мајка. Вљубена<br />
сопруга. Невработен драматург.<br />
Клуб 360: Колку сте задоволна од добиеното<br />
знаење на Факултетот за драмски уметности<br />
во Скопје? Колку тоа искуство ви помогна во<br />
понатамошната борба при туркањето одреден<br />
проект до крај?<br />
Б. Гарванлиева: Многу сум среќна што<br />
мојот професор Горан Стефановски<br />
несебично ми го пренесе своето знаење. И<br />
тоа првокласно знаење во драматургијата<br />
ми помогна со „Девојчето со хармоника” да<br />
ги освојам моите германски продуценти и<br />
уредници. Тие ги ставија двете раце в оган<br />
за автор кој знае драматургија, а никогаш<br />
во животот не снимил филм. Ме поддржаа<br />
со искусен и познат документаристички<br />
28<br />
тим. И не се покајаа. Тој спој се покажа како<br />
успешен рецепт.<br />
Од знаење до успех<br />
Клуб 360: Дали заминувањето на младите<br />
талентирани луѓе од Македонија е морален<br />
чин за спасување на сопствениот уметнички<br />
дигнитет, или едноставно се работи за<br />
егзистенцијален момент?<br />
Б. Гарванлиева: Се работи и за двата момента.<br />
Јас заминав зашто Македонија ми беше<br />
претесна, почна да ме задушува и да ми ја<br />
загадува креативната слобода. А и страшно се<br />
нервирав кога морав да молам за сопствените<br />
хонорари. Не сакав да бидам тезгаџика,<br />
сакав да бидам професионален драматург.<br />
Таа моја внатрешна драма беше и моја лична<br />
мотивација да го направам „Девојчето со<br />
хармоника”. Тоа е филм за мојата роднина<br />
Емилија, голем талент за хармоника, која сака<br />
да замине во странство, зашто не сака да биде<br />
кафеански свирач, туку концертен музичар.<br />
Клуб 360: „Девојчето со хармоника” постигна<br />
голем успех на фестивалите ширум светот.<br />
Што сè може да се наброи како придобивка од<br />
овој филм? Колку награди освои и колку врати<br />
отвори?<br />
Б. Гарванлиева: Да, филмот постигна голем<br />
успех и тоа како германски филм, а раскажува<br />
една македонска приказна. Освои пет<br />
награди и ги отвори вратите на најпрестижната<br />
филмска асоцијација „Герман Филмс“, која<br />
се погрижи за германската промоција на<br />
Берлиналето и во Кан. Таа организираше и<br />
шестмесечна кино-турнеја низ цела Германија<br />
со цел кратката документарна форма да го<br />
добие истиот третман како и играниот филм.<br />
Жалам само што македонското Министерство<br />
за култура никогаш не ја поддржа неговата<br />
промоција. Во Македонија дојдов на покана од<br />
Германската амбасада.<br />
„Златна Лола“<br />
Клуб 360: Вие сте единствената странска уметница<br />
која беше застапена на веб страницата на<br />
германската канцеларка Ангела Меркел. За<br />
што, всушност, се работеше? Ми се чини дека<br />
тоа се случи веднаш по добивањето на наградата<br />
за најдобар млад филмски уметник?<br />
Б. Гарванлиева: Германското министерство<br />
за култура го прогласи мојот филм за најдобар<br />
краток документарен филм во Германија.<br />
„Златна Лола” е највисоко рангирана