Sepedi - Department of Water Affairs and Forestry

More documents

Recommendations

Info

OLIFANTS RIVER WATER RESOURCES DEVELOPMENT PROJECT (ORWRDP) ENVIRONMENTAL IMPACT ASSESSMENT SUMMARY OF THE DRAFT ENVIRONMENTAL IMPACT REPORT Letamo le šišintšwego le tla ba le megato e mentši ya mošomo. Se se tla dumelela go tswakwa ga meetse bakeng sa go lokollwa ga megato ya mafelelo, gomme seo sa kgontšha gore meetse a thempheratšha e swanetšego le go ba gona ga oksitšene go lokollwe, gwa theoša mafelelo a meetse a megato ya mafelelo. 3.2 Go ba Mong Kgoro ya Ditaba tša Meetse le Dithokgwa e tla ba beng ba Letamo la De Hoop le sebopego sa kabo ya meetse a mantši a setšhaba. Gona bjale go sa dutše go rerišanwa ka dikgetho tša go šoma ga projeke magareng ga Kgoro le batšea-karolo bao ba sepelelanago. Provinsiale grens Plaas grens Plaasgedeelte grens Paaie Herbelynde pad P159-1 Riviere LIMPOPO PROVINSIE Beoogde nuwe dam op die plaas De Hoop Semanegi sa 1. Seswantšho se bontšha moo Letamo le le šišintšwego la De Hoop le tlago go agwa gona bokgoleng bja dikhilomithara tše 35 ka leboa la Steelpoort, go lebana le Noka ya Steelpoort. Tsela yeo e lego mo seswantšhong ke R555. Tsela e tla lokišwa. Letamo le šišintšwego Polaseng ya De Hoop, meetse ao a letetšwego gore a tla khupetša ge le tletše, go bontšhwa dipolase tše amegago, mebila le tsela e lokišitšwego Seswantšho 4. Mmapa wo o bontšha thulaganyo ya Letamo la De Hoop leo le šišintšwego, o bontšha mellwane ya diprofense le dipolasa gomme o bontšha mo tsela ya R555 e tla lokišwago gona. Tsela ye e tla lokišwa gape kgaufsi le mo go tlago go agwa letamo, ka thoko ya ka bodikela. 4 MPUMALANGA PROVINSIE Na
OLIFANTS RIVER WATER RESOURCES DEVELOPMENT PROJECT (ORWRDP) ENVIRONMENTAL IMPACT ASSESSMENT SUMMARY OF THE DRAFT ENVIRONMENTAL IMPACT REPORT 3.3 Sebopego sa kabo ya meetse ka bontši Sebopego sa setšhaba sa kabo ya meetse ka bontši se tla agwa bakeng sa go iša meetse a sa hlwekišwago (ao a sa tsenywago dihlare) mo a nyakegago gona, ka tsela e latelago: • Go agwa ga tsela ya diphaephe, diteišene tša go pompa meetse, go leka-lekanya matamo, dioftheike le matanka le ditsela tša diphaephe tše tlogago Letamong le šišintšwego la De Hoop go bapa le R37, go feta Moepo wa Atok, go fihla Letangwaneng la Olifantspoort. Go na le kgetho e nngwe bakeng sa karolo ya tsela ya phaephe magareng ga Letamo la De Hoop le toropo ya Steelpoort. Kgetho ye ke go lokollela meetse Nokeng ya Steelpoort gore a ntšhwe toropong ya Steelpoort. Ge eba kgetho ye e nngwe e kgethilwe, gona go tla nyakega letangwana le lengwe, seteišene sa go pompa le letamo la go ntšha ditšhila. Dikgetho ka bobedi tšeo di tlišitšwego di hlokometšwe ka gare ga EIA ye. • Go agwa ga lefapha le lenyenyane la tsela ya diphaephe go tloga Letamong la De Hoop go ya Jane Furse. • Go agwa ga tsela ya diphaephe, tše tswalanego le diteišene tša go pompa, go leka-lekanya matamo, oftheike le matanka go tloga Letamong la Flag Boshielo go ya ga Mokopane. Kabo ya meetse ditšhabeng • Kgoro ya Ditaba tša Meetse le Dithokgwa e ikarabela ka sebopego sa go aba ka bontši meetse a sa hlwekišwago (a sa tsenywago dihlare). Go hlwekiša le go aba meetse a manyenyane ke boikarabelo bja dipušo tša selegae. Kgoro ya Ditaba tša Meetse le Dithokgwa, gotee le mmušo wa profense, di nolofatša mananeo a kabo ya meetse a manyenyane ao a tsepantšwego le ORWRDP. Projeke e tla akaretša matanka ao dipušo tša selegae di tla kgonago go hwetša meetse bakeng sa go a hlwekiša le go abela malapa. • Gape, ka go dumelelana le Pholisi ya Meetse a Mahala ya Afrika Borwa, dikhilolitara tša mathomo tše 6 tša meetse go ya ka lapa ke tša mahala. Ka morago ga moo, badiriši ba swanetše go lefa bakeng sa meetse ao ba a dirišago. 3.3.1 Ditsela tša diphaephe Bogolo bjo bogolo bja phaephe e tla ba 1,4 m ka bogolo. Diphaephe di tla robatšwa ka gare melete yeo e nago le botebo bja dimithara tše 3.5 le dimithara tše 2.5 ka bophara bakeng sa diphaephe tše dikgolo go di feta ka moka. Ka kakaretšo, monabo o dumeletšwego o mogolo wa molete o bulegilego nako e nngwe le e nngwe ke 5 km. Melete e tla khupetšwa ge diphaephe di robaditšwe fase le go lekwa. Melete e tla khupetšwa ka tsela yeo ka yona e nago le sebopego sa go lekanela ka gare ga mabu a tlhago. Ke moka di tla khupetšwa ka mmu wa ka godimo le go epelwa. Go tla ba le dikampa tša go aga dintlheng tše fapa-fapanego go bapa le tsela ya diphaephe bakeng sa dintlo, diofisi, diwekešopo, le mafelo ao go tla bewago diphaephe, bj.bj. Maemo ka moka a tla beakanywa ka go dumelelana le mmasepala wa pušo ya selegae. Moo go kgonegago, ditsela tša diphaephe di tla latela ditsela tšeo di šetšego di le gona (bona mmapa Setswantšhong 3). Bohlanka bja mafelelo bja ditsela tša diphaephe e tla ba bophara bja dimithara tše 15, mo go sa dumelelwago meago le dihlare tše dikgolo e le bakeng sa go šireletša ditsela tša diphaephe, le go dumelela hlokomelo. Ditiragalo tšeo e sego tša nako e telele tše bjalo ka phulo di ka tšwela pele ka morago ga kago. Go tla nyakega bohlanka bjo bongwe bja nakwana bja dimithara tše 15 nakong ya kago. Se se ka bolela gore batho ba bangwe bao ba dulago kgauswi le tsela yeo ditsela tša diphaephe di tla bewago go yona ka go lebanya, ba ka swanelwa gore ba tlošwe, goba batho bao ba nago le leruo goba go fudiša diphoofolo tša bona ka go lebanya kgauswi le tsela ba ka se kgone go dira bjalo nakong ya go aga. Nakong ya ge melete e dutše e epša bakeng sa ditsela tša diphaephe, go tla dumelelwa go tsena ga nakwana, eupša ge melete e khupeditšwe, go tla bolokwa go tsena ga go ya go ile. Mo go nago le mabitla, a tla fedišwa ka go rerišana le ditšhaba le ka go ya ka melao ya naga. Go feta moo, go tla lokišetšwa EMP bakeng sa projeke yeo e šišintšwego. EMP e tla ba le ditaelo tšeo di swanetšego go kgomarelwa ke moemedi wa projeke le bašomi bao ba beilwego. Ditaelo tša bohlokwa di tla bolela ka polokego ya maloko a setšhaba le maruo a bona nakong ya kago. 5
Page 1 and 2: TEKANYETŠO YA GO AMEGA GA TIKOLOGO
Page 3 and 4: OLIFANTS RIVER WATER RESOURCES DEVE
Page 9: OLIFANTS RIVER WATER RESOURCES DEVE
Page 27: OLIFANTS RIVER WATER RESOURCES DEVE

Sepedi - Department of Water Affairs and Forestry

Create successful ePaper yourself

Delete template?

Save as template?