Sepedi - Department of Water Affairs and Forestry

More documents

Recommendations

Info

OLIFANTS RIVER WATER RESOURCES DEVELOPMENT PROJECT (ORWRDP) ENVIRONMENTAL IMPACT ASSESSMENT SUMMARY OF THE DRAFT ENVIRONMENTAL IMPACT REPORT Tefo Beng ba dišere bao ba ka amegago ka go lebanya ke ditsela tša diphaephe tšeo di šišintšwego le sebopego ba botšišitše ge eba go tla rerišanwa le bona ge nako e fihlile, kudukudu ka ge go ka ba le ditaba tšeo di lego mabapi le dinyakwa tša bohlanka le ditefo. Go bohlokwa go ela hloko gore seo ga se morero wa EIA go lekanyetša tefo. Beng ka moka ba poraebete go tla dirišanwa le bona ka go dumelelana le Molao wa Expropriation le gore naga yeo e lego ya mmušo go tla lebeletšanwa le yona go ya ka melao le melawana ya Kgoro ya Ditaba tša Mabu ka Balaodi ba Kgoro ya Ditaba tša Meetse le Dithokgwa: Ditaba tša Mabu. 3.3.2 Diteišene tša go pompa meetse Mo nakong ye go beakantšwe diteišene tša go pompa meetse tše šupa (bona Semanegi 2). Go tla ba le tše tharo tseleng ya Steelpoort-Olifantspoort le tše nne tseleng ya Flag Boshielo-Mokopane. Seteišene se sengwe le se sengwe se tla ba le legora la tšhireletšego leo le le nago le palomoka ya dihekthara tše 1 go ya go 2 go ya ka seteišene sa go pompa meetse, e bile se tla ba le dipompo tše kgolo. Go tlaleletša moo, go tla ba le matamo a go leka-lekanya (le tee bakeng sa seteišene se sengwe le se sengwe sa go pompa meetse) mo e ka bago seripa sa hekthara ka bogolo, e lego seo se bolelago, bogolo bja lebala la rugby. Badiriši ba bontši le bona ba tla abelwa ka dioftheike ka go lebanya go tšwa ditseleng tša diphaephe tša meetse. Kabo ya mohlagase 6 Semanegi sa 2. Seswantšho se bontšha moo Letamo le le šišintšwego la De Hoop le tlago go agwa gona bokgoleng bja dikhilomithara tše 35 ka leboa la Steelpoort, go lebana le Noka ya Steelpoort. Tsela yeo e lego mo seswantšhong ke R555. Tsela e tla lokišwa. Beng ba dišere ba bangwe ba bontšhitše go tshwenyega ka ge eba sebopego seo se lego gona sa mohlagase se lekane gore se ka rwala morwalo o oketšegilego wa diteišene tša go pompa meetse le sebopego se tswalanego. Kgoro ya Ditaba tša Meetse le Dithokgwa e dirišana le Eskom bakeng sa go rerišana ka ditaba tša kabo ya mohlagase. Bogolo bja EIA ye ga bo akaretše dithapo tše diswa tša mohlagase goba go tlošwa ga dithapo tša mogala tšeo di šetšego di le gona. Eskom e tla swanela go tšea EIA e fapanego bakeng sa dithapo tša yona tše sišintšwego tša go fetišetšwa ga mohlagase.
OLIFANTS RIVER WATER RESOURCES DEVELOPMENT PROJECT (ORWRDP) ENVIRONMENTAL IMPACT ASSESSMENT SUMMARY OF THE DRAFT ENVIRONMENTAL IMPACT REPORT 3.3.3 Matanka Maemo a matanka a lokišitšwe ka therišano ya kgauswi le dipušo tša selegae, ka go ela hloko dinyakwa tša seteginiki, bjalo ka dintlha tše phagamego tšeo go tšona letanka le ka kgonago go direla mmasepala le badiriši ba bangwe ba bontši bao ba ka nyakago meetse. Matanka gona bjale a šišinywa mafelong a latelago: • Letanka la Pruissen tseleng ya diphaephe e šišintšwego magareng ga Letamo la Flag Boshielo le Mokopane • Lebowakgomo • Mooihoek • De Hoop • Jane Furse. 3.4 Kago Semanegi 3. Ba pušo ya selegae ba tla kgona go epa le go hlwekiša meetse bakeng sa kabo ya ka lapeng go tšwa matankeng a swanago le le lego mo seswantšhong. Mesepelo ya Boto ya Mmušo ya Dithendara ya go dira kgopelo ya dithendara e tla latelwa bakeng sa go bewa ga bašomi ba konteraka. Kago e tla akaretša ditiragalo tše dintši, ka dikoloi tša go aga, didirišwa le batho ba lego setsheng, le go tlošwa mo gogolo ga dithokgwa mathomong. 3.4.1 Letamo le Šišintšwego la De Hoop Kago ya letamo e tla akaretša go agwa ga letamo le tsela ya go tšholla meetse. Gape go tla ba le kago ya kampa ya bodulo e lekanyeditšwego ka thokong ya bodikela kgauswi le setsha sa lebota se šišintšwego, go akaretša dintlo le ditirelo tše amegago tše bjalo ka ditsela tša ka gare, kabo ya meetse, kabo ya mohlagase, go hlwekiša ga meetse a ditšhila, go lahlwa mo go tiilego ga ditšhila, mafapha a tšhoganyetšo le mafelo a boitapološo. Go tlaleletša moo, diofisi, ditirelo (ditsela tša ka gare, kabo ya meetse, kabo ya mohlagase, go hlwekiša ga meetse a ditšhila, go lahlwa mo go tiilego ga ditšhila, mafapha a tšhoganyetšo le go hlokomelwa ga dilo tše kotsi), diwekeshopo, bohlapelo, mafelo a go boloka ka tsela e bolokegilego dithuthupišwa le sebopego sa poledišano di tla agwa setsheng sa letamo (kgauswi le kampa e lekanyeditšwego ya bodulo). Go tla nyakega gape le mafapha a go boloka dilo ka bontši le go ntšhwa ga makhura a dikoloi tša go aga, le mafelo a go šomela bakeng sa go paka setoko sa didirišwa tša go aga le go dirwa ga setsha le mošomo wa sehlopha (Semanegi 4) le dimela tša bitumen. 3.4.2 Go lokišwa ga tsela ya R555 ya profense Go bile le go rerišana go gogolo le beng ba dišere, e bile ka mo go kgethegilego le beng ba naga bao ba amegago ka go lebanya bakeng sa go netefatša gore matshwenyego a bona a elwa hloko. Beng ba dišere ba ile ba bontšha matshwenyego mabapi le go tsena dipolaseng tša bona nakong ya kago, go lokišwa ga ditsela tša go tsena, polokego le mafelelo a go lokišwa ga tirišo ya naga. EIA e šišinya gore go lokišwa ga tsela mo go swanetšego go tšwa ponong ya ekonomi, polokego ya sephete-phete le tikologo e tla ba ka lehlakoreng la ka bodikela bja letamo le šišintšwego (kgauswi le mothaladi wa mollwane ka mo go ka kgonegago). Kgetho ye e ile ya rerišanwa le beng ba dišere bao go nago le kgonagalo ya gore ba amege ka go lebanya megatong ya mafelelo ya mosepelo ya EIA. Nakong ya dikopano tša sehlopha, go ile gwa boledišanwa ka ditokišo tše dingwe tše dinyenyane tšeo go nago le kgonagalo ya gore di ame matshwenyego a batho. Tsela yeo e lokišwago e tla dula e le gona bakeng sa go ka dirišwa ke batho bohle e bile e tla hlokomelwa ke Mmušo wa Mpumalanga (Kgoro ya Ditsela le Dinamelwa). Tokišo ya tsela e ka se ame metse le ge ele efe. Lega go le bjalo, naga ya poraebete yeo e lego ya Tshehla Trust le batho ba bangwe bao e lego beng ba naga, ba tla amega. Kgoro ya Ditaba tša Meetse le Dithokgwa e lemoga mafelelo ao a bago gona nageng ya temo le go dikologa letamo e bile e tla dirišana le beng ba naga bao ba amegago ka ntle ga mosepelo wo wa EIA 7
Page 1 and 2: TEKANYETŠO YA GO AMEGA GA TIKOLOGO
Page 3 and 4: OLIFANTS RIVER WATER RESOURCES DEVE
Page 11: OLIFANTS RIVER WATER RESOURCES DEVE
Page 27: OLIFANTS RIVER WATER RESOURCES DEVE

Sepedi - Department of Water Affairs and Forestry

Create successful ePaper yourself

Delete template?

Save as template?